رواية تلاقينا
*الحلقة الثانية عشر*
بقلم ايمان جمال
وقفنا الحلقة اللي فاتت لما سليم وآيه دخلوا والكل متجمع
وكريم رايح يسلم على سليم وفجأة وقف: آيه😮
آيه مصدومة: كريم😮
وهنا آيه جريت لعند كريم واترمت في حضنه وفضلت تعيط جامد وهو زعلان عشانها وبيهدي فيها: اهدي يايوكا خلاص عشان خاطري
آيه بتعيط وبس والكل مستغرب من اللي حصل وسليم متفاجأ ان كريم يعرف آيه منين وهي تعرفه منين وحاسس انه مضايق
كريم بيحاول يضحكها: يعني يوم ما اشوفك تكوني هنا في بيت أقرب الناس ليا ياعيني عالصدف
آيه ابتسمت وخرجت من حضنه: انا مش مصدقة ان انت هنا بجد
كريم: لا صدقي انا واقف اهو ادامك بس ثواني كدا انتي آيه اللي اتجوزها سليم
آيه حركت راسها بأه وهو فرح شوية لانها هتبقى في ايد امينة
كريم: طب كويس والله انا كدا اطمن على اختي حبيبتي
وفاء: هي دي يوكا ياكيمو
كريم: اه ياماما هي شفتي الصدف يعني اعرفها من تمن سنين وعمرنا ما اتقابلنا ويوم مانتقابل تكون هنا
وفاء: تعالي يايوكا في حضني دا انا من كتر كلام كريم عنك وانا نفسي اشوفك
آيه في حضنها: وانا كمان والله ياطنط
سليم مخنوق وسابهم وطلع فوق والكل اصلا مشغول مع آيه
يارا مرات طارق: انا بقى يارا مرات طارق اخو سليم وشورت على ابنها ودا بقى سيف ابني👶
دينا: وانا بقى اخت سليم
طارق: وانا طارق😂
آيه ابتسمت لانها حست براحة: وانا بقى آيه
دينا: ولا اقولك يايوكا
كريم ادخل: نعم ياختي لا عندك الاسم دا انا بس اللي اقولوا ليها
آيه ضحكت عليه
كريم: ايوا كدا خلي الشمس تطلع
الكل قاعد فرحان بآيه ووفاء لاحظت ان سليم مش معاهم: هو سليم راح فين
دينا: هتلاقيه طلع فوق
وفاء طلعت لسليم فوق خبطت ودخلت لاقته قاعد على سريره وباين عليه انه مخنوق
وفاء: مالك يا سليم
سليم: مافيش ياعمتو
وفاء: يعني انا تايهة عنك ياسليم
سليم: انا كويس والله
وفاء: امال طلعت وسبتنا ليه
سليم: لا ابدا عشان اسيبكم تتعرفوا عليها
وفاء: طب عيني في عينك كدا
سليم ضحك: بس ياعمتو
وفاء: ياواد دا انا عمتك
سليم وقف: بقولك ايه انا جعان
وفاء: بتهرب يعني ماشي المهم يالا ننزل ناكل
وفاء اخدت سليم ونزلوا وآيه مع دينا بتوريلها اوضتها ودينا فرحانة جدا بيها و شوية ونزلوا تحت عشان ياكلوا
وكلهم اتجمعوا عالسفرة وطبعا سليم قاعد على اول السفرة كالعادة وكريم مقعد آيه جمبه وفرحان بيها اوووي
وفاء: يالا ياحبايبي كلوا
الكل بياكل الا سليم قاعد مركز مع آيه وكريم اوي و اتكلم: ماقولتليش يا كريم تعرف آيه منين
كريم: بص يا سيدي احنا نعرف بعض بقالنا تمن سنين وعمرنا ما اتقابلنا غير النهاردة وفاكر انت يوم ما كنت بترخم عليا وتقولي بتكلم مين في التليفون ساعتها كانت هي عشان هي صاحبة عمري واختي اللي مش جابتها امي
آيه فرحانة بكلام كريم عليها واطمنت انه موجود معاها خلصوا أكل وطلعوا يقعدوا في الجنينة وباردوا كريم مقعد آيه جمب منه وسليم مخنوق ومش عارف ايه السبب
سليم بغضب: مش تبطلوا كلام شوية ونشوف ورانا ايه
الكل استغرب ليه مضايق كدا بس عمته حاسة بيه وبتدعي من قلبها ان اللي في بالها يحصل
كريم: لا بقولك ايه ياسولي انا ماصدقت اشوف يوكا
سليم: ماشي ويلا يا طارق انت نسيت الاجتماع اللي في شركة تامر
طارق: اوبس معلش نسيت والله
سليم: اه ما انت مش شاطر غير في الكلام وبس ومشي وسابه وآيه فجأة بدأت تخاف من سليم عشان غضبه دا
كريم لاحظ دا وبيطمنها: ماتقلقيش سليم طيب هو بس اكيد مضايق من حاجة ودا اللي خلاه كدا
آيه: بجد يا كريم انا مطمنة طول ما انت جمبي هنا
كريم باسها من دماغها: ربنا يخليكي ليا يا احلى اخت انا اللي طاير من الفرحة عشان شفتك
آيه: ربنا يخليك ليا ياكيمو يارب
وفاء: مبسوطة بجد يايوكا ان انا شفتك
آيه: وانا والله باطنط
يارا: بصي بقى يايويو انتي بقى بقيتي صحبتي خلاص
آيه: اكيد طبعا
دينا: انا فرحانة بيكي يا آيه اووووووي والله
آيه: وانا فرحانة جدا بيكم
دينا: يويو سليم قال انك ناوية تاخدي دبلومة ترجمة
آيه: اه بس انا قولتله بلاش عشان مش عاوزاه يكلف نفسه
وفاء: تكلفة ايه بس يايوكا انتي دلوقتي مراته واي حاجة عاوزاها اطلبيها
آيه: تسلميلي ياطنط والله بس انا مش عاوزة ابقى تقيلة انا بس عاوزة السنة اللي هقعدها هنا تبقى ذكرى حلوة مش ابقى مزعلة حد مني
وفاء مع نفسها: وان شاء الله مش هتبقى سنة وبس وهتبقى طول العمر
وجهت كلامها لآيه: لا يايوكا كل حاجة هتبقى كويسة واللي عاوزاه هيحصل
آيه ابتسمت وكريم قاعد فرحان انها مرتاحة
دينا: وانا ياستي هاخدك ونروح الجامعة واعرفك كل حاجة
كريم ادخل: لا و انا فين ان شاء الله انا اللي هوديها
دينا: بس يابابا انا اللي هوديها
كريم ودينا بدأوا يتراخموا على بعض😂
آيه: بسسسسسسسسسسسس انا هروح معاكم انتوا الاتنين😂
الكل ضحك
★★★★★★
في شركة الشناوي
قاعد سليم وتامر وطارق في اوضة الاجتماعات ومعاهم كذا شخص وبيتناقشوا في المشروع الجديد اللي هيعملوه مع الفوج الاجنبي
وهيتقابلوا مع الفوج الاجنبي بكرة في شركة سليم
سليم: النهاردة احنا مجتمعين عشان نظبط كل الملفات عشان بكرة في الاجتماع نكون جاهزين ادامهم
احد الموظفين: كل حاجة جاهزة يامستر سليم ماتقلقش
سليم: تمام كدا
طارق: تامر انت عملت ايه في العقد اللي اتفقنا عليه
تامر: كل حاجة تمام وان شاء الله هيوافقوا عليه
سليم بجدية: وياه لو موافقوش هما يعني يطولوا يشاركوا شركة الشامي والشناوي
تامر: اسفين ياباشا
طارق ضحك
سليم: بطل ضحك وركز
تامر ضحك جامد: مش قادر والله
سليم: خلصوا بقى ويالا عشان نخلص كل حاجة
قعدوا يتكلموا وخلصوا الاجتماع وبعد كدا سليم وطارق روحوا
★★★★★★
*في المساء*
سليم وطارق رجعوا وكل واحد فيهم طلع اوضته ياخد دش ويغير هدومه وبعد كدا نزلوا عشان العشا الكل قاعد ماعدا كريم وآيه وسليم استغرب وسأل: فين كريم وآيه ياعمتو
وفاء: كريم أخد آيه وخرجوا من ساعة وقال انهم هيتعشوا بارة
سليم اضايق واتكلم: وبالنسبة للهانم اللي خارجة من غير اذن جوزها دي هي فاكرة نفسها فين
وفاء: هي قالتلي ياسليم وبعدين هي لحد دلوقتي مش معاها رقمك ليه
سليم: حد قالها ماتاخدوش
وفاء: خلاص هي معرفتش تقولك وقالتلي انا
سليم: دا مش مبرر اصلا انها تخرج من غير ما ارجع ولا هي مش قادرة تصبر
وفاء بتحاول تهديه: خلاص بقى ياسليم يعني هي خرجت مع حد غريب
سليم سكت واضايق اكتر وسابهم وقام ودخل اوضة مكتبه
طارق مستغرب: هو في ايه
يارا: مش عارفة في ايه
دينا: هو مش جوازهم عالورق وبس وكمان محدش يعرف بجوازهم غيرنا هو مكبر الموضوع دا كدا ليه وبعدين ماهي استأذنت منك ياعمتو
وفاء: حصل خير يالا كلوا انتوا وانا شوية وهروح اشوفوا
خلصوا اكل ووفاء دخلت لسليم
وفاء: كدا ياسليم ماتاكلش
سليم مابيردش
وفاء: سليم انت مش سامعني
سليم: سامعك ياعمتو بس مش قادر اتكلم فعشان خاطري عاوز اكون لوحدي
وفاء: ليه بس ياحبيبي مالك
سليم: مافيش ياعمتو مافيش
وفاء حاسة بيه: دا كريم اللي خرج معاها ياسليم مش حد تاني
سليم: وانا مالي هي حرة تعمل اللي هي تعمله
وفاء: وطلاما حرة مضايق ليه
سليم: يوووه خلاص ياعمتو سبيني لوحدي عشان خاطري
وفاء: حاضر .....خرجت وسابته
سليم قعد مع نفسه وفي صراع بين قلبه وعقله
عقله: ايه غيرت عليها ولا ايه
قلبه: اول مرة احس بغيرة على حد
عقله: فوق انت ناسي مريم مراتك وعلي تصرفاتها معاك وكل همها الفلوس وبس
قلبه: بس اكيد هي مش ذي مريم
عقله: خليك بقى قاعد تقول كدا لحد ماتتوجع وتقول يارتني
قلبه: خلااااااااااااص انت عاوز ايه
عقله: عاوزك تفوق من الوهم اللي بدأت تعيش نفسك فيه
قلبه: خلاص اسكت بقى
★★★★★★
نيجي لآيه وكريم شوية
كريم قاعد مع آيه في مطعم بيتعشوا سوا
كريم: معقول يا يوكا انا قاعد معاكي وبناكل سوا كمان
آيه: انا والله مش مصدقة لحد دلوقتي
كريم: يارب دايما نكون سوا
آيه: يارب
كريم: قوليلي بقى ايه رأيك في العشا دا بقى
آيه: حلو اووووي بجد كنت دايما بتقولي انزلي اليكس وانا هعزمك على اكلة سمك شوف بقى انت عازمني واكلة سمك بس في القاهرة
كريم ضحك: والله لأخدك اليكس معايا وهتشوفي وهخليكي تشوفيها حتة حتة
آيه ضحكت: اشطا وانا موافقة
كريم: طب يالا ناخد سلفي 🤳
واتصوروا وقضوا وقت حلو بس الوقت كان اتأخر ورجعوا البيت والكل نايم بس طبعا ماعدا مين سليم
كريم داخل وآيه وراه والنور كان مطفي وفجأة النور اشتغل
سليم: حمدلله عالسلامة
كريم: ايه ياعم خضتني في ايه
سليم: في ايه؟ انت مش شايف ان في حاجة
كريم بيفكر🤔: لا مافيش😂
سليم بيبص لآيه: وياترى الهانم اللي خرجت من غير اذن جوزها
آيه كانت هترد بس كريم وقفها: ايه ياسليم اول حاجة آيه خارجة معايا انا مش مع حد تاني تاني حاجة بقى رقمك سيادتك مش مع مراتك وهي قالت لماما
سليم بصوت غاضب: ودا مايدلهاش الحق انها تخرج وتسهر وتتأخر بالشكل دا من غير اذني ماكانت تستناني ولا هي مش قادرة تصبر
آيه اضايقت اوووووي: انت بتتكلم كدا ليه وبعدين انا ما اسمحلكش تكلمني بالطريقة دي وبعدين استأذن من حضرتك ليه انا استأذنت من طنط وفاء
سليم: تستأذني مني ليه؟ هو انا مش جوزك
آيه بدأت تنرفره: هوووووس وطي صوتك لحد يسمعك ويعرفوا ان مراتك😏
سليم بصوت صحى اللي في البيت: بت انتي بطلي الطريقة دي معايا فاهمة ولا لا
آيه هترد كريم وقفها تاني: لا عندك ياسليم انا اللي هقفلك لو اتكلمت معاها كدا تاني انت ابن خالي اه بس عند آيه وتقف هي خط احمر ياسليم
سليم بغضب: كريييييييم مالكش دعوة
كريم: لا ليا دي اختي وصاحبة عمري
سليم كان هيرد بس وفاء اتكلمت: خلاص ياسليم انت مكبر الموضوع اوي ليه بلاش الطريقة دي
سليم على أخره من تصرفات كريم مع آيه
وآيه بتعيط وواقفة وفجأة اتكلمت: انا عاوزة اطلع اوضتي
كريم: لا لا لا لا يا آيه والنبي
آيه: سبني يا كريم اطلع اوضتي
كريم: لا قولت لا
وفاء بإستغراب: في ايه يا كريم سيبها تطلع فوق
كريم: لا ياماما لا آيه ماتطلعش فوق لوحدها..دينا لو سمحتي خديها واطلعي معاها فوق ماتسبهاش تنام لوحدها انا بقولك اهو
دينا بإستغراب: حاضر
دينا أخدت آيه وطلعوا فوق
سليم: تقدر تفهمني في ايه يا كريم
كريم بصله وسابه وطلع اوضته فوق سليم زعل من نفسه لأنه لأول مرة يزعل كريم منه
وفاء: سليم
سليم: نعم
وفاء: انت في حالك وهي في حالها
سليم: ايه الكلام دا ياعمتو
وفاء: ذي ما سمعت السنة اللي هتقعدها معانا هنا مالكش دعوة بيها فهمت
سليم: ازاي بس ياعمتو
وفاء: كلامي مش هعيده تاني مفهوم
سليم اضايق وساب عمته ودخل مكتبه ووفاء طلعت اوضتها
★★★★★★
تاني يوم الصبح الكل قاعد عالفطار ماعدا كريم وآيه ودينا وسليم زعلان انه مزعل كريم ودا مضايقه اوي
سليم: فين كريم ياعمتو
وفاء: في اوضته
سليم طلع لكريم وخبط عليه ودخل
كريم شافه ما اتكلمش
سليم: انت عارف ان دا أول مرة تزعل مني فيها
كريم ساكت
سليم: كريم بلاش سكوتك دا عشان انت عارف انك غالي عليا وبعدين اللي ضايقني انها خرجت من غير اذني
كريم: سليييييم آيه لا يا سليم انا بقولك اهو آيه خط احمر
سليم: حاضر يا سيدي وانا خلاص عمتو اتفقت معايا ان ماليش دعوة بيها طول ماهي معانا هنا
كريم: يبقى أحسن باردوا
سليم ضحك: لا ياشيخ
كريم: اه عندك مانع
سليم راح حضنه: مقدرش على زعلك ياكيمو
كريم حضنه وصوته مخنوق: سليم آيه هي صاحبة عمري بجد هي اختي اللي اتمنيتها فعشان خاطري ماتخلنيش اشوفها زعلانة
سليم: حاضر يا كريم بس ممكن تقولي ليه كنت خايف عليها امبارح انها تطلع تنام لوحدها
كريم: بص ياسليم آيه لما بتزعل بتقفل على نفسها يومين و تقضيها نوم وعياط فبلاش توصل للحالة دي عشان دا تعب ليها
سليم بزعل: حاضر يا كريم
سليم وكريم نازلين عشان الفطار سليم قال لكريم: انزل انت وانا هدخل لآيه
كريم: سليم
سليم: متخافش هصالحها بس ومن النهاردة مش هيتكرر اللي حصل تاني
★★★★★★
في أوضة آيه دينا قاعدة معاها وآيه تقريبا مانامتش، الباب خبط وسليم دخل
سليم: دينا معلش سبيني مع آيه شوية
دينا: حاضر وبصت لآيه: انا تحت وشوية وهطلعلك تاني ..... ونزلت
سليم: انا مش متعود ان اتأسف لحد وماتستنيش مني اني اقولها
آيه ساكتة
سليم: انا عارف ان يمكن ذودتها شوية
آيه: ممكن لو سمحت السنة اللي هقعدها هنا بلاش اقضيها زعل وحزن
سليم: حاضر في حاجة كمان؟
آيه: اه سبني براحتي اتعامل معايا عادي انت في حالك وانا في حالي وانا مش بعمل حاجة غلط
سليم: حاضر هعمل كدا بس لو سمحتي انزلي افطري
آيه: ماليش نفس سبني لوحدي
شوية والباب خبط وكريم دخل
آيه: كيمووو
كريم: قلب كيمو انتي عاملة ايه النهاردة
آيه: تمام والله طمني انت عليك
كريم: فلة اهو
آيه ضحكت وسليم استغرب اوي ان كريم خلاها تضحك
كريم: يالا معايا على تحت عشان مش هفطر من غيرك
آيه: حاضر ياكيمو يالا
سليم اضايق اووووي انها رفضت تنزل لما هو طلب كدا منها ووافقت لما كريم قالها
ونزلوا كلهم تحت يفطروا