رواية مكتوبة ليك الحلقة العشرون والحادي والعشرون بقلم ايمان جمال
فهد نزل مع مامته والكل مستغرب ومتفاجئين انه خلاص سامح امه ومهند فرح جدا لما شاف فهد حاضن هناء، الكل قاعد وندى فرحانة بقربهم بس زعلانة اوي ان فهد زعلان منها
مهند قرب على فهد: اخيرا
فهد بصله اوي: ليه خبيت عني يافهد؟
مهند: غصب عني ياصاحبي هي اللي طلبت كدا
فهد بغضب: حسابي معاك بعدين
مهند: ماتفكها بقى ياعم انت وخليك مع مامتك وبلاش ايدك اللي سابقة لسانك دي
فهد: صبرك عليا
مهند قام من جمب فهد قبل مايخنقه، فهد واخد باله من نظرات ندى وحزنها بس للأسف هو خلاص اخد القرار
هناء بصوت واطي: صالحها يافهد
فهد: انا عارف ان اللي هي عملته عشان تقربنا من بعض بس خلاص يا أمي انا اخدت قراري
هناء: بس انت بتحبها
فهد: وهي لا ولا حاسة بدا وانا مش هتعب نفسي
هناء: فكر كويس يا ابني
فهد: انا خلاص فكرت المهم الوقتي لما نرجع نتكلم مع الدكتور عشان العملية
هناء: انا هعملها عشان خاطرك انت واختك
سعد سمعها: وبالنسبة عشان خاطر جوزك دي لا؟
فهد: دا انت مركز معانا بقى
سعد ضحك: من بدري
هناء ضحكت: شكلكم حلو وانتوا بترخموا على بعض كدا
فهد ضحك ونهلة قربت منهم: على فكرة ياماما انتي ناسياني خالص
هناء حضنها عاليمين وفهد على الشمال: انا اقدر باردوا ياقلب ماما انتوا الاتنين حياتي
فهد بيرخم سعد: احنا الاتنين حياتها، دا انت طلعت مش مسيطر خالص
سعد ضحك اوي: ربنا يخليكم لبعض ياحبيبي
عبدالرحمن: يالا ياجماعة عشان ناكل كلنا سوا
الكل ااجمع وقاعدين على السفرو وفهد جمب مامته وندى قعدت جمب فارس وكانت فاكرة انه هيضايق ذي كل مرة ويقعدها جمبه بس للأسف فهد معملش كدا، هو فعلا غيران عليها بس خلاص هو اختار طريق وهيمشي فيه
فهد: بكرة كلنا هنقضي اليوم على اليخت
فارس: الله عليك
سليم: ايوا كدا بدل قعدتنا دي
نهلة: يعني هننزل البحر؟
عبدالرحمن: هننزل ياقلبي
فهد: تك وجع في قلبك ماتتلم
عبدالرحمن ضحك اوي: احلفلك بإيه ان هي خلاص مراتي يا ابني ادم انت
فهد: حتى لو مراتك فهي اختي باردوا
البنات فرحانة انهم هيخرجوا كلهم سوا وندى قاعدة ومش بتاكل
فارس: مش بتاكلي ليه ياندى؟
ندى: ابدا مافيش
فارس: ماتزعليش منه
ندى: انا مش زعلانة منه يافارس انا فرحانة انه سامحها
فارس: امال مالك؟
ندى بصت عليه وهو بقى بيتعمد يتجاهلها: ولا حاجة يافارس
ندى سابتهم وطلعت اوضتها اللي جمب اوضة فهد وقررت انها تعتمد على نفسها
فارس بيبص لفهد وزعلان عشان ندى وفهد نظراته كلها عدم اهتمام
الكل طلع ينام وفهد دخل اوضته وخرج البلكونة واتفاجئ ان ندى واقفة في بلكونة الاوضة اللي جمبه اللي هو اختارها ليها لما وصلوا
ندى واقفة سرحانة وبتبص للقمر بس حست انه جمبها وبصتله ودخلت جوا، هو استغرب انها محاولتش تتكلم معاه والأغرب بقى بالنسباله انها هتنام لوحدها بس اللي هو مايعرفوش انها رجعت الاوضة دي عشان تكون جمبه وتعرف تنام
تاني يوم الصبح، فهد والشباب صحيوا والبنات بتجهز في اواضهم وشوية ونور وبنتها وصلوا والشباب رحبوا بيها جدا
عبدالرحمن: وحشتينا يابنت الايه
نور: وانتوا كمان والله
فارس: عاملة ايه واخبارك؟
نور: انا الحمدلله اتجوزت ومعايا لوچين
فارس شال لوچين: ماشاء الله ايه العسل دا
فهد: هتجيبوا من بارة يعني ماهي طالعة لمامتها
فارس ضحك: عندك حق
مهند: واخيرا والشلة اتجمعت تاني
نور: والله انا فرحانة ان شوفتكم
البنات نزلوا بس ندى كانت لسة بتجهز، نور اتعرفت عليهم ورحبوا بيها جدا ومبوهل
نور: بس اخيرا ان ربنا هداكم واتجوزتوا
عبدالرحمن: اهدي ياماما البنات اللي ادامك دي مابتصدق تلاقي غلطة
نهلة: ايه بس ياحبيبي سيبها تتكلم
عزة: قولي يانور كانوا بيعملوا ايه؟
نور ضحكت وبصت لفهد اللي هو كمان ضحك: قولي ياحتي قولي مش قالك مابيصدقوا
نور: انا بهزر يابنات ماتقلقوش
صافي: متأكدة انك بتهزري؟
نور ضحكت: شكلك بتحبيهم اوي
ليلى ضحكت اوي: جدا
البمات ضحكوا وشوية وسليم ومراته دخلوا وهناء وسعد نزلوا
نور: طب احنا مستنيين ايه يالا نخرج
مهند: لسة اهم فرد فينا
نور: مين؟
فارس: بنت عمي
نور: انت عندك بنت عم تانية غير صافي؟
فارس: ايوا دا موضوع طويل هحكيلك عليه بعدين
وشوية وندى نزلت ونور شافتها
نور: هي دي؟
مهند: ايوا هي ودي بقى مش بس بنت عم فارس دي زوجة الفـ...........
فهد قاطع كلامه: تبقى صاحبة نهلة اختي
ندى سمعت الحوار واضايقت ان فهد مقالش انها مراته
نور بشك وبتبص لمهند: بس انت قولت انها زوجة لحد بس فهد قاطعك
مهند بص لفهد وهو بيبصله بغضب ونور اتكلمت: انا فهمت
فهد بغضب: بلاش تفهمي احسن
نور ضحكت: دا احنا شكلنا هنتسلى اوي
عبدالرحمن بشماتة: اووووي
فهد بصلهم بغضب وندى سلمت على نور وكلهم اتحركوا بالعربيات لليخت
######################
في قصر السيوفي، حامد طلب مختار وقاله انه عاوزه وبعد شوية مختار جه
مختار: خير ياحامد في ايه؟
حامد: موضوع فهد وندى هنعمل فيه ايه؟
مختار: هو في حاجة حصلت ولا ايه؟
حامد: كنت بكلمها امبارح وكانت بتعيط بس اللي فهمته منها انها اللي غلطانة وعشان كدا زعلانة انه زعلان منها
مختار: ليه هي عملت ايه؟
حامد: قالتلي هتحكيلي لما ترجع
مختار: احنا كنا عارفين من الاول انها هتتعب معاه شوية بس هو اللي تعب
حامد: عارف وباردوا هي معذورة انها ماتحبوش بالسرعة دي يامختار
مختار: انا معاك انها فجأة لاقت نفسها مراته وشوية واطلقوا وشوية ورجعوا تاني لبعض وهي رافضة كل دا بس هنعمل ايه؟
حامد: لو انا حسيت انها مش مرتاحة معاه انا هخليه يطلقها
مختار: ماتستعجلش بقراراتك ياحامد فهد حفيدي وانا عارفه
حامد: وهي حفيدتي ومش هستحمل اشوف دموعها كدا كل شوية
مختار: ان شااء الله خير وربك يسهلها لما يرجعوا بس
نرجع عند الشباب، الكل على اليخت وفرحانين حتى ندى بدأت تبقى مبسوطة، فهد باردوا هو اللي ساق اليخت وشيماء طلعتله فوق
شيماء ماسكة فنجان قهوة في ايدها: قهوتك يافهد
فهد: تصدقي كنت محتاجها ونسيت اشرب قبل ما نخرج
شيماء: عشان كدا عملتلك وكمان ومظبوط
فهد: شكرا ياشيماء
فهد اخد منها القهوة وهي نزلت عشان ماتبقاش لازقة وتبان كويسة ادامه، بعد شوية فهد وقف اليخت والشباب نزلوا الهلب
فهد: دلوقتي اللي عاوز ينزل الماية ينزل
كل واحد اخد مراته ونزل بس فارس وعزة كانوا لسة قاعدين جمب ندى
فارس: يالا ياندى عشان تنزلي معانا
ندى: لا انا هقعد واتفرج عليكم
عزة: لا قومي يالا معانا مش انتي كنتي عاوزة تنزلي البحر
ندى: لا خلاص مش عاوزة انا كدا كويسة
فارس: طب تعالي كدا
فارس اخدها وقعدها على طرف اليخت ورجليها في الماية
فارس: كدا احسن طلاما انتي مش عاوزة تنزلي
ندى ابتسمتله وفارس وعزة نزلوا وكل كلامهم مع ندى فهد كان متابعه وهناء وسعد قاعدين
فهد بصلهم: ايه مش ناويين تنزلوا انتوا كمان؟
سعد: لا ناويين بس بنشوفك انت ناوي تعمل ايه
فهد: اعمل ايه في ايه؟
هناء بصت على ندى: في مراتك اللي قاعدة لوحدها دي
فهد: ماما ارجوكي قفلي على الموضوع دا
سعد: خلاص ياهناء سبيه على راحته ويالا ننزل
سعد وهناء نزلوا ونور وبنتها كانوا لسة مانزلوش وخلاص هينزلوا
فهد لنور: يالا هتنزلوا؟
نور: اه وانت نازل ولا قاعد؟
فهد: لا نازل
نور: طب وندى؟
فهد: مالها؟
نور: يافهد اللي فهمته من كلام مهند انها مراتك وانا مش عاوزة اعرف ليه معاملتك دي وسببها ايه
فهد قلع التيشرت وشال لوچين: يالا يالوچي ننزل البحر
نور: مافيش فايدة فيك
فهد بصلها واخد لوچين ونزلوا البحر ونور نزلت هي كمان
كل واحد مع مراته وندى قاعدة تتفرج عليهم وعنيها مش شايفة غيره، فهد في البحر شايل لوچين وبيلاعبها وهي مبسوطة ونور قربت عليهم
نور: عنيها مانزلتش من عليك يافهد
فهد: نور لو سمحتي انتي ماتعرفيش حاجة يبقى خلاص
نور: انت حر يافهد
ندى لأول مرة تحس بغيرة ومضايقة من قرب نور لفهد وزعلانة اوي انه بيتجنبها وقررت انها تقوم من مكانها وتبعد عن الكل وتقعد فوق لوحدها وخلاص قامت بس حست بدوخة ووقعت في الماية والكل اتخض عليها، حمزة اللي لحقها وشالها وطلعوا اليخت وفهد على اخره عشان حمزة شالها، بيحاولوا يفوقوها وخلاص بدأ تفوق
فارس بقلق: انتي كويسة؟
ندى بتعب: ايوا انا بس اللي دخت وانا قايمة فوقعت
حمزة شالها ونزلها اوضة اليخت والكل وراهم
حمزة: ليلى غيري ليها هدومها عشان ماتاخدش برد تاني
ليلى: حاضر
الشباب خرجوا والبنات مع ندى
ندى: انا ماعملتش حسابي في هدوم عشان كنت عارفة انب مش هنزل الماية
صافذ: ولا يهمك انا معايا بس للأسف مش معايا حجاب زيادة
ندى: طب هعمل ايه؟
نور: مش.كل اللي موجودين اهلك واصحابنا تقدري تلبس كاب على شعرك
ليلى: ندى مش بتحب تشيل الحجاب خالس حتى ادام حمزة وفارس وكمان شعرها طويل ولو لبست كاب هتضطر تسيبه على ضهرها
نور: معلش عشان بس حجابه مبلول وماتاخد برد ولما ينشف تلبسه
عزة لندى: ها يانور قولتى ايه؟
ندى: خلاص هلبس كاب وامري لله
ندى لبست دريس افوايت جميييل اوي عليها ولبست كاب بنفس اللون وشعرها الطويل الناعم مفرود على ضهرها، كل البنات طلعت اليخت وندى كانت لسة في الاوضة
فوق عند الشباب فهد مضايق من حمزة، وحمزة واخد باله من كدا وحب يرخم
حمزة لفارس: بدل ما انت زعلان كدا يافارس كنت لحقتها انت
فهد بصله بغضب وسكت وفارس مش فاهم حاجة: مين دا اللي زعلان يا ابني ما انا عادي اهو
عبدالرحمن ضحك اوي: غبي من يومك
مهند: افهم بقى يافارس
فارس بتفكير وبص لفهد: اه فهمت
فهد بغضب: كل واحد يخليه في نفسه وانت ياحمزة اياك تقربلها تاني
حمزة: كنت عاوزني اسيبها تغرق يعني ولا ايه يافهد
سليم وياسين بيهدوا فهد واحمد شاف ندى ادامه: الله ايه الحلاوة دي، هي دي عروسة البحر ولا ايه
الكل بص عليها وفهد غضبه زاد
عبدالرحمن لفارس: خليك جاهز عشام هتحصل مصيبة
فارس: انا عارف انها اجازة منيلة بستين نيلة اصلا
حمزة: طب اللي عاوز يهرب بقى هيهرب ازاي واحنا في نص البحر
مهند: ماتقلقش اللي المفروض يهرب احمد عشان ليلته سوا
ندى قعدت مع البنات والكل ملاحظ انها جميلة اوي وفهد نار غضبه تحرق العالم كله
هناء لسعد: شايف فهد؟
سعد: اه شايف ربنا يستر
سليم لأحمد: تعالى اقعد بدل مافهد يرميك في البحر
احمد: انا عملت ايه يعني ماهي اللي جميـ.......
ولسة هيكمل كلامه فهد ضربه بوكس في وشه
فهد بغضب: كلمة ذيادة كمان وهتلاقي نفسك غرقان
احمد بألم: ايه الغباء دا ياعم انت
فهد بغصب: مين دا اللي غبي يالا انت
احمد: انت
عبدالرحمن: نهار اسوح قوم ياعم انت وهو نلحق الكارثة دي
كلهم قاموا وسعد قام معاهم وبيبعدوا فهد عن احمد
سعد: اهدى يافهد مش كدا
فهد بغصب: اهدى ايه وزفت ايه انت ماسمعتوش قال ايه
سعد: اكيد مايقصدش
احمد بعناد: لا اقصد
فهد بغضب: سامع بيقول ايه؟
سليم لأحمد: ماتتنيل تسكت يا اهبل انت
احمد: يعني مش شايف اللي عمله
سليم: انت اللي غلطان عشان جدك حذرك من دا قبل كدا وانت ماحرمتش
سعد وياسين بيهدوا فهد والامور هديت شوية والبنات مستغربة من اللي حصل وطبعا مش عارفين ايه اللي حصل بس شيماء هي اللي سمعتهم واضايقت اكتر بس هتستحمل لحد ماتكسب قلب فهد (دا بعينك😡)
البنات بدأوا يفتحوا علب الأكل والكل اتجمه وفهد قاعد لوحده فوق وندى بعد تفكير قررت تطلعله، فهد قاعد سرحان وما اخدش باله انها جمبه
ندى: مش بتنزل تاكل معانا ليه؟
فهد بصلها اوي: انتي ايه اللي خلاكي تسيبي شعرك وتقلعي الحجاب
ندى استغربت انه رد عليها بالسؤال دا؟ انا مكانش معايا حجاب ذيادة
فهد بسخرية: فقولتي بقى فرصة اسيب شعري😏
ندى زعلت من طريقة كلامه: انا مافكرتش كدا
فهد: امال فكرتي في ايه وانتي معاكي هنا بدل البنت سبعة وكلهم محجبين
ندى بدموع: انا فعلا معايا بنات كتير بس للأسف مالقتش معاهم حجاب ذيادة وهما اللي اضطروني البس كاب
فهد بسخرية: ماحدش بيعمل حاجة غصب عنه
ندى دموعها نزلت على اتهاماته وقبل ماتسيبه وتنزل بصتله وقالتله جملة وجعته: لا فيه يافهد عندك انا اتجوزتك غصب عني
ندى قالت الجملة دي ونزلت وهو اضايق اووووي وقلبه وجعه💔 ندى لما نزلت قعدت في الاوضة وما اكلتش وشوية وفهد انضم للشباب عشان ياكل وبيدور بعنيه عليها
نور: امال فين ندى هي مش هتاكل ولا ايه؟
صافي: قاعدة في الاوضة
نور: طب حد يجيبها عشان تاكل
صافي: ندى مضايقة انها قلعت الحجاب وشعرها باين فمش مرتاحة كدا
ليلى: والله لو كان معانا حجاب ذيادة كانت لبسته
نهلة: هي قالتلنا انها تفضل بالحجاب بتاعها بس للأسف هو مبلول وكدا هتاخد برد وعشان كدا سمعت كلامنا
فهد اضايق اوي من طريقته معاها لما سمع البنات بيقولوا كدا بس قلبه واجعه اووووي على جملة ندى
فارس: حد يدخل يجيبها عشان تاكل لانها مافطرتش
عزة: انا هدخلها
عزة راحت لندى وهي كانت نايمة على السرير وعزة قربت منها
عزة: ندى انتي صاحية؟
ندى بتعب: اه
عزة: مالك
ندى: مافيش انا كويسة
عزة: طب تعالي يالا عشان تاكلي انتي مافطرتيش يابنتي
ندى: لا انا مش جعانة
عزة بقلق: يابنتي انتي باين عليكي انك تعبانة اهو يالا قومي كلي
ندى: ماتقلقيش انا كويسة ومش جعانة
عزة فضلت تتحايل عليها عشان تاكل معاهم بس ندى رفضت وعزة سابتها وخرجت
فارس: ايه مش هتاكل؟
عزة: رافضة خالص
فهد قلبه بيقوله قوم اطمن عليها بس عقله بيقوله اثبت ، كلهم قاعدين ياكلوا وبالهم مشغول بندى
حمزة لنهلة: روحي انتي يانهلة هي هتسمع كلامك
نهلة: حاضر
نهلة راحتلها بس ندى كان مغمي عليها لانها ما اكلتش اي حاجة من امبارح، نهلة بتحاول تفوقها واتخضت عليه وبسرعة طلعت تقولهم
نهلة بدموع: ندى مغمى عليها ومش بترد عليا
الكل نزل يشوفها وفهد قلقان عليها وحمزة بيحاول يفوقها
فهد بغضب: اياك تلمسها
حمزة: احنا في ايه ولا في ايه يافهد
فهد بعد حمزة عنها وبدأ هو يفوقها وهي بتفوق بس بتعب
فهد بقلق: ايه حصل؟
ندى بصتله واتكلمت بتعب: دايخة
فهد لفارس: حرك اليخت بسرعة يافارس
فارس والشباب بيتحركوا باليخت وفهد قاعد جمبها وبيتكلم معاها عشام ماتغيبش عن الوعي تاني والبنات قلقانين عليها
صافي بعتاب: كل دا حصل عشان ما اكلتيش حاجة من امبارح ياندى
فهد: نعم؟! هي نامت من غير اكل امبارح؟
صافي: هي قعدت معانا على السفرة وقامت من غير ماتكمل أكلها
فهد بصلها: حسابي معاكي بعدين بس لما تفوقي
وبعد شوية وصلوا وفهد شالها واتحرك بيها على المستشفى وهناك الدكتور قالهم ان سبب الاعياء اللي عندها قلة اكلها وركبلها محاليا وهتروح بالليل، فهد طلب من الشباب انهم ياخدوا للبنات للڤيلا وهو هيفضل معاها والبنات كانوا رافضين بس مين يرفض كلمة قالها الفهد
فهد قاعد جمبها في المستشفى وهي نايمة، فهد على الرغم ان قلبه موجوع عشان الجملة اللي هي قالتها بس قلقان عليها وبعد شوية بدأت تصحى والدكتور جه يشوفها، وفهد غيران عليها منه وخصوصا ان شعرها باين
الدكتور: ماشاء الله بقيتي احسن
ندى ابتسمت بتعب وفهد هيولع: هي هتقدر فعلا تخرج بالليل يادكتور؟
الدكتور بصله: حضرتك تقربلها ايه؟
فهد كان لسة هيرد بس ندى فاجأته بردها: اخويا
فهد اضايق اوووووي وهاين عليه يخنقها
الدكتور: ان شاء الله تقدر تخرج هي الحمدلله بتتحسن
الدكتور خرج وفهد مضايق منها
ندى: عفيتك من الحرج انك ماتعرفش تقوله انت تقربلي ايه بدل ماتقوله اني صاحبة اختك ذي ماقولت لنور انا قولتله انك اخويا على الاقل وجودك جمبي يكون بشكل صحيح
فهد بيسمعها وزعلان ومخنوق وماردش عليها، وشوية هناء وسعد وصوا عشان يشوفوها بعد مافاقت
هناء: عاملة ايه دلوقتي ياندى؟
ندى: الحمدلله ياطنط والدكتور قالي اني اقدر اخرج بعد ما اخلص المحلول دا
سعد: الف سلامة عليكي يابنتي
ندى: الله يسلمك ياعمو
هناء: البنات في الڤيلا قلقانين اوي عليكي فقولتلهم اني هاجي اطمن عليكي واطمنهم
ندى: انا كويسة والله هي بس دوخة بسيطة
هناء: الحمدلله ياقلبي
فهد قاعد سرحان ومضايق اوووي وعاوز يمشي ويسيبهم
فهد: ماما خليكم جمبها وانا همشي
سعد: هتروح فين؟
فهد: هخرج شوية
فهد سابهم ومشي وهي زعلانة انه سابها وشوية والدكتور جه يشوفها تاني وشاف سعد وهناء وطلب من سعد انه يتكلم معاه على انفراد وخرجوا بارة الاوضة
سعد: خير يادكتور؟
الدكتور بإحترام: بما ان حضرتك في مكانة والدها انا عاوز اتقدم ليها، شوية اخوها كان موجود وقولت لما اخلص شغلي هاجي اتكلم معاها بس للاسف مشي
سعد: اخوها؟!
الدكتور: اها الاستاذ فهد
سعد كان لسة هيرد بس الدكتور قاطعه
الدكتور: انا مش عاوز حضرتك ترد عليا دلوقتي انا هديك الكارت بتاعي وهستنى مكالمة حضرتك
سعد: ماشي
الدكتور سابه ومشي وسعد دخل تاني جوا
سعد لندى: هو مين قال للدكتور ان فهد يبقى اخوكي؟
ندى: انا اللي قولتله
سعد بإستغراب: ليه؟!
ندى: عادي ماهو بدل مايقوله اني صاحبة اخته ويبقى وجوده معايا غلط فقولتله اخويا
هناء: وليه ماقولتيش انه جوزك؟
ندى: عشان هو قال لنور صاحبتهم اني صاحبة اخته فمش هيجي يقول للدكتور انه جوزي
هناء: ايه لعب العيال بتاعكم دا....وبصت لسعد: هو الدكتور كان عاوزك في ايه؟
سعد ضحك: الدكتور كان بيطلب ايد ندى مني
هناء بصدمة: نعم؟!
ندى فتحن بوقها من الصدمة😮: مين طلب مين؟
سعد ضحك على منظرهم: طلبك انتي
ندى: خرجوني من هنا واوعوا تقولوا لفهد حاجة انا مش ناقصة خناق
هناء: هي دي حاجة تتقال باردوا دا لو عرف هيعمل كارثة وخصوصا انك قاعدة من غير الحجاب
ندى بخوف: مستنيين ايه خرجوني بسرعة
سعد مش قادر يتكلم من الضحك
وبعد شوية خرجوا بيها ورجعت معاهم الڤيلا
وكان فهد بارة وشوية ورجع وعبدالرحمن ومهند وفارس وياسين في الجنينة
فهد: رجعوا ولا لسة؟
مهند: اه رجعوا
عبدالرحمن: انت كنت فين؟
فهد: كنت بتمشى شوية
ياسين: مالك ياصاحبي
فهد: بقولكم ايه مش ناقصكم
مهند: خلاص ياعم، المهم ابقى ادخل اطمن عليها اصلها بتسأل عليك من ساعة ماهي جات
فهد سابهم ودخل واتقابل في شيماء
شيماء: كنت فين كلنا كنا بنرن عليك وتليفونك مقفول
فهد بهدوء: كنت بتمشى شوية والتليفون فصل شحن
شيماء: انت كويس؟
فهد: ايوا
شيماء: طب احضرلك الاكل؟
فهد بصلها: لا مش جعان دلوقتي
فهد سابها وطلع اوضته وشوية ونهلة دخلتله
نهلة: ممكن اتكلم معاك شوية؟
فهد: طبعا ياحبيبتي تعالي
نهلة: انتوا ليه عاملين ذي القط والفار كدا؟
فهد: قصدك مين؟
نهلة: انت وندى
فهد بصلها وسكت وهي كملت كلامها
نهلة: على طول بتزعلوا من بعض ومصممين انكم تبقوا كدا
فهد: بصي يانهلة ندى اتجوزتني غصب عنها وانا مش عاوز اضايقها اكتر عشان ماتتخنقش انا بحاول احميها من اي حد وقربي ليها دا حماية
نهلة: انت حبيتها يا ابيه فهد مش كدا؟
فهد بغضب: ماقولت بلاش الكلمة دي؟
نهلة: لا لازم اقولها عشان انا دلوقتي بتكلم مع اخويا الكبير
فهد: عاوزة ايه يانهلة؟
نهلة: عاوزاك تقولها
فهد وقف بغضب: انا مش بحب حد ولا هحبها دي مجرد عيلة بالنسبالي
نهلة: تفتكر ان انا كدا هصدقك؟
فهد بصلها: تصدقي ماتصدقيش انتي حرة وانا قولت اللي عندي
نهلة: وليه اتجوزتها تاني طلاما هي بالنسبالك عيلة؟
فهد: جدها اتكلم معايا تاني وعشان هي هتنزل مصر معانا
نهلة: لا يافهد ندى قالت انها هتقعد عند فارس يعني مكانش له لزوم جوازتك منها تاني
فهد: عاوزة توصلي لإيه؟
نهلة: انا مش عاوزة اوصل لحاجة بس اللي فهمته انك فعلا حبيتها
فهد بغضب وصوت عالي: قولتلك مش بحبها ولا هحبها انتي فاهمة وهي بالنسبالي عيلة وبس
نهلة: فاهمة يا أبيه عن اذنك
نهلة اخرجت من عند فهد وانصدمت لما شافت ندى ادامها ودموعها على خدها
نهلة: ندى؟!
ندى: اياكي تعرفيه ان سمعت حاجة اياكي يانهلة
نهلة: مش هقوله بس ممكن تهدي عشان خاطري
ندى غصب عنها انهارت وعيطت جامد ونهلة اخدتها ودخلت اوضتها
نهلة: اهدي ياندى عشان خاطري
ندى بإنهيار: انا عاوزة امشي من هنا
نهلة: لا هتقعدي ونكمل فسحتنا
ندى: فسحتنا؟ هي فين دي؟
نهلة مش عارفة ترد تقولها ايه وزعلانة عشانها
ندى ببكاء: انا لوحدي رغم انكم حواليا، انا محدش قابلني في حياتي، انا تقيلة عليكم ولازم امشي
نهلة حضنتها: ماتقوليش كدا انتي اختي ومقدرش استغنى عنك
ندى انهارت اووي ومش قادرة تتكلم
نهلة: اهدي وحياتي وانا هخليهم نرجع بس بكرة حفلة عرض الازياء بتاعة نور ونحضرها وبعد كدا نرجع
ندى بصتلها: انا هستحمل لحد مانحضر معاها حفلتها بس بعدها نرجع
نهلة: حاضر اوعدك وعشان خاطري اهدي انتي لسة تعبانة
ندى: انا فعلا تعبانة بس تعبانة منه، انا اول ماعرفت انه وصل حبيت اطمن عليه رغم تعبي وانصدمت لما سمعتكم
نهلة: معلش ياندى انا مش عارفة في ايه
ندى مسحت دموعها واتكلمت بقوة: انا خلاص مش زعلانة انا كويسة اهو ماتقلقيش
نهلة قلقت اكتر: انتي لما بتتكلمي بالقوة دي بقلق عليكي
ندى: ماتقلقيش عليا انا طول عمري قوية
#######################
تاني يوم الصبح الكل متجمع على الفطار وندى نزلت وقررت تبقى قوية
فهد: عاملة ايه النهاردة؟
ندى بجدية: الحمدلله تمام
فهد مستغرب طريقتها بس قال عادي
فارس: اجهزوا بقى عشان بالليل هنروح حفلة نور
ندى: احنا متحمسين ليها جدا
عبدالرحمن: هتكون حلوة جدا لان نور ماشاء الله عليه مصممة كويسة جدا
فهد: بس مش احسن مني
مهند ضحك: هو في حد يقدر يغلب الفهد
ندى: ليه يعني محدش يقدر؟ مافيه ناس احسن من كدا بكتير (اوبس ندى بدأت تتعامل بصريقتها😂)
فهد اضايق من ردها وماردش
عبدالرحمن بيبص لفارس وكأنه بيقوله ابوس ايدك سكت بنت عمك
مهند بخوف: بس باردوا فهد مصمم شاطر وتصميماته كلها ملهاش وصف
ندى ببرود: ممكن باردوا😏
مهند لسليم: انا بقول اننا نقوم احسن بدل مانتنفخ كلنا
سليم: انا بقول كدا باردوا
وفي ثانية كان كل الشباب قاموا من على السفرة وخرجوا الجنينة وفهد هو اللي قاعد مع البنات وامه وسعد
منه لنهلة: بت يانهلة ندى مالها؟
نهلة: انا خايفة يامنه عليها لانها لما بتتعامل كدا
منه: ليه ايه بس اللي حصل؟
نهلة: هحكيلك بس مش الوقتي
فهد سابهم وخرج للشباب
كلهم واقفين واول ماشافوا فهد وقفوا بخوف
فهد لفارس: اقسم بالله يافارس بنت عمك لو مابطلت طريقتها دي معايا هي حرة
فارس: هي عادي يافهد بتتكلم عادي
فهد بغضب: لا مش عادي
مهند بخوف: ماخلاص يافهد بقى
فهد بصله: كلمة كمان وهخنقك
مهند: لا بقولك ايه انا همشي من ادامك احسن
مهند مشي وعبدالرحمن بيحاول يتكلم مع فهد: اهدى يافهد
فهد بصله بغضب: انت شايفني مجنون
عبدالرحمن لياسين وسليم ولفارس: انا بقول اننا نمشي من ادامه السعادي
كلهم مشيوا من ادامه بسرعة
في المساء، وصلوا الحفلة والعرض كان جميييل والكل مبهور بنور، وشوية وخرجوا جنينة قاعة الاحتفالات وبالصدفة مين بقى كان موجود في الحفلة الدكتور اللي كان بيكشف على ندى😂😂 (انا بدأت اخاف😂)
دكتور طارق: عنده ٢٦ سنة متخرج جديد ومن عيلة غنية في القاهرة واتنقل هنا حسب شغله وعلى الرغم من انه غني بس حب يبدأ شغله من الصفر
فهد واقف مع الشباب وطارق شافه وراح يسلم عليه
طارق: اذيك يا استاذ فهد؟
فهد: الحمدلله يادكتور
طارق: كنت عاوز اعرف رأي الاستاذ سعد في الطلب اللي طلبته منه
فهد: طلب ايه؟
طارق: اصل طلبت ايد الانسة ندى منه امبارح
عبدالرحمن لفارس: يالا بينا نجري
وانا بقول كدا باردوا انهم يجروا😂
الحلقة 21
#رواية_مكتوبة_ليك❤
#بقلم_ايمان_جمال❤
__________________________
فهد واقف ادام دكتور طارق ومصدوم من طلبه
فهد: انت طلبت الطلب دا من عمي سعد؟
طارق: ايوا ومستني رده
نيجي بقى لعبدالرحمن وفارس اللي خلعوا وراحوا لسعد
فارس: الحق ياعمو
سعد بقلق: في ايه؟
عبدالرحمن: مش عيب تخبي علينا ان دكتور طارق طلب منك ايد ندى
سعد بخوف: انتوا مين اللي قالكم؟
فارس: دكتور طارق بنفسه لسة قايل لفهد حالا
سعد بصدمة: نعم قال لمين؟
فارس: لفهد
سعد مصدوم وبص لهناء: بقولك ايه ياهناء انا الحق اخلع قبل ما ابنك يجي
هناء ضحكت اوي ومش عارفة ترد وندى قربت عليهم
ندى: في ايه مالكم؟
سعد: طارق قال لفهد انه طلب ايدك مني
ندى بصدمة: يادي الليلة السودا
سعد وخلاص هيمشي، ندى وقفته: انت رايح فين؟
سعد: انتي عاوزاني استنى بعد ماهو عرف؟
ندى: يعني عاوزني استنى هنا لوحدي وكمان اواجهه
هناء بصعوبة: مش مكسوفين من نفسكم وانتوا خايفين من فهد كدا
سعد: اقعدي ياختي انتي اضحكي وابنك هيخلص علينا
ندى بتفكير: وليه يخلص علينا؟
سعد: انتي بتفكري في ايه؟
ندى: احنا ليه خايفين كدا واللي حصل حاجة عادية؟
فارس: نعم ياختي ايه اللي حاجة عادية انتي عاوزة تموتي وتموتينا معاكي
ندى بكل ثقة وقوة: انا مش هتحرك من مكاني ويبقى يوريني بقى
عبدالرحمن: بلاش ياندى تعاندي معاه دا فهد باردوا
ندى بثقة: اذا كان هو فهد فأنا ندى السيوفي
مهند وسليم وسلوى وياسين ومنه ونهلة وصافي وحمزة وليلى واحمد قربوا منهم
مهند: في ايه واقفين كدا ليه وفين فهد؟
سعد حكاله اللي حصل
مهند بخوف: وانتوا واقفين لسة مكانكم؟
ندى: ايوا هنفضل واقفين
نهلة: ناوية على ايه ياندى؟
ندى: ناوية اني اكون اقوى منه
فهد خلص كلام مع طارق وقرب عليهم
فهد لسعد: ايه ياعمي مالك وشك اصفر كدا ليه؟
سعد بتوتر: ها... لا مافيش ما انا كويس اهو
فهد بص لعبدالرحمن وفارس: طب بالنسبة للي كانوا واقفين جمبي وفجأة هربوا ذي العيال وشهم ماله؟
عبدالرحمن وفارس بيبصوا لبعض وماردوش عليه
فهد بص لندى: طبعا انتي عارفة ايه اللي خلاهم مخضوضين كدا
ندى بتحدي: ايوا عارفة
فهد لأول مرة يشوف نظرة التحدي دي في عنيها: وانتي ايه رأيك ياعروسة؟
ندى بتحدي اكبر: موافقة
فارس لحمزة: بنت عمك مش ناوية تجيبهل لبر
فهد قرب عليها بغضب: انتي قولتي ايه؟
ندى بصت في عيونه بتحدي: قولت موافقة يافهد
فهد بيحاول يمسك اعصابه: هو انتي شايفة نفسك حرة عشان توافقي؟
ندى: ايوا حرة واقدر اخد قراراتي لوحدي
فهد قرب منها اوي: طب وانا؟
ندى سمعت كلمة 'وانا' وجواها شعور غريب لأول مرة تحسه ومش قادرة تفهم الشعور دا ايه
ندى: انت ايه؟
فهد: المفروض اني جوزك يبقى ازاي عاوزة تتخطبي لواحد تاني وانتي على زمتي
ندى: لا يافهد انت مش جوزي انا اعتبرتك اخ ليا وسند وانا كنت بالنسبالك مجرد عيلة وبس
فهد بصلها بإستغراب وبص لنهلة وسكت
ندى: ماتستغربش اوي وهي مقالتش ليا حاجة انا اللي سمعتك امبارح وانت بتتكلم معاها للأسف...... دورت وشها ودموعها نزلت: ماكنتش احب انك تكون مجبر عليا عشان خاطر جدي
ندى بعد الكلام دا بصتله ودموعها على وشها: وجودك في حياتي كان بالنسبالي فرحة ومعرفش ايه سببها بس من النهاردة مش عاوزة اكون في حياتك لاني للاسف مش هقدر ابعدك عن حياتي فأنا بطلب منك انت اللي تبعدني عنك...... ندى بتعيط جامد وفهد واقف مش عارف يرد عليها بإيه ولا قادر حتى يتحرك من مكانه
ندى: ابعدني عن حياتك يا أبيه فهد
فهد انصدم من اكتر كلمة مش بيحبها فما بالكم لما تتقاله من حبيبته وبصلها اوي
ندى: ايوا ابيه لان انا من النهاردة عندك ذي نهلة وبس
ندى سابتهم كلهم ورجعت الڤيلا وعملت مكالمة وقفلت على نفسها وقعدت تعيط لحد مانامت
فهد لسة واقف مكانه مش قادر يتحرك ومصدوم من اللي سمعه
عبدالرحمن بعتاب: دايما كنت بقولك بلاش كبريائك يسيطر عليك
فارس: عارف يافهد كنت دايما واثق انك هتحب وتلاقي البنت اللي تخلي قلبك يدق بس ماكنتش اعرف انك هتضيعها من ايدك بالشكل دا
مهند: بلاش يفوت الآوان ياصاحبي وتخسرها
نور كانت مشغولة مع بقية ضيوفها واستغربت انهم واقفين وباين عليهم الحزن فقربت منهن
نور: في ايه ياجماعة مالكم؟
نهلة بتعيط والبنات دموعهم على وشك الانهيار حتى هناء مش عارفة تعمل ايه
نور بقلق: في ايه؟
فارس: ولا حاجة يانور، احنا هنمشي ومبروك على نجاحك ويارب دايما من نجاح لنجاح
نور: مش هتمشوا غير لما اعرف في ايه...وبصت لفهد: في ايه يافهد؟
فهد واقف مكانه ذي التمثال لا عارف يتكلم ولا عارف يتحرك وفجأة سابهم ومشي من غير ولا كلمة
هناء للشباب: خليكم معاه ماتسيبهوش لوحده
الشباب خرجوا ورا فهد والبنات رجعوا مع سعد وهناء بعد ماودعوا نور ووعدوها انهم هيحكوا ليها اللي حصل بس بعدين
فهد قاعد ادام البحر ودموعه كلها على وشه وساكت وبس والشباب قربوا عليه
ياسين: ارجوك اتكلم معانا يافهد
فهد مافيش منه اي ردة فعل غير دموعه وبس
عبدالرحمن: بلاش يافهد نشوفك كدا
سليم قرب منه وقعد ادامه: احنا مش هنعاتبك ولا هنقولك اي حاجة كل اللي عاوزينه انك ترد علينا نطمن عليك
فهد باردوا ساكت
مهند: عشان خاطرنا رد علينا
فهد بعد الحاح منهم انه يرد عليهم رد بس بجملة واحدة: سيبوني وامشوا
الشباب رفضوا تماما انهم يسيبوه وصمموا يفضلوا جمبه لو حتى من غير كلام، وشوية والفجر اذن وهما قاعدين
عبدالرحمن: يالا يافهد نقوم نصلي
فهد قام معاهم ودخلوا المسجد واتوضوا في حمام المسجد واستعدوا للصلاة، الصلاة ابتدت وكلهم واقفين في خشوع وبعد شوية الصلاة انتهت وفهد قعد شوية في المسجد ورجع مع الشباب الڤيلا ومن غير اي كلمة باردوا
الليلة عدت بس كلها وجع والام وحزن، القلوب حزينة ومليانة حيرة، النهار طلع وفهد كان لسة صاحي وقاعد في الجنينة وشوية وامه خرجت تقعد معاه
هناء: صباح الخير ياحبيبي
فهد باردوا ساكت ومافيش اي ردة فعل
هناء بزعل على ابنها: رد عليا ياحبيبي
فهد بصلها: ارد عليكي اقول ايه؟
هناء: اي حاجة يافهد بس بلاش سكوتك دا
فهد بكسرة: اقولك ان قلبي اتوجع اول ماحبيت، ولا اقولك ان فهد القوي بقى اضعف انسان ولا عاوزاني اقول ايه؟
هناء مسكت وشه بحنان: الحب مش ضعف يافهد
فهد وقف: لا ضعف لما يكون حبيبتي مش حاسة بيا، ضعف لما حاولت اقربها مني ومعرفتش
هناء: صارحها بحبك يافهد
فهد: للأسف حتى دي مش عارف اعملها
هناء: ليه يافهد؟
فهد بكل قوة: انا مش هجبر حد يعيش معايا غصب عنه مش انا اللي اعمل كدا واللي مش عاوزني انا كمان مش عاوزه
هناء بقلق: اوعى تعملها تاني يافهد
فهد: هو دا الحل الوحيد ليها وليا
هناء: بلاش يافهد
فهد بص لأمه واتكلم بوجع: كان نفسي اقولك اني مش هعمل كدا بس صدقيني يا امي مش قادر......فهد قال كلامه دا وسابها ودخل جوا بيهرب من الكلام مع امه وقعد مع عبدالرحمن وفارس وبقية الشباب، وبعد شوية وصل السواق الخاص بحامد السيوفي
حمزة: انت هنا ليه ياعم حسن؟
عم حسن(السواق): حامد بيه طلب مني اجي اخد الانسة ندى
الكل مستغرب ومتفاجئ (طبعا دلوقتي عرفنا ان المكالمة اللي ندى عملتها امبارح كانت لجدها وطلبت منه يبعت حد ياخدها)
حمزة: جدي طلب منك كدا؟
عم حسن: ايوا والانسة ندى مستنياني
ندى نزلت من اوضتها وفي ايدها شنطة هدومها
ندى: انا جاهزة ياعم حسن
عم حسن اخد منها الشنط وخرجها للعربية
نهلة: انتي راحة فين؟
ندى: راجعة عند جدي
فارس: لا هترجعي معانا
ندى: لو سمحت يافارس انا اخدت قرار وكلمت جدي وهو مستنيني
ندى ودعت الكل وسابتهم ومشيت والباقي لسة في السخنة
فارس: عجبك كدا يافهد؟
فهد بهدوء: هو انا اللي قولتلها تمشي؟
فارس بغضب: ماهو لما تسمع كلام حضرتك عنها عاوزها تعمل ايه
فهد: والله معرفش هي حرة
فارس اضايق من فهد وبص لحمزة: يالا ياحمزة جهز شنطتك.....وبص لعزة وليلى وصافي: وانتوا كمان جهزوا الشنط عشان هنرجع
سليم: طب سيب عزة معانا
عزة: معلش ياسليم انا هرجع مع جوزي
سليم: ماشي
فارس اخد حمزة وليلى وعزة وصافي ومشيوا
عبدالرحمن واقف بيبص لفهد، وفهد بصله جامد: ياترى عندك ايه انت كمان تقوله
عبدالرحمن بحزن: للأسف معنديش ياصاحبي بس الظاهر كدا ان قعدتنا هنا معتش ليها لازمة
عبدالرحمن طلع اوضته ومهند هو كمان طلع وبدأوا في تجهيز شناطهم ونهلة هي كمان
وياسين طلب من منه مراته انها تحضر الشنط وسليم كمان واحمد وشيماء كل واحد في اوضته بيحضروا الشنط
هناء: يالا يافهد احنا كمان نجهز الشنط
فهد طلع اوضته وكأنه ماشي بلا وعي دخل وقعد على سريره سرحان في كلام ندى وبعد شوية امه دخلتله وشافته لسة قاعد
هناء: انت لسة قاعد يافهد
فهد: مش قادر اعمل حاجة ياماما
هناء: خلاص ياحبيبي انا هجهز شنطتك
هناء جهزت هدوم فهد وخلاص الكل جاهز، فهد طلب من عبدالرحمن انه يسوق لانه مش قادر
#######################
في المساء، ندى وصلت قصر السيوفي وحمزة وفارس وليلى وصافي وصلوا بعدها بس بعد ماوصلوا عزة لقصر المنياوي
ندى اول ماشافت جدها انهارت وجريت عليه
حامد بخوف: في ايه احكيلي ايه حصل
ندى: انا تعبانة اوي ياجدو
حامد شاف حمزة وفارس: انا عاوز افهم ايه اللي حصلها
فارس: الافضل انها هي اللي تقولك ياجدي
ندى: هحكيلك ياجدو بس مش دلوقتي خليها بكرة
حامد: ماشي يابنتي ويالا تعالي معايا في اوضتي
ندى نامت في حضن جدها وطلب من الخدم انهم يحضروا الاكل ليها وخلاص الاكل جهز وبعد الحاح كبير ندى اكلت بس حاجات بسيطة وشوية فارس خبط ودخل
حامد: في ايه يافارس؟
فارس: كنت عاوز اقول لحضرتك اني نازل القاهرة
حامد: ماتستنى للصبح ياولدي
فارس: معلش ياجدي حضرتك عارف اننا بقالنا اسبوع بعيد عن الشغل وكفاية كدا
حامد: ماشي خلي بالك من نفسك ولو احتاجت اي حاجة كلمني
فارس: حاضر
ندى: ممكن اروح معاه ياجدو؟
حامد: لا مش هتروحي دلوقتي لحد ما افهم حصل ايه وبعد كدا تروحي عشان الدراسة هتبدأ
فارس: ارتاحي الاول ياندى وبعد كدا تعالي براحتك
فارس سابهم وسافر وندى وجدها ناموا
######################
تاني يوم الصبح، في ڤيلا فهد المنياوي، فهد صحي وراح الشركة ونهلة بترن على ندى بس تليفونها لسة مقفول وهناء وسعد في اوضتهم
نيجي بقى للشركة، فهد وصل وكالعادة الموظفين واقفين احتراما له، وهو طلع مكتبه وطلب السكرتيرة، وبعد ثواني دخلت
السكرتيرة بإحترام: حمدلله على سلامتك يافندم
فهد بإبتسامة بسيطة: الله يسلمك، اطلبيلي قهوتي وان كان فارس وعبدالرحمن وصلوا عرفيهم اني عاوزهم
السكرتيرة: هما وصلوا من نص ساعة وهديلهم خبر، اي اوامر تانية؟
فهد: لا تقدري تتفضلي
السكرتيرة خرجت وراحت مكتب عبدالرحمن وفارس
السكرتيرة: مستر فهد وصل وعاوزكم
عبدالرحمن: ماشي روحي انتي واحنا شوية وهنيجي
السكرتيرة خرجت وعبدالرحمن بص لفارس: فارس
فارس: ادخله انت عشان انا مش عاوز اتكلم معاه
عبدالرحمن: احنا دلوقتي في الشغل يافارس ومشاكلنا وحياتنا الشخصية مالهاش دعوة
فارس: ابقى عرفني هو عاوز ايه لكن ان انا اروحله لا
-خلاص يافارس انا اللي جيت
ودا كان صوت فهد دخل عليهم المكتب
عبدالرحمن: صباح الخير يافهد
فهد: صباح النور
فهد اخد كرسي وقعد وبيبص لفارس: زعلان مني ليه ياصاحبي؟
فارس بغضب: يابرودك يا اخي يعني انت مش عارف
فهد بهدوء: بلاش مشاكلنا تنسينا احنا مين يافارس
فارس بغضب: ياريت تكون انت اللي فاكر احنا بالنسبة لبعض ايه
عبدالرحمن: ممكن تهدوا كدا عشان شوية وهتمسكوا في بعض
فهد قام واتكلم بوجع: انا مش جاي اتخانق انا كنت جاي اشوفكم واقعد معاكم رغم اننا في الشركة بس الظاهر كدا اني مش مقبول هنا في المكتب........وقبل مايخرج دور وشه لفارس: ربنا مايكتب عليك يافارس الوجع اللي انا فيه
فهد خرج وسابهم وفارس حاسس انه زودها شوية بس واخد على خاطره
عبدالرحمن: بلاش تزودها عليه يافارس
فارس بحزن: مش عارف اعمل ايه، لا عارف اكون جمبه ولا جمبها وحاسس اني محتار
عبدالرحمن: كل حاجة هتتحل ماتقلقش
فارس: يارب ياعبدالرحمن، ويالا تعالى نروحله
عبدالرحمن: ايوا كدا
فارس وعبدالرحمن راحوا لفهد مكتبه وكان مهند عنده
عبدالرحمن: يعني لسة سايبينك امبارح تقوم تيجي الشركة النهاردة
مهند: بس يارخم
فارس بيبص لفهد: بما اننا متجمعين يالا نخرج
فهد بغضب: نعم يا اخويا يعني بقالنا اسبوع في اجازة تقولي نخرج
فارس ضحك: ابتدينا بقى
فهد: كل واحد يشوف وراه ايه
عبدالرحمن: احمد اخو ياسين كان عامل شغل عالي في الشركة وتقريبا كدا مخلص كل حاجة مافيش بس غير اننا نخلص التصاميم عشان مسابقة احسن تصميم في مصر
فهد بثقة: ماتقلقش هنكسب المسابقة بس شدوا حيلكم معايا شوية اليومين دول عشان نرتاح بعدين
فارس: احنا معاك وفي اي وقت
مهند: طب هتفضلوا سايبني لوحدي كدا؟
فهد ابتسم: لا يامهند من بكرة ورق انضمام الشركتين هيكون جاهز ونكون كلنا شركة واحدة
مهند بفرحة: اهي دي الاخبار ولا بلاش
وبعد شوية محامي فهد وصل ودخله والشباب مستغربين
المحامي: صباح الخير يامستر فهد
فهد: صباح الخير اتفضل يامتر اقعد
المحامي: انا عملت كل اللي حضرتك طلبته
فارس بيبص لفهد بشك وفهد بيهرب من عنيه
عبدالرحمن عاوز يفهم ليه المحامي موجود النهاردة: هو في حاجة يافهد؟
فهد بهدوء: لا مافيش
فارط لفهد: شكلك هتغلط نفس الغلط مرتين
عبدالرحمن: غلط ايه ماتفهموني
مهند: ياريت عشان انا عاوز افهم انا كمان
فارس: هو فاهم وعارف بس هو حر
فهد: لا يافارس مش هغلط وصدقني مش هعملها تاني غير لما هي تقول بنفسها
فارس: امال انت ناوي على ايه؟
فهد للمحامي: قوله يامتر انا طلبت منك ايه
المحامي: مستر فهد طلب مني احط في حساب المدام ندى مليون جنيه
فارس بإستغراب: مليون جنيه ليه؟!
فهد: ندى مراتي يافارس وانا عارف ان ورثها من جدك تخليها تعيش بقية حياتها ملكة وانا اقدر اعيشها في حياة احسن كمان وعشان كدا انا حطيت في حسابها الفلوس دي
فارس: بس حامد السيوفي هيرفض
فهد: هيرفض ليه؟ هي من واجبي عليها اني اصرف عليها واكون مسئول عن كل مصاريف دراستها
فارس: مش قادر افهمك
فهد بص للمحامي: حضرتك تقدر تسيبلي الاوراق الخاصة بإيداع المبلغ وانا هكلمك
المحامي: تحت امرك يافندم اتفضل
فهد اخد الاوراق والمحامي خرج
فهد بص لفارس: عاوز تفهم ايه يافارس؟
فارس: انا كنت فاكر انك ناوي تطلقها تاني
فهد: صدقني فكرت فيها وماقدرتش بس لو طلبت دا مني هعمله
عبدالرحمن: طب ولو ماطلبتش بقى هتعمل ايه؟
فهد: مش عارف
مهند: ودا سؤال باردوا اكيد هيعملوا فرح ونفرح بيهم
فهد قام من على الكرسي ووقف: صدقوني انا خلاص اتقفلت من كل حاجة
فارس: ليه بس يافهد؟
فهد: مش عاوز كلام خلاص، ويلا روحوا على شغلكم
كلهم خرجوا ومهند رجع شركته وفهد قعد سرحان وبيفكر في اللي جاي
#####################
نروح لقصر السيوفي، ندى قاعدة مع جدها في الجنينة وحكتله عن اللي حصل ومع كل كلمة بتنهار
حامد: مش عاوزك تكوني ضعيفة
ندى مسحت دموعها: ماتقلقش ياجدو وانا زعلي على نفسي وبس وهكون اقوى وهقدر اواجه
حامد حضنها: ربنا يحميكي يابنتي، قوليلي ناوية تعملي ايه؟
ندى: الحاجة الوحيدة اللي شاغلة تفكيري هي دراستي وبس
حامد: طب وجوازك من فهد؟
ندى: مش عارفة اخد قرار ياجدو في الموضوع دا
حامد: فكري براحتك وانا معاكي في اللي عاوزاه
ندى: عاوزة اروح عند فارس ياجدو
حامد: عاوزة تروحي امتى؟
ندى: بكرة
حامد: وليه السرعة دي؟
ندى: حضرتك عارف اني هقدم في معهد الموضة اللي نفسي فيه
حامد: قدمي في اللي انتي عاوزاه وفلوس التقديم ومصاريفك وكل حاجة تحتاجيها هتلاقيها وورثك في حسابك في البنك
ندى: ربنا يخليك ليا ياجدو
حامد بص على ايديها وشايف الخاتم اللي جابه ليها فهد: شايفك يعني بتقلعي الخاتم اللي جبته ليكي ومش بتقلعي خاتم فهد
ندى بصت على ايديها: مش قصدي والله ياجدو
حامد: بهزر معاكي ياقلبي
ندى: عارف ياجدو من يوم مالبسته وهو في ايدي وكأنه مش عاوز يتشال
حامد: طبعا مش من الفهد
ندى: انا زعلانة منه اوي وحقيقي مش عاوزة اشوفه
حامد بجدية: لازم هتشوفيه لانك هتكوني عند فارس وكمان اخته هتكون معاكي
ندى: بس انا هحاول على اد ما اقدر اتجنبه خالص
حامد: ربنا يسعدك ياحبيبتي
ندى: كلم فارس وعرفوا بقى اني هروح بكرة
حامد: ماشي يابنتي
#####################
فارس قاعد في المكتب وجده رن عليه وعرفه ان ندى هتوصل عنده بكرة
عبدالرحمن: هي خلاص هتيجي بكرة؟
فارس: ايوا وطلبت من جدي ان ليلى تيجي معاها
عبدالرحمن: طب ناوي تعرف فهد؟
فارس: عادي هقوله
عبدالرحمن: تفتكر هيوافق انها تكون عندك
فارس: ويرفض ليه طلاما ليلى هتكون موجودة
عبدالرحمن: ربنا يستر
######################
نيجي شوية لبيت خالة ندى
هنية: مافيش اخبار عن بنت خالتك ياحازم؟
حازم: اللي اعرفه انها عند جدها ولسة مارجعتش مصر
هنية: انا عاوزة اشوفها
حازم بخبث: اكيييييد هتشوفيها
#######################
في المساء في ڤيلا فهد، عبدالرحمن ونهلة قاعدين في الجنينة
عبدالرحمن ملاحظ حزن نهلة: مالك يانهلتي؟
نهلة بحزن: عاوزة اطمن على ندى
عبدالرحمن: ماتقلقيش هي كويسة وكمان هتيجي بكرة
نهلة بفرحة: بجد
عبدالرحمن: ايوا ياحبيبتي
نهلة: يعني هي هتيجي عندنا هنا؟
عبدالرحمن: لا هتروح عند فارس
نهلة بحزن: يعني مش هتقعد معايا
عبدالرحمن: معلش يانهلة وبعدين ما انتي هتروحي تشوفيها
نهلة: ماشي
شوية وفهد نزل قعد معاهم
نهلة: عرفت يافهد ان ندى جايا بكرة؟
فهد اتفاجئ وبص لعبدالرحمن: هي فعلا جايا؟!
عبدالرحمن: ايوا يافهد
فهد: هتيجي هنا؟
عبدالرحمن: لا هتروح عند فارس
فهد اضايق: وعلى كدا بقى هتقعد معاه لوحدهم؟
عبدالرحمن بهدوء: لا طبعا فارس طلب من جده ان اخته تيجي تقعد معاهم وماتنساش ان فارس مش قاعد لوحده في الڤيلا معاه الخدم والحرس كمان
فهد بغضب: حتى لو معاه الدنيا كلها
عبدالرحمن: كلامك دا لو فارس دا حد غريب ومانعرفوش، المهم ابقى كلم نور لانها كلمتني وقالتلي انك مش بترد على تليفونك
فهد سابهم ودخل جوا وبعد شوية فارس وصل وشاف عبدالرحمن ونهلة قاعدين في الجنينة
فارس بيرخم على عبدالرحمن: مش معقول فهد سابك تقعد مع نهلة لوحدكم
عبدالرحمن بغضب: دا على اساس انها مش مراتي؟
نهلة ضحكت: تقريبا كدا فهد مش مصدق اني بقيت مراتك خلاص
فارس ضحك: ربنا يسعدكم ياحبايبي، المهم هو فين؟
عبدالرحمن: دخل جوا بس خلي بالك فهد عرف ان ندى جايا بكرة وكمان هتكون عندك
فارس: طب وقال ايه؟
عبدالرحمن: مضايق يعني خلي بالك
فارس بغضب: هو انت مش داخل معايا جوا ياحيوان
عبدالرحمن ضحك: مع نفسك يا ابو الفوارس
فارس بغضب شد عبدالرحمن من قفاه: وحياة امك ماهسيبك رجلك على رجلي يالا
عبدالرحمن ضحك اووووي وبس لنهلة: ابقي اقرأي علينا الفاتحة
نهلة ضحكت اوي: سلم على الشهداء اللي معاك😂
عبدالرحمن وفارس دخلوا لفهد، وفهد قاعد في مكتبه ، فهد شافهم داخلين
فهد: اهلا
فارس: حبيب قلبي يافهد
فهد: لا ياشيخ
فارس: اه وربنا حتى اسأل الواد عبده
فارس بيبص على عبدالرحمن مالقهوش جمبه
فارس في نفسه: اه ياجبان
فهد ماسك نفسه من الضحك: ايه دا هو عبده فين؟
فارس: تقريبا خلع
فهد مقدرش يمسك نفسه اكتر من كدا وضحك اووووي
فارس: هو انت بتضحك بجد؟
فهد: مابلاش رخامة بقى بدل ما اقلبلك عالوش التاني باللي ناوي تعمله
فارس: هي اللي طلبت يافهد
فهد بهدوء: يعني مش عاوزة تيجي هنا؟
فارس: شكلها كدا يافهد وعشان خاطري اصبر وكل حاجة هتكون كويسة
فهد: عادي يافارس براحتها بس صدقني لو طلبت اطلقها هطلقها
عبدالرحمن دخل: ايه دا هو انتوا قاعدين عادي مش بتضربوا بعض😂
فارس بغضب: والله لاوريك ياكلب انت بتخلع وتسيبني
عبدالرحمن ضحك اوي: يا ابني الجري نص الجدعنة😂😂
فهد ضحك اوي عليهم
الحلقة الثانية والعشرون من هنا