رواية عشق ووجع
الفصل الثالث والرابع
بقلم شيماء رضوان
بسمه باصرار..لا يا خالى انا مش هتجوز محمود
حامد بتنهيده..ايه اللى حصل يا بسمه
قصت عليه بسمه ما حدث من هايدى ورد فعل محمود
حامد بفرح..طب كويس الواد هزقها علشانك
بسمه بحزن..لا يا عمى محمود فى كل وقت قاصد انه يقولى انه هيجوزنى علشان خاطر حضرتك وانا خلاص تعبت مش هقدر ارتبط بواحد مش عايزنى
حامد بجديه..بسمه فوقى هو صحيح محمود مش بيحبك بس فى نفس الوقت مش بيحب اللى اسمها هايدى هو بس مخدوع فيها مش اكتر وقريب اوى هيعرفها على حقيقتها
بسمه باستسلام..يعرفها ميعرفهاش مش هتفرق هو فى الحالتين مش بيحبنى
حامد..بس انتى بتحبيه وده سبب قوى يخليكى تحاربى علشان الحب ده وتخليه يقتنع بحبك ده ويحبك كمان يا بنت اختى
بكت بسمه بعد كلام خالها
حامد..اهدى يا بسمه وفكرى كويس ومتضيعيش محمود من ايدك ولازم تخليه يحبك وينسي هايدى دى خالص وكتب الكتاب بكرة ومش هيتلغى وتركها وذهب
فى مكتب محسن الشاذلى
كان محسن الشاذلى يتحدث مع اخيه رافت وابن عمه عدلى بشان حازم ونور ودخل عليهم حامد
حامد بجديه مصطنعه...انتوا قاعدين وسايبين الشغل
رافت بسخريه ...قول لنفسك شويه فى مكتب حسين وبعدين مكتب محمود وبعدين مكتب بسمه
محسن..هههه انت اللى عمال تلف من الصبح علشان توفق راسين فى الحلال اتهد شويه
حامد بتنهيده.. اعمل ايه بس العيال دى هتجننى وعلشان اخلص خليت كتب كتابهم بكرة مع نور وحازم
عدلى ..سيبكم بقى من المواضيع دى ان شاء الله كل حاجه هتبقى تمام وخلونا نركز بقى فى الصفقه الجديده
فى صباح اليوم التالى يوم عقد قران نور وحازم وبسمه ومحمود
محسن بقلق..يا رب عدى اليوم ده على خير انا قلقان اوى
كوثر..مش اكتر منى بس ان شاء الله كل حاجه هتبقى تمام انت رايح الشركه النهارده
محسن..اه عندى اجتماع مهم النهارده علشان الصفقه الجديده بس هما ساعتين وهاجى علطول
كوثر..طيب متتاخرش النهارده يوم مهم قوى
محسن.. ان شاء الله مش هتاخر
فى شقه حامد الشاذلى
حامد..يبنى اقعد النهارده مش هيحصل حاجه
محمود..لا يا بابا عندى شغل مهم قوى وعلشان الصفقه الجديده
حامد..ادم ومحمد هيبقوا هناك متقلقش وعمك محسن وعمك رافت كمان وانا هروح اقعد انت النهارده ومتجادلنيش انا مش فاضى
محمود..انت ليه مصر يا بابا اقعد النهارده
حامد منهيا النقاش..هو كده اقعد وخلاص وتركه وذهب
فى شقه حسين المحمدى
حسين..خالك حامد بيقولك انتى اجازه النهارده علشان كتب الكتاب
بسمه..ماشي يا بابا انا هنزل اقعد مع نور تحت
حسين..عايزه حاجه يا حبيبتى
بسمه ..سلامتك يا بابا
خرجت بسمه من الشقه ووجدت محمود يقف على باب شقته فقررت تجاهله حتى لا يحدث صدام بينهما وهى غير مستعده لذلك
ولكن كلامه اوقفها
محمود بسخريه ..مبروك يا عروسه
بسمه ..الله يبارك فيك
محمود..اكيد فرحانه لاننا هنكتب الكتاب النهارده
بسمه وقررت ان تتعامل معه بالمثل..اكييييد يا بشمهندس هو فى واحده بتبقى مضايقه يوم كتب كتابها
محمود بتهكم ..اه صحيح هو انتى كنتى تطولى تتجوزى واحد زيي
انزعجت بسمه من غروره وتكبره
بسمه بحاجب مرفوع ..ليه فاكر نفسك شاروخان العرب فوق يا محمود انت مجرد انتاج مصرى فى زيه كتير وتركته وذهبت وهو غاضب من كلامها
محمود بغصب..حلو اوى القطه المغمضه فتحت وبقت شرسه اوى ماشي يا بنت خالى اما وريتك
فى شقه حازم
ادم..مبروك يا عريس
حازم ..الله يبارك فيك
اسما..مبروك يا زومه
حازم ..عقبالك يا سوسو
اسماء..ان شاء الله
ادم..انا نازل عايزين حاجه
حازم..مع السلامه يا ادم متتاخرش
ادم ..من عنيا يا كبير وتركهم وذهب
هناء..ايه فرحان اوى ويا ترى نور كمان مبسوطه زيك كده
حازم..ان شاء الله هتنسي كل حاجه وهنعيش حياتنا
هناء فى نفسها..ابقى قابلنى دى ناويالك على نيه سوده يابنى
حازم ..سرحتى فى ايه يا ماما
هناء..لا مفيش انا هنزل عند كوثر اشوفها
اثناء خروج ادم قابل اسراء خطيبته
ادم..صباح النور لاحلى بنت فى العيله
اسراء..صباح النور يا ادم
ادم..اذيك يا قلبى عامله ايه
جاءه صوت محمود اخيها..قلبك ايه كتك وجع فى قلبك بتسبل للبت
ادم بخوف مصطنع..برىء يا بيه هيا اللى بتسبلى
اسراء بذهول..انا سبلتلك بتدبسنى
ادم..عماله اقولها غلط يا اسراء التسبيل ده بعد كتب الكتاب وهيا مش راضيه
امسكه محمود من ملابسه..انا سامعك يا حبيبي وانت اللى بتسبل ولم نفسك شويه
ادم ..اوعى يا عم كده اختك اللى بتسبلى وتركهم وذهب
اسراء..والله لاوريك يا ادم وضحكت علي خطيبها المجنون
محمود..بتضحكى على ايه
اسراء..ادم ده مجنون ربنا يصبرنى عليه
احتضنها محمود واردف
محمود..ربنا يسعدك يا حبيبتى
فى شقه محسن الشاذلى
خرجت نور من غرفتها وكانت ترتدى ملابس سوداء
كوثر..ايه اللى انتى لابساه ده ورايحه فين
نور..رايحه ازور خالد النهارده الذكرى السنويه
كوثر بتنهيده..يا بنتى بلاش ابوك هيزعل
جاءت بسمه على صوتهم
بسمه..فى ايه ولابسه كده ليه يا نور
كوثر..رايحه المقابر لخالد
بسمه..لازم يا نور انتى عارفه ان خالى هيتضايق
نور ببرود..خلصتوا عن اذنكم بقى علشان هتاخر وتركتهم وذهبت
كوثر بضيق..شفتى عمايل صاحبتك
بسمه بتنهيده ...شوفت يا ماما
كوثر وهى تربت على ظهرها ..مالك يا حبيبتى
بسمه بحزن ..مفيش يا ماما
كوثر..عيب تكذبي عليا ده انا اللى مربياكى وعارفاكى اكتر من نفسك
بسمه بخفوت ..محمود
كوثر بحزن عليها ..لسه برده بيعاملك وحش
بسمه..اه لسه
كوثر..بكرة يعرف قيمتك وانا هوريه اما اشوفه
بسمه بسرعه..لا يا ماما ارجوكى متقوليش ليه اى حاجه هو مش طايقنى اصلا ولو قلتيله حاجه ممكن يولع فيا
كوثر بضحك..للدرجه دى بتخافى منه
بسمه..اه اوى ربنا يستر
بعد قليل حضرت امانى
امانى بمرح كعادتها ..ايه يا قوم مالكم
كوثر..مفيش اختك بس راحت تزور خالد
امانى..هو يوم باين من اوله بابا لو عرف هتبقى مصيبه
بسمه بخفوت ..ربنا يستر
امانى ..طيب اروح وراها ولا ايه
بسمه..لا سبيها براحتها
امانى..طيب قوليلى بقى الكلام اللى سمعته صح
بسمه..كلام ايه
امانى..ان محمود اليومين دول معلمك الادب وركضت من امامها
بسمه وهى تلحقها ..والله لاوريكى يا امانى خدى تعالى
امانى ..لا وبعدين انا مالى البت اسراء هيا اللى قالتلى
بسمه..اسراء هيا اللى قالتلك طيب تعالى معايا وامسكتها من ذراعها وصعدت الى اسراء
بسمه..افتحى يا بت انتى
اسراء من الداخل ...لا انتى ايدك تقيله زى نور
بسمه وامانى وهما يكتمان ضحكتهما ضحكتهما ..افتحى بس
خرج محمود من غرفته على اصواتهم
محمود بغضب..فى ايه
انتفضت اسراء على صوته وركضت الى غرفتها
فتح محمود الباب عندما راته امانى ركضت الى الاسفل من مظهره فقد كان غاضبا بشده وعيونه يتطاير منها الشرر
بسمه..انا
محمود بغضب ..وبعدين وقفتى عند انا وسكتى
بسمه ..احم مفيش وتركته ونزلت وراء امانى هى الاخرى
محمود..ماشي يا بسمه الصبر حلو بكرة تقعى تحت ايدى
فى المقابر
كانت نور تقف امام قبر خالد وتبكى لرحيله عن الدنيا وما يحدث لها وسمعت صوتا يناديها
الفتاه..نور
نور باستغراب..انتى مين
الفتاه..درتك
نور بعدم فهم ..درة مين
الفتاه..انا كنت مرات خالد الله يرحمه
نور بدهشه..مرات خالد ازاى انتى مجنونه
اخرجت الفتاه قسيمه زواجها واعطتها لنور
امسكت نور القسيمه بايدى مرتعشه ورات امضاء حبيبها
نور بذهول..دى امضه خالد مستحيل خالد يعمل كده خالد بيحبنى انتى كدابه
الفتاه..القسيمه فى ايدك ودى امضته انا مش بكدب عليكى انا فعلا كنت متجوزه خالد
نور بصدمه..وانتى ليه استنيتى الوقت ده كله علشان تقوليلى خالد مات من سنه ايه اللى سكتك الفترة دى
الفتاه..علشان انا كنت مسافرة ورجعت من تلات شهور وعرفت انك بتيجى كتير هنا وقلت لازم اقابلك واقولك علشان متفضليش مخدوعه فيه اكتر من كده انا كمان مكنتش اعرف انه خطبك وكتب كتابه عليكى وعرفت قبل ما يموت باسبوع بس وقلت لازم اعرف هو كتب كتابه على مين قبل ما اواجهه بس مات قبل ما اعمل اى حاجه
تركتها نور وذهبت وهى لاتصدق ما سمعت عن حبيبها
جاء رجل الى الفتاه بعدما ذهبت نور
الرجل بابتسامه شر..برافو عليكى يا حلوة
الفتاه بضحكه خليعه ..تربيتك يا باشا بس قولى انت قلت انها هتتجوز النهارده لين عايز تكرهها فى خالد هى كده هتنساه وهتعيش حياتها
الرجل ..لا هية قعدت سنه تتعذب انه مات وفضلت مخلصه ليه بس الراجل اللى هتتجوزه النهارده بيعشقها وهيحاول باى طريقه ينسيها خالد اما بقى لو صدمتها فيه هتقعد فترة كبيره تندم على الحب ده وهتفضل الذكرى دى عايشه معاها وخيانه خالد ليها يطاردوها على طول
الفتاه..بس برده هيجى وقت وتنساه والرجل اللى انت قلت بيعشقها هتحبه ويبقى انت معملتش حاجه
الرجل ..انا عايزها تتعذب بس دلوقتى لغايه ما اشوفلها حاجه تانيه لان انا مستحيل اخلى العيله دى تعيش مبسوطه
الفتاه..انت بتكرههم ليه اوى كده
الرجل بشرود..ده تار بينى وبينهم من زمان واخدت عهد على نفسي انى مخليش حد فى اولاد العيله دى يعيش مبسوط ابدا
الفتاه..بس انت عارف ان خالد مظلوم ومحبش او اتجوز حد غير نور
الرجل ..عارف وبطلى رغى بقى وخليكى على اتصال معايا فى عمليه تانيه قريب
الفتاه..تخص العيله دى برده
الرجل بابتسامه كريهه..هو انا ورايا حد الا هم
عادت نور الى المنزل ووجدت ابيها بانتظارها
محسن بغضب..كنتى فين
كوثر.معلش سيبها وهى مش هتروح تانى صح يا نور
لم ترد عليها نور ودخلت الى غرفتها وبدات بتكسير كل شيء فيها
دخل عليها والدها ووالدتها وتجمع من فى المنزل على صوتهم وجاءوا جميعا ليروا ما بها
نور وهى تكسر كل شيء..اااااااااااااااه
فزع والدها من منظرها ..اهدى يا بنتى فيكى ايه
لم ترد عليه وظلت تصرخ وتكسر فى الغرفه فامسكها حازم وقيد حركتها
نور وهى تضربه فى صدره ..سيبنى انت عايز منى ايه
حازم بحزن...اهدى ايه اللى حصل وبتعملى كده ليه
بدات نور تهدا فاقترب محمد منها واحتضنها
محمد..فيكى ايه انتى كنتى كويسه من شويه
نور ببكاء..ااااااه انا انخدعت فيه اوى قعدت سنه حزينه عليه وهو طلع ميستاهلش طلع واحد خاين
محسن..تقصدى ايه يا نور
نور ببكاء..مقصدش اطلعوا وسبونى لوحدى اطلعوا
اسراء ببكاء..مينفعش نسيبك وانتى كده
اسماء ..انا مش هسيبك يا نور انتى عارفه انا بحبك قد ايه وانتى وقفتى جنبى كتير وانا لازم اقف جنبك
امانى ببكاء وهى تمسك يديها ..وانا كمان مش هسيبك ابدا
اما بسمه ظلت تنظر لها بحزن
حامد..خلاص تعالوا نطلع والبنات هيفضلوا معاها
كوثر ببكاء..لا انا مش هخرج واسيب بنتى كده
محسن..تعالى يا كوثر وسبيها كلهم معاها تعالى ونظر الى حازم وجده ينظر اليها بحزن
ربت على كتفه واخرجه من الغرفه وخرج معه الجميع
اغلقت امانى الباب وراءهم وجلست نور على السرير وجلسوا جميعا بجانبها
امانى..فى ايه يا نور
نور بشرود ...كان بيضحك عليا كل كلامه ليا كان كدب
بسمه وقد اتضح لها انها عرفت شيء عن خالد وهذا الشيء هو من جعلها منهارة هكذا
بسمه..عرفتى ايه عن خالد خلاكى كده
ارتمت نور فى حضنها وبكت بشده
امانى..مالك ياحبيبتى وايه اللى عرفتيه عمل فيكى كده
اما اسراء واسماء ينظرون اليها بحزن على حالها وما وصلت اليه
بسمه وهى تربت على ظهرها ..اهدى وطلعى اللى جواكى علشان ترتاحى
قصت لهم نور ما قالته الفتاه فى المقابر
بسمه بذهول ..بجد خالد كان متجوز عليكى وخدعك ده كله
نور ..اه وشفت قسيمه جوازهم كمان
امانى..حاولى تنسي النسيان فى اوقات كتير بيكون هو الحل
نور بشرود..انسي انتوا متعرفوش الموضوع ده كسرنى ازاى انا فقدت الثقه فى كل حاجه
اسماء نافيه حديثها..لا يا نور فى صدمات بتجيلنا علشان تقوينا مش تكسرنا والصدمه دى لازم تقويكى اوعى تخليها تكسرك
اسراء..انا طول عمرى وخداكى قدوة ليا اوعى اشوفك ضعيفه خليكى قويه خليكى نور القويه اللى الكل بيعملها الف حساب اوعى تخلى اى حاجه تكسرك
بسمه ..العيال دى قالوا اللى كنت عايزه اقوله بيقولوا حكم والله وكلامهم صح جدا
نور..ههحاول واطلعوا بقى عايزه انام شويه
بسمه..احنا بننطرد بشياكه يالا يا بنات نسيبها ترتاح شويه
خرجت الفتيات وتركوها تحاول النوم لعلها تستطيع نسيان ما حدث
فى كان يجلس رافت وحامد ومحسن وحازم ينتظرون ليعرفوا ما بها اما محمد يجلس بجانب والدته ويحاول ان يجعلها تهدا لانها تبكى منذ ان كانت نور تكسر فى الغرفه
خرجت الفتيات فاندفعوا اليهن ليعرفوا ما بها
محسن بلهفه ..فيها ايه وايه اللى خلاها بالشكل ده
كوثر ببكاء..قالتلك ايه يا بسمه بنتى فيها ايه
بسمه..اهدوا يا جماعه هى دلوقتى كويسه
حامد..امال ايه اللى حصل
قصت لهم بسمه ما حدث مع نور فى المقابر
محسن بغضب..انا كنت رافض الجوازه دى من الاول بس انتوا اللى ضغطوا عليا علشان هيا كانت بتحبه وادى النتيجه قعدت سنه بعيده عن الكل وحزينه عليه ودلوقتى تعرف انه كان متنيل متجوز
كوثر ببكاء ..يا حبيبتى يا بنتى استحملت كتير لو حد مكانها مكنتش اتحملت كل ده
حامد..اهدى يا محسن نور قويه واقوى مما تتخيلوا وهتقدر تتجاوز كل ده متقلقش
رافت..حامد معاه حق ان شاء الله هتنسي وتكمل حياتها
محسن بتنهيده ..عارف انها قويه بس هيا شافت كتير فى حياتها والموضوع ده هياثر عليها اوى
حازم..احنا ممكن ناجل كتب الكتاب فترة لغايه ما تهدى
محسن..لا مفيش حاجه هتتاجل الا اذا كنت رجعت فى كلامك ومش عايزها دلوقتى
حازم بدهشه..ارجع ازاى بس يا عمى وانت اكتر واحد عارف انا بحبها قد ايه وطلبتها للجواز اكتر من مرة وعلطول كانت بتصدنى وترفض
محسن..خلاص كتب الكتاب الليله زى ما هو
رافت..ماشي احنا هنمشي دلوقتى وهرجع تانى اطمن عليها
غادر الجميع وبقى محسن يفكر فى طريقه لاخراج ابنته مما هى فيه
محسن فى نفسه..انت اللى بايدك تخرجها من اللى هيا فيه يا حازم يا ترى هتقدر ولا لا؟؟
فى المساء
كوثر..قومى يا حبيبتى احنا بالليل دلوقتى الماذون هيوصل كمان ساعه
نور ..حاضر يا ماما
اخذتها كوثر فى حضنها وربتت على ظهرها
كوثر..ان شاء الله كل حاجه هتبقى كويسه وحازم بيحبك ومش هيسيبك وهتنسي خالد واليوم اللى شفتيه فيه
نور ...يا رب انا عايزه انساه اللى واجعنى انى عايزه انساه بس كل حاجه بتفكرنى بيه
كوثر..قومى صلى والبسي الفستان ده بسمه بره وعايزه تشوفك
بسمه..انا دخلت خلاص مش لسه هستاذن انا
نور..تعالى يا خجوله
كانت بسمه ترتدى فستان من الشيفون بالون الفضى وحجاب من نفس خامه الفستان
بسمه..ايه شكلى حلو
نور..زى القمر يا حبيبتى
بسمه..يعنى محمود هيبصلى وييسيب الزفته اللى اسمها هايدى دى
نور..انا نفسي اشوف هايدى دى
بسمه..اسكتى ده انتى ربنا بيحبك انك مشوفتهاش
كوثر ..يالا بقى انا هخرج اشوفهم بيعملوا ايه وانتى قومى يا نور مفيش وقت
بعد قليل
ارتدت نور فستان من اللون النبيتى ضيق من الاعلى الى الخصر ثم يتسع اتساع خفيف من الاسفل وعند الخصر يوجد حزام من اللون الذهبى وارتدت حجاب من اللون الذهبى
بسمه ..اوعى ايه الحلاوة دى ده الواد حازم هيتهبل لما يشوفك
نور بغضب..اسكتى بقى متجبيش سيرته كفايه اللى انا فيه
بسمه..انسي يا نور
نور..يا ريت اقدر انتوا فاكرين انه زرار هدوس عليه فهنسي علطول انا عمرى ماهنسي يا بسمه انا ممكن اتعايش مع الموضوع واكمل حياتى بس نسيان لا هفضل علطول افتكر اللى حصل
بسمه..طب يالا بقى كفايه حزن احنا الاتنين زى بعض انتى غصبينك على الجواز وانا خطيبى هو اللى مغصوب عليا
نور..وربنا محمود ده غبى ومش عارف قيمتك
بسمه..وانتى كمان غبيه ومش شايفه حب حازم ليكى
نور..انتى
قاطعها دخول امانى واسراء واسماء
امانى ...كفايه كلام بقى يالا الناس مستنياكوا بره الماذون وصل
كانت امانى ترتدى فستان من اللون الاحمر النارى به فصوص من اللون الذهبى وارتدت حجاب من اللون الذهبى
اما اسماء ارتدت فستان من اللون البنفسجى به حزام باللون الابيض وحجاب باللون الافوايت
اما اسراء ارتدت فستان باللون الازرق به فصوص باللون الابيض وحجاب ياللون الابيض
فى الخارج
كان كلا من حازم ومحمود وادم ومحمد يرتدون البدل فحازم بدله سوداء ومحمود بدله زرقاء داكنه وادم بدله من اللون الرصاصى اللامع ومحمد بدله سوداء
حضر الماذون وتم عقد قران نور وحازم وبسمه ومحمود
اقترب حازم من نور وقبلها من جبينها
ضغضت نور على يديها بشده
نور..ابعد
حازم..لا خلاص جو ابعد ده انتهى يا قلبى انتى دلوقتى مراتى
نور..ابعد يا حازم ولم نفسك احسنلك
حازم ..ماشي يا نور
اما عند بسمه ومحمود
محمود بسخريه ..مبروك يا عروسه
بسمه وتمالكت نفسها ..الله يبارك فيك يا بشمهندس
محمود..ده انتى هتشوفى ايام سوده
بسمه..ايه ده بجد وانا مستنيه اما اشوف الايام دى يا حوده وتركته وذهبت لتقف بجوار كوثر
محمود بغضب..وربنا لاوريكى بتتحدينى يا بسمه انتى اللى جنيتى على نفسك
محمد بصوت عالى ..يا جماعه انا كمان عايز اكتب الكتاب
رافت..كتاب ايه دلوقتى البت لسه مخلصتش
محمد..بالله عليك يا عمى والله هسيبها تذاكر مش هشغلها بحاجه ارجوك وافق
محسن..خلاص يا رافت وافق خلينا نفرح
رافت..ماشي موافق
ادم..وانا كمان يا بابا اشمعنى محمد
حامد..وربنا انا كمان موافق يالا يبقى الواد والبت فى ليله واحده
تم عقد قران اسماء ومحمد واسراء وادم
ادم..مبروك يا سوسو
اسراء..الله يبارك فيك
ادم..اخيرا انا كنت حاسس انى هموت قبل ما اكتب عليكى
اسراء..بعد الشر عليك
عند اسماء ومحمد
محمد..مبروك يا حبيبتى
نظرت اسماء بخجل للاسفل ولم ترد
محمد..فى ايه يا اسماء انتى علطول بترغى ودلوقتى القطه اكلت لسانك
نظرت له اسماء بغضب..انت فصيييييل اوى وتركته وذهبت
كانت امانى تعبث بهاتفها
معتز..احم اذيك يا انسه امانى
خفق قلبها بسرعه عند سماع صوته
امانى فى نفسها ..يا لهوى يخرب بيتك هتموتنى ناقصه عمر وانت مز كده
امانى..الحمد لله
معتز فى نفسه..يا لهوى دى حلوة اوى انا المفروض اخد خطوه جد واتقدملها بقى كفايه كده
معتز..انتى واقفه لوحدك ليه
امانى ..عادى البنات كلها اتجوزت وكل واحده واقفه مع جوزها
جاء صوت صديق اخاها يدعى احمد ولكنها تكرهه
احمد..وانا رحت فين لما اسيبك تقفى لوحدك يا امانى ده حتى عيب فى حقى
معتز بغضب..ايه الكلام ده انت مين اصلا
احمد..انا ان شاء الله هبقى جوزها
صدمت امانى مما قاله
امانى..ايه اللى بتقوله ده
احمد..انا اتقدمتلك من شويه
معتز..الف مبروك ياانسه وتركهم وذهب وهو يندب حظه على حبه الذى مات قبل ان يخرج للنور
امانى بغضب ..انت مجنون ايه اللى انت بتقوله ده وعلى فكرة طلبك مرفوض وتركته وذهبت
احمد..مش بمزاجك ولازم توافقى
الفصل الرابع
امانى بغضب ...انت مجنون ايه اللى انت بتقوله ده وعلى فكرة طلبك مرفوض وتركته وذهبت
احمد فى نفسه..مش بمزاجك على فكرة ولازم توافقى يا امانى انا بحبك من زمان
عند نور وحازم
حازم..عمى عايز اقعد مع نور شويه لوحدينا
نظرت له نور بغضب ولكنه تجاهلها
محسن ..ماشي يا ابنى واشار لهم الى غرفه ليجلسوا فيها سويا
حازم..قوليلى بقى ايه ابعد دى عايز افهم بس وكان يقترب منها
نور بغضب..عايز تفهم بجد انا اول مرة اعرف انك غبى كده
اقترب حازم منها بسرعه وحاصرها ..عيدى اللى قلتيه تانى كده
نور..بقولك اول مرة اعرف ولم تكمل جملتها بسبب قبلته لها حيث امسك وجهها بين يديه وقبلها
تركها حازم ونظر اليها بخبث
نور بغضب..انت مجنون ابعد كده وضربته فى صدره ليبتعد ولكنه كان كالجبل ثابت فى مكانه فضربته بقدمها فى معدته جعلته يتاوه بالم ويتركها فهربت منه بسرعه
حازم بالم...ااااه يا مفتريه بطنى
نور بشماته..احسن انت فاكر انك هتغلبنى ولا ايه ولو عملت كده تانى ساعتها رد فعلى هيبقى الضعف وتركته وذهبت
حازم بخبث ..وانا بحب التحدى ده اوى وهتنسيه يا نور وكده انا عملت اول خطوه وانتى معايا مفكرتيش غير فيا بس
اما نور بعد ان ذهبت من امامه
نور..حازم ده خطر عليا انا معاه مش بفكر غير فيه انا لازم ابعد عنه
مر يومان لم يحدث فيهما اى جديد
فى الصباح
خرجت نور من الغرفه وتفاجات بحازم يجلس مع والدها
تجاهلته نور وسلمت على والدها
نور..صباح الخير يا بابا
محسن..صباح الخير يا حبيبتى رايحه الشغل
نور..اه بقالى كتير مرحتش
حازم ..مفيش صباح الخير يا حازم
نور بحده...لا مفيش
محسن..روحى مع حازم
نور..انا معايا العربيه بتاعتى
محسن..نور انا عايزك تروحى مع حازم
نور..بس
قاطعها محسن ..ومش عايز نقاش
نور ..حاضر يا بابا
نزل حازم مع نور ووضعت نور نظارتها الشمسيه على وجهها وركبت بجانبه
حازم..احم وحشتينى
نور ..سوق وانت ساكت
حازم..انتى معندكيش رومانسيه خالص المفروض تقوليلى وانا كمان
نور بحده..بطل الاسلوب ده لانه مش هيجيب نتيجه معايا
حازم ببراءه..اسلوب ايه بس
لم ترد نور عليه وظلوا طول الطريق صامتين
فى كليه فنون جميله
كانت امانى تجلس مع صديقتها سها
سها..بجد انتى بتحبى معتز
امانى..اه بحبه بطلى اساله بقى
سها..استنى بس وهو كمان بيحبك
امانى بشرود..مش عارفه اوقات احس انه بيحبنى واوقات لا والزفت اللى اسمه احمد ده بيقولى انا اتقدمتلك بس بابا مقالش اى حاجه عنه
سهى..سيبك من احمد انتى بتحبى معتز ركزى معاه واحمد ده يولع
امانى كانت تنظر باتجاه شخص ما وعندما اقترب اتضح انه احمد
امانى..الله يخرب بيتك انت جاى تعمل هنا ايه
سها باستغراب..مين ده
امانى بغضب ..الزفت اللى اسمه احمد جاى هناك اهه وشكله جاى علينا
اقترب احمد منهم
احمد..صباح الخير
امانى..انت بتعمل هنا ايه
احمد..بصراحه وحشتينى
امانى بغضب..احترم نفسك يا استاذ وابعد عنى احسنلك
احمد..انا بحبك وطلبت ايدك من والدك وقالى هرد عليك بعد اسبوع
امانى بغضب..وليه تستنى اسبوع انا بقولك مش موافقه يالا اتفضل من هنا ولا اقولك خليك انا ماشيه يالا يا سها شكلهم نضفوا المكان ونسيوا يشيلوا الزباله مكانهم وتركته وذهبت
احمد ..جامده بس لسانك عايز يتقص منه شويه ياقلبى
فى شركه الشاذلى
كان محمود يعمل على اوراق المناقصه الجديده قاطعه دقات على باب المكتب فاذن بالدخول
بسمه..صباح الخير يا بشمهندس
محمود بسخريه..صباح النور يا زوجتى المصون
توترت بسمه من كلامه ولم ترد ان تظهر ذلك
بسمه..احم الورق ده بخصوص المناقصه الجديده ولازم يتمضى عليه
محمود..طيب سبيه هشوفه وابعتهولك مع اى حد
دخلت هايدى عليهم بدون ان تستاذن
محمود بتحذير ..بشمهندسه هايدى الطريقه اللى دخلتى بيها دى متنفعش المفروض تستاذنى احنا فى الشغل مش لوحدنا
هايدى وهى تنظر لبسمه باحتقار..سورى يا بشمهندس مكنتش اعرف انك مشغول
بسمه وهى تنظر لها بسخريه ..عن اذنك يا حوده سورى قصدى يا بشمهندس وتركتهم وذهبت
هايدى بغضب..شوفت دى قاصداها على فكرة
محمود بنفاذ صبر..اقعدى يا هايدى انا مش فاضى للكلام ده
هايدى..عملت ايه فى المناقصه
محمود باستغراب مفتعل يقصده ليربكها..بتسالى ليه ده مش من اختصاصك
هايدى بتوتر..اه مش من اختصاصي انا بسال بس مش اكتر
محمود..اه ماشي انا لسه شغال عليها انتى هتروحى دلوقتى ولا لسه وراكى شغل
هايدى..لا هروح دلوقتى
محمود..طيب استنينى هلم حاجتى واجى معاكى
هايدى ..اساعدك
محمود..طيب بصى لمى ورق المناقصه وحطيه فى الشنطه هكمله فى البيت لغايه ما اشوف بابا واجى
خرج محمود من المكتب واتجه الى ابيه
محمود فى سره ..يا رب تخلفى ظنى ومتكونيش انتى اللى بتسربي الاوراق المهمه من الشركه انا مش عارف شاكك فيكى ليه بس انتى الوحيده اللى علطول بتشوفي الورق لازم اتاكد ويا رب تكونى مظلومه والورق اللى فى المكتب ده مزور الورق الحقيقى فى خزنه عمى محسن
اما هايدى بمجرد خروج محمود من المكتب اخرجت هاتفها وقامت بتصوير اوراق المناقصه حتى ترسلها للشركه المنافسه
بعد قليل حضر محمود
محمود..هاه عملتى اللى قلتلك عليه يا حبيبتى
هايدى ..اه عملت يالا بينا
محمود..طيب استنينى بس دقيقتين بره هعمل تليفون مهم واحصلك
هايدى طيب ماشي هستناك
خرجت هايدى ونظر محمود للتسجيلات حتى يعرف ما حدث بمكتبه فى اخر عشر دقايق
فتح التسجيلات وراى هايدى وهى تصور اوراق المناقصه المزورة التى وضعها كطعم لها
انصدم محمود مما راه وجلس على الكرسي
محمود..ااااه كنت فاكر انى ظالمك مكنتش اعرف انك شيطان وانا اللى حبيتك وطلعتى واحده خاينه ومتستهليش حبى ليكى وابويا كان معاه حق لما قالى ابعد عنك بس هتروحى منى فين هصبر شويه لما اخد المناقصه والورق اللى معاكى بليه واشربى ميته
دخلت هايدى عليه
هايدى..يالا بقى يا محمود
محمود بابتسامه مصطنعه ..يالا يا حبيبتى
فى شقه رافت الشاذلى
اسراء..امال ماما هناء فين مش شيفاها
اسماء..نزلت عند مرات عمى محسن
اسراء..طيب احنا بقالنا فترة مروحناش الكليه وفى سكاشن مهمه بكرة لازم نروح
اسماء..طيب نروح بكرة
اسراء..ماشي
فى مبنى مكافحه المخدرات
تجلس نور على مكتبها وحازم على المكتب الاخر فالمكتب مشترك بينها هى وحازم ومعتز وضابط اخر يدعى كريم
كريم..مبروك يا حضره الضابط نور
نور..الله يبارك فيك
حازم بحده..ياريت تركزوا فى الشغل احسن
نور فى نفسها ..هو ده اللى انا عايزاه انا عارفه انك بتغير يا حازم وهو ده اللى انا هعمله
نور..معتز ممكن خدمه
نظر لها حازم بغضب اما معتز ابتلع ريقه لانه يعرف غيره صديقه الحمقاء
معتز فى نفسه..مكنش يومك يا معتز
معتز..خير يا حضره الضابط
نور..مفيش بس بسال لو تعرف حد فى المرور اصل رخصه واحده صاحبتى اتسحبت
معتز..اه
قطع كلامه حازم
حازم بتحذير..انا اعرف هخلص الشغل واقولك ركز فى شغلك يا معتز
نظرت نور اليه وقد رفعت حاجب له فبادلها النظر بغضب
حازم فى نفسه..انا عارف انتى عايزه تعملى ايه بس شكله هييجى على دماغك فى الاخر
جاء ضابط اخر واخبرهم ان اللواء يريدهم فى مكتبه
ذهبوا جميعا الى مكتب اللواء
اللواء..اتفضلوا اقعدوا
جلسوا جميعا على طاوله الاجتماعات
اللواء..احنا جالنا اخبار ان حسن الغزالى هيدخل شحنه مخدرات كبيره البلد كمان شهر واخترت فريقكم انه هو اللى هيتولى المهمه دى ودى صور لرجالته وبعض الناس اللى بيتعامل معاهم وقام بعرض الصور لهم
فى مساء اليوم التالى
كان يجلس حازم وادم ومحمد ومحمود ومعتز على سطح المنزل وانضم لهم بسمه وامانى واسراء واسماء ونور بعد الحاح كبير من امها ان تنضم لهم ولا تظل بغرفتها
اسراء..تعالوا نلعب لعبه الصراحه
ضربها محمود على راسها
محمود..بس يا بت لعبه صراحه ايه
ادم بغضب مصطنع ..بس يا عم متضربش مراتى
محمود..مراتك بس دى اختى قبل ما تكون مراتك
اسراء ..ربنا يخليك يا ناصفنى
ادم..يالا نلعب صراحه يالا
بداو اللعب وجاء دور حازم ليسال نور
حازم..عندك استعداد تبداى حياه جديده
نور ..مش عارفه عايزه حياه جديده بس اكون لوحدى ابنى اللى اتكسر جوايا وفى نفس الوقت مش عايزه حياه جديده علشان افضل طول عمرى فاكرة الماضي علشان مغلطش نفس الغلط
بسمه..انتى ضابط ولا فيلسوفه
نور..بس يا خجوله
وجاء الدور على اسراء لتسال محمود
اسراء..عمرك حبيت قبل كده
نظر محمود الى بسمه وراى على ملامحها الحزن
محمود..اه حبيت
تالمت بسمه كثيرا لانها تعرف انه يحب هايدى
وجاء الدور على امانى لتسال معتز
امانى ..هسالك نفس سؤال اسراء عمرك حبيت قبل كده
معتز وهو ينظر لها بالم..اه بحب واحده بس حب من طرف واحد عمرى محسيت انها بتحبنى
تالمت امانى لدى سماعها الاجابه
امانى..اااه يعنى انا حبيتك وانت بتحب واحده تانيه يعنى انا طلعت زيك حب من طرف واحد
اسماء وهى تنظر لهم وقد بان على ملامحهم الالم جميعا..منك لله يا اسراء ايه اللعبه الغم دى
اسراء..اه فعلا قلبت نكد فى الاخر
اسماء..انا نازله كفايه كده وايدها الراى باقى الفتيات ونزلوا معها الى الاسفل
فى شقه محسن الشاذلى
محسن..تعالى يا امانى عايزك
امانى ..خير يا بابا
محسن..بدون مقدمات انتى جايلك عريس
امانى..مين يا بابا
محسن..احمد صاحب اخوكى رايك ايه
امانى..لا يا بابا مش موافقه
محسن ..ليه بس ده كويس
امانى..انا مش برتاحله يا بابا
محسن..خلاص زى ما انتى عايزه هقوله كل شيء قسمه ونصيب
امانى..طيب يا بابا عن اذنك
دخلت امانى غرفتها وارتمت على فراشها وهى تبكى على حب لم يكتمل احبت شخص ولكنه يحب اخرى
كانت نور وبسمه يتحدثون
نور..انا هروح اشوف امانى انا حاسه ان فيها حاجه
بسمه..هيكون فى ايه بس كانت معانا فوق وكويسه وبتضحك
نور..لا امانى من النوع اللى لو شايله هموم الدنيا كلها بتضحك علشان تدارى بس دى اختى وانا عارفاها كويس اختى فيها حاجه
بسمه..طيب روحى شوفيها وابقى طمنينى
دلفت نور لشقتهم ودخلت غرفه اختها مباشرة وجدتها تبكى على سريرها
نور بفزع..مالك بتعيطى ليه انا قلت الضحك ده وراه حاجه
امانى وهى تمسح دموعها..مفيش يا حبيبتى انا كويسه
نور وهى تضم وجه امانى بيديها..تبقى عبيطه لو فاكرة انى مش حاسه بيكى انا ملاحظه نظراتك لمعتز ولما عرفتى انه بيحب واحده تانيه نظراتك بقى كلها حزن
زاد بكاء امانى ودفنت وجهها فى حضن اختها
امانى ببكاء..انا تعبانه اوى خليكى معايا
احتضنتها نور
نور..اهدى مش هسيبك انا معاكى
بدات امانى تهدا ونامت
دثرتها نور بالغطاء جيدا ونامت بجانبها
فى الصباح
استيقظت امانى ورات نور بجانبها فايقظتها
امانى..نور فوقى علشان متتاخريش على شغلك
بدات نور فى الاستيقاظ
نور..صباح الخير
امانى..صباح النور يا حبيبتى
نور..انتى كويسه دلوقتى
امانى..انا الحمد لله يالا بقى علشان متتاخريش
فى منزل رافت الشاذلى
كان يتحدث مع عدلى على الهاتف
رافت..المناقصه دى مهمه اوى نبه على محمود انه محدش يشوف الورق غيره هو وبسمه
عدلى.......
رافت..طيب تمام انا شويه جاى الشركه مع السلامه
حازم.انا نازل يا بابا عايز حاجه
رافت..سلامتك يا حبيبي اه صحيح انت عامل ايه مع نور
حازم..عادى هيا بتحاول تبعد عنى وانا بحاول اقرب
جاءت والدته على حديثهم
هناء..نور شديده وهتتعبك ومش هتستسلم بسهوله
حازم..وابنك مش سهل برده
هناء..ربنا يستر والبت متدكش على قفاك
حازم..قفا ايه بس يا ماما انا حازم برده مش اى حد
ادم..انت هتقولى دى منفضالك اول باول
اسماء...ههههه اه صحيح نور دى جامده اوى مش هتقدر تروضها يا حازم
حازم..ليه يا ظريفه
اسماء..لانك مبتعرفش ترود اسود ونور دى اسد اوى
رافت...ههههه تصدقى معاكى حق يا سمسم ربنا يكون فى عونك يا حازم
هناء..متقلقش يا حبيبي انا موصياها عليك
حازم..بجد يا ست الكل موصياها بايه بقى
هناء..انها تربيك اصلى حاسه انك ناقص ربايه
حازم بغضب..كده يا ماما وتركهم وذهب الى عمله
رافت..انتى بجد قلتلها كده
هناء..اه قلتلها هو انا بكدب
اسماء....ههههه الام المثاليه فعلا
هناء بغيظ..قومى يا بت اغسلى المواعين انا مش عارفه محمد بيحبك على ايه
اسماء بغيظ..اطلعوا منها بس انتوا
ادم...انا رايح الشركه هتيجى معايا يا بابا ولا هتروح مع اعمامى
رافت..روح انت انا هروح معاهم
فى الاسفل كان محمود على وشك الذهاب للشركه وجد بسمه ايضا تتجهز للذهاب
محمود..اركبى يا بسمه
بسمه وهى تتجه نحو تاكسي..شكرا يا بشمهندس هروح بالتاكسي
محمود بغضب..انا قلتلك اركبى
بسمه..شكرا مش عايزه
محمود بغضب..احنا فى الشارع اركبى
لم ترد عليه بسمه وركبت التاكسي متوجهه الى الشركه
ركب محمود سيارته بغضب واتجه ايضا الى نفس الوجهه
دلفت بسمه الى الشركه وجدت مكتب محمود مفتوح والسكرتيره جالسه تتافف
بسمه ..المكتب مفتوح ليه والبشمهندس لسه مجاش
السكرتيره..البشمهندسه هايدى جوه وقلتلها البشمهندس مجاش مينفعش تدخلى شتمتنى وبهدلتنى وهددتنى بالطرد
بسمه غضب...ليله اهلها سوده النهارده
فى منزل محسن الشاذلى
كان محسن وزوجته واولاده يتناولون الافطار
محسن..عامله ايه يا نور
نور..انا الحمد لله كويسه يا بابا
محسن..بجد.كويسه ولا فى حاجه تانيه
نور..لا يا بابا كويسه متشغلش بالك بيا
محسن..نور انا عملت كل ده علشان مصلحتك
نور..ارجوك يا بابا مش عايزه اتكلم فى الموضوع ده
محسن..يا نور انا
قاطعته نور
نور..لو سمحت يا بابا سيبنى دلوقتى وذهبت الى غرفتها
جلست على سريرها تتذكر الاوقات التى جمعتها بخالد
فلاش باك
نور بضحك..يا مجنون تعالى هتمرض
خالد وهو يجذبها من يديها لتقف معه تحت المطر ..تعالى انتى المطر حلو اوى
نور ..والله انت مجنون هروح انا ازاى دلوقتى
خالد..سيبى نفسك وانتى تحت المطر وانسي اى حاجه
انتهى الفلاش باك
نور والدموع تنزل على وجنتها ..جرحتنى اوى يا خالد باللى عرفته عنك عمرى ما كنت اتوقع انك تطلع متجوز عليا معقول الحب اللى كان ظاهر فى عنيك ده كله كان كدب
دلفت امانى لتراها فمسحت نور دموعها بسرعه
امانى..انتى كنت بتعيطى
نور بنفى..لا يا حبيبتى مفيش حاجه انا رايحه الشغل
امانى..انا شايفه عنيكى مدمعه مالك يا نور كنتى بتفكرى فى خالد مش كده
نور ..اه يا امانى لغايه دلوقتى مش قادرة اصدق انه كان متجوز
امانى..انسي وان شاء الله ربنا شايلك الاحسن
نور..ان شاء الله سلام بقى انا رايحه الشغل ووضعت نظارتها الشمسيه حتى تخفى اعينها لكى لا يعرف احد انها كانت تبكى ونزلت الى الاسفل وجدت حازم بانتظارها
نور وهى تبحث عن سيارتها
حازم..العربيه مش هتلاقيها فتعالى اركبى احسن
نور بغضب..لا العربيه فين
حازم ببراءه ..مفيش كل الكاوتشات نامت فخليت حد يوديها للتوكيل
نور بحده..اكيد انت اللى عملتها
حازم..انا اخس عليكى انا زعلان كده
جاءها اتصال من ابيها
محسن..اركبى معاه علشان متتاخريش عن شغلك وابقوا اتخانقوا بعدين سلام
نور..ماشي يا بابا سلام
ركبت نور معه السيارة ولم تتحدث بشيء معه
قام حازم بتشغيل اغنيه لتامر حسنى ....قرب حبيبي قرب تعالى.... ثم بدا يدندن معها
حازم ..ايه لابسه النضارة ليه
نور..ملكش فيه
غضب حازم من برودها فمد يده وازال النظارة ونظر الى اعينها وجدها عليها اثار البكاء
نور بغضب ..انت اتجننت هات النضارة
حازم وهو سارح فى عيونها..لا بحب اشوف عنيكى اللى مجننانى دى وبعدين انتى كنتى بتعيطى ليه
كانت نور تحاول ايجاد الصدق فى كلامه فوجدت الحب ظاهر بشده فى عينيه افاقت على صوته
نور بحده..انت مالك بتتدخل فى حياتى ليه
حازم بغضب..انا جوزك يا نور ولا نسيتى
نور بتهكم ..جوزى اه متقلقش الموضوع ده مش هيستمر كتير
حازم ..بطلى بقى انا مش هسيبك حتى لو ده كان اخر يوم فى عمرى انا بحبك
نور ..وانا بكرهلك بكرهك
حازم..انا عايزه اعرف الكره ده كله سببه ايه
نور..عايز تعرف اسمع بقى
فى شركه الشاذلى
دخلت بسمه المكتب بسرعه وجدت هايدى تبحث فى ادراج المكتب
بسمه بغضب..انتى بتعملى ايه عندك بتدورى فى ايه والبشمهندس مش موجود
هايدى توترت كثيرا ولكن اخفت توترها
هايدى..انتى مالك انتى ده مكتب محمود
بسمه بحده.. ومحمود ده يبقى جوزى يا حيلتها
هايدى بغرور..والموضوع ده مش هيستمر كتير هيطلقك علطول وهنتجوز انا وهو
بسمه بغضب..طيب تعالى بقى وامسكتها من شعرها
دخل محمود على اصواتهم وجد بسمه تمسك شهر هايدى وتجذبه بشده وتضربها على وجهها
محمود بغضب سبيها يا بسمه مينفعش كده
هايدى ركضت اليه ووقفت خلفه
هايدى..حوش المتوحشه دى عنى هتموتنى
بسمه..ده انا هولع فيكى
محمود بغضب..انا عايزه افهم ايه اللى حصل
السكرتيره..يا فندم البشمهندسه هايدى دخلت المكتب وانا قلتلها ان حضرتك مش موجود شتمتنى وهددتنى بالطرد وبعدين البشمهندسه بسمه جت ولما عرفت اللى حصل دخلت المكتب وبعدين الباقى حضرتك شوفته
بسمه بغضب..انا دخلت لقيتها بتدور فى ادراج المكتب ولما سالتها استفزتنى بالكلام
هايدى ..كدابه الكلام ده محصلش
كان محمود يعلم ان بسمه تقول الصدق ولكن لا يستطيع ان يقف بجانبها عليه اولا ينهى لعبه هايدى حتى يعاقبها لذا وقف بجانب هايدى ضد بسمه
محمود..بغضب..بسمه الموضوع ده ميتكررش تانى وهايدى خط احمر ولو غلطتى معاها تانى انتى حرة
بسمه والدموع فى عينيها ..هى اللى غلطانه وبتتهمنى انا انت ايه ده المفروض اكون اقربلك من الزباله دى
محمود ..بسمه متنسيش نفسك انتى عارفه انا اتجوزتك ازاى اتفضلى على مكتبك
بسمه ..انا اتحملتك كتير بس انت كل مرة قاصد تكسرنى وانا بسكت بس خلاص مش قادرة اكتر من كده طلقنى يا محمود