الجزء الثاني عشر♡
الكاتبه: سما طارق♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
الموظفين كانوا واقفين صنم... مش بيرمشوا حتى... فضلنا ساكتين لغايه ما دخلنا المكتب.
- هو انت بتكهربهم ولا ايه... دول صنم.
= علشان احنا هنا بنشتغل مش بتلعب.
- احم طيب.
مسكني من ايدي وقعدني على الكرسي بتاعه.
= الشهر بتاعك بدء... مش عايز دلع هاا.
- ح حاضر.
= متوتره ليه.
- مس مسؤليه كبيره عليا.
= عادي اغلطي مفيش مشكله... اغلطي مره واتنين... بس اتعلمي من غلطتك.
- ماشي.
عدى اليوم بخير جابولي شغل كتير غلطت شويه بس اياد انقذ الوضع وصلح غلطتي... انا نمت في العربيه ومحستش بنفسي غير وانا نايمه على سريري.
صحيت ببطئ وانا بتاوب.
- انا ايه اللى جبني على السرير.
سمعت صوت اياد اللى كان قاعد على الكنبه.
= طبيعي يعني انا شيلتك.
بصيتله بخضه.
- عاااا... ايه ياعم خضتني.
= حبيتي الشغل.
- انا بقول مروحش تاني.
= اشمعنى.
-انا كده هخصرك جامد.
جه قعد قدامي على السرير.
= انا اشتكيتلك.
- تؤ تؤ.
= يبقى خلاص... المهم انك بتتعلمي من الغلط.
اومأت بايوه.
لقيته قرب مني وباسني براحه وبعد شويه بعد عني.
= يلا نوم.
مسكت ايده قبل ما يمشي.
- استنى.
= نعم.
- هات ودانك.
نزل ليا وانا همست في ودانه.
- بحبك.
باس جبهتي وهمسلي وهو مبتسم.
= وانا بعشقك مش بس بحبك.
عدى الشهر علينا بسرعه وانا بقيت شاطره في الشغل وبقيت متعوده اني اصحى بدري... واوقات كنت بصحى قبل اياد.
صحيت الصبح روحت لأوضة اياد.
- يودا.
لقيته نايم وكان شكله بريئ اوى زي الأطفال وهو نايم.
قربت منه وقعدت جنبه على السرير وقعدت العب بشعره وانا بصحيه.
- يودا... حبيبي اصحى.
فتح عينه الخضره ببطئ... واتاوب.
= صباح الخير يا قمري.
- صباح النور يا ابو عيون خضر.
= هههههه سيبتي يودا مسكتيلي في ابو عيون خضر ههههههه.
- طب يلا قوم علشان نروح الشركه.
= مين قالك انك هتروحي انهارده اصلاً.
- قصدك ايه.
= الشهر خلص.
- وايه المشكله اني اروح الشركه تاني.
= بقولك ايه انا استحملت الشهر ده علشان خاطرك بس مش اكتر... لكن تقعدي اكتر من كده مستحيل... مش هستحمل انا ان الشركه كلها تشوفك وانتى داخله و وانتى خارجه.
حسيت انه بدأ يتحول للغول.
- ط طب ما انا ببقى معاك.
= سمماااا انااا قولت مفييش شركه تااني خلاااص.
انا بعدت عنه وقعدت على السوفا... حطيت ايدي على وشي وقعدت اعيط... حسيت بيه جه قعد جنبي... انا بعدت بسرعه بس هو مسكني.
- مت متضربنيش.
كنت بقول جملتي وانا بعيط.
لقيته خدني في حضنه جامد وانا قعدت اعيط وانا بحضنه.
= متعيطيش... بس والله انا بغير عليكي... مش عايز حد يشوف مراتي غيري.
رديت عليه وانا لسه بعيط.
- انا مش بطلع مبينه كتفي او ماشيه عريانه... انت زعقتلي جامد.
= طب اهدي علشان خاطري.
بعد دقايق هديت وبعدت عنه شويه.
- هتوديني لأهلي امتى.
اتنهد.
= عايزه تروحي امتى.
- معرفش... في اي وقت.
= طب الأسبوع الجاي حلو.
- ماشي.
كنت هقوم بس حسيت بحاجه بتقولي احضنيه... حضنته جامد اوى مش عارفه ليه.
= مالك يا حبيبتي.
- معرفش بس حاسه اني عايزه احضنك.
بصلي بصه انا مفهمتهاش وبعدين حضني جامد اكنه بيودعني... بعد شويه بعدت عنه ومشيت دخلت المطبخ وهو دخل ياخد شاور ويغير هدومه... انا حضرت الفطار وهو غير هدومه ونزل علشان يفطر معايا... فطرنا وبعدين هو مشي بس قبل ما يمشي جه حضني جامد اكن دي آخر مره هيشوفني فيها.
- في ايه مالك... انت مش طبيعي انهارده.
= عايز اقولك اني بحبك جداً.
انا بدأت اقلق.
- مالك يابني فيك ايه.
= مفيش حاجه.
سكت وحضنته... وبعدين هو مشي وقفل باب القصر بالمفتاح... غريبه اول مره يقفل الباب بالمفتاح... اتجاهلت الموضوع وروحت اروق مكان فطارنا... روقت مكان الفطار ودخلت اوضتي قعدت على السرير بتفرج على فيلم.
الفيلم بعد تلت ساعات خلص... وجبت فيلم تاني قعد بردو تلت ساعات... استغربت اوى فين اياد كل ده... المشكله اني مش معايا تليفون اتصل بيه او اي حاجه اعرف اتواصل من عليها بيه.
نمت وانا مستنيه اياد وصحيت تاني يوم الصبح بردو ملقتهوش في البيت.
- هيكون راح فين... معقوله يكون مش هيرجع تاني... لا لا مستحيل اكيد هيرجع تاني... بس هو راح فين... يمكن في شغل كتير في الشركه وهو مشغول... ايوه ان شاء الله يكون كده.
عدت الأيام جه اليوم الخامس وانا معرفش حاجه عن اياد وهو قافل عليا بالمفتاح مش عارفه اخرج.
كنت كل يوم اعيط كتير اوى وانا خايفه يكون حصله حاجه... كنت باكل قليل اوى لدرجة اني بقيت شبه الخله... كنت خايفه اوى عليه... هيكون اختفى فين بقاله خمس ايام.
كنت قاعده في الصالون بفكر فيه فجأه سمعت صوت الباب بيتفتح... اتفتح لقيته اياد جريت عليه بسرعه وحضنته وهو شالني وحضني جامد اوى بإشتياق... انا قعدت اعيط كتير اوى.
- كنت فين كل ده... بقالك خمس ايام مش بتسأل فيا... وسايبني لوحدي... انا خوفت عليك اوى.
كان بيلمس على شعري.
= شششششش اهدي انا جيت اهو.
- كنت فين.
قولت جملتي وانا بعيط.
= كنت في المانيه... اهدي بس وهقولك كل حاجه.
بعد دقايق هديت وهو مازال شايلني وحاضني اوى.
- احكيلي بقى.
اتحرك وهو شايلني وقعد على الكنبه... كنت هقعد جنبه بس هو قعدني قدامه... كان حاضنى من ضهري.
= قبل ما اسافر واسيبك بيوم جالى اتصال من الشغل قالي في شغل ضروري في المانيه... فقولت مينفعش اجيبك معايا علشان هناك عندي اعداء كتير وهيعرفوا اني اتجوزت ومش بعيد يخطفوكي ويهددوني بيكي.
- طب مقولتليش ليه.
= علشان انا لو كنت قولتلك انتي مكنتيش هتسيبيني.
- طب وقلبي اللى كان هيقف من الخوف عليك ايه نظامه.
= معلش بس قبل كل حاجه... فين جسمك... انا حاسس اني بحضن عضم... ده انتى اصلاً مكنش فيكي حاجه خسيتي اكتر.
- مكنش ليا نفس اكُل... كنت خايفه عليك.
= انتي عبيطه... علشان حاجه زي دي تبطلي اكلل.
قال جملته بعصبيه.
- متتعصبش عليا.
اتنهد.
= سما انتى بجد مبقاش فيكي حاجه... كده مينفعش.
- انا اصلاً مش بحب الأكل ومش بحب اكل.
= مش بمزاج امك هو.
حاولت اقوم من بين دراعه بس هو فضل حاضني.
= هتروحي فين.
- عايزه اطلع اوضتي.
= انتي بتاعتي انهارده... مش هتمشي من قدامي لحظه واحده.
- متتعصبش عليا.
= انتي اللى بتستفزيني.
رجعت ضهري عليه وهو دفن راسه في رقبتي وشعري و.......