رواية يوميات سما واسر
الجزء الثالث والرابع
فضلت افكر في طلب أسر أنه يتجوزني وانا مش عارفة احدد يا تري هرتاح معاه ولا لا
انا فاكرة اننا زمان كنا نعرف بعض وهو كان انسان محترم ياتري أوافق ولا لا
نزلت تاني يوم اتمشي في البلد بتمشي وخلاص لقيت صوت ورايا بيقول:من حق الجميل يتمشي
بصيت لقيته أسر قولت في سري"هو أنا اهرب من البيت عشان مفكرش فيك الاقيك قدامي"
رديت:يا ابني نفسي افهم انت بتقول اية
قالي :ومن يري عيناكِ يُفتن وينسي من جمالهما الكلماتِ والاشعارَ
اتكسفت من اللي قاله وقولت:مش ينفع اللي بتقوله ده
أسر: خلاص أنا آسف ،اية فكرتي في كلامي ولا لسة؟
سما:هلحق افكر في قرار مصيري في يوم وليلة!
أسر:تفكير ده لو انتي متعرفنيش أو اول مرة تشوفيني انما احنا متربين سوا تقريباً
سما:بردو سيبلي فرصة افكر
أسر: خلاص فكري براحتك
بعدين همس في ودني وقال:في كل الأحوال هتبقي مراتي
قولتله:اية الثقة دي بقي ممكن ارفض
_تؤتؤ مش بمزاجك يا عسل
:امال بمزاج مين
قالي:اصل انا مش اكون بحبك من وانتي في اللفة ومستني اليوم اللي اتجوزك فيه بقالي سنين وتيجي حضرتك تقولي مش موافقة مش هبل هوا
_اييييه ده انت بتخرج الكلام من غير ما تحسبله لية المفروض مش ينفع تقولي كدة حرام
: استغفر الله العظيم يارب ،طيب ما انتي يابقرة انتي لو توافقي هتجوزك في لحظتها وهقول كل حاجة براحتي
_انا بقرة يا بغل انت؟
:انا بغل؟
_اصل
وزي كل مرة طلعت اجري وأسر ورايا وعمالين نجري واحنا بنضحك لقيته بيقولي:اقفي يا سما اقفي
قولتله:لا مش واقفة
زعق:سماااا
مشوفتش حاجة بعد كدة غير سواد والدنيا وقفت حواليا
_الحمدلله عدت علي خير لانكوا لحقتوها بدري
أسر: الحمدلله الحمدلله
وكمل بلهفة: اقدر اشوفها امتي طيب
_دلوقتي لو تحب لأنها فاقت
دخل أسر بسرعة الاوضة لقاها صاحية وشكلها تعبان
قالها:حمدلله علي سلامتك كنت هموت من الخوف
_هو حصل اية
:وانتي بتجري في عربية خبطتك بس الحمدلله لحقتك
وقالي بهزار:يا بقرتي المتسرعة
قولتله:وانت بغلي المتهور
_طب ما اية رأيك مادام بقرة وبغل نلم الشمل ونتجوز ونجيب عيال ونملي المزرعة
:هتسميهم اية يا بغلي
_معزة وجاموسة عشان تكمل يا بقرتي
:يبقي علي البركة
_فين المأذون يا اخونااا
الفصل الرابع 🌹🌹
سمااا استنييي
سما مشيت ومسمعتهوش وراحت اوضتها وقفلت عليها وفضلت تعيط جوا
"ازاي صدق الكلام ده علي طول لية محطليش عذر ولا مبرر لية اتهمني بسهوله كدة كنت فاكرة اني كسرتك بس طلعت انت اللي كسرتني"
_سما افتحي الباب
مردتش عليه
_سما مبهزرش افتحي وكلميني وهسمعك بالله ما تعيطي طيب
مسمعش صوت غير عياطها اللي قطع قلبه
راح اوضته وجاب المفتاح لانه معاه نسخة لكل الاوض
فتح الباب لقاها مغطيه وشها وعماله تعيط حس ساعتها أنه قد اية غبي عشان يأذيها كدة
قال بهمس_سما
قرب منها وقال:انا اسف لكل حاجة سببتهالك بس مقدرتش اكدب عنيا واللي شوفته
اللي حصل
أسر وسما كانوا صحاب جدا زمان وأسر كان بيعشق سما واللي ميعرفوهش اسر أن سما كمان حبته
كان أسر بيجهز شُنطه عشان السفر لانه هيدرس في جامعة بره ومقالش لسما أنه مسافر لانه مقدرش يودعها
قعد هناك شهور الدراسة ولما رجع قابل سما وكانت بتكلمه عادي بس نبرة صوتها متغيرة هو قال ممكن تكون زعلانه مني وهو بيفكر فيها اتبعتله رسالة من سيف
وده بقي زميلهم هما الاتنين بس أسر مش بيطيقه لانه لازق ل سما
يدوب فتحها اتصدم"حمدلله علي السلامة يا اسور بس ياريت تبعد عن سما نهائي لأنها ليا وانا وهي بنحب بعض وقريب هنتخطب وعشان تتأكد تعالي كافية ** النهارده الساعة ٨"
أسر اتجنن وبقي علي أعصابه وقال: اكيد يبكدب انا عارف سيف عينه علي سما اكيد ييكدب اكيييد
جت الساعه ٨ نزل أسر بسرعة من غير ما يفكر راح الكافية اول لما دخل لقي سيف قاعد لوحده راحله وقال:انت فاكر يا كلب انت انك هتضحك عليا
وضربه في وشه وقعه في الأرض
سيف حط أيده علي وشه وقال وهو بيقوم:هه انا بقول تهدي اعصابك لأن اللي جاي مش هيعجبك خالص
اداله فلاشة وقاله:ابقي افهم مع نفسك سلام
مشي وسابه وهو ماسك الفلاشة
روح هو كمان حط الفلاشه علي طول وشغلها لقي سما بتكلم سيف وبتقوله:انا بكره أسر بكرهه مش طايقة اشوف وشه حتي هخليه يحبني وبعدها هكسره واسيبه
سيف قالها:وانا معاكي يا حبيبتي
أسر بص للفيديو وهو صعبانه عليه نفسه أنه حبها وهي عاوزة تكسره وساعتها قرر أنه هيندمها علي كل حاجه
باك
قالتله وهي بتعيط:ومجاش في بالك أن في حاجه ناقصة في الموضوع مربطش الكلام بإني كنت فعلا بكرهك ساعتها لانك سافرت وسبتني ومجاش في دماغك اني بعد الكلام ده قولتله اني مش قادره اتخيل انك سبتني بعد ما حبيتك واني انهارت في اليوم ده من العياط وقولت حتي مش هقدر اكرهه ولا انتقم منه كل اللي جه في بالك انك تنتقم مني وبس مش كدة
تعرف حتي لما رجعت من السفر نسيت اي زعل منك وقولت أنه اكيد رجع يصلح اللي عمله بس انت رجعت عاملتني بقسوه وبعدت اكتر
انا كنت نسيت كل الحاجات دي وكل الزعل واحب اهنيك لانك فعلا ندمتني بس علي اني حبيتك
أسر معرفش ينطق ولا كلمه حس أنه مش عارف يتصرف بس قال بعد شوية:سما انا
وقفته وقالت:بعد إذنك أخرج وسيبني لوحدي
_بس
: بعد اذنك سيبني
كان هيطلع فعلا ويسيبها بس وقف ورجعلها تاني وحضنها جامد وقالها:مش هسيبك تمام عيطي وصرخي في حضنه اضربيني أو اشتميني بس انا مش هبعد عنك انا اسف والله اسف انا بحبك
فضلت تعيط في حضنه لحد مانامت
صحي أسر تاني يوم بيبص ملقاش سما فضل يدور عليها في الشقة كلها مش لقاها ولقي كل هدومها مش موجوده
لقي رسالة منها اتبعتت علي تليفونه بتقول:انا اسفه يا أسر مش هقدر اكمل معاك مش هقدر كل ما اشوفك هفتكر جرحك ليا اسفة بس لازم أبعد بتمنالك حياة سعيدة بس من غيري
أسر قعد في الأرض ودموعه نزلت وقال:مستحيل اسيبك تبعدي عني يا سما مستحيييل
"اتظن ان الفراق علي هيناً بل كان قلبي يحترق لإبتعاده عن قلبك"