الجزء التاسع♡
الكاتبه: سما طارق♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
= انا مش قاسي علفكره.
- ايه... مين ده اللى مش قاسي.
= لو قاطعتيني مش هكمل.
- لا خلاص اسفه.
= انا مش قاسي خالص... ولا بحب التعامل بالإيد اصلاً... بس من اسبوع اللى هو يوم ما جبتك للقصر وجلدتك... انا اليوم ده كنت مضغوط من كل حته... كنت مضغوط من الشغل ومن عيلة ابويا و ومن حبيبتي.
- انت حبيت.
= اه حبيت وياريتني ما حبيت... حبيبتي طلعت بتخوني مع واحد كنت فاكره انه صاحبي... لقيتها معاه في الشقه.
- يلاهوي.
= ضربتها بالقلم ومشيت... راح هيثم متصل بيا افتكرت اني خطفت بنت اسمها ملاك... ملاك دي انا معرفش شكلها كل اللى اعرفه عنها انها بنت صاحب شركه تحدني... المهم طلعتي انتي اللى انا خاطفها وانتى استفزتيني مش فاكر قولتيلي ايه.
- قولتلك انت بتكلم هيثم كده ليه... وانت روحت متعصب عليا وجلدني.
عدل راسه وهو على رجلي وبص عليا وانا مازلت بلعب بشعره.
= مش هكمل علفكره كده.
- سكتت خلاص.
= فانا خرجت كل عصبيتي في جلدك... واهل بابا كانوا ضغطين عليا بسبب الجواز... وفي الآخر اتجوزتك وهما لغايه دلوقتي ميعرفوش ومش هخليهم يعرفوا... اه صح... انا جريت من المكان اللى احنا كنا فيه علشان ابن عمي كان موجود... وانا مش عايز اي حد يعرف اني اتجوزت.
رديت عليه وانا زعلانه.
- للدرجه دي انا اكسف.
= مين قال كده.
- انت مش عايز تعرف اهلك عليا.
نزلت دمعه مني غصب عني... مسح دمعتي.
= مش عايز اعرفهم عليكي علشان هما مش كويسين... هيعاملوكي وحش.. ولما اطلقك بعد ما الشهر يخلص... هيقعدوا يقولوا كلام عليكي كتير ومش هيسكتوا... علشان كده انا مش بجبهم ومش هعرفهم عليكي.
حسيت ان كلمة اطلقك تقيله على قلبي اوى مش عارفه ليه... يمكن حبيته لا لا مستحيل اكون حبيته من اسبوع... وكمان انا قافله قلبي لغاية ما اتخرج... انا بفكر في ايه اكيد مش بحبه... مفوقتش غير على صوته.
= سماا.
- نعم.
= سرحتي في ايه.
- ولا حاجه.
كلمني لأول مره بهزار.
= شعري عامل ايه تحت ايدك.
اتكسفت اوى روحت سايبه شعره... واتكسفت اكتر وهو حاطط راسه على رجلي.
- احم... تقدر تقوم.
= انا تعبان اوى.
- طب يلا نروح.
روحنا البيت وغيرنا هدمنا وبعدين انا روحتله على اوضته لقيته قاعد على السرير وماسك التليفون.
- يودا.
= يخربيت يودا... نعم.
- قوم اتوضى.
رد عليا ببرود.
= مش بعرف.
اتصدمت من رده ازاي ميعرفش.
- يابني مش بهزر قوم اتوضى بجد.
= وانا مش بهزر انا بجد مش بعرف... نسيت ازاى بتوضى واصلي.
اتصدمت اوى بس دخلت الأوضه و وقفت جنب سريره وشديته.
- طب تعالى معايا هعلمك... يلا.
بصلي وهو بيبتسم ليا وقام معايا... علمته ازاى يتوضى واتوضى وبعدين علمته ازاى يصلي وخليته يقف قدامي وصلينا وبعدين قعدنا على الكنبه احنا الإتنين.
- حاسس بأيه.
= حاسس براحه.
قولتله بهزار.
- اشكرني بقى.
= روحي نامي يا سما.
- مش عايزه.
= يابنتي انتي كنتي بتجري انهارده في الممر زي المجانين متعبتيش.
- لا.
= طب انا عايز انام.
قومت بزعل وكنت هخرج بس صوته وقفني.
= زعلانه ليه.
بصيتله وانا زعلانه.
- انا ما صدقت انك كلمتني وبكره اكيد هتبقى بمود جديد و ولا هتعبرني كالعاده.
= ومين قالك كده.
- انت انهارده كلمتني فهتقعد اسبوع تاني مش بتعبرني.
= طب ما انتى بقالك خمس سنين مش بتكلمي حد.
- علفكره انا طول الخمس سنين دول كنت ياإما في الشغل او المدرسه او عند جنى او بقابل روان ولما اتجوزت بقيت بروح عندها... يعني من الآخر مكنتش بقعد لوحدي يوم كامل... إنما هنا انا بقالى اسبوع قاعده لوحدي.
= انتي ازاى لقيتي شغل.
- روان جابتهولي... فكرتني... صاحب الشركه الندل مأتصلش باركلي على النجاح.
رد عليا وكان باين عليه انه متعصب جامد.
= وهو يتصل بيكي ليه اصلاً.
انا خوفت من شكله.
- ا ان انت قلبت كده ليه... عادي انا زي اخته الصغيره.
= وانتي اي راجل يكلمك عادي تقولي زي اخته.
- ا اياد اهدى ان انت ا اتعصبت ليه.
= مفيش كلام مع رجاله.
- حاضر حاضر.
= شطوره... يلا روحي اتخمدي.
قبل ما اخرج افتكرت اني عايزه اقوله حاجه.
- اه صح.
= ايه.
- انت قولت هتاخدني بكره لروان صح.
رد عليا بكل برود.
= لا غيرت رأيي... لما اطلقك هبقى اوديكي ليها.
استسلمت وقولت ماشي روحت داخله اوضتي ونمت.
عدى اسبوع واحنا بنقرب من بعض اكتر وبقينا صحاب جداً... وبقى بيكلمني كتير... الأسبوع كان عباره عن هزار وجنون مني... وحنيه وبرود وهزار خفيف من اياد.
دخل اياد البيت وكان باين عليه انه مدايق.
- مالك.
= سيبين في حالى دلوقتي يا سما احسنلك.
كانت نبرة صوته بتقول ان في حاجه مدايقاه اوى ومتعصب منها.
مسكت ايده ودخلنا الأوضه خليته يتوضى وصلينا سوا وكان صوته حلو اوى... ولما خلصنا قعدنا على الكنبه.
- هديت.
= شويه.
- احكيلي بقى... ايه اللى حصل.
نام على رجلي كالعاده لما بيحب يحكيلي على حاجه... وانا قعدت بلعب بشعره كالعاده بردو.
= عمتي جايبالي عروسه وغصباني اني اتجوزها.
سيبت شعره وانا مصدومه من اللى سمعته... معقوله هيتجوز عليا... انا اه متجوزاه لمدة شهر بس اكيد مش هبقى متقبله ان عندي دره.
مسك ايدي براحه.
= سما.
- هاا... نعم.
= انا متجوزتش البنت لسه علفكره.
- هما هيستفادوا ايه لما انت تتجوز.
= هيستفادوا ان اللى هيجوزوها ليا هتكون من العيله فانا لما اموت....
- بعد الشر عليك.
= علشان ياخدوا فلوسي وتعبي.
- ايه العيله دي... ازاي يفكروا كده.
= انا مش عايز اتجوز.
- ارفض.
= عمتى قالتلي لو رفضت المره دي هيجوزوا اختى بالعافيه.
- ايه ده انت عندك اخت.
= ايوه عندي اخت صغيره عندها 15 سنه... لما بابا وماما ماتوا عمتي خادتها علشان تكمل تعليمها من غير ما تتعب معايا... بقالي سنتين مشوفتهاش... علشان انا مبقتش اروح عند عمتي.
اتصدمت.
- هيجوزوا بنت عندها 15 سنه.
= ناس انانيه.
قولتله وانا بتنهد.
- خلاص اتجوز البنت اللى جابوهالك.
= مش هيحصل... البت دي اكتر واحده في العيله انا مش بطيقها اصلاً.
رديت عليه بنبرة زعل شويه.
- مش هيحصل علشان مش بتحبها بس.
اياد سكت وشويه لقيته نام روحت انا كمان نمت... صحيت الصبح كان قام ولبس بدلته السوده... كان واقف قدام المرايه بيسرح شعره.
- رايح فين يا يودا.
= يخربيت يودا... متزفت رايح الشركه... عايزه حاجه وانا جاي يابنت اختي.
- عايزه شوكولاته كبيره ولبان.
ابتسم ليا.
= حاضر.
- هتوحشني الشوكولاته بتاعتك يا خالو.
استغرب اياد وقعد قدامي.
= هو انا هموت ولا حاجه... ليه بتقولي كده.
بصيتله بزعل.
- فاضل اسبوعين وتطلقني وممكن قبل كمان علشان... علشان هتتجوز.
قولت جملتي ونزلت دمعه مني غصب عني.
مسح دمعتي وبصلي كتير وبعدين مشي.
بعد ما مشي قعدت اعيط وافكر... هو هيطلقني بجد بعد ما اتعودت على وجوده جنبي... هيطلقني وهيتجوز... هبعد عنه بعد ما خلاص مش قادره اعيش من غيره... اه كانوا هما اسبوعين بس في الاسبوعين
دول انا اتعودت عليه... لقيت معاه الحنيه اللى كنت مفتقداها... حسيت معاه بالأمان... قلبي بيوجعني لما بنتكلم في موضوع الطلاق... انا مش عايزه اطلق منه... عايزه اعيش معاه عمري كله...
انا حبيته... ايوه حبيته من اسبوعين... حبيت قسوته عليا اللى كانت وقت تعب... حبيت تحوله معايا لما بيبقى مدايق من حاجه ويتحول معايا طفل... حبيت بروده... ايوه انا بحبه بس الوقت فات... خلاص كلها اسبوعين و... ويطلقني.
قعدت اعيط كتير اوى لغايه ما قومت من مكاني وروحت اوضتي اخد دوش علشان اريح اعصابي... وبعدين لبست بيجامه قصيره شويه
لونها ابيض مرسوم عليها توم وجيري ولبست بنطلون جينز... نزلت احضر الفطار علشان افطر كالعاده لوحدي علشان اياد
طول النهار بيبقى في الشركه... فجأه سمعت صوت جاي من الشباك اللى في الصالون خرجت اشوف في ايه واتصدمت..........