رواية معاناة أم
الفصل الثامن والتاسع
بقلم دنيا امام
بعد وصول اسلام وسلمي للڤيلا ينزل اسلام من السياره
ويفتح باب السياره لسلمي ويحملها ويدخل بها الي الڤيلا ويتجه لغرفه نومهم وتري سلمي حوائط الغرفه مليئه بصورها في اماكن مختلفه وتتحدث سلمي بذهول
سلمي: انت جبت الصور دي ازاي
اسلام بحب: تعرفي انا بحبك من وانتي لسه طفله ولما كبرتي كنت بخاف عليكي وكنت دايما وراكي في كل مكان كنت بخاف عليكي من نسمه الهوا وكنت باخد ليكي صور من غير ما تاخدي بالك كنت بحب ابتسامتك الحلوه بحب هزارك وخفه دمك وبحب اخلاقك الحسنه وروحك الجميله كنت كل مره باخد صوره ليكي بخبيها معايا علشان كان عندي إيمان بربنا انه هيحقق حلمي ويجمعني بيكي في يوم من الايام
سلمي: معقول وليد ولا مره دخل غرفتك وشاف الصور دي كلها
وليد: الصور دي كانت معايا بس مكنتش في الغرفه دي كانت في غرفه تانيه فاضيه مكنش فيها غير صورك وبس ولحد دلوقتي فيها صورك وامبارح نقلت شويه منهم هنا في غرفتنا تعالي معايا
سلمي: علي فين
اسلام: تعالي بس ويسحبها من ايديها ويذهب بها لغرفه من الغرف ويخرج المفتاح من جيب بنطاله ويفتح الغرفه ويمسك سلمي من ايديها ويدخلوا سويا الي الغرفه
سلمي بانبهار: الله يا اسلام الغرفه تجنن معقوله كميه الصور دي دا كتير اوي عليا
اسلام: انتي مفيش حاجه تكتر عليكي. ياسلمي دا انتي امنيتي الوحيده من الحياه انا مكنتش بطلب حاجه من ربنا غير انه يجمعني بيكي سلمي انا مش بس بحبك انا بعشقك
سلمي: اسلام انا كمان بحبك اوي ومن وانا صغيره كمان كنت دايما لما بتيجي علشان وليد كنت بحب اقعد معاكم علشان ارخم عليك بس انت كنت رخم ومش بترضي تبص ف وشي حتي
🔥 By Queen of Surprises Donia Emam🔥
اسلام: عارفه ليه
سلمي: ليه
اسلام: علشان لو نظرت لعيونك سحرها هيشدني ليها وهنسي وجود وليد معانا وكنت هسرح فيكي ومكنتش عايز اخسر صديق عمري كنت دايما عايز افاتحه في الموضوع بس خوفي من اني اخسره كان بيرعبني وكنت برجع في قراري واقول لا مش هخسر صديق عمري بس بردو مش هنساها وهفضل عايش علي ذكري ابتسامتها. بس لما حسيت انك بتكبري وممكن تروحي مني قررت اني املكك لاخر عمري وفاتحت وليد والحمد لله انك معايا دلوقتي ويشدها لحضنه ويضمها بقوه ويبعد عنها بعد دقائق " سلمي انا طول عمري باجي الغرفه دي وبتكلم مع صورك وقولت اول ماربنا يجمعني بيكي هنصلي اول ركعتين في الغرفه دي تعالي نروح غرفتنا غيري فستانك والبسي اسدال الصلاه وتعالي نصلي وانا هتوضي هنا ويميل عليها ويحملها ويذهب بها لغرفتهم
سلمي: طيب هتوضي ونصلي
اسلام: وانا هغير هدومي هناك وهستناكي ويذهب اسلام الي الغرفه الثانيه وتدخل سلمي الحمام تغير فستان الزفاف وتاخد شاور وتتوضي وتلبس اسدال الصلاه وتذهب الي الغرفه وتري اسلام انتهي من تغيير ملابسه ويضع سجاده الصلاه علي الارض وينتظرها
سلمي بصوت هادئ يسحره: اسلام
ينظر لها اسلام وينسحر بجمالها يا الله ما اجملها بالحجاب ويقترب نحوها حتي يصل اليها ويتأملها: تعرفي انك شبه الملايكه بالاسدال الابيض بجد الحجاب جميل اوي عليكي بصي يا سلمي انا هقولك علي حاجه بس صدقيني انا مش قصدي اغصبك علي حاجه
سلمي: فيه ايه ياحبيبي
اسلام: ممكن تفكري في الحجاب نفسي محدش يشوف اي تفصيله فيكي من زمان وانا نفسي تكوني ملك ليا انا وبس ها ياسلمي اوعديني انك هاتفكري في كلامي
سلمي بحب: اسلام الموضوع دا مش محتاج تفكير ان زوجي وواجب عليا اسمع كلامك لاني قبل مارضيك انا برضي ربنا انا موافقه البس الحجاب ومن اللحظه دي عمري ماهلبس غير الملابس المحتشمه دا وعد مني لربنا قبل مايكون وعدي ليك
اسلام: طيب يازوجتي الجميله يلا بينا نصلي
ويبدأ اسلام في الصلاه وسلمي تقف خلفه ويصلوا اول ركعتين شكر لله وبعد انتهائهم من الصلاه يضع اسلام يديه علي رأسها ويقول الدعاء ويقوم اسلام من علي الارض وتقف سلمي ويضمها بقوه ويقبل رأسها ويحملها ويذهب بها لغرفتهم
🔥 By Queen of Surprises Donia Emam🔥
ڤيلا وليد
يعود وليد للڤيلا بعد مايوصل يمني لبيتها وعند دخوله الڤيلا يري والدته تقف في مواجهته وتنظر له بحقد وغضب يبادلها وليد النظرات ببرود وتجاهل
ديدي: عملتوا اللي في دماغكم وارتاحتوا
وليد ببرود: ايوه
ديدي: انت ياولد اتكلم معايا بأسلوب كويس انا مامتك
وليد وهو يمثل الذهول: ايه دا معقول طيب لما انتي امي مش كنتي تعملي واجباتك كأم لينا ولا انتي امنا بس في الاوامر
ديدي: مش هتستمر ياوليد
وليد: هي ايه اللي مش هتستمر
ديدي بجمود: الجوازه مش هتستمر كتير افتكر كلامي دا كويس وتذهب لغرفتها
ينظر لها وليد بحيره حتي تختفي من امامه ويسأل نفسه ليه الغل والحقد دا ويذهب لغرفته وياخد شاور ويغير ملابسه ويتجه للفراش ويسرح في يمني ويتذكر منذ قليل
فلاش باك
بعد خروج وليد ويمني من الفندق تركب يمني معاه السياره
يمني بأحراج: انا اسفه لو هعطلك في حاجه
وليد: اسفه علي ايه دا واجب عليا يا أنسه يمني
يمني: شكرا لحضرتك يا استاذ وليد
وليد: ممكن وليد من غير استاذ
تتحرج يمني وتبتسم بهدوء وتتحدث بصوت هادئ: شكرا ياوليد
وليد: اول مره اعرف ان اسمي حلو اوي كده انتي صاحبه سلمي من امتي يا يمني
يمني: من الجامعه اتعرفنا علي بعض من اول يوم وبقينا صحاب اوي
وليد: ممكن اسألك سؤال
يمني: اتفضل
وليد: هو انتي مرتبطه
🔥 By Queen of Surprises Donia Emam🔥
يمني: نعم! بص يا استاذ وليد انا وافقت ان حضرتك توصلني علشان شوفت فيك مثال للرجل الشهم بس سؤالك دا حسسني اني كنت غلطانه وياريت تقف هنا انا هنزل
وليد: استني بس انا والله مش قصدي حاجه غلط انا قصدي يعني انتي مخطوبه ولا لا والله ماقصدي اللي فهمتيه دا ابدا
يمني: احم طيب حصل خير خلاص
وليد بابتسامه: طيب بس انتي ماجاوبتيش عبي سؤالي
يمني: لا مش مخطوبه ولا مرتبطه وبصراحه ولا بفكر في الارتباط دلوقتي وتقدر تقف هنا انا بيتي في العماره دي وبشكرك مره تانيه
وليد: ايه دا وصلنا بسرعه طيب ممكن يا يمني رقمك علشان اكلمك بكره ونروح لسلمي مع بعض اهو بدل ما اروح لوحدي
يمني: طيب اتفضل وتمليه الرقم وتنزل من السياره ويتابعها وليد بنظراته لحد ماتدخل العماره ويذهب وليد للڤيلا
باااك
يمسك وليد الموبايل ويطلب رقم يمني وينظر الرد واخيرا تجيب يمني علي اتصاله ويبتسم بسعاده عندما يسمع صوتها تقول
يمني: السلام عليكم
وليد: وعليكم السلام الانسه يمني معايا
يمني: ايوه مين حضرتك
وليد: معجب
يمني: انت بني ادم مش محترم وتستاهل اني اقفل في وشك دلوقتي
وليد بضحك: لا لا استني انا وليد
يمني بأحراج: خير فيه حاجه
وليد: لا حبيت اطمن عليكي بعد ماوصلتي ليكون حد من اهلك قالك حاجه علي التأخير
يمني: اولا انا عايشه مع والدي لان والدتي الله يرحمها وانا قولت لوالدي انك وصلتني
وليد: ايه دا قولتي لوالدك اني وصلتك
يمني: طبعا اومال فاكرني مش هقول الحقيقه لما يسألني وبعدين هو شافتي نازله من سيارتك ف طبيعي لما يسألني اقول الحقيقه دا غير اني مش متعوده اكذب علي والدي
وليد: بارك الله فيكي ربنا يحميكي يا انسه يمني بجد البنات اللي زيك قليله اوي في الزمن دا
يمني: دا من زوقك وبعد اذنك هقفل علشان غلط اني اتكلم معاك اصلا
وليد: طبعا اتفضلي وبكره هكلمك علشان اقولك هنروح لسلمي امتي
يمني: تمام مع السلامه وتغلق الخط
وليد: معاكي حق يا سلمي شكلي هاجي واقولك كلميها بس قبل اي كلام لازم اتأكد من احساسي ياتري انا وقعت في الحب من اول نظره" يارب لو كانت خير ليا قربها ولو شر ابعدها بس انا متأكد ان اللي زي دي مستحيل تكون شر ابدا اللي زي يمني وجوده نعمه في حياه اي حد وينام وليد
🔥 By Queen of Surprises Donia Emam🔥
في منزل السيده ناهد
تجلس هي وابنتها نور في الصالون وتحكي لها نور عن خروجتها مع خطيبها واتفاقهم علي موعد كتب الكتاب
الام: علي خير يابنتي ربنا يسعدكم يارب ومتقلقيش كل حاجه هتكون جاهزه ان شاء الله
نور: ان شاء الله انتي وراكي حاجه بكره
الام: ايوه يابنتي بصراحه انا اشتغلت في ڤيلا كده بتاعه ناس غنيه قولت اهو قرش يساعدني اجيب جهازك اخوكي الواحد مايعتمدش عليه لانه مكبر دماغه الصبخ خد مني كل الفلوس اللي معايا ومبقاش معايا ولا جنيه بكره هطلب من الست هانم فلوس يمكن توافق تديني
نور: طيب ليه اشتغلتي ماهو معاش بابا كويس وبيقضينا
الام: يادوب يابنتي بيقضينا امل وشرب ومصاريفكم لكن محتاحين دخل تاني لجهازك وان شاء الله ربنا هيفرجها من عنده
نور: ان شاء الله
ويعود هشام وهو سكران وتراه والدته واخته بهذه الحاله وينظران لبعضهم بصدمه
الام بغضب: ايه دا يا هشام معقول انت سكران
هشام: ايوه سكران وطاااااير في السماااااء
نور: ايه القرف دا يا هشام دا انت ريحتك لوحدها قذره اجري خد شاور وفوق كده وكلمنا
الام: سمعت قالت ايه يلا ادخل خد دش وفوق كده وتعالي هنا كلمني انا اظاهر دلعتك زياده لما بدأت تتعانل بقله ادب وانا سكتلك
هشام بجمود: اسمعوا انا محدش يقولي اعمل ايه وماتعملش ايه فاااهمين وبعدين ايه الحب والحنيه اللي نزلوا عليكي فاجئه كده ياست نور
نور: قصدك ايه يا هشام
هشام: قصدي انك بتعامليها كويس علشان مصلحتك
تنظر لها الام بحزن: ليه كده يابنتي عشمتيني انك بتحبيني
نور: انتي هتصدقيه وهو بالمنظر دا انتي مش شيفاه عامل ازاي
يقترب هشام من والدته ويتحدث بغضب وغل: تعرفي انا نفسي انام واقوم الاقيكي انتهيتي من حياتنا احنا كبار ونقدر نعتمد علي نفسنا يعني مش محتاجين لوجود أم معانا
الام بصدمه وتنهمر الدموع من عيونها: اييه معقول يابني بتكرهوني للدرجه دي طب ليه يابني بس ليه دا انا امكم واكتر واحده بتحبكم في الدنيا دي ليه بس ياولاد ليه
هشام: انتي طول عمرك بتخلي وشنا في الارض انتي مش شايفه منظرك بصي علي نفسك في المرايه وانتي تعرفي انتي بتعرينا بشكلك دا بلا قرف ويدخل غرفته وتتحدث نور: اوعي تصدقيه دا مجنون سيبك منه روحي ارتاحي وانا هدخل انام علشان الجامعه الصبح وتذهب لغرفتها تبقي الام بمفردها مع احزانها واوجاعها وعيناها المليئتان بدموع الالم والحزن حتي يسيطر عليها النوم وتنام وهي جالسه علي الاريكه
🔥 By Queen of Surprises Donia Emam🔥
تشرق شمس يوم جديد
ڤيلا سامر
يجلس بجانب ادم علي الفراش ويضع له الكريم عل رجله ويدلك رجله اكثر من مره لكي يكون لديه القدره علي التحرك اثناء تمارين العلاج الطبيعي
سامر بابتسامه: ها يا باشا مستعد لاول يوم في العلاج الطبيعي
ادم ويتحدث معه ببرود: انت مالك مبتسم اوي كده ليه انت فرحان علشان مش قادر اتحرك وعجزت صح
سامر: لا طبعا مش كده بس عندي إيمان بالله انه هيشفيك ويرد ليك صحتك من تاني يا ادم انت اخويا الصغير يعني ابني مستحيل اكون رايد ليك الشر ابدا
وتدخل والدتهم الغرفه وهي متحمسه ومبتسمه
الام: الدكتوره تحت ومنتظراكم ياولاد يلا يا سامر اسند اخوك وانزلوا تحت بسرعه
ادم: ههه هي كمان دكتوره يبقي مفيهاش شفاء خليها توفر تعبها وتمشي
سامر: لا هتنزل وهتعمل اللي هتقولك عليه ويلا ويسنده سامر وينزلوا ويحس ادم بألم في رجله ويحمله سامر وينزلوا ويري ادم فتاه جميله بعيونها خضراء وشعرها الاصفر وجسمها المتناسق وحجابها الذي يزيدها جمال فوق جمالها وملابسها المحتشمه التي جعلت منها اميره
الدكتور بابتسامه: انا الدكتوره بسمله هكون المسؤله عن حالتك اثناء فتره العلاج الطبيعي اتمني الشفاء ليك وان شاء الله ننتظم علي العلاج وهتكون بخير
سامر: ان شاء الله تحبي حضرتك تقعدوا هنا ولا في الجنينه
الدكتوره: لا الافضل في الجنينه
سامر طيب اتفضلي ويسند ادم ويذهبوا للڤيلا وتبدأ الدكتوره بسمله في عمل التمارين اللازمه لتحسين صحه ادم وبعد 4 ساعات من العلاج تذهب الدكتوره ويحمل سامر اخوه ويذهب به لغرفته ويخرج من الغرفه ويبقي ادم وهو سرحان ويتذكر الملاك البرئ
ويعود سامر الغرفه ويبدو عليه الارتباك
ادم: خير في ايه
سامر: المحامي بتاع بابا كان هنا وبيقول......
ادم بغضب: انت بتقووول ايييه
🔥 By Queen of Surprises Donia Emam🔥
الفصل التاسع
معاناة أم
يعود سامر لغرفه اخيه ويبدو عليه الارتباك
ادم: خير في ايه
سامر: المحامي بتاع بابا كان هنا وبيقول ان بابا كتب كل املاكه وثروته ل...
ادم بلا مبالاه: ايوه ايوه عارف كتبهالي انا
سامر بتوتر: لا يا ادم مكتوب في الوصيه انه كتب كل ثروته ليا انا وكمان كل الاوراق مع المحامي بتأكد كلام الوصيه
ادم بغضب: انت بتقووول ايييه مستحيل طبعا بابا بيكرهك بابا بيحبني انا وبيعتبرني انا بس اللي ابنه انت ولا عمره حبك دا كدب انت اللي زورت الاوراق واكيد غيرت الوصيه بالاتفاق مع المحامي انتو نصابين وهوديكم في داااهيه
سامر: اهدي يا ادم انت تعبان وبعدين الوصيه اهي معايا ومكتوبه بخط بابا وكمان التوقيع علي الاوراق توقيع بابا امسك الوصيه واتأكد من كلامي اتفضل
ويمسك ادم الوصيه ويغضب عندما يقرأ كلام والده
ادم يا أبني انا عارف انك زعلان دلوقتي لاني كتبت كل ثروتي لاخوك الكبير سامر انا اسف ياحبيبي سامحني انا عملت كده علشان اكون مطمئن علي تعب عمري وشقايا وعارف ان كل الثروه لما تكون في ايد سامر تعبي مش هيروح هدر. سامر يابني صدقيني عمري ماكرهتك وكنت بتألم لما بعاملك بقسوه اسف يابني ياريت تسامحني وتدعيلي بالرحمه انا دلوقتي عند قاضي السماء اللي بيحكم بالعدل وعارف انه هيحاسبني علي قسوتي عليك اجعيلي يابني يمكن دعائك ليا يخفف من عذابي انا عارف ان امك بتجعيلي وعارف ان هي مسامحاني امك دي النعمه اللي كانت في حياتي انا يابني ربنا كان بيزدني من العز بسبب دعائها الدايم ليا انا بحبك يابني وعمري ماكرهتك صدقني حلي بالك من اخوك يا سامر ادم طيب بس للاسف تربيتي ليه هي اللي كانت غلط وانت يا ادم ياحبيبي اسمع كلام اخوك صدقني هو بيحبك وعايز مصلحتك انا كتبت الثروه لسامر علشان عارف انه هيحافظ علي حقك فيها اسمع كلام امك واخوك يا ادم وصدقني هتكسب يابني
التوقيع. سمير
🔥 By Queen of Surprises Donia Emam🔥
ادم: ليه عملت فيا كده ليييه ليييه انا بكرهك يا بابا بكرهك بكرهك ويلقي بالوصيه في وجه اخيه اطلع بره مش عايز اشوف حد مش عايز اشوف حد برره
ويخرج سامر من غرفه اخيه وينزل للمحامي
سامر: طيب يا استاذ مصطفي شكرا لحضرتك وان شاء الله من بكره هنزل الشركه بس عايز من حضرتك خدمه
المحامي: اتفضل يابني
سامر: عايز ادمج شركتي وشركه بابا واكبرهم ممكن تعملي الاوراق اللازمه للموضوع دا
المحامي: اكيد وان شاء الله اسبوع وكل حاجه هتكون معاك
سامر: طيب يا استاذ مصطفي شكرا
المحامي: لا شكر علي واجب يابني والبقاء لله
سامر: الدوام لله
ويغادر المحامي وتأتي الام ويبدو عليها الحزن
الام: ادم مش هيسكت يا سامر
سامر: طيب انا ذنبي ايه بس يا أمي انا اتفاجئت زيه بالظبط والله العظيم ماكنتش اعرف ان بابا عمل كده
الام: عارفه يابني ومحدش كان يصدق انه يكتبلك انت ثروته كلها بس الخوف من ادم لما يخف اكيد هيخرب الدنيا وهيدمر كل حاجه
سامر: سيبيها علي الله ياست الكل ربك موجود وهيحلها من عنده المهم انا دلوقتي طلبت من استاذ مصطفي يحضر ليا الاوراق المطلوبه علشان ادمج شركتي بشركه بابا
الام: ربنا معاك يابني يارب
سامر: تسلميلي ياست الكل انا هروح الشركه بقي علشان عندي اجتماع
الام: طيب يابني مش هاتفطر
سامر: فطرت الصبح يلا سلام
الام: مع السلامه يا حبيبي
🔥 By Queen of Surprises Donia Emam🔥
في منزل السيده ناهد
يستيقظ هشام من نومه ويمسك موبايله ويري الساعه 12ظهرا ينهض سريعا من علي الفراش ويخرج من غرفته ويذهب لغرفه والدته لكي يسألها عن عدم سؤالها عنه كل هذا الوقت ولكن يري الغرفه فارغه يخرج ويذهب لغرفه اخته ويراها غارقه في نومها يتجه اليها ويتحدث بغضب
هشام: اصحي ياست هانم شوفي الهانم ناهد راحت فين وسابتني نايم كل دا وماصحتنيش علشان اغور علي شغلي
تنتفض نور وتفزع من صوته الجهوري وتتحدث: ايه دا فيه ايه فيه ايه
هشام: ناهد مش في البيت راحت فين دي اكيد زهقت مننا وسابت البيت
نور وتجيب عليه بلا مبالاه: لا ياعم دي زمانها راحت الشغل سيبني بقي انام انا تعبانه ومقدرتش اروح الجامعه سيبني انان بقي ممكن
هشام: شغل ايه دا ان شاء الله يعني بتشتغل ومعاها فلوس وامبارح وانا بطلب منها فلوس قالت مش معايا طيب بس لما تيجي
نور: بقولك ايه يا هشام الله يخليك اطلع بره وسيبني اتخمد وانتو بقي اتصرفوا مع بعض
يخرج هشام من غرفة نور يغير ملابسه ويذهب لشغله
وعند وصوله الشركه يقابله اصدقائه وائل ورائد بلهفه
وائل: نهارك اسود كل دا تأخير
رائد: احنا ماصدقنا نلاقي شغل علشان نقدر ندفع مصاريف الجامعه وحضرتك بتستهبل وجي متأخر
هشام: بقولكم ايه مش ناقص وجع دماغ
رائد: تصدق احنا غلطانين علشان خايفين عليك اشرب يابرنس المدير كان هنا وبهدل الدنيا لما عرف ان حضرتك هتيجي متأخر
هشام: هو عرف منين اني هاجي متأخر
وائل: سأل عليك كان فاكر انك مش جي النهارده وزعق وقال جل استهتار احنا لسه الشركه جديده وانا قولتله زمانه علي وصول وقالي اول مايشرف بلغه يشرف مكتبي وكان متعصب
هشام: طيب طيب هروح اشوف عايز ايه
🔥 By Queen of Surprises Donia Emam🔥
يذهب هشام لمكتب سامر ويطلب من السكرتيره مقابلته وتأذن له بالدخول بعد ما أخذت الاذن من مديرها ويدخل هشام المكتب ويقابله سامر بغضب
سامر: اهلا انت شرفت
هشام: انا اسف لحضرتك بس كنت تعبان شويه وصحيت متأخر
سامر: دي مش مشكلتي يا استاذ احنا هنا في شغل يعني لازم نحترم المواعيد وننتظم بقواعد الشركه
هشام: حاضر يا سامر بيه انا اسف مره ثانيه
سامر: لازم تعرف ان الشركه هيتم دمجها مع شركه والدي وشركه والدي ليها سمعه كبيره ف السوق يعني مش عايز اسمع علي شريكاتي ان العمال اللي فيها مش محترمين قواعدها فاهم
هشام: حاضر والبقاء لله انا شوفت الخبر في الجريده النهارده
سامر: الدوام لله اتفضل علي شغلك وركز في حساباتك يلا روح علي شغلك
هشام: حاضر عن اذنك وعود هشام لاصدقائه وهو غاضب من طريقه سامر معه
وائل: مالك اكيد سمعتلك كلمتين منه
رائد: والله تستاهل احسن
هشام بغضب: بقولكم ايه انا مش طايق نفسي يلا غور علي شغلك انت وهو وسيبوني اشوف شغلي
وائل: يلا يا رائد وسيبه يورينا شطارته في شغله
رائد: يلا ياعم احنا نشوف شغلنا
ويذهب كل واحد لشغله
🔥 By Queen of Surprises Donia Emam🔥
في قصر وليد
ديدي بغضب وصوت عالي: انتي هتاخدي فلوس يبقي تشوفي شغلك كويس مش تشرفي يوم وتغيبي عشره فاهمه
ناهد: انا يا هانم قولت لحضرتك ان بنتي كان فيه ناس جايين يطلبوا ايديها علشان كده مشيت واستأذنت من حضرتك وامبارح انا كنت تعبانه
ديدي: مليش فيه انا حتي لو بتموتي تيجي تخلصيلي شغل البيت وبعدين تغوري في داهيه
ناهد: الله يسامحك ياست هانم
وينزل وليد وهو يفرك في عينيه ويسأل عن سبب صوتهم العالي
وليد: فيه ايه علي الصبح يا أمي
ديدي: اشكال زباله مش منتظمه في شغلها يشرفوا بمزاجهم ويغيبوا بمزاجهم
وليد بغضب: لو سمحتي يا أمي اتكلمي علي الناس كويس عن كده احنا كلنا بني ادمين يا امي
ديدي: انت تخرس خالص ومالكش دعوه ب أمور البيت
ناهد وتخونها دموعها: والله يا بيه قولتلها كنت تعبانه
يتجه اليها وليد ويمسك بيديها ويقبلها ويقبل رأسها: لا يا أمي انا زي ابنك بلاش تقولي يا بيه انا اسمي وليد قوليلي ياوليد او قوليلي يا أبني بس ارجوكي بلاش بيه دي وانا اسف ليكي وبعتذر عن اسلوب امي معاكي حقك عليا
ناهد وتغمرها الفرحه من سماع كلمه أمي: ربنا يباركلك يابني ويسعدك ويرزقك ويفرحك دايما زي مافرحتني دلوقتي
ديدي: انت هتتساهر مع الخدم ولا ايه يا استاذ وليد اتفضل ابعد عنها فورا وشوف انت رايح فين
وليد: الخدم دول بني ادمين زينا عن اذنك يا أمي ويقبل رأس ناهد مره اخري ويعود لغرفته وتذهب ناهد من امام ديدي مسرعه للمطبخ وتبدأ عملها
وفي غرفه وليد ياخد شاور ويبدل ملابسه وينزل وهو يتحدث في الموبايل
وليد: طيب اجهزي انتي وانا نص ساعه وهكون تحت بيتك سلام
ديدي: علي فين ان شاء الله
وليد: رايح ابارك لاختي تحبي تيجي معايا
ديدي: اه احب ماحبش ليه يلا بينا
وليد: طيب اتفضلي
🔥 By Queen of Surprises Donia Emam🔥
في العربيه
ديدي: انت واقف هنا ليه
وليد: يمني صديقه سلمي جايه معايا
ديدي: طيب وليه تروح معاك ماتروح لوحدها انت هتشتغل سواق عندها ولا ايه
وليد: بعد اذنك ياريت لما يمني تيجي بلاش تتكلمي كده قدامها يمني بنت محترمه وحساسه ف مافيش داعي للكلام دا ماشي
وتوصل يمني وتركب في المقعد الخلفي وتبتسم في وجه ديدي وتتحدث بصوت رقيق: ازيك ياطنك مبروك لسلمي
ديدي بتكبر: شكرا
تستغرب يمني طريقتها وتنظر لوليد من المرايا وينظر لها هو بمعني حقك عليا واسكتي
وليد: احم يمني فيه حد من صحاب سلمي هيروح النهارده
يمني: ايوه هنا واميره
وليد: طيب
وبعد وصولهم للڤيلا ينزلوا من السياره ويرن وليد جرس الڤيلا ويستقبلهم اسلام بابتسامه ويرحب بهم
اسلام: اهلا اهلا اتفضلوا نورتوا الڤيلا
وليد: يا كداب دا انت زمانك بتقول ايه اللي جابهم دول
اسلام: هههههه لا طبعا عيب عليك ياجدع ادخل ادخل
اتفضلي يايمني
ديدي: وانا ماتفضلش ولا ايه
ينصدم اسلام من رؤيتها: احم لا طبعا يا طنط انا بس ماخدتش بالي من حضرتك اتفضلي طبعا
يمني: هي سلمي فين
اسلام: سلمي فوق اطلعي هاتيها
وتذهب يمني لغرفه سلمي وتدخل بدون استأذان وتراها سلمي وتصرخ من الفرحه وتحضنها بقوه
سلمي: يويووو حبيبتي
يمني: مبروك يا عمري ربنا يسعدك ويهنيكي يارب
سلمي: عقبالك ياقلبي انتي جايه مع مين
🔥 By Queen of Surprises Donia Emam🔥
يمني: احم مع وليد
سلمي: هي غمزت ولا ايه يا يويو
يمني: هي ايه دي
سلمي: السيناره
يمني: بس يابت بلاش هبل ويلا انزلي علشان نامتك تحت
سلمي: بجد طيب يلا بينا وينزلوا وتجري سلمي علي والدتها وتحضنها بس تصدها ديدي
ديدي: من غير احضان انتي عارفه اني مابستحملش حد يقربلي
سلمي: احم طيب وتحضن وليد بقوه وتبكي
وليد: ليه الدموع بس هو الواد دا زعلك ولا ايه
اسلام: دي روحي فيه حد يزعل روحه
وليد: بقولك ايه ماتتغزلش في اختي قدامي علشان ماتزعلش فاهم
اسلام: يابني مراتي وانا حر فيها
سلمي: طيب اقعدوا وانا هجيب العصير وهاجي
وتدخل المطبخ وتحضر لكل واحد العصير المفضل ليه
وليد: انا شايف ان في اتنين عصير جوافه
سلمي: اصل يمني زيك عصيرها المفضل الجوافه
وليد: بينا اشياء كتير مشتركه
اسلام: الحرس بيرن ياتري مين
يمني: اكيد هنا واميره هروح انا افتح
اميره: ايه دا وصلتي امتي
يمني: من نص ساعه ادخلوا
يجروا هنا واميره علي سلمي وفي صوت واحد: مبرووك يا سووووو
سلمي: الله يبارك فيكم
ويقضوا الوقت مع بعض ويستأذن الجميع لكي يعطوا العرسان مساحه من الوقت ليستمتعوا بشهر عسلهم
🔥 By Queen of Surprises Donia Emam🔥
يعود هشام من شغله ويري والدته جالسه علي الاريكه ويبدو عليها التعب والارهاق يتقدم اليها ويتحدث بغضب
هشام: ازاي تروحي شغلك وماتصحنيش علشان اروح شغلي
الام بتعب: يابني مانت بتزعل لما بدخل غرفتك
هشام: بعد كده تصحيني الاول وتجهزي الفطار وبعدين تروحي في اي داهيه فاهمه
تقف الام في مواجهته وتصفعه علي وجهه بقوه وتقول: اخررس انا سكت علي معاملتك كتير بس بعد كده ماينفعش اسكت خلاص وحسك عينك تتكلم معايا كدخ تاني فاهم
هشام: ازاي تضربيني ازاااي تعملي كده
الام: علشان دلعتك كتير بس خلاص انسي واي غلط هتغلطه هتكون دي طريقه ردي عليك فااهم اتفضل علي غرفتك
يذهب هشام لغرفته بدون ان يتحدث بكلمه واحده وتقف نور مذهوله من عدم رد هشام علي والدته
نور: ازاي هشام سكت علي كده
الام: ولو كان رد كان خد القلم التاني
نور: اول مره اشوفك كده
الام: كل انسان ليه طاقه ولما الطاقه بتخلص مابيقجرش يتحمل اي حاجه بعدها وانا طاقتي خلصت
وتذهب للمطبخ وتحضر العشاء لابنها وتذهب لغرفته وتضع صينيه الطعام علي مكتبه. العشاء اهو وتخرج من الغرفه وتذهب لغرفتها ويقوم هشام يمسك بصينيه الطعام ويرميها علي الارض بغضب