رواية القربان الاخير
الفصل الثاني
بقلم امير احمد
قفلت الباب من جوه عليا وقعدت وراه كنت خايفه اوي من انه يفتح الباب ويدخل عليا الاوضه انا مخبراش عنه حاجه ولا اعرف عني شئ. ولا امي جمبي عشان اترمي في حضنها واعيط انا في بيت غريب لحالي مع راجل غريب عني
مخبراش مر وقت قد ايه وانا قاعده ورا الباب وهو مجاش حتي خبط ولا سال
نمت مطرحي علي الارض وصحيت من وجع رقبتي بصيت لقيتني نايمه علي الارض والباب مقفول بالكرسي والترباس والمفتاح من جوه
كنت عارفه ان اهلي مفيش حد منهم هايجي يزورني ولا كمان كان معايا تلفون عشان اكلمهم ويكلموني يعني انا هاعيش لحالي من النهارده
قلبي وقف لما لقيت فيه خبط علي باب الاوضه من برا
ميين
_افتحي يا عسل انا جوزك
_مرديتش عليه
_نور افتحي انا محسن جوززك
_خوفت افتح ليه الباب يقوم يغتصبني او يعمل فيا حاجه
_لقيته بيقول من ورا الباب
متخافيش انا وعدتك اني مش هالمسك ولا اقرب منك خالص الا لما انتي تطلبي بنفسك وتاخدي عليا واخد عليكي افتحي الباب خدي بس الحاجه اللي قدامه انا عارف انك بتحبيها انا هابعد عن الباب وانتي خدي اللي قدامه
_سمعت صوت رجلين بتبعد عن الباب فتحت براحه لقيته جايب علبه حلويات كبيره من اللي بتيجي في التلفزيون. ومن اللي بحبها اخدتها بسرعه وقفلت الباب تاني
_ها اخدتي العله يا ست البنات انا والله مش عايز منك غير انك تديني فرصه اقرب منك واخد عليكي وتاخدي عليا
فتحت الباب واستنيته يدخل وكنت متوفعه رد فعل منه يزعل بس الصراحه هو خبط قبل ما يدخل وقال انا هاخد لبس ليا من الدولاب وهاخرج تاني والاكل جاهز في التلاجه لو حبيتي تسخني وتاكلي يا ست البنات
_قعدت لحالي عايزة افهم هو بيعمل معايا كده ليه وليه بيدافع عني قدام اهلي ووقف في صفي وهو مايعرفنيش واول مره يشوفني
طلعت بعد تفكير كتير برا الاوضه وروحت المطبخ عملت اكل وهو جه وقف جمبي وعمل لنفسه شاي ومتكلمش معايا وخرج
_بصيت عليه لقيته قعد في الصاله بس لاحظت حاجه غريبه اوي. جميع جدران البيت كلها مدهونه باللون الاحمر حتي بلاط الحمام كله احمر.
عملت الاكل وحطيته علي السفره برا وقلت الاكل جاهز ودخلت الاوضه وقفلت علي نفسي تاني
لقيته بينادي وبيقولي تعالي انا عايز اتكلم معاكي شويه
غيرت وخرجت وقعدت قصاده
_انا عارف انك متعرفنيش ومستغربه الجوازه اللي جت فجاه وعلي طول كده بس انا هاقولك اللي انتي عايزة تعرفيه
انا اسمي محسن محسن مهندس في شركه كهربا وعندي 33سنه. جربت حظي واتجوزت من هنا بس مكملناش لاسباب صحيه يعني هي تعبت ومكناس متفاهمين واتطلقت. بعد والدتي اللي كانت ماليه حياتي ما ماتت انا بقيت وحيد عايز اعيش زي اللي في سني وناس كتير نصحوني باني لو عايز اتجوز حد يعيش ويحافظ عليك اتجوز بنت الاصول اللي من ريف وبلد تحافظ عليك
وسالت كتير لعند ما قابلت ناس ولاد حلال ودلوني علي بلدكم وعلي اهل بيتكم وانا عشان كنت عايز اتجوز علي طول عملت كل حاجه بسرعه ودفعت المهر
عايزة تعرفي ايه تاني
_انت ليه اختارتني بالذات مافيه بنات غيري كتير كويسين ومحترمين
_تعرفي ان صوتك حلو انا هاجاوبك
انا فعلا ناس كتير قالوا علي كم بيت وكم بنت ممكن اتجوزهم بس الصراحه انا شوفتك وانتي راجعه من المدرسه كنت قاعد عند اللي دلني علي بيتكم ولما سالت عنك قال ان دي العروسه اللي هاتخطبها المغرب
الصراحه كنتي عجباني وكتبت الكتاب واتجوزت علي طول عشان شغلي هنا ماينفعش اخد منه اجازات كتير
وعارف انك هربتي من البيت الصبح وقابلتي اللي بتحبيه اللي اسمه رمضان بس والله لو كان جاهز يتجوزك كنت سيبتك ليه
انا جاوبتك علي كل اللي في راسك وبتسالي عنه
وعايزك متقلقيش خالص انا زي ما بلغتك مش هاعمل اي حاجه الا اما انتي تاخدي عليا وعلي المكان اه صحيح هو عيد ميلادك امته
بتسال ليه
_بسال عشان ده هايبقي احلي يوم في عمري يا نور اليوم اللي هاحس اني عايش فيه بجد
_عيد ميلادي بعد شهرين
كل سنه وانتي طيبه مقدما. انا هادخل المحتب اخلص شويه شغل
علي فكره الامل بيجنن يا نور
_هو دخل المكتب من اهنه وانا قعدت افكر في كلامه وقلت يابت اهلك خلاص رموكي الراميه السوده دي ليه متديش حالك فرصه وتقربي منه يمكن يطلع ابن حلال وذوق
بعد شويه خبطت علي المكتب ودخلت ومعايا فنجان قهوة عملته ليه
سامحي بقي انا مخبراش انت بتحبها كييف وعملتهالك مظبوطه
قام وقف واخدها من يدي واخد منها رشفه وقال الله الله دي احلي قهوة شربتها في حياتي يا نور اتفضلي اقعدي
_مش عايزة اعطلك عن شغلك
_شغل ايه انا اسيب الدنيا كلها عشان انت موجود يا جميل
_ابتسمت واتكسفت من كلامه وسالته انت قريت كل الكتب دي
_الكتب دي كلها من ابويا الله يرحمه وانا قريت بعض منها وهي دي الورث الوحيد اللي باقي ليا من ابويا هو والبيت ده
_معلش سؤال هو انت ليه داهن جدران البيت كلاتهم باللون الاحمر
_ده اللون اللي بيخليني احس ان النهار والشمس موجوده حتي في عز الضلمه والليل
متشكر جدا علي القهوة
**************
انا عايزة اطمن علي بتي يابو نور
_يا وليه اصبري هي جارنا عشان اروح اخبط واحرك ورايا نروح نطمنوا عليها دي في مصر عارفه يعني ايه مصر
_ماليش دعوه البت وحشتني اول مره ابص علي مكانها الاقيه فاضي ومش بايته في حضني
يا وليه افهمي شويه بتك في بيت جوزها والمصاروة ليهم عادات تانيه غيرنا بيناموا الصبح وبيصحوا بليل. والمغرب هارن عليهم واطمن عليها من جوزها
****★*******
نور يا نور
نعم
تعالي كلمي
اكلم مين
ده الحج والحاجه عايزين يطمنوا عليكي
سابلي التلفون وخرج فضلت اتكلم شويه وخرجت ليه اديته التلفون
_مالك متكلمتيش براحتك ليه
_كفايه اكده.
_بصيت علي المكالمه لقيت الرصيد اللي هناك خلص
_هههههع انتي مكسوفه تقولي ان الرصيد خلص رني من هنا وانا هاسيبك براحتك اتكلمي براحتك يا حبيبتي
كانت اول مره اسمعها منه واحس انه فعلا طيب اخدت الفون ودخلت ارغي مع اماتي في الاوضه لعند ما شبعت منهم
وهو قالي ان شاء الله يوم عيد ميلادك هاجيبلك هديه زي دي
_محسن
_نعم
_بجد انت بتحبني ومش هاتزعلني واصل
_اكيد. عمري ما هازعلك يا نور طول عمري بس انتي تخلي بالك من نفسك وتسمعي الكلام
_حاضر
**********
بليل نمت وفتحت عنيا لقيت اللي قاعد جمبي بيبص عليا وانا نايمه اتخضيت منه بس هو قال مكنتش اعرف انك زي القمر كده وانتي نايمه فعلا زي الاطفال
خرج من الاوضه بسرعه وانا استنيت ساعه يمكن يرجع بس هو مرجعش فتحت الباب براحه لقيته قاعد في الصاله
وقفت ابص عليه من بعيد لقيته بيبص في كتاب قدامه وضهره ليا مش. شايفني. كان قدامه مرايه كبيره مع الكتاب. وبيتكلم
هي كويسه.
ايوة كويسه
حافظ عليها
عارف
باقي القربان الاخير عشان تخلص وتتحرر
فاهم وعارف
وانا لسه هاروح قصاده افهم ايه ده الفاظه اللي كانت جمبي وقعت وخبطت في الارض بس متكسرتش
لقيته اتلفت بسرعه وعنيه كانت سووووووووده تماما مفيهاش اي حته بيضا انا خوفت منه وجريت علي الاوضه
بس قبل ما ادخل الاوضه لقيت فيه حاحه مسكتني من رجلي وسحبتني علي الارض واغمي عليا
فتحت عنيا لقيتني في سريري وجمبي كوبايه ميه ومحسن قاعد علي السرير جمبي
ايه اللي حصل انا فين
انتي في سريرك يا عسل.
انا جرالي ايه
امبارح انا كنت في المكتب سمعت صوت حاجه بتقع علي الارض خرجت اشوف فيه ايه لقبتك واقعك علي الارض
شيلتك ونيمتك هنا الحمد لله حت سليمه
انا متاكده من اللي شوفته انا مكنتش بحلم ولا بيتهيالي
البيت ده والراجل ده فيه سر غريب