رواية صالون بيتنا
الفصل الثالث
الكاتبه / مي علي
تفاعل بقي زي ما اتفقنا ويارب يعجبكم
انتي بتزوقيني يا وليه
وقبل ما ام جلامبو تنطق كانو الخمس بنات هاجمين عليها ونزلو فيها هيا وابنها ضرب
ورده ...
انتي بتزوقي امي يا وليه طب تعالي
ام جلامبو ...
اااااه يا بنت العضاضه
اااااه
بلال ...
نزلي ايدك يا بت انتي وهيا من علي امي يا لمامه
ماجده ...
تعالالي انت كمان انت بتشتمنا
وانا سكتالك يا عره انت وامك
فيروز ...
ايوووا اديلو
بلال ...
انا عره يا زباله
يا بايره
ماجده ...
يا بنات
اضربوه
نزلو في ضرب هو وأمه
والاب واقف يضحك ويقول ...
خلفت بنات بس بمية راجل
للكاتبه مي علي
ورده وهيا بتضرب العريس وهو مرمي ع الأرض
زعقت ..
وسعولي كده يا بنات وسعو
خد دي بقي عشان انا مغلوله منك
واديته ضربه وهي بتقول ...
ابقي وريني بقي هتتجوز ازاي
اديك بقيت زينا
العريس مبقاش قادر ياخد نفسو من الضربه اللي جت ف
احم ما علينا
وجرجرو الوليه من شعرها
وابنها
وطردوهم ع السلم
وده كلو عشان بس هزقو امهم
ام جلمبو خرجت من عندهم شعرها مبروم زي الاريل
وابنها بقي بنتها
وبصتلهم بغل وقالت ...
انا هوريكم
الصبر حلو
ورده ...
يلا ياختي خدي بنتك وامشي
يلا جتك البلا
ودخلو ورزعو الباب ف وشها
ماجده كانت غضبانه جدا بس حزنت ودخلت علي اوضتها جري
جم يدخلو وراها
ابوهم منعهم وقال...
سيبوها دي تجربه لازم تفوق منها لوحدها
ورده بصتلهم وقالت ...
اجتماع حالا
قامو كلهم طابور ورا بعض
الاب قال ....
يا خوفي من اجتماعتكم دي
الله وانتي راحه فين يا وليه انتي كمان
الام ...
راحه الاجتماع يا عزيز الله
ودخلو كلهم وقعدو
ورده قالت ...
الست كلت علقه محترمه
شابوه يا بنات الأداء كان هايل
بس احنا اتغابينا ولازم نحسم سلبيات الموضوع
للكاتبه مي علي
الام ...
الوليه دي شرانيه ومش هتسكت
فيروز...
تفتكرو ممكن تعمل اي
نجاة ...
كبيرها تاكل ف نفسها
ورده ...
انتي كل حاجه عندك ليها علاقه بالأكل ههههههههه
شاديه ...
يا بنات بجد هتعمل اي
وهنعمل اي ف موضوع الفرح اللي باظ اكيد الناس هتتكلم
الام....
مش عارفه والله والناس هنا مبتسبش حد ف حاله
شاديه ...
يا ماما وهيا اول واحده يعني
ماهو في ناس كتير بتفركش علي اخر لحظه وبيقولو نصيب
واحنا مش سايبين هما اللي سابو عشان خاطر بنتهم ههههه قصدي ابنهم بعد التعديل
ابن امه يعيني
الام...
ربنا يستر
اهم حاجه عندي نهون علي ماجده احسن يا حبة عيني كانت بتحبه اوي
نجاة ...
متخافيش يا ماما روحي انتي بس اعمليلنا اكل حلو وانا هاخدو واروح اهون عليها
ورده ...
اه والنبي علميها تحب الاكل زيك علي ما نشوفلها عريس حلو
وفعلا الفرح باظ واتلغي
وعدي اسبوع وكل العيله بتسأل اي اللي حصل
وهيا كلمه واحده اللي بيقولوها
مفيش نصيب
وام العريس مختفيه وهو كمان
زي ما يكون هدوء ما قبل العاصفه
لحد ما جت ام رضا
جارتهم
ودخلت البيت تقعد مع مامة ماجده
- منوره يا امو رضا والله
- بنورك يا امو ماجده
خير ياختي اي اللي حصل
انا كنت مسافره ولما رجعت الجيران قالولي أن فرح ماجده اتلغي قبلها بيوم
- والله ياختي النصيب
الحمدلله أن ربنا خلصنا منهم علي خير
إن كان هو ولا امه
- ليه اي اللي حصل ياختي قولي
الام حكتلها اللي حصل وده لأنها صاحبتها من زمان وعشرة عمر ده غير انها مش نقالة كلام
- يا نهار ابيض
يالهوي علي دول ناس وانا اللي صدقت أن الوليه غلبانه وكنت هصدق الكلام اللي قالته للناس
- كلام اي ده
- ها
لامفيش حاجه يا ام ماجده
انا بس د
- قوليلي فيه اي واي الكلام اللي قالته علي بنتي
وحياة العشره اللي بنا لاتقولي
- بصراحه ياختي
هيا دايره تلسن علي بنتك بكلام بطال إن كان هيا ولا ابنها وبناتها
طوب الارض يقولولو أن بنتك اسم الله علي مقامها يعني
اصل
- قولي كملي الكلام
- انها لا مؤاخذه معيوبه وهو عرف ده من واحد كانت مرتبطه بيه ووراه صور ليها
وانها كانت ماشيه معاه وعمل معاها الغلط
- يالهووووووي
البنات كانو واقفين يسمعو الكلام
وماجده طبعا وسطهم
وأول ما سمعت الكلام ده وقعت ف الارض مغمي عليها
ورده ...
ماجده يالهووووي
إلحقي يا ماما ماجده
جريو عليها وشالوها وفوقوها
والاب لما جه حاكولو اللي حصل
- هيا حصلت توصل للدرجه دي
يتكلمو ف عرض بنتي
للكاتبه مي علي
الام ...
انا كنت عارفه انها مش هتسكت
بس مكنتش اعرف انهم عيله زباله كده
بنتي انا معيوبه
- ينقطع لسان اللي يقول عليها كده
انا هنزل اروح بيتها واجيبو من قفاه
ولا بيتها ليه
انا رايح القسم
وهكلم فؤاد ابن اخويا يتصرف معاه
والاب نزل جري
ورده ...
ده اللي كنتي بتحبي
بتعيطي علي اييييييه
وديني لا نجبلك حقك
الام ..
هاتي التليفون يابت
فيروز...
هتعملي اي يا ماما
- هااااتي اخلصي
جريت فيروز جابت التليفون واديتهولها
رنت وفجاه قالت ...
بقي انتي بتتبلي علي بنتي أنها معيوبه يا وليه يا ناقصه
يا زباله
ورده....
ماما افتحي الاسبيكر
هاتي
وفتحت الاسبيكر
وفضلو يزعقو مع بعض
ام جلمبو بتقول...
كنتي فكراني هسكتلك انتي وبناتك
لا يا حبيبتي مش كل الطير اللي يتاكل لحمه
وانا هخليكي تسحفي
وتترجي انو يتجوزها
عشان تلمي عرض بنتك المفضوح
- يلعن ابو اليوم اللي شوفناكو فيه
إلهي ربنا يردهولك ف بناتك قادر يا كريم
- يلا ياختي روحي لمي عرض بنتك اللي علي كل لسان
والشبكه والحاجه خلاص مش عايزينها
اعتبريهم عوض
تستري بيه بنتك المفضوحه
وقفلت السكه ف وشهم
والام فضلت تبكي
بدل الدموع دم
للكاتبه مي علي
وراح الاب ورجع
وقال ...
فؤاد قال انو هيتصرف وانا عملتلهم محضر
الام ...
محضر اي بس
وسمعتنا اللي بقت علي كل لسان
منها لله
ضيعتلي خمس بنات
- معاش ولا كان اللي يجيب سيرة بنتنا بحاجه وحشه يا زينب طول ما انا عايش
البنات عملو اجتماع وكان ليهم خطه تانيه
ورده قالت ...
فاكرين البت سوزان صحبتي
فيروز ...
مالها
- هروح بكره اتفق معاها تأجرلي ناس زي اللي أجرتهم لما عرفت أن جوزها اتجوز عليها
ف البلد وبعتتهم جابو عليها واطيها
نجاة ...
مبلاش احسن العمليه مش ناقصه
ورده ...
محدش ليه دعوه انا هتصرف
وفعلا نزلت ورده وشاديه وراحو لسوزان
واتفقوا معاها تجبلهم ناس
بعد ما حكولها علي كل حاجه
وهيا كانت بتحب ماجده اوي وقررت تساعدهم
وفعلا اجرو ناس
تلت رجاله وتلت ستات
واتفقوا علي خطه
ورده قالت ...
بصو بقي يا رجاله
الناس دول دخلو في عرضنا وشرفنا
واحنا هنلمو بس بعد ما ناخد حقنا
راجل م الرجاله ...
عوزانا نعمل اي واحنا نعملو
ده كلو الا العرض
- هقولكو تعملو اي بس مش دلوقتي
الستات الاول
عوزاكو تراقبو البيت
وتروحو للوليه دي هيا وبناتها وابنها وجوزها مش موجودين
عوزاكم تجيبولي شعرهم ظلابطه وتلسعولي الوليه ام جلامبو
ف الحته الحساسه اللي هيا نص البطيخه
مش عوزاها تعرف تقعد لا هيا ولا بناتها
للكاتبه مي علي
الرجاله بيضحكو
شاديه قالت ...
وبالنسبه للواد بقي هتراقبوه وتزنقوه
بصو عوزاكو توضبوه
عوزين يبقي بدل مكان عنده أختين يبقي هو التالته
ورده ...
ايوه بالظبط كده
عاوزين نعملو حافله طهور
والفلوس كلها مع سوزان
مش عوزاكو تظهرو بعدها وكل حاجه يكون متخططلها
وفعلا ابتدو يراقبو الوليه والواد
وعرفو أن الأب بينزل من الصبح يرجع الساعه تمانيه
اما الواد بيرجع اتناشر بليل
ورده قالت ...
حلو اوي
بابا عامل محضر وممشي كل حاجه قانوني عشان كده مش هيشكو فينا
ومحدش يعرف سوزان
ابدا واحنا هنلزم البيت بقي
واتفقوا مع الستات علي خطه جامده اوي عشان يعرفوا يدخلو البيت
واحده منهم عملت نفسها انها راحه تمسح السلم
وطبعا بتلف بعد ما تخلص عشان تلم الفلوس
والعماره كانت ف منطقه هاديه شويه
وفعلا الستات طلعو العماره من غير ما حد يشوفهم
واستخبو فوق السطح
وواحده منهم عملت نفسها انها بتمسح السلم
وطلبت منها ميه
وواحده من البنات اديتها
وعشان متشكش ف حاجه فعلا مسحت السلم
بس مخبطتش علي حد من الجيران
وشاورت للستات اللي كانو واقفين مستخبين جنب الحيطه
وفتحت ام جلامبو الباب
- ايوه
- انا خلصت السلم اهو
- اه عاوزه الاجره يعني
ابقي تعالي علي طول شغلك نضيف وريحت السلم حلوه
- الله يباركلك ياست
لفت ام جلامبو تنادي علي بنت من بناتها
وهي بتقول ...
هاتي البوك يا سلمي
كانت الست غمزت لصاحبتها
اللي زقو الوليه
ودخلو الشقه وقفلو الباب
ام جلامبو جايه تجري والبنات هيصوطو
كانت واحده من الستات مسكتها
ورفعت علي رقابتها المطوه......
رواية صالون بيتنا
الفصل الرابع
الكاتبه / مي علي
البنات كانو حطو خطه عشان ينتقمو من ام جلامبو اللي نهشت ف شرف اختهم بالكدب
واجرو ناس يروحو يظبطوهم
وفعلا تلت ستات راحو علي بيت ام ماجده
وعملو نفسهم بيمسحو السلم
ولما فتحت ام جلامبو تديها الاجره
هجمو عليها وقبل ما تجري وبناتها يصوطو
كانت واحده من الستات
مسكتها ورفعت علي رقابتها المطوه وهي بتقول ...
لو صرختي يا حلوه انتي وهيا هنجيب رقبة الماما
بالمطوه
ف هديو البنات طبعا عشان خافو علي أمهم
ام جلمبو ...
انتي عايزه اي مننا
الست ..
كل خير يا حلوه
يلا يا ستات شوفو شغلكو
وانتي يا حلوه منك ليها لو صوطو ولا حسكو طلع هتلاقو رقبة امكو الحلوه دي
مرميه تحت رجليكو
للكاتبه مي علي
واحده منهم طلعت شنطه سوده كان فيها حبل وبلاستر
وكتفو البنتين
وبعدين كتفو ام جلمبو وكمموهم
بصت واحده منهم للتانيه وقالت ...
هاتي المكنه
وطلعت من الشنطه مكنت حلاقه
ومسكت ام جلامبو وقربت علي شعرها
فضلت ام جلامبو تفرك
الست قالت ..
لا خليكي حلوه كده اومال متخليش المكنه تسرح ف نفوخك
ومسكت المكنه وشالتلها شعرها كلو
بقي واقع قدام عنيها وبقت قارعه خالص
ومسكت الموس ودخلت علي حواجبها صنفرتهم خالص مبقاش فيها ولا شعرايه وبالمقص وشالت رموشها
ودخلت علي بناتها وعملت معاهم نفس اللي عملتو فيها
وبعد ما خلصو واحده منهم قالت ...
نعيما
تعالي بقي عشان نديكو قفا الحلاقه
وبصت لصاحبتها وغمزت
راحت مطلعه من الشنطه بتاعه حديد زي السيك وأخرها دايره
وقالتلها ...
روحي شوفي المطبخ فين وسخنيها علي الأخر وتعالي
وفعلا راحت عملت كده ولما جت
مسكو كل واحده فيهم
وادوهم ختم النسر ف نص البطيخه ف الناحيتين
وام جلامبو طبعا معاهم
ولما جم يقعدهم فضلو يفطو ويتنططو زي الفشار ف الحله
واترمو علي الارض بتلوو من كتر الوجع وهما متكتفين ومتربطين بالحبال وبلاستر علي بوقهم
ولمو حاجتهم وسابوهم ونزلو
ولما الاب جه لقاهم كده طبعا كانت مصيبه
وفكهم وجري علي القسم يعمل محضر وام جلمبو يعيني
لبست طرحه علي وشها
وبقت كل أما تقعد تروح نطه
للكاتبه مي علي
وقالتلو ...
اه يا رمم انا عارفه أن هما اللي وراها
طب وديني مانا سيباهم ولعلم عليهم نفر نفر
بس قبل متفكر تعمل كده
كانو الرجاله اصطادو الواد وهو راجع بليل
ومسكوه وذنقوه وعملولو حفلة طهور ع الديق
وخلوه بمعني الكلمه راجل ف البطاقه بس واخدو رموه قدام باب بيتهم
والجيران شافوه مرمي وهو غرقان ف دمه
وطلعو خبطو علي ابوه وامه اللي نزلو جري
وأخدوه ع المستشفي وهو متعور جامد
الام فضلت واقفه منتوف ريش وشها كلو
لدرجة أن الدكتور فضل يبحلق فيها عشان يحدد ملامحها
قالت ...
طمني يا دكتور علي ابني
الدكتور ...
دي جنايه مين اللي عمل في كده
للكاتبه مي علي
الاب ...
يا دكتور بس فهمنا اي اللي حصل وعملو في اي
الدكتور بكل أسي قال ...
الأستاذ اخد قطع ف منطقه حساسه جدا
وللأسف أفقده رجولته
الاب ..
يعني اي الكلام ده
الدكتور ...
يعني يؤسفني اقولك ان ابنك ميقدرش لا يتجوز ولا يخلف
لان خلاص مفيش
ام جلمبو ...
مفيش
احييييه مفيش يعني اي
ابني يالهوووووي
يعني ابني بقي بنتي
الدكتور ...
والله يا مدام احمدي ربنا انو ممتش وأننا لحقناه ف اخر لحظه ده اللي حصله صعب
ولازم تعملو محضر باللي حصل
ام جلمبو..
يا خرااااابي يا فضيحتي
يا وكستك السوده اه ياني
الاب ...
انا انا مش هسكت وديني لاوديهم ف داهيه
ام جلمبو ...
داهيه اي داهيه اي
استر علينا يا ابو بلال استر علينااااا ابنك بقي بنتك
حسبي الله ونعم الوكيل
واخدو بنتهم التالته وروحو بيها البيت
والاب راح عمل محضر بس للأسف اتقيد ضد مجهول
لان مفيش شهود ومفيش علامات واتهامهم لعزيز وبناته مجبش فائده نهائي لأن التحريات أثبتت أن البنات مخرجوش
ومش هم
بس البنات قصدو يعملو كده عشان عارفين انهم هيتهموهم
ف لزمو البيت
وادو الناس فلوسهم عن طريق سوزان
والناس اختفو ولا الدبان لأزرق يعرفلهم سكه
للكاتبه مي علي
طبعا الاستاذ عزيز عرف باللي حصل وروح وهو غضبان اوي
ودخل يزعق ...
هما فين ولادك يا زينب
- في اي يا عزيز مالك بتزعق ليه
- انتي تسكتي خالص يا وليه
انتي يا هانم انتي وهيا
فيروز طلعت...
ايوه يا بابا
- روحي ياختي هاتي بقية العصابه وتعالو اقفو قدامي هنا
دخلت فيروز جري ...
يا بنات إلحقو بابا عاوزنا
ورده ...
مصيبه ليكون عرف حاجه
فيروز...
اه شكله كده
شاديه ..
بصو لو سأل علي حاجه نقول منعرفش
نقول اي
ورده ...
انتي ليه محسساني اننا ف مسلسل ريا وسكينه
شاديه ...
اخلصو بجد
لو سأل نقول اي
كلهم قالو ف صوت واحد ..
منعرفش
وخرجوا ووقفو صف قدام ابوهم
- انتو اي اللي انتو هببتو دا
شاديه...
عملنا اي يا بابا
- لا بقولكو اي شغل الهبل اللي انتو فيه مش عليا
انتو عارفين عملتو اي
اجتماعتكو اللي كل شويه والهدوء اللي مش من عادتكم
متستعبطوش علي امي
ورده ...
يا بابا بس فهمنا في اي
- في أن بلال عريس ماجده وأهله
راحو عملو محضر ضدنا عشان في ناس اتهجمو علي الوليه ف بيتها وحلقولها خالص
ورجاله زنقو الواد وطاهرووه
عملو نفسهم ميعرفوش حاجه
فيروز قالت ...
اوبااااا ده مين ابن اللعيبه اللي عمل كده
تسلم ايدهم والله
- بس ولا كلمه
هتقولو الحقيقه ولا لا
شاديه ...
هو انت. فاكر يا بابا أن احنا اللي عملنا كده
حيات النبي ابدا
احنا كنا بندعي بس تكمل علي خير
- ايبييه
- قصدي ربنا ينتقم منهم
الاب سكت شويه وبص لنجاة وقال ...
نوجه يا حبيبة بابا
هجبلك شاورما وشوكلاته
بس قوليلي يا حبيبتي ها عملتو اي
كلهم زغرولها لأنهم عارفين انها بتاعت بطنها
نجاة عينيها لمعت وقالت...
شاورما الله
وشكولاته كمان
بابا انا هقولك علي كل حاجه
وحكت لأبوها كل حاجه ف لحظه
الاب بقي متافجئ من اللي بيسمعو وقال ...
بناتي انا يعملو كده
يا خسارة تربيتي فيكو
ده انتو عصابه بقي وينخاف منكو
للكاتبه مي علي
ورده...
اسمحلي يا بابا اتكلم
حضرتك زعلان مننا ده حقك
بس كنت عاوزنا نعمل اي وواحده ملهاش لازم دايره تلسن علينا كلنا
ما هي سمعة ماجده من سمعتنا
من سمعتك يا بابا
وانت ربتنا نبقي شداد ونخاف علي بعض ومنسبش حقنا
شاديه ...
ايوه يا بابا
احنا علمنا عليها بس مش اكتر
الاب ...
ومخفتوش علي نفسكو
مفكرتوش هيجرالي اي انا وامكو لما ياخدوكو يحبسوكو علي اللي انتو عملتوه
فيروز...
يا بابا كل اللي فكرنا فيه اننا ننتقم لشرفنا
وكمان احنا كنا حاسبين كل حاجه
الاب بصلهم وعينيه مبتسمه بس بيحاول ميبينش
وقال...
ربنا يستر وتعدي علي خير
يلا كل واحده علي اوضتها
وخفو اجتماعات شويه
دخلو جري ولا واحده فيهم اتكلمت نص كلمه
لحد تاني يوم الصبح
صحيو من النوم
علي صوت ام جلمبو وأمهم بتزعق قدام الباب
صحيو البنات كلهم
اول ما وارده شافتها ضحكت اوي وقالت ....
ايوه يا عمو حضرتك عاوز حاجه
ام جلمبو ...
بس يا قليلة الادب
شاديه ...
سمعت انهم طهرو ابنك
الف الف مبروك يا عمو عقبالك
ورده ...
انتي جايه هنا عشان تضربي شكلك حبيتي الضرب اوي
اخذي الشيطان واتكلي كفايه اللي جرالك
لسه ام جلامبو هتتكلم وتزعق
شدت ماجده امها واخواتها من قدام الباب ودخلتهم ورزعت الباب ف وشها
وهيا فضلت تهبهب شويه ومشيت
الام فضلت تضحك ويرقصو كلهم ويلحنو
ما يجيبها الا رجالها اه
ما يجيبها الا رجالها ترلملم
وفيروز تطبل
الام حضنتهم وقالت ...
بس الستات اتغابو اوي يا بنات
انا معرفتهاش
فيروز...
ده نيولوك يا ماما
المهم
ما يجيبها الا رجالها اشك اشك اشك
ولولولولولولي
مجرد فرحتهم انهم ردو كرامتهم وكرامة اختهم بالدنيا
واختفت ام جلامبو وعيالها وجوزها
وماجده اتأثرت طبعا وقررت تقفل موضوع الجواز ده وتشتغل
وفضل يتقدملها عرسان وهيا ترفضهم
وقالت انها مش هتجوز دلوقتي
وبقيت البنات كمان كبار ولازم يتقدملهم عرسان
اول عريس اتقدم لورده كان حانوتي
بس هيا مكنتش تعرف
ودخل واتقدم وأبوها اخد رأيها
- اي رأيك يا ورده فيه
- حلو يا بابا حلو بس بيشتغل اي ومؤهله اي
- بصي هو
يعني معاه شهاده بس هو حابب يشتغل مهنة ابوه
- اه يبقي اكيد عنده سلسلة شركات صح
- اممم لا مش بالظبط
- يبقي شركه واحده
- بردو لا
- محلات ملابس
- لا
- تبقي جزاره اه
لا لا عطاره عطاره صح
- بصي هو
حانوتي
- نااااااعم
البنات فضلو يضحكو
فيروز ...
من اعمالكم صولط عليكم
للكاتبه مي علي
الاب ...
بس يابت
ها موافقه
ورده ..
لا يا بابا مش موافقه
- ليه بس
- يا بابا حانوتي
يعني ده الواحد يتشائم منه وده الواحد يلبسلو اي كفن
ولو دخل عليا البيت طبعا مش هيدخل بأيدو فاضيه
أكيد هيجبلي قرص الميتين وهو جاي
نجاة ...
بس الميتين مبياكلوش قرص
ورده ...
خلاص اتجوزيه انتي
نجاة ..
لو هيجبلي اكل انا موافقه
الاب ...
يعني انتي مش موافقه
طب خلاص مفيش نصيب نقوله
ورده ...
اهو ده اللي ناقص هنتجوز حانوتي كمان
واتقدم لها عرسان كتير هيا وشاديه
اول عريس اتقدم لشاديه اول ما شافته قالت ...
اي زعبوله القوله اللي انتو جايبنهولي ده
وده اشيله انا يوم جوازنا ولا اي
ده فاضلو شويه ويلمس الارض
وهكذا كل عريس يتقدم
يطلعو فيه العبر
راسو كبيره
اصلو غتيت
بكرش
مهو فجعان
لابس الجزمه من غير شراب
أو عندو سنة حول بسيطه
أو ده تختخ افندي
وهكذا
صالون بيتهم مكنش بيخلي من العرسان
امهم تعبت وقالت ...
كفايه تتبطرو بقي غيركو مش لاقي
ورده ...
يعني هنتجوز ناس بالمناظر دي يا ماما
احنا مش اي حد بردو
فيروز كانت قاعده بتتفرج علي فيلم وفجأه هبت واقفه
- جاتلي فكره يا بنات
شاديه..
اي
- عارفين احنا محتاجين لأي
ورده ...
ل اي يا رويتر
- محتاجين لخاطبه
بصو كلهم لبعض وقالو ...
خاطبه !!!
فيروز ...
اه خاطبه
نقولها المواصفات اللي احنا عاوزينها وهيا تجبلنا
ورده ...
أما صحيح فكره حلوه
ماما ماما ماما ماما
الام ...
ايبييييييييي
- متعرفيش خاطبه تكون كويسه
الام ...
خاطبه ليه انشالله
شاديه ...
هتجبلنا اللي احنا عاوزينو
الام ..
يااااه بس دي حاجات قديمه اوي وخلصت
- لا اكيد في يعني منقرضتش
الام ...
مش عارفه هسأل خالتك ام رضا
وفعلا الأم سألت جارتها بإستلطاف كده لحد ما عرفت منها عنوان واحده
فجريت علي البنات تقولهم
الام....
لقيتها
ورده ...
ها فين يا ماما وعنوانها فين ونوصلها ازاي
الام ..
خالتك ام رضا هتبعتلها تيجي
مجوزه نص الشارع ده لناس زي الفل
انشالله تيجي بكره
فيروز ...
اسمها اي بقي يا ماما
الام ..
اسمها خالتك ام ترتر
شاديه ...
ام ترتر
الله حلو اوي
ودخلو البنات عملو اجتماع وكل واحده كتبت مواصفات رجل أحلامها ف ورقه عشان تقوله لام ترتر لما تيجي
وفعلا تاني يوم جت ام ترتر
وام رضا اخدتها وطلعو علي شقة الست زينب مامة البنات
والام رحبت جدا بيها
- اهلا اهلا يا امو ترتر اتفضلي يا حبيبتي
- يزيد فضلك يا حبيبتي ربنا يبارك فيكي ويراضيكي ويستر عرض بناتك وعرض الولايا والمطلقين وكل المتجوزين يهدي سرهم يا قادر يا كريم
الام سكتت ومبقتش قادره تمسك نفسها
ام ترتر كانت ست قصيره جدا ومدألجه
وبتتكلم بسرعه وبترد بدل الكلمه خمسميه
للكاتبه مي علي
خرجولها البنات واحده ورا واحده
ورحبو بيها وطبعا هروها تريقه
وسالت ام ترتر ...
قولولي بقي يا قمرات اسم الله عليكو وعلي جمالكو وادبكو
كل واحده تقولي عوزاه شكله اي ومواصفاته
وانا بعون الله هجبهلكم انشالله لو ف بطن الوزه
وفعلا البنات كل واحده قالت مواصفات اللي بتحبه
بالترتيب وكانو كالأتي ....