رواية صالون بيتنا
الفصل الخامس
الكاتبه/ مي علي
وجت أم ترتر الخاطبه عشان كل واحده تديها مواصفات العريس اللي هي عايزاه
وفعلا جت ام ترتر وكل واحد أد يتها المواصفات بتاعت العريس وكانت كالأتي :
ورده عاوزاه طويل ومفرود ويكون متعلم ويستحسن تكون أمه ميته وأخواته ميتين
أما شاديه فكانت عوزاه رومانسي وشكله زي مهند بالظبط ويكون بيحب قراية الروايات زيها ويكون متعلم
أما نجاة فكتبت أنها عاوزه واحد شبها ويجبلها أكل كتير ويكون متريش
فيروز لسه صغيره ومبتقتنعش بالكلام ده وسابتها لله
وطبعا دي مش مواصفات عرسان خالص بس ام ترتر هودتهم وقالت :
حاضر من عنيا كل طلابتكم أوامر وهجبهلكو انشالله إن كان فين
الكاتبه / مي علي
الام :
الله يراضيكي ياختي ومتخفيش حلوتك عندي
أم ترتر :
لا حلاوة اي ده كان زمان دلوقتي انا باخد ع الراس 350 جنيه
البنات كلهم ف صوت واحد :
ناااااعم هيا راس تور في اي متخليكي حلوه كده
ام ترتر :
اي ده يدوبك علي اد المجهود اللي بعملو وهو حد لاقي اليومين دول
ورده :
حضرتك فاهمه غلط انتي فاكره اننا جايبينك عشان مفيش حد بيتقدملنا
لا احنا جايبينك عشان تجيبلنا اللي يعجبنا عشان ولا واحد من اللي بيتقدمو طلع عدل
الام :
دول خمس بنات يعني عاوزه تاخدي علي جوازتهم بتاع تلت تلاف جنيه ليه
الخاله ام رضا قالت :
بصي يا امو ترتر السعر ده كتير اوي يعني
وبعدين بصي ياختي بلاش مقاطعه انتي بس هاتي العرسان ونشوف
شاديه :
اه ولما تتم علي خير ونتجوز ساعتها نديكي فلوسك
ام ترتر :
لا يا ستي وانا هستني اما تتجوزو لو اتخطبتو هاخد فلوسي
وربنا المتمم بقا
الأم :
خلاص ماشي بس تكرمينا شويه
ام ترتر :
ماشي ياختي عشان خاطرك همشيهم 250 بس وكده ابقي عامله معاكي احلي واجب
الام :
خلاص مفيش مشكله
وقامت ام ترتر مشت وسحبت ف ايده ام رضا جارتهم
ورده قالت :
الوليه دي يباي عليها
شبر ونص انما سوسه
الأم :
علي الله تجيبو سيره لابوكو لو عرف ممكن يطلقني فيها
شاديه :
متخفيش يا ماما سكمون بوكمون
وبالفعل امو ترتر ف خلال أسبوع كانت جايبه عريس لورده بنفس المواصفات اللي قالتها
وقرم الفاتحه
وحددو معاد الشبكه بعدها بشهر وكانت ورده فرحانه بيه اوي لحد ما اتعاملت معاه
وزي أي اتنين مخطوبين او مقري فاتحتهم وبيتكلمو ف التليفون
وهو اتعود عليها بقي وف يوم غلط غلطة عمرو وصحاها من النوم
وورده كانت موتها وسمها لو حد قرفها ف نومها
وفضل يزن يزن يزن
الكاتبه / مي علي
قامت ومسكت التليفون وبعصبيه قالت :
- الووووو
- صباح الفل يا قمري
- صباح اللي بتغني يا خويا
اي نازل زن زن زن اييييييييي شيل صباعك من ع التليفون
اسمع مترنش عليا غير بعد الضهر في حد يصحي حد الساعه عشره ده اي ده
وقفلت السكه ف وشو
وده كان اول موقف يجمعهم وطبعا لما فاقت وافتكرت اللي عملتو كلمتو جري
- الو
- ازيك يا سيف
- الحمد لله
- انا عارفه انك زعلت مني بس والله انا كنت نايمه وكده
الولد كان بيتكلم برقه اوي نبرة صوتها كانت اقوي من صوته وقال :
ولا يهمك يا قلبي المهم تكوني نمتي كويس
- اه اه نمت
- طب الحمدلله المهم انتي كويسه
- اه الحمدلله كويسه وانت
الكاتبه مي علي
- والله انا تمام بس مش عارف صاحي كده تعبان ومهبط اصل خالتي لقيتها الصبح جايه من البلد هيا وعيالها بقي وجايبه معاها بنتها المتجوزه
عشان جوزها سافر وجايه تبات معانا وماما مبسوطه اوي بس بابا بقي مش مبسوط عشان عمتي كمان جايه انهارده معزومه عندنا هيا وجوزها وعيالها وكده
ولما روحنا امبارح بقي وعرفو اني قريت فاتحه جم كل العيله تبارك وش وش وش ودماغي صدعت
وانا لما دماغي بتصدع مقولكيش بتعب تعب رهيب ودورت ف التلاجه علي بنادول ملقتش فقلت انزل الصيدليه بس لقيتها قافله اصل انا متعود اجيب الدوا من صيدليه معينه صاحبها يبقي واحد صاحبي بس هو لسه عريس جديد ومراته بقي زي القمر وبيحبها ف مقعداه جمبها ليل مع نهار وف بيت عيله وكده اكتر حاجه وحشه ف الجواز بيت العيله ده لت وعجن كتير و
- ااااه اه فعلا في لت وعجن ورغي رغي كتير
- اه مهو عشان كده بقي هجيب شقه بره بس الشقق بقت نار نار وحاجه اي الاسعار ولعت والواحد تعب يعني انا حتي من يومين كان عندي مشاكل ف الشغل وكده بس الحمدلله اتحلت اصلهم ميقدروش يستغنو عني ده انا شايل الشغل فوق كتافي بس انا بقي لازم اعزز نفسي بقي وبعدين جايلي فرصه حلوه مع اخويا ف المغرب بيشتغل ف التجاره مسافر يعيني بقاله اربع سنين ولسه متجوزش لحد دلوقتي وبندورلو علي عروسه بقي و
- اه اه ثواني
اي يا ماما بتنادي علياااا حاااضر جايه
معلش بقي يا سيف هقفل وهبقي اكلمك تاني اصل ماما بتنادي
- خلاص يا قلبي خلي بالك من نفسك بقي ومتنسيش تاكلي كويس عشان عاوز صحتك تبقي حلوه عشان لما نتجوز عاوز اجيب عيال شداد كده والرك علي الام لو كانت شديده بيبقي العيل شديد وكده
انا طلعت شديد عشان ماما كانت بتاكل فيا اكل صحي بقي كوسه وبتنجان وذبادي ولبن اهم حاجه اللبن والذبادي بقي والفطار تفطري كويس وتتعشي كويس خالتي بقي عيالها ضعاف اوي ورفيعين مش ذينا صحتنا حلوه ده انا حتي كنت هروح الجيم بس بابا قال انت حلو كده و
- بقووول اي معلش بس ماما بتنادي عليها اصلها اتكهربت ف البانيو وهي بتطبخ ف البلكونه
باي
الكاتبه / مي علي
وقفلت ف وشه وهيا بتقول :
يا ساااااتر عليه ده رغااي رغي
فيروز :
بتكلمي نفسك يا عبيطه
- مش أحسن ما أفضل لازقه ف التليفون
انا حظي كده أسود ومهبب
- ليه بس
- كل وداني
دودو دودو دودو لتاااات
- مش مهم اما تتغاضي عن الموضوع طلاما في كل الشروط المستوفيه
- وهو انا هتجوز خالتي لتاته ده ازاي ده انا بس اقوله ازيك
المفروض يقول الحمد لله
لا ده يرد الحمدلله
كويس وامي كويسه وابويا وخالتي اللي جت م البلد وعمتي اللي نايمه جوه وياااااختيييييي
- ههههههههههههههههههههه هموت م الضحك إلبسي
- عقبال متلبسو زيي
- طب يلا بقولك اي ام ترتر جايبه عريس لشاديه
وجاي يتقدم النهارده تعالي عشان ننضف الصالون
- يادي الصالون
والله انا حاسه ان الصالون ده هيشتمنا كمان شويه
- يلا بس يلا
وفعلا نضفو الصالون وجه العريس واتوافق عليه وبكده ورده وشاديه بقم مخطوبين وام ترتر لهفت خمسمية جنيه
خطيب شاديه كان زي ماطلبت رومانسي جدا وحنون
ومع الوقت ابتدو ياخدو علي بعض
وبيتكلم معاها الصبح عادي
اما بليل بقي فبيتحول كده
- الو
- يا روح قلبي يا حياتي وحشتيني
- وانت كمان وحشتني
- متعرفيش انا بحبك اد اي
- لحقت تحبني ده احنا يدوبك مبقلنش شهرين
- ده الحب من اول نظره يا روحي
انتي تتحبي كل حاجه فيكي تتحب
- بجد
- اه والله عنيكي وايدك وقلبك الابيض وضحكتك وجسمك وكل حاجه
الكاتبه / مي علي
- اممم وانت كمان عسول علي فكره
- طب انتي بتعملي اي دلوقتي
- انا قاعده بره ف الصاله ع الكنبه قدام الشباك وكنت بقرا روايه لحد مانت اتصلت
- اممممم هما كلهمم نامو عندك
- اه كلهم نامو
بس انا بحب اسهر
- حلو اوي
- هو اي ده اللي حلو
-انك بتحبي السهر وانا كمان بحب
بس بحب حاجه تانيه
- اي هيا
- انتي
بحبك انتي متتصوريش بخاف عليكي اد اي احنا لما نتجوز هاخدك ف حضني جامد اوي
وبعدين
- بص انا مبحبش الكلام ده
- كلام اي انا بتكلم لما نتجوز
- خلاص ابقي قول الكلام ده لما نتجوز
- اممم طيب تصبحي عي خير
- اي ده في اي
- معلش تعبان وعاوز انام
- اوك وانت من أهلو
وهكذا مر الحال عليه يبقي الصبح كويس وبليل يقلب تماما
لحد لما جه ف يوم كلمته بليل كالعاده وحست ان صوته مش طبيعي
الكاتبه/ مي علي
قال :
- وحشتيني وحشتيني اوي يا روحي
- وانت كمان
- لو وحشتك هتيجي ف حضني
- نعم !
- اي انتي مش بتحبيني وانا بحبك تعالي ف حضني مشتاقلك
- الو مين معايا
- مين معاكي اي انا في اي مالك
- انت اللي مالك انت بتيجي بليل تتحول
- هههههههههه اتحول ازاي
- نبرة صوتك بتتغير وبتتنفس بطريقه غريبه وحاجه زفت يعني
- ده عشان مشتاقلك ونفسي فيكي
يا بت انتي هتبقي مراتي
- ااااه قول كده بقي
لا اسمع روح خبط علي أمك خليها تحضنك وتدفيك
جتك القرف
وقفلت السكه ف وشه
ودخلت جري صحت البنات وحكتلهم اللي حصل
ورده قالت :
أحسن ده قليل الأدب طلع
فيروز :
ولا يهمك ام ترتر هتجبلك الأحسن منه
نجاة قالت :
طب اشمعنا انا مجليش لحد دلوقتي حد
ورده :
خدي خالتي لتاته اللي معايا حلو
فيروز :
هههههههه انتو موكوسين اوي
ورده :
بصو يا بنات ام ترتر دي مجايبها زفت
احنا نستنا بس اما تجيب لنجاة لو طلع زي جوز الشباشب دول هنفركش ونجبها نسكعها عالقه وناخد الفوس اللي لهفتها
وفركشت شاديه وورده ع الحركرك
ونجاة جالها عريس حلو واتخطبت هيا كمان
وأول مره نزلو مع بعض
أخدها وقعدو ف جنينه ف الشارع
نجاة :
ليه نقعد هنا
تعالي ندخل الجنينه دي حلوه اوي وفيها مركب تعالي نركب
- انتي مش شايفاها عامله ازاي ده تلاقيها غاليه
- تعالي نسأل طب تذكرة الدخول بكام
وفعلا راحو يسألو
- سلامو عليكو بعد اذنك بكام التذكره
- ب 10 جنيه
نجاة :
مش رخيصه اهي تعالي ندخل
- عشره جنيه ومش رخيصه ندخل نقعد شويه جوه ب20 جنيه
طب ما احنا كنا قاعدين وسط زرع برضو وببلاش
الله
- والنبي
طب انا جعانه عاوزه اكل
- تعالي اتفضلي
واخدها ووقف علي فرنه فينو وطلع من جيبو رزمة فلوس
نجاة :
اي ده انت واقف هنا ليه
- مش بتقولي جعانه هجبلك قرصه ولا حاجه تاكليها
- قرصه لا انا هاكل شاورما
- شاورما مره واحده ده انتي مبذره اوي
انتي عارفه السندوتش بكام
- وانت مالك انت هو انت اللي هتدفع
- اومال انتي اللي هتدفعي لا انا مسمحش
- يا شيخ اتنيل
ووقفت نجاة علي محل سوري وقالت :
عاوزه واحد شاورما لو سمحت وباكيت بطاطس
- مكفايه الشاورما
- وانت مالك هو انت هتدفع حاجه من جيبك
وممكن لو سمحت بيبسي كانز
وفعلا الراجل خلص الحاجه وادهالها ودفعت الفلوس
بصلها وقال :
انتي طلعتي شطوره جبتي حاجه واحده بس وهنقسمها بالنص
انا مبسوط اننا هنتشارك
- لا وانت الصادق وسع كده خليني اتغدي جوعتني
وقعدت تاكل وهو قاعد يبص عليها ومغلول
وبعد ما خلصت كل الأكل بصتله وقالت :
روحني
- اتفضلي
وقفو علي الشارع بصلها وقال :
في اتوبيس جاي اهو بسرعه
- هههههههههه
- في اي ؟
- في انك قيحه ومعفن وانا اقعد ف بيت ابويا أكرملي
يلا يا خويا ورينا عرض افاك
وسبته ومشيت
وركبت الأتوبيس فعلا وهو واقف متنح وروحت البيت
دخلت علي صوت خناق ورده والأم
ورده :
ده لتات لت السنين
اه لازم اسيبو طبعا انا قرفت انا كمان شويه هعمل عملية ترقيع ف وداني ده اي ده
- انتو بتتبطرو ومش عاجبكم حاجه وانا اللي ربتكم علي كده
انتي شرفتي
ها وياتري عملتي اي انتي كمان
نجاة :
ههههههههههههه عملتي أكل اي بس
- يادي النيله لاتكوني فركشتي انتي روخره
- ههههههههههه ده طلع جلده
- يا وكستك ف بناتك يا زينب انتي تقولي خالتي لتاته وانتي ده جلده وانتي قليل الأدب وبيتحول اعمل فيكو اي بس
فجأه الباب خبط
الام :
افتحو لأبوكو ده انا هخليه يطين عيشتكو
نجاة :
ده مش بابا ده خاله ام ترتر
الام :
طبعا اكيد جايه تاخد الحساب بتاع جوازات الندامه
- لا ده انا اللي عديت عليها قولتلها تيجي تاخد حسابها
بصو كلهم لبعض وغمزت نجاة لشاديه اللي بصت لورده وضحكت
دخلت ام ترتر :
الف الف مبروك يا عرايس ايدكو بقي ع الحلاوه
ورده :
اقفلي الباب يا نجاة تعالي يا حبيبتي نديكي الحلاوه
واتلمو عليها ونزلو فيها عض
ام ترتر :
اااااااااه اااااه
ورده :
اديني قفاكي اما اديكي الحلاوه
- اهههههه فيييه اييييه عملتلكو اي بس
شاديه :
ابقي يا وليه بال500 جنيه اللي لهفتيهم
بدل منشرحك هنا ونطاهرك زي ابن ام جلامبو وبناتها
ام ترتر :
خلاص خلاص اهو خدو
فيروز :
هاتي
واخدت منها الفلوس والأم قالت :
حقك عليا والنعمه مكنت أعرف ع اللي ناوين عليه
ورده قالت :
ادي 100 جنيه تمن تعبك كده حلو اوي
ونورتي يا امو ترتر
ونزلت ام ترتر من عندهم قفاها يقمر عيش وطبعا اشتكت لجارتهم ام رضا
وطلعت ام رضا جري
- أي اللي حصل بس
- شوفتي البنات يا امو رضا وعمايلهم هيجلطوني عرسان داخله وعرسان خارجه والناس مبترحهمش ولا جوازه تمت عشان خاطرك قنعرتهم
- اسمعي يا زينب اما اقولك اظاهر كده والله أعلم بناتك معملهم عمل
- يا خبر اسود عمل .......
رواية صالون بيتنا
الفصل السادس
الكاتبه / مي علي
ام رضا ...
بصي يا زينب انا حاسه كده أن بناتك معمولهم عمل
- يا خبر اسود عمل
اي ده ومين اللي عملوا يا شيخه تفي من بوقك هو احنا لينا ف الكلام ده
- زي ما بقولك كده
البنات معملوهم عمل وممكن تكون ام جلامبو دي هيا اللي عملاه
مش بعيد يعني عليها تكون عاوزه تنتقم
- طب بس واحنا هنتأكد منين م الحكايه دي
- ولا تشيلي هم
انا اعرف واحده اسمها الشيخه غوايش
ست واصله وايديها طايله ومخاويه بسم الله الرحمن الرحيم
للكاتبه مي علي
- طب ودي هتعمل اي يعني
- هنروحلها وهي هتعرف إن كان معمولهم عمل ولا لا ومين اللي عملوا
ولو معمول تفكو
ولو مش معمول هتحل عقدتهم بقولك واصله
- لا ياختي انا عزيز لو عرف هيدبحني
- ومين هيقوله بس
يعني انتي عاجبك حالهم كده
طاوعيني بس ومش هتندمي ده انا قصدتها مره ف حاجه وبصي قلبت عليهم واطيهم
تعالي ومش هتخسري حاجه
- طب سيبيني آشور البنات
- ماشي خدي وقتك وبلغيني وان كان كده نروحلها بكره
- طيب تمام
- هستأذن انا بقي عشان سايبه القلقاس ع النار
- طيب يا حبيبتي نورتي
ونزلت ام رضا
ودخلت الام تكلم البنات
- الا بقول اي يا بنات
فيروز ...
قبل ما تقولي اي حاجه يا ماما احنا سمعنا
وطبعا مش موافقين ده شغل كفر مفيش حاجه اسمها كده
- انا عارفه بس ممنوش ضرر أما نتأكد
للكاتبه مي علي
فيروز ...
نتأكد من اي بس يا ماما
انتي ست متعلمه واحنا كمان متعلمين
بلاش ملهاش علاقه بالعلم نربطها بالدين انتي ست تعرفي ربنا
الكلام ده في حاجه من اللي ربنا قال عليها
مترودو ساكتين ليه
شاديه ..
انا عن نفسي عجباني التجربه اوي
وعاوزه اروح
ورده ...
يمكن فعلا تكون عملالنا عمل
فيروز ..
بقي كده كلامي يعني مش مأثر
طيب انتو حورين بس انا مش معاكو المره دي
وبابا لو عرف هيموتنا كلنا
اللهم بلغت
الأم ...
هنروح بكره بدري ونشوف
وانا متأكدة انو خير بأذن الله
ورده ...
خلاص يا ماما
وانا وشاديه ونجاة معاكي
وفعلا الصبح بعتت لام رضا وراحو للشيخه غوايش
المكان غريب ف حاره جوه حاره وزقاق جوه زقاق
ورده ...
الله انا حاسه اني ف فيلم التعويذه
شاديه ...
انا عاوزه اروح الحمام
الام ...
بس بقي وش
وصلو لحد الباب قابلهم واحد قصير واعور
ام رضا ...
الا بقولك اي الشيخه غوايش موجوده
- عندك معاااااد
- يا ساتر والنبي متجعر ف وشي احسن نجمي خفيف وبنخض بسرعه
لا يا خويا معنديش معاد انا جايه احجز
- ااااه مستعجل ولا عادي
- مستعجل ياخويا
- اتفضلووووو
- يزيد فضلك
يلا يا بنات ادخلوا ليبلعنا
للكاتبه مي علي
ورده بتوشوش شاديه ...
لسه عاجبك الجو
- عاوزه اخش الحمام
ودخل الراجل وعشر دقايق وخرج
- الشيخه مستنياكو جوه اتفضلو
وقامو كلهم ودخلو
طبعا انتو متخيلين المنظر والمكان ده عامل ازاي
الجلد اللي مرمي ع الأرض والكنب الخشب
والنار اللي مولعه ف النص
والنور لأحمر
اما الشيخه فكانت لابسه عبايه بترتر وفي سنة حول ف عينيها
وماسكه الشيشه
- اتفضلو انستو ونورتو اتفضلو
نجاة ف سرها ...
هو هنا في چمايكه بتاع فيلم محمد هنيدي
قعدو كلهم
الوليه بصتلهم بزغره وشدت شده من الشيشه وقالت ...
خيرررر جاين ف اي
ورده بهزار ...
دعاره حضرتك
- نااااااعم
- احم قصدي جاين لحضرتك ف خدمه
- ايوه يعني فك عمل ولا كشف ولا جواز ولا طلاق ولا طالع ولا اي يعني
الام ...
بصي يا ست انا بناتي ماشالله خمسه
بقالهم كتير يتقدملهم عرسان بس ولا جوازه بتم
والبنات كانو ضاربين واحده حماة اختهم
ف خايفين لتكون انتقمت وعملتلهم عمل
للكاتبه مي علي
- ااااه لا سهله متقلقيش
ام رضا ...
ده عشمنا بردو يا ست الشيخه
غوايش ...
ولا يا مستكه
- ايوه يا ابليتي
- روح هاتلي تلت مقصات
ورده لشاديه بصوت واطي ...
مقصات ليه
يا خوفي لتعمل فينا حاجه
شاديه ...
عاوزه اخش الحمااااام
بصتلها غوايش ...
خلاص مش عاوزه
ورده ...
هي شيفانا اصلا ولا ده حول ولا اي
الله يخربيتك يا امو رضا
جه مستكه وجايب المقصات ...
المقصات يا ابليتي
- أخرج واقفل الباب ومحدش يخش عليا لنولع كلنا
خرج مستكه وقعدو كلهم متنحين جمب بعض
شدت غوايش شده من الشيشه وقالت ...
كل واحده فيكو تمسك المقص ده
وتقلع حجابها وتقصلي خصله من شعرها
يلاااااا
كل واحده فيهم قامت مسكت المقص وقطعت خصله من شعرها
غوايش ...
كل واحده تمسك خصلتها ف ايديها
وقامت جابت كتاب وفضلت تقرا عليه كلام وتتنفض
وكلهم قاعدين خايفين ولازقين جمب بعض
فتحت غوايش عنها وقالت ...
ارمي يا حلوه خصلتك هنا ف نص الكتاب المفتوح خلينا نشوف اي اللي مستخبي
للكاتبه مي علي
رمت نجاة خصلتها
وقفلت الكتاب وفضلت تقرا عليه
وبعدين رمت الخصله ف النار
بس محصلش حاجه
بصتلها وقالت ...
سليمه مفكيش حاجه
يلا يا حلوه انتي كمان ارمي
شاديه رمت الخصله
ف الكتاب وبردو لما اترمت ف النار محصلش حاجه
بصت غوايش لورده وشدت شده
وقالت ...
ارمي
رمت ورده وفضلت غوايش بصلها جامد اوي
وحطت الكتاب وفضلت تقرا عليه كلام غريب
وراحت حتفاها ف النار
النار هبت والعه
وغوايش
رمت الشيشه من أيدها ورجعت ورا وفضلت تصرخ وتتشنج وتقرا
للكاتبه مي علي
وهما نطو والكنبه اتقلبت بيهم
وبعدين قامت غوايش وغطت النار وبصتلها بغضب وقالت ...
تعالي قصادي هنااااا
انتي اللي عليكي العين
ورده ...
الله بخربيتكو
- تعالي
هنا انتي معمولك عمل
وملفوف حوالين ديل فار
- ديل فار
مش ضفر النمله لييييه
- بسسس اسكتي
انا هفكوهلك
وهديكي حجاب يبعد عنك اي شر
- طيب طيب
- أما اخواتك ف هعملكو عمل سحري إكراما مني ليكو
ومسافه شهر هتكونو متجوزين
وبالفعل اديتهم عملين وحجاب لورده
واخدت منهم مبلغ وقدره وقالت ...
حذاري يتقلع من رقبتكو
ليل نهار تلبسوه
سامعين
للكاتبه مي علي
ورده قالت ...
طب انتي مقولتيش مين اللي عامل العمل
- دي اسرار مصرحش بيها
بس هيا هيا اللي عليها العين والنني
امشو امشو يلا واياكو تقلعوه
واخدو بعض فعلا ومشيو
ام رضا ...
مش قولتلك مبروكه
شوفتي النار هبت ازاي
شاديه ...
اه يا طنط انا اترعبت
وفضلو ماشيين يتكلمو
وركبو المكروباص اللي هيروحهم
بس حظهم وهما راجعين
كان في لجنه وقفتهم ونزلت كل اللي ف الاتوبيس
الظابط قال ...
فتشهملييييي الست قبل الراجل
للكاتبه مي علي
وقفو يفتشوهم
ورده ...
حضرتك عيب كده متحطش ايدك عليا
- اخرسييي أبت
فتشها
الظابط فضل يفتش ولمح الحجاب اللي علي صدرها وكان عامل زي السمبوكسه فشكو فيهم
- يا ساعة البيه لقينا ده حوالين راقبتها
وهنا كمان يا باشا مع البنتين دول
الظابط ...
اهلا انتو بقي اللي بتهربو البودره
واي ده ف الاحجبه
يا ولاد اللعيبه
هاتهملي ع القسم
للكاتبه مي علي
شاديه فضلت تصوط وكلهم والام ...
اسم اي يا باشا احنا عملنا
اي
- يلااااا يا عسكري
وفوضلي الكامين ده
ورده ...
مامااااا الحقينا يا ماما
هيحبسونا
الله يخربيتكو الله يخربيتكو
شاديه ...
ابوس ايدك سبنا
انا عاوزه اخش الحمام والنبي مناقصه متتغطوش عليا اكتر من كده
نجاة ...
ماما متنسيش العيش والحلاوووه هههههههههههههههههه الله يخربيتك يا امو رضا علي بيتك يا غوايش
وجروهم ع القسم ...
انطقي يا بت وقولي مين اللي اداكي الحاجات دي توزعيها
ورده ...
حضرتك فتحته ملقتش فيه حاجه صح
والله معملنا حاجه
- مطلعش فيه بودره إنما طلع حشيش يا روح امك
للكاتبه مي علي
شاديه ...
يا نهار اسووود حشيش
ورده ..
يا حضرة الظابط والله انت فاهم غلط ده حجاب احنا لسه واخدينه حالا من ام ترتر قصدي الشيخه غوايش
- هههههه ترتر وغوايش لا ده انتو مصطبحين جامد اوي
ورده ...
حيات النبي ده اللي حصل
انا هحكيلك احنا اختنا ماجده اتخطبت لعيل ابن امه
قوم احنا بهدلناهم وطهرنالها ابنها وحلقنلهم لما اتكلمو علينا ف ام جلمبو راحت عملتلنا عمل
وروحنا نفكو عند غوايش
بعد ما ام ترتر جابتلنا عرسان كتير ومفيش ولا جوازه تمت
والنار هبت وعملت تش واحنا كنا خايفين بقي
- ههههههههه هبت وتش وغوايش وجلمبو وترتر
لا ده الصنف عالي اوي
- ابوس ايدك صدقنا احنا ولاد راجل محترم
دخل عسكري
الظابط قال ..
ها عملت اي يا بني
- وديته يا فندم يفحصوه
- ها وطلع اي
- طينه يا فندم
- نعم
- طينه طين لين وحارقينه وعملينه اشكال ومغلفينه فهو شبه الحشيش يا فندم بس مش حشيش ولي ريحه نفاذه
ورده ...
الحمد لله يارب
نجاة ...
طينه يعني اي
يعني ده مش عمل
طب كانت تحطلنا عجوه حتي اهي حاجه بتتاكل هههههههه
شاديه ...
بتضحكي الله يخربيتكو والبيوت اللي جمب بيوتكو
ورده ...
طب اظن كده حضرتك ممكن نخرج بقي
الظابط ...
لا انتو مشرفين هنا حبه
- ليه بقي
- عشان نحللكو يا روح امك انتو شكلكو بتضربو حاجه
ترتر وغوايش وجلمبو
لا انتو مشرفنا حبه
خدهم يا عسكري ع الزنزانه
ورده ...
يا خرااااابي لا زنزانه لاااااا
يا ماماااااا
ابوهم ف اللحظه دي دخل ..
ورده شاديه نجاة
عملتو اييييي
ورده ...
بابا الحمد لله انك جيت يا بابا
شاديه ..
عاوزين يدخلونا الزنزانه يا بابا خرجنا من هنا
الاب ...
انا ابوهم يا حضره الظابط حصل اي
وطبعا الظابط حكاله اللي حصل
ومرضيش يخرجهم الا لما حللهم وعرف أنهم فعلا مفيش حاجه
للكاتبه مي علي
بص للاب وقال ...
بناتك زي الفل يا استاذ خدهم وامشي
وتاني مره متمشوش ورا الهبل ده وتمرمطو الراجل المحترم ده معاكو
اتفضلو
وخرجوا بعد ما اتمرمطو اخر مرمطه
وفضلو يعيطو
وأبوهم متكلمش ولا كلمه
لحد ما روحو البيت
وقبل ما يدخلو قواضهم
دخل جاب عاصية المقشه وجري وراهم كلهم بأمهم
وهاتك يا ضرب .....