رواية تلاقينا
*الحلقة السابعة عشر* والثامنة عشر
آيه دخلت اوضتها وكانت هنا المفجأة وكان لاب لونه موڤ محطوط على سريرها وكمان نوعه Apple (🍎) ودا اللي كان نفسها فيه
سليم: عجبك
آيه بصت وراها لاقت سليم واقف عالباب: انت اللي جبته
سليم: اكيد
آيه هنا جريت عليه وحضنته: شكرا اووووي انا بجد فرحانة انا كنت شايلة هم الشغل
سليم فرحان بحضنها: انا حسيت انك مضايقة ان لاب دينا مش هنا ومش ينفع تكوني من غير جهاز
آيه: بجد فرحانة ربنا يخليك ليا يارب
سليم فرحان اوووي ومش عاوزها تطلع من حضنه وآيه فاقت من فرحتها واتكسفت انها في حضنه وبصتله: انا اسفة
سليم: فيه زوجة تقول لزوجها انا اسفة عشان حضنته
آيه اتكسفت اوي ووشها احمر اوووي وماردتش
سليم: مش هتجربيه
آيه: اكيد
راحت قعدت عالسرير وفتحت اللاب وهو جمبها وفرحان بفرحتها
سليم: ها عجبك
آيه: ايوا طبعا
وآيه بدأت تجيب الملف عشان تبدأ تترجم
سليم: مش عاوزة مساعدة
آيه؛ تؤتؤ مافيش ياسولي
سليم: ايه قولتي ايه
آيه: تؤتؤ مافيش يا.... وسكتت لانها قالت الاسم دا وهي مش عارفة
سليم: كمليها
آيه: انا اسفة
سليم: تاني اسفة آيه انتي مراتي وبعدين مش احنا اتفقنا اننا نبقى صحاب واصحاب اوي كمان
آيه: ايوا
سليم: يبقى ايه بقى
آيه: حاضر
سليم: انا هنزل تحت عشان تعرف تشوفي شغلك
آيه: ماشي
سليم نزل وآيه فضلت سهرانة عالملف وخلصته الفجر وسليم كان لسة صاحي وهي مش جالها نوم ونزلت تحت في الجنينة وهو كان قاعد تحت سليم شافها: لسة سهرانة
آيه اتخضت: انت هنا خضتني
سليم ضحك: معلش
آيه: ولا يهمك
سليم: خلصتي
آيه: اها بس مش جايلي نوم خالص مش عارفة ليه
سليم: وانا كمان فقولت اخرج اقعد في الجنينة
آيه: اها تمام
سليم: علي فكرة انا زعلان منك من ساعة مارجعتي من الشغل بس مش رديت اقولك
آيه: ليه في ايه
سليم: عشان سبتي شعرك
آيه: انا اسفة بس انا قاعدة في البيت
سليم: بس البيت فيه كريم وطارق
آيه: بس كريم ذي اخويا وطارق اخوك وذي اخويا وانا بجد الطرحة بتخنقني يعني انا اه بحبها بس في البيت مش متعودة عليها
سليم: خلاص سماح المرادي
آيه ضحكت: ماشي
سليم: انتي هتروحي الشغل امتى
آيه: على الساعة 10 ان شاء الله
سليم: طب حاولي تنامي
آيه: مش جايلي نوم خالص
سليم: خلاص تعالي نتفرج على فيلم
آيه: تمام يالا
سليم اخدها ودخلوا جوا شغلوا فيلم وآيه نامت وسليم شالها وطلعها اوضتها وهي فضلت ماسكة في قميصه وبيشيل ايديها باردوا ماسكة فيه ونام جمبها
★★★★★★
تاني يوم الصبح طارق صحي و رايح لسليم عشان عاوزه بس مش لقاه في اوضته قال اكيد في المكتب وباردوا مش لاقيه شاف كريم نازل
طارق: طارق سليم فين
كريم: انا كنت لسة هسألك
طارق: اصله لا في المكتب ولا في اوضته
وفاء نزلت وشافتهم كدا: في ايه
كريم: مش لاقيين سليم
وفاء: ازاي مش عربيته بارة؟
كريم: ايوا
طارق: ايوا ياعمتو بارة بس مش لاقيه في الڤيلا
وفاء ضحكت: انتوا مش ملاحظين ان سليم له اوضة كمان
كريم وطارق بصوا لبعض ومش فاهمين
وفاء ضحكت اكتر: دا على اساس انه مش متجوز يعني
كريم وطارق فهموا وكريم مستغرب اكتر: ايه؟؟؟؟؟ يعني عاوزة تفهمينا انه فوق في اوضة آيه؟!
وفاء: اها وليه لأ انا اه معرفش بس هتلاقوه فوق
طارق: الله عليكي ياعمتو يامركزة انتي
كريم ضحك: لا عمتك بتركز اوي😂
طارق😂: طب انا عاوزه الوقتي ضروري انا هبعت الدادة تطلع تصحيه
وفاء: لا انا هصحيه انا
ووفاء طلعت وخبطت كذا مرة ومحدش رد ففتحت الباب نص فتحة ولاقتهم نايمين ودخلت وصحت سليم
وفاء: سليم طارق عاوزك تحت
سليم بنوم: عاوز ايه
وفاء: بيقول حاجة تبع الشغل
سليم: طيب وبص جمبه شاف آيه اللي نايمة على دراعه وابتسم
وفاء: ماتخبيش ابتسامتك دي ياقلب عمتك
سليم: حاضر ياعمتو انزلي انتي وانا هصحي آيه وانزل
وفاء: حاضر يا حبيبي
ونزلت وسليم بيصحي في آيه
سليم: آيه يالا قومي
آيه بنوم: امممم
سليم: يالا عشان لسة ساعة على شغلك
آيه فاقت ولفت نفسها عشان ضهرها كان لسليم ولاقت نفسها في حضنه ارتبكت اوي ومش عارفة تتكلم من كتر كسوفها سليم شايفها كدا واتكلم: لما اتفرجنا على الفيلم امبارح انتي نمتي وشيلتك وطلعتك ولما جيت انزل انتي ماسكة في قميصي ومش راضية تسبيني
كلامه دا اربكها اكتر وحاول يفكها شوية: بس ماقولتيش انك طمعانة في القميص ليه كنت سبتهولك
آيه ضحكت: بقى كدا ماااااشي
سليم باسها من دماغها
آيه: ممكن تبطل تكسفني كدا كل شوية
سليم: ليه انا عملت ايه
آيه سكتت لانها مكسوفة تقول انه نيمها في حضنه وكمان البوسة اللي من دماغها
سليم: رغم ان مش عملت حاجة بس حاضر
آيه قامت تلبس وهو نزل لأخوه
خلصت لبسها ونزلت وكالعادة بتخطف قلب سليم وقعدت تفطر ومرفعتش عنيها نهائي ناحية سليم وكريم عاوز يرخم عليهم: سولي انت كنت نايم فين
سليم فاهمه: ورحمة امي وابويا ان مابطلت رخامة انت عارف انا هعمل فيك ايه
كريم ضحك اوووي وبيبص لآيه اللي وشها عامل ذي الطمطومة😂: يوكا
آيه من غير ماتبصه: لا مخمصاك
كريم: اهون عليكي
آيه: تؤتؤ
منى قاعدة معاهم ومستغربة اوي من كل اللي بيحصل حواليها فلما عرفت من كريم ان سليم مكانش في اوضته حبت ترخم: اه صح ياسليم انت كنت نايم فين انا جيتلك اشوفك في اوضتك مش لاقيتك
هنا بقى آيه رفعت وشها وبصت لمنى وبصت لسليم وباين عليها اصلا غيرتها بس بتحاول تداري فيها بس سليم ملاحظ و فرحان انها غيرانة عليه
سليم: كنت في المكتب وبعدين محدش بيجي وقت نومي يشوفني اذا كنت صاحي ولا لا عشان لو نايم وحد صحاني يبقى مايلومش غير نفسه
آيه فرحت انه رد بكدا وكريم كاتم ضحكته ويارا ضحكت جاامد غصب عنها ودينا هي كمان 😂😂
منى: بتضحكوا على ايه😠
كريم مقدرش يكتم ضحكته اكتر من كدا وضحك اوي😂
سليم مش مركز غير مع اللي خطفت قلبه وعقله و شوية قامت من عالسفرة
آيه: يالا ياكيمو
سليم مضايق انها هتاخد كريم وهو لا ومضايق اكتر انها بتدلعه فسابهم ودخل مكتبه
وهي حست ان في حاجة
آيه: استنى يا كريم هسأل سليم عن حاجة واجي
كريم: ماشي وانا هستناكي في العربية
آيه خبطت ودخلت وشافت سليم واقف عند الشباك وضهره ليها وهي وقفت جمبه
آيه: انت كل يوم تقوم من عالفطار من غير حتى ماتقول اي كلام
سليم من غير مايبصلها: وهقول ايه
آيه: اي حاجة ذي مثلا انا داخل المكتب وجبولي قهوتي لكن اللي يدخل بطريقتك دي يقول ان في مصيبة
سليم بصلها: يعني شايفة اني زعلان
آيه: ايون
سليم: عشان بتخلي كريم يوديكي الشغل واناطلبت منك كدا وماوفقتيش وبتدلعيه كتير وانتي بتتكسفي حتى مني لما ببصلك
آيه: عشان انا قولتلك ان مش عاوزة حد يعرف اني تبعك ولو على دلعي لكريم انا اعرفه من زمان وواخدة عليه وبعدين انت طلبت مني ان علاقتنا تبقى ذي علاقتي بكريم وانا قولت ماشي ومع ذلك لما صحيت الصبح لاقيتك حمبي مش اتكلمت ودي مش علاقة صحاب خالص
سليم قرب منها اووي ودا اربكها: امال علاقة ايه
آيه مرتبكة بقربه ليها اوووي: ا....ا....اصل انت طلبت اننا نبقى ذي انا وكريم
سليم قرب اكتر: بس كريم صديق واخ لكن انا جوزك يعني انا مسموحلي ان انيمك في حضني
آيه هيغمى عليها من الكسوف وساكتة
سليم لسة هيقرب الباب خبط وماتحركش من مكانه: ايوا
الدادة: كريم بيه تحت مستني الست آيت
سليم كان هيرد بس آيه سبقته: حاضر يادادة جايا اهو وحمدت ربنا ان الدادة ندهتلها
وخرجت جري وسليم ضحك وبص عليها من الشباك
وهي ركبت مع كريم و باين عليها اصلا التوتر
كريم حب يرخم: ايه يايوكا وشك طماطم كدا ليه😂
آيه😠: كيمووووووو
كريم: قلب اخوكي😂
آيه: بس يارخم
كريم: بجد في ايه
آيه: خايفة يا كريم سليم بدأ يقرب مني ومعرفش هو بيعمل كدا عشان طلبت منه انه يتعامل كويس معايا ولا عشان ايه وانا بتشدله اوي وانا مش عاوزة احب تاني ولا عاوزة حد في حياتي
كريم بهدوء: يوكا سليم جوزك مش مجرد واحد تعرفيه
آيه: عشان كدا خايفة يا كريم
كريم قلقان باردوا لان آيه ماتعرفش ان سليم اصلا متجوز ومش عارف لما تعرف هيحصل ايه
آيه: ايه ياكيمو سرحان في ايه
كريم: مافيش يا قلبي
خلاص آيه وصلت وطلعت الشركة وسلمت الملف وتامر معجب بشغلها جداااا وبيها اكتر وطلب من السكرتيرة انها تقول لآيه انه طالبها
وآيه خبطت ودخلت
آيه: حضرتك طلبتني
تامر: ايوا تعالي يا آيه اقعدي
آيه قعدت
تامر: الملف حلو جدا وشغلك جميل
آيه فرحت: ان شاء الله دايما هيبقى أجمل
تامر: ودا متأكد منه في اجتماع النهارده مع فوج أجنبي بس مش هتحضري أول اجتماع ان شاء الله الاجتماع التاني بعد اسبوع
آيه: تمام يامستر تامر ان شاء الله هكون موجودة .... وبعد كدا استأذنت وخرجت راحت مكتبها وتامر نزل راح شركة سليم عشان معاد الاجتماع
★★★★★★
قبل الإجتماع مايبدأ بروبع ساعة تامر وطارق وسليم قاعدين سوا
سليم: ايه ياعم تامر مش بنشوفك غير في الاجتماعات وبس
تامر: ما انت عارف الشغل بقى
طارق: ماشي يا تامر هنعديها بس المرة الجايا لا
تامر: حبيب قلبي والله انت عارف انه غصب عني ان معرفتش اجي الحفلة
طارق: ماشي سماح المرادي عشان خاطر طنط بس 😛
سليم: ايه اخبار الشغل عندك
تامر: حلووووووو اووووي ياسليم اووووي
سليم استغرب: هو ايه اللي حلو🤔
تامر: الشغل
سليم: الشغل باردوا
تامر: اقولك ايه بس في بنت اشتغلت جديد في الشركة ويالهوووي عليها ياسليم جمال ايه وشياكة ايه
سليم: انت وقعت ولا ايه
تامر: شكلي كدا ياسليم بس لازم اتأكد الأول من حقيقي مشاعري وبعد كدا ربنا يقدم اللي فيه الخير
سليم: يارب
طارق مرعوب لانه حاسس ان البنت دي آيه لان آيه هي اللي لسة شغالة جديد في شركة تامر وسليم لو عرف نهار اسود🤦
وشوية والاجتماع بدأ واتفقوا انهم هيمضوا العقود الاسبوع اللي جاي وكل واحد خلص شغله ورجع بيته
سليم رجع الڤيلا وطلع ياخد دش
وطارق مجمع يارا ودينا وكريم وحكالهم كل كلمة تامر قالها
كريم: طب هنعمل ايه
طارق: ماتعرفوش آيه أي حاجة من اللي انا حكتهالكم عشان هي فرحانة بشغلها دا وباين من كلام تامر انها شاطرة ماشاء الله
كريم: حاضر يا طارق وربنا يستر
دينا: الواحد بدأ يقلق
يارا: وانا كمان
منى نازلة وشافت تجمعهم دا فراحت عليهم: ايه بتتكلموا في ايه
كريم مش طايقها: معلش يامنى احنا لو عاوزين نحكي هنحكي
منى اضايقت ويارا ودينا قاموا عشان هيموتوا ويضحكوا وطارق هادي بس عاوز يضحك
وسليم نزل وشاف طارق وكريم ومنى واقفة معاهم: امال بقية البيت فين
طارق: دينا ويارا كانوا هنا وخرجوا الجنينة
كريم كمل: ويوكا طلعت من ساعة ما جات من الشغل ولسة مانزلتش
سليم: ماشي وهو هيموت ويطلعلها بس عارف ان منى مركزة اوي وخايف انها ترخم وتجيب سيرة مريم
طارق: يالا نقعد في الجنينة وناكل النهاردة فيها
كريم: ايوا فكرة حلوة
سليم: تمام يالا
كلهم خرجوا ومنى فضلت واقفة بتحاول تقرب من سليم اكتر وبعد كدا خرجت ليهم و شوية وآيه نزلت ولابسة بيچامة ومجسمة عليها وسايبة شعرها وسألت وفاء عن البنات قالتلها كلهم في الجنينة فخرجت ليهم
سليم شافها وهيتجنن عليها واضايق اوي من اللبس عشان مبين جمالها وشعرها اللي مخليها ملكة
آيه: انتوا قاعدين هنا وانا بدور عليكم
منى ردت: هنكون فين يعني ماهو اكيد هنا
آيه اضايقت من ردها وسكتت وكريم اضايق وحب يضايق منى عشان ضايقت آيه: يوكا تدور علينا ذي ماهي حتى لو هي عارفة طريقنا هو احنا نطول ان القمر يدور علينا ويتكرم ويقعد معانا منى اضايقت جدااااااا
وآيه فرحت اووووووي من كريم وراحت مسكا خدوده: حبيب قلبي انت ياكيمو
وسليم هيولع منهم هما الاتنين وكريم عارف دا وبيبص لسليم كأنه بيقوله أختي وبس
يارا: يوكا ايه الجمال دا
آيه: انتي الأجمل والله يا يايا
يارا: يوكا والنبي بلاش الاسم دا 😂
كريم: لا يايا
يارا: طأطأ حبيبي خدلي حقي منهم
طارق: مالوا يايا ياقلب طأطأ
يارا: لا بقى انت معاهم عليا
طارق ضحك: انا اقدر ياحب عمري وباس ايدها
يارا: بحبك
طارق: وانا كمان جدا
آيه: ما اجبلكم اتنين ليمون احسن😂
سليم: ونشغلهم اغنية رومانسية كمان😂
طارق: رخمين اووووي وبعدين اللي غيران مننا يعمل ذينا وبص لسليم وغمزله😉
سليم ابتسم وبص لآيه وهي اتكسفت من بصاته وشوية والاكل جه واكلوا كلهم وسيف ابن طارق صحي من النوم ويارا طلعت تجيبه وهو من ساعة ماصحي وقاعد على رجل آيه وفرحان بيها وبيحبها جدا وهي بتلاعبه وبيضحك جامد
سليم قاعد عند البسين ومنى راحتله بحجة توديله القهوة وآيه مضايقة اوي
منى: سليم قهوتك☕
سليم: متشكر يامنى اخدها منها وماسك اللاب وقاعد
منى: انت مركز في اللاب اوي
سليم فاهمها: اصل بشتغل
منى سابته وقامت لانه مش قابل اي كلام ولا مديها فرصة تتكلم معاه
منى راحت للبنات تقعد معاهم وآيه باصة على سليم وعاوزة تروح تقعد عالبسين ادامه هو وسيف وراحت فعلا وهو قاعد على كرسي البسين وهي قاعدة وبتحط رجليها في الماية ومقعدة سيف علي رجلها وهو بعد ماكان مركز في اللاب ركز معاها وقفل اللاب وراح قعد جمبها
سليم: هتزعلي لو قولتلك ان مش عاوز شعرك دا يبان انا عارف ان قولتلك قبل كدا واحترمت رأيك بس بجد مخليكي حلوة اوي
آيه اتكسفت بس ردت: لا مش هزعل
سليم: بجد ولا بتريحيني وخلاص
آيه: لا بجد والله مش هزعل
سليم شال سيف وقعده على رجله وبيلاعبه: طلعي فونك وخدي لينا سيلفي🤳سوا
آيه مسكت لونها واتصوروا
منى باصة عليهم ومضايقة واتكلمت: هو سليم قاعد معاها كدا ليه
كريم: قاعد ازاي يعني يامنى
منى: يعني كان بيشتغل عاللاب والوقتي قاعد جمبها ازاي
كريم حابب يضايقها: عادي يامنى سليم لو حابب حد بيحب يقعد معاه يعني يسيب الشغل عشانه
منى اضايقت اوووووووي وسابتهم ودخلت جوا
يارا ضحكت اووي: يخرب عقلك ياكريم😂😂😂
كريم ضحك و دينا ماسكة بطنها من كتر الضحك وطارق هو كمان بيضحك
كريم: اعملها ايه ماهي بتحب تضايق يوكا
*نيجي شوية لسليم ولآيه وهما قاعدين عاليسين*
سليم: آيه انتي بتعرفي تعومي
آيه: لا خالص
سليم: خالص خالص
آيه: اها
سليم: عشان كدا مارضتيش تنزلي معانا لما كنا في إسكندرية
آيه: اها و عشان كدا نزلت مع كريم
سليم: تعرفي اني كنت مضايق اوي ساعتها
آيه: ليه بس
سليم: عشان نزلتي مع كريم وكان شايلك وانتي متعلقة في رقبته
آيه: ما انا كنت خايفة ومرعوبة
سليم اضايق: يبقى ماكنتيش تنزلي
آيه لاحظت انه اضايق: خلاص مش هعملها تاني ومش هنزل الماية تاني
سليم فرح انها بتحاول تخليه فرحان: لا هتنزليها تاني بس معايا انا
آيه: يعني بحر تاني ويخت لا لا لا لا
سليم ضحك عليها: لا هنا في البسين
آيه: بس عمقه 3 متر
سليم: انا معاكي ماتخافيش
آيه فرحانة من جواها: ماشي
سليم: خلاص بما ان بكرة الجمعة اجازة نسهر سوا بالليل وننزل سوا
آيه: ماشي تمام
(التوقيت اللي هما فيه كان في اول شهر 6 كدا نهاية الترم التاني في الدراسة وخصوصا الجامعات وكان بعد رمضان يعني الجو حلو انهم ينزلوا البحر او البسين)
سليم وآيه راحوا قعدوا مع طارق وكريم ودينا ويارا
سليم شايل سيف وبيلاعبه وآيه بتغفله بالصور وكريم بيضحك عليها وكلهم قاعدين فرحانين والوقت عدا وسهروا لحد الساعة 2 كدا ومين فضلوا سهرانين بقى طبعا سليم وآيه ، سليم طلع يغير هدومه وآيه هي كمان وبعد شوية سليم نزل لابس شورت وتيشرت
وآيه بقى لابسة سالبوتة تليق بجو البحر والبسين بس كانت عبارة عن قطعة واحدة وكانت بقط ولحد بعد الركبة بحاجات بسيطة
وأول ما سليم شافها حمد ربنا ان محدش صاحي عشان محدش يشوفها كدا وسرحان فيها وهي نزلت ومكسوفة من نظراته
سليم: ايه الجمال دا
آيه بصت للأرض ومكسوفة وماردتش
سليم: انا بحمد ربنا ان محدش في العصابة صاحي
آيه ضحكت: اشمعنا بقى
سليم: عشان الجمال دا محدش يشوفه
آيه ارتبكت جامد: طب مش هننزل البسين
سليم: لا هننزل يالا
آيه وسليم راحوا عند البسين وسليم قلع التيشرت وآيه اتكسفت جامد ودورت وشها
وهو ضحك: يالا ننزل
آيه: حاضر
سليم شالها ونزل بيها و عشان البسين 3 متر هي مش هتطول الأرض فسليم فضل شايلها وهي مكسوفة اوووووي بس فرحانة ومتعلقة في رقبته
سليم: حلوة الماية ؟
آيه: جدا، بس انت ليه استنيت لما هما يناموا ماكنا نبقى سوا
سليم: يعني عاوزاني نبقى كلنا سوا وانتي لابسة كدا
آيه: ماهو ساعتها ماكنتش هلبس كدا
سليم: يعني انتي لابسة كدا عشان معايا
آيه اتكسفت: عشان انت اللي ليك الحق تشوفني كدا
سليم فرح اوووي من ردها وحضنها جامد وهي مستغربة الحضن دا ومش عارفة معناته ايه سليم فضل حاضنها طول ما هما في الماية وكريم واقف في بلكونة اوضته وفرحان لآيه ولسليم وبيدعي من قلبه انهم يكملوا سوا وقلقان اوي بخصوص مريم مرات سليم ولما آيه تعرف ايه هيحصل
سليم خرجها وجاب الباشكير ولفها بيه عشان هي كانت بردانة
سليم: بردانة؟
آيه: اها شوية
سليم حضن عليها ومشي بيها عشان تطلع اوضتها ودخلت اخدت دش وغيرت هدومها وسليم هو كمان وشوية وجه خبط عليها وجايب ليها بيتزا
آيه: الله بيتزا🍕
سليم: بتحبيها؟
آيه: جداااا
سليم: يالا ناكل سوا
قعدوا سوا في بلكونة اوضة آيه وكانوا فرحانين وسليم شغل فيلم على اللاب بتاعه لانه كان جايبه معاه وناموا جمب بعض
★★★★★★
تاني يوم الصبح وطبعا الجمعة الكل صحي ماعدا آيه وسليم
الكل فطر ومنى نازلة اسئلة وعاوزة تعرف آيه فين ومش مصدقة انها نايمة لحد ما كريم قام وسابهم عشان هيمسك فيها وراح اوضة الرياضة اللي فيها البوكس وطارق حصله
طارق: اهدى يا كريم وانت بتلعب
كريم: انت مش شايف بتعمل ايه هي مالها ومال آيه
طارق: غيرانة
كريم: تولع بس ملهاش دعوة بيوكا
طارق: اهدى وتعالى يلا لاعبني
وبدأوا يلعبوا وخلصوا بعد ساعة وكل واحد راح ياخد دش
دينا قاعدة مع يارا في الجنينة وسيف بيلعب حواليهم
دينا: يارا تفتكري يكون حصل حاجة مابينهم
يارا: ما افتكرش لانهم متفقين ان دا مش هيحصل
دينا: بس هما بيقربوا لبعض اوي وخصوصا سليم ونسى خالص مريم
يارا: احنا كلنا عارفين انه محبش مريم ولا هيحبها وآيه أحسن منها بكتييير
دينا: دا فعلا بس محدش عارف سليم بيفكر في ايه
في أوضة آيه سليم صاحي بس مش عارف يقوم لانها نايمة على دراعه ووشها ليه شال شعرها من على عنيها وباسها ودي فوقتها واول ما فتحت عنيها ابتسمت: صباح الخير
سليم فرحان بإبتسامتها دي: صباح الجمال
آيه اتحرجت وسكتت
سليم: هو انا كلامي بيكسفك اوي كدا
آيه مقدرتش تتكلم وخبت وشها في صدره وهو حضنها وقلقان اوي لو هي عرفت انه متجوز هي هتعمل ايه شوية والباب خبط وكان كريم
كريم: ها ادخل ولا لا
سليم كان هيرد بس آيه قامت من حضنه وردت: تعالى ياكيمو
كريم دخل و فرحان: يالا قوموا ياكسلانين
سليم: عاوز ايه يارخم
كريم غمزله😉: وحشتني اوي ياسولي وعاوز اقعد معاك
سليم: وانت ماوحشتنيش يارخم😛
كريم ضحك: باردوا حبيبي 😛
آيه بتتفرج على رخامتهم لبعض ومن جواها فرحانة من قرب سليم
سليم بص لكريم: تعالى ياكيمو عشان عاوز اتكلم معاك
كريم: حاضر
سليم بص لآيه: احنا هننزل وانتي براحتك عاوزة تنزلي انزلي مش عاوزة خليكي وانا اخليهم يبعته ليكي الفطار وباسها من دماغها
آيه: لا انا هنزل
سليم: ماشي خلاص يالا يا كريم
سليم وكريم نزلوا ودخلوا اوضة المكتب
كريم: مالك ياسليم شكلك قلقان
سليم: اوي يا كريم خايف آيه تعرف بحكاية جوازي
كريم: دا نفس الحاجة اللي بقالي يومين بفكر فيها عشان انت ياسليم علقتها بيك وانا عارفها لما بتتعلق بحد يبقى لو بعد عنها هي بتتعب
سليم: هي حبت حد قبل كدا
كريم: مالكش دعوة بالسؤال دا ومش انا اللي اجاوبك عليه بس عشان خاطري بلاش تسأله ليها ودا عشان مصلحتها
سليم: حاضر طب قولي هنعمل ايه
كريم مخنوق: معرفش معرفش
سليم: انت عارفها اكتر مني
كريم: عشان عارفها خايف ياسليم دا انا صديق عمرها عارف وخبيت عليها معاكوا انا اللي هتبقى صدمتها فيا اصعب
سليم: انا هدعي واقول يارب وان شاء الله خير
كريم: يارب ياسليم يارب .. بس انت ليه خايف انت حبيتها؟
سليم سكت وشوية ورد: مش عارف يا كريم لحد الوقتي مش عارف بس فرحان بيها وبوجودها معايا وفي نفس الوقت هي طلبت مني ان اتعامل معاها كويس وبلاش زعل
كريم: يعني انت بتعمل دا عشان هي بس طلبت منك كدا؟
سليم دور وشه بعيد عن كريم لانه مش عارف هيرد يقول ايه لانه متردد
كريم: هقولك حاجة ياسليم اوعى يحصل حاجة ها وانت فاهمني غير لما تكون متأكد من مشاعرك تجاهها
قعدوا شوية يتكلموا وخرجوا بارة
*الحلقة الثامنة عشر*
كريم خلص كلام مع سليم وخرج من المكتب وآيه كانت نازلة من اوضتها وشافت كريم
آيه: كيمو
كريم: قلب اخوكي
آيه: سليم فين
كريم: جوا في المكتب عاوزاه في حاجة
آيه: اها عاوزة اروح اشوف مي وهقوله اشوف اه ولا لا
كريم: وقعنا ولا ايه
آيه بحزن: كريم بطل رخامة الجملة دي بتقلقني وانت عارف
كريم: للاسف عارف..يالا ادخلي لسليم وانا رايح لطارق في الجنينة
كريم مشي وآيه خبطت ودخلت وسليم اول ماشافها ابتسم وساب اللاب
سليم: تعالي
آيه واقفة ادامه: عاوزة اطلب طلب
سليم: طب تعالي عندي كدا
آيه راحت عنده سليم مسك ايديها وقعدها على رجله
سليم: ها ياستي طلب ايه
آيه ارتبكت جداااا ومعدتش عارفة تتكلم وسليم بيحب يشوفها مكسوفة
سليم: ها
آيه: ك..كنت عاوزة اروح عند مي
سليم: حاضر عاوزة تروحي امتى
آيه: الوقت اللي تكون فاضي فيه بس يكون النهاردة
سليم: حاضر ساعة وهنروح سوا انا كمان اشوف مروان وانتي تشوفي مي
آيه: ماشي
آيه جات تقوم سليم منعها: خليكي قاعدة معايا شوية
آيه: البنات قاعدين وانا عاوزة اطلع ليهم
سليم: ماشي وباسها من دماغها وخرجت بسرعة وقفلت الباب وفضلت واقفة تاخد نفسها ومنى شافتها: انتي بتعملي ايه عندك
آيه بتبص وراها عشان تشوف هي بتكلم مين ورجعت بصتلها: انتي بتكلميني انا
منى: ايوا امال بكلم نفسي
آيه: اها طيب وجات تمشي منى وقفتها: قولتلك بتعملي ايه عندك
آيه اضايقت اوي: وانتي مالك
منى: مالي ازاي انتي كنتي عند سليم ليه
آيه: حاجة ماتخصكيش خالص
منى: لا يخصني طلاما ابن خالتي يبقى يخصني
آيه: ما افتكرش اصله ابن خالتك وبس
منى: اممممم دا من نظركم انتو لكن احنا الاتنين عارفين ان مش دا بس اللي يقربنا من بعض
آيه اضايقت بس مابينتش: قصدك ايه
منى: تقريبا انتي فهمتي وعن اذنك بقى اما اشوف سولي
وسابتها ودخلت لسليم اللي استغرب دخلوها بس معلقش وكالعادة نفضلها
وآيه بعد ما كانت هتخرج الجنينة طلعت اوضتها وعيطت وبتسأل نفسها انا ليه بعيط كدا وفضلت في صراع بين قلبها وعقلها
عقلها: ايه مضايق ليه
قلبها: يعني هو بيحبها هي
عقلها: وافرض كدا انت مالك
قلبها: بس انا اتعلقت بيه
عقلها: انت طول الوقت ضعيف وبتتعلق بأي حد
قلبها: بس دا مش أي حد دا جوزي
عقلها: لا والله بأمارة انه جواز عالورق وبس ولمدة سنة
قلبها: مش يمكن يحصل حاجة ويبقى على طول
عقلها: انت بتضحك عليا ولا على نفسك
قلبها: بس هو طيب اوي
عقلها: بس مش ليك ولا هيكون ليك
قلبها: ليه يعني
عقلها: دا واحد حواليه بنات كتير وبيتمنوا رضاه
قلبها: بس الاهم هو عاوز مين
عقلها: وانت عرفت منين انه عاوزك هو عشان بدأ يتعامل كويس ويسهر ويضحك ويهزر يبقى خلاص عاوزك ماهو انت طلبت منه انه يتعامل كويس يبقى دا طبيعي
قلبها: بس بقى كفاية
عقلها: اضايقت ليه مش دي الحقيقة اللي انت مش عاوز تصدقها
آيه صرخت بصوت مكتوم مافيش حد يسمعه غيرها وكأنها بتقول لقلبها وعقلها بس كفاية
وفضلت تعيط ونامت
★★★★★★
كريم وطارق ويارا وسيف ودينا ووفاء قاعدين في الجنينة ومنى وسليم جم عليهم
سليم شايفهم بس مش لاقي آيه: امال آيه فين
مي اضايقت وردت هي: هتكون فين تلاقيها هنا ولا هنا
كريم اضايق ونفسه يضربها
يارا: هي اصلا لسة مانزلتش
سليم استغرب انها كانت معاه وقالت انها هتخرج ليهم: لا نزلت وقالت انها خارجة تقعد معاكم
كريم قلق: يعني ايه
سليم: معرفش انا طالع اشوفها
كريم: خدني معاك
وطلعوا يشوفوها وسليم وكريم خبطوا ومحدش رد ودخلوا لاقوها نايمة بس سليم قال انهم يسبوها لحد ماتصحى بس كريم كان مركز في ملامحها وراح عندها وسليم وراه: كريم سيبها نايمة
كريم: لا ياسليم آيه معيطة
سليم: نعم
كريم: ايوا معيطة ونومها دا بسبب عياطها
كريم صحاها وهي اول ماشافته اترمت في حضنه وعيطت جامد وكل دا وسليم واقف وغيران اووووي عليها
سليم: في ايه ايه كل العياط دا
آيه ماردتش لانها مش قادرة تتكلم وكريم ساكت
سليم: ماحد يفهمني
كريم: سليم سبني معاها شوية
سليم: لا لازم افهم
آيه بصوت مبحوح: معلش ياسليم سبني شوية مع كريم
سليم اضايق اوووي وخرج وقفل الباب جامد
كريم: اهدي وفهميني في ايه
آيه: مخنوقة يا كريم اوووووي
كريم: في ايه بس فهميني
آيه: خايفة يا كريم خايفة كل حاجة ادامي قلقاني حتى قربه مني
كريم: ليه ايه اللي حصل
آيه: انا بتعلق بيه يوم عن يوم يا كريم انا خايفة جوايا صراع هيموتني
كريم: بعد الشر عنك اهدي بس وان شاء الله كل حاجة هتتحل
آيه: ليه بيحصل معايا كدا ليه انا تعبت ومش عاوزة احب تاني يا كريم مش عاوزة انت اكتر واحد عارف ايه حصل لما حبيت وكنت بتبقى شايف و عارف اللي بوصله
كريم زعلان عشانها اوي وحاضنها وقلق اكتر ان دا بس حصل عشان اتعلقت بيه امال لما تعرف انه متجوز هتعمل ايه: طب في حاجة تانية حصلت
آيه حكتله على كلام منى معاها
كريم: البت دي مستفزة وعاوز اخنقها وسيبك منها هي بس غيرانة
آيه سكتت وبعد شوية كريم اخدها ونزلوا تحت واول ماسليم شافهم سابهم وطلع اوضته ودا ضايق آيه بس مراحتش وراه ذي كل مرة ودا اللي ضايقه اكترررررر
★★★★★★
في المساء مي هي اللي جات لآيه عشان عرفت انها تعبانة ومروان دخل يقعد مع سليم
آيه: ايه الحلاوة دي ياميوش هما اللي بيحملوا بيبقوا عسل كدا
مي: بس يابت انتي هتعملي ذي مروان
آيه ضحكت: والله بتكلم بجد وبعدين انتي في الشهر الكام
مي: في اول التالت
آيه: ياااااه الايام بتعدي يعني انا هنا بقالي شهر عشان انتي يوم ماعرفتي انك حامل في اول اسابيع كنا في عيد ميلاد سالي بنت نهلة
مى: ايوا بالظبط
آيه: ربنا يكملك على خير يا قلبي ويقومك بالسلامة
مى: يارب وعقبالك انتي كمان
آيه: ما افتكرش
مي: هو باردوا جواز عن ورق فعلا
آيه: اه والله العظيم ومحصلش حاجة ومش هيحصل
مي: طب هو عامل ايه معاكي
آيه: كويس والله
مي: ربنا يهديكوا لبعض يارب
آيه: يارب
نيجي لسليم ولمروان
مروان: ايه ياسليم مالك في ايه
سليم: مافيش يامروان انا كويس
مروان: لا يا صاحبي انت مش كويس
سليم اتعصب: قولت مافيش....معلش يامروان انا مضايق ومخنوق
مروان: طب في ايه بس يا حبيبي
سليم حكاله عن اللي ضايقه
مروان: انت حبيتها ياسليم والدليل على كدا غيرتك عليها من كريم اللي هو عندك الدنيا ومافيها
سليم: لا محبتهاش ولا هحب حد وليه ماتسمهاش ان غيران ان انا جوزها وماليش الحق ابقى اقربلها من كريم
مروان: هي نفس الفكرة ياسليم والله
سليم اتعصب: لا يعني لا
مروان: طب خلاص اهدى
سليم مخنوق: انا هرجع اتجنبها تاني
مروان: مش هتقدر
سليم: لا هقدر
مروان: والله ماهتقدر وهتشوف
سليم: انت معايا ولا عليا
مروان: لا معاك ولا عليك بس انا بقولك اللي انا شايفه ياسليم
سليم: وانا قولت مش بحبها وهقدر ابعد
مروان بنفاذ صبر: انت حر
★★★★★★
آيه ومي قاعدين وفون آيه رن وكان مامتها وردت
آيه: وحشتيني ياماما
عايده: وانتي كمان يابنتي والله
آيه عيطت: انتوا عاملين ايه
عايده: مالك يايويو بتعيطي ليه احنا كويسين والله
آيه: عشان وحشتوني اووي ما اتعودتش ان اكون بعيدة كدا عنكم
عايده: خير يا حبيبتي انا اصلا بكلمك عشان خالك عاوزك تيجي كلنا هنكون هناك بعد بكرة وعاوزك تيجي انتي وسليم
آيه: حاضر ياماما هقول لسليم وهستأذن من الشغل
عايده: خالك على فكرة قال هيكلمه عشان يبقى من راجل لراجل
آيه: يبقى احسن ياماما وان شاء الله هنيجي
عايده: انتوا كويسين
آيه: تمام والله ومي قاعدة جمبي اهي وبتسلم عليكي
عايده: سلميلي عليها كتير وحشتني
آيه فتحت الاسبيكر ومي ردت: وانتي كمان والله ياطنط
عايده: خلي بالك من آيه ياميوي
مي: دي في عنيا ياطنط من غير ما تقولي والله
عايده: ربنا يخليكم لبعض يااارب
مي: يارب
آيه: يارب ياماما مازن فين وحشني
عايده: خرج مع اصحابه شوية ولما يجي هخليه يكلمك يا قلبي
آيه: ماشي يامامتي
عايده: عاوزة حاجة يابنتي
آيه: عاوزة سلامتك ياقلبي
عايده: الله يسلمك .... لا اله الا الله
آيه: محمد رسول الله
آيه خلصت كلام ودينا ويارا دخلوا عليها وسيف جري على آيه
يارا: مانزلتيش من بدري ليه مالك يايوكا
آيه: مافيش والله تعبت شوية قولت انام
دينا: سلامتك ياحبيبتي بقيتي كويسة؟
آيه: اه الحمدلله
البنات قعدوا يتكلموا ويضحكوا ويهزروا ومنى مضايقة ان الكل حوالين آيه وكأنها سيطرت عالبيت
★★★★★★
في عيادة دكتور نسا في باريس (الحوار مترجم)
الدكتور: للأسف يامدام مريم العلاج مش جايب نتيجة
مريم اضايقت: يعني ايه اللي انت بتقوله دا
الدكتور: حضرتك كنتي السبب من الأول فضلتي اكتر من سنتين تاخد انواع كتير مختلفة لمنع الحمل
مريم سكتت وسلوى اتكلمت: يعني مافيش اي حل تاني
الدكتور: والله المفروض نتيجة العلاج تبقى لسة بعد تلات شهور كمان ودا لسة في الأول ممكن يكون فيه نتيجة بعدين
مريم اتكلمت: خلاص اخد العلاج وانا مش هنزل مصر غير لما الاقي نتيجة
سلوى قلقانة عشان كل اللي بتخططله هيروح
خرجوا من عند الدكتور مضايقين جدا بعد ما كانت مريم مش عاوزة بيبي دلوقتي هتتجنن
★★★★★★
آيه بتودع مي وسليم بيودع مروان وخلاص مشيوا
وسليم ساب آيه ودخل من غير ولا كلمة وهي اضايقت اوي وقررت انها تطلع وراه
سليم لسة بيقفل باب أوضته هي فتحته واستغرب انها اصلا طلعت والله قعد على سريره من غير ولا كلمة وكانت لأول مرة آيه تدخل اوضته( سليم كان عامل حساب ليوم ذي دا وشايل اي صورة لمريم في الاوضة)
آيه: سليم انت مش بتتكلم معايا من الصبح ليه
سليم ساكت مابيردش
آيه: لو سمحت رد عليا
سليم بهدوء عكس اللي جواه: نعم يا آيه
آيه: زعلان ليه
سليم: مافيش مش زعلان
آيه: امال مش بتتكلم معايا ليه
سليم اتعصب: قولتلك مافيش يبقى مافيش
آيه عيونها دمعت: حاضر بس كنت عاوزة اقولك ان ماما كلمتني النهاردة وقالتلي ان خالي عاوزنا نقضي عنده بعد بكرة اليوم كامل
وقبل ماتكمل كلامها سليم وقفها: انا مش فاضي اروح انا ورايا شغل عاوزة تروحي روحي انتي ماتشغليش بالك بيا
آيه دموعة نزلت: حاضر عن اذنك سابته وراحت اوضتها وهو اضايق ان خلاها تعيط وفونه رن وكان رقم مايعرفوش ورد وكان خال آيه وطلب منه انهم يروحوا واضايق اكتر لانه فهم انها اشتكتله وقالتله يكلمه رحلها ودخل اوضتها كانت قاعدة في بلكونة اوضتها وسرحانة
سليم: ايه لحقتي تكلميه
آيه اتخضت: في ايه حد يدخل يخض حد كدا
سليم متعصب: انطقي لحقتي تكلميه وتقوليله ان انا مش موافق اروح وقولتلك روحي انتي
انتي بتلوي دراعي
آيه زعلت اوي انه فكر فيها كدا: لا ياسليم مش بلوي دراعك ولا كلمته و عندك فوني تقدر تشوف فيه مكالمة جاتلي من خالي ولا لا ماما لما كلمتني قالتلي انه طالب يكلمك بنفسه عشان يبقى كلام راجل لراجل
سليم: وانا بقى مطلوب مني اصدق كلامك دا
آيه عيطت جامد: لا مش مطلوب و براحتك ولو سمحت عاوزة انام
سليم مش عارف يتكلم لانها مش عطياله اي فرصة وسابها وخرج وهي فضلت تعيط لحد مانامت
★★★★★★
تاني يوم الصبح الكل قاعد عالفطار ماعدا آيه كانت لسة فوق وبتلبس وصلت ونزلت بس نازلة على معاد خروجها
آيه: صباح الخير
الكل ماعدا سليم ومنى: صباح النور
كريم: يالا اقعدي افطري عشان اوصلك
آيه: لا لو كنت خلصت فطارك يالا وانا هفطر مع داليا في الشغل
كريم: حاضر يالا
خرجوا وركبوا العربية وسليم مضايق انها خرجت من غير فطار وانه السبب في دا شوية هو وطارق راحوا شركتهم
آيه وصلت الشركة وكالعادة تامر معجب بيها وبنشاطها وشغلها اللي اثبتته في اقل من اسبوع طلب من اسماء السكرتيرة انها تقول لآيه انه عاوزها وآيه بعد شوية خبطت ودخلت
تامر: اقعدي يا آيه
آيه قعدت: خير يافندم
تامر: ماشاء الله انتي اثبتي نفسك في اقل من اسبوع و اقدر اقولك ان فترة تدريبك خلاص انتهت وان شاء الله ليكي من مرتب ذي بقية الموظفين
آيه فرحت: متشكرة جدا وان شاء الله كل مرة هتبقى احسن من اللي قبلها
تامر: ودا انا اتأكدت منه وان شاء الله الاسبوع اللي جاي اجتماع الفوج الاجنبي اللي حكتلك عنه وانتي هتحضريه
آيه فرحت جدا: تمام يافندم عرفني بس بيومه وانا هكون جاهزة
تامر: تمام واحتمال كبير مايبقاش هنا
آيه: امال فين
تامر: بصي يا آيه الاجتماع دا مرتبط بشركتي وشركة الشامي
آيه سمعت الاسم دا وقلبها دق: حضرتك تقصد شركة مستر سليم الشامي
تامر: بالظبط هي وطلاما عارفاه يبقى سمعتي عنه
آيه: ايوا اسمع عنه
تامر: حلو الاجتماع اللي فات كان في شركته واللي جاي باردوا هيبقى هناك او ممكن غدا عمل
آيه: حضرتك بلغني بس بالمعاد ساعتها والمكان وانا ان شاء الله هكون جاهزة .... ممكن اطلب من حضرتك طلب
تامر: اكيد
آيه: انا عارفة ان لسة ماسكة الشغل من كام يوم بس محتاجة اروح اشوف مامتي فمحتاجة بكرة وبعده اجازة
تامر: تقدري تاخديهم طبعا الفترة دية مافيش عليها ضغط لكن بعد كدا فيه شغل تقيل
آيه: اوعد حضرتك ان اللي جاي هيبقى أحلى
تامر: تمام تقدري تتفضلي
آيه: بعد اذنك .... خرجت وقعدت على مكتبها وداليا بتكلمها: يويو هتفطري ايه
آيه: اي حاجة خفيفة
داليا: خلاص هجيبلك ساندوتشات جبنة رومي
آيه: ايوا ياريت
آيه خلصت شغلها وكالعادة كريم راح اخدها وراحوا يتغدوا سوا
في الڤيلا الكل قاعد عالغدا وسليم مستغرب ان آيه وكريم مش موجودين وقال اكيد في الطريق بس طارق سأل ووفاء قالتله انهم بيتغدوا سوا سليم ساعتها اتعصب وقام وساب الأكل وعمته راحت وراه
وفاء: قومت ليه من غير ماتكمل اكلك
سليم: مافيش ياعمتو
وفاء: محدش حاسس بيك ادي
سليم: عاوزاني اعمل ايه يعني انا عاوز اطرد الشعور اللي جوايا دا
وفاء: ليه بس
سليم: مش عاوز مش عاوز احب حد ولا حد يدخل حياتي كفاية مريم واللي عاملاه
وفاء: بس آيه مش ذيها
سليم اتعصب: خلاص ياعمتو مش عاوز مش عاوز
وفاء فضلت تهدي فيه وشوية وخرجت ومنى ابتدت تشك وقالت لازم تعمل حاجة و شوية وكريم وآيه جم وقعدوا في الجنينة مع طارق ودينا ويارا وسيف ومنى
طارق: اللي بياكلوا بارة من غيرنا
كريم ضحك: بس يا بابا وخليك في حالك 😂
طارق ضحك: بلااااش😂
سليم جه وسيف لما شافه جري عليه وسليم شاله ومنى هنا بقى حبت تبدأ: هي مريم ناوية ترجع امتى
الكل بص لبعضه وكريم باصص لآيه وسليم بص لمنى😡 كأنها بيقولها هو انا مش نبهت عليكي ومنى سكتت تماما وآيه استأذنت وطلعت وبدأت تجهز شنطتها عشان مشوار بكرة وشوية وسليم خبط ودخل وآيه مابصتلوش
سليم: اخدتي الاجازة؟
آيه: ايوا اخدتها
سليم: عاوزانا نروح بكرة امتى
آيه: عاوزانا ؟! دا اللي هو انا ومين
سليم: انا وانتي
آيه: اها لا معلش انا عاوزة اروح لوحدي وكريم هيوديني
سليم: دا اللي هو ازاي ان شاء الله
آيه: عادي حضرتك طلبت انك مش عارف تيجي عشان شغلك ودا حاجة عادي ومقدرينها فخليك عشان الشغل وكريم هيوديني
سليم: آيه ماتعصبنيش
آيه: انا قولت ايه يعصبك هو انت مش قولتلي ان رحت اقولهم انك مش جاي وانا اصلا معرفش ان خالي كلمك ولا انت بتفهم بمزاجك
سليم: اعدلي كلامك
آيه: كلامي كويس وانت اللي عملت كدا مش انا
سليم: وكريم بقى ان شاء الله هيقعد معاكي لحد مايجيبك
آيه: اكيد هو اللي هيجبني بس مش هيقعد معايا
سليم: ايه هيوديكي ويرجع يجيبك اخر اليوم؟
آيه: لا انا مش هاجي غير تاني يوم
سليم اتعصب: نعم سمعيني كدا قولتي ايه
آيه خافت بس بانت قوية: اللي سمعته
سليم مسك دراعها صعب: قولتلك اتكلمي عدل قولتي عاوزة تروح من غيري عديتها لكن تقعدي يومين لا
آيه بتتوجع: اه اه سبني وبعدين مالكش دعوة حاجة ماتخصكش
سليم هنا ضربها بالقلم وآيه مصدومة😳 وماتكلمتش وهو سابها ومشي ونزل اخد عربيته وخرج من الڤيلا كلها