رواية البريئه والمطارد
الفصل الثانى
بقلم بنت الجنوب
شهقت بخوف واستغراب
الشخص الملثم : اخرسى بدل مااخلص عليكى
هزت بدماغها توافق وهى مرعوبه سألها هو
- انتى البت الممرضه ؟
يمنى : لا انا لسه بدرس بس فى نهائى تمريض
الشخص الملثم : انتى هاتلتى . اخلصى ياللا تعالى معايا
يمنى باستغراب : اجى معاك كيف ؟!
- انا هاجولك كيف ؟!
قالها وفى ثانيه كمم بقها تانى وهو بيشدها معاه من دراعها يخرجها وهى بتقاوم بشراسه
معاه .. لكن مقدراش تتفك منه وهو ماشى وخارج بيها فجأه سمعت الصوت الى حاسسها بنجدتها
سالم مثبت البندقيه على دماغه : سيبها بدل مااخلص
عليك .
فِضل ماسك فيها بس ثابت من غير مايتحرك
سالم كرر بصوت اشد : سيبها بابن الل... جاى تخطف بيتى من بيتى ياعديم الشرف
ساعتها بس سابها ودور وشه ل" سالم" وهو بيبصله بتحدى وتهديد : بجى انا ابن ..... وعديم الشرف
سالم : لا انت عايزنى اسجفلك وانا شايفك بتسحب بيتى وتخطفها
سكت وماردش على سالم فضل يبص بس بعيونه بكل تحدى
سالم : انت مين ؟ اكشف وشك خلينى اشوفك
برضو مفيش حركه واقف بجساره ومش ناطق
سالم كرر بصوت عالى خلى الناس اللى فى الييت تصحى
- اكشف وشك ياض ولا اكشفهولك
ساعتها بس اتكلم وهو بيرفع صباعه بتحذير
- حاول تمد يدك عشان اجطعالك
سالم : دا انت كمان بجح ولسانك طويل
- ايه الدم ده ؟!!
قالتها " نجيه " اللى كانت
تواها صاحيه من صوت" سالم " ... ساعتها بس " يمنى " فاقت من حالة التشنج
لما شافت الارض غرفانه دم
..حست كمان بايدها وحاجه رطبه فيها .. بترفع تشوفها لاقتها ماليانه دم كمان
واللى اكتشفت انه من الراجل الوقف قدامهم بجلابيته اللى مغرفها الدم ناحية دراعه الشمال
ومع ذلك واقف بتحدى من غير ما يهتز بحركه حتى
سالم : انت ايه حكايتك ياجدع .. رد بدل ما انت واقف كده .. زى الحيطه وانت ساكت
ساعتها بس اتكلم : حكايتى ملكش صالح بيها .. اما بجى حكاية انى اخطف بتك .
فااديك عرفت السبب . انها تطلعلى الرصاصه يعنى انت دلوك
سيبها تخرج معايا ولو انت هاتيجى معاها يبجى خلص عشان تنزلوا جبل الفجر
سالم : انت مجنون ولا فى عجلك حاجه .. بجى عايزنى اطلع انا وبتى معاك الجبل .
- جولتلك هارجعكم جبل الفجر مايادن
قالها بقوه قبل ما" سالم يرد بصوت اعلى واشد
وهو بيزقه بالبندقيه : اخلص غور جر رجلك وامشى
امشى
وفجأه شد الشخص الملثم البندقيه من " سالم " وضربه بروسيه وخطف البندقيه منه فى ثوانى
سالم . الضربه رمته على الارض بعد ما فقد توازنه
الشخص الملثم بص له بانتصار :
ها ايه رايك ؟ . اسمعنى زين انا مش هأذى بتك انا بس هاخليها تعالجنى .
سالم وهو بيرفع نفسه : ابدا على جثتى اخليها تطلع
- بجوجلك ايه انا ياجاتل يامجتول .
قالها وبعدين زعق فى "يمنى" : اخلصى عشان اللحج ارجعك جبل الفجر
سالم ؛ اياك. تتحركى
يمنى قعدت تبكى وهى بترجف و"نجيه" تندب و"سالم " بيرفع فى نفسه ويقاوم ويحزر
فى " يمنى " انها تتحرك معاه وفجأه وبدون سابق انذار ضربه قويه وقعت على دماغ الراجل
الغريب وقعته جثه فى الارض
سالم بفرحه : تسلم يدك يا" يونس "
يمنى صرخت : احسن يكون مات يابوى
قالتها ونزلت على الارض تشوف حالته .
يونس : مايموت ولا يغور فى داهيه
سالم : مات ولا له يا" يمنى " ؟
يمنى : لسه فيه الروح يابوى . ممكن نلحجه .
يونس بزعيق : نلحج مين ؟
ياللا يا"سالم " شيل معايا خلينه نرميه بره ان شالله حتى الكلاب ياكلوه
نجيه بحزن : ياحسرة امك عليك .. بس كان ايه ليه رماك فى السكه العفشه .. حرام بابو "
محمد" دا مهما كان روح برضو
يمنى اتشجعت اكتر : يابوى هو من الاول كان غرضه العلاج .. خلينه نعالجه وبعدين يعدلها ربنا
يونس بزعيق فى "سالم" : ساكت ليه اوعى تكون هاتبع كلام الحريم اللى مافيهاش عجل دى .
سالم وقف محتار يتصرف ازاى يمشى ورا " يونس " ولا مراته وبنته
وفى الاخر اخد القرار