رواية: هرجع... ♡
الجزء الرابع وعشرين ♡
الكاتبه: سما طارق ♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
صحيت الصبح مفزوعه على صوت ريناد.
❀ سما الحقي اياد بيحضن بنت تحت.
قومت من على السرير بسرعه.
- نعم ياروح مامي... بيحضن بنت.
جريت بسرعه على تحت لقيت اياد واقف في الصالون بس مفيش حد معاه.
- فين البنت دي.
= مقلب يا عمري.(المز بتاعي محترم وعمره ما يخون مراته يا قمرات 🙃)
- ا ا تصدق انكم رخمين.
= علشان تبقي تمثلي عليا كويس.
- قص قصدك ايه.
= انتي فاكره اني دخلت عليا امبارح انك نايمه.
- احم... خلاص بقى قلبك ابيض.
= هي فين الثقه معلش... البت تقولك اياد بيحضن بنت تصدقي كده علطول.
- م م هو ده اللى حصل بقى.
= طب روحي حضري الفطار.
روحت حضنته.
- يومي مينفعش يبدأ من غير حضن كل يوم.
باس راسي.
= حبيبي.
$ محنو... في سناجل هنا حرام عليكم بقى.
كان ده صوت محمد جاي من ورايا.
❀ جابولي جفاف عاطفي يابني والله.
= انتوا عايزين ايه.
$ الحاجات دي تتعمل في الأوضه مش قدام السناجل الغلابه اللى زينا.
دخلت المطبخ انا وريناد نحضر الفطار وبعدين فطرنا مع بعض ولما خلصنا طلعت اجهز الشنط ومحمد راح البيت يجهز شنطتو وريناد كانت بتجهز شنطتها تحت في اوضتها.
كنت واقفه بفكر ناقص ايه لقيت اياد بيحضني من ضهري.
= حبيبي بيفكر في ايه.
- بحاول افتكر ناقص ايه... بس خلاص مفيش حاجه ناقصه كله تمام.
= طب عايز اخد رأيك في حاجه.
- قول.
= عيد ميلاد ريناد بعد اسبوع... فايه رأيك نحتفل بيه في الكام يوم اللى هنسافر فيهم.
- فكره حلوه اوى.
= اشطا.
- انا كل ما افتكر اليوم اللى انت جلدني فيه اقول ازاى الغول اللى جلدني من شهور بقى اطيب حد في الدنيا.
= والله كنت مضغوط جامد اليوم ده... وكمان انا مازلت الغول... بس في الشغل مش في البيت.
- في البيت انت يودا حبيبي.
باس رقبتي.
= بعشقك يا سمايا.
- وانا بموت فيك.
سمعنا صوت الباب بيخبط... كانت ريناد.
❀ سما ممكن تيجي تساعديني.
- حاضر ثواني.
مشيت ريناد من قدام باب الاوضه.
- اختك عايزاني.
= طب ما انا كمان عايزك.
قال جملته وباس رقبتي.
قعدت معاه دقايق وبعدين نزلت اساعد ريناد... بعد ساعات كنا كلنا في الطياره المخصصة ل اياد الكيلاني... انا كنت قاعده جنب اياد ومحمد وريناد قدام بعض.
كنت حاطه راسي على كتف اياد وهى ماسك ايدي.
$ سوسو.
- نعم.
$ بقولك انتى عملتي ايه في امتحان ال*** بما انك كنتي السنه اللى فاتت في ثانويه.
- يابني هو انا فاكره كلت ايه امبارح... وبعدين انت لسه مصمم على هندسه.
$ ايوه.
- ماشي ي عم... ربنا معاك.
❀ هو انتى جبتي كام في ثانوية.
- انا يا ستي جبت 99 ونص.
❀ عقبالي يارب.
$ وعقبالي انا كمان... والله تعبت في السنه دي.
❀ وانت يا يودا جبت كام.
= انا جبت 99 وحاجه من عشره... مش فاكر اوى.
بعد شويه وصلنا لجزيره في وسط الميه... كان شكلها حلو اوى من فوق وكان في مدينة العاب مائيه... لما نزلنا من الطياره انبهارنا زاد.
- واااااو.
❀ الجزيره دي جميله اوى.
$ والملاهي اللى في الميه دي شكلها حلو.
= الجزيره دي بتاعتنا أحنا الأربعه... انا كاتبها بأسمنا.
- ❀ $ بتهزر.
= هههه لا مش بهزر... الجزيره دي فعلاً بتاعتنا أحنا الأربعه.
$ طب دي مراتك ودي اختك وتكتبلهم ماشي لكن انا ليه.
= علشان انا بعتبرك اخويا... لو مش عايز براحتك.
$ لا ياعم... ده انت اخويا يسطا.
= طيب انتشروا... كل واحد فيكم هيلاقي كوخ مكتوب عليه اسمه... اجهزوا وهنتقابل هنا.
مشيت ريناد ومحمد راحوا يدوروا على الكوخ بتاع كل واحد فيهم.. اياد سحبني ودخلني كوخ كبير وجميل اوى.
= ايه رأيك.
- جميل اوى بجد... ايه الحلاوه دي.
سحبني ودخلني الأوضه.
- واااااو... دي صورتنا.
كان فيه برواز كبير اوى فوق السرير فيه صوره ليا انا واياد.
= كنت قاعد بفكر احط ايه فوق السرير ملقتش احلى من الصوره دي.
حضنته جامد وهو شالني.
- بحبك اووووى.
عدى اليوم لعبنا كتير اوى ومكنش في حد في الجزيره غيرنا فكنا براحتنا... رجعت بليل وانا تعبانه اوى... رميت نفسي على السرير بتعب.
- اااااه يا رجلي.
= تصدقي فرحان فيكي.
- ليه يابني... انا عملتلك ايه علشان تفرح فيا.
= علشان قولتلك تهدي شويه... لكن انتي أبداً لازم تلعبي كل الألعاب.
- اهو اللى حصل بقى.
= طب يلا نامي علشان بكره يومنا طويل.
- ماشي.
نمنا واليوم اللى بعده روحنا في رحله نكتشف الجزيره ورجعنا بليل نمنا قعدنا يومين في الجزيره دي واحتفلنا بعيد ميلاد ريناد وكان جميل اوى وبعدين رجعنا القصر.
بعد اسبوع انا اغمى عليا واياد جاب الدكتوره ولما فوقت.
- هو حصل ايه.
♝ مبروك يا قمر.
- على ايه.
♝ انتي حامل.
- بتهزري.
♝ ههههه لا مش بهزر انتي بجد حامل.
- حامل فين.
♝ انا اعرف الناس بتقول حامل ازاى حامل من مين... لكن حامل فين دي جديده عليا.
- استني بس استوعب... يعني دلوقتي انا حامل... يعني هيبقى في طفل في حياتي بعد تسع شهور.
♝ ايوه... مالك في ايه هههههههه.
- هيبقى عندي بيبي صغير.
♝ انا هناديلك استاد اياد علشان شكلك هتجنني امي.
- متقوليش اني حامل قدام اياد.
♝ ماشي.
خرجت الدكتوره وانا لسه في صدمتي... حامل... هبقى ام بعد تسع شهور... يلاهوي ده انا هبقى اتفه ام على المجره... هبقى ام ازاى وانا اصلاً معرفش مسؤوليات الأم... انا عمري ما خت حاجه من امي وانا صغيره غير المذاكره... ازاي هبقى ام... ازاي.
الموضوع كان بالنسبه ليا في الأول صدمه وبعدين انا زعلت علشان هظلم البيبي اللى جاي... علشان انا اصلاً معرفش اي حاجه عن الأمومه... هربت من اهلي وانا صغيره وامي كانت بتعاملني بطريقه مش حلوه اوى وكل همها كان علشان الدراسه.
بعد دقايق صغيره دخل اياد بسرعه وقعد قدامي.
= مالك يا حبيبتي... الدكتوره خارجه بتضحك وبتقولي ادخل لمراتك المجنونه... حتى الدكتوره مش سايباها في حالها.
- انا حامل.
قولت جملتي وانا سرحانه.
= مين ايه.
- انا حااامل.
مازلت سرحانه.
= مش وقت هزار يا سما... اخلصي قوليلي الدكتوره قالتلك ايه.
- والله الدكتوره قالتلي انتي حامل.
اتصدم.
= حامل... يعني انا هبقى اب.
- اومال ام... المشكله دلوقتي انا ازاى هبقى ام.
= هتبقى اجن ام في الدنيا هههههههه.
- قصدك هبقى افشل ام في الدنيا.
= وضحي قصدك.
- ازاى هبقى ام كويسه وانا معرفش حاجه عن الأمومه... اللى كان المفروض اتعلم منها كان كل همها اني اذاكر... مكنتش بتعدي ساعه من غير كلمة قومي ذاكري... والموضوع ده كان مدايقني وهربت... هانا معرفش اي حاجه عن الأمومه.
= سما... علفكره انتي هتبقي احسن واحن ام في الدنيا.
دفنت وشي بين ايدي.
- ازاي... ازااااي.
حط ايده على كتفي.
= يا حبيبتي انتي من التجربه اللى عيشتيها مع مامتك اكيد قعدتي تقولي انا عمري ما هعامل بنتي او ابني كده والكلام ده صح.
- ايوه.
= انتي هتبقي احسن ام والله... اسمعي مني.
بصيتله بدموع.
- خايفه اظلم الطفل اللى هيجي... ومعرفش اربيه او اعرفه الصح من الغلط.
حضني.
= مش هتظلمي حد يا قلبي... وهتعرفيه الصح من الغلط... وكمان انا معاكي ولا مش واثقه فيا.
قال جملته وبعدين بعد عني وبصلي.
انا بصيتله شويه وبعدين حضنته جامد.
- انا بحبك اوى.
= متعيطيش تاني يا جزمه... ومتفكريش كده تاني.
- حاضر.
= دلوقتي انتي لازم تاخدي بالك من اكلك... تنسي خالص بقى اكل الفيران بتاعك ده.
- لا كله إلا الأكل انا أكل برا........
= اخرسي... انا المسئول عن اكلك فترة الحمل.
- لا انا مش موافقه... انت هتقعد تحشي فيا على الفاضي والمليان.
= ملكيش دعوه.
دخلت ريناد.
❀ مبرووووووك... انا عايزه بنت.
بعدت عن اياد.
- مين قالك.
جت قعدت جنبي.
❀ عيب عليكي ده انا ريناد الكيلاني... مسكت الدكتوره وخليتها تعترف قبل ما تمشي.
= انتي بقى عايزه بنت.
❀ ايوه... لو جبتي ولد هرميهولك من الشباك.
- ترمي مين من الشباك يابت.
= انا كمان عايز بنت.
- بس انا عايزه ولد.
= علشان يقعد يبوس ويحضن فيكي ويقولي امي وبدلع عليها.
- ياعم يجي بس الأول ويبقى يدلع براحته.
= انا شكلي هقتل حد ها الحين.
قال جملته وهو بيشمر اكمام التيشيرت.
- ريلاكس بيبي... ده انا ملحقتش افرح بالحمل ياعم.
❀ احنا لازم نعمل حفله كبييييره اوى.
= هنعمل حفله ي ختي حاضر.