رواية تلاقينا
الحلقة الثالثة عشر والرابعة عشر
#تلاقينا بقلم: ايمان جمال
*الحلقة الثالثة عشر*
بعد الفطار سليم وطارق مشوا راحوا الشركة وكريم ووفاء امه ودينا وآيه ويارا وسيف ابنها قاعدين في جنينة الڤيلا
كريم: يوكا
آيه: نعم
كريم: ماتيجي نخرج
آيه: تاني😂
كريم: لا انسي اللي حصل
آيه: مبلاش ياكيمو😂
كريم ضحك: لا😛
دينا: طب مانيجي نروح السينما
آيه: والله فكرة حلوة
كريم: ها يا يايا هتيجي معانا
يارا: لما تبقى تبطل الدلع دا هاجي
كريم بيخرج ليها لسانه😛: لا
يارا ضحكت: ماشي ياكيمو
كريم: ها ياماما وانتي كمان جايا اعملي حسابك
وفاء: بقى عاوزني ادخل سينما ياكيمو
كريم: وايه يعني ما انتي عسل اهو
وفاء: موافقة بس لو سليم وافق يجي معانا
كريم ودينا: تبقي مش جايا
آيه: هو للدرجادي مش بيخرج
وفاء: لا بيخرج وبيحب الهزار والضحك بس هو اللي قافل علي نفسه من كام سنة
آيه: انا ساعات بحس ان جواه حاجة حلوة بس متعمد يطلع الوحش
وفاء: طب وايه رأيك في طريقة معاملته مع اخواته وكريم
آيه: حلووووة جدا وبيبقى شخص تاني معاهم
وفاء: عشان بيحبهم اوي بص يايوكا سليم لما بيحب حد بيتعامل معاه بأحلى ما فيه
آيه: اها
كريم اتكلم فجأة: مش ملاحظة يا ماما انك بتقولي ليها يايوكا والدلع دا انا اللي اقوله بس
وفاء: بس ياواد انت يوكا دي حبيبتي واخدت آيه في حضنها
آيه: هو انا لو حبيت اشتغل فيها حاجة؟
وفاء: تشتغلي ليه و عشان ايه
آيه: عشان قعدتي هنا انا مش عاوزة اكون تقيلة
-حد قالك اننا مش هنعرف نقدملك كل اللي تحتاجيه عشان تشتغلي
ودا كان صوت سليم لانه كان جاي من وراهم وسمع كلامهم الكل اتفاجأ
وفاء: سليم ايه اللي رجعك بدري كدا
سليم: ايه ياعمتو هو مش مسموحلي اجي في اي وقت ولا ايه
وفاء: لا ياحبيبي ماقصدش بس دا انت لسة خارج من نص ساعة
سليم: مافيش نسيت ملف وجيت اخده وسابهم ودخل جوا
آيه: انا بجد عاوزة اشتغل انا بحب الترجمة جدا واقدر ادرب واهو على ما الدراسة تبدأ
كريم: طب عندي فكرة ماهو لسة شهر اهو عالدراسة اصبري لحد ماتبدأي وبعد كدا اشتغلي يعني يبقى التدريب جمب الدراسة عشان الوقتي تدريب من غير دراسة مش هينفع
آيه: بس انا قرأت في اعلان كان موجود جوا انهم في شركة عاوزين مترجمين تحت التمرين مش شرط يكون اخدوا الدبلومة بس الشرط الاهم انهم هيقدموا عليها السنادي ودا هينفعني كويس
كريم: طب عنوان الشركة دي فين او اسمها ايه
آيه: شركة الشناوي
دينا: دي شركة تامر صاحب سليم
آيه: طب ممكن اطلب منكم طلب
الكل: ايه هو
آيه: اني اقدم في الوظيفة دي وطبعا نعرف سليم اني هشتغل بس بلاش يعرف فين
يارا: طب بلاش يعرف فين ليه
آيه: مش عاوزة اكون بشتغل عشان واسطة او عشان اعرف سليم انا عاوزة اثبت مجهودي
كريم بيسمع وهو فرحان بيها
آيه: بتبصلي كدا ليه ياكيمو
كريم: فرحان بيكي وانا معاكي في اللي بتقوليه
دينا: وانا كمان
ويارا ووفاء بصوا لبعض وبصوت واحد: و احنا كمان
سليم نزل وكريم وجهله الكلام: سولي
سليم: وربنا هجيلك
كريم: اسمع بس احنا هنحجز في السينما النهاردة ايه رأيك
سليم: وانا من امتى بروح السينما
كريم: من زمااان بس انت بقالك فترة مانع نفسك
سليم: ومين رايح
كريم: كلنا حتى عمتك
سليم ضحك: انتي كمان يافوفا
وفاء: ايوا بس بشرط انك تيجي معانا
سليم: ماشي ياعمتو هخلص شغل وهحجز انا التذاكر يا كريم
كريم: ايوا كدا ياسولي
سليم هنا جري ورا كريم عشان الدلع دا
كريم: خلاص ياعم استنى بس هقولك
سليم: لا مش هسيبك
والكل بيضحك عليهم و شوية سليم وقف: كفاية عليك كدا هرجع من الشركة وهكمل عليك
كريم ضحك جامد ومش قادر يقوم من الارض من كتر الضحك
★★★★★★
في بيت مي ومروان
مي: يعني آيه اتجوزت سليم
مروان: اه بس محدش يعرف غيري وانتي واهل آيه واهل سليم وبس
مي: طب وحياتي يامروان انا عاوزة اروح اشوفها
مروان: حاضر بس ممكن بكرة عشان النهاردة عشا العمل اللي احنا هنروحه
مي: ماشي يا حبيبي
★★★★★★
في المساء يارا قاعدة هي وآيه مع دينا في أوضتها
يارا: بقولك ايه يايويو عاوزاكي تيجي معانا بكرة هننزل نجيب شوية حاجات عشان عيد ميلاد سيف
آيه: بجد كل سنة وهو طيب هيبقى امتى
يارا: كمان يومين
آيه: خلاص ماشي تمام
دينا: ايوا كدا خلينا نخرج بس احنا التلاتة وبس
آيه: ايوا تبقى خروجة بنات
يارا ضحكت: ايوا بقى
الدادة حكمت طلعت ليهم وقالتلهم ان العشا جاهز....نزلوا والكل قاعد ومتجمع
سليم: هناكل ونجهز عشان حجزت لينا في سهرة 9 ل 12
كريم: ايوا بقى كدا
طارق: وبما إن بكرة الجمعة ويوم اجازتنا مش هنرجع غير الصبح
يارا: ايوا بقى يا حبيبي
دينا: الله عليك ياطأطأ
آيه: والله فكرة حلوة بس هنروح فين
سليم: عاوزين تروحوا فين
كريم جاتله فكرة هتفرح آيه: ايه رأيكوا نخلص السينما ونطلع اليكس
آيه هنا بقى: ياااااااس🤘
الكل بصلها
آيه: اسفة بس انا بجد فرحانة اننا هنروح اليكس
كريم: و عشان كدا قولت نروح
سليم: تمام وانا موافق وهنقعد في الشاليه بتاعنا اللي هناك ونيجي بكرة بالليل
الكل فرحان وخصوصا آيه
طارق غير الموضوع: سليم الفوج هيوصل بعد بكرة ان شاء الله وانا حجزتله في الاوتيل
سليم: تمام ياطارق
يارا: كدا خروجة المول بكرة راحت
آيه: ليه ماهو احنا كدا كدا هنبقى في أليكس وندخل المول وهيبقى هناك الحاجات احسن واحلى
يارا: صح الله عليكي يايوكا
كريم: لا بقى بقولكم ايه انتوا تقولوا ليها يايويو غير كدا لا
سليم بيرخم عليه: طب وبالنسبة لجوزها بقى ياكيمو
آيه هنا بصت لسليم وهو كان باصصلها اصلا
كريم حس ان سليم اصلا غيران: انسى ياسولي
سليم اضايق بس بيداري: ماشي
آيه حست ان سليم مضايق من طريقتها مع كريم: الكل مسموح يقول اي دلع معلش ياكيمو
سليم هنا فرح وبصلها جامد وهي اتكسفت من نظراته وبصت في الارض
كريم: بقى كدا ماشي يايوكا
وفاء بتبص لسليم وآيه وبتدعي ليهم
طارق: طب دلوقتي عشان نبقى متفقين هناخد عربياتنا احنا التلاتة ولا عربية سليم وكريم وبس
وفاء هنا ادخلت وعاوزة تفرح سليم شوية: لا سليم مع مراته في عربيته وانت مع مراتك في عربيتها وانا ودينا مع كريم في عربيته
سليم فرح من جواه ان آيه هتروح معاه
آيه: ممكن ياطنط تخليني مع كريم
سليم زعل جامد وقام وساب الأكل
آيه حست انها زودتها شوية وقالت هتصلح اللي هي عملته
بعد شوية اتجمعوا عشان يروحوا السينما وآيه فجأت سليم وقعدت في عربيته
سليم فرح وكريم فرحان عشان آيه اتصرفت صح وخلاص الكل ركب واتحركوا ووراهم عربية حراسة لان سليم متعود اي سفرية بيطلعها لازم حراسة ووصلوا عند السينما
دخلوا وقعدوا في اول صف وآيه لتاني مرة تتصرف صح ودخلت قعدت جمب سليم وهو فرح جدا والكل قاعد والفيلم كان رومانسي وآيه بتحب الرومانسية جداااااااا وكان الفيلم اسمه(3 امتار فوق السماء)
طبعا يارا وطارق ماسكين ايدين بعض لانهم بيحبوا بعض جدا ومنسجمين مع الفيلم نيجي بقى لآيه وسليم كل واحد قاعد مع نفسه بس سليم كان بيفكر فيها وهي كانت مركزة مع الفيلم وهو شوية شوية بيبصلها ويرجع يبص للفيلم ..... الفيلم خلص وخرجوا وجابوا ايس كريم كانت آيه رغم انها لسة جايا من كام يوم بس لأول يوم تشوف سليم بالطيبة والحنية دي بس بتفتكر كلامه عمته ( سليم مع اخواته وكريم حاجة تانية خالص)
سليم: ها يالا نتحرك
الكل: يالا
كل واحد ركب عربيته وفي الطريق آيه عاوزة تقول لسليم على موضوع الشغل
آيه: ممكن اتكلم معاك في موضوع
سليم: اه اتفضلي
آيه: انت سمعتنا و احنا بنتكلم على موضوع الشغل
سليم: اه ماله
آيه: انا فعلا عاوزة اشتغل انا المجال دا هينفعني كويس اوي
سليم: بس انتي مش محتاجة للشغل دا
آيه: سليم انا مش محتاجاه عشان فلوس انا محتاجاه عشان انا بحب الترجمة واهو هبقى تحت التمرين فلو سمحت ماترفضش
سليم فرحان انها لأول مرة تنطق اسمه: حاضر بس ممكن أجيبلك انا الشغل
آيه: لا انا عاوزة اعتمد على نفسي واثبت جهدي واحس ان قادرة اعمل دا
سليم: طب ممكن اعرف هتشتغلي فين
آيه: لا باردوا ها
سليم: خلاص موافق
آيه فرحت جدا وباست خد سليم: شكراااا جدااااا
سليم اتفاجأ باللي هي عملته وهي استغربت انها اصلا عملت كدا: انا اسفة بجد اصل كنت متعودة كدا مع بابا الله يرحمه لما كان بيوافقني على حاجة عاوزاها كنت بعمل كدا
سليم ابتسم: ولا يهمك وبعدين مافيش داعي كلمة اسف بينا
آيه ابتسمت وسكتت
وخلاص وصلوا لإسكندرية وكانت آيه نامت
وفاء: سليم صحيها عشان ندخل
سليم: حاضر وبدأ يصحيها بس هي نايمة جامد....اعمل ايه ياعمتو دي نايمة
وفاء ضحكت: انت حر مع مراتك اتصرف انت بقى وسابته ودخلت
سليم ضحك على عمته وشال آيه ودخل بيها الشاليه وعشان مش عارف دينا في انهي اوضة لانه علي ما دخل كان الكل دخل الاوضة فأخد آيه لأوضته هو اللي محدش اصلا بينام فيها غيره حتى مريم مراته مش بتنام فيها وهو راح يشوف كريم في انهي اوضة وينام جمبه ........ دخل عند كريم
كريم: ايه ياعم انت ايه جايبك هنا ما تروح اوضتك
سليم: آيه نيمتها هناك وانا جاي انام جمبك لحد الصبح
كريم بيحط ايده على دماغ سليم: سولي انت سخن ياحبيبي
سليم: ليه يا ابني في ايه
كريم: الاوضة بتاعتك دي محدش بينام فيها غيرك سواء هنا او في شرم دا حتى مريم مش مسموح ليها بكدا
سليم: اصل معرفتش انهي اوضة دينا
كريم بيبصله بإستغراب🙄: هحاول اصدقك
سليم حدف فيه المخدة: يالا نام وانت ساكت
كريم: لا دا اوضتي
سليم: هتنام ولا ها👊
كريم: خلاص هنام😠
سليم: ايوا كدا😂
★★★★★★
نيجي بقى لمريم وامها في باريس
قاعدين في مطعم وبياكلو
مريم: ماما احنا لازم نفضل هنا لحد ما نشوف الدكتور الامريكي دا هيقول ايه علي حالتي
سلوى: ماشي و احسن اننا بنغير جو بعيد عن جو الڤيلا في القاهرة
مريم: ايوا احسن بكتييير ولازم ياماما اجيب لسليم ابن
سلوى: ان شاء الله
#تلاقينا بقلم: ايمان جمال
*الحلقة الرابعة عشر*
تاني يوم الصبح في اسكندرية الكل صحي وآيه في اوضة سليم ومستغربة انها نامت بهدومها وازاي طلعت لفوق تعبت من التفكير وغيرت هدومها ونزلت
كانوا قاعدين وشافوها نازلة وسليم انبهر بيها😍 لانها كانت سايبة شعرها ولابسة بيچامة لونها بنك(وطبعا هما عاملين حسابهم وجايبين كل واحد فيهم لبس بيتي) واللون كان تحفة عليها كان نفسه يخبيها عن عيون الكل
آيه: صباح الخير
الكل رد ماعدا سليم: صباح الجمال
سليم لسة باصص ليها وهي مكسوفة من نظراته دي وفاء لاحظت نظرات سليم: سليم
سليم: ها ... بتقولي حاجة ياعمتو
وفاء ضحكت: ايه سرحان في ايه
سليم: لا ابدا مافيش
كريم: اللي واخد عقلك
سليم: لم الدور وقول ياصبح عشان وربنا انت حر
آيه: انتوا عاملين ذي ناقر ونقير كدا ليه بس بقى
سليم: ما انتي شيفاه بيعمل ايه
كريم: ايه بس ياسولي
سليم: طب تعالى بقى وجري ورا كريم وآيه راحت وراهم وكريم وقفها في النص بينه وبين سليم
كريم: اوعي يا يوكا تتحركي والنبي
سليم: ابعدي يا آيه انتي
كريم: اوعي يايوكا
سليم مسك آيه وشدها عليه تقريبا كدا حضنها
وكريم بيشد آيه عشان يتحامى فيها وآيه مكسوفة من وضعها في حضن سليم
سليم: انسى يا كريم
كريم: والله خلاص ياسليم
سليم: امشي من ادامي
كريم جري من ادام سليم
سليم بيبص لآيه اللي هي اصلا في حضنه فرفع ايده عشان يشيل شعرها من علي وشها وكان احمر اووووي من كتر كسوفها
سليم: معلش بس انتي كنتي واقفة بيني وبينه
آيه: لا لا ابدا عن اذنك
سليم مسك ايديها: استني ممكن اطلب منك طلب
آيه: اتفصل
سليم: ماتسبيش شعرك تاني مش عاوز حد يشوفه ممكن
آيه من غير ماتبصله: حاضر عن اذنك ومشيت من ادامه
سليم حاسس انه فرحان بقربها ودخل جوا عشان يفطر
خلصوا فطار كلهم وقاعدين في جنينة الشاليه
آيه اتكلمت: على فكرة احنا جايين هنا عشان نخرج مش نفضل قاعدين كدا ها😔
سليم: طب عاوزة تروحي فين
آيه: ماهو انا معرفش الاماكن اللي هنا ايه اقولكم تعالوا نطلع عالبحر
سليم: يبقى ناخد ياخت ونطلع بيه
آيه: لا لا لا انا بخاف من البحر وانا عالشاطئ عاوزني ابقى في نص البحر لا اكيد بتهزر
كريم ضحك: ايه يايوكا فيلم المركب مأثر عليكي
آيه: بلاش رخامة يارخم
دينا: ماتخافيش يايويو بجد مش هتندمي الجو بيبقى في نص البحر حاجة تانية
يارا: فعلا يايويو
طارق: لا وايه بقى السباحة هناك ليها شكل تاني
آيه: نعم سباحة ويخت في نص البحر انتوا عاوزين تجننوني
وفاء ضحكت: ماتخافيش يايويو
آيه: طيييييييييب
سليم: يالا قوموا اجهزوا وانا هحجز اليخت
كريم: مش ناوي تشتري واحد هنا كمان
سليم: لا احنا مش بنيجي هنا غير فين وفين لكن في شرم احنا طول السنة هناك
كريم: ماشي ياسولي
وقاموا يجهزوا
★★★★★★
كلهم واقفين ادام اليخت ماعدا وفاء لانها راحت تشوف جوزها وابنها سعيد
آيه خايفة: بلاش
كريم ضحك: يالا ياخوافة
آيه: من خاف سلم ياكيمو
سليم: ماتخافيش تعالي يالا .... مسك ايديها وطلعها اليخت وهي فضلت ماسكة ايده من خوفها: ماتسبش ايدي والنبي انا خايفة
سليم: حاضر ماتخافيش .. ووجه كلامه لعمرو( الشاب اللي هيسوق اليخت ) : يالا ياعمرو اتحرك
كريم باصص لآيه وفرحان انها قريبة من سليم وكمان ماسكة ايده
سليم بيكلم آيه: تعالي اقعدي جمب دينا عشان هطلع فوق اشوف عمرو وانزل
آيه: لا والنبي انا خايفة
سليم فرحان: خلاص تعالي هقعدك جمب كريم
آيه: لا انت شايف كريم قاعد فين بلاش( كريم كان قاعد على طرف اليخت ومنزل رجله )
سليم: خلاص تعالي اطلعي معايا فوق
آيه: ماشي
سليم أخد آيه وطلعوا فوق وسليم بيكلم عمرو: ها يا عمرو فيه حاجة واقفة عليك او حاجة
عمرو: لا يامستر سليم كل حاجة تمام ... وبص لآيه واعجب بشكلها اوي وسليم مضايق من نظرات عمرو لآيه وعاوز يقتله
سليم: طب فوق لشغلك
عمرو: اه حاضر
سليم ماسك ايد آيه: مش عاوزة تتصوري
آيه ضحكت: انت عرفت منين اني عاوزة دا
سليم: ماهو اكيد بتحبي تتصوري دينا باردوا بتحب تتصور وخصوصا جمب البحر او عاليخت
آيه: طب تمام صورني بقى
سليم ضحك: بقى سليم الشامي يمسك فون ويصور
آيه قربت منه ورفعت نفسها شوية وخلت راسها ادام راسه: عندك مانع ولا لا😠
سليم ضحك: لا هاتي ... سليم لسة بيسيب ايدها: لا لا لا خليك ماسك ايدي والنبي انا خايفة
سليم: طب هصورك ازاي بقى
آيه: عادي خلاص نتصور سوا ها
سليم: ماشي يالا .... وقربها منه شوية واخد الصورة🤳 وبعد كدا نزلوا تحت وقعدوا وشوية وكريم اتكلم: يالا ياسليم
سليم: يالا وجه يقوم من جمب آيه
آيه: ايه انت رايح فين انا خايفة
سليم: ماتخافيش انا هنزل انا وكريم البحر
آيه: طيب
كريم: يالا يايوكا تعالي معانا
آيه: لا
يارا: يالا بقي يايويو انا كمان هنزل ودينا كمان
آيه: لا
سليم: انزلي معايا انا طيب
آيه: لا
كلهم نزلوا ماعدا آيه و شوية وعمرو نزل (لانه وقف اليخت) وقعد معاها وسليم في البحر وشايفه ومضايق وعلى اخره جه يخرج لقى كريم رايح ليها
كريم: يوكا
آيه: ايون
كريم: يالا تعالي
آيه: لا ياكيمو والنبي
كريم: يا حبيبتي انا معاكي اهو ماتخافيش بقى
آيه بعد محاولات كريم وافقت بس هي ماتعرفش ان دا هيضايق سليم ونزلت معاه البحر و عشان آيه مش بتعرف تعوم شالها ودا خلى سليم يولع
آيه: كريم والنبي انا خايفة
كريم: ماتخافيش انا شايلك اهو
آيه: طيب ... وبدأت تتعود شوية بشوية وطارق ويارا ودينا حواليهم وسليم سابهم وطلع اليخت وكريم لاحظ دا بس مجاش في باله انه زعل ان آيه نزلت البحر و شوية وخرجوا وسليم كان نشف نفسه وقاعد ومضايق جدا وآيه خارجة من البحر كلها مايه ودا مخلي هدومها مفصلة جسمها ومبينة كمان الوان الهدوم اللي تحت وسليم ساعتها كان هاين عليه يقوم يضربها بسبب شكلها دا..كريم جاب الباشكير عشان آيه تنشف نفسها
آيه اخدته منه: انا بردانة يارتني ما سمعت كلامك
كريم بيضحك: يالا ياجبانة نشفي بس انتي نفسك كويس وهتبقي كويسة
آيه بتنشف نفسها ومش واخدة بالها من عيون سليم اللي باين عليها الغضب سابهم وطلع فوق عاليخت وآيه خلصت وقعدت جمب كريم وبدور على سليم بعنيها مش لقياه فسألت كريم: كيمو هو سليم فين
كريم: تلاقيه طلع فوق
آيه: اممم ماشي
اليوم عدا ورجعوا الشاليه وكل دا وسليم مش بيتكلم مع آيه نهائي
★★★★★★
في المساء في الشاليه
البنات اتجمعوا وعاوزين يروحوا المول وطارق قاعد هو وكريم معاهم وسليم قاعد بارا في الجنينة لوحده
آيه: ها يالا نخرج عشان احنا كلها كام ساعة وهنرجع
يارا: انتي صح يالا ياطارق
طارق: ماشي يالا
كريم: دودو
دينا: لا بقولك ايه عندك يوكا
آيه مش فاهمة هما بيتكلموا عن ايه: هو في ايه
دينا: الاستاذ دا لما بيقولي يا دودو بيبقى عاوز مني اخرج معاه يشتري هدوم وبيبقى يوم اسود
آيه: ليه بيعمل ايه
دينا: بيقعد خمس ساعات يشتري وفي الآخر يقولي مش عاجبني حاجة
آيه ضحكت اوي وبصت لكريم: انت ياكيمو تعمل كدا😂
كريم ضحك: ايون
آيه ضحكت جامد وبصت لدينا: وانتي تقوليله يوكا اهي 😂 لا انا استحالة 😂
كريم ودينا ضحكوا عليها جامد
وبعد شوية قاموا وخرجوا بارا الشاليه وشافوا سليم قاعد لوحده
كريم: سولي
سليم من غير مايبصله: نعم
كريم: يالا عشان هنخرج
سليم: اخرجوا انتوا انا مش خارج
كريم: يالا بقى يارخم
سليم بغضب: كرييييم قولتلك لا
كريم استغرب من غضب سليم ومش فاهم ايه سببه فراح عنده: مالك
سليم بصله: مافيش يا كريم وسبني لوحدي
كريم: لا ياسليم مش هسيبك لوحدك انت كدا من ساعة ماجينا من البحر
سليم اضايق وقام وقف: يووووه قولت مافيش اقولك انا سيبهالكم و ماشي واخد عربيته ومشي
آيه استغربت اوي ومش عارفة في ايه وايه اللي خلاه يوصل للحالة دي بس ما اتكلمتش
كلهم راحوا المول واشتروا اللي هما عاوزينه حتى آيه كان عاجبها لبس واشترته (سليم كان سايب فلوس مع دينا ليها)
خلصوا ورجعوا الشاليه ووفاء كانت وصلت ومستنياهم وشافتهم داخلين ماعدا سليم
وفاء: امال فين سليم
كريم: مش عارف كان مضايق واخد عربيته وخرج
وفاء: ليه في حاجة حصلت
كريم: لا مافيش
وفاء: خلاص انا هكلمه .... وطلبت سليم ورد عليها وخلصت معاه المكالمة وبصتلهم: سليم رجع القاهرة ... الكل استغرب
آيه: رجع طب ليه
وفاء: مش عارفة بس باين من صوته انه مش تمام يالا اجهزوا عشان نوصل قبل الصبح
الكل جهز واتحركوا وآيه طول الطريق مضايقة ان سليم رجع لوحده وفتحت فونها وشافت الصورة اللي اتصوروها سوا عاليخت ودينا كانت قاعدة جمبها: ياعم ياعم ايه الصورة الحلوة دي
آيه ابتسمت: اتصورناها سوا
دينا: حلوة جدا ماشاء الله
وبعد شوية وصلوا القاهرة ودخلوا الڤيلا
وسليم كان لسة صاحي بس وفاء طلبت منهم ان محدش يتكلم معاه عشان هو مضايق
وفاء: كدا يا حبيبي ترجع لوحدك
سليم: انا مش صغير عشان تخافوا عليا
وفاء: ايه يا حبيبي في ايه بس
سليم بص لآيه: مافيش مش خلاص انتوا غيرتوا جو واتفسحتوا خلاص
آيه حست من كلامه انه زعلان منها بس مجاش على بالها انه زعل عشان هي نزلت مع كريم البحر وعاوزة تسأله في ايه بس ما اتكلمتش
كريم: ايه حصل ياسليم ما احنا كنا فرحانين وقاعدين سوا
سليم اتكلم بصوت عالي: اه صح فرحانين ونزلنا البحر وضحكنا يبقى مافيش حاجة مالكش دعوة
كريم اتأكد ان سليم غيران على آيه منه واضايق اكتر لما آيه نزلت البحر معاه
كريم: انا مش هتكلم معاك الوقتي عشان ماتقولش كلام وترجع تندم عليه بس كل اللي هقوله ليك بلاش دا معايا انا بالذات ياسليم وانا دلوقتي فهمت انت زعلان ليه .... وسابهم وطلع اوضته
سليم اضايق انه لتاني مرة يضايق كريم وسابهم ودخل مكتبه وآيه راحت وراه وخبطت ودخلت سليم استغرب انها جات وراه
سليم: خير في ايه
آيه: هو انت زعلان مني
سليم: ليه هو انتي شايفة ان في حاجة حصلت تزعل
آيه: ماهو عشان كدا مستغربة
سليم اضايق اكتر انها مش شايفة نفسها غلطانة: تمام يبقى ماتشغليش بالك وبعدين احنا اتفقنا ان محدش له دعوة بالتاني جايا ورايا ليه سبيني لوحدي ونتعامل عادي ومالكيش دعوة زعلان او لا
آيه اضايقت اوي من طريقته بس محبتش تبين: حاضر اللي تشوفه عن اذنك وخرجت وسابته
رغم ان آيه مبينتش زعلها بس سليم لاحظ دا واضايق اكتر وقضى الليل كله في مكتبه
★★★★★★
تاني يوم الصبح الكل صحي ماعدا كريم وآيه هنا ساعتها سليم اضايق وطلع لكريم وخبط ودخل وكريم كان اصلا صاحي في اوضته
سليم: طلاما صاحي مانزلتش ليه
كريم: سليم مش ناقص عالصبح
سليم قعد جمبه: حقك عليا عارف ان ذودتها
كريم: غيران مني عليها ياسليم
سليم اتردد: ايه اللي انت بتقوله دا هغير عليها منك ليه وبعدين انت تايه جوازنا عامل ازاي
كريم: لا ياسليم انا مش اي حد عشان تضحك عليا بكلمتين
سليم: لا يا كريم انت فاهم غلط
كريم: تفتكر
سليم: ايوا
كريم: خلاص انت حر .... آيه صحيت
سليم: لا لسة
كريم: طب تمام تعالى ننزل بس هصحيها الأول
سليم: طيب😐
كريم خبط على أوضة آيه شوية وهي مش ردت استغرب وسأل سليم: سليم في حاجة حصلت بعد ما انا طلعت اوضتي امبارح
سليم: حاجة ذي ايه
كريم: انت اتكلمت معاها امبارح
سليم: اها
كريم: ونتيجة كلامكم ايه
سليم: مافيش اتعصبت شوية وهي طلعت
كريم: يبقى اللي في دماغي صح
سليم: ايه في ايه
كريم: آيه مخنوقة وحابسة نفسها
سليم: ايه ازاي دا
كريم: اوعى بقى كدا اما اشوف هدخلها ازاي
كريم دخل اوضته وطلع البلكونة اللي جوا اوضته ونط علي بلكونة اوضة آيه وعرف يفتح باب الشيش من بارا ودخل وسليم معاه
كريم بيبص على سرير آيه مش لاقيها وفجأة لاقيها نايمة على الأرض جري عليها وصحاها بالعافية
كريم: آيه قومي
آيه: امممممم
كريم: قومي معايا
آيه: كريم سبني انا كدا مرتاحة
كريم: لا مش هسيبك قومي
وقامت معاه وهي اصلا دايخة وسانده عليه وقعدها عالسرير ونامت تاني وكل دا وسليم واقف وشايف اللي بيحصل وكريم بيوقف آيه كان فيه دم على هدومها ودا شافه سليم وقلق جدا بس لما لاحظ مكان وجود الدم عرف ان دا معاد عادتها الشهرية ووجه كلامه لكريم: كريم انزل جيب دينا وتعالى
كريم: ليه
سليم: اخلص بس وانزل وهبقى أفهمك
كريم نزل لدينا وجابها وطلعوا
سليم لدينا: دينا آيه تعبانة وانتي الوحيدة اللي هتحتاجها جمبها في تعبها دا
دينا بصت لآيه ولاحظت الدم: اها فهمت حاضر انزلوا انتوا تحت
كريم مستغرب بس معلقش ونزل مع سليم تحت
بعد شوية آيه كانت خلاص غيرت هدومها وقاعدة على سريرها وبطنها وجعاها جدا ودينا قاعدة جمبها وزعلانة عشانها وطلبت من الدادة تعملها حاجة سخنة وسليم قاعد تحت قلقان عليها و عاوز يطلعلها ولما شاف الدادة طالعة بالحاجة السخنة وقفها: هاتي يادادة انا هطلعها انا واخد منها الحاجة السخنة وخبط ودخل لآيه ودينا
سليم: ممكن ادخل
آيه بصتله وساكتة
دينا: تعالى ياسليم
سليم: انا جبت الحاجة السخنة
آيه اتكسفت اوي عشان هو اللي جايبها وحست انه عارف ايه سبب تعبها ووشها كلها احمر
دينا: طب هات عشان آيه تشرب وترتاح
آيه هنا ضربت دينا في دراعها عشان تخليها تسكت وسليم لاحظ دا بس معلقش وسابهم ونزل وشوية ودينا نزلت
سليم: سبتي آيه لوحدها ليه
دينا: هي نامت
سليم: هي بقت كويسة؟
دينا: اها شوية
سليم قلقان وعاوز يطلع ليها وكريم ملاحظ دا وساكت
★★★★★★
في المساء مي ومروان راحوا لسليم الڤيلا
سليم: حبيب قلبي
مروان حضنه: حبيبي عامل ايه
سليم: تمام الحمدلله ووجه كلامه لمي: عاملة ايه يامي
مي: الحمدلله ياسليم والله وسألت على آيه
سليم: فوق في اوضتها ويارا ودينا معاها استني هندهلك عالدادة تطلعك ليهم والدادة جات واخدت مي لآيه
مي دخلت وحضنت آيه جامد وقعدت معاها
مي: مالك يايويو في ايه
آيه: مافيش يا حبيبتي بطني بس وجعاني
مي فهمت: الف سلامة عليكي يا قلبي
آيه: الله يسلمك ياقلبي
وشوية وكريم دخل: يوكااااا
آيه: وربنا في يوم هتموتني والله بسبب خضك ليا دا
كريم ضحك ومي اشتغربت من معاملة كريم لآيه: يويو دا مين
آيه ضحكت: اقولك مين بقى ياستي فاكرين الصديق المجهول اللي كنتوا عاوزين تشفوه
مي ضحكت: اوعي تقولي دا كريم صديق عمرك اللي عالفيس بوك
كريم ضحك: ايوا انا وربنا 😂
مي: ياعم اخيرا شفناك دا انت الوحيد اللي كنت بتخرجها من اي زعل
كريم بثقة: اه طبعا😎
مي وآيه ويارا ودينا ضحكوا عليه جامد