ؤواية في صمتي لك كلام
الفصل السابع
ام طلال ..كانت جالسه في الصاله الا تسمع صوت الباب يدق تنادي الخدامه تفتح الباب ..
ام طلال .. كانتي شوفي باااب منو ..
كانتي .. هذي انجود ماما ..
ام طلال .. هلا والله بنجود .. خبلتك (تقصد هند) لحد الحين ناايمه ..
انجود .. هلا فيك ياخاله .. بروح لغرفتها ممكن ..
ام طلال .. ممكن يا بنتي ..
انجود وهي تقرب منها .. بس تكفين يا خاله خلينا بروحنا الاني ابغاها في موضوع شوي خصوصي ..
ام طلال .. ليه وش حقه .؟؟
انجود .. هههه اقولك يعني سري ..
ام طلال .. اها اخذي راحتك يا بنتي هند فووق وانا تحت لا تخافين وانا ما اسمع ..
انجود .. لا موقصدي انك تتسمعين يا خاله بس قصدي لاحد يقطع علينا ..
ام طلال .. اها كذا .. اجل رووحي لها ..
انجود .. هع هع انا صااعده لها يا خاله .. وترووح تمشي لغرفة هند وتفتح البااب اللي كانت الغرفه
بااارده والجو ظلمه .. تقرب منها وهي خاايفه انه ظنها يطلع غلط .. وكانت تتمنى انه ظنها يطلع غلط ولا تغلط
على صديقة عمرها وحبيبتها هند .. وهي تقرب من مفتاح اللمبه وتفتح الضووء وتغفل الباب ..
انجود وهي تقرب لها .. هنـــــــد هنــــــــــد اصحي ..
هند بصوت نعسااانه .. هااااااااااا وش تبين ..
انجود .. انا انجود قوومي ابغااج في سالفه ..
هند .. انجود ليه جاايه انا تعباانه ..رووحي ..
انجود بصوت شجااع .. منو كاان معك يا هند بالسيااره ؟.؟؟
هند وهي تصحى برتباك وعيونها متورمه من النوم .. انتي وش تقولين ..
انجود .. انتي عارفه وانا عااارفه ..!!
هند .. وش قصدك من كان معي بالسيااره .؟؟
انجود .. لا تكذبي علي الاني شفـــتك بعيني ..
هند .. متـــــــى ..؟
انجود .. هع ومتى بعد .. اليوم متكشخه ومتعطره وحاطه الميك اب يعني متى ..؟
هند .. وش فيكِ يا انجود تشكين باغلى صديقه عندك ..؟
انجود .. ياليت شكي يطلع غلط ولا شفت اللي شفته او سمعته ؟؟
هند .. وش قصدك .؟؟
انجود .. انتي تفهمين قصدي عدل يا هند ..!!
هند بتعجب .. تشكين فيني يا انجود انا هند الي تربينا مع بعض تشكين فيني ..
انجود وهي تشوف الدريشه وبصوت عالي.. اااه ياليت ما شفت اللي شفته بس الموقف صعب حيييل علي يا هند ..
اشوفك مع وااحد اصغر من اخوك طلال وتقولين ابوي حااطه الميك اب وابوك اصلا ما يحب الميك اب ..
ولا يوم اتصل عليك ما تردين الا بعد عشرين رنه .. ولا ويوم تشيلينه اسمع اغاني بالسياره واقولك مع من تقولين
ابوي .. هند انا اعرف ابوك عدل واعرف تصرفااته من كلامك الاني مو عايشه يوم ولا يومين لا سنتين انا
من جيت على هالدنيا وانا اعرفك واعرف اهلك .. كيف تكذبين علي ..
هند .. وش كذبت عليك ..!!
انجود بصوت عالي .. بـــــــــس كل هذا وما كذبتي ..
هند .. وش تبقين مني يا انجود ؟؟
انجود .. ابغى اسمع منك الحين .. من اللي رحتي معه وكذبتي على اهلك بانك رحتي معي ؟.؟؟
هند برتباك .؟؟ ها
انجود .. وش فيك ارتبكتي .؟
هند .. لا ارتبكت ولا شي ..
انجود .. قصدك كيف عرفت انك معه وانك كذبتي على اهلمك بانك معي .؟؟
هند .. ما يهمني اصلا ..
انجود .. يعني انتي كنتي تعرفين وااحد ..
هند .. وش عندك ..؟؟
انجود .. جاوبيني بصرااحه تعرفين وااحد ؟؟
هند بصراخ .. اي اعرف وااحد واسمه بدر ..
انجود بصدمه .. واليوم كنتي طالعه معه ..!!
هند . اي كنت طالعه معه وش عندك ..
انجود وهي تجلس على الكنبه وهي مصدوومه ..هنــــــــد انتي .... انتي يا هند ..(وهي تبكي )
انتي اخر وحده اتوقع انها تتدوس بكرمتها بالارض انتي يا هند ... تسكت وهي تبكي . وتقرب منها ..
وتمسك قميصها من رقبتها .. انتي عندك ام وابو ربوك احسن تربيه تخونينهم وتدوسين
بكرامتهم الارض .. حرااااااااااام عليك تسوين فيهم كذا .. حرااام يعطونج الثقه ..
هند .. كا انتي عرفتي وش تبغين مني الحين ..
انجود بصدمه .. وش ابغـــــى ..!!
هند .. اي وش تبغين واذا سمعتك قلتي لاهلي والله يا انجود لفضحك معي واحطك بالسالفه معي ..
انجود بصدمه كبيره وبشهقه .. انتي وش قااعده تقولين ..؟انا وش سويت لك عشان تفضحيني معك ..
انا صديقة عمرك . وحبيت انصحك واقول لك حراام تضيعين عمرك مع واحد كذااب .. صدقيني يا هند اللي
يحبك فعلا يدخل من الباب مو من الدريشه ..
هند .. وهي توقف عند الباب .. يالله ..
انجود .. وش يالله ؟؟
هند .. برى من غير مطروود .. واذا سمعت انك تكلمتي عني بكلمه والله يا انجود اني لطير عيشتك واحط
اسمكمعي ..
انجود بصرااخ .. هند ما توقعتك كذا .. ليه يا هند تبعين هالعشره اللي من السنين عشاان واحد وااطي ..
ليه ياهند انا انجود ولا خلاص ما عاد تعني لج حااجه ...!!
هند .. خليني برووحي يا انجيد ..
انجود بحزن .. حرام عليكِ يا هند .. تسوين باهلك كذا .. صدقيني كانت ابي لك الخير وجيت عشان انصحك و اعونك وصرتي
علي فرعوون يا هند .. داام هذي حياتكِ انتي حره فيها .. بس لي طلب اخير منك .. انك تمسحين رقمي من جوالك ..
وتنسي اسمي .. الاني نصحتك وللاسف انتي ما تنفع معك النصيحه ولا تستاهلين احد يوقف معك ..
هند رافعه خشمها .. جزاك الله خير وفري نصايحك لك ..
انجود تقرب منها.. بعرف انا وش سويت لك عشان تكرهيني هالكره ؟؟ ليه يا هند ..
هند .. الاني حبيته واول مره احب شخص وما ابيك تاخذينه مني .؟
انجود بشهقه .. اخذه ..؟؟
هند.. اي تاخذينه اصلا مافي بنت ما تكلم وااحد انتي تكذبين على نفسك .. يعني الحين انتي ما تكلمين واحد باالنت ..!!@
انجود .. اوووووص اوووص وش الكلام الكبير اللي تقولينه وانتي ما تعرفين شي .. (بصراخ) هند حدك ولا شرفي
انا عمري ما كذبت على احد وقلت له احبك واصلا النت ما عندي صبيان الاني اصلا جنسهم ما اطيقه ..!!وكيف
احبهم ..,!! وازيدك من الشعر بيت .. انا ما اخلي احد يدووس بكرامتي الارض ولا حتى شبر واحد من حياتي ..
هند ... الانج معقده ..
انجود وهي تخزها من فوق وتحت .. حســـــــــــافه جد حســـــــــافه عمري الي قظيته معج ..!! وهي تطلع وكلها
دمووووع وحزن وصدمه من الي اسمعته تطلع من غرفة هند وهي تركض على الدرج تصادفها ام طلال وهي
تشووف انجود تبكي ..
ام طلال .. انجووود وش فيج يا انجيد ..؟
انجود تمر عليها ولا تعطيها وجه وتتجه يم البااب وتغلقه بقووووه ..
ام طلال تدخل غرفة هند وهي تشووف هند جالسه على السرير عليها بجاامتها .. وعيوونها متورمه وهي تبكي بقوى..
هند .. انا وش سووويت وش سووويتي يا هند ..
ام طلال تمسك راس هند وبحنيه .. هند وش فيك يا هنووده ؟؟ وشفي انجود طالعه من عندك تبكي ليه انتوا تهاوشتوا ..؟
هند .. اي يا يمه تهاوشنا ..
ام طلال .. ليه وش السالفه اللي خلت انجود تطلع من البيت وهي تبكي حتى ما ردت علي ..؟
هند .. يمه سالفه بيني وبين انجود تكفين يا يمه لا تساليني عنهاااا ..
ام طلال .. ابغى اعرف ليه انجوود طالعه تبكي .. انتي قلتي لها شي ضاايقها ..
هند بصرااخ .. يمه خليني برووحي .
ام طلال .. ماراح اخليك برووحك الا لمى تقولين لي السالفه وشهي ..!!
هند .. السالفه طووويله ومالي خلق اقوولها ...
ام طلال .. وانا ماراح اطلع الا لين تقولين لي السالفه .. ابغى اعرف وش هي الي خلتك تبكين وخلت انجود تبكي
اكيد انها كبيره ..
هند .. يمه خلاص تهاوشنا وانجود ماراح تجي هنيه مره ثاانيه انسي انجود ..؟
ام طلال .؟ ليه انسااها ..وش السالفه ..!!
هند بصراخ وهي تمسك راسها .. خلااااااااااااااص يا يمه لا تساليني .,.
ام طلال .. ليه ما اسالك ..؟
هند .. يمه بليييييييز خليني برووحي ..
ام طلال ..لا ماراح اخليج رووحك ..الا لين اعرف السالفه ..
هند ....بقوولها بس لا تنصدمين من انجود ..
ام طلال .. ليه وش سوت عشان انصدم منها
هند ببكى مصطنع .. يمه انجود تعرف واحد وتكلمه وتطلع معه ,,
تقاطعها ام طلال بشهقه .. وشهوووووووو انجود تكلم ..!!
هند .. ايوه .. وحلفتني اني ما اعلم احد وانا نصحتها بس هي ما تنفع معها النصيحه واليوم جاايه تهددني باني اذا تكلمت
راح تفضحني معها .,
ام طلال وهي تجلس على الكنبه منصدمه من كلام هند اللي ما دخل باالها ..
ام طلال .. كيف انجود تعمل كذا لا لا يا هند انجود مو راعية هالسوالف ..
هند .. ليه يا يمه منتي مصدقه بنتك .. يمه انجود جداام العاالم ملاك وهي عقرب من تحت لتحت ..
ام طلال .. وليه تبكي يوم اطلعت ..
هند .. انتي تعرفين انجود بكيتها في جيبها ...
ام طلال .. وليه جاايه لنا عشان تهددك ..!!
هند .. ايوه يا يمه .. جاايه تهددني في بيتنا .. وانا يااما نصحتها وقلت لها انا صاحبتك حرام تضيعين شبابك
مع ولد الحرام ..
ام طلال بعصبيه .. وشهووو من تكون عشاان تفضحك انجود والله لشتكي عند جدتها نوره واعلمها انه انجود تكلم ..
عشان تعرف كيف تربيها ..اللي ما تربت .. تقوول عنك يا هند انك اذا تكلمتي تفضحك .. والله لوري انجود شغلها .
من تكون هي ..؟؟ عشاان تفضحك.. انتي بنت كلك شرف ..؟ ولا هبنت الهاري خلي ابوها يجي وبعدها خليها تفخر
بنسبهااااا ...
هند وهي كلها خووف .. لا ياااايمه تكفين خليها تولي .. ومالنا شغل فيها .. اذا تكلمت بس خليني اوريها شغلها ..
ام طلال .. انا راح اسكت بس مو على شاانها عشان المراه الكبيره نوره حراام تتحمل صدمه والسبه انجود ..
هند .. يمه مالنا شغل فيهم ..كيفهم بس المهم الحين عندي لا تعلمين احد والله يستر علينا وعليهم .. مهما كانت
انجود صديقتي وما ارضى عليها ....
ام طلال .. عفيه على بنتي هذي اللي ربيتها .. وانجود والله لوريها شغلها ,...اذا تكلمت عنك بكلمه ..
هند بطمنت بعد ما ثقة امها فيها ثقه عميا ..وهي تضحك بخبث ...
******************
الساعه 8 م ...
صقـــر جالس مع حمد في البيت ,,, وجالسين يسالفون
حمد .. هههههه الله وبعدين ..
صقر .. يؤيؤ ويوم شفتها كشخه وتضحك لي ما اقدرت امسك الابتساامه وضحكت لها ذيك الضحكه اللي تكسر البنت
وتذوبها ..
حمد .. اعرفك مزيون وتاخذ البنت مني ههههههه ..
صقر .. اصبر وشوف اخرتها وين ..
حمد .. وين .. وبعدين ..
صقر .. وما لقيت البنت الا وهي تقرب مني خطوه بخطوه .. قلت بنفسي يا حظك يا صقر البنت المزيونه قربت لك ..
ويوم قربت لي وعليها ذيك العيون الحلوه الممطوطه والنااعسه وعليها ذاك الحكل الاسود والملفع المطرس والعبايه
الكشخه مثل عباية منال اختي ...
يقاطعه حمد .. اي شوقتني وبعدين وش قالت لك ..؟؟
صقر بضحكه .. ههههههه اصبر ..
حمد .. مت وانا اصبر ..
صقر .. قربت مني وانا انبسط لاخر درجه وبعدها قالت لي (pleas .! con hlp may..?)
ورديت عليها (yes...) وانا هنا انصدمت يوم تكلمت انجليزي واناعلى بالي انها مثلنا وسالتها قبل
لاتقولي وش تبغى هي ..(where are from..?pleas.)
ردت علي (from handyi) وهنا رديت عليها بالعربي وقلت كل هالكشخه واخرتك هنديه يا بنت الهنوووود ..
حمد يرفس من الضحك .. هههههههههههههههههههه بس تكفى مت من الضحك يا مسكين اطلعت حبيبتك هنديه ..
صقر ..لا تلومني بالاول قلت لا اكيد بنت بنات الهاي هااي من شاف كشختها وملفعها وعطرها اطلعت اخر شي هنديه
ما تسوى علي ههههههههه ..
حمد .. تستااهل محد قال لك ابتسم وحط عينك عليها ..!
صقر .. يؤؤ لو انها خليجيه كان اخذتها ..
حمد .. لو .. فعل مااضي يعني انسى ..
الا يدق جواااال صقر ..
صقر .. هلا والله ابو غانم ..
طارق .. هلا والله فيك ..
صقر .. وينك .؟ وش اخبارك .؟ من زمان عنك ..
طارق .. والله الدنيا تشغل ..
صقر .. اي والله الدنيا مشااغل ..
طارق .. وينك يا صقر ..؟
صقر .. انا في البيت .؟؟ ليه .
طارق .. يالله انا عند الباب ..
صقر .. حياك اله يا طارق ..
حمد بصوت عالي .. لا تجي يا طارق اليوم امي مسوويه كبسه لحم لا تجي ..
طارق بضحكه .. قول للكلب اللي عندك يسكت ماني جاي عشان اكل انا جااي ابيك يا صقر في موضوع خاص ,,..
صقر بتعجب.. ليه عسى ماشر يا طارق ...
طارق .. لمى جيكم اقل لك.. بس ياليت ما يكون حمد هنا ..
صقر .. ولا يهمك ... ما طلبت شي ..
حمد .. وشفي نبرة صوتك تغيرت يا صقر وش يقوول المعفن ولد عمك ..
صقر ياشر بيده حق حمد يعني اسكت خلني اسمع ..
حمد مبلغ عيونه ويسمع ..
طارق .. الله انا قريب من بااب بيتكم ..
صقر بضحكه .. قووم يا حمد اغفل البااب طارق جااء هع هع ..
طارق .. هههههههه خله يغفله عدل تراني تمسااح اعرف ادخل من المجاري هههههههه...يالله انا تحت ..ويغلق
الجوال ..
وينزل صقر وحمد للمجلس الرجااجيل .. وفي مجلس الرجااجيل كان جالس طارق وهو سرحان قبل لا يجون
صقر وحمد ..
صقر وحمد .. السلام عليكم ياولد العم ..
طارق .. وعليكم السلام والرحمه ..
صقر .. وش فيك سرحاان ..؟
طارق وهو يشووف حمد ..
حمد بتعجب .. وش فك تشوفني كذا ..
طارق .. ممكن يا حمد تخليني انا وصقر برووحنا ..
حمد .. بس هذا ما طلبت شي يا ابو غانم ..اللي شاف وجه طارق متضاايق ما حب يضاايقه اكثر .. ويالله لمى تنتهوا
خبرووني .
طارق .. ابشر ..
صقر .. اجلس يا طارق ..
طارق .. مشكور والله يا صقر انت الوحيد اللي قريب مني .. واليوم جد متضاايق وما ادري وش اسوي ..
صقر وهو يقرب منه .. عسى ماشر يا طارق ..
طارق .. في موضووع راح يصدمك يا صقر ..!!
صقر .. الي هو ..!!
طارق .. الصراحه ما ادري كف ابدا .. او ابين لك .. وشهو .. موضووع اكبر من اني اشرح لك او اصدمك ..
موضووع شيب راسي .. وصدمني .. من اقرب النااس ..
صقر ويحط يده على كتف طارق .. قول اللي في قلبك باي كلمه ابتدي صدقني راح تجر الكلمه الكلمه وبعدها يبان الكلام.
طارق .. بالحقيقه.. الموضووع ابااك تساعدني اني القى وحده ..
صقر .. اها ومن هذي الوحده ..؟ووش تبغى منهااا؟؟
طارق .. اسمعي..
صقر .. وانا كلي اذااان صااغيه ..
طارق .. ابغى ارجعهها لاهلها ..
صقر .. ما فهمت يا طارق وضح .؟؟
طارق .. ماراح تفهم ..
صقر .. لحظه لحظه .. انت الحين تبغاني ادور معك على وحده وترجعها لاهلها ..؟ انت تعرفها او تعرف وين سااكنه ..؟
طارق .. للاسف اني ما اعرف عنها اي شي .. واللي يعرف هو واحد عنها كل شي بس في شي يمنعني اني اساله
عشان لا يقول انا اللي سااعدك او فتحت الموضوع لك وعشان كذا انا اللي لازم القااها بنفسي ..؟
صقر .. منو هذا الشخص اللي يعرف وينها ومن .. وليه ما تساله مافيها شي يا طارق .. بالعكس هذي اسهل طريقه ..
بس وش لك بالبنت يا طاارق ..
طارق .. اسمحلي يا صقر .. ما اقدر اقول اكثر من كذا ..!!
صقر ... يؤيؤ تبغاني ادورها معك من غير ما اعرف وش تبي منها او وش لك لها .؟؟
طارق .. المشكله اني توني ادري فيها من الشخص الي يعرف عنها كل شي وابغى ارجعها ..
صقر .. لحظه لحظه .. انا بسالك سؤال وباماانه تجاوبني بصرااحه ..
صقر كان عارف بالموضوع بس يحسس طارق انه ما يدر بالاول ...
طارق .. سم وابشر ..
صقر .. انت تدور على بنت اسمها انجود ..!!
طارق بشهقه كبيره ... كيف عرفت يا صقر .. سلمان قالك .؟؟
صقر بتعجب.. سلمان !! لا ما قال لي سلمان.... انا عرفت من نفسي ..
طارق .. كيف عرفت من نفسك ومن متى انت تعرف ..؟
صقر .. اعرف من فتره بس خليت الامر سري وحاولت اني اوصل لخيط منها وفعلا لقيت خيط يوصلني
بس للاسف صعب..
طارق .. كيف عرفت..؟
صقر .. القصه طوويله .. انجود هي بنفسها جاءت للمعرض تشتري مع بنت خالها مكتب .. وانا جالس اسجل البيانات
لبنت خالها شاافت اسمي بالصدفه على المكتب وجلست تصاارخ وتقول لي عطني بطاقتي في ذاك الوقت بعدي ما
وصلت لبطاقتها .. ويوم اخذت بطاقتها بعطيها طاحت عيني على اسمها وسالتها وهي تاخذ البطااقه وتركض
برى المعرض وقولك لمى سالتها قالت تشابه اسماء وانا من ذاااك اليوم ماراحت عن بالي .. واخذت اسم بنت
خالها وسالت عنه ولقيته بس بعيد ومالقيت الشي الي يقربني منها ..!!
طارق .. هي كبيره صح ..
صقر .. لا صغيره وحلوه تشبهك يا طارق ..
طارق .. وانت ليه ماقلت لي ..
صقر .. انا ماقلت لحد .. وماحبيت انك تنصدم مثلي ..
طارق .. صقر انت ما سالت نفسك هل فعلا تشاابه اسماء مثل ماقالت ,,..
صقر .. لا الانه البنت كانت مرعووبه اني اكشفها .. والدليل ما تبغاني اعرفها ..بس مستغرب ليه عمي ما خبرنا..
انت ما سالت ابوك .؟
طارق منزل راسها ... الا سالته وقال لي ماابغااك تقرب منها خلها لحالها .. ولمى قلت له ليه ما تبغاني قال الانها
راح تضرك .. مع اني مو عارف ليه ابوي يمنعني منهااا .؟
صقر.. الا انت من اللي خبرك سلمان ..
طاارق ...ايوه سلمااان ..
صقر .. كيف يعرف سلمان بانجود .؟؟؟
طارق .. سلمان اخته بالكليه مع انجوود يا ذكري وهي اللي قالت له انه صديقتي من الهاري ..
صقر .. اها اووكيه بس عندي سؤال يحيرني .؟؟ ليه عمي ما خبرنا ..؟
طارق .. السالفه راح اقولها لك .. بتفصيل يا صقر بس انت توعدني انك تحفظ السر ..
صقر .. وليه شايفني حرمه .؟؟
طارق بضحكه .. لا تكرم عنها هههههههه ..
صقر .. يالله قوووول ..
ويقوول طارق السالفه لصقر من الالف الى الياااء ويقول حواار ابوه اللي قاله له ..
ويتفق طارق مع صقر انهم يلاقون خطه تجمعهم بانجود ..او اي شي يصلهم لاول خطوووه ..
********************
الساعه 9..
في بيت ام راشد .. نوره ..
جالسه في غرفتها ما حولها احد وهي تبكي بصمت قاااتل .. وبدمووع ما ترحم الجغن المسكين ..
كانت منصدمه من اللي شاافته .. من جاءت من عندها وهي سااكته وادخلت غرفتها من دون احد يحس بها ..
جالسه وهي تشوف برواز الصور اللي على الحائط وتشوف صور طفولتها مع هند .. كانت بالنسبه لها صدمه قااتله
جاءت من اقرب قريب .. كانت تقتقد انه الصديق لا يمكن يخون ولا يمكن يطعن باقرب الناس لها .. كانت تسال
نفسها ليه هند سوت فيني كذا .. ليه دمرتني ..؟ ليه انا وش سويت لها .. بس الاني نصحتها .. انا احبها ..
كيف تدوس على قلبي وتختار غيره .. !!
ااااه ياصمتي قتلتني وانا حيه .. يحسبوني الناس سااكته ولكن في صمتي كلام يوجع القلب ويطعنه ..
ودي اشكي وودي ابكي بس لمن .. من ياربي اذا امي ميته وابوي راميني .. امي نوره كبيره وماراح تسمعني وتفهمني
ليه ياربي الصدمه جااءت من هند بنفسها .. منو اشكي لها منو اسوالف معه .. هي كانت اختي لا اكثر من اختي ..
اااه يا هند بسهوووووووووووووله انتـــــــهـــــــــيناء ..
الا تسمع صووت الباب يدق ..
انجود .. من ...
فرح .. انا يا انجود ..
انجود كانت مغلقه الباب.. وش تبغين ..؟
فرح .. امي نوره تبغااج ..؟
انجود .. قولي لها انجود ناايمه ..؟
فرح .. ليه ما تبغين عشاء ..؟
انجود .. لا ما ابغى ..
فرح .. على راحتك ..وتروح ..
انجود وهي تمسح عيونها من الدمووع الي انثرت منها ومن قهرها .. حست انها مرتااحه بعد ما ففضت لروحها ..
وبكت اشوي حست بررااحه .. وهي تروح لسريرها اللي ما تنام فيه الا نادرا الانه ما تحب تنام الا بحظن امها نوره..
بس لمى تكون متضاايقه تنام بغرفتها عشان محد يشووف دمووعها ...
انجود وهي تقرب من السرير وهي تشوف الدببه وهي تاخذ واحد منهم وتضمه لصدرها وتنام وكانها الطفله الصغيره ..
الا تسمع صووت البااب مره ثاانيه يدق .. لكن هالمره صووت ما توقعته .. كان الصوت صووت رجولي .
انجود ... من .. اوووووووووف انا بنااام ..
سعد .. انجود انا خالك افتحي ..
انجود تلبس روبها وتطلع لخالها .. هلا خالي ..
سعد .. ليه ما تبغين عشا..
انجود .. والله يا خالي ماني مشتهيه ..
سعد .. علي هالكلام .. عيونك تقول غير ..
انجود وهي تنزل عيونها .. ...........
سعد .وهو يدخل الغرفه ويغفل الباااب .. انجود تعالي اجلسي جنبي ابغا اتكلم معك شوي ..
انجود وهي تجلس وهي منزله راسها ..
سعد .. انجود وش فيك .؟؟
انجود ....................
سعد.. وشفيك سااكته ..
انجود ... مو سااكته لكن في صمتي كلام ..
سعد .. حلو .. لكن ماقلتيلي وشهو هذا الكلام ..؟
انجود .. خالي صعب اقوله لك ..
سعد بحنبه .. انجود مافي شي صعب!! .. ولا راح يقتلك هذا الصمت .. .!!
انجود بدموع تنتثر منها ... انا تعباااااانه ياخالي .. بشهقه .. انا تعبااااااااااانه حيل ..
سعد وهو يقرب منها ويحظنها .. وشفيك يا انجيد ..
انجود بدموع.. ليه دمووعي داايم بخدي جااهزه .. ودي يمر يوم ما ابكي ... ودي يمر يوم ما افكر بالي صار لي ..
ودي اشكي ودي اصيح بعلى صووت عندي وقووول .. كـــــــــــــافي يا دنيــــــــا تعذبيني ..
سعد .. استغفري يا انجود هذا بلاء من ربك وحااب يختبرك فيه ..
انجود .. ونعم بالله .. لكن لا يعذبني كذا ويقتلني ..
سعد .. لالا يا انجود هذي نعمه انتي ما تعرفينها ..
انجود .. بس انا تعبت يا خالي تعبت ..
سعد بحنيه وهو يمسح دموعها .. تعبتي من ايش .؟
انجود .. تعبت اشيل نااس وافتخر فيهم وبالاخير يطلعون خااينين ..تعبت اقول للناس قصة حرماني ..
تعبت الجلسه برووحي .. تعبت اشيل اهمومي ودمووعي .. انا يا خالي تعبااانه ..
سعد .. قوليلي الحين انتي ليه تبكين وليه جالسه برووحك وليه ماتبغيني اعرف بالي حصل لك ..؟!
انجود ..خالي انت الوحيد اللي باصعب اوقاتي القااءك جنبي كيف ما ادري .. بس صدقني هالمره صعب انطقها ..
سعد بضحكه ... الانه دمج نفس فصيلة دمي ههههههههه.. وليه صعب يالعووبه ..
انجود .. هههه الانه موضوع خطير ..
سعد .. وانا اسمع ولا اتكلم ..
انجود .. توعدني انك ما تتكلم ..!!
سعد .. ليه وانتي قلتي لي شي وسمعتيه من غيري ..؟؟
انجود .. لا ..
سعد بضحكه .. اجل قولي لي وريحي نفسك من هالعذاااب اللي تعشينه ..
انجود ..السالفه طوويله لكن بقوولك تفاصيلها ..
سعد.. وانا اسمعج يا انجيد ..
انجود .. هند صديقتي .. تعرف واحد وحبيت انصحها لكن للاسف اصدمتني انها تقول لي اني حاسدتها وانها ما تبغاني
انصحها ولمى قلت لها ابغى لج الخير قالت خلي نصايحك لنفسك .. واذا سمعت انك قلتي لاحد سالفتي
والله لفضحك .. مع اني سالتها وش لي بك عشان تفضحيني ..!!
سعد بشهقه .. وشهوووو تفضحك .. لا يا انجود الموضوع هذا ما ينسكت عنه ..
انجود بصراخ . بس انت وعدتني انك ما تتكلم ..
سعد .. اي وعدك بس هذا موضوع خطير يا انجود اللي تقول افضحك وانتي ما سويتي شي بس نصحتيها وهي ما تستاهل
وحده مثلك طيبه تنصحينها ,..
انجود .. وش راح تسوي ..
سعد .. وش راح اسوي راح اكلم اهلها يربوون بنتهم ..
انجود بدمووع .. تكفى ياخالي لا تكلمهم ..
سعد .. ليه خاايفه .. خليهم يربون بنتهم ..
انجود .. ماني خاايفه بس انت وعدتني ..
سعد .. اذا انتي خاايفه من موضووع الفضيحه .. لا تخافين الموضوع راح يكون بيني وبين اهلها ..
انجود .. ما ابغااها تكرهني ..
سعد وهو يشووفها بنظرة تعجب .. كيف ما تبغينها تكرهك هي ما هتمت بك والحين انتي تهتمي فيها ..؟
انجود .. لا ياخلي مهما كانت هند هي صديقة عمري .. وما احب افضحها ومرد في يوم تعرف كلامي وتثمنه ..
سعد ,, شوفي تراني حذرتك اذا تكلمت عنك شي قولي لي لا تسكتين ولا ترى بذبحك انا .. واناما سكت الا عشاانك ..
ولا مثل هالسالفه ما ينسكت عنها ..
انجود .. صح كلامك .. بس انا لحد الحين مصدوومه ..
سعد .. انجود اللي بااعك بعيه ..
انجود .. واذا كنا شارينه غالي نبيعه برخيص ..!
سعد .. اكيد نبيعه برخيص ولا نرميه عادي ..
انجود منزله راسها .. مثل ما باعني ابوي ..
سعد بتنهد.. ااااااااااااا وش اقول هنا كلامي ينتهي ..وسالفة ابوك فتحنها اكثر من مره مثل ما افتحوا العرب قضية
فلسطين ولحد الحين ما حلوها ..؟
انجود ..وما لقيت الا السياسه تشبهني فيها ..
سعد .. هههههههه هذا الوقعه الذي لا مافر منه .
انجود .. هههههههههههههههههه جد الواقع صاار بدل ما يبكينا يضحكنا مر ..
سعد .. يالله قومي بلا دلع خلينا نتعشى .. ترك امي خاايفه عليك ..
انجود ..يالله خلنا نقووم بس بشرط ..!!
سعد .. وشهو الشرط يا طرارره ..
انجود .. انك تسفرني ..
سعد .. ليه وين ودك تسافري لاجاازه باقي عليها شهر ..
انجود .. اي الناس تحجز من الحين ..
سعد .. اوكيه وين تحبي تساافري ..؟
انجود ... لندن ..
سعد .. اقوول طسي وراج التذكره برووحها راتب مقيم .. وما عندي اصلا فلوس حق اربع تذاكر ..
انجود .. انا راح ادفع تذكرتي وتذكرت امي ..؟
سعد .. وانا ..
انجود .. اممم كسرت خااطري .. بس للاسف ما اشتغل عشاان اسااعدك ..
سعد .. اجل طسي انتي وسفرتك..
انجود .. هههههههههه .ههههههههههه
سعد وهو يمسك يدها ويقول . يالله يا دلوووعه هالبيت يااله قومي يالبطه ..
انجود .. يالله قمنا .. وهي فرحاانه من وقووف خالها سعد معها.. وهي تفرح حييل لمى تلقاء خالها جنبها في المواقف هذي
وهي تقول في قلبها انت غير يا خالي سعد غير عن البشر كلها .. كل ما اتضايق القااك جنبي وكانك تعرف اني متضايق
وتحاول تفرحني على رغم مشااكلي وهمومي تحلها لي .. ودموعي لمى تشوفك ترتاح لك وتتكلم عني .. على رغم سكوتي
الا انك تفهمني من غير ما اتكلم .. وافتخر للكل انك ابوي اللي ماجبني ..
*****************
الساعه .. 10 ص
كان جالس في مكتبه الكبير والضخم وهو يفكر ببنته انجود .. ليه ما ابغاها ..؟ ليه حرمت نفسي منها ,.. بس الانه
عنود عاندتني ..!! اااه حتى طارق يسالني وانا مو عارف وش ارد ..اذا ردي ما يبرر احد .. ولا يبرر اني احرمها مني..
السالفه كلها ما ابغى اعيد الحكاايه مرتين .. مابغى افتح لي بااب اضر نفسي منه .. وليه انجود ما جاءت لي .؟؟
اكيد انها ما تبغاني ..؟
لكن .. انا لازم اردها للبيت لكن كيف ..؟كيف اردها ..؟؟
الا يدخل عليه اخووه عااايد ..
عايد .. السلام عليكم ...
غانم .. وعليكم السلام والرحمه ...
عايد .. وشفيك سرحاان ومهموم يا غانم ..؟؟ فيك شي..!!
غانم .. لا مافيني شي بس جالس افكر ..
عايد .. في شنو تفكر قولي ..
غانم .. في سالفه صار لها 19 سنه .. توها تباان ..
عايد .. مافهمت ..؟
غانم .. تذكر ياخوي .؟
عايد .. سالفه لها 19 سنه وش فيها هالسالفه ..
غانم .. سالفة زواجي من عنود ..
عايد بشهقه .. فوزيه اعرفت بزواجك ..
غانم .. لا طااارق ..
عايد .. كيف عرف طارق ؟؟
غانم .. ما ادري كيف ..وعرف انه عنده اخت ..
غانم .. وانت قلت له مو اختك ؟؟!! صح ..
غانم .. لا قلت له اختك ..وسالني ليه ماعطيته خبر ..
عايد .. وش قلت له ..
غانم .. قلت له السالفه قديمه ولا تفتحها وخلها مثل ماهي مغلقه ..عاندني وقال هي اختي وانا اللي راح ارجعها
مثل ما انت ضيعتها ..
عايد .,.يؤ اجل السالفتك راح تنفضح ..
غانم .. خلها تنفضح ما يهمني ..
عايد .. وفووزيه ..
غانم .. ماراح تمنعني الانه هذي بنتي ..
عايد ... وش الي رجعك بها ؟؟ يا غانم ...
غانم .. كلام طاارق لي ..
عايد .. انا اقوولك خلها على طارق ولا تقرب منها .. الانه راح تقول لك بعد هالعمر جاي تاخذني ..!!
غانم .. معك حق يا عايد .. اظن انها ماراح تستقبلني عدل..
عايد .. ولاراح تقبل عذر غياابك عنها .. لو جيت لها ..
غانم .. اجل خل طارق بنفسه يقرب منها ..
عايد .. طارق يعرف مكانها ..
غانم .. ما ادري بس راح يسال صديقه ..
عايد .. ليه يسال صديقه ..؟؟
غانم .. الانه هو اللي خبره عن اخته ..؟
عايد .. كيف خبره ؟
غانم .. الانه انجود مع اخت صديقه ..
عايد .. اها
غانم ..ووين الايعال يا عايد ..
عايد .. طارق وصقر في المخازن .. وحمد في المكتب ..
غانم .. لا يكون شاابك .؟؟
عايد .. كالعاده ..
غانم .. وانت ليه ما تكلمه ..
عايد .. خله برووحه ..
غانم .. كيف اخليه يلعب وما يدير حلاله ..
عايد.. حمد ذكي ويعرف متى يلعب ومتى يلعبها صح ..
غانم .. ياخووفي يا عايد من حمد ..
عايد.. لا تخااف من الذيب ..
غانم .. هالذيب راح يذبحك ويذبحنا ...
عايد .. ما يعرف حمد احد قدي ..
غانم .. نشوووف اخرتها معه وشهو ..
****************
دخلت غرفتها المظلمه اللي غابت عنها اسبووع كاامل .. وهي تشوف الغرفه كيف مظلمه وكيف كانت قبل ..
وهي تلتفت بكل ناحيه من الغرفه وتشوف كل شي يذكرها بنظر عينها تركي .. تشوف السرير وهي تدمع عيونها ..
وتقول في قلبه .. الله يساامحك يا فيصل ليه حرمتني منه بعد ما علقتني به ...
وهي تشوف الدبدووب الي كان يلعب به .. وتشوف ملابسه ورضااعته الصغيره وهي تبكي .. الا تدخل عليها ..
ام علي امها ..
ام علي وهي تمسك كتفها ... خلاص يا بنتي بكي قطعتي قلبي ..
طيف .. يمه تركي راااح يا يمه ..
ام علي .. راح يرجع انشااءالله لا تخافين ..
طيف .. لا يا يمه الي يبغى يرجعه كان رجعه .. بس هو ناوي يقهرني ,, كل يوم يهددني بانه راح يقهرني به
وجد سوواها وقهرني .. وكسر قلبي منه ..
ام علي .. هونيها يا بنتي وتهوون .. ورتااحي الحين ولا تفكرين بشي ..
طيف .. ااااااااه يا يمه قلبي يوجعني ..
ام علي .. سلامة قلبك يا طيف ..
طيف .. انا برتااح تبغين شي يا يمه ..
ام علي .. هذا احسن شي سويتيه انك ترتاااحي يا بنتي ..يالله اخليك تنامي شوي .. وتطلع من الغرفه ..
وتجلس طيف على طرف السرير وتقول...اااه يا تركي في البداايه كرهتك ,,, وبالنهايه تعلقت بك ..
ليه الدنيا تحرمني منك بعد ما تعلقت بك ...؟؟ .. وهي تدمع عيونها .. وتطيح عينها على اللوب توب..
وهي تقرب منه خطوه بخطوه وهي تقول وش اخبااار النت يمكن هو الشي الوحيد اللي راح ينسيني كل هالهموم
اللي ما اقدر اقوله لحد .. وهي تفتحه ... وتشبك ..وتفتح المااسن ..
الا تلقى حمد شااابك ..
][®][^][®][تعالي و اجلسي وسط صدري وبددي وحشه الوجدان
و اذا حسيتي بالوحده تسلي و رتبي ضلوعي][®][^][®][
ولكمـــــــــوو يالغلا
*¤*.¸¸.•´¨`»هـــمـــكـ كبـــيــــر ياقــلبــــي منــــــو يسمـ ع ـــكـ «´¨`•.¸¸.*¤*
يسلمووووووووو ..
][®][^][®][تعالي و اجلسي وسط صدري وبددي وحشه الوجدان
و اذا حسيتي بالوحده تسلي و رتبي ضلوعي][®][^][®][
وووين النااس يالغلا ...!! من زماان عنك ؟؟
*¤*.¸¸.•´¨`»هـــمـــكـ كبـــيــــر ياقــلبــــي منــــــو يسمـ ع ـــكـ «´¨`•.¸¸.*¤*
مشكوور .. لكن كنت في المستشفى تعباانه ..
][®][^][®][تعالي و اجلسي وسط صدري وبددي وحشه الوجدان
و اذا حسيتي بالوحده تسلي و رتبي ضلوعي][®][^][®][
سلاااااااااااامات يالغلا .. وش فيك ..؟؟
*¤*.¸¸.•´¨`»هـــمـــكـ كبـــيــــر ياقــلبــــي منــــــو يسمـ ع ـــكـ «´¨`•.¸¸.*¤*
لا بس شوي تعب ..
][®][^][®][تعالي و اجلسي وسط صدري وبددي وحشه الوجدان
و اذا حسيتي بالوحده تسلي و رتبي ضلوعي][®][^][®][
اها اشلون تركي يا ملاك ..؟؟
*¤*.¸¸.•´¨`»هـــمـــكـ كبـــيــــر ياقــلبــــي منــــــو يسمـ ع ـــكـ «´¨`•.¸¸.*¤*
تركي ... اااااااه تركي راح من يدي يا حمد ..
][®][^][®][تعالي و اجلسي وسط صدري وبددي وحشه الوجدان
و اذا حسيتي بالوحده تسلي و رتبي ضلوعي][®][^][®][
وشهو ..؟ كيف راااح .. ملاك انتي ارعبتيني .. وشفيه تركي ..؟؟
*¤*.¸¸.•´¨`»هـــمـــكـ كبـــيــــر ياقــلبــــي منــــــو يسمـ ع ـــكـ «´¨`•.¸¸.*¤*
تركي ابوه اخذه مني .. وانا انقهرت .. الانه اخذه مني بعد ما تعلقت به .. ليه يا حمد ياخذه مني ..
انا امه ... ليه يحرمني منه ..
][®][^][®][تعالي و اجلسي وسط صدري وبددي وحشه الوجدان
و اذا حسيتي بالوحده تسلي و رتبي ضلوعي][®][^][®][
هدي يالغاليه .. مهما كان هذا ابوه وانتي عيشي حيااتك يا ملاك .. انتي بعدك صغيره .. والله يرزقك
بابن الحلال اللي يحفظك ويقدرك ..
*¤*.¸¸.•´¨`»هـــمـــكـ كبـــيــــر ياقــلبــــي منــــــو يسمـ ع ـــكـ «´¨`•.¸¸.*¤*
لا يا حمد انا عشت تجربه وحده فااشله ما ابغى اعيش التجربه مره ثاانيه ..
][®][^][®][تعالي و اجلسي وسط صدري وبددي وحشه الوجدان
و اذا حسيتي بالوحده تسلي و رتبي ضلوعي][®][^][®][
لالا يا ملاك انتي اللي تعكلينه غلط في غلط ... الانسان يجرب والحياة تجارب لا تياسين من رحمة ربك ...
*¤*.¸¸.•´¨`»هـــمـــكـ كبـــيــــر ياقــلبــــي منــــــو يسمـ ع ـــكـ «´¨`•.¸¸.*¤*
ونعم بالله .. بس انا تعلقت به كثير .. الانك انت ما جربت اللي جربته ..
][®][^][®][تعالي و اجلسي وسط صدري وبددي وحشه الوجدان
و اذا حسيتي بالوحده تسلي و رتبي ضلوعي][®][^][®][
انا ما ابغى اكثر عليك وانتي بهذي الحاله .. بس اللي ابغى منك يا طيف انك تتذكرين ربك ..
ووتذكرين انه موجود وانه كل هذي الاشياء اللي تصير لك تجربه واختباار من بربك ...
*¤*.¸¸.•´¨`»هـــمـــكـ كبـــيــــر ياقــلبــــي منــــــو يسمـ ع ـــكـ «´¨`•.¸¸.*¤*
ونعم بالله يا حمد .. بس انا جد متضاايقه .. لا تلومني ..
][®][^][®][تعالي و اجلسي وسط صدري وبددي وحشه الوجدان
و اذا حسيتي بالوحده تسلي و رتبي ضلوعي][®][^][®][
ما الوم الي يلوومك يالغلا ... ولا تنهزمين بسهووله يا ملاك جدام هالموقف ,, الدنيا باولها يالغلا ,,.
*¤*.¸¸.•´¨`»هـــمـــكـ كبـــيــــر ياقــلبــــي منــــــو يسمـ ع ـــكـ «´¨`•.¸¸.*¤*
مشكووور يا حمد على النصيحه وما قصرت يالغلا ...
][®][^][®][تعالي و اجلسي وسط صدري وبددي وحشه الوجدان
و اذا حسيتي بالوحده تسلي و رتبي ضلوعي][®][^][®][
ابد ما سوينا شي يالغلا عشاان تشكرينا .. الا وش رايك انك تدخلين منتدى ..
*¤*.¸¸.•´¨`»هـــمـــكـ كبـــيــــر ياقــلبــــي منــــــو يسمـ ع ـــكـ «´¨`•.¸¸.*¤*
منتدى وشهو المنتدى ..؟
][®][^][®][تعالي و اجلسي وسط صدري وبددي وحشه الوجدان
و اذا حسيتي بالوحده تسلي و رتبي ضلوعي][®][^][®][
شوفي يالغلا المنتدى مجمووعه من الاقساام تدخلين وتقرين مقالات وتشوفين صور وتردين عليهم وفي اقساام كثيره
يسلي الوقت ويفيدك ..؟
*¤*.¸¸.•´¨`»هـــمـــكـ كبـــيــــر ياقــلبــــي منــــــو يسمـ ع ـــكـ «´¨`•.¸¸.*¤*
بصرااحه اول مره اسمع عنه .. انا داايم بس بالمااسن ..
][®][^][®][تعالي و اجلسي وسط صدري وبددي وحشه الوجدان
و اذا حسيتي بالوحده تسلي و رتبي ضلوعي][®][^][®][
ولا يهمك صديقي عنده منتدى مزدحم فيه اعضااء كثيرين .. راح اسجل اسمك وش تحبي يكون اسمك المستعار ..؟
*¤*.¸¸.•´¨`»هـــمـــكـ كبـــيــــر ياقــلبــــي منــــــو يسمـ ع ـــكـ «´¨`•.¸¸.*¤*
امممم وشهو احلى اسم ..؟؟
][®][^][®][تعالي و اجلسي وسط صدري وبددي وحشه الوجدان
و اذا حسيتي بالوحده تسلي و رتبي ضلوعي][®][^][®][
هههههههه انتي اللي راح تشيلين هالاسم مو انا .. انا اسمي فيه الولهـــــان
*¤*.¸¸.•´¨`»هـــمـــكـ كبـــيــــر ياقــلبــــي منــــــو يسمـ ع ـــكـ «´¨`•.¸¸.*¤*
هع حلو اسمك .. انا بسمي نفسي " بـــــاربـــي "
][®][^][®][تعالي و اجلسي وسط صدري وبددي وحشه الوجدان
و اذا حسيتي بالوحده تسلي و رتبي ضلوعي][®][^][®][
يابنت يا خطيره بااربي .. حلو اسمك هع هع جد عجبني ...
*¤*.¸¸.•´¨`»هـــمـــكـ كبـــيــــر ياقــلبــــي منــــــو يسمـ ع ـــكـ «´¨`•.¸¸.*¤*
مشكوور .. ويالله علمني على المنتدى ... شوفتني اتعلم عليه ...
][®][^][®][تعالي و اجلسي وسط صدري وبددي وحشه الوجدان
و اذا حسيتي بالوحده تسلي و رتبي ضلوعي][®][^][®][
اولا بعطيك الرابط وانتي ادخلي عليه .. انا سجلتك هناك .. باسم .. باربي .. والرقم السري 123 سهل ...
وبعدها تدخلي اي قسم واقري وردي بس ...وهذا الراابط .. اسم الموقع ( منتديات تغاريد) وهذا الربط
*¤*.¸¸.•´¨`»هـــمـــكـ كبـــيــــر ياقــلبــــي منــــــو يسمـ ع ـــكـ «´¨`•.¸¸.*¤*
بس اووكيه يالغلا ....
ويجلس حمد يعلم طيف كيف تدخل وكيف تشاارك بكل قسم ووش تقول بعد ..
وتفرح طيف بالمنتدى الانه شاافت بناات كثاار وموااضيع جد حلوه ومفيده ...