رواية: هرجع... ♡
الجزء العاشر♡
الكاتبه: سما طارق♡.
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
سمعت صوت جاي من الشباك اللى في الصالون خرجت اشوف في ايه واتصدمت بشخص غريب بيدخل القصر من الشباك كان طويل وحاطط حاجه على وشه فانا معرفتوش رش عليا حاجه ومحستش بنفسي غير وانا في مكان عامل زي المصنع ببص حوليا لقيت صناديق كتير والمكان كان بيخوف.
- ي يا اللى خاطفني... يا اي حد.
دخل عليا هيثم اللى هو كان خاطفني في الأول لاياد.
- ه ه هيثم.
نزل على ركبه قدامي.
= لسه فاكره اسمي.
- ا ان انت عايز ايه.
حط ايده على وشي وانا معرفتش اشيلها علشان هو كان رابط ايدي.
= متخافيش يا قلبي... مش هجلدك زي الحيوان التاني.
قعدت احرك راسه علشان يبعد ايده عني.
- ابعد عني... انت عايز مني ايه.
شال ايده.
= انا عايزك انتى.
- افندم.
= سما... انا بحبك... بحبك من اول يوم شوفتك فيه.
- انت عبيط... بتحب مين ياض.
مسكني من شعري جامد.
= اتكلمي عدل يابت انتي... مش معنى اني قولتلك بحبك يبقى لسانك يطول.
- اااااااه ابعد عني يا حيوان انت... اياد مش هيسيبك.
سابني وضحكلي بسخريه.
= هه اياد مين يا حلوه... اياد ده ولا هيسأل فيكي اصلاً... انا عرفت انكم اتجوزتوا... هو مش هيلاحظ غيابك اصلاً... ده واحد غبي مش حاسس بالنعمه اللى معاه.
- لا اياد هيجي وهتشوف.
بدأ يخلع جاكيت البدله.
= هو مش هيجي ولو جه هبقى خت اللى انا عايزه خلاص.
- عااااااا ابعد عني متلمسنيش.
قلع الجزء اللى فوق وقرب من وشي.
= متخافيش هبقى حنين عليكي.
انا بدأت اعيط.
- ابعد عني يا حيوان... متلمسنيش.
لقيته بدا يبوس في رقبتي وانا مش عارفه ابعده عني علشان رابطني... كنت بصوت كتير اوى... فجأه لقيت حد من ورا هيثم شده جامد وبعده عني... كان اياد... وشه كان احمر من العصبيه وعينه كانت سوده انا خوفت منه بس حمدت ربنا انه جه قبل ما يحصل حاجه تبوظلي حياتي... اياد ضرب هيثم كتير اوى لغاية ما اغمى عليه... جه يفكني في صمت.
اول ما فكني انا وقفت وحضنته جامد اوى وهو كمان حضني.
- الحمد لله انك جيت في الوقت المناسب.
= كنت خايف عليكي اوى.
- طب يلا نروح.
امر اياد رجالته انهم ياخدوا هيثم لمكان وروحنا القصر واحنا ساكتين.
اول ما دخلنا القصر مسك ايدي ودخلني الحمام بتاع اوضته.
- في ايه.
مسك فوطه وقعد يمسح رقبتي.
= ا*** ده باسك.
- انا كنت خايفه اوى.
= انا هوريه مين الغول.
- اياد.
= انا هعرفه هو لعب مع مين.
مسكت ايده.
- اياد.
رد عليا وهو بيبصلي ببرائه الأطفال.
= كنت مرعوب عليكي اوى... لما دخلت القصر دورت عليكي في كل مكان ملقتكيش... فتحت الكاميرات علشان اعرف انتي روحتي فين... لقيت حد دخل و رش حاجه على وشك وخطفك... عرفت انه هيثم من الساعه بتاعته وكمان علشان مفيش حد يعرفك غيره... ف بطريقتي عرفت اوصلك... وحشتيني اوى.
حضنته وانا بعيط.
= بتعيطي ليه.
- ممكن تحضني وانت ساكت.
حضني جامد ودفن وشه في رقبتي... بعد دقايق بعدنا عن بعض.
- انت هتعمل فيه ايه.
عينه بدأت تتحول.
= هخليه يتمنى الموت... هخليه يندم على اليوم اللى فكر فيه انه يلمسك... هخليه يندم انه شاف شعرك... هخليه يعرف هو بيلعب مع مين.
انا خوفت من شكله فبدأت ارجع لورا بالراحه.
- طب بعيد بقى كده يا معلم.
= انا مش هعملك حاجه.
- مش مصدقاك.
مسك ايدي وشدني ليه فبقيت بين دراعه.
= انتي الوحيده في الدنيا اللى مش ممكن اعملها حاجه.
- اشمعنى.
= علشان ب.
سكت فجأه.
- انت هنجت ولا ايه زي الإعلان.
= اعلان ايه.
- مش مهم كمل كلامك.
سابني ومشي.
= وقت تاني... انا دلوقتي تعبان... وعايز ارتاح.
كلمت نفسي بعد ما مشي.
- هووف الحمد لله انه لحقني... انا دلوقتي جعانه والجزمه اللى خطفني... خطفني قبل ما افطر... انا هروح اعملي اكل واعمل للأخ اللى دخل يرتاح ده اكيد متغداش انهارده.
قولت جملتي ونزلت المطبخ اعمل الغدا... بعد نص ساعه كان الغدا جاهز حطيته على صينيه وطلعت ل اياد... كان نايم على السرير وباصص على السقف... حطيت الأكل على التربيزه وروحت قعدت جنبه.
- بتتأمل في جمال السقف.
= هاا.
- بتعمل ايه.
= سرحان... بفكر.
- طب شاركني افكارك.
= مش مهم... انتى كنتي جايه عايزه ايه.
- جيبت الغدا.
= مش جعان.
- هو انت اتغديت بره.
= تؤ تؤ انا مكلتش حاجه من الصبح.
شديته.
- طب يلا قوم اتغدى علشان مينفعش كده.
= انتي زنانه اوى.
- ماشي انا زنانه يلا بقى قوم.
قومنا احنا الإتنين من على السرير وقعدنا قدام التربيزه على السوفا اللى في الأوضه... خلصنا اكل وانا نظفت مكانا... ورجعت الأوضه تاني لقيته نام على السرير بس صاحي.
- يودا.
= يابنتي اسمي اياد مش يودا.
ربعت ايدي قدام صدري.
- ماشي يا اياد.
قام قعد وشدني من ايدي... انا وقعت عليه.
= زعلتي ولا ايه.
- مزعلتش.
= طب هاتي بوسه.
اتصدمت من طلبه.
- ا انت من امتى وانت بتطلب الطلبات دي.
= تصدقي صح انا مش بطلب... انا بعمل.
كنت هرد عليه بس هو عمل اللى هو عايزه... انا اتكسفت جداً... قعدت ثواني بقاومه وبعدين سرحت معاه... واستسلمتله... قعد دقايق كده وبعدين بعدنا عن بعض.
- طب والله انت قليل الأدب وسافل سفوله.
= يا بنتي ايه سافل سفوله دي ههههههه.
- هما بيقولوا جامد جموده وانا بقول سافل سفوله.
= مين اللى بيقول.
- خلاص يا اياد.
= طب عايزين نعمل حاجه علشان لو حد فكر انه يخطفك تاني.
- اممممم معرفش فكر.
قعد خمس دقايق يفكر.
= لقيتها.
- قول.
قلع الساعه بتاعته ولبسهالى.
= البسي دي ومتقلعيهاش أبداً.
- اشمعنى.
= بصي دي فيها جي بي اس... فلو اتخطفتي تاني انا هجيبك.
- ماشي.
= طب يلا بقى بره علشان عايز انام.
- انت ممل.
قولت جملتي وخرجت من اوضته روحت اوضتي... قعدت شويه صاحيه بتفرج على التليفزيون لغايه ما نعست... صحيت الصبح لقيت نفسي متغطيه... ايه ده ازاى وانا اصلاً نمت على الكنبه لما كنت بتفرج على التليفزيون... قولت اكيد اياد غطني... قومت اروح اشوفه قبل ما يروح الشركه.
روحتله اوضته ملقتهوش... قولت ممكن يكون مشي.
كنت هخرج بس خبطت في صدره وهو مكنش لابس اي حاجه من فوق.
حطيت ايدي على عيني بسرعه.
- ياعم البس اي حاجه ايه ده.
= حد قالك تدخلي اوضتي.
- انا دخلت اشوفك قبل ما تروح الشركه... وبعدين انت ازاى لغاية دلوقتي مش جاهز.
= ياستي انتشي مالك... شركتي وانا حر اروحها وقت ما انا عايز.
- تصدق صح انا غلطانه.
قولت جملتي وشيلت ايدي من على عيني وخرجت من الأوضه.
- عيل بارد.
سمعت صوته جاي من ورايا.
= بتشتمني يا سما... طااايب.
- ياعم البس حاجه وبعدين ابقى تعالى كلمني.
مشيت من قدام اوضته ودخلت اوضتي... بعد عشر دقايق لقيته دخل وكان لبس بدلته السوده.
- يودا ممكن سؤال.
= ارغي.
- انت ليه كل حياتك سوده ياعم انت... البيت كله اسود... و لبسك اسود.
= انا بحب اللون الأسود.
- ياعم حبه بس مش لدرجة انك تخلي البيت كله اسود ولبسك كله اسود.
اتنهد.
= كلها اسبوعين وترتاحي من السواد ده.
بصيتله اوى وقبل ما اعيط روحت ماشيه من قدامه... خرجت للجنينه بتاعت القصر... قعدت قدام البيسين وكنت بعيط... لقيته جه قعد جنبي... ومسح دموعي.
= بتعيطي ليه... مالك.
- مليش.
= طب عايز اقولك حاجه.
- قول.
= مش هتخليني احط راسي على رجلك.
- تعالى.
حط راسه على رجلي وفرد جسمه على الأرض.
- اتكلم.
= العبي بشعري.
بصيتله شويه وبعدين قعدت العب بشعره.
- سامعاك.
= سما مش انتي صاحبتي.
- ايوه.
= طيب بما انك صاحبتي... فانا عايز اخد رأيك في حاجه.
- ماشي.......