رواية: هرجع... ♡
الجزء الثالث عشر♡
الكاتبه: سما طارق♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
رجعت ضهري عليه وهو دفن راسه في رقبتي وشعري.
- انت رخم اوى.
= انا كنت خايف عليكي.
- يعني مخوفتش عليا وانت سايبني لوحدي.
= خوفت اكيد.
- اياد انا قلبي بجد كان هيقف.
= انا مفيش حاجه مديقاني دلوقتي غير جسمك اللى بقى قد خلة السنان ده.
- ياعم ده انت غريب اوى... انا بشوف الرجاله كلها لو علقت على جسم الست بتقولها خسي... وانت عايزني اتخن.
= يابنتي بجد بقيتي رفيعه اوى... انتي ازاى عملتيها في خمس ايام بس.
- يووه بقى اقفل الموضوع ده.
= ماشي انا هعرف ازاى اتخنك الفتره الجايه.
- انا وحشتك قد ايه.
= انتى وحشتيني اوى اوى اوى.
- وانت جداً... بس انا زعلانه منك.
= طب اصالح القمر بتاعي ازاى.
- امممم خرجني.
= ماشي يا ستي هخرجك... بس بكره علشان انا انهارده تعبان.
لفيتله وانا قلقانه.
- مالك... اتصل بالدكتور.
= شششششش اهدي... تعبان من السفر عادي.
بصيت لعينه وانا عايزه اعيط... روحت حاضناه جامد.
- متسيبنيش لوحدي تاني.
لمس على شعري.
= عمري ما هسيبك لوحدك تاني... انتى بتعيطي ليه دلوقتي.
- علشان انت وحشتني.
دقايق وشالني.
= تعالي نروح نعمل اكل علشان انا جعان.
- طب نزلني انا بعرف امشي علفكره.
اتجاهل كلامي ودخلنا المطبخ حضرنا الأكل وقعدنا على السفره.
= يلا كُلي.
- مليش نفس اكل حاجه.
= سماااا.
- اوووف حاضر هأكل.
بعد دقايق كنا خلصنا اكل وقعدنا في الصالون مع بعض.
- اياد.
= نعم.
- انت ليه بتتعصب عليا كتير.
= علشان انتي مش بتسمعي الكلام.
- يعني انا هربت من اهلي بسبب الموضوع ده... تيجي انت كمان تتعصب عليا.
= والله كله لمصلحتك... انا مش عارف اصلاً انتي ازاى عرفتي تقعدي الفتره دي كلها من غير اهلك.
- انا منكرش انهم وحشوني اوي وخصوصاً بابا... بس انا شوفت كتير من سن صغير.
= تتوقعي لما يشوفوكي هيعرفوكي.
- معرفش... انا شكلي اتغير ببص على صوري وانا صغيره وببص في المرايه شكلي اتغير.
= اكيد كنتي طفله جميله وانتى صغيره.
رديت عليه وانا بفتكر طفولتي المتشرده.
= هههههههه جميله اوى ههههه.
باس راسي.
- انتي اجمل بنت انا شوفتها في حياتي.
= احم... اللى يشوفك دلوقتي ميشوفكش وانت زعلان على حبيبتك الأولى.
- هو انا مقولتلكيش.
= ابشر.
- مش انا اكتشفت اني مكنتش بحبها.
= بجد.. طب كويس.
قعدنا اليوم كله نرغي مع بعض لغاية ما نمنا واليوم اللى بعده خرجني خروجه حلوه اوى وقالى اننا هنروح لأهلي بكره واتفقنا هنقولهم ايه بالظبط.
صحيت الصبح على صوته الرجولي الجميل.
= سمومه... يا مومه.
صحيت براحه وانا بتاوب.
- نفسي اعرف بتجيب الأسامي دي منين.
باس جبهتي.
= صباح الخير يا قلبي.
ابتسمتله بحب.
- صباح النور.
= يلا قومي اعمليلنا الفطار.
- يعني انت مصحيني علشان اعمل الفطار... روح اعمله يا اياد وسيبني انام.
= طيب... انا هروح افطر عند مراتي التانيه.
اتنفض من على السرير.
- مرات تانية مين ياض.
= هههههههه قومتي دلوقتي ههههه.
- انت متجوز عليا... يا حظك الأسود يا سما... يوم ما احب احب واحد بتاع بنات... يا بختك الأسود ي.........
= بسسسسس... ايه راديو... وبعدين مين ده اللى بتجوز على القمر ده ي قمر.
- طب اوعى اروح اعمل الفطار.
= طب استني نصلي سوا.
ابتسمتله وبعدين دخلت اتوضئ وهو كمان... وبعدين خرجها صلينا سوا... وصوته كان جميل اوى... بعد ما خلصنا نزلت احضر الفطار.
فجأه لقيت حد حضني من ضهري وقعد يبوس في رقبتي.
- عااااااا.
= انا اياد.
- ا ابعد يا اياد.
= تؤ تؤ.
- طب اعمل الفطار طيب.
= انا مش ماسك ايدك.
- يا بني ابعد قلبي هيقف من سرعته.
= بحبك.
كل ده وهو لسه بيبوس في رقبتي برقه.
قعدت اعمل الفطار بصعوبه طبعاً بسبب الأستاذ اللى مش راضي يبعد عني ده (متغاظه منه اوى 😡😂).
بعد ما خلصت.
- خلصت... ابعد عني بقى.
شالني على ايده.
- عاا حاسب هقع.
مسكت في رقبته جامد.
= وانا مثلاً يعني هخليكي تقعي.
خدني وقعدني على الكرسي وهو جاب الفطار... فطرنا ونظفنا مكانا وبعدين فردنا جسمنا على السرير جنب بعض... كانت اول مره ننام جنب بعض بس كنا صاحيين.
انا كنت نايمه على صدره... وهو كان بيلعب بشعري.
- يودا.
= يا عيون يودا.
- احنا هنروح لعيلتي امتى.
= بعد ساعتين كده... هنعدي على بنت خالتك ناخدهم ونروح.
- ماشي... هتوحشني اليومين دول اوى.
= بحبك.
حضنه اكتر.
- وانا كمان بحبك.
= اه صح نسيت اديكي حاجه.
- ايه.
قام من على ااسرير وانا ربعت على السرير... راح فتح الدولاب وجاب منه صندوق وجه قعد قدامي.
= الصندوق دي ليكي.
- ليا انا.
= افتحيه.
فتحتها لقيت فيها تليفون وعلبه صغيره.
- دول ليا.
= اومال ليا... ايوه ليكي... التليفون ده انا حطيت فيه خط وسجلته عندي على التليفون وسجلتلك رقمي.
- ده احدث حاجه نزلت.
= اكيد لما احب اجيب لمراتي حاجه هجيبلها الأحدث.
بوسته بوسه خفيفه على خده وانا مبسوطه.
- بحبك اوى.
= افتحي العلبه.
فتحت العلبه لقيت فيها خاتم الماس.
- اكيد بتهزر.
لبسني الخاتم وبعدها باس ايدي.
= الخاتم ده متقلعيهوش ابداً.
- ده اكيد غالى اوى يا اياد.
= مفيش حاجه تغلى عليكي.
بصيتله وانا مبتسمه وبعدين حضنته جامد.
= بحبك اوووى.
- وانا كمان جداً.
بعد ساعتين قومنا جهزنا وروحنا لبنت خالتي خادناهم وروحنا على بيت اهلى التلاته خلوني انا اللى اخبط عليهم وهما نزلي درجتين لتحت يشوفوا ايه اللى هيحصل و............