رواية ضل راجل الفصل الاول1والثاني2 بقلم شروق محمود

الفصل التانى

نجاة بدموع: هيطلقنى ي منال 

منال:أهدى بس كده وفهمينى ايه ال حصل 

اميره :ايه ال حصل ي عمتو ومين ال هيطلقك وليه

نجاة:سى عبدو ي اميره عايز يطلقنى بعد العمر ده كله وبعد ما اخد ال ورايه وال قدامى ااااه يحسرتى على سنين عمرى ال ضاعت وورثى ال خده منى و ضيعه ااااه

سليم:خلاص اهدى  ي طنط وارتاحى دلوقتى والصباح رباح وابقى فهمينا بكره تمم

اخذتها منال للداخل لكى ترتاح 

اميره موجهه كلامها لمصطفى :هتلى  ونبى ي مصطفى دوا الصداع لحسن نفوخى هيطق 

مصطفى:................

نظرة اميره لمصطفى الذى ينظر بهيام بتجاه الباب حيث تقف تلك الفتاه الجميله فبتسمت اميره بخبث ثم وجهت نظرها لرقيه وسليم ثم الى تلك الفتاه ففهماها وابتسمو بخبث 

ثم أردف سليم بخبث :ايه ي طوفى سرحان فى ايه

مصطفى بدون وعي عما يقول :فى هبه (وعنيه بطلع قلوب كده ههههه)

افاق من هيامه على صوت ضحكات الثلاثه ونظر إلى هبه التى تنظر بخجل 

مصطفى محاولا إدراك الموقف:قصدى أنها ليه مقعدتش اتفضلى ي هبه وقفه ليه 

رقيه بضحك:ايوه انا عارفه انك تقصد كده هههههههه 

اميره :ههههه مش قادره ثم أكملت بجديه : اتفضلى ي هبه وقفه عندك ليه تعالى 

هبه:ها مفيش انا جايه اهو 

اميره:حبيبتى متزعليش من ال حصل احنا دلوقتي هندخل ننام وبكره كل حاجه هتبقى كويسه انشاء الله تمام

هبه بابتسامة حزينه :يا رب 

ثم ودعو رقيه وزوجها ودلفوا للنوم جميعا اميره وهبه فى غرفه ونجاة ومنال فى غرفه ومصطفى فى غرفه نامو واستيقظ بعدها لصلاة الفجر ثم نامو مره اخرى لاستقبال يوم جديد مليئ بلاحداث 

*ستووووووب* 

نجاة تبقى عمة اميره امرأه فى منتصف العقد الرابع من عمرها ويبدو عليها الحزن وآثار الزمن وتحب عائلة أخيها جدا ومتزوجه من سى عبده كما تدعوه وهو رجل غير متحمل المسؤوليه مدمن وسكرى وعاطل ويعيش عال عليهم ولديها منه بنت واحده وهى هبه 

هبه بنت جميله جدا تبلغ من العمر 18عام وتحب اميره وعائلتها وتشعر أن الله عوضها بهم وهى فى تالته ثانوى وليها قصه مع الواد طوفه هنعرفها بعدين 

______________________ 

عند أسر أنها عمله فى البنك ثم توجه إلى منزله الذى يعيش فيه هو وابيه وزوجة أبيه والمتكون من شقه جميله و كبيره فى المعادى 

:ما بدرى ي سى أسر 

أسر :اتا اتا انتى لسه صحيه ده انا قولت نامت ونسيت تسمعنى محاضرة النهارده هههههههه

فاطمه بحزن مصطنع :اخس عليك ي أسر بقى بقيت تزهق منى انا مخصماك خالص مالص

أسر :ونا يهون عليه زعلك برضو ي بطوط 

:ما تحترم نفسك ي ولا انت بطوط ايه قولها ي امى أو ي ماما 

أسر :ايه ي زيزو ي عسل بتغير على بطوط منى طب اهو ثم أخذ فاطمه فى حضنه وسط ضحكاتها عليهم 

زيد بغضب :زيزو وبتحضنها قدامى ده انتى نهار ابوك اسود 

أسر :اوباااا اخلع انا ثم ركض ناحية غرفته 

وضحك زيد وفاطمه عليه وعلى مرحه وحيويته 

فاطمه:انا هروحله اشوف كل ولا لا واكلمه فى الموضوع ال قلتلك عليه تمم

زيد :تمم 

*ستووووووب*

زيد المهدى والد أسر وهو أحد رجال الأعمال فى مصر ولكن تقاعد وسلم أعماله لولده الوحيد أسر 

فاطمه أو كما يدعوها أسر بطوط هى زوجة زيد تزوجها بعد وفات ام اسر بسنه وهى كانت خير الزوجه ولام لأسر فهى لم تنجب من زيد واكتفوا بأسر ابننا لهما وهنتعرف عليهم اكتر بعدين 

*فى غرفة أسر*

دقت الباب لتسمع الاجابه من الداخل ثم دلفت عليه 

بطه:كلت ي حبيبى فى الشغل 

أسر :اه الحمد لله ي ست الكل 

بطه: الحمدلله ي حبيبى ...بقلك عايزاك فى موضوع كده 

أسر :عارف عايزه ايه واتكلمنا قبل كده كتير 

بطه:ي حبيبى انا عايزاك تتجوز وتبنى عيله ويبقالك عيال وزوجه يملو دنيتك انا وابوك مش هنعشلك طول العمر 

أسر :اولا ربنا يديكو طولة العمر ثانيا حاضر ي بطوط هتجوز 

بطه بفرحه:بجد ي حبيبى .....من بكره هدورلك على عروسه 

أسر بهيام :ملوش داعى انا لقتها

بطوط بفرحه اكبر :بجد طب هى مين وعمله ازاى وووو

أسر بضحك:ايه حيلك حيلك  هطلعلها بطاقه مش لما توافق الاول 

بطه :انشاء الله هتوافق ي حبيبى .......يلا تصبح على خير ونتكلم بكره 

أسر :وانتى من أهله ي بطوط 

بطه فى نفسها:ربنا يفرح قلبك ي بنى ويهديلك الحال 

___________________________

فى صباح يوم جديد 

اميره :هبه ي هبه اصحى يلا 

هبه بنوم :خمسايه اخطف حلم وهصحى 

اميره بضحك : قومى ي كسلانه مش وراكى دروس النهارده الساعه بقت عاشره

هبه وهى تقوم من مكانها بفزع :وتتتتت عاشره ده المستر هينفخنى ونظرت فى الهاتف لتجد الساعه الثامنه

اميره بضحك :مهو انتى ما كنتيش هتصحى غير كده ههه

هبه :تمم انا هروح البس وانزل الدرس استنى بقى هروح معاكى 

اميره :تمم هروح اصحى مصطفى 

احمر وجه هبه عند سماع اسمه وانتبهت لاميره وهى تغمزلها وتقول ولا تصحيه انتى هههههههه

ثم ذهبت لغرفة مصطفى 

اميره وهى تفتح الباب ثم سمعت صوت ضحكات بنات 

اميره فى نفسها:جايب بنات البيت ي طوفى والبت الهبله هبه سيباها بتفصل فستان الفرح جوه ي وجع قلبك ي هبه بس لا لازم انتقم لقلبها انا هقتله واقتلهم واقتل حموده القهوجى 

ثم دخلت وبصوت عالى :اعاااااااا بقى دى اخرتها ي مصطفى بتجيب بنات البيت وكمان الصبح ده انتى نهارك ابيض واسود وفشيه *وهوبه بتبص على مصطفى وهنا تكمن الصدمه بتلاقى مصطفى قاعد على السرير ومعاه التلفون وبيبصلها بصدمه *

اميره :ايه ده اومال فين البنات !!!!

مصطفى بتعجب:بنات ايه

اميره :ال كنت جيبهم البيت وبتخون البت هبه معاهم 

مصطفى:انتى اصدق .......ليقاطعه صوت من التلفون 

Mostafa Help me ,Are you okay?????

اميره بصدمه :وكمان اجنبيه ي مصطفى الله يرحم ابوك كان بيشرب الملوخيه بلخرطوم

مصطفى :اميره ارجوعى اوعى تفهمينى صح انا بلعب ببجى ودى بنت فى فريقى واديكى سمعتيها وهى بتقولى هلب يعنى يرضيكى تقولى هلب وانا ما اهلبش 

اميره بصدمه:ببجى ؟؟؟افهمك صح ؟؟؟؟اهلبش!!!

ثم جرت وراه لكى تضربه وهى تقول :ده انت ال هتحتاج حد يهلبشك منى دلوقتى 

مصطفى وهو يركض ويضحك:خلاص ي ميرو سماح انا بس نيتى انى اساعد 

ليصتدم وجهه بفردة حذاء بلاستيك من أمه* نعم هو سلاح كل الامهات المصريه ههه*

أمهم :بس ايه الدوشه دى على الصبح ي اخرة صبرى 

مصطفى وهو يكمل لها :منا لو مخلفه جوز جزم كان نفعنى 

اميره :مفيش ي ماما انا ريحه البنك وهاخد هبه تروح الدرس فى سكتى.... ي هبه

مصطفى:هوصلكو فى طريقى ونا رايح الجامعه 

اميره بخبث :لا احنا هنروح لوحدنا وكمان من امتى الحنيه دى ي ولا هااا

مصطفى:ونبى ي ختى تنقطينا بسكاتك ويلا عشان ننزل مع بعض 

فى ذالك الوقت خرجت هبه ليذهبه جميعا اى اشغالهم فهبه ذهبت إلى الدرس ومصطفى إلى الكليه واميره إلى البنك 

___________________ 

فى البنك

دلفت اميره بهيئتها المبهجة والجميله وكانت ترتدى درس رمادى فاتح وفوقه طرحه بيضاء مما زادها جمالا وسننا أصغر 

حنان :ما بدرى ي هانم 

اميره:ايه ي حنون منا جايه بدرى فعلاً

حنان :كنتى اجازه امبارح ليه 

اميره:مفيش بس كانت رقيه وسليم عندنا واليوم قفل بعمتى انها جت غضبانه

حنان:ال ايه حكاية عمتك دى 

اميره: بصى ي ستى عمتى زمان كانت زايى كده ماجوزتش غير وهى كبيره وكده تمم فلما 

جه عم عبدو عشان يطلبها جدتى ما صدقات وجدى كان اتوفه وقتها فجدتى ضغطة عليها 

وجوزتهم بحجة أنها كبرة ولازم تجوز وانو ضل راجل ولا ضل حيطه الاسطوانه الخربانه دى 

وعمتى تحت الضغط قبلت واتجوزتو حتى من غير ما تعرف عنه حاجه بعد الجواز اكتشفت أنه مش بيشتغل وطلب منها انها تشتغل وتصرف على البيت هى رفضت وقالت

*فلاش باك*

نجاة:يعنى ايه اشتغل واصرف على البيت هو مش انت راجل البيت وانتى ال تصرف عليه

عبده:بس انا مش فاضى وقولت تشتغلى يعنى تشتغلى ونا راجل البيت غصب عنك

نجاةبسخريه:اه مش فاضى صح نسيت منت طول النهار مع الشله الخربانه بتعتك بتشربو   السم الهارى وتلعبو قومار وكل حاجه حرام بتعملوها ي اخى اتقى ربنا فينا وبطل واشتغل وخليك راجل 

عبده بعصبيه:انا راجل غصب عنك ي بنت ال********ثم انهال عليها للضرب المبرح وهو يسبها بأبشع الألفاظ

بعد وقت قامت نجاة من مكانها بتعب اثر الضرب وذهبت إلى بيت والدتها لتشكى لها

ام نجاة:مالك يا بت يا نجاة ايه ال عمل فيكى كده

نجاة وهى تبكى:سى عبده ياما هو ال عمل فيا كده عشان بقول اشتغل واصرف على    البيت وان انا مش عايزه اشتغل انا خلاص مش قادره اقعد معاه انا عايزه أطلاق منه 

ام نجاة:......

*نرجع*

حنان:ايه ال حصل تانى قو.....

أسر بجديه:ايه هنقلب البنك كافتريه ونقعد نحكى ي حنان

حنان بتوتر:لا ي مستر أسر انا بس كنت بطمن على اميره كمنها مجتش امبارح 

*مشهد سلو موشن كده*

اميره كانت مديله ضهرها بتقوم وتبص فى عنيه وهو بيبص فى عنيها ومش بيتكلمو 

هبه لنفسها:يخرب بيتك هتشيلنا ذنوب على الصبح ثم اخفضت نظرها واستغفرت ربها 

أسر لنفسه :يخرب بيتك ي شيخه هتشيلى الواحد ذنوب على الصبح ثم استدار وهو يذهب لمكتبه ويطلب من اميره أن تحضر له بعض الأوراق فهى تعمل مدير قسم خدمة العملاء 

اميره:انا ريحه اجيب الملف واروح لمستر أسر تمم 

حنان بغمزه:ماشى ي ستى ربنا يسهلك هههههههه

اميره وهى تضربها فى كتفها:ما تبطلى ي بت

ستووووووب*

حنان تبقى صحبة اميره المقربه وتعرفه على بعض من سنتين لما حنان جت تقدم على وظيفه وتصحبت هى واميره مع بعض وهى متزوجه وعندها ولد وبنت وهنتعرف  عليها بعدين

ذهبت اميره واحضرت الملف ثم استأذنت للدخول ودخلت وتركت الباب مفتوح فبتسم    أسر ولم يعترض فهو يعرفها منذ ثلاث سنوات ويتذكر اول لقاء بينهم عندما جائت لتقديم على وظيفه

*فلاش باك*

السكرتيره:مستر أسر فاضل وحده بره بس أدخلها ولا امشيها

أسر :لا دخليها لسه فى غشلانه فضله

السكرتيره:تمم .....ثم ذهبت إلى اميره لتخبرها بلدخول

اميره وقد كانت خائفه لأنها برغم  عمرها إلى أنها ليس لها اختلاط بلواقع فدلفت إلى المكتب وتركت الباب مفتوح وجلست أمام أسر بشجاعه مزيفه

أسر وهو ينظر للاوراق أمامه:يعنى انتى خريجة تجارة وعندك 27سنه 

اميره :ايوه ي فندم مظبوط 

أسر وهو يرفع وجهه عن الاوراق وينظر إليها 

أسر لنفسه :ياالله كيف لكل هذا الجمال والبرائه أن يجتمعا فى شخص واحد ثم أدار وجهه الناحيه الاخرى وهو يستغفر ويغض بصره فلاحظ انا الباب مفتوح ولم يغلق 

أسر :لوسمحتى ي انسه اميره اقفلى الباب 

اميره بتوتر :مش هينفع

أسر وهو يرفع حاجبه باستغراب:وليه بقى انشاء الله

اميره بشجاعه مزيفه:لأن حضرتك غريب عنى ومينفعش نبقى فى مكان مقفول مع بعض

أردف أسر بتعجب واعجاب بها فقليلات من يتمسكن بتعاليم الدين :تمم ي انسه اميره تقدرى تستلمى شغلك من بكره فى قسم خدمة العملاء

اميره بحزن وقد تمنت أن تحصل على منصب أعلى ولكن لا بأس فلتعمل وتثبت نفسها فى العمل وقالت:تمم شكرا

وبعد مرور عام جائت حنان للتوظيف وقد استطاعت اميره إثبات كفائتها فى العمل    واصبحوا اصدقاء وبعد مرور عام آخر تولت اميره منصب مدير لقسم خدمة العملاء

ومع مرور الوقت ازداد إعجاب أسر لاميره وازدادت ثقة اميره بنفسها واعجابا بأسر وازدادت صداقة اميره وحنان قوه 

*نرجع*

:مستر أسر حضرتك معايه

أسر وقد عاد لأرض الواقع:هاااا ايوه معاكى خلاص بصى خلى بالك من العملاء دول لانهم مهمين جدا ويتعملو احسن معامله تمم

اميره بأبتسامه:اكيد ي فندم 

أسر لنفسه :يخرب بيت حلاوة امك انا لازم اخد بطوط وتجوزك بقى كفايه العذاب ال انا فيه 

أسر:انسه اميره ممكن اسئلك سؤال بره الشغل 

اميره بتوتر:اتفضل ي مستر أسر

أسر :هو انتى متجوزتيش لحد دلوقتى ليه اقصد يعنى فى سبب منعك أو انتى معرضه الفكره 

صمتت اميره ولم تجب 

أسر بأحراج من صمتها: اسف لو سؤالى ازعجك

اميره:مفيش إزعاج ولا حاجه انا هقول لحضرتك من وأنا صغيره ونا شخصية انطوائيه ومش بحب أختلط بلناس ومكنش ليا صحاب ولا اعرف حد فى حياتى غير اهلى وبس وده سبب من الأسباب يعنى مكنش فى حد يعرفنى وكمان لما كان حد ييجى يتقدملى كنت برفض حتى اقعد معاه طبعا بابا مش عجبه الوضع وبدأ بكل الطرق يخرجنى من عزلتى مره ياخدنى ونتمشى فى الشارع أو نروح اماكن عامه وكان قالى انو عايزنى اشتغل بس    مات الله يرحمه قبل ما اشتغل تنتنى فتره مكتئبه بسبب موته وبعدها قررت اعمل بنصحته وانزل اشتغل واتحمل مسؤلية اخواتى ودورت على شغل كتير لحد ملقيت هنا فى البنك ده وجيب قدمت والباقى حضرتك عارفه بس عايزه اقول لحضرتك انك ليك فضل كبير عليه عشان أخرج من انطوائي

أسر بتساؤل: انا ازاى؟؟

اميره بأبتسامه:لأن حضرتك حطتنى فى قسم خدمة العملاء فى الأول كنت مديقه لانى هتعمل مع ناس كتير بس وحده وحده بدأت اتعود على الناس والشغل وعملت صدقات كتير وخرجت من انطوائي بس برجع واقول اكيد ربنا ليه حكمه فى كده فى انو أتأخر فى موضوع الجواز لدلوقتى يمكن عشان اقابل نصيب مثلا

أسر وقد شعر بلأمل من كلامها :فعلا ربنا ليه حكمه ...يعنى لو اتقدملك صاحب النصيب هتقبلى ولا هترفضى 

اميره بخجل :عن اذنك ي مستر أسر ورايه شغل 

ثم جرت إلى الخارج ووجهها احمر من الخجل 

أسر بضحك:هتهربى لامتى......لازم اكلم بطوط ونروحلها خلاص كفايه كده بقالى ثلاث سنين بستنا واكابر عشان اثبت لنفسى العكس بس لا انا شكلى واقع وقعه منيله هههههههه

اميره فى الخارج وقد ذهبت الى حنان التى وقت ما رأتها فهمت ما بها 

حنان بغمزه: ايه هندهن اوضة الاطفال ازرق ولا فوشيه هههههههه

اميره بخجل:انتى بتقولى ايه احنا كنا بنتكلم على الشغل والعملاء 

حنان بضحك:اه منا وخده بالى ههههه

اميره بضيق :طب يلا على شغلك 

حنان:طب متزوقش ........واكملت وهى تغنى متزوقينى ي ماما قوام ي ماما ده عريسى ها يخدنى بالسلامه ي ماما هههههههه

ابتسمت اميره ابتسامه بلهاء ثم أكملت كل منهما عملها

_______________

فى الجامعه

مصطفى :اوف انا ايه خلانى ادخل هندسه انا طول عمرى بحب الاكل من امتى ونا بحب التعليم 

جاسر (وهو صديق مصطفى منذ الطفولة):ههههه معاك حق احنا من يومنا بنحب الاكل ايه دخلنا هندسه وقرف وبناسبة الاكل فى عربية كبده على اول الشارع تعالى نأكل لحسن واقع من الجوع 

مصطفى بتكبر مصتنع :سورى كرزمتى وجمدانى ميسمحوليش اكل من عربيه فى الشارع 

جاسر : خلاص خليك ونا هاكل لوحدى 

مصطفى:ي عم انتى ما صدقت انا بوق أصلا 

جاسر بضحك :طب يلا ي عم بوق

ثم ذهبا إلى اول الشارع فى نفس الوقت الذى خرجت منه هبه من الدرس هى وزميلاتها 

هبه:اخيرا ده انا كان فضلى شعره وقوم اجيب المستر من شعره ههههه

نور (وهى صديقة هبه منذ الثانويه):ههه معاكى حق والله احنا شعرنا ايه فى الحياه

هبه:أن البنت ملهاش غير بيت جوزها 

نور :شطور ي صحبى ههههه

ثم سمعت هبه صوت أحد زملائها وهو ينادى عليها فلتفتت لتنظر

زميلها:انسه هبه انتى نسيتى كتابك فوق اتفضلى 

هبه بتوتر وهى تمد يدها لتأخذه:ش .. شكراً

زميلها :العفو على .......ثم صمت اثر لكمه اوقعته أرضا

هبه وهى تنظر لمن ضربه: مصطفى!!!!!

مصطفى بغضب :ضيقك الكلب ده؟؟

هبه:لا هو كان بيدينى الكتاب بس عشان نسيته

مصطفى بصوت عالى:وهو مفيش مرره شكلك تدهولك

جاسر وهو يسند الفتى ويوقفه :احنا اسفين جدا صحبى متعصب بس شويه فكرك بتعاكس بنت عمتو

الفتى بغضب:طب كان يسأل الاول ولا هو حمار بينطح وخلاص 

مصطفى وقد احمرت اعينه من فرط الغضب نعم هو شخصية مرحه ولكن وقت الغضب يتحول الى وحش كاسر:انا حمار ي بن ال****

ركض الفتى وهو خائف بعد رؤية مصطفى بهذه الحاله 

نظر مصطفى إلى جاسر :ونت بتضحك على ايه انت كمان 

جاسر وقد انفجر ضاحكاً:ههههه ي لهوى عليك لما بتقلب الواد كان هيعملها على روحو *وأكمل بدلع يقلد الفتيات*بس انا مكنتش اعرف انك بتغير اوى كده ي طوفى هيهيهيييي

التفتا أثر ضحكات نور 

هبه بغضب:ايه ال انت عملته ده ي مصطفى كده المستر مش يدخلنى تانى 

مصطفى بلامبالاه:عملت ايه وبعدين فى داهيه الدرس ....ثم نظر إلى جاسر فوجده ينظر لنور بهيام.   فقال:ايه ي عم الحبيب مش يله ولا ايه

جاسر وقد أفق من شروده:احم يلا فرصه سعيده ي انسات

نور :احنا اسعد ي فندم

هبه:يلا ي نور خلينا نمشي. ثم غادر الفتيات المكان

جاسر بهيام:نور اسمها نور يا الله جميل اوى 

مصطفى بخبث:بس دى مخطوبه

جاسر بصدمه:ايه ازاى دى لسه صغيره وبعدين عرفت منين انت

مصطفى ببراءه مصتنعه:هبه ال قالتلى وقالتلى أنها بتحب خطيبها اوى 

جاسر بضيق :طب يلا عشان نروح 

مصطفى:مش هناكل

جاسر بغضب:مش طافح سديت نفسى 

مصطفى لنفسه بتوعد:أما وريتك ي جاسر الكلب مبقاش مصطفى على سن ورمح ههههه

ثم غادر الشباب إلى منازلهم وكل منهما يحمل الضيق فى نفسه مصطفى لانه احزن هبه وجاسر لأن نور مخطوبه

 "ولكن هل يظل الحزن باقيا ام ينشق الفرح من جوف الحزن "

___________

عند اميره أنهت عملها فى البنك وذهبت الى حنان ليغادرو البنك 

حنان:ها مكملتيش حكاية عمتك 

اميره بتعب:حنان سبينى فى حالى دلوقتى بكره هبقى اكلمك

حنان بقلق على صديقتها:مالك ي اميره تعبانه فيكى حاجه نروح للدكتوره

اميره:لا مفيش داعى انا هروح انام وارتاح يلا سلام 

حنان :خلى بالك من نفسك سلام

ثم اتجهت كل واحده لطريق منزلهم

اميره فى طريقها للمنزل 

:مساء الجمال على ست البنات وست الناحيه كلها الجميل كان فين 

اميره بسخريه:ونا اقول ازاى اليوم عده كده من غير مشاكل اتارى المشاكل متأجله لآخر اليوم 

                     الفصل الثالث من هنا

لقراءة باقي الفصول من هنا