الجزء الحادي عشر♡
الكاتبه: سما طارق♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
- ماشي.
= انا حبيت تاني.
اتصدمت.
- حبييت!!.
= اه.
- مين.
= حبيت بنت جميله اوى... طيبه جداً... مجنونه شويتين... طفله اوى في نفسها... هى الوحيده اللى خليتني اضحك من بعد وفاة اهلي.
ادايقت اوى انه حب لدرجة اني مسمعتش هو بيقول ايه... بس قولت اكلمه بهزار من غير ما ابين اني زعلانه.
- طب قولي مين سعيده الحظ دي بقى.
مسك ايدي وباسها.
= بحبك يا سمسمتي.
اتصدمت اوى... معقوله يكون بيحبني.
- انا.
= في حد غيرك هنا.
- بتحبني!!.
ابتسملي ابتسامته الجميله.
= ايوه.
- استنى بس... انت قولت عليا مجنونه شويتين.
قام من على رجلي وقالى بغيظ.
= ده كل اللى همك.
- اياد انت متعرفنيش غير من اسبوعين.
= بس حبيتك بجد... وعايز نفضل طول عمرنا سوا.
- مين قالك اني موافقه طيب.
= موافقه مش موافقه هتقعدي معايا العمر كله.
- واهلي.
= هحققلك حلمك في تلت شهور بس.
- بس انا مش عايزه أكون اسمي بالواسطه.
= مش واسطه انا هعلمك كل حاجه عن الشغلانه... في شهرين هعلمك المهم... ولو اتعلمتي صح هخليكي تمسكي الشركه لغايه ما يبقى عندك حاجه تواجهي اهلك بيها.
- والشهاده.
= هخليكي تكملي تعليمك بس بردو هعلمك الحاجات المهمه في شهرين وترجعي لأهلك بعد تلت شهور.
- طب عايزه اقولك آخر حاجه.
ابتسملي بحب.
= قولي.
- بحبك.
= بتحبيني علشان هحققلك حلمك ولا بتحبيني بجد.
- بحبك من قبل ما تقولي اي حاجه اصلاً.
وقف و وقفني وحضني جامد اوى وانا حضنته جامد قعدنا دقيقتين حاضنين بعض من غير كلام.
- معنى كده انك مش هتتجوز البنت اللى عمتك جابتهالك.
= انا ولا هتجوز.. ولا هحب غيرك.
انا دموعي نزلت مني غصب... راح باعد عني بسرعه بقلق.
= مالك.
- فرحانه.
ضحك.
= ومش عايزاني اقولك مجنونه.
حضني جامد وشالني ولف بيا... ولما نزلني.
- هتطلب ايدي امتى.
= انتي مراتي علفكره.
- لا لازم تطلب ايدي من اهلى.
= هو انتى عندك حد اصلاً.
- علفكره مش معنى اني بعيد عن امي وابويا اني معنديش اهل... لا يا بابا... تيجي تطلب ايدي من روان وزوجها.
= لا والله.
- اه والله.
= ومين قالك اني هرجعك ليهم بقى.
- اياد انا عايزه اشوف روان بجد وحشتني اوى.
= حاضر يا قلبي... انا اصلاً مقرر مع نفسي اني اخدك انهارده ليهم.
فرحت اوى.
- بجد.
= ايوه.
حضنته جامد.
- بحبك اوى.
= طب يلا اطلعي اجهزي.
طلعت بسرعه قبل ما يغير رأيه.. ونزلتله وروحنا على بيت روان.
في العربيه قبل ما نطلع.
- رد فعلها ايه لما تعرف اني اتجوزت.
= احنا نقولها كل اللى حصل وخلاص.
- هيكرهوك.
= مش مهم... المهم ميقولوش كلمه وحشه في حقك.
- طب يلا.
طلعنا البيت انا كنت سابقه اياد بخطوه روان فتحتلي حضنتها جامد وانا بعيط علشان وحشتني وهي كمان حضنتني جامد.
- وحشتيني اوى يا روني.
& انتي كنتي فين بقالك اكتر من اسبوعين.
- كنت مخطوفه.
× ايه اتخطفتي ازاى ومين ده.
شاور على اياد اللى وافق ورايا.
بعدت عن روان شويه.
- بصوا انا هحكيلكوا كل حاجه بس تهدوا.
& عملتي ايه.
حكيت ليها انا واياد كل حاجه حصلت من اول ما اتخطفت لغايه انهارده بس مقولتش على الجلد.
& كل ده حصل... وانت خطفتها واتجوزتها غصب.
كانت بتقول آخر جملتها بعصبيه لاياد.
× وهتقولي ايه لأهلك... اتجوزت من غير ما تعرفوا.
- هنبقى نشوف حل.
روان بصتلي بنظرة شك... قامت من مكانها سحبتني من ايدي ودخلنا اوضه.
- مالك.
& هو ايه اللى مالى... جايه تقوليلي انك اتجوزتي ده ازاى يعني.
- احنا حكينالك كل اللى حصل.
& سما شكل اياد ده مش هيرحمك لو غلطتي... ده اتجوزتك غصب لمجرد انك رديتي عليه... اومال لما تتخانقوا هيعمل ايه.
- انا بحبه.
ردت عليا بعصبيه.
& مفيش حب من اسبوعين.
- بس انا حبيته بجد.
& افترضنا انك بتحبيه... ايه اللى يضمنلك ان هو كمان بيحبك... الحب مش كلام.
- وانا متأكدش من كلامه... معاملته ليا تدل على كل كلمه بيقولها ونظرته ليا... انتي اكتر واحده عارفه اني مش بحكم على الناس من كلامهم... بحكم عليهم من معاملتهم ليا... وهو بيعاملني كويس.
& طب ما يمكن ندم انه اتجوزك غصب عنك.
- وهو لو ندم ليه هيبقى عايز يكمل معايا... لو ندم بجد زي ما بتقولي كان استنى الأسبوعين دول يخلصوا ويطلقني.
روان هديت شويه واتنهدت.
& ماشي يا سما.
قولتلها بهزار.
- خلاص بقى متزعليش مني.
& مش زعلانه.
سمعت زوج روان بينادي عليها واياد بينادي عليا... فخرجنا.
- نعمين.
× عايزين تخرجوا... ولا قفشتوا من بعض.
& احنا نقفش من بعض.
روحت انا مكمله.
- ده احنا نسمه.
× طب اياد عرض عليا اننا نخرج انهارده مع بعض احنا الأربعه وانا وافقت.
& وانا موافقه... فرصه بنتك عند ماما.
قاموا دخلوا هما الإتنين الأوضه بتاعتهم وانا قعدت جنب اياد.
- يودا.
= بت انتى... الأسم ده بيعصبني.
بصيتله بعين بريئه.
- بس انا بحب الأسم ده.
= طب اخلصي عايزه ايه.
- شكراً.
= على!!.
- على كل حاجه.
لف دراعه على كتفي.
= بنت خالتك طلعت قموره.
اتغظت اوى من الجمله دي.
- كان نفسي اقولك اجوزهالك... بس هى متجوزه.
= للأسف.
- ا ا انا مش هرد عليك.
قولت جملتي وربعت ايدي قدام صدري.
= بهزر ههههه شكلك بيضحك ههههههه.
- انت رخم.
= سمايا مبسوط.
نمت على كتفه.
- جداً.
همس في وداني.
= بحبك.
قدنا خمس دقايق لوحدنا وبعدين خرجوا من الأوضه وقعدنا اليوم كله مع بعض... لما روحنا انا غيرت هدومي ونمت على السرير... لقيت اياد دخل.
- نعم.
= هصحيكي بكره بدرى.
- اكيد بتهزر صح.
= تؤ تؤ... وانا ههزر معاكي ليه.
- طب ليه.
= هبدأ في تعليمك من بكره.
- بدرى كده.
رد عليا ببرود.
= ايوه... يلا نامي كويس.
مشي وانا نمت عدى شهرين وانا واياد بنقرب من بعض اكتر... اياد وزوج روان بقوا صحاب... انا اتعلمت كل الحاجات المهمه... صحاني الصبح بدري.
= حبيبي... سوما.
- يا اياد سيبني بقى عايزه انام.
= اخلصي قومي يا كسوله.
قومت ربعت على السرير.
- عايز ايه... مش انت قولتلي امبارح ان انا اتعلمت كل الحاجات المهمه... عايز ايه تاني.
= هنروح الشركه.
- اياد... امشي من قدامي... انا عايزه راحه.
قولت جملتي ونمت على السرير تاني.
= خمس دقايق تكوني جهزتي.
قال جملته وخرج... كنت حاسه انه هيبدأ يتعصب فقومت لبست ونزلتله... ركبنا العربيه واتحرك وانا نعسانه اوى.
= اصحيي.
- يابني ده انا لو في الجيش مش هتعاملني كده.
بصلي ومردش عليا... انا سكت... وصلنا الشركه دخلنا وهو ماسك ايدي.........