روايةحلمي المجهول
الفصل الرابع
بقلم اماني الدسوقي
كلهم كانوا فرحانين...وبعد مالبسوا الدبل قسموا نفسهم البنات في الأوضه عشان يخدوا رحتهم وشغلوا اناشيد دينيه ومعاهم الدف وهيصوا مع بعض والشباب برا.....
يلا تعالوا يابنات ايديكم معانا هنغرف الأكل...حاضر ياطنط جايين
ويلا ياشباب انتو كمان قوموا ساعدونا عشان تودوا الاكل للرجاله...
خلصوا أكل ولموا مع بعض وشالوه
يالا ياملك ياحبيبتي..شيلنا الأكل كله ومفضلش الا انتي خلصي بسرعه ياحبيبتي مش وقت تلكيع....البنات عايزين يفرحلهم شويه
_مياده بضحك:لاااا طالما ملك يبقي متحاوليش معاها ياخالتو قدامها سنه
ملك فضلت تعيط..
_لا والله خلاص ياقلبي انتي والله بهزر معاكي...كملي ياحبيبتي الف هنا
منيره:متسيبيها تاكل.ياأميره هو احنا اى غرب!!!...كلي ياروح قلب خالتك
_مش القصد والله بس انا عارفه انها مش هتاكل بتدلع وخلاص وأخواتها عايزين يفرحلهم شويه قبل مايمشوا
مياده:لا خلاص ياخالتو سيبها علي رحتها واحنا هندخل الأوضه التانيه
لسه ملك عماله تعيط.....
_طب خلاص ياروحي انتي قوليلي اعملك اى طيب....ااااه صحيح فين انتيمتك مش بقيتوا متفهمين مع بعض
يلا ياقلبي روحي اقعدي معاها
وجت بصالي بضحك...استلمي
طبعا للاسف ادبست تاني ونورا خدت بالها وفطسانه ضحك
_تعالي ياحبيبتي مين مزعلك بس تعالي انا هأكلك
فضلوا هما يهيصوا ويشغلوا اناشيد وانا قاعده في ركن وحاطاها علي رجلي وبأكلها...طبعاً مش محتاجه اقولكم منظري عامل ازاي...كنت عايزه اديها قلمين علي وشها او اعضها ايهما اقرب!!
بس اتفأجئت انها بتاكل معايا بسهوله ولما خلصت اكل قامت حضنيتني وباستني وقالتلي انا بحبك اوي يانوري خليكي هنا معايا علطول متسبنيش...
انا استغربت جداً وقولتلها اشمعنا نوري!!
قالتلي سمعت مياده بتقول نوري حبيته اوي وحسيته لايق عليكي...٠
_بدموع مش هتسيبني يانوري صح؟
مش قادره اوصفلكم كمية الحنان الي حسيته بجد...لاقيت نفسي بحضنها اوي وبقولها انا اسفه سامحيني...قالتلي يعني اى!!؟...مكنتش فاهمه اني كنت بعتذرها عشان فكرت ولو ثانيه اني اضربها انا طبعا مكنتش هضربها بجد كان مجرد تفكير....انا مش ضد الأطفال بالعكس انا بعشقهم جداً.بس في نوع من الاطفال كدا يندمك انك قاعد معاه...بس الحقيقه انها كانت فيها حنان الدنيا كلها...♡
=قربت منها وقولتلها...يعني عُمري ماهسيبك ابداً
_بجد...فرحت اوي لما قولتلها كدا وكانت الفرحه باينه في عيونها...
=ايوا بجد ياقلبي
لسه هخلص الكلمه...ولاقيتها اترميت في حضني وقالتي بحبك يانوووووري
=ياقلب نوري من جوا...وانا بحبك اكتر
يلا تعالي نروح نهيص معاهم...جيت اقوم لاقيت الفستان اتلق عليه باقي الأكل واتبهدل...
_ينهر ابيض...الفستان اتبهدل
بصتلي وكانت دموعها هتنزل...انا اسفه مكنتش اقصد...
طبعا برضو مخلصتش من مقالب السكر بتاعتي..بس المرادي مكنتش زعلانه منها وعارفه انها مكنتش تقصد وبعدين هروح اغسل الي وقع علي الفستان فعادي مفيش مشكله..
=ياروحي ولا يهمك فداكي الف فستان
ولا يهمك ياقلبي..خليكي هنا هاروح اشيل الي وقع دا وانضف الفستان واجيلك نهيص مع بعض
_بابتسامه:حاضر..متتأخريش
=عيوني
رحت الحمام وكان معايا مناديل فضلت امسح فيه لحد مابقي نضيف...ووقفت اظبط الخمار....حطيت ايدي علي السلسه ملقتهاش!!!!!
_اى داااا فين السلسه راحت فين!!!؟
ياختاااااي وديتها فين انا كنت لابساها!!
دي الحاجه الوحيده الي بقيالي منه..ياربي ساعدني..
فضلت تدور وتعيط مش لاقياه حاجه
_اى داااا ازاي مجاش في بالي!!!!
لما وقعت من الكرسي ولاقيت دكتور آدم و....حطيت اديها علي خدودها وقلبها فضل يدق جامد..!
_اكيد وقعت مني هناك..لازم اروح اجيبها بسرعه...
كانت بتمشي ومكنتش واخده بالها من اى حد حواليها...كل تفكيرها انها تلاقي السلسله وبس...
الخطوبه خلصت وكل واحده بقيت تلم عيالها ويمشوا...
_مياده شوفت نوران!!؟
=لا اخر مرة لمحتها كانت بتأكل ملك ومعرفش راحت فين بعد كده...ليه هو في حاجه ولا اى!؟
_لا مفيش...بس اتأخرنا ولازم نمشي
=متباتو معانا عشان خاطري!؟
_لااااا طبعاً مينفعش
_طب اقعدوا شويه كمان
=لا حلو كده احنا اتاخرنا اوي وماما هتقلق علينا....بس انا مش عارفه البت دي اختفت راحت فين
_لما الزحمه تخف هتلاقيها....بوصي تعالي نسأل ملك...
مياده:ملك حبيبتي..هي فين نوران!؟
_نوري راحت تغسل الفستان
نورا:ليه حصل اى!!!؟
_ عشان وقعت عليها الأكل بس مكنتش اقصد والله...بدأت تعيط
نورا:متعيطيش ياحبيبتي خلاص
مياده:نورا تعالي نشوفها في الحمام..
مياده...ياميااااده
_ايوا ياماما
تعالي ياحبيبتي ثواني
_حاضر ياماما جايه اهو....معلشي يانورا روحي شوفيها انتي وانا جايه أهو
=حاضر
_نوران يانوران....دخلت الحمام ملقتش حد...
_ياحوستي ياااني البت راحت فين هنتشلوح يخرب عقلك
_تسلموا ياجماعه علي الليله الحلوه دي
=علي اى يام احمد اهنا اهل...كانت زي العسل بيكوا..
_احمد مش هوصيك علي اختي...دي حته مني دي انت بتاخد قلبي
= عيب عليك يادكتونا دي في عيني
ساكتين بيبوصوا لعُمر يقول كلمه هو كمان
_انتو بتبوصولي كدا ليه هاا!!؟...اااه لا انا مليش في الجو دا بقا وكدا......انا بقول تخلصونا بسرعه بقا وتتجوزو عشان انقل حاجتي في اوضة لوحدي بقا...
مياده:بقا كدا ياعُمر...ماااشي حسابك معايا بعدين
كلهم ضحكوا...
منيره:عُمر.!!!! _بغمزه في جمبه بس ميصحش كدا..واستكملت بضحكه:هو بيحب يهزر كدا
_سيبيه ياامي خلاص بقينا اهل وعُمر دا حبيبي
عُمر بلغه خليجيه: انت حبيبي..والله تراني تأثرت!
آدم:نفسي في مرة تبطل هزار دا...قرب منه وضحك ياحوونين
عُمر: بصوت واطي...طب بس انت بقا عشان انا فطسان ضحك عليك وانت مش واخد بالك!!
_باستغراب:ليه انا عملت اى؟؟
=بص ياحلو علي قميصك....بقالي ساعه المحلك وانت مش هنا خالص..
بيبص لقاه مقطوع والقطعه باينه..قوم بقا يااستاذ اتسحب وداريه بأي حاجه
_انا هدخل الأوضه من غير ماحد ياخد باله واقففلها ورايا واجبها واطلع علطول....
فطلت تدور وملقتش حاجه!!!
_ياربي اعمل اى...هي راحت فين انا مش لاقياها!!!!..طب انا دخلت فين تاني غير الأوضه؟؟!!
فضلت تفتكر وبدأت تروح كل مكان كانت هي فيه...لحد مانزلت في الجنينه مكان ماكانه بيتصوروا....
_بدموع يارب الاقيها هنا...فضلت تدور عليها وملقيتهاش...استسلمت وقعدت علي الأرض والدموع مليا عنيها..."حتي دي مش عايز تسبهالي" فجأة حست بإيد بتيجي عليها...
اتخضيت وبصيت وراها!!
_متخافيش يانوري..انا ملك
مسحت دموعها بسرعه....حبيبتي تعالي انا اسفه اني مجتش بسرعه زي ما وعدتك...
_انتي بتعيطي ليه!!؟
=مفيش ياحبيبتي بس في حاجه ضايعه مني ومش لاقياها..
_هي اى وانا ادور معاكي..
=سلسله..فيها نص قلب....بدموع...وهي غاليه عليا اوي
لقيتها حضنتي حضن الأم لبنتها...بصراحه كنت محتاجه اوي الحضن دا...حضنتها اوي وفضلت اعيط...قالتلي متخافيش هنلاقيها..يلا ندور عليها مع بعض
آدم:بعد اذنكم...في حاجه ضروري بس هعملها وجاي
=اتفضل يابني
_ ماشي ياعُمر لما افضالك بس...
دخل الأوضه وظبط قميصه...سمع صوت خروشه وقعت علي الأرض...بص لاقي السلسه!!!
_اى دا؟؟؟!!!! السلسله هي وقعت مني ازاي دانا لابسها...
بيحط ايده عليها لاقاها!!! طالعها وكانت الصدمه بالنسباله...لاقي اتنين في ايده نفس الشكل ونفس الرسومات...!!!
طلع وهو بيجري...لسه هيدخل عند اهله سمع صوت ملك بتكلم حد..
_ملك...ياملك بتعملي اى؟!
نوران كانت مدياله ضهرها.....يامصيبتي السودة يانا ياما انا عارفه الصوت دا كويس!!
=واقفه مع نوري
قرب عليها ولما شافها لاقاها معيطه
_بخضه حضرتك كويسه!!؟
=بإرتباك..اى ااااه ااه كويسه...يالا ياملك ندخل جواا
ملك وطبعاً كعادتها:عمو آدم...تعال ساعدنا نلاقي السلسله بتاعت نوري
_بإنتبهاه...سلسله اى ياحبيبتي؟!!
ملك:سلسله بنص قلب وهي غاليه عليها اوي..وعماله تعيط..ساعدنا ياعمو نلاقيها
فضل متسمر كدا شويه...مش مستوعب الي بيحصل...بعدها بصلها وقالها... انتي..انتي نوران!!!!!؟
=بعدم فهم...ايوااا
_طلع من جيبه السلسه الي لاقاها...هي دي!؟
=اي دا!!! ايوااا هي الحمد لله يارب...الحمد لله وفضلت تتنطت من الفرحه....انتبهت اني واقف باصصلها
=بس حضرتك لاقيتها فين!!؟
_هااا...لاقيتها مرميه علي الارض...هي تهمك اوي كدا!!!؟
=طبعا دي اغلي ماليااا
كان حابس دموعه بالعافيه....انتي مش عارفا...؟
لسه هيكملها اذا بصوت واحده من وراهم
بت يانوران...وربنا لاوريكي انتي اختفيتي رحتي فين....ايوا دا صوت نورا وكانت نويالي علي الضرب بس الحمد لله اول ماشافت دكتور آدم...سكتت
_بت يانوران....ااوبس انا اسفه جدا
آدم: ولا يهمك....باهتمام...انتي نورا صح؟!
_ايوا...هي عملت حاجه ولا اى!؟
آدم:لا ابدا مفيش حاجه
في وسط زهول من نوران..هوا يعرفنا منين؟
قطعت تفكيرها.. يلا نمشي يانوران عشان اتاخرنا...
_هااا حاضر...الحقيقه انها كانت بتمشي الخطوة وقلبها يفضل يدق جامد..مكنتش فاهمه ليه؟!
مشيوا وللاسف ملحقش يقولها الي كان عايزه....
يآدم...آداام انت فين
ايوا ياماما
_اى يابني واقف عندك بتعمل اى؟ وسايب اخواتك وخطيب اختك لوحدهم
=لا مفيش حاجه ياماما...انا جاي اهو..
راح قعد معاهم بس الحقيقه انه قلبه وعقله كانه بيفكروا في "نوران"..♡