مذكرات رجل فاقد للذكوره
الفصل الثالث والرابع
بقلم :: مي علي
الجزء التالت ..... بقلمي :: مي علي
دخلنا انا وهيا ونسينا نفسنا محسناش غير بخضه ما يعلم بيها الا ربنا
لما لقيت الدكتور قصادي...وكان عينيه بتشر غضب طبعا ع المنظر اللي شافه...
معرفناش نقولو اي ....كان عاوز يطلب البوليس لكن استسمحناه ...واكتفا بطردنا بره ...ده طبعا بعد ما سيح وعلي صوته وفضح الدنيا
واتصل بكمال ....وحكاله وقاله يجي
وجه كمال فعلا واتطردت طردت الكلاب ..وهو اعتذر للراجل ومشينا انا وهو
أما إسراء ف مشيت جري بعد ما اتزللتله ميجبش سيره لأهلها وهو وعدها بكده بس ميشوفش وشها ف العياده تاني
طبعا كمال كان مدايق اوي ...فضلنا ماشين مبصليش حتي ...ولنص الطريق منطقش بكلمه....اترددت كتير اتكلم معاه وبعدين قولت ..
- كمال
وقف وبصلي بغل وقال...
- ليك عين تتكلم معايا
- في اي يا كمال هو حصل اي يعني
- حصل اي؟!!!! يا بجاحتك يا اخي
- يا كمال....احنا بشر ووارد نغلط
- تغلط....سيبك من وساختك دي وكمان خيانتك للامانه والأكبر من كده عمايلك مع بنات الناس....سيبك من كل ده ....انا.....انا يا ادهم ...مفكرتش فيا....ده جزاتي تعمل فيا كده....وانا موصيك...انا اللي عمري مسمعت كلمه تهزيق من حد ...اتهزق بالشكل ده
- حقك عليا يا كمال....وادي راسك ابو.....
زقني وقال
- اوعي بلا راسي بلا رجلي ....انت مش حاسس باللي عملته انت كان زمانك محبوس دلوقتي بسبب القذاره اللي عملتها والراجل مكنش هيسكت
- طب وطي صوتك ...احنا ف الشارع
- اوطي صوتي!!!! .....تصدق بالله...انا غلطت لما افتكرتك راجل وصاحب كلمه
- لا بقولك اي احفظ لسانك ...انا مقدر انك مدايق بس متسؤش فيها
- بقولك انت اي......انا مش عاوز اشوف وشك تاني ..انت من طريق وانا من طريق
- طيب ....احسن ف داهيه
بصلي بغل ومردش وسابني ومشي
- يا كمال ياعم استني بس ....طب انا اسف
فضل ماشي وانا بجري وراه ف الشارع لحد ما وصل بتهم ودخل وجاي يقفل البوابه وراه زقيتها وقولتلو
- استني بس
- عاوز اي
- حقك عليا معلش.....انا غلطت
بصلي وسكت
خلاص بقي قلبك ابيض يا كمال ...والله ما هتتكرر
- طيب يا ادهم
- لا حاسس انك مش صافي
- ياعم صافي
- طيب شوف بتكلمني ازاي
- يا ادهم انا مدايق دلوقتي
- طيب اهدي ...انا مش هعمل كده تاني....والله انا زعلان من نفسي اوي....انقطع عيشي ورجعت صايع تاني
- مهو بسبب دناوتك
- طيب هعمل اي بس...انا غلطان....كمال معلش اخر مره هتعبك ....شوفلي شغلانه تاني غير دي
- بصلي بغضب وقال...
- لا والله ما هتتكرر تاني
- والنبي ياكمال خلاص والله توبت
- يا عم لا...كفايه لحد كده...دور انت انزل واتعب ودور
- عشان خاطري يا كمال
- قولت لا
- طيب خلاص كتر خيرك.....وانا اسف مره تانيه ..سامحني....اطلع بيتك يلا ...انا ماشي
وسبته ولسه جاي أخرج نده عليا
- ادهم
- ايوه يا كمال
- هشوف وابقي اكلمك ..سيبها لله
- بتكلم بجد!!
- اه ...بس لو
- عارف عارف هتقول اي والله توبت يا كمال
- طيب ...هظبط واكلمك
- ماشي ...تصبح علي خير
- وانت من اهلو
روحت لحسن الحظ كان معايا ٢٠٠ جنيه مصرفتهمش وكان في خزين لسه جايبه
زعلت من نفسي اوي ...وقررت خلاص مش همشي ورا بنت تاني توبه
عدي اسبوع والتاني وكمال لا حس ولا خبر....فلوسي خلصت والخزين كمان اضطريت ابيع حاجات من البيت .....ده غير ابو الفتوح اللي هيجي ياخد الايجار اكيد
نزلت روحت اشوف كمال فين .....فضلت انادي محدش رد....طلعت خبطت...فتحتلي امه
- سلامو عليكو يا حجه
- وعليكم السلام يابني مين؟!
- انا ادهم يا حجه ...مش فاكراني
- ازيك يا بني عامل اي
- الحمدلله .....انا جاي أسأل علي كمال هو فين
وفجأتني فعلا لما قالتلي
إن كمال اتجوز يوم الخميس اللي فات
- اتجوز!!!!!
- اه يا بني عقبالك
- ربنا يخليكي....بس هو مقليش!!!!
- والله يا بني كان سريع سريع ....بقالهم كتير بيجهزو ....والحمدلله اتطمنت عليه
- طيب ممكن تقوليلي هو ساكن فين .....ولا اقولك انا هتصل بيه ....شكرا ....معلش ازعجتك....سلامو عليكو
ومشيت....
بقي كده يا كمال تتجوز ومتقوليش.......عادي وهو انا زعلان ليه هو اصلا لو كان عزمني مكنتش هروح ....كلمته بس مش عشان اباركله
ابارك لواحد معبرنيش بكلمه ولا عزمني علي فرحه
كلمته عشان اشوف عملي اي ف موضوع الشغل ...رنيت عليه
- الو
- اي يا كمال ازيك
- ادهوم حبيبي عامل اي يا معلم
- الحمد لله ....كويس....بس زعلان منك ....ينفع كده
- اي في اي ؟!
- تتجوز كده من غير ما تقولي....واعرف بالصدفه لما اروح اسأل عليك .....مكنش العشم
- والله ما عملت فرح ده يادوب كان كتب كتاب وهيصنا شويه وسقينا حاجه ساقعه ولفينا بالعربيه شويه واتزفينا وروحنا
- طب ع الأقل كنت تقولي
- معلش يا ادهم والله كنت مسحول
- عموما الف مبروك يا صحبي وعقبال منفرح بخلفك
- الله يبارك فيك يا حبيبي....بس بقولك اي انا مش هقبلها منك ف التليفون انت تيجي تقولهالي هنا
- حاضر هجيلك اباركلك واجبلك هديه كمان
- ياعم تعالي انت بس متجبش حاجه.....هبعتلك العنوان ف رساله يلا انا مستنيك
- تمام
وفعلا قفلت وبعتلي العنوان ....كان ساكن ف الشارع اللي ورا بيتي ....طلعت الدور التالت لقيته واقفلي قدام الباب ...
- حبيبي يا صحبي.....اتفضل
- حبيبي يا معلم الف الف مبروك والله فرحتلك اخيرا اتأهلت
- قصدك اتسحلت....يلا الحمد لله
-شقتك حلوه ماشالله
- عقبال متفرش شقتك.
- الله يباركلك
- نده علي مراتو وقال....يا امل هاتيلنا الحاجه الساقعه......وبصلي وقال
- ولا تتغدي معانا
- لا لا لا انا تمام انا جاي اباركلك وماشي علي طول
- ياعم ماشي اي ثواني وجايلك.
ودخل ....ماشالله شقته حلوه بس صغيره والصوت فيها بيسمع لو حد عطس الشارع كلو يسمع انا وانا قاعد سامع الجيران
وشويه وسمعتهم بيكلمو ومراته بتقولو
- ده اي اللي جابو هنا ده
- عيب يا امل الراجل قاعد بره وبعدين ده صحبي وضيف عندي
- بقولك اي يا كمال صحبي وصاحبك عالقهوه مش هنا وبعدين انا مبرتحلوش.....روح ماشيه
- يا امل عيب وطي صوتك ليسمعك عيب
- ميسمع ....هو ده بيحس ولا عنده دم
- الله متحترمي نفسك يا امل عيب
- يا شيخ بقي
انا كل ده سامع كل كلمه وزعلت اوي وضربت نفسي مليون جزمه اني جيت ....دقيقه ولقيته داخل
- حبيبي يا صحبي منور
- بنورك يا ابو كمال ......بقول اي انا هقوم امشي بقي
- لا تمشي تروح فين انت حتي مشربتش حاجه
- مره تانيه ....الجايات اكتر....الف مبروك .....عاوز حاجه
- سلامتك يا صحبي بس والله انا زعلان ملحقتش اقعد معاك
- معلش مره تانيه ....سلام يا صحبي
- مع السلامه
ونزلت
- عاجبك كده يا امل اهو شكلو سمعنا .....يا شيخه بقي مش هتبطلي قله ذوقك دي
- وزعلان عليه اوي لي ....ما فداهيه....مش فاضيلنه ....يلا عشان نتغدي
نزلت وانا زعلان وروحت والحكايه دي فضلت مأثره فيا ....مقضيها معرفش ازاي .....اي لقمه ....وف يوم وصلني جواب من الجامعه أن لازم اروح عشان هيفصلوني
بصراحه روحت بس عشان اسحب الملف خالص ....معدتش عاوز اكمل تعليم ....بناقص ....دخلت الاداره وظبطت الدنيا وانا خارج لقيت الواد زيكا صاحبي ف حرم الجامعه قاعد هو و الشله البايظه بتاعته ...عملت نفسي مشوفتوش
بس اتعمدت اعدي من قدامه لقيته بينادي عليا
- ادهوم
- زيكا حبيب قلبي
- عامل اي يا معلم....يااااه اي الغيبه دي كلها ياعم
- معلش الدنيا مخبطه معايا بس شويه
- والله ياصحبي مخبطه مع الكل ....الا صحيح جاي لي الجامعه
- مفيش سحبت ورقي مش هكمل
- لي بس كده يا جدع
- بلا تعليم بلا وجع دماغ....ربنا بكره يكرم بشغل وتتعدل
- اي ده انت عاوز تشتغل....هي اختك مبقتش تبعتلك فلوس ولا اي.....تعالي نقعد بس واحكيلي
وفعلا قعدت وحكتله كل اللي حصل وقالي انو عندو ليا شغلانه هتأكلني الشهد بس مدانيش اي تفاصيل عنها وقالي هيديني خبر بكره .....واديتو عنواني عشان كان ناسيه ...وسلفني ٢٠٠جنيه لما عرف أن معييش فلوس.....الواد ده كان كحيان وصايع بس اما شوفته كان رايق ع الاخر ومعاه فلوس ...
روحت جبت اكل وسجاير وفضلت افكر ياتري شغلانه اي اللي جايبهالي زيكا ....نمت من كتر التفكير
صحيت ع الساعه ٢ الضهر فطرت وفضلت قاعد ....وع الساعه خمسه الباب خبط
- مين
- انا زيكا يسطي
- حبيب قلبي اتفضل
- يارب ياساتر
- عامل اي يا معلم
- عامل كويس الحمد لله ههههههههه
- ههههههه سكر.....
- مالك يا جدع واقف كده متروح تعملنا شاي ولا قهوه ولا حاجه
- طيب يا جدع حاضر متزوقش
روحت فعلا عملت كوبايتين شاي ولقيته بيقولي
- بص يا سيدي انا جبتلك شغلانه هتأكلك الشهد ....وخلاصتها ف سؤال واحد
- اي هو السؤال!!!!
فاجأني بسؤال غريب ولقيته بيقولي...
ليك ف شقط الحريم ..........
مذكرات رجل فاقد للذكوره
الجزء الرابع.....
بقلمي:: مي علي
زيكا قالي انو جابلي شغلانه وملخصها في سؤال واحد
قولتله اي هو السؤال ...رد عليا برد فاجأني ولقيته بيقولي....
- ليك ف شقط الحريم
- نعم ياخويا
- اي ياسطي مالك رفعت حاجب ليه ....السؤال واضح ليك ف شقط الحريم ...
- افهم بس ده اي علاقته بالشغلانه اللي انت جايبهالي؟!
- ده اللي بسألك في هو أساس الشغلانه.... بص يا معلم انا بشتغل لحساب راجل غني اوي من عيله غنيه اوي اوي يعني ....كل الحكايه انو راجل صاحب مزاج وليه ف الحريم بس مينفعش يشقط واحده ويحط نفسو موضع للشبهات وهو ليه اسمه وسمعته واخد بالك ....وهو ملوش غير ف الحريم الشقط اللي بايعين نفسهم دول....مبيعملش كده مع واحده محترمه
- طبعا ومين محترمه ترضي بكده
- خلاصه الكلام...انا بقالي معاه سنه مغرقني فلوس واكل وكلو وانا مبجبش طبعا سيره لحد .....عليا بس اشقطلو حريم واخدهملو علي الڤلا بتاعتو واعرفهم ببعض واسيبهم وانزل .... الراجل ده صاحب مزاج اوي ولو جبتلو واحده مره مجبهالوش تاني هيا مره وخلصت ..
- يانهار اسوووود
- ياعم هتسود النهار ليه بس دي شغلانه سهله اوي ...مفيش اكتر من الشقط ف البلد دي ...ف كباريه ف شارع أو من ع النت وبيجو بالفلوس زي الرز وساعات بيجو بحاجات تانيه انت فاهمني طبعا ....هو لي يظبط نفسو وانا ليا الفلوس
- بس انا توبت من حكايه الحريم دي يا زيكا من اخر مره اتلدعت فيها
- توبت!!!! هو انا بقولك انا هجبهملك انت ...انا بقولك تشقطهم بس...بص يا ادهم انت شكلك مش وش نعمه خلاص انسي الحوار
- ياعم استني بس الكلام اخد وعطا....انا بس عاوز اعرف انت هتحتاجني ف اي معاك؟
- تغطي عليا ....حاجه كده ولا كده تقولي ...مانا نسيت اقلك أن لما نشقط واحده مينفعش كل الناس تشوفنا واحنا خارجين بيها كده او جايالنا احسن يعرفو مكان البيت ودي فيها سمعه البيه ....وبالذات لو حد شافنا نازلين بعد ما طلعناها
- والراجل ده هيديني فلوس كام
- يووه متعدش هيشبرقك ....المهم بس ظبط نفسك عشان اخدك دلوقتي تقابله
- دلوقتي!!!!
- اه هنستني اي يلا البس اوام
- طيب
وفعلا دخلت لبست ....انا مش مرتاح بس ماشي هشوف...... الواد باينه مالي ايدو من الراجل ده اوي ولو علي شقط الحريم مفيش اسهل منها وبالذات الصنف البطال ده ....
وخرجنا من باب البيت وانا فاكر هنطلع علي اول الشارع نركب لقيته بيقولي
- تعالي رايح فين اركب
- اركب فين!!
- الله ف العربيه يا جدع مالك تنحت ليه
- هيا دي عربيتك
- اه ياعم ....شوفت بقي ...بقولك هيشبرقك ...اركب
وركبت وبقيت ببص ع العربيه ....بقي زيكا الصايع عندو عربيه زي دي وبقي بيلبس احلي لبس والفلوس ف جيبه رزم .....كل ده من شقط الستات ....دي حاجه حلوه اوي
دخلنا منطقه نضيفه ووصلنا لشارع واسع وطويل ف عمائر علي ناحيه وڤلل جمب بعض علي الناحيه التانيه بس متقسمه حلو اوي ....ركن العربيه قدام ڤيلا....لا ڤيلا ايه ...قدام قصر ...يالهوي ع الجمال
دخلنا ....رن الجرس ...فتحلنا واحد انا اول مشوفته اتخضيت ....
قصير واسمراني وعينيه مليانه خبث وحمرا.....لما دخل زيكا كان بيكلمه بالمشاوره ....عرفت ان هو اخرس وبعدين دخلنا وقفل الباب ورانا ومشي قدامنا وكان بيعرج اوي ....بني آدم غريب الشكل فعلا
وطلعنا فوق دخلنا قوضه فيها انتريه ....البيت كلو تحف وكتب ف كل ركن مكتبه فيها كتب ....معقول ده بيت راجل هلاس ....فضلنا قاعدين والراجل ده مشي ...رحت قايل لزيكا ...
- مين الراجل الغريب ده يا زيكا
- ده سعدون ....خدام البيه ودراعه اليمين ف كل حاجه
- بس شكلو غريب اوي
- هو كده ....يخضك بس متقلقش منه خالص
- هو لي البيت فاضي كده مفيش حد غير ده ظهر لحد دلوقتي
- البيه عايش لوحدو ...مراتو ماتت من زمان ...ومعندوش عيال ....وبيعتمد علي سعدون ف كل حاجه ف اكله ف شربه ف لبسه ف كل حاجه
- طب و
- اسكت البيه جاي
ودخل علينا راجل زيكا اول ما شافه قام وقف وحجب عني الرؤيه معرفتش اشوفه وهو داخل انا كنت متوقع اني هشوف راجل هلاس باين علي وشو الشقاوه وخبيث بقي...بتاع نسوان ...لكن لما قومت فوجئت براجل محترم جدا ...لبسه منظم وشكلو منظم جدا وبيتكلم بارتكاز وهدوء ...ولما ابتدي يتكلم بان عليه اكتر أن لا الراجل ده مش زي ما قال زيكا خالص ....بيني وبينكو ابتديت اشك وبقيت عاوز امشي لكن الراجل كان في حاجه غريبه تخليك عاوز تقعد تسمعه وهو بيتكلم
فضل يتكلم ف مواضيع غريبه زي الشباب وأننا لازم نكافح وبعدين الشغل وحال الدنيا وبيتكلم بثقه وباين عليه انو راجل مثقف ومتعلم ...انا وزيكا كنا قاعدين زي الحمير بنهز راسنا وبس
خلص كلام ....وقالنا نتفضل عشان نتغدي معاه
نزلنا تحت علي سفره كانت مليانه من خيرات ربنا ...يالهووووي كل ده اكل ....انا مهتمتش بكميه الاكل اد ملفت نظري مين اللي عملوا ...مش معقول سعدون المكسح ده هو اللي عمل كل الاكل ده ....زيكا قال إن مفيش حد تاني هنا.....قعدنا وكلنا وخلصنا ورجعنا فوق قعدنا ....وابتدي الراجل يتكلم معايا بشكل شخصي وقال...
- ها يا ادهم قولي بقي انت خريج اي
- والله يا استاذ ...قصدي حضرتك ...يا ساعدت البيه انا...
- اسمي عمران ....عمران بس مش لازم يا ساعدت البيه ولا أستاذ دي الناس بطلت تستخدم الألقاب ...بيبقي زي الطربوش علي كلامهم ....ها كمل كلامك اتفضل
- بس بردو الاحترام واجب حضرتك
- الاحترام مش بالالقاب يا ادهم ومع ذلك انا برتاح جدا لما اتعامل مع الأشخاص بدون القاب ...ياريت تحققلي رغبتي...ثم انا مش كبير عنك اوي انا عندي بس٤٤سنه يعني تقدر تعتبرني اخوك الكبير
- والله ده شرف ليا....
سكت وبصلي فكملت كلامي وقولتلو
- والله انا حاليا سحبت ملفي من الجامعه انا مش غاوي تعليم ....والظروف خبطت معايا ف الفتره الاخيره بسبب اني كنت معتمد علي أن اختي بتبعتلي فلوس كل شهر بس هي شافت أنها كده بتبوظني فقطعته عني
- اه طبعا وده اكبر غلط....قولي يا ادهم انت مرتبط بواحده ؟!
- استغربت من السؤال ...اي ده في اي سكت شويه وبعدين رديت
- اه ....ايوه بحب واحده بس هيا حاليا مسافره مع ابوها انجلترا تقريبا ف اجازه
- طب وعلاقتك بيها كويسه....قصدي بتحبو بعض يعني؟!
- اه المفروض بي باباها رافض علاقتنا لانو شايفني صايع بس سايبها بحريتها
- اممم امممم.......وبصلي وسكت
وشويه
وراح قال....انا ارتحتلك جدا يا ادهم ...وشغلك مع زيكا هيريحك جدا ....اظن هو فهمك كل حاجه
- اه يا فندم فهمني كل حاجه ....
بصلي جامد اوي ولاحظ ف عيني أن في مليون سؤال عاوز اسالهم خاصه بعد ما شوفته ومش مقتنع ليه
بصلي بكل هدوء وقال....
احيانا يا ادهم مش لازم الإنسان يسأل ف حاجات ملوش دخل بيها عشان ميزعلش من رد فعل الاجابه ولا اي
- اه اه طبعا يافندم
بصلي وسكت وسابنا وخرج من القوضه
زيكا قال ...يلا ياعم انت هتبات هنا
- يلا ....ونزلنا وخرجنا وبصيت ع البوابه كان سعدون ده بيقفل الباب بشويش ونص وشو بس باين وهو اصلا مريب.....بصيت لزيكا ولسه جاي هتكلم لقيته بيقولي...
- سمعت البيه قال اي مش لازم كل حاجه تسأل عليها عشان متزعلش.....يلا عشان اروحك وبكره هنبتدي الشغل...وهعرفك الاماكن وطبعا لازم اجبلك موبايل عشان موضوع الشقط من ع النت ....اللي جايه واحده ست متجوزه بلاغيها بقالي مده وببعتلها ف فلوس وبتاع هيا جوزها مسافر فاهم .....وبصراحه جايه سكه يعني ....اهو انت توقع الحريم اللي من النوع ده باي حجه بقي .....فلوس ...أو جايبلها شغل بفلوس حلوه ....أو هي اصلا محتاجه حنان وعاوزه اللي يحتويها فاهم....بص كده من الاخر اي واحده بتجري ورا حاجه معينه بس ف الخفا كده من غير ما حد يعرف تلزمنا ..
- طيب
- امسك دول ٥٠٠جنيه ليك استفتاح بس واللي جاي اكتر......
واخدتهم منو بس وانا مش مرتاح وروحني ....وفضلت قاعد افكر ف كل اللي حصل وفكرت ف اني ارجعله الفلوس وأخلع من الحوار....... انا حاسس ان في حاجه غلط بس كنت كل أما افتكر الراجل اقول ده باين عليه محترم وافتكر هو عاوز يخلينا نعمل اي ابقي هتجنن
وفعلا تاني يوم جالي زيكا وابتدينا الشغل ونزلنا جابلي هدوم موبايل حلو وخط جديد وبقينا فعلا نشتغل ف شقط الحريم اللي مش تمام ف الشارع بقي أو نروح كابريهات وديسكوهات والنت شغال الله ينور ف الاول كان زيكا اللي بيشقط وانا براقب من بعيد بس الحريم كانو بيعجبو بيا اوي ولما كنت بدخل معاهم سكه مكنوش بياخدو ف ايدي غلوه.....وزيكا كان
مبسوط مني اوي وبقيت انا اللي بشقط وهو يحجز عليا ....اوقات كان الموضوع مبياخدش ف ايدي ساعتين لو ف كباريه أو شقط من الشارع ...اللي كان ممكن يطول شقط النت ....وكنا بناخدهم نطلعهم ونديهم فلوس في اللي كانت بتقبل لما تعرف أن مش جايبنها لينا وفي اللي كانت بتخاف وعاوزه تمشي ونحاول نطمنها وبصراحه البيه ف الموضوع ده كان عالمي .....كل واحده كانت بتيجي عشان حاجه معينه وكل واحده ليها داخله بس ف الاخر كلهم ف سله واحده تحت مسمي شقط
فضلت اشتغل انا وزيكا يجي سبع شهور والدنيا تمام والراجل فعلا كانت هيا واحده نجبهالو مره ومنكررهاش تاني.....ده لو شوفناها تاني اصلا....كنا بتغير الاماكن باستمرار ...وكان كل خط نتعرف بيه علي واحده نكسره ولو قابلناها بنكتبلها عنوان ف الشارع الاول وبعدين ناخدها ونروح ساعات ابقي لوحدي وساعات معايا زيكا.....كل الحاجات دي كانت قلقاني وفضل احساسي أن في حاجه مش طبيعيه. ...مبينيمنيش بس الراجل الصراحه كان بيشبرقنا والفلوس لعبت ف ايدي واحلي اكل وفسح وخروجات واشطا اخر حلاوه
لحد ما جه يوم لقيت زيكا بيكلمني وبيقولي ان هو مسافر ....امتي وازاي وليه قعد يتوه ف الكلام وف الاخر قالي انو عاوز يخلع بره مصر بقي ويشوف حياتو ....طب اي وانا هشتغل لوحدي ....انا مليش ف حتت ادور علي حد معايا رحت للبيه ....
كان شكلو غريب زي ميكون مجنون مش طبيعي وعينيه مبرقه .....اليوم ده خفت جدا ....معرفش خرجت من بيته ازاي ...بس منمتش يومها ....كان ف نفس اليوم اللي سافر فيه زيكا لما روحتلو ...وكنت ناوي اخلع من الحكايه دي خالص...لكن بعدها بيومين رحتلو لانه طلبني ...دخلت
وطلعت كالعاده وقعدت ...وشويه ولقيته داخل عليا بس كان طبيعي ورجع جنتل زي ما كان....الله اي الجنان ده بقي دخل وسلم عليا وقالي
- معلش علي اخر مره قابلتك فيها ...انا كنت تعبان ... المرض بقي معلش
- لا سلامتك يا استاذ عمران الف سلامه
- الله يسلمك ....طبعا انت عرفت أن زيكا سافر
- اه مهو ده اللي كنت جايلك علي شانو انا كده هشتغل ازاي لوحدي ؟!
- زي الناس ...اللي كنت بتعملو وزيكا موجود تعملو لوحدك.....انا خلاص مش عاوز حد يشتغل ف الموضوع ده معايا غيرك وهديك الفلوس اللي كنت بديها لزيكا واكتر كمان ....ها قولت اي ؟!
- طب بس انا عاوز اعرف هو سافر ليه !!!!
بصلي بصه غريبه اوي ورفع حاجبه وفضل ساكت وفجأه اترسمت علي وشو ابتسامه وقال ..
- زيكا شاب عاوز يعيش حياته وشبع خلاص ...فقال يروح يبعترله قرشين بره وانا عارف أنه لما يخلص هيرجعلي تاني
- اه
- ولحد ميرجع انت اللي هتشتغل بقي ...انا عارف انك تقدر وطبعا لازم تكون حريص عشان فيها سمعتي فاهم
- اه فاهم ...فاهم
- دول ٣٠٠٠جنيه خليهم معاك ولما تجيلي بالحلوه الجايه ليك زيهم
- خدتهم منو وانا بقول ....خلاص ماشي....
- تقدر تتفضل
- شكرا يا ساعدت البيه ...مع السلامه
- اه صحيح ....حبيبتك رجعت من السفر ولا لسه؟!
سكت شويه واستغربت من السؤال وبعدين قولت
- معرفش عنها حاجه هيا لو رجعت هتجيلي اكيد
- تجيلك فين ؟!
- البيت ...
- هيا بتجيلك البيت ؟!
- اه ....بتيجي تسأل عليا مش حاجه تاني لا سمح الله هيا محترمه اوي
- وياتري أهلها عارفين ؟!
- اه ابوها عارف طبعا ....هما عيله اوبن مايند شويه
- ووالدتها ....فين؟! متوفيه؟!
- لا هيا ......احم......هيا سابت ابوها زمان وراحت اتجوزت واحد تاني ...
- واي السبب؟!
- سبب اي؟!
- انها سابته وراحت اتجوزت واحد تاني
- والله معرفش مبدخلش ف خصوصياتهم....بس انجي افتكر قالتلي أن ده كان واحد صاحب ابوها ولعب ف دماغ أمها لحد ما اتطلقت واتفاجئ أنهم اتجوزو......بس خلاص الحكايه دي عدي عليها زمن وانجي علاقتها بيها كويسه ساعات بتروحلها
سكت ولاقيته سند بايديه الاتنين علي حاجه ورجع شعرو بايدو لورا وشكله مكنش طبيعي
قولتله....طب حضرتك تؤمرني بحاجه ....
بصلي وهو موطي وساند بايده علي شوفونيره ....يا نهار اسود مين ده.....مال شكله عمل كده ليها ....
جريت علي تحت مستنتش حتي يرد عليا ....وفتحت الباب وخرجت جري وف دماغي مليون فكره ....هو في اي اللي حصل ...وليه بيسأل كل الاسئله دي وماله اتحول كده ....
روحت علي منطقتنا .....لقيت البوليس ف داخله المنطقه وواخدين حد والاسعاف طالعه ...انا مش فاهم ...فوقفت سألت الواد كنكه القهوجي
- ولا يا كنكه اي الإسعاف دي والبوليس جاي ياخد مين ...اي الحكايه؟!
- اصلهم لسه مطلعين جثه وباينها متشرحه البتاعه البيضه اللي متغطيه بيها غرقانه دم
- يا ساتر يارب ...هيا واحده ست؟!
- اه واحده ست
- والبوليس قبض ع اللي قتلها
- اه لسه منزلينو تقريبا هو اللي بلغ علي نفسو .....الله ده انت تعرفو يا استاذ ادهم ...ده صحبك كان بيجي يقعد ع القهوه معاك دايما ....
الدم نشف ف عروقي ...مبقتش عارف اتكلم وقولتله بالعافيه ....
- صحبي مين .....اسمه اي ؟!
- صحبك اللي لسه متجوز جديد يجي من ايمت سبع شهور كده اللي ساكن ف الشارع اللي وراك ....كان اسمو اي يا واد يا كنكه كان اسمو اي
ولا يا سمير الراجل اللي لسه منزلينو ...اللي قتل مراتو ده اسمه اي
- ده كمال ياعم ....جارنا ف عماره حمدي السكري بتاع القصب
بصتلو وانا حاسس هيغمي عليا ...وقولت بهستريا
انت بتقول ايييييييه كمال......كمال ..........