#رواية_قلوب_حطمها_العشق
الفصل السادي والعشرون
بقلم_ايمان_جمال
البنات قاعدين تحت وبيتصوروا وكاميليا بتصورهم وزين بيبص عليهم من فوق وجه وقف جمبه تامر
تامر: ماتصالحها بقى
زين: هو انا يعني رافض ياتامر هي اللي مش راضية ولا حتى قادرة تسامحني
تامر: بس والله بتحبك
زين: عارف بس مش قادرة تسامحني
تامر: هتسامحك بس والله لازم تعلمك الادب
زين بعصبية: لا ياشيخ
تامر ضحك: والله هتسامحك بس صدقني لازم تطلع عينك
زين بص عليها وابتسم: والله انا راضي بس هي تسامحني
تامر: هتسامحك يازين بس يلا ننزل تحت وائل نام شوية لان رجله تعباه
زين بقلق: هو كويس؟
تامر: ايوا كويس ماتقلقش تعالى ننزل
زين وتامر دخلوا الاوضة ونازلين وادهم واحمد نزلوا معاهم ووصلوا مكان ما البنات قاعدين وقعدوا معاهم بس المرادي كاميليا ماطلعتش
ندى لزين: امال فين يذيد؟
زين: نايم
زين قام وسابهم وكاميليا حاسة انه بيعمل كدا عشان مش يضايقها وهي مضايقة من كدا بس بعد شوية زين رجع ومعاه آيس كريم ليهم
نور: الله عليك يازين والله
تامر ضحك: انا عاوز اعرف يذيد وهشام وهاني نايمين ليه
ليلى بحماس: لا هما نايمين عشان بالليل هنسهر براحتنا بقى
احمد اخد شروق وبيتمشوا شوية
احمد: وحشتيني
شروق ضحكت: وحشتك إيه بس يامودي ما احنا في رحلة سوا اهو
احمد: والله بتوحشيني وانتي معايا
نرجع تاني للي قاعدين شوية وكمال وحياة وكمال ومريم نزلوا وقعدوا معاهم
حياة بتتكلم مع البنات: ايه يابنات ناويين تعملوا ايه الليلادي
كاميليا: لسة مش عارفين والله بس محتارين
كمال: بقولكم ايه ماتيجو نطلع نركب مركب في النيل الوقتي
تامر: الله عليك يا استاذ والله وكمان شوية وهيكون وقت الغروب
كمال ابتسم: اولا انا يتقالي ياعمو مش يا استاذ ثانيا بقى يلا قوموا معايا نصحي الشباب اللي نايمين فوق دول
أمل: معلش ياعمو سيب وائل نايم لانه تعبان وانا هفضل جمبه
حياة: ليه ياحبيبتي تعالي معانا وهو يفضل نايم
أمل: لا مش هقدر اسيبه وهو لما يكون كويس هخرج معاه
كمال: ماشي يا امل
كمال اخد زين وادهم وتامر وطلعوا اوضة الشباب وكويس ان وائل نايم في الاوضة التانية عشان كمال ناوي يصحيهم بطريقة مجنونة
كمال واقف يفكر: ياترى اصحيهم ازاي
زين ضحك: ناوي على ايه
كمال بيبص حواليه شاف انذار حريق في الاوضة بس قال لو عمل حاجة الفندق كله هعرف ان في انذار بس قال مش مهم وراح مسك ولاعة وقربها من الانذار وبعد ثواني كان الماية مغرقة اللي نايمين عالسرير وقاموا مفزوعين
يذيد: ايه في ايه؟
كمال ضحك: بزمتكم دي منظر رحلة بقى سايبين مرتاتكم قاعدين تحت وانتوا نايمين
هشام قام بسرعة: مين دول اللي تحت؟
زين: البنات ويلا قوموا اجهزوا عشان نخرج كلنا سوا
الشباب بدأت تلبس ونزلوا مع كمال وكل واحد وقف جمب مراته
ندى ليذيد: كل دا نوم؟
يذيد ابتسم: معلش احنا شوفنا السرير نمنا على
طول
هاني: احنا هنروح فين؟
كمال(الصغير): هنطلع نركب مركب في النيل ونشوف الغروب
هشام: طب يلا
ادهم كلم احمد وشروق واتجمعه وراحوا سوا عالمركب، كل واحد واقف وواخد مراته جمبه وبيتصوروا وكاميليا عنيها مانزلتش عن زين وهو سرحان في شكل الماية وضهره ليها
هاجر قربت منها: روحي جمبه
كاميليا: لا
هاجر: بلاش تعاندي ياكاميليا عشان والله كدا كفاية عليكم
كاميليا: مش بالساهل ان اسامح واعدي كدا
هاجر: براحتك ياكاميليا
هاجر سابتها وراحت وقفت جمب زين اللي اصلا سرحان ومش معاها، زين مركز مع حركة الماية لدرجة انه اتخيل وش كاميليا في الماية وابتسم وبيكلم نفسه بصوت مش مسموع: عاوزك تسامحيني عشان والله عمري ماهعمل اللي حصل دا تاني، انا فعلاً بحبك جدا وماحبتش حد ذيك ولا هحب حد غيرك، نفسي تديني فرصة واحدة بس اعوضك عن اللي حصل مني
هاجر قامت من جمب زين وراحت تقعد جمب كاميليا، وكاميليا طلبت من الكل انهم يتصوروا صورة جماعية
خالد بيكلم زين: يلا يازين تعالى نتصور سوا
زين بص على كاميليا وبص لخالد: اتصوروا انتوا
كمال بغضب: زييين
زين بصله واتكلم بحزن: اتصوروا انتوا ياعمو انا مش عاوز
كاميليا كانت لازم تتكلم في الوقت دا عشان تقنعه انه يتصور واتكلمت بتوتر: الصورة دي هتكون مجمعانا
زين كأنه مش مصدق انها اصلا بتكلمه وقام وقف جمبهم ومحمود ظبط الكاميرة مع كاميليا عالحامل وكلهم وقفوا جمب بعض عشان الكاميرة تاخد الصورة وطبعاً زين في اللحظة دي بص لكاميليا وهي اتكسفت وبصت في الأرض والصورة اتاخدت وهما كدا
نرجع للفندق في الاوضة اللي جمب اوضة الشباب وواقف فيها الشاب الغريب وبيتكلم باردوا في التليفون: محدش فيهم في الفندق غير بقية الفريق
…..: .....................
الشاب: معرفش راحه فين بس هما كانوا متجمعين تحت وشوية ومشيوا
………: ………….
الشاب: ايوا معاهم
……..: …………
الشاب: تمام انا مستني انها تكون لوحدها وهنفذ
نيجي لأوضة الشباب وائل كان لسة نايم وأمل قاعدة قصاده وفرحانة بقربها منه وبتبص عليه وهو نايم وهو شوية وصحي
وائل بإستغراب: بتعملي ايه هنا؟
أمل: الشباب خرجوا مع البنات والاستاذ كمال وانا جيت اطمن عليك
وائل ابتسم: طب ومش خرجتي معاهم ليه؟
أمل: ماينفعش اخرج واسيبك تعبان
وائل مسك ايديها وباسها: بحبك اوي
أمل: وانا بحبك اكتر ويلا عشان تاخد الدوا
وائل بيبص حواليه: هو انتي متأكدة ان مافيش حد منهم هنا؟
أمل: ايوا
وائل قربها منها وخطف بوسة وهي اتكسفت وقامت تجيب الدوا
نرجع للمركب، كمال كان اشترى ساندوتشات ليهم قبل مايطلعوا وبدأ يوزع عليهم وزين كالعادة قاعد لوحده بس كمال قرب من كاميليا وطلب منها تعطي الساندوتش لزين
كاميليا: انا هخلي هشام يعطيهوله
كمال: كاميليا انا بطلب منك انتي مش من هشام
كاميليا اخدت الساندوتش وراحت جمب زين وهو اتفاجئ بيها
كاميليا: الساندوتش دا بتاعك
زين ابتسم واخد منها الساندوتش ومسك ايديها وبصلها: عاوز اتكلم معاكي
كاميليا: سيب ايدي يازين
زين: لا مش هسيبها غير لما اتكلم معاكي
كاميليا بهدوء: وانا مش عاوزة اتكلم
زين: ليه؟
كاميليا: انت عارف
زين: والله اسف ومش هتتكرر تاني
كاميليا شدت ايديها بهدوء وسابته وراحت تقعد مكانها وهو اضايق اوووي وبعد شوية رجعوا الفندق تاني وطلع اوضته ومخنوق
وائل: في ايه مالك؟
زين بعصبية: انا مش عارف اعمل ايه اكتر من اللي انا بعمله اني اقول اسف؟ قولت ان اخليها تسامحني حاولت اعمل ايه تاني
وائل بيحاول يهديه: طب اهدى وقولي حصل ايه
زين بحزن: مش قادرة تسامح ياوائل انا فرحت انها اتكلمت معايا بس مش قادرة ولا حتى بتحاول ولا حتى شايفة اني هموت وانها ترجعلي انا بجد تعبت
وائل: اصبر يازين عشان اللي حصل
زين: انا بجد زهقت وتعبت كل دا عشان غلطة واحدة بس وعمري ماهكررها تاني
الشباب دخلوا وسامعين كلامه
محمود: هي تستاهل انك تحاول عشانها يازين
زين بصله واتكلم بغضب: انت بالذات تسكت خالص عشان انت عارف اد ايه انا بحبها وانت مصمم تعصبني بتصرفاتك معاها
محمود بغضب: انا مش بعصبك ولا حتى حاولت اعمل كدا وبالنسبة لقربي منها فدا طبيعي
زين: لا مش طبيعي عشان انت بتحبها
محمود بغضب وبصوت عالي: ايوا بحبها ولو كان عندي فرصة كنت خطبتها واتجوزتها لكن هي للأسف مش شايفة غيرك
هشام: ماتحترموا نفسكم انتوا الاتنين وتلاحظوا انها بنت عمي
زين بصله: والنبي تسكت انت كمان
يذيد: زين ناوي على ايه؟
زين بصلهم كلهم واتكلم بحزن: انا عملت اللي المفروض اعمله بس انا حقيقي تعبت ومعتش عندي طاقة خلاص
زين سابهم وخرج من الاوضة ونزل وسابهم
تامر: هنعمل ايه؟
ادهم: بصراحة هو اه غلطان بس كاميليا مزوداها
هشام: هي لازم تعمل كدا عشان يكون عارف انه مايعملش كدا تاني
وائل: بس كفاية كدا ياهشام لان زين بجد صعبان عليا
خالد: المفروض اننا نساعدهم
هاني قعد وحط رجل على رجل: انتوا ليه مفكرتوش ان ممكن كاميليا بتعمل بس كدا عشان تعلمه الادب وبس
تامر: وربنا انا قولتله كدا
يذيد: والدليل على كدا انها كانت بتتكلم معاه واحنا عالمركب
احمد: بس الاستاذ كمال اللي طلب منها انه تعطي لزين الساندوتش
عادل دخل عليهم شافهم واقفين ومتجمعين: استر يارب واقفين كدا ليه؟
هشام: بنشوف حل لكاميليا وزين
عادل: ياريت نرجع من هنا وهما متصالحين
وائل: ان شاء الله المهم دلوقتي بقى انا جعان يلا ننزل نتعشى
يذيد: اه ياريت يلا
الشباب نزلوا وعادل راح اوضته واخد صافي ونزل وشوية والبنات كلها نزلوا يتعشوا وكمال وعيلته نزلوا معاهم
كمال: فين زين؟
يذيد: خرج بارة الفندق
كمال بإستغراب: راح فين؟
خالد: مش عارفين بس هو كان بيتكلم معانا وسابنا ومشي
كمال: ايه اللي حصل؟
هشام بص على كاميليا وبص لكمال: مافيش ياعمو هو مخنوق شوية وخرج
كمال فهم ان اكيد الموضوع يخص كاميليا: تمام
شوية والاكل جالهم وقعدوا يتعشوا وكاميليا سرحانة
هشام: بطلي سرحان وكلي
كاميليا: ما انا باكل اهو
هشام بعصبية: لا انتي مش بتاكلي انتي قاعدة تقلبي في الاكل يمين وشمال
كاميليا سكتت لانها فعلاً مش بتاكل
ندى بهدوء: لو مالكيش نفس تاكلي ياكوكي خلاص
كاميليا: لا انا باكل
ندى بتهمس لهشام: براحة عليها وبلاش عصبية عشان انت عارف انها مش بتحب العصبية
هشام: يعني انتي مش شايفة اللي هي بتعمله ولا اللي هي فيه
يذيد: اهدى ياهشام كل حاجة هتتحل بس كله بالهدوء
الشاب الغريب اللي وصل الفندق قاعد عالترابيزة اللي ادامهم وبيتكلم في التليفون بس المرادي مع واحد صاحبه
الشاب: انا قاعد ادامهم
…..: ..........
الشاب: حلوة دي يا ابني قليلة اوي عليها دي جميلة اووووي
….: ...........
الشاب: اهو جمالها دا اللي مجنني عليها اكتر واكتر ومخليني متحمس جداً للي هعمله
…..: ……...
الشاب: انا مستني فرصة انها تكون لوحدها ولو محصلش دا لازم اتصرف لان لازم افوز بالجمال دا لوحدي
كاميليا قاعدة مش مرتاحة من نظرات الشاب دا وقاعدة متوترة وشوية وزين وصل وشافهم قاعدين وقعد معاهم
كمال: كنت فين؟
زين: كنت بتمشى شوية
كمال: ومش قولت ليه؟
زين: عمو انا مش صغير
كمال بعصبية: انت اه مش صغير بس على الاقل اعرف انت فين مش سايبنا قلقانين عليك
زين بحزن: ما افتكرش ان حد يقلق عليا
زين كان لسة هيقوم بس كمال قعده
كمال: مش هتقوم يازين واتفضل شوف هتاكل ايه
زين قعد وطلب اكل لانه فعلا كان جعان وعاوز ياكل
وشوية والاكل جاله وقعد ياكل معاهم، زين عنيه جات على كاميليا وشايف توترها وبيبص وراه وشاف الشاب قاعد يبصلها
زين بصلها: قومي من مكانك وتعالي مكاني
كاميليا سمعت الكلام وقعدت مكان زين وهو قعد مكانها وبص للشاب دا وطبعاً الشاب عارفه ودور وشه بعيد عنه عشان مش يخليهم يشكوا في حاجة
هشام: هو في ايه؟
زين: الاستاذ اللي قاعد ورا دا قاعد يبصلها
يذيذ ابتسم وبص لكاميليا: ياعيني ياعيني
زين بغضب: خليك في مراتك احسنلك
هاني ضحك: ماتهدوا بقى
كاميليا فرحانة اوووي من تصرف زين بس باردوا شايفة ان لسة شوية وتصالحه
مريم: بابا
كمال: نعم
مريم: هو احنا هنعمل ايه الليلادي
كمال: اللي انتوا عاوزينه
كمال(الصغير): هو احنا بكرة هنروح فين؟
يذيد: هنروح النوبة
ندى: بجد؟
يذيد: ايوا وهنقضي اليوم كله هناك
نور بحماس: دا احنا كدا هنتصور كتير بقى
كاميليا ضحكت: مع نفسك
هاجر: لا بصي انا لحد دلوقتي ما اتصورتش بالكاميرة بتاعتك
كاميليا: حاضر انتي بس
فرح: نعم بتقولي حاجة ياكوكي
كاميليا ضحكت: خلاص هصوركم كلكم
زين: حتى انا؟
كاميليا بصتله وبصت في الارض: ايوا
زين فرح اوي بس محبش يكمل كلام ويسيبها تتكلم شوية بشوية
محمود: طب والليلادي هنعمل ايه؟
زين: ايه رأيكم لما نسهر عند حمام السباحة ونقعد قاعدة حلوة كلنا
يذيد: طب وبقية الفريق
زين: عادي لو هما حابين يجوا عادي
عادل: طب وانا من ضمنكم ولا
وائل ضحك: يا ابني دا انت المفروض عريس يعني تخلع مننا
عادل: لا ياعم خروجاتكم حلوة
زين: خلاص جهز نفسك بقى واسهر معانا الليلادي
عادل بص لصافي وغمزلها: لا من بكرة بقى
يذيد ضحك: قوم ياعادل بدل ما اضربك
عادل اخد صافي وطلعوا وكمال اخد مريم وواقفين يتصوروا سوا
كمال: يابابا تعالى انت وماما نتصور كلنا سوا
كمال وحياة راحوا يتصوروا معاهم
يذيد لندى: احب اجيبلك آيس كريم؟
ندى ضحكت: ياريت
يذيد مسك ايديها وباسها: وماطلبتيش ليه؟
ندى: اممم عادي
يذيد: لا مش عادي انتي تطلبي وانا عليا انفذ
ندى بصوت واطي: بحبك
يذيد: وانا بحبك اوووي
زين سمعه: وايه كمان يادكتور
يذيد ضحك: انت مركز معايا ليه
زين ضحك: براحتي
خالد ماسك ايد هالة طول ماهو قاعد وزين عاوز يرخم عليه
زين: جرا ايه ياخالد هالة يعني مش هتهرب😂
هالة ضحكت: والنبي تقوله يازين
خالد: بقى كدا طيييب
كاميليا ضحكت: زين مركز معاكم اوي
محمود بيضحك اوي: الحمدلله يارب انا سنجل
زين: ماتقلقش هيجيلك يوم
كاميليا ضحكت اوي: عشان تبقى تتكلم اوي
نور بتبص لزين وابتسم وبصت على كاميليا اللي نست كل الزعل وبتتكلم مع زين عادي
فرح قاعدة جمب نور وهمستلها: ماتيجي نقوم عشان يتكلموا
نور: انا بفكر في كدا بس ازاي؟
فرح: عادي هاخد ادهم واقوم وكل واحدة تاخد خطيبها ويقوموا
نور: تمام
نور اخدت هاني وقامو وبعد شوية كل بنت اخدت خطيبها وقاموا ماعدا هشام وليلى ومحمود وليلى اصلا فهمت البنات قاموا ليه وعاوزة تاخد هشام وتقوم وهو قاعد
ليلى: إتش يلا نقوم نتمشى شوية
هشام برخامة: لا
زين بيبصله بغضب وكاميليا أصلا مشغولة بالتليفون ومش واخدة بالها باللي بيحصل
محمود بص لهشام: يلا يا إتش
هشام قام مع ليلى ومحمود وكاميليا بترفع عنيها من التليفون وبتبص حواليها مش شايفة غير زين: الله هما راحوا فين؟
زين: قاموا يتمشوا شوية
كاميليا لسة هتقوم زين مسك ايديها قعدها: على فكرة هما مشيوا عشان يسيبونا نتكلم شوية
كاميليا قعدت بس ما اتكلمتش وزين راح قعد عالكرسي اللي جمبها: كاميليا
كاميليا بهدوء: نعم يازين
زين: بحبك
كاميليا ابتسمت وبصت في الأرض وزين رفع وشها: عشان خاطري ماتحرميني من الابتسامة دي
كاميليا: انت اللي حرمت نفسك مش انا يازين
زين: والله العظيم انا اسف وعارف اني غلطان بس عشان خاطري سامحيني كفاية البعد دا
كاميليا: يعني توعدني انك ماتكررهاش تاني؟
زين بصدق: اوعدك طبعا
زين خرج دبلة كاميليا من جيبه ولبسهالها
كاميليا: انت كنت جايبها معاك؟
زين: ايوا لان كنت حاسس اننا هنتصالح
كاميليا ابتسمت: ماشي يازين انا هسامحك بس ان حصل حاجة تاني صدقني مش هيكون فيها سماح
زين: حاضر وانا اوعدك ان عمري ما ازعلك تاني ووالله بحبك اوي
كاميليا ابتسمت: وانا كمان بحبك
شوية والشباب رجعوا وعرفوا انهم اتصالحوا
وائل: أخيراً اتصالحتوا دا انا كنت فقدت الامل فيكم
زين ضحك: مش للدرجادي
تامر: ياشيخ اتنيل دا انت وشك نور اهو
كاميليا ضحكت اوي: اصحابك بيحبوك اوي
تامر: جداا يابنتي امال ايه
كمال وحياة والولاد رجعوا قعدوا معاهم تاني وكمال شايف زين وكاميليا قاعدين جمب بعض وكمان كاميليا لبست الدبلة
كمال: أخيراً
زين ضحك: أيوا أخيراً
حياة: مبروك ويلا بقى عاوزين نحضر فرح حد فيكم
زين ابتسم: في الصيف
يذيد: بس مش معايا
ندى: يومنا هيكون لينا احنا وبس ومميز كمان
كاميليا بصتلها وابتسمت: طبعاً لازم يكون مميز عشان ليكم
خالد: بس انا عاوز اتجوز انا ويذيد في يوم واحد دا حبيبي
يذيد: لا يا اخويا خليك في يوم لوحدك
خالد: كدا يايذيد طيييييب وربنا لهيكون يوم مش أي يوم وهتشوف
زين بص لخالد: بقولك ايه ياخالد مع نفسك انت كمان
وائل ضحك: يالهووي عليكم هتسيبوه لوحده
ليلى: اخويا حبيبي يكون معايا
هشام: نعم ياختي بتقولي ايه
ادهم ضحك عليهم: انتوا بتتخانقوا من دلوقتي
احمد: سيبهم يتخانقوا الوقتي احسن بدل مايجوا قبل الفرح ويتخانقوا
محمود: طب ما اقولكم ايه ما هشام وخالد يكونوا في يوم ووائل وزين في يوم
زين: طب على فكرة انا موافق جداً
وائل: وبالنسبة لحالتي بقى؟
محمود: وفيها ايه انت ماشاء الله الدكتور قال انك بتستجاب للعلاج كويس اوي ولسة عالصيف تلات شهور يعني ان شآء الله تقدر
وائل: حتى لو قدرت هكون باردوا ماشي بعكاز
محمود: ياسيدي ساعتها هنلاقي حل ماتقلقش
زين: ايوا ياوائل محمود عنده حق
وائل بص لأمل وابتسم: ماشي موافق
محمود بص ليذيد وضحك: اما دكتور يذيد فمع نفسه بقى عشان مايقومش يخنقني
يذيد ضحك: ايوا ياحودا كدا تبقى حبيبي
هاجر: كدا بقى هيكون عندنا تلات أفراح بتلات فساتين
نور: ايه يابنتي انتي نستيني ولا ايه 😂
محمود: اوبس تصدقي نسيتك انتي وهاني في التوزيعة دي
هاني ضحك: لا مع نفسكم انا هعمل فرحي لوحدي اشمعنا يذيد
ندى ضحكت: ايوا بقى
كمال بص ليذيد: ماتقوم يايذيد جيب الجيتار بتاعك وتيجي
يذيد: حاضر
يذيد طلع يجيب الجيتار وينزل يكمل سهرة مع الباقيين
في اوضة عادل وصافي، قاعدين مع بعض طبعاً دول عرسان جداد
صافي: عدولة حبيبي
عادل ضحك: وربنا ماهننزل
صافي ضحكت: يعني هنفضل هنا الليلادي
عادل بحب: يعني زهقتي من حضني؟
صافي: لا طبعاً مقدرش ازهق منك ولا عمري ازهق من حضنك
عادل اخدها في حضنه وفرحان بيها
نرجع تاني للي قاعدين تحت وبيرخموا على زين
زين: بقولكم ايه بلاش رخامة
وائل ضحك: ليه بس يازيزو
يذيد كان قاعد بيتكلم مع ندى بصوت واطي وهي قالتلت يادودو فمين اللي سمعه بقى زين😂
زين: هو مين دا اللي اسمه دودو ياندى
ندى ضحكت اوي: ايه دا انت سمعتني
زين بيضحك اوووي وعنيه دمعت: للأسف ياختي
يذيد ضحك: مش انا طبعاً
زين معتش قادر يتكلم من كتر الضحك واخد ازازة الماية يشرب
هشام: امال مين يادكتور
يذيد شاف اشرف جاي عليهم: استروا عليا والنبي
زين كان بيشرب واول ماسمع جملة يذيد شرق وقعد يكح وكل الماية كانت في وش تامر
تامر بغضب: نعم انت كمان
زين بيضحك اوي: هموووت مش قادر
كاميليا بتضحك على ضحك زين والكل بيضحك على يذيد
اشرف: دكتور يذيد تحبوا تخرجوا معانا؟
يذيد: احنا هنسهر هنا عند حمام السباحة هو انتوا خارجين رايحين فين؟
اشرف: لسة مش عارفين بس عاوزين نخرج نتمشى شوية
يذيد: ماتسهروا معانا هنا وخلاص واحنا كدا كدا هنخرج كلنا بكرة
اشرف: ياريت والله
زين: خلاص اقعدوا معانا
اشرف: خلاص تمام
كاميليا: بقولكم ايه انا هطلع فوق اجيب الكاميرة واجي
زين: ماشي
كاميليا سابتهم وطلعت والشاب كان لسة قاعد وراهم واول ماشافها طالعة لوحدها طلع وراها، بعد ربع ساعة زين مستغرب انها اتأخرت بس قال ممكن تكون في الحمام بس اخد باله ان الشاب اللي كان قاعد مش في مكانه وقلق وقام يشوفها
فوق عند كاميليا كانت خارجة من باب اوضتها بس الشاب دا وقفها: راحة فين ياقطة؟