رواية: هرجع... ♡
الجزء العشرين♡
الكاتبه: سما طارق♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
صحيت الصبح لقيته نايم بعمق.
- يودا... حبيبي... يا دودو... يابني... يا اياااد.
حاولت اصحيه كتير بس هو مكنش بيرد خالص... نزلت اسمع دقات قلبه لقيت قلبه بيدق عادي.
قعدت اهزه بس هو بردو مش راضي يرد عليا.
- اياااد والنبي اصحى بقى... يا حبيبي اصحى بقى بطل هزار بجد هزعل منك.
كنت قاعده بعيط وانا بهزه.
- ايااااااد اصحىىىى.
كنت بصرخ بصوت عالى.
نمت على صدره وقعدت اعيط لغاية ما حسيت انه بيصحى.
- اياد حبيبي.
= مالك يا حبيبتي... بتعيطي كده ليه.
حضنته جامد اوى وانا بعيط.
- انا بقالي ساعه بصحي فيك وانت مش بتصحى خالص.
= ششششش اهدي يا حبيبتي.
- انت مكنتش بترد عليا ليه.
= دي حاله بتجيلي كل فتره ابقى نايم ومش حاسس بأي حاجه حوليا.
- يعني ايه.
= معرفش بس انا لاحظت كده من فتره طويله.
كان بيقول جملته وهو بيمسح دموعي.
- انا قلبي كان هيقف بجد... روح شوف دكتور طيب.
باس جبهتي.
= حاضر يا قلبي لما نرجع مصر هبقى اتابع مع دكتور.
فقعدت افكر لو كان حصله حاجه انا كنت هعيش ازاى... مسحت كل الأفكار دي من دماغي وحضنته جامد وانا بعيط.
= والله هتابع مع دكتور... اهدي بقى.
- انا كنت هموت من الخوف عليك... قلبك كان بيدق عادي بس انت مش بترد عليا.
= خلاص بقى يا سوسو والله هشوف دكتور... وبعدين في حد يصحي زوجه قرة عينه على عياط.
مسحت دموعي بضهر ايدي.
- اترعبت عليك.
حضني وهو بيلمس على شعري.
= شششش... بحبك يا قلبي.
حضنته جامد.
- وانا كمان بحبك جداً.
بعد دقايق.
= يلا نقوم نجهز الشنط سوا وبعدين ننزل نفطر.
- تمام يلا بينا.
جهزنا الشنط وبعدين نزلنا نفطر وروحنا على المطار المخصص ل اياد الكيلاني.
قعدنا جنب بعض في الطياره.
- باي باي لندن اشوفك مره تانيه.
كنت بتكلم وانا بعمل باي باي من الشباك (اكيد فاهمين يعني ايه بعمل باي باي مش لازم اوضح علشان مش عارفه 😂😂).
= بتكلمي نفسك.
- بودع لندن.
= هههههه هبله.
- طب بقولك ايه يا عسل يا سكر يا قرة عيني يا......
= اخلصي.
- مش عايزه تكون دي آخر مره نيجي فيها لندن.
مسك ايدي وباسها.
= يا حبيبي انا هلففك العالم كله... وهوديكي اي مكان انتي عايزه تروحيه... هو انا عندي كام سما.
- هي واحده ومش هيبقى في غيرها.
= بحبك.
- وانا كمان بحبك اووووووووى.
بعد دقايق.
- يودا ممكن طلب.
= اممم.
- اممم يعني اطلب ولا لا.
= يعني انا لو قولتلك لا مش هتطلبي.
- لا هطلب عادي.
= طب اخلصي عايزه ايه.
- عايزاك تغني.
= لا.
- بلييييز.
= لا يا سما.
مسكت ايده بترجي.
- بليز يا اياد... صوتك وحشني اوى وانت بتغني.
= طب عايزه تسمعي ايه.
- بعمري شاريك.
= ماشي يا ستي... بعمري شاريك.. وعيني عليك.. بعيش علشان بموت في عنيك.. وفيك حيران ومشغول بيك.. وعلى بااالى.
كان بيغني بصوت جميل جداً وانا بحب اسمع صوته اوى... وكان بيحرك جسمه على الأغنيه اللى بيغنيها.
- معاك الشوق اخدني لفوق.. وكنت بضيع لاقيتني بفوق.. رجع وياك زماني يروق.. ويحلااالي.
اندمجت معاه وغنيت معاه.
= مشوفتش قبله ف الدنيا.. ولا يمكن هشوف بعديه.. مفيش غيره مالي عنيا.. ولا بغيره حلمت انا بي.
- يا ليلي حقيقي انا خايف.. يطول بيننا الحنين والشوق.. لامتى بجد مش عارف.. هبات عاشق نسيه المعشوق.
= وكنت غريب.
- لقيت لي حبيب.
= لروحي دوا ولقلبي طبيب.
- ونفسي معاه يكون لي نصيب.
= وحضن وبيييت.
غنى المقطع ده وضمني لحضنه.
- وليه انا بيك حلمت كتير.
=وليه انا ليك لقيتني اسير.
- مفيس اسباب ولا تفسير.
= غير اني هوييت.
- بحبك والله.
باس راسي.
= كل يوم وكل ساعه وكل ثانيه هفضل اقولك اني بعشقك.
- بس بقى بتكسف الااه.
= بعد الااه دي متتكلميش معايا تاني.
- طب اهو الااه الااه الااه.
كنت بتكلم في ودانه.
= بس يابنت المجنونه.
قعدنا نهزر لغاية ما وصلنا مصر.
وانا ببص على الشباك.
- مصر جميله اوى من فوق.
= ايوه فعلاً.
بعد دقايق نزلت الطياره واحنا نزلنا منها روحنا على القصر.
غيرنا هدومنا وقعدنا في الأوضه بنجهز للنوم.
نمت على السرير بتعب... وهو جه نام جنبي.
- يودا.
قولت جملتي ونمت على صدره.
= نعم يا قلب يودا.
- انا عايزه بيبي... ما تحجزلنا واحد من كارفور.
= ههههههه حاصر هروح بكره احجز واحد هههههههههه.
بعد دقايق وانا مش عارفه انام.
- عاااايزه اناااام.
= اتخمدي.
- ياعم مش عارفه... هموت وانام بس مش عارفه.
= طب وانا اعملك ايه.
- اتصرف مليش دعوه.
قولت جملتي وانا بقوم اربع على السرير.
هو قام ربع قدامي.
بعد دقايق من الصمت سمعنا صوت الباب.
- مين جاي في وقت زي ده.
= معرفش انا رايح اشوف خليكي هنا اوعي تتحركي.
- ماشي.
هو نزل يشوف مين جه وانا قعدت على السرير عندي فضول اعرف مين جه... بس مش هضحي وانزل اشوف ده مجنون وممكن يعمل فيا حاجه.
قعدت ساعه تقريباً لوحدي وهو مدخلش.
- هو طفش ولا ايه... راح فين ده.
= مطفشتش يا قلبي متخافيش.
روحت وقفت قدامه.
- مين جه هاا... وليه اتأخرت كده... وايه سبب الإبتسامة اللى على وشك... وايه سبب الحزن اللى انت مخبيه... مين جه ياعم انت... ما تنطق بقى... مين بره... بنت مزه طيب... هاا هاا هاا رد يابني.
= بسسسسسسس... ارد ايه هو انتي سايبالي فرصه اتكلم... ايه بالعه راديو.
- هيء بتزعقلي يا يودا اخس عليك هيء هيء.
مسكتي من ايدي واتجه للسرير.
= تعالي يا حبيبتي هقولك مين جه.
قعدنا على السرير.
- قول.
= في ضيوف جت هتقعد معانا فتره... وفي الفتره دي انا مش عايزك تخرجي من الأوضه وهجيب داده تخدمك... يعني تطلعلك الأكل.. لو احتاجتي حاجه تجيبهالك كده.
- يعني هتحبس.
= معلش يا حبيبتي استحملي الفتره دي.
- بس انا مش عايزه اتحبس... ايه المشكله لما اخرج من الأوضه.
= انا قولتلك يا سما مفيش خروج من الأوضه ياريت تسمعي الكلام.
انا بدأت اعيط.
- مش عايزه اتحبس في الأوضه... مش بحب الحبسه انا.
= فتره صغيره اوى... هحل شوية مشاكل مع الناس دي... وبعدين تخرجي وهيبقى في بنت عسل هتسليكي.
- جايبلي دره يا اياد... وكمان بتقول عليها عسل قدامي.
قولت جملتي وبعدين حضنته.
= ايه اللى جاب كلامك للحضن... كلامك بيقول انك تضربيني وانتي حضنتيني... يعني العكس تماماً.
- طب ما انت لما بتحس انك متعصب وخلاص هتضربني بتحضني علشان تمنع نفسك من ضربي.
= يعني ده تقليد.
- تؤ تؤ... انا كنت بهزر اصلاً علشان انا واثقه فيك وانت عمرك ما هتتجوز عليا او تخوني... وبالنسبه للحضن انا متلجه بس.
= والله بت مجنونه... وكمان يا مصلحنجيه حضناني علشان تدفي.
- لو عندك مانع ابعد عادي.
كنت هبعد بس هو رجعني تاني في حضنه.
= وهو دخول الحمام زي خروجه.
- مش هتقولي بقى مين اللى في بيتي وانا معرفوش.
= لا مش هقولك... ضيوف وخلاص.
نمنا احنا الإتنين.
صحيت الصبح ملقتهوش جنبي فأدايقت اني مشوفتوش قبل ما يروح الشركه... بصيت على اوضه اللبس لقيته خارج منها.
جريت عليه وحضنته.
= حبيبي صحي أخيراً.
- كنت هبقى زعلانه لو انت مشيت من غير ما اشوفك.
= وهو انا اقدر امشي من غير ما اخد حضن من حبيبي الصغنن.
- يعني انت كنت مستنيني اصحى.
= ايوه قولت اتأخر شويه عادي مش مشكله.
- انا عيله اوى في الموضوع ده... لازم اشوفك قبل ما تروح الشركه... ولو مشوفتكش هقعد اعيط والله.
= بعشق طفله والله.
بعدت عنه وهو باسني بوسه خفيفه وبعدين راح قدام المرايه علشان يسرح شعره المبلول اللى كان شكله كيوت اوى وهو نازل على وشه.
بعد دقايق راح الشركه وقفل عليا بالمفتاح وبعد شويه لقيت داده دخلتلي الفطار... بعد ساعات طويله سمعت صوت صويت بره الأوضه والداده كانت قافله عليا بالمفتاح زي ما اياد امرها كنت خايفه اوى يكون حصل حاجه لحد... لقيت اياد بعد شويه دخل عليا الأوضه وحضنته وانا بعيط.
- كان في صوت صويت بره... وانا كنت خايفه حد يكون حصله حاجه.
= كانوا بيصوتوا على صرصار متاخديش في بالك.
- احنا عندنا ضيوف جبانه... كل الصويت ده علشان صرصار.
بعد عني شويه وبصلي بإستغراب.
= انتي مش بتخافي من الصراصير.
- تؤ تؤ انا بقرف منهم بس مش بخاف... قلبي قلب اسد يابا.
= وحشتيني يا مجنونه.
- وانت كمان وحشتني... اتأخرت ليه.
= كان في شغل كتير انهارده علشان اليومين اللى قعدتهم في لندن.
- ربنا معاك يا حبيبي.
شالني على ايده وقفل الباب برجله.
= احكيلي بقى يومك كان ماشي ازاى.
- كان عباره عن تليفون وتلفزيون واكل.
= بس.
- بس... كان ممل اوي.
= كلها يومين تخرجي بره الأوضه يا قلبي.
- انا نفسي اعرف بس مين اللى بره.
= قولنا بقى ضيوف وخلاص.
بعد ساعات كان هو غير هدومه... هو نزل يشوف الضيوف وانا دخلت الحمام لما خرجت لقيته قاعد على السوفا سرحان... قعدت جنبه.
- سرحان في ايه.
نام على السوفا وحط راسه على رجلي... انا فهمت كده ان في حاجه مدايقاه وعايز يفضفض... قعدت العب بشعره.
- اتكلم يا حبيبي.
= انا تعبت يا سما اوى... اياد الكيلاني بيقول تعبت.
- تعبت من ايه.
=ت.............