رواية تلاقنات بقلم:
*الحلقة الخامسة عشر* والسادسة
تاني يوم الصبح و النهاردة
كان عيد ميلاد سيف إبن طارق والكل مشغول والبنات بيشوفوا هيلبسوا إيه
وآيه لسة تعبانة من امبارح (ذي ما احنا عارفين ان دا تاني يوم في عادتها الشهرية) ولسة مش قررت هتلبس إيه
وطارق وسليم في الشركة وهيرجعوا بدري
وكريم مشغول مع الناس تحت عشان تنظيم الحفلة ووفاء مع الدادة في المطبخ و شوية وسعيد وابو كريم(محمد) وصلوا
دينا ويارا قاعدين يختاروا في الهدوم وآيه قاعدة والتعب باين عليها يارا شافتها: مالك يا يويو
آيه: تعبانة شوية
دينا: لسة باردوا بطنك
آيه: لا هي خفت شوية بس جسمي مهزوز بس شوية ومرهقة
يارا: تحبي تنامي شوية ونصحيكي قبل الحفلة تلبسي
آيه: لا انا لو نمت هيبقى مزاجي وحش
دينا: طب كلي حاجة يايويو انتي ما أكلتيش حاجة من الصبح
آيه: ماليش نفس والله
يارا: طب يالا إختاري معانا عشان تشوفي هتلبسي ايه
آيه اختارت دريس شكله اسود وفيه دواير بيضة صغيرة( منقط) وكان شيك جدا
يارا: اشمعنا الاسود في الوان كتير انتي بتحبيها
آيه: معلش انا مش بحب ألبس ألوان فاتحة في فترة البيريود (العادة الشهرية)
دينا: خلاص يا حبيبتي اللي يريحك
وشوية ومصممة الأزياء جات والبنات اخدوا اللي هما إختاروه
سليم وطارق جم من الشركة وكلهم متجمعين فوق عشان الدور اللي تحت فيه ناس لتنظيم الحفلة ... كريم طلع يقعد معاهم
كريم بيكلم آيه: ايه يايوكا اختارتي اللبس
آيه بتعب: اه ياكيمو
سليم لاحظ تعبها بس هي مش بتتكلم معاه من ساعة مارجعوا من إسكندرية بس قلقان عليها
كريم: مالك يايوكا
آيه: مافيش انا كويسة
سليم: كريم البدل جات
كريم: اها كل واحد بدلته في اوضته
شوية وتليفون سليم رن واضايق اوي لان مريم هي اللي بترن سابهم وقام يرد
سليم رد: الو
مريم: وحشتني اوووي ياسولي
سليم ببرود: عاملة ايه انتي ومامتك
مريم: احنا كويسين الحمدلله .... سليم حبيبي ممكن تحولي فلوس
سليم اضايق: ايه لحقتي تخلصي الفلوس اللي معاكي
مريم: معلش بقى يا حبيبي عملنا شوبنج وانت عارف اننا مش هننزل دلوقتي ادامنا كمان اربع خمس شهور
سليم من جواه بيدعي انهم يفضلوا هناك اصلا : تمام بكرة الفلوس هتكون عندك
وخلص معاها وطلع ليهم فوق والكل قاعد ماعدا آيه وسأل عليها وعرف انها دخلت اوضتها
★★★★★★
في أوضة آيه
آيه نايمة على سريرها تعبانة شوية وتليفونها رن وفرحت جدا عشان كان مازن اخوها: حبيبي وحشتني جدااا انت عامل ايه وماما
مازن: الحمدلله يا حبيبتي انتي عاملة ايه وحشتينا
آيه عيطت: انا الحمدلله تمام مش ناقصني غيركم
مازن: خدي ماما عاوزة تكلمك اهي
عايده: وحشتيني يا نور عيني
آيه: انتي اكتر والله عاملة ايه طمنيني عليكي
عايده: الحمدلله يا عمري كلنا تمام والله
آيه: يارب دايما يارب
عايده: يارب.... اخبار سليم ايه عامل ايه معاكي
آيه: كويس الحمدلله ماتقلقيش عليا انا والله كويسة
سليم كان هيدخل بس سمعها بتكلم مامتها ولما حس من ردها انهم بيتكلموا عليه دخل
آيه شافت سليم وكملت كلام: انتوا لسة عند خالو
عايده: لا يا حبيبتي احنا جينا امبارح
سليم بيكلم آيه: هاتي اكلمها وآيه ادتله التليفون: اذيك ياطنط عاملة ايه
عايده: الحمدلله يا ابني انت عامل ايه
سليم: الحمدلله بخير
عايده: وعمتك وفاء عاملة ايه
سليم: الحمدلله تمام
عايده: سلملي عليها كتير
سليم: حاضر يوصل سلامك
عايده: خلي بالك من آيه ياسليم
سليم بص لآيه: ماتقلقيش عليها
عايده: ماشي يا حبيبي
سليم: خدي آيه معاكي اهي وعطي التليفون لآيه
عايده: مش عاوزة حاجة يابنتي
آيه: عاوزة سلامتك دايما يا أمي
عايده: مع السلامة يا عمري
آيه قفلت مع مامتها وعيطت وسليم قعد قصادها عالسرير: بتعيطي ليه
آيه: وحشوني اوي
سليم: ان شاء الله هتبقي تروحي ليهم
آيه بتمسح دموعها: بجد
سليم: اها... بس قوليلي مالك
آيه: مافيش
سليم: لا انتي تعبانة ودا باين عليكي اوي ممكن تنامي شوية قبل الحفلة
آيه: لا انا كويسة ولو نمت هيبقى مزاجي وحش لما اقوم فأنا كدا كويسة
سليم: انتي شايفة كدا
آيه: ايون
سليم: طب ارتاحي شوية
آيه: طب هو انا ممكن اطلب منك طلب
سليم: اكيد اطلبي
آيه: معتش تتكلم معايا بأسلوب مش حلو انا عارفة ان انا هنا غصب عنك وان الظروف هي اللي فرضت عليك كدا بس انا باردوا ماليش ذنب و عشان خاطري استحمل فترة وجودي معاكم هنا
سليم كان لسة هيرد عليها بس كريم خبط ودخل: يوكا ولسة هيكمل كلام شاف سليم ... ايه دا انت هنا ياسليم
سليم: اه جيت اشوف آيه
كريم: طارق بيدور عليك تحت عشان تامر بيرن عليك وانت مش بترد
سليم: اوبس انا تليفوني اصلا في اوضتي وخرج وسابهم
كريم: كان بيقولك ايه😉
آيه ضحكت: بس يارخم
كريم: مالك يايوكا انتي تعبانة خالص
آيه: انا كويسة والله اهو
كريم: طب عيني في عينك كدا👀
آيه: اهو😛
كريم ضحك جامد😂: اهو كدابة وجري عند الباب
آيه حدفت فيه المخدة جات في مين بقى؟!😂🙈 سليم😂 كان داخل لسة من الباب
آيه: اسفة بجد انا كنت بحدفها في كريم
سليم: ولا يهمك...وبص لكريم: انت بترخم عليه ليه يا أخ
كريم: اهلا اهلا انت قولت أخ يبقى هموت😂 انا بقول ان اخلع احسن بدل ما تعلقني وجري من ادام سليم وآيه بتضحك جامد رغم تعبها سليم راح قعد جمبها: لسة تعبانة
آيه: شوية بس ان شاء الله هبقى كويس
سليم: طب ينفع اقعد معاكي شوية
آيه: اه عادي براحتك
سليم: اوكي انا هشتغل عاللاب توب جمبك هنا
آيه: ماشي
شوية و تليفون سليم رن وكان تامر صاحبه
سليم: الو
تامر:.........
سليم: طارق هيخنقك لو مجيتش
تامر:..........
سليم: خلاص ماشي هقوله
وخلص المكالمة معاه وشغل اللاب وقعد وآيه ماسكة تليفونها وبتلعب فيه
★★★★★★
عند كريم وسعيد أخوه تحت
سعيد: انت عجبك القاعدة هنا ومعتش عاوز تيجي بقى
كريم: والله هي كانت الأول عادي لكن لما يوكا جات بقت احلى
سعيد: انا عاوزة اشوف ست يوكا دي اللي هي أقرب واحدة ليك حتى أقربلك مني يارخم
كريم ضحك: انتي غيرانة على اخوكي يا حلوة
سعيد: بس يارخم
كريم: تعالى نطلع ليها واعرفك عليها
سعيد: ايوا يالا
كريم وسعيد طلعوا لآيه أوضتها وكريم خبط ودخل شاف سليم قاعد جمب آيه على السرير وماسك اللاب وآيه ماسكة تليفونها وبتلعب فيه سليم شاف كريم واقف وبس: ايه ياكيمو انت واقف كدا ليه
كريم: ها لا ابدا هو انت لسة هنا
سليم: ايوا امال عاوزني اروح فين
كريم: لا عادي بس افتكرت انك قاعد مه طارق المهم من كل دا سعيد جاي يشوف يوكا
آيه: واخيرا هشوف سعيد اخوك😂
سعيد: دا انا اللي اخيرا والله عشان اشوف مين صديقة اخويا اللي فضل مخبيها
آيه ضحكت:اصله خايف من الحسد😂
كريم ضحك جامد : يالا يارخمة
آيه: انا ياكيمو رخمة😔
كريم: ايون
آيه حدفت فيه المخدة وسعيد بيضحك عليهم وكل دا بيحصل تحت انظار سليم اللي هما اصلا مش واخدين بالهم منه
كريم: خلاص يا مجنونة
آيه: ماشي يا اخو المجنونة
سليم قام واخد اللاب و ماشي وسايبهم وباين عليه انه مضايق اوي
آيه: سليم
سليم من غير مايبص: نعم
آيه: انت رايح فين
سليم: حاجة ماتخصكيش وسابهم ونزل
آيه اضايقت واستغربت ليه كل شوية بيعاملها بمعاملة غير اللي قبلها كريم شاف حزنها وراح قعد جمبها: مالك يايوكا
آيه: ليه بيتعامل معايا كدا شوية الاقيه كويس وطيب و شوية الاقيه كارهني ومش متقبل مني كلمة ليه يا كريم بيحصلي كدا ليه
كريم زعل اوي على صاحبة عمره: ممكن مالكيش دعوة بيه نهائي وسبيه براحته ينزل يطلع يخرج يجي مالكيش دعوة خالص هو حر وخليكي قريبة من يارا و دينا وماما وبس وسليم تعاملاتك معاه عادي وبس
آيه بتسمع كلام كريم بإهتمام وقررت انها هتعمل كدا وطول ماهي موجودة هنا هتتعامل مع الكل الا هو وبعد شوية كريم سابها ونزل عشان يجهز للحفلة وهي بدأت تلبس وقبل ماتلبس حجابها الباب خبط ودخلت دينا كانت لابسة دريس سواريه جميل جدا لونه كاشمير وسايبة شعرها وكانت ماشاء الله عليها جميييلة
دينا: ايه يايوكا خلصتي ولا لسة
آيه: خلاص معتش غير الحجاب بس
دينا: طب ماتسيبي شعرك احنا متعودين في اي حفلة احنا بنعملها بنسيب شعرنا عادي
آيه فكرت تعمل اللي هي بتقوله وتسيب شعرها بس فكرت في كلام سليم لما قالها انه مش حابب ان حد يشوف شعرها
دينا: ايه يا بنتي رحتي فين
آيه: ها لا مافيش انا هلبس الحجاب
دينا: خلاص اللي تحبيه يا حبيبتي انا هنزل على ماتخلصي وتنزلي
آيه: لا استني معايا عشان انزل معاكي انتي عارفة ان مش هعرف حد غيركم تحت
دينا: خلاص ماشي انا مستنياكي اهو
وآيه لبست حجابها والدريس اللي اختارته ( اسود وفيه دواير بيضة *منقط* ضيق من عالصدر ونازل بوسع من الوسط ولبست شوذ كعب لونه اسود ولون حجابها ابيض ووضعت بعض الميك اب الخفيف ) كانت ماشاء الله عليها جميلة
دينا: ايه الحلاوة دي ماشاء الله
آيه: بجد شكلي حلو
دينا: اه والله جميييلة
آيه: تسلميلي انتي الأجمل
دينا وآيه نزلوا تحت عشان الحفلة
★★★★★★
تحت في جنينة الڤيلا واقف سليم مع كريم وطارق وسعيد وعمر ابن خالة سليم جه وقف معاهم
عمر: كل سنة وسيف طيب ياطأطأ
طارق: وانت طيب ياعمر ياحبيبي
(عمر كان من عمر طارق ومخلص كلية شرطة وشغال ظابط في الداخلية اي نعم مش باين عليه من شقاوته اللي عاملة ذي الاطفال بس ناجح في شغله)
عمر واقف معاهم وفجأة عينه وقعت على بنت وانبهر بيها جداااااا ومن جمالها وجمال لبسها سليم لاحظ نظرات عمر وبص مكان ماهو بيبص شاف آيه وكأنها ملكة وسرح في جمالها وفجأة فاق على سؤال عمر
عمر: هي مين دي اللي جمب دينا ياطارق
طارق بص لسليلم ورجع كلم امر: دي صاحبة دينا أختي
عمر: واااو هي دينا عندها أصحاب حلوين أوي كدا
كريم هنا بص لسليم وعرف انه على اخره من كلام عمر وحاول يلطف الجو: ماهي كل اصحاب دينا حلوين بس انت اللي مش بتشوفهم كتير
عمر وهو مش شايل عينه من على آيه: لا بس دي حاجة كدا تخطف العين والقلب مرة واحدة
كريم قال في نفسه: يارب عدي الليلادي على خير
طارق خايف من ردة فعل اخوه من كلام عمر يس هو متأكد انه مش هيتصرف غلط عشان مافيش حد يعرف ان آيه مراته غيرهم وبس لكن خالاته واي حد من اعمامه لا
شوية وجات مي ومروان جوزها وكلهم وقفوا يطفوا الشمع وعمر باردوا مش شايل عينه من على آيه وخلاص طفوا الشمع وكل مجموعة قاعدين مع بعض او واقفين سوا وآيه كانت واقفة مع دينا ومي وعمر جه عليهم
عمر: اذيك يادودو
دينا: اهلا بحضرة الظابط
عمر: تمام الحمدلله وبص لآيه ايه يادودو مش تعرفينا
دينا: اه دي مي مرات مروان صاحب سليم ودا عمر ابن خالتي ظابط في الداخلية
عمر: اها اهلا وسهلا مي بصتله وابتسمت ورجع قال طب ماتكملي تعارف بقى
دينا فهمت ان عمر يقصد آيه: دي يويو صحبتي
عمر مد ايده عشان يسلم عليها وهي سلمت وهنا سليم اتعصب جامد و عاوز يروح يمسك فيهم ومروان لاحظ دا
مروان: احنا وقعنا ولا ايه
سليم بص لمروان وسابه ومشي
مروان ضحك لانه اتأكد ان سليم بدأ يحب آيه
سليم راح عند البنات
سليم: ايه يا عمر سايبنا وواقف هنا ليه
عمر: مافيش ياسيدي قولت أجي اتعرف على الوجوه الجديدة
سليم: وخلاص اتعرفت يالا ادامي
عمر ضحك: لا روح انت وانا هاجي وراك وبعدين دا آيه طلعت بتحب الشرطة وجو الظباط
سليم غيرته خلاص سيطرت عليه: اه وايه كمان طب ماتاخدها وتقعدوا سوا عشان تتكلموا عن الشرطة
آيه اضايقت من كلام سليم بس ما اتكلمتش وبصتله وبس وهو مشي وسابهم وعمر استغرب: هو في ايه
دينا: ما انت عارف سليم اد ايه هو جد ومش بيحب كدا
عمر: انا عملت ايه يعني اما اروح اكلمه وسابهم ومشي
آيه: عاجبكم كدا
دينا: اهدي يا آيه
مي: معلش ياحبيبتي ماتنسيش انك مراته
آيه: احنا اتفقنا اننا مانلاش دعوة ببعض يبقى ليه يعمل كدا
دينا: معلش يا آيه نعدي بس الحفلة ونشوف
★★★★★★
عند سليم وعمر واقف معاه
عمر: ايه بس ياسليم
سليم: قولت مافيش في ايه
عمر: يا ابني لا انت مضايق وانا مش عارف انا عملت ايه ضايقك كدا
سليم: طلاما مش شايف انك معملتش حاجة يبقى خلاص
عمر: خلاص ياسليم انت حر وسابه ومشي وكريم وطارق وقفوا مع سليم
طارق: تامر يعني ماجاش
سليم: اه انا نسيت اقولك انه كلمني وقال انه مش هيعرف يجي عشان مامته تعبانة وقعد معاها
طارق: ربنا يشفيها يارب وبعدين هو خاف يقولي لما كلمني عشان ما ازعلش
سليم: ايون بالظبط كدا
طارق ضحك: جبان اوي😂
سليم ابتسم نص ابتسامة وسكت
كريم: مالك ياسولي
سليم: كريم والنبي انا على اخري فبلاش الدلع دا دلوقتي
يارا مرات طارق ندهت عليه فراح ليها
كريم: شايفك مضايق مالك
سليم: مافيش
كريم: مش عاوز تعترف بقى
سليم: اعترف بإيه
كريم وقف ادامه وبصله: انك بتغيير عليها
سليم: كريم خلصنا بقى غيرة ايه وزفت ايه انا بتكلم عن شكلنا هي طول ماهي هنا مالهاش دعوة بأي حد غيرنا لا تتكلم مع دا ولا تقف مع دا
كريم: بص يا ابن خالي عشان انا تعبت من الكلام في الحوار آيه مش بتعمل حاجة غلط انت اللي مكبر الموضوع اوي انت مش تايه عن عمر بيحب الكلام اد ايه
سليم: دا مايدهاش الحق انها تسلم عليه او حتى تقف معاه
كريم بغضب: في ايه يا سليم تقف معاه ايه هي كانت لوحدها ولا حاجة ماهي كانت واقفة مع اختك ومرات اخوك
سليم سكت لانه عارف ان كريم صح في كلامه كريم سابه ومشي وسليم واقف باصص على آيه وعنيه كلها غضب وعاوز الحفلة تخلص بسرعة عشان مش هيستحمل حد يبصلها وهو واقف جاتله (منى) بنت خالته وقفت جمبه
(منى دي بنت خالة سليم وعينها عليه من زمان و عارفة كمان انه مش طايق مريم وعاوزة تقرب منه بس هو طبعا ولا هو هنا)
منى: اذيك ياسليم
سليم: الحمدلله اذيك عاملة ايه
منى: تمام الحمدلله ايه واقف لوحدك ليه
سليم: لا ابدا عادي
آيه شافت بنت واقفة مع سليم فسألت دينا: دينا هي مين اللي واقفة مع سليم دي
دينا بصت ناحية سليم: دي منى بنت خالتي
آيه: اها....وفضلت باصة على سليم وكريم لاحظ نظراتها وضحك لانه فرحان ان قلبها بدأ يدق تاني بس المرادي للشخص الصح
الحفلة خلاص خلصت ومنى هتقعد عندهم يومين وسليم دخل اوضة مكتبه وآيه جمب كريم بيتكلموا ودينا ووفاء قاعدين لكن يارا وطارق وسيف ابنهم طلعوا اوضتهم شوية والدادة جات
الدادة وبتوجه كلامها لآيه: آيه هانم سليم بيه عاوزك اصلا ماتعرفش انها مراته وياترى هتجيب سيرة
#تلاقينا
*الحلقة السادسة عشر*
الدادة: آيه هانم سليم بيه عاوزك
آيه خافت وبصت لكريم وهو طمنها بعينه وهي قامت راحت لسليم ومنى استغربت انه ليه عاوزها وسألت: دينا هي آية صحبتك من زمان
دينا: اه ياحبيبتي
منى بتوجه كلامها لكريم: بس انا حاسة كدا يا كريم انكوا تعرفوا بعض
كريم: ايوا دي صاحبة عمري
منى: اممم تمام
آيه دخلت لسليم وهي مرعوبة شافته قاعد بس ضهره ليها ومن غير مايبصلها: اقعدي
آيه خايفة جدا وقعدت وهو لف بالكرسي وبصلها وما اتكلمش
آيه: حضرتك طلبتني ليه
سليم: كنت عاوز اعرف هتروحي الشغل اللي قولتي عليه امتى
آيه: ان شاء الله بكرة
سليم: طب هيبقى فين
آيه: معلش انا طلبت ان انت ماتعرفش دا عشان مش عاوزة حد يجامل حضرتك وعاوزة اثبت نفسي
سليم فرحان باللي هي بتقوله: طب ممكن طلب
آيه بصتله: اتفضل
سليم: بلاش حضرتك دي قولي سليم وبس انتي شوية تقولي سليم وتقولي حضرتك
آيه: حاضر هحاول
سليم: تمام.....وطلع من دورج المكتب كريدت كارد(فيزا) وبيديهالها
آيه: دي ايه
سليم: دي كريدت كارد
آيه: ايوا عارفة بس ليه
سليم: عشان تكون معاكي هي فيها فلوس ليكي وبإسمك
آيه: بس انا مش محتاجة دا
سليم: بس انتي مرات سليم الشامي يعني المفروض تكون معاكي
آيه: معلش محدش يعرف ان مراتك و عشان كدا مش لازم اخدها وبعدين انا مش متعودة على كدا
سليم: وايه يعني عادي
آيه: معلش انا مش عاوزاها ولا بحب ان يكون معايا فلوس كتير انا بس اد مصروفي وبس
سليم اعجابه بيها بيذيد يوم عن يوم لانها مش ذي مريم خالص وانها قنوعة
سليم: يبقى ليكي مصروف كل يوم ومني انا
آيه: بس يكون في حدود المعقول
سليم: يعني ايه
آيه: يعني اد خروجي وبس ولو انا في يوم احتاجت حاجة هطلبها
سليم محبش يضايقها: حاضر وانا موافق ...وطلع مبلغ من المال واداهولها
آيه: احنا متفقين علي ايه
سليم: اعتبريه مصروف الاسبوع كله
آيه اخدته: شكرا ...... حضرتك عاوز مني حاجة تاني
سليم: لا اتفضلي
آيه خرجت وطلعت تنام على طول عشان هي تعبانة
★★★★★★
تاني يوم الصبح ابو كريم وسعيد اخوه كانوا لسة موجودين وشوية وهيرجعوا إسكندرية وكريم صاحي من بدري والكل مستغرب
نزل يفطر معاهم وشوية وآيه نزلت كانت لابسة دريس شيك وكان مخليها قمر تخطف العين وحجابها اللي عاطي ليها جمال اكتر
سليم بيبصلها وعينه ماتشالتش من عليه ودا كسفها ولما لاحظ دا حب يعاند عشان بيحب يشوف كسوفها وهي معرفتش تاكل من كسوفها☺
كريم: يالا يايوكا
سليم: يالا ايه انت رايح فين
كريم: هوصل يوكا الشغل
سليم: لا السواق مستنيها بارة
كريم كان هيرد بس آيه سبقته: معلش انا عاوزة كريم يجي معايا هو هيستناني تحت بس انا هبقى كدا مرتاحة اكتر
سليم اضايق: تمام براحتكم ...... وسابهم ودخل مكتبه
آيه اضايقت ومحبتش تبدأ اليوم بزعله فراحت وراه وخبطت ودخلت وهو استغرب: في حاجة؟!
آيه: ممكن اعرف انت زعلان ليه
سليم: لا ابدا مش زعلان
آيه قربت منه وقفت قصاده: لا دا باين في عيونك
سليم مش مركز في حاجة غير في وشها وحركة شفايفها وهي بتتكلم
سليم: هو انا مكشوف اوي كدا
آيه ضحكت ودا خلى سليم يسرح في ضحكتها: ايون
سليم سرحان ومش فايق وهي بتكلمه وهو مش معاها
سليم: ها بتقولي حاجة
آيه: الظاهر انك مش معايا خالص
سليم: معلش سرحت شوية
آيه: ولا يهمك انا مش عاوزة امشي وانت زعلان
سليم فرح انها خايفة على زعله: طب ممكن عشان مابقاش زعلان اطلب طلب
آيه: ايوا طبعا
سليم: ممكن نبقى اصحاب ذي علاقتك بكريم
آيه: بس انا اعرف كريم من تمن سنين و عارفة عنه كل حاجة
سليم: عادي اللي عاوزة تعرفيه هحكيه ليكي بس نبقى اصحاب وقريبين من بعض كمان انا عارف ان انا قولتلك قبل كدا محدش فينا له دعوة بالتاني بس انا عاوز علاقتنا تبقى علاقتك بكريم ممكن؟
آيه من جواها فرحان: وانا موافقة
سليم: تمام اتفقنا
آيه: اتفقنا يالا بقى همشي
سليم: ماشي خلي بالك من نفسك
آيه: حاضر
آيه خرجت من اوضة المكتب ومنى بنت خالة سليم هتجنن وتعرف في ايه بس اللي مطمنها ان سليم مش بسهولة يحب ويمكن بس عشان هي صاحبة اخته وقاعدة معاهم فبيتعامل عادي
★★★★★★
في عربية كريم ، كريم بيوصل آيه للشركة اللي فيها الشغل وآيه حكت لكريم كل اللي قالوا سليم
كريم: علي فكرة انا فرحان انه اتكلم معاكي كدا
آيه: وانا مرتاحة اوي ياكيمو حاسة ان بدأت اطمنله بعد ما كنت بخاف منه
كريم: طب كويس اوي دا حلو اوووي
آيه: ايون بقولك ايه انا حاسة اني متوترة اوي
كريم: ماتقلقيش دا شئ عادي بس وانتي بتردي علي ايه اسئلة لازم تبقي واثقة من نفسك
آيه: حاضر
وخلاص آيه وصلت عند الشركة ونزلت من العربية وطلعت وقابلت السكرتيرة (اسماء)
آيه: انا جايا بخصوص الاعلان عن وظيفة المترجم
أسماء: اه اتفضلي وهدي للمدير خبر
آيه قعدت وباين عليها التوتر والقلق
وشوية والمدير سمح ليها تدخل ودخلت
آيه: السلام عليكم
تامر: وعليكم السلام اتفضلي اقعدي
تامر اعجب بجمالها وبلبسها وحجابها
تامر: انتي خرجية ايه
آيه: اداب انجلش
تامر: وعندك خبرة في مجال الترجمة
آيه: حقيقي لا انا ما اشتغلتش قبل كدا في المجال دا بس انا بحب الترجمة وكنت متفوقة فيها
تامر: بس انا شايف ان دا مش كافي عشان الشغل
آيه قلقت بس بانت قوية: حضرتك كاتب في الاعلان ان المترجم او المترجمة اللي هيجوا هيبقوا تحت التدريب على الاقل اسبوعين
تامر: دا حقيقي فعلا
آيه: تمام وانا لما بتجيلي الفرصة بمسك فيها
تامر: خلاص تمام هتفضلي تحت التدريب لمدة اسبوعين وانتي وشطارتك بقى
آيه: حاضر ماشي
تامر ضغط على الجرس والسكرتيرة دخلت: اسماء السكرتيرة هتعرفك مكتبك عشان احنا مجهزين المكتب
آيه: تمام شكرا لحضرتك
تامر: اتفضلي
آيه خرجت مع اسماء وكلمت كريم قالتله انه يرجع الڤيلا وهي لما تخلص هتكلمه
وعرفت مكتبها وقعدت عليه وحواليها كذا موظف ومن ضمنهم بنت اسمها داليا ( بنت بتحب الضحك والهزار وآيه هتحبها اوي)
داليا: انتي المترجمة الجديدة؟
آيه: اها بس طبعا لسة تحت التدريب وان شاء الله اكون معاكم
داليا: ان شاء الله حبيبتي
وشوية واسماء دخلت
اسماء: آيه مستر تامر باعت ليكي الملف دا وعاوزك تترجميه عشان يتبعت للشركة اجنبية بارة مصر
آيه: حاضر
وآيه بدأت تشتغل عاللاب اللي ادامها وخلصت الملف في اقل من ساعة وبعد ما خلصت راحت تامر واسماء دخلتها
تامر: ايه معقول خلصتيه
آيه: ايوا يافندم اتفضل شوفه
تامر مسك الملف وعشان هو عارف لغة كويس عرف واتأكد ان كل حاجة فيه تمام وانبسط جدا من تنظيمها للورق
تامر بإعجاب: ماشاء الله عليكي كله تمام
آيه بفرحة: ان شاء الله وهيبقى فيه احسن
تامر: تمام تقدري تروحي كدا خلاص بالنسبالك النهاردة وهديكي ملف تاني تعمليه في البيت بس هيبقى اتقل من دا
آيه: تمام يافندم
تامر: وتظبطيه عاللاب ذي ماعملتي هنا
آيه قلقت لان مش معاها لاب خاص بيها: ماشي حاضر
تامر ادالها الملف وخرجت وكلمت كريم وجالها وهي في الطريق
كريم: مالك يايوكا حاسك قلقانة
آيه حكتله عن الملف اللي المفروض تعمله في البيت وانها مش معاها لاب خاص بيها
كريم: ماتقلقيش خدي بتاع دينا واشتغلي عليه وهي مش هتقولك حاجة انا لو كنت جبت بتاعي معايا كنت ادتهولك ياحبيبتي
آيه: تسلملي ياكيمو انا هقول لدينا
خلاص وصلوا الڤيلا
★★★★★★
سليم وطارق وصلوا الڤيلا وسليم شاف آيه وباين عليها الفرحة وحاسس انها خلاص اشتغلت وطلع ياخد دش ويغير هدومه وطارق باردوا
وشوية ونزلوا تحت وسليم اضايق لما شاف آيه من غير حجاب لانه غيران عليها من اي حد بس استغرب ان باين على آيه القلق
كلهم كانوا قاعدين في الجنينة لحد ما الاكل يحهز
آيه وجهت كلامها لدينا: بقولك ايه يا دينا ممكن اللاب بتاعك عشان عاوزة اعمل عليه حاجة تبع الشغل
دينا: والله يايويو في التوكيل من يومين بيتصلح
آيه زعلت وسليم فهم ان اللي مزعلها موضوع اللاب سابهم وقام وشوية وجه
الدادة: الاكل جاهز
الكل قعد ياكل وسليم مركز مع آيه وكريم ملاحظ دا وغمزله😉 وسليم ابتسم😊
وخلصوا اكل واتجمعوا عشان طارق قال نلعب الشايب 😂
سليم: مش هتكبر ابدا
طارق: ابدا😂
آيه: لا هي اللعبة حلوة جدا وبعدين ماتفرقش كبير ولا صغير😂
سليم: اتفقنا هاتوا بقى كدا ورق الكوتشينة
كريم: يبقى مش هنلعب
منى: لا اكيد سولي هيلعبنا
سليم اضايق من منى انها قالت الاسم دا وبص لكريم وكريم بصله ورفع كتفه كأنه بيقوله مش انا وآيه لتاني مرة تحس بغيرة واضايقت اكتر ان سليم ماردش ولا علق
يارا: يالا ياسليم
سليم: حاضر
وبدأوا يلعبوا وآيه مش مركزة في اللعب لان اللي شاغل تفكيرها الملف اللي عاوز يتعمل عاللاب وسليم حاسس بيها
قعدوا يلعبوا اكتر من ساعة و شوية والحرس قالوا لسليم ان في واحد بارة عاوزه وطلب منهم يدخلوه وأخده وطلعوا فوق وبعد شوية نزلوا
سليم: عملتي ايه يا آيه في الشغل النهاردة
آيه: الحمدلله تمام وفرحانة جدا
سليم: يارب دايما
آيه: يارب
منى بتسمع ليهم وهتموت من الغيرة بس هي مش قادرة تجيب سيرة مريم عشان سليم طلب منها كدا
*فلاش باك*
بعد الحفلة ما خلصت سليم طلب من منى انه يتكلم معاها شوية ودخلوا المكتب
منى: خير ياسليم
سليم: عاوز اطلب منك طلب
منى: ايه هو
سليم: انتي عارفة ان مريم مراتي مسافرة وانتي عارفة ان انا مش برتاح بوجودها اد كدا ولا بالكلام عنها صح؟
منى: صح
سليم: عاوزك طول ما انتي هنا ماتجبيش سيرتها خالص عشان دا هيريحني
منى فرحت عشان بتغيير منها على سليم: حاضر مش هجيب سيرتها خالص
سليم: تمام تقدري تروحي تنامي
*عودة من الفلاش باك*
منى قالت خلاص مش هتحاول تجيب سيرتها نهائي
آيه طلعت اوضتها زعلانة ومضايقة عشان موضوع اللاب ولاقت المفجأة