رواية: هرجع... ♡
الجزء الثالث وعشرين♡
الكاتبه: سما طارق♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
لقيتها اترمت في حضني وبتعيط.
- في ايه يابنتي... مين مزعل قمري.
❀ انا عايزه ارجع مدرستي.
- ليه يا حبيبتي... ايه اللى حصل بس احكيلي.
بعدت عني وهى بتعيط.
❀ مفيش حد عرفت اتصاحب عليه.
- انتى عايزه تتصاحبي على حد من اول يوم كده.
❀ ايوه.
في اللحظه دي دخل اياد.
= هو في ايه... بتعيطي ليه ي رينووو.
❀ مش عارفه اتصاحب على حد.
= من اول يوم كده.
- قولتلها نفس الجمله والله.
❀ طيب هو ليه محدش اتقبلني لسه.
مسحت دموعها بإيدي.
- يا حبيبتي هما لسه متعودوش عليكي... لكن بعد فتره قصيره هتتصاحبي على بنات كتير اوى.
❀ يعني انا مش وحشه.
= وحشه!!.
- يابنتي في قمر زيك يقول على نفسه وحش.
= متقوليش كده تاني يا رينووو.
- ده انتي نسخه من اياد... واياد مز اهو يبقى انتي اكيد مزه اكتر منه.
= انا بتعاكس بطريقه غير مباشره هههههههه.
❀ حصل هههههههه.
- ايوه كده اضحكي.
حضنتها.
= انا لما شوفتها بتعيط قولت في نفسي هرفض مين انهارده.
- بصي الراجل الشرير... هيقطع عيش الناس علشان حضرتك بتعيطي.
ضحكت ضحكه خفيفه.
شدها اياد وشالها على كتفه.
= اخت اياد الكيلاني مينفعش تعيط خالص... مفهووم.
عملت التحيه العسكريه.
❀ مفهووم يسطا.
= بتقعدي مع سما كتير الفتره دي صح.
❀ مش بقعد مع حد غيرها اصلاً ههههههههه.
= عارفه لو شوفتك بتعيطي تاني... هموتك من الضحك.
قال جملته وقعد يزغزغها.
❀ عاا ههههههههه خ ههههههه خلاص ههههههه.
وقف زغزغه... هي بصيتله شويه وبعدين حضنته وباست خده.
❀ والله احلى اخ في الدنيا.
حضنها جامد.
= حبيبي.
- انت ياعم انت وهى... مش علشان تعبانه تقعدوا تحضنوا وتبوسوا في بعض... وبعدين من امتى احلى اخ... مش كان شرير من كام يوم.
اياد بص لريناد.
= بدأت تغير.
❀ ايوه هههههه.
اياد فضل شايلها ونزل باس خدي.
قعدنا نضحك شويه وبعدين اياد نزل هو وريناد حضوا الغدا واتغدينا.
عدت الأيام والشهور... انا بقيت كويسه وريناد اتصاحبت على بنات كتير واياد شركته كبرت اكتر... انا واياد وريناد بقينا عيله صغيره جميله... اياد وريناد بقوا اهم حاجه في حياتي... انا خلصت امتحانات وريناد خلصت امتحانات وقعدنا في البيت.
- زهقااانه.
❀ وانا كمان.
- هي الساعه كام.
❀ الساعه سته إلا عشر دقايق.
- عشر دقايق واياد يجي... نزن عليه بقى علشان يخرجنا.
❀ نامي يا سما... مستحيل يوافق.
- يابنتي اتفائلي شويه... ان شاء الله هيوافق.
❀ احلمي احلمي.
بعد عشر دقايق دخل اياد.
جريت عليه وحضنته وهو شالني.
- حبيبي اللى هيخرجني جه.
= مصلحنجيه نمبر وان.
- زهقانه اوى.
❀ وانا كمان زهقانه اوى يا يودا.
= مفيش خروج دلوقتي خالص.
بعدت عنه.
- رخم.
❀ قولتلك مش هيوافق.
رجعنا قعدنا على السوفا وسيبناه واقف.
= ناس مصلحنجيه والله.
بعد ساعات كانت الساعه جت 11 سمعنا صوت الباب بيخبط.
طلعت انا وريناد وقفنا على السلم واياد فتح الباب لقاه محمد اخويا.
= ايه اللى جابك دلوقتي.
$ ايه الإستقبال ده... كان عندي درس متأخر قريب من هنا فقولت اعدي اطمن على اختي.
= مش متجوزه ابليس هي... متخافش.
انا وريناد نزلنا.
- ازيك يا محمد.
$ متمرمط في الثانويه ي ختى والله.
- دي سنه جميله خااالص هههههههه.
$ انتي هتقوليلي... فين مستر احمد يجي يقولنا ده سهل خاااالص.
- هههههههههه انت لسه فاكره ههههه.
$ وهو الشخص السكره ده يتنسي بردو ههههههه.
= بس هي سنه جميله متعقدش البت اللى هتبقى ثانويه السنه الجايه.
❀ اه ياريت... عندك كلمه حلوه تقولها قول لكن هتعقدني منها لا اخرس.
$ انتى خلصتي امتحانات.
❀ ايوه خلصت أخيراً.
فجأه لقيت اياد بيتسحب وبيشدني وبيجري للأوضه بتاعتنا.
لما دخلنا.
- في ايه يا بني.
شدني من وسطي.
= أخيراً حد جه يشغل ريناد عننا شويه.
- ابعد عني يا قليل الحيا... انا اصلاً مش بكلمك.
= قموصه يعني.
- عايزه اخرج يا يودا... عايزه اشم هوا.
= بكره يا قموصه هنسافر.
- وااات.
= مش عايزه تخرجي... بكره هنسافر انا وانتي وريناد.
- هنروح فين.
= ملكيش دعوه... مكان هيعجبك وخلاص.
- طب تصدق اني بحبك بقى يا قليل الحيا انت.
= هههههه وانا بعشقك.
قعدنا شويه مع بعض لغايه ما سمعنا صوت ضحك عالى... نزلنا تحت لقينا محمد وريناد في حمام السباحه وبيلعبوا مع بعض.
= ايه اللى بيحصل هنا ده.
- اااه يا جزم... بتنزلوا البيسين من غيري.
❀ هو اللى زقني.
$ واطيه يا رينووو.
❀ انت مش شايف اياد بيبصلنا ازاى.
اياد كان باصصلهم بغضب وغيره على اخته.
$ اول مره اشوف حد بيغير على اخته.
- انت الوحيد اللى متتكلمش على غيرة الأخوات... واحنا صغيرين لما كنت بعاكس واحد من صورته كنت تقعد تضربني.
اياد مسكني من التيشيرت.
= نعم ياروووححممممك.
- ايه اللى انا هببته ده.
$ انا بقول نقرأ الفاتحه على روحك هههههههه.
❀ ريلاكس يودا... كانت صغيره ههههههه.
- انتوا بتضحكوا وهو هيموتني.
سابني بغيظ.
= حسابك معايا بعدين... يلا اخرجوا من البيسين انت وهي.
$ طب فوط طيب.
❀ ايوه هيجيلنا برد.
انا روحت جبت ليهم فوط وهما طلعوا... راحت ريناد تغير هدومها وانا جبت لمحمد بيجامه من عند اياد.
خرجت ريناد من اوضتها الأول وبعدين محمد.
- ههههههههه شكلك مسخره ههههههه.
كان بيبص على نفسه.
$ لازم تتجوزي واحد طويل يعني.
❀ هههههه جلبية العيد هتاكل منك حته ههههههههههه.
دخل اياد من الجنينه كان بيتكلم في التليفون.
= انا اتصلت ب....... انت لابس البيجامه بتاعتي.
$ اومال بتاعت سما.
رمى عليه مخده.
= قولت ميت مره متنطقش اسمها يا حيوان.
$ ماشي يا عم خلاص.
= انا اتصلت بحمايا وقولتله انك هتبات عندنا انهارده وهتسافر معانا بكره وهو قالي ماشي.
$ وامتحاناتي.
= ياعم ترفه على نفسك قبل زنقه الكلاب اللى هتتزنقها.
$ انت صح.
قال جملته بمرح.
❀ استنى بس انت قولت هيسافر معانا... يعني احنا هنسافر.
= ايوه هنسافر.
جريت ريناد عليه وحضنته.
❀ حبيبي ي خويا والله.
بصيتلهم بغيظ.
- والله لأروح احضن اخويا... اشمعنى انتوا.
روحت فعلاً وحضنت محمد.
$ هيموتنا احنا الاتنين بس تمام.
- طب ما هو بيحضن اخته ومتكلمتش.
اياد بعد عن ريناد وشدني ليه... خبطت في صدره.
- يا نهار طيين.
= حسابك تقل علفكره.
- احم... ده انا مراتك حبيبتك.
= حبيبتي ايوه.. حبيبتي... غوري يا سما من وشي.
كان بيقول جملته بسخريه وغيظ.
انا جريت على اوضتشي حبيبتشي اللى بتحميني من هذا الوحش 😂😂.
بعد دقايق لقيته دخل الأوضه فعملت نفسي نايمه بسرعه... جه قعد على السرير وكنت حاسه انه بيبصلي... دقيقتين وباس راسي وقام من جنبي راح نام مكانه النحيه التانيه... نمنا احنا الاتنين.
صحيت الصبح مفزوعه على صوت ريناد.
❀ سما الحقي اياد بيحضن بنت تحت.