رواية_قلوب_حطمها_العشق
الفصل الثالث والعشرون
بقلم_ايمان_جمال
زين سمع كلام كاميليا ومشي ومحمود فضل يتكلم معاها
محمود: طب وزين؟
كاميليا: ماله زين؟
محمود: محبتهوش؟
كاميليا اتكلمت بكل حزن: لا حبيته يامحمود ولحد دلوقتي بحبه بس أنا مش قادرة اسامحه ولا قادرة اغفرله خيانته ليا لأنه بيكره الخيانة بس قبلها عليا وأنا اتوجعت اوي منه وخصوصاً انه أول حب في حياتي
محمود: طب افرضي إنه ندمان وحب يرجعلك
كاميليا: وأنا مش هرجعله ومش هكون ضعيفة ذيه وأرجعله أول مايقولي يلا نرجع أنا ندمان
محمود: بس انتي بتحبيه
كاميليا غصب عنها دموعها نزلت: حتى لو بحبه دا مش معناته اني اقبل انه يخوني واللي يخون مرة يخون ألف
محمود: انا مش معاكي في كلامك
كاميليا قامت: مش مهم، انا هقوم انام تصبح على خير
كاميليا سابته وطلعت تنام اما هو ففضل بيفكر في كلامها وانها رافضة ترجع ودا مفرح قلبه وفي نفس الوقت مش عاوز يفرح اوي وفي الآخر يلاقي نفسه لوحده
تاني يوم الصبح ندى صحيت عشان تروح الإمتحان هي تقريباً مانامتش اصلا بسبب توترها وخوفها من الإمتحان، ندى نزلت تحت وكان الكل قاعد عالفطار
ندى: صباح الخير عالجميع
الكل: صباح الخير
مراد: ها ياندوش جاهزة؟
ندى قعدت: أيوا يابابا وربنا يستر
عزيز ضحك: يابنتي دا مادة جوزك
ندى ضحكت: جوز مين ياعمي دا بيذاكر معايا كل المادة يعني ما قالش اركز على إيه
هشام حب يخضها: ايه دا يذيد اتفضل
ندى اتخضت وبتبص وراها مالاقتش حد وبصت لهشام بغضب: تصدق انك رخم
هشام ضحك: ياجبانة
كاميليا: ندوش انا هوصلك معايا يلا
ندى: ياريت عشان يذيد هناك من ساعة
كاميليا: طب يلا
كاميليا اخدت ندى وكلموا ليلى واخدوها معاهم وهما واقفين بيستنوا ليلى شافوا زين نازل وكأنه مش شايفهم خالص بس كاميليا ما اهتمتش وندى اضايقت اوي من كدا
ندى: هو ايه البرود بتاعه دا
كاميليا بهدوء: ملناش دعوة ياندى
ندى: طيب
ليلى نزلت وركبت معاهم وكاميليا اتحركت بيهم للجامعة وشوية ووصلوا ودخلوا وكاميليا وقفت ادام الجامعة ورنت على يذيد
يذيد: صباح الخير ياكاميليا
كاميليا: صباح الخير يايذيد انا لسة موصلة ندى وليلى دلوقتي
يذيد: طب تمام انا كنت لسة هكلم ندى اشوفهم فين
كاميليا: يذيد ندى متوترة جامد بسبب الإمتحان فحاول تهديها شوية
يذيد: حاضر ماتقلقيش
كاميليا قفلت مع يذيد وراحت الشركة بتاعتهم واصحابها فرحوا انها رجعت معاهم من تاني
ادهم: ايوا كدا ياشيخة ارجعي بلا وجع دماغ
كاميليا ضحكت: طب يلا يا استاذ انزل جبلنا قهوة
ادهم بغضب: كاميليا قومي روحي
احمد ضحك: احسن
فرح: يلا يادوما روح جيب قهوة
ادهم قام وبيستحلف لكل واحد فيهم
شروق ضحكت: وربنا ماهيعديها كدا
كاميليا: سيبك منه صبره عليا بس
فرح: لا بقولك ايه ياكوكي دا دومي حبيبي
كاميليا ضحكت وفتحت اللاب اللي ادامها وفتحت الفيس بوك بتاعها وكالعادة بتقلب في اكونت زين بس للأسف زين عملها بلوك واستغربت جداً وزعلت إن أد إيه هو كارهها ومش عاوزها في حياته وغصب عنها دموعها نزلت
احمد بقلق: في ايه يابنتي مالك؟
كاميليا بدموع: زين عملي بلوك من على الفيس للدرجادي معتش طايقني
فرح بحزن: انتي ليه بتفكري فيه ياكاميليا مش انتي قولتي خلاص ولا انتي عاوزة تتعبي نفسك كل شوية
شروق راحت عند كاميليا ووقفت جمبها: كاميليا بلاش ندور على حاجات هتوجعنا وتتعبنا انسيه خلاص وهو ذي ماعمل كدا ماتفكريش فيه تاني
أدهم دخل وشاف كاميليا بتعيط: في ايه؟
احمد: زين عملها بلوك عالفيس
ادهم حاول يلطف الجو شوية: احسن عشان تحرمي ترخمي عليا وبعدين يعني فكك منه خلاص بلا زين بلا بتاع
كاميليا غصب عنها ضحكت وفضلوا يهزروا معاها شوية لحد ماراقت
صافي وعادل اتفقوا على معاد الفرح وخلاص آخر الشهر دا يعني قبل رحلة آسوان اللي البنات هتطلها وكاميليا فرحت جداً بالخبر دا وخلاص كل يوم بتخرج معاها عشان تشتري الحاجات اللي نقصاها وعادل الشباب معاه في كل لحظة، ووائل بياخد جلسات العلاج الطبيعي ومنتظم عليها بس لسة مافيش تحسن كبير بس هو نفسيته كويسة وعاوز يقدر يمشي عشان يقدر يكون مع حبيبته أمل، اما كارما فإختفت خالص والله أعلم هترجع تاني ولا لا اما هاجر فقررت تقرب من زين تاني بس المرادي تكون صديقة وبس وتنسى الحب من ناحية زين خالص، اما الاستاذ كمال بقى فإتفق مع حياة على الجواز وخلاص فرحهم بعد اسبوع بس هتكون حفلة عائلية وبس، اما زين فبعد تفكير كبيير قرر انه ينزل شركة أبوه ويمسك فيها الشغل وباردوا هيكون مع الاستاذ كمال اما يذيد فكل يوم بيذاكر لندى كويس وخصوصاً بعد ما عدت من مادته وكانت فرحانة انها حلت فيها كويس، اما هشام وليلى فحبهم لبعض بيذيد يوم عن يوم، اما خالد وهالة فباردوا علاقتهم كويسة جداً ببعض، اما نور وهاني فكويسين اوووي
عدا اسبوع، والنهاردة حفلة جواز كمال وحياة والكل بيستعد ليها وطبعاً الكل هيكون موجود فيها
كاميليا مع البنات في اوضتهم
كاميليا: يلا يابنات نجهز
البنات بدأت تلبس
كاميليا هتلبس چيبة بلسيه جميلة جدا بلون البيبي بلو(السماوي) ولبست اندر شيرت أبيض ولبست كوتشي ابيض وكالعادة سابت شعرها على ضهرها، وندى لبست بنطلون اسود جلد وعليه بلوزة بكم بيضا ولبست بوت لونه اسود وسابت شعرها، نور لبست دريس لونه كاشمير ولبست كوتشي ابيض وسابت شعرها
ندى: يلا جاهزين
البنات نزلت ومراد وعزيز وسهام وعفاف جاهزين حتى هشام ومحمود كمان جاهزين
هشام شايف البنات حلوين: ايه الحلاوة دي
ندى بغرور: دي أقل حاجة عندنا يا إتش
هشام: يخربيت تواضعك ياشيخك
محمود سرحان في كاميليا وانها أد إيه جميلة
عزيز: ربنا يحميكم ياحبايبي
خرجوا كلهم ويذيد أخد ندى في عربيته وهشام اخد ليلى وكاميليا كانت هتركب في عربيتها بس محمود اخدها معاه ومراد وعفاف في عربيتهم وعزيز وسهام في عربيتهم
محمود بيتكلم مع كاميليا: ممكن اقولك انك جميلة اوي النهاردة
كاميليا ابتسمت بخجل: اممم افكر
محمود ضحك: ماشي
شوية والكل وصل عند ڤيلا كمال وزين كان معاه هاجر، كمال(الكبير) مستني اصحابه عشان يكتب الكتاب
استاذ كمال: دا كله تأخير ياصفي
صفي: معلش ياكمال والله الطريق بس
صفي شهد على عقد الجواز وابن حياة الشاهد التاني شوية والمأذون كتب الكتاب والكل بيبارك لكمال وحياة
يذيد: كدا بقى تطلع معانا رحلة آسوان ويكون شهر العسل
كمال ضحك: موافق بس بشرط بلاش رخامة
يذيد ضحك اوي: ماتقلقش مش حضرتك هتكون معانا يبقى ماتقلقش خالص
حياة ضحك: انت متأكد؟
زين ضحك: خلاص يايذيد بقى دول هيكونوا عرسان جداد
كمال بص لصفي: ابعد ولادك عني ياصفي
صفي ضحك: ماليش دعوة ياكيمو
الكل كان فرحان وبياخدوا صور مع بعض ومريم وكمال ولاد حياة اتصوروا كتير مع كمال وحياة
وكمال صمم انهم يقعدوا معاهم هنا وماينفعش يقعدوا لوحدهم، بعد ساعتين الكل رجع على بيته بس الشباب حبوا يكملوا السهرة مع بعض وروحوا البنات وندى مكانتش راضية ان يذيد يسهر من غيرها بس هي عندها امتحان بكرة ولازم تذاكر
البنات رجعوا البيت والشباب خرجوا لوحدهم
ندى بغضب: ماشي يايذيد لما تيجي بس
كاميليا ضحكت: يابنتي اهدي واقعدي بقى
نور: وفيها ايه بس ياندوش ماهما شباب ومن حقهم يخرجوا
ندى بعصبية: انا غلطانة ان بتكلم معاكم اصلا انا هقوم اذاكر أحسن
ندى سابتهم وراحت اوضة تانية تذاكر ونور وكاميليا قعدوا سوا
عند الشباب قاعدين في كافيه كبير ومتجمعين على ترابيزة واحدة
هشام: يلا حد فيكم يمسك التليفون وياخد لينا صورة جماعية
محمود ضحك: ماتقوم تصور انت
زين: ايه يا إتش مش عاوز تصور انت ليه
هشام بغضب: طيب يارخمين
هشام وقف ومسك تليفونه واخد صورة ليهم جماعية وكانوا بيضحكوا والصورة فعلاً شكلها جميل جداً
بعد ساعة الشباب رجعوا بس عادل راح هو وزين لوائل يطمنوا عليه واتفاجئوا ان وائل ساند على أمل وبيحاول يمشي
زين بفرحة: أيوا كدا بلا كرسي بلا بتاع
وائل ضحك: ك...كنتوا فين؟
عادل: كنا في فرح الاستاذ كمال
زين سند وائل وأمل سابتهم ودخلت
زين: بقولك ايه ياوائل عاوزينك تتقدم لأمل بقى
وائل: أ...أنا فعلاً عاوز أ...أعمل كدا
زين: يبقى خلاص نروح ليهم بكرة
عادل: طب مايستنى شوية عشان يكون أحسن
وائل: أ...أنا فك...فكرت في كدا
زين: لا ماتقلقش وبعدين هي عارفة اللي انت فيه وأكيد اهلها هيفهموا دا
أمل كانت في المطبخ وخارجة ليهم بالقهوة وسمعت كلامهم: زين عنده حق
وائل بفرحة: يعني أ….أجي بكرة؟
أمل بكسوف: أيوا
زين: ايوا كدا بقى خلينا نفرح
عادل: عقبال مانفرح فيك
زين بصله بغضب: انسوا مش هعملها خلاص
عادل: باردوا يازين؟
زين: عادل بلاش السيرة دي
وائل واخد باله من السلسلة اللي لابسها زين طول الوقت: إيه السـ…السلسلة اللي في رقبتك دي
زين بتوتر: مافيش دي سلسلة عادي
وائل عشان واقف جمبه طبعاً شد السلسلة خرجها وشافوا اسم كاميليا
عادل: ما انت بتحبها اهو بتكابر ليه
زين بعصبية دخل السلسلة تحت التيشرت واتكلم بغصب: انا مش بحب حد والسلسلة دي هتفكرني بخداعها ليا وانها عمرها ماحبتني لأنها عمرها ماهتحب واحد ذيي
عادل: إيه الكلام الجديد دا؟
زين حكالهم اللي سمعوا من كاميليا وطبعاً مشي قبل مايسمع اللي اتقال بعد كدا
وائل: أن...أنا لسة حاسس إ….إن في حاجة
زين: بقولكم ايه انا مش عاوز اسمع حاجة عن الموضوع دا ولا حد يجيب سيرتها ادامي عشان مانخسرش بعض
عادل: ماشي يازين، المهم انت فعلاً هتنزل شركتكم؟
زين: أيوا انا هنزل الشركة بتاعتنا
زين قعد وائل وقعدوا سوا يتكلموا وأمل كانت معاهم بس خلاص رجعت بيتها عشان تتفق مع أهلها
عادل: بقولكم ايه اجهزوا بقى للفرح لسة فاضل اسبوعين اهو
زين: وهتطلع اسوان معانا طبعاً
عادل ضحك: ايوا يا أخويا لاقيت صافي عاوزة تطلع وخصوصاً مع البنات قولتلها حاضر
زين بخبث: يعني انت واستاذ كمال هتكونوا عرسان جداد
عادل ضحك: وحياة أبوك بلاش مقالب
زين: ودي تيجي باردوا يادولا
نيجي بقى للعرسان كمال وحياة اللي مش مصدقين انهم بقوا مع بعض بعد السنين دي كلها، كمال وحياة كانوا لسة تحت وماطلعوش اوضتهم لأن كمال عاملها مفاجأة
كمال اخد حياة وطلعوا بس قبل مايدخلوا اوضتهم غمى عنيها
حياة ضحكت: احنا فينا من كدا بقى
كمال: فيه مفاجأة عشانك
كمال فتح باب الأوضة وشال ايديه من على عنيها وهي اتفاجأت بصوارها اللي مالية الاوضة
حياة: ايه كل الصور دي
كمال مسك ايديها وباسها: الاوضة دي ليكي انتي وبس ومحدش كان هيدخلها غيرك
حياة بتتفرج على كل الصور اللي من وهي لسة في الجامعة وكانت فرحانة
حياة بحب: انا بحبك اوي
كمال قرب منها وخطف بوسة: مش اكتر مني، يلا عشان نصلي سوا
حياة: حاضر
عادل مشي وزين قعد مع وائل وهيفضل عنده لحد الصبح
وائل: تـ….تفتكر هيوافقوا؟
زين: ايوا طبعاً وأمل بتحبك وأكيد هتقنعهم وبعدين ياوائل انت هتبقى كويس انت ماشاء الله بتستجاب مع جلسات العلاج الطبيعي وكلها كام شهر وتقدر تمشي براحتك
وائل: يارب يازين
زين: ان شآء الله خير ويلا عشان تنام
يذيد لما رجع من السهرة خاف يكلم ندى😂 بس هي رنت عليه وهو عمل نفسه كان نايم وهي صحته
يذيد بنوم: الو
ندى بعصبية: لا ياشيخ عاوز تفهمني انك كنت نايم
يذيد غصب عنه ضحك: اهدي بس
ندى بغضب: ماشي يايذيد احسنلك بقى ماتجيش تاخدني الصبح
يذيد: يعني عاوزة تروحي من غيري؟
ندى سكتت ومعرفتش ترد عليه
يذيد ابتسم: سكتي ليه؟
ندى: رخم
يذيد: بحبك
ندى: وانا كمان ويلا نام عشان مخمصاك
يذيد ضحك: ماتقدريش اصلا ياندوش
ندى: عشان بحبك
يذيد: ممكن اطلب منك طلب؟
ندى: اكيد ياحبيبي
يذيد: افتحي اللاب بتاعك وهرن عليكي فيديو ونسيب الفيديو شغال لحد مانصحى الصبح
ندى: الله فكرة حلوة
ندى قامت فتحت اللاب ويذيد رن عليها وسابت اللاب ادامها ونامت وهو كمان نام وعشان سرير ندى آخر واحد في السراير التلاتة فضهر اللاب هيكون لكاميليا ونور وشوية ودخلوا الاوضة وشايفين اللاب شغال وقربوا براحة شافوا يذيد نايم في الفيديو وندى كمان نايمة
نور ابتسمت: شكلهم حلو
كاميليا: اوي ربنا يسعدهم يارب
نورر: يارب، يلا احنا كمان ننام
البنات ناموا ومنهم اللي فرحان واللي حزين
تاني يوم الصبح، ندى صحيت وبتبص في اللاب كان يذيد صحي ومستنيها تصحى
يذيد: صباح الورد
ندى: صباح الخير
يذيد: كنت خايف للاب يفصل شحن
ندى ابتسمت: ما انا عملت حسابي وكنت موصلاه بالشاحن
يذيد: وانا كمان عملت كدا
ندى: طب يلا نجهز
يذيد: لسة بدري
كاميليا صحيت بسبب صوتهم: بقولكم ايه انتوا الاتنين انا صحيت بسببكم كفاية المكالمة اللي طول الليل دي واقفلوا بقى
يذيد ضحك: ايه البت دي
كاميليا ضحكت: يالا يادكتور اجهز عشان تنزلوا
يذيد برخامة: لا لسة بدري اوي
ندى ضحكت اوي: يلا ياحبيبي نقفل عشان انا اللي هنضرب
يذيد ضحك: ماشي يلا باي
يذيد قفل مع ندى وهي قامت تلبس
عند وائل وزين، زين صاحي من بدري مكانش جايله نوم ووائل لسة نايم، زين نزل قعد في الجنينة وتليفونه رن وكانت هاجر
زين: صباح الخير
هاجر: صباح الخير، انت صاحي بدري ليه؟
زين ابتسم: ازاي عرفتي اني صحيت؟
هاجر: لاقيت الفيس بتاعك مفتوح فقولت اكيد صحيت
زين: انا أصلا مانمتش
هاجر: ليه؟
زين: مافيش بس مكانش جايلي نوم
هاجر: ايه اللي شاغلك؟
زين ابتسم: مافيش ياهاجر
هاجر: انت بتحبها يازين
زين سكت ومعرفش يرد عليها
هاجر: زين ممكن اقولك على حاجة؟
زين: قولي ياهاجر
هاجر: انت عارف اني بحبك، انا ساعات كنت أنانية وكنت عاوزاك جمبي وبس وكنت عاوزة اعمل اي حاجة عشان تكون ليا لدرجة ان حاولت اساعد كارما في اي حاجة هي تعملها عشان تفرق بينك وبين كاميليا
زين: انتي بتقولي ايه؟
هاجر: سبني اكمل كلامي، انا بقولك الكلام دا عشان انا حاسة ان اكيد كارما عملت حاجة هي السبب في فراقكم
زين: حاجة ذي ايه؟
هاجر: مش عارفة يازين بس كارما جاتلي وكانت عاوزاني اساعدها بس انا رفضت لان خوفت يحصل حاجة بس انا معرفش اذا كانت فعلاً هي السبب في اللي انتوا فيه دا ولا لا
زين: عاوز منك طلب ممكن؟
هاجر: أكيد طبعاً
زين: عاوزك تكلميها وتقولي ليها انك عاوزة تقابليها وتتفقي معاها انها تساعدك انك تقربي مني
هاجر: طب وبعد كدا؟
زين: عاوزك تسجلي كل حاجة تتقال مابينكم في القاعدة دي
هاجر: حاضر
هاجر قفلت مع زين وبعد ساعتين كلمت كارما وطلبت منها يتقابلوا وكارما وافقت
كارما وصلت الكافيه ودخلت قعدت ادام هاجر: خير؟
هاجر: نشرب بس حاجة الاول
هاجر طلبت اتنين نسكافيه ومسكت تليفونها وشغلت التجسيل
هاجر: كنت عاوزة منك خدمة
كارما: خدمة ايه؟
هاجر: عاوزاكي تساعديني اقرب من زين
كارما: نعممم؟
هاجر: اللي سمعتيه ياكارما
كارما ضحكت: بقى انا معرفتش اقربه مني وانتي جايا تقوليلي اساعدك انك انتي تقربي منه
هاجر: وفيها ايه؟
كارما: لا فيها كتير ياهاجر أنا عملت حاجات كتير توقع بينه وبين كاميليا وبعدوا عن بعض بسببي وباردوا معرفتش اكسبه تاني
هاجر: يعني انتي كنتي السبب في بعدهم دا؟
كارما بحقد: أيوا
هاجر: طب عملتي ايه؟
كارما حكتلها عن اللي هي عملته وعن الصور اللي بعتتها لكاميليا وان كاميليا كمان شافت زين وهو بيبوسها وان كل دا بتخطيط كارما
هاجر بصدمة: عملتي كل دا؟
كارما: واوعدك ان هبعدها عنه حتى لو معرفتش اكسبه تاني
هاجر: بلاش ياكارما انتي كدا بتلعبي مع زين وهو مش هيسكت
كارما: ولا يهمني
كارما مشيت وهاجر قفلت التسجيل وحفظته وبعتته لزين اللي انصدم من اللي سمعه ومكانش يتوقع ان كل دا حصل ودلوقتي عرف ان كاميليا بعدت عنه بسبب كدا وجواه صراع بين القلب والعقل
القلب: اهي طلعت بتحبك اهي وبعدت عنك بسبب الزفتة كارما
العقل: والكلام اللي انت سمعته منها وانها استحالة تحب حد ذيك
القلب سكت ومعرفش يتكلم
العقل: سكت ليه؟ عشان انا صح وانت دايماً غلط هتفضل غبي ويضحك عليك
زين رغم كل الحاجات اللي عرفها وسمعها مش قادر باردوا يشوفها بتحبه شايفها انها خدعته وانها مكانتش بتحبه، شوية وطلع يشوف وائل صحي ولا لا وكان فعلاً صحي وزين حكاله كل اللي حصل
وائل: مــ….مش أ….أنا قـ…..قولتلك إني حاسس إن في حــ...حاجة
زين: حتى لو دا اللي حصل دا باردوا مش هيغير حاجة من اللي انا سمعته هي فعلاً ماحبتنيش
وائل: حــ….حاول تتـ….تتكلم معاها يازين
زين بعصبية: لا ياوائل، ويلا عشان تفطر عشان الدوا ونجهز بقى عشان نروح لأمل
وائل: حاضر
زين عمل الفطار لوائل وقعدوا يفطروا سوا ووائل كلم أمل وعرف منها ان اهلها مستنينه
كاميليا راحت الشركة وبتابع الشغل ذي كل يوم عادي وشوية ومحمود وصل الشركة وسأل عن مكتبها وراحلها وهي اتفاجأت بيه
كاميليا: بتعمل ايه هنا؟
محمود: جيت عشان اشوفك
كاميليا ابتسمت: ياسلام
محمود: اه والله وعاوزك معايا
كاميليا: قي ايه؟
محمود: مهندس الديكور قرب يخلص كل التصامين اللي طلبتها في العيادة بس في حاجات بسيطة عاوز اخد رأيك فيها
كاميليا: ايه هي؟
محمود: عاوز انزل اشتري كام طابلوه كدا عشان يتعلقوا في العيادة
كاميليا: خلاص انا ادامي نص ساعة بالظبط واخلص الشغل اقعد استناني عشان عندي اجتماع مهم
محمود: ماشي
محمود قعد يستناها وهي دخلت الاجتماع مع زمايلها مع الاستاذ هيثم وبعد نص ساعة كاميليا خلصت واستأذنت من باباها وخرجت مع محمود وراحوا محلات كتير وأخيراً استقروا على محل واختاروا وخلصوا ومحمود اخدها وراحوا يتغدوا سوا
كاميليا بإرهاق: بقى انا افطر بعد العصر
محمود ضحك: حد قالك اشتغلي
كاميليا: اعمل ايه انا بحب الشغل بس حقيقي يعني انا مرهقة اوووي
محمود: خلاص خدي اجازة
كاميليا ضحكت: دا انا لسة راجعة من اجازة
محمود: معلش هتتعودي
قعدوا يتكلموا سوا واتغدوا سوا ورجعوا البيت
ندى خرجت من الامتحان مبسوطة ذي كل يوم بس ليلى لا
ندى: مالك يالولا؟
ليلى: محلتش كويس ياندى كان صعب اوي
ندى: معلش ياحبيبتي انا قولتلك تعالي ذاكري معايا بس انتي نمتي
ليلى: كنت عاوزة انام اوي، بس ان شآء الله خير وهعدي
ندى: ان شآء الله وهانت خلاص كلها مادة واحدة ونخلص
ليلى: ان شآء الله، بقولك ايه تيجي نخرج شوية
ندى: ياريت بس يذيد اكيد مش هيرضى وخصوصاً اننا في آخر اليوم
ليلى: كان لازم يعني الامتحان يبدأ الساعة ٢ ويخلص ٤
ندى ضحكت: معلش وياستي نعوض كل دا في رحلة اسوان
ليلى بحماس: هيييح بقى
يذيد جالهم: عملتوا ايه؟
ندى: الحمدلله ياحبيبي
يذيد: يلا عشان نمشي
ليلى: ماتسيبنا يايذيد نخرج انا وندى شوية
يذيد بص لندى: عاوزة تخرجي؟
ندى: ياريييت
يذيد ضحك: طب هتروحوا فين؟
ليلى: الملاهي
يذيد: مع نفسكم انا مش هروح هناك تاني
ندى ضحكت: ليه بس يادودو
يذيد بغضب: بلاش الدلع دا هنا
مي بنت خالته جات من وراهم: مين دودود
ليلى ضحكت: دا دلع يذيد
مي برخامة: ايه دا دكتور يذيد بقى دودو
يذيد بغضب مسك ايد ندى: يالا بدل ما ارتكب جريمة
ندى بتضحك ومي وليلى مشيوا وراهم، يذيد اخد ندى معاه ومي اخدت ليلى ومشيوا
يذيد بيسوق بعصبية وندى بتضحك
ندى: ممكن تهدى
يذيد: انتي تسكتي خالص بقى انا دودو ياندى
ندى غصب عنها ضحكت اوي: دا انت أحلى دودو
يذيد: ماتعصبنيش ياندى
ندى بتحاول تهديه فمسكت ايده: يذيد
يذيد وكأنه مستني ماسكة ايديها وهدى السرعة شوية: نعم ياندى
ندى بحب: بحبك
يذيد وقف العربية وبصلها: وانا كمان بحبك اوي
ندى ابتسمت: يلا سوق يادودو
يذيد غصب عنه ضحك: هتجننيني معاكي
ندى بدلع: يعني انت مضايق
يذيد: بلاش دلع عشان احنا عالطريق
ندى ضحكت بصوتها كله ويذيد كمل سواقة
زين ووائل راحوا لبيت أهل أمل وكل حاجة مشيت ذي ما وائل عاوز وكان فرحان اوي ان الأمور مشيت ذي ماهما عاوزين ووائل اتفق معاهم انه يكتب الكتاب بعد يومين عشان أمل تعرف تطلع معاهم الرحلة وهيروحوا بكرة يجيبوا الشبكة وهيعملوا حفلة خطوبة عائلية، بعد شوية زين ووائل نزلوا سوا
زين: مبروك ياوائل
وائل: الله ييـ...يبارك فيك ياحبيبي عقبالك
زين بصله: لا
وائل ضحك وبيدعي من كل قلبه ان زين يرجع لكاميليا تاني
حياة وكمال صحيوا وكل واحد فيهم فرحان بالتاني ومش مصدقين انهم مع بعض، كمال صحي ونزل يعمل الفطار بنفسه وحياة لما صحيت وملقتهوش جمبها نزلت تشوفه فين واتفاجأت بيه في المطبخ
حياة: انت بتعمل ايه؟
كمال بصلها وابتسم: صباح الخير
حياة بكسوف: صباح الخير ياحبيبي
كمال: ثواني والفطار يكون جاهز
حياة ضحكت: بنفسك؟
كمال: طبعاً ياقلبي انا عندي اهم منك
حياة فرحانة اوي ومريم بنتها جاتلهم
مريم: صباح الخير عالعرسان
كمال: صباح الفل يامريومة ثواني والفطار يكون جاهز
مريم بإستغراب: حضرتك بتعمل الفطار بنفسك؟
كمال ضحك: في ايه ياجدعان هو عيب ولا إيه
كمال ابن حياة دخلهم: لا مش عيب طبعاً بس غريبة
كمال(الكبير): طب تعالى خد الاطباق وحطها عالسفرة يالا
كمال(الصغير) اخد الاطباق ومريم ساعدته وكمال وحياة قعدوا يفطروا كلهم سوا
كمال(الكبير): جهزوا نفسكم عشان كلها أسبوع ونطلع أسوان
مريم بفرحة: بجد؟
كمال(الكبير): طبعاً
مريم بحماس: يعيش بابا كمال يعيش
مريم قالت كلمة بابا وكمال(الصغير) اضايق من كدا وقام وساب الفطار وحياة كانت هتصوم وراه بس كمال قعدها: خليكي وانا هقوم انا اتكلم معاه
كمال خرج ورا كمال(الصغير) وقعد جمبه
كمال: قومت وسبت الفطار ليه؟
كمال(الصغير): مافيش
كمال: انت اضايقت ان مريم قالتلي يابابا؟
كمال(الصغير) بصله وسكت
كمال بهدوء: اسمع ياكمال انا طبعاً مش طمعان اني اسمع الكلمة دي منكم وأنا فضلت طول عمري من غير جواز وأخيراً اتجوزت انا وحب عمري بس بعد ما كل واحد فينا كبرنا وأنا دلوقتي مش عاوز اي حاجة تانية من الدنيا وانا بجد فرحت لما سمعت الكلمة دي من مريم وهي صغيرة وملحقتش تقول الكلمة دي كتير وهي قالتها بتلاقئية، ولو عاوزني اقولها ماتقولهاش تاني هقولها بس المهم انك ماتكونش زعلان
كمال قال كلامه وقام وخلاص هيدخل جوا بس وقف على جملة كمال(الصغير)
كمال(الصغير): بس انا مش عاوزك تقولها حاجة يابابا
كمال بصله وقلبه فرحان: انت قولت ايه؟
كمال(الصغير) ابتسم: قولت يابابا لأن مش مريم لوحدها اللي مالحقتش تقولها
كمال اخده في حضنه: ربنا يخليكم لينا ونفضل دايماً عيلة واحدة
اليوم بيعدي وجه وقت المساء والكل متجمع السفرة في ڤيلا صفي
زين: بابا انا قررت خلاص ان هنزل الشغل معاك في الشركة
صفي: أخيراً يازين
زين ضحك: أيوا يابابا أخيراً خلاص وهكون معاك انت وخالد
خالد ضحك: مالكش دعوة بيا كفاية ابوك عليا
صفي: وأنا عملت ياسي خالد بقى
خالد: مش بتعمل خالص ياعمو مطلع عيني في الشغل عشان بس قولت هاخد شهر اجازة بعد الجواز
يذيد ضحك اوي: وانت لازم يعني تقوله من دلوقتي ماكنت تسيبهاله مفاجأة
صفي غصب عنه ضحك: دا بدل ماتقوله كفاية اسبوع
يذيد بص لأبوه: اذا كنت انا عامل حسابي على شهر
زين ضحك: دا على اساس ان هيكون في دراسة ماهو هيكون في الأجازة يعني الشهر هيكون شهرين
يذيد بيخمس في وش زين: الله اكبر في عينك
ليلى ضحكت: هو انت ناوي تاخد ندى مني ولا ايه
يذيد خلص أكل وقام: طبعاً
قعدوا يضحكوا عليه وهو خرج راح يشوف حبيبة قلبه اللي قاعدة تلعب بلايستيشن مع هشام😂
يذيد دخل الڤيلا وسأل على ندى وعرف انها في اوضة البلايستيشن مع هشام، يذيد بيقرب من الأوضة وصوت ضحكة ندى مالي المكان وواقف عالباب وشايفهم بيلعبوا
هشام: يلا ياندى شوطي
ندى ماسكة دراع البلايستيشن وبتضغط عالزراير: الدراع دا بايظ والله
هشام ضحك: ليه بس
ندى: ياعم باجي اشوط الاقي اللاعيبة بيتحركوا في اتجاه تاني
يذيد هنا فهم المقلب اللي عملوا هشام في ندى وماسك نفسه من الضحك، ندى بتضغط عالزراير وفي لحظة افتكرت لما هشام خرج الدراع بتاعها من اللعب وكان بيلاعب الكمبيوتر وعمل فيها مقلب، ندى سابت الدراع وطبعاً هشام مشغول في اللعب
ندى بصوت عالي وكله غضب: هشااااااااام
هشام اتخض: في ايه؟
ندى: وقف لعب كدا
هشام بتوتر: ليه؟
ندى بعصبية: وحياة امك لهوريك
هشام بسرعة قام من ادامها وشاف يذيد ووقف وراه
هشام: ماتتحركش يايذيد
ندى: ابعد يايذيد
يذيد واقف بيضحك: وربنا ماشفت أعيل منكم
هشام جري من ادامهم وندى واقفة متعصبة
ندى: كدا تسيبه يمشي
هشام قرب منها وباسها من خدودها: تعالي نلعب سوا
ندى بصتله: بس اوعى تعمل فيا مقلب ذيه
يذيد بحب: عمري
يذيد اخد ندى وقعدوا يلعبوا، يذيد قعد ندى بين رجله ومسكت دراع اللعب وسندت دماغها على صدره وهو ماسك دراع اللعب التاني وابتدوا يلعبوا، هشام طلع عند البنات بيجري ودخل قعد معاهم
كاميليا: في ايه مالك بتجري من مين؟
هشام: من اختك يا اختي
نور: عملت فيها ايه يا إتش؟
هشام بكل برائة: كل دا عشان بس فصلت عن دراعها اللعب في البلايستيشن
كاميليا ضحكت: مش هتحرم بقى الحركة دي
هشام: عمري
نور: طب هي فين؟
هشام: قاعدة مع يذيد تحت
كاميليا قامت وبصت لنور: يلا نرخم عليهم
نور ضحكت ونزلت مع كاميليا بس وقفوا على باب الأوضة وشايفينهم بيلعبوا وانهم قاعدين في حضن بعض بيلعبوا
نور: بلاش رخامة عليهم
كاميليا ابتسمت: عندك حق يلا ننزل نعمل بيتزا ونطلع ناكل كلنا سوا
نور نزلت مع كاميليا المطبخ وبدأوا يعملوا البيتزا وشوية ومحمود جه وعرف انهم في المطبخ ودخل يخضهم، نور كانت ماسكة طبق صيني في ايديها
محمود بصوت عالي: بخ
نور الطبق وقع منها انكسر وبصت لمحمود بغضب: امشي من ادامي
كاميليا ضحكت: قابل بقى عشان تبقى تحرم
نور: ياربي الاقيها منين من اخويا ولا من ابن خالي يارب يعقلوا عشان كدا كتير والله
محمود: يابنتي احنا لو عقلنا هتتعقدوا، المهم بتعملوا ايه
كاميليا: بيتزا
محمود: ايوا بقى تحبوا اساعدكم
نور مسكت السكينة وقربت منه: اطلع فوق عند المجنون التاني بدل ما اتهور
محمود في ثانية كان فوق
كاميليا ضحكت: الله عليكي يانور
نور بثقة: ماينفعش معاهم غير العين الحمرا
يذيد وندى خلصوا لعب بفوز يذيد طبعا😂
يذيد بحب: يلا عشام تقومي تذاكري
ندى لسة قاعدة بين رجليه: لا اقعد معاك شوية
يذيد باس دماغها: هنقعد ياقلبي كتير بس دي خلاص اخر مادة ومش عاوزك تستهتري بيها
ندى: مش هستهتر والله الامتحان كدا كدا بعد بكرة يعني بكرة هذاكر كويس اوي
يذيد: ماشي ياندوش
كاميليا جات من بارة واتكلمت بحرج: احم احم
يذيد وندى بصولها وقاموا
كاميليا: احنا عاملين بيتزا تحت هتيجوا تاكلوا معانا ولا تاكلوا هنا
يذيد: انا أكلت قبل ما اجي
ندى: لا هتاكل معانا عشان لو مش اكلت مش هاكل ها
يذيد أبتسم وبص لكاميليا: ماشي ياكاميليا احنا هننزل ناكل معاكم تحت
كاميليا سبقتهم على تحت وندى ويذيد شوية ونزلوا وراها
وائل وأمل اشتروا شبكتهم وبكرة هيكتبوا الكتاب وكانوا فرحانين جداً، اما زين فرجع البلوك اللي عمله لكاميليا وكان محتاج يكلمها اوي بس كبريائه مانعه وبعد شوية راح الڤيلا عندها
هشام: تعالى يازين اقعد كل بيتزا معانا
زين قعد: لا سبقتكم من شوية
هشام بص لنور: هاتي طبق لزين
زين: والله مش عاوز بجد
يذيد: دي بيتزا طعمها حلو
محمود: طبعاً يا ابني مش كاميليا اللي عاملاها
زين غيران من محمود وبص لكاميليا اللي مش بتبصله أصلا: ماشي هاكل
نور قامت جابت طبق وقدمته لزين وقعدوا كلهم ياكلوا سوا وشوية وكاميليا سابتهم وطلعت ودا ضايق زين اوي ونور طلعت وراها
نور: طلعتي ليه؟
كاميليا: مافيش
نور قعدت جمبها: عشانه؟
كاميليا: نور مش عاوزة اتكلم في اي حاجة تخص الموضوع دا لو سمحتي
نور: حاضر ياكوكي بس انزلي معانا تاني
كاميليا: لما يمشي يانور
تليفون كاميليا وصلتله رسالة وكانت من زين
(تقدري تنزلي ليهم انا مشيت وانا اسف اني جيت)