رواية: هرجع... ♡
الجزء السابع♡
الكاتبه: سما طارق♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
لما دخلنا القصر أتفاجأت بمأزون قاعد في الصالون... همست لإياد اللى شايلني على ايده...
- مين هيتجوز يا باشا.
رد عليا ببرود اوى.
= انا وانتى.
بصيت بصدمه.
- انت لحقت تكلم المأزون.
= اسكتي بقى ويلا علشان اخلص.
سكت واتجوزته وانا في صدمتي... متوقعتش خالص اني اتجوز قبل ما ارجع لأهلي او حتى قبل ما احقق حلمي.
طلعني اوضتي وخرج لقيت في الأوضه اوضه لبس... دخلت لقيت لبس كتير جداً... غيرت هدومي ببيجامه لونها ازرق درجة السما وعليها بنطلون ابيض ورفعت شعري ديل حصان وفردت جسمي على السرير علشان ضهري كان خلاص مات... بعد دقايق دخل عليا فجأه.
- في حاجه اسمها باب.
= بس يابت... اياد الكيلاني مش بيخبط على حد.
- ده ايه الغرور ده يا اخي.
= اخلصي يلا انزلي علشان طلبت اكل.
حاولت اقوم بس ضهري وجعني جداً.
- مش عايزه اكل.
قرب مني بس انا وقفته.
- استنى... هتعمل ايه.
مردش عليا وشالني على ايده ونزل بيا لتحت وقعدني على الكرسي وهو قعد على الكرسي اللى قدامي.
انا قعدت اكل بس الفضول كان هيموتني.
- استاذ اياد.
رد عليا من غير ما يبصلي حتى... كان بياكل.
= ارغي.
- انت كنت هتخطف البنت اللى اسمها ملاك دي ليه.
رد عليا ببرود.
= ملكيش دعوه.
- والنبي قولي... انا حكيتلك عني... احكيلي عنك.
= قووولت ملكيييش دعوههه.
الراجل ده وراه لغز غريب... وانا لازم اعرفه قبل ما الشهر ده يخلص... وانا اعرفه ليه... هو شهر وهسيبه اصلاً... مش لازم خليني في نفسي.
= ايوه بالظبط خليكي في نفسك.
- انت بتقرأ الأفكار ولا ايه.
اتجاهلني وقام من مكانه وهو بيلبس جاكيت البدله اللى كان معلقه على الكرسي بتاعه.
= بكره هيكون عندك ممرضه علشان الجروح اللى في ضهرك هتيجي تدهنلك وهتمشي.
- انت رايح فين.
= قولنا بقى خليكي في حالك.
عدى اسبوع وهو بيعاملني بقسوه وبرود واوقات اليوم ممكن يعدي وانا مشوفهوش... انا كنت مدايقه من المعامله دي بس قولت لنفسي انا كده كده بقالى خمس سنين عايشه لوحدي... بس احساس رخم ان يبقى في حد معايا في البيت بس متجاهلني حتى لو كان مين... الممرضه كانت بتيجي كل يوم لغايه ما الجروح خفت فمبقتش بتيجي... انا روحت لأوضته اول مره من وقت ما جيت القصر ده.
لقيت الأوضه سوده اوى وهو مكنش موجود بس كنت سامعه صوت ميه فقولت اكيد بيستحمى خرجت قعدت في الصالون عقبال ما يخلص ويلبس.
خلص ولبس هدومه ونزل.
- اياد.
= عايزه ايه.
- ممكن سؤال.
قعد قدامي وحط رجل على رجل.
= ارغي.
- فين اهلك... من وقت ما جيت هنا انا مشوفتش حد في القصر ده غيرك.
= اهلي متوفيين... اي اسئله تاني.
- ربنا يرحمهم يارب.
قام من قدامي.
= انا همشي.
وقفته بسرعه قبل ما يمشي.
- انت غامض اوى.
= سمااا احسنلك تخليكيي في حاللك ومتدخليش في حياتي.
قال جملته بشويه عصبيه... انا رديت عليه بعصبيه وصوت عالى.
- انننت مقعدني معااك هنا لشهر كامل... ومش بتكلمني وبتتجاهلني تماماً... انا اه كده كده بقالي خمس سنين عايشه لوحدي ومش بكلم حد غير قليل... لكككن ان يبقى في حد معايا في البيت ومش بيكلمني ده احساس رخخخم.
رد عليا وهو بيشد شعري بعصبيه.
= صوووتتتتتك ميعلااااش يا سمااا.
- اااااااه ماشي ماشي خلاص سيبني.
رماني على الأرض وخرج من البيت... انا قعدت اعيط بسبب معاملته ليا... وبعدين طلعت اخد شاور ولما طلعت حبيت البس حاجه جديده... لبست دريس طوله واصل لركبتي ولبست كعب طويل شويه ورفعت شعري على شكل ديل حصان... بصيت لنفسي في المرايه حبيت شكلي اوى قولت اقعد بيه شويه كده كده اياد خرج واكيد مش هيجي دلوقتي.
نزلت للصالون اتصدمت ب اياد داخل القصر حاولت اجري واطلع لفوق بس الكعب منعني اني امشي بسرعه لغايه ما سمعت صوته.
- اقفي عندك.
وقفت وبصيت ليه كنت خايفه منه ومكسوفه اوى... هو قرب مني وهو بيبص على اللى انا لابساه.
- ف ف في ايه ي يا استاذ اياد.
= ايه اللى انتي لابساه ده.
- ااا وحش.
خوفت اوى لما لقيته بيقرب اكتر وانا برجع لورا.
- ا ا استاذ اياد لو س سمحت خليك بعيد.
= مش لازم تقوليلي استاذ علفكره... اسمي اياد.
- ط طب يا اياد ابعد عنى... انت بتقرب ليه.
= مش انا زوجك.
- ا ايوه تقريباً... يعني ع........
قاطع كلامي احم لقيته باسني... قاومته كتير بس هو مكنش بيبعد... كنت بضربه بس مسك ايدي... وبعد ثواني انا مقدرتش اتنفس فبعد عني.
- ا ا انت قليل الأدب وسافل سفوله.
رد عليا وهو بيضحك.
= سافل سفوله هههههههه.
بصيتله بصدمه وبإعجاب بضحكته.
- انت بتضحك... ضحتك حلوه اوى.
= هههه ايه اللى خلاكي تلبسي اللبس ده.
- احم كنت عايزه اجرب لبس جديد... لقيت ده فلبسته.
شدني من جنبي وقربني ليه اكتر.
= بس طلعتي حلوه.
- اب ابعد عني.
= ولو مبعدش.
-ه هعضك.
قولت جملتي وبعد كده عضيته في كتفه جامد لغايه ما سابني... روحت ماسكه الكعب بإيدي وطلعت اوضتي بسرعه وقفلت عليا... لقيته ثواني وطلعلي وبيخبط على الباب جامد لدرجة اني كنت حاسه ان الباب هيتكسر.
= افتتحيييي يااا سممما شكل الجلللد وحشك.
- خلاص والله اسفه.
وقعت خبط على الباب.
= طب افتحي متخافيش مش هعملك حاجه.
- عايز تدخل ليه.
= ما تفتحيي يابت.
فتحت الباب بسرعه و...........