رواية: هرجع... ♡
الجزء ال 27 ♡
بقلم سما طارق ♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
= الو.
- انا بتصل بيك علشان اقولك عايزين نروح الجزيره انا وحور وحمزه.
كان هيتكلم بس انا قاطعته.
- قبل ما تعترض... حور مدايقه جداً وانا مش قادره اشوفها بالحاله دي... ومظنش انت موافق تخلي حور مدايقه كده.
سكتنا شويه.
= جهزوا الشنط وبليل هاجي اخودكم للمطار بتاعي.
قال جملته بكل برود.
- ماشي.
قفلت معاه وروحت جهزت الشنط وريناد بردو كانت عايزه تيجي معانا فجهزت نفسها.
بعد مرور ساعات اياد دخل البيت ونادى عليه.
- احنا جاهزين.
كنا كلنا جهزنا ونزلنا.
هو لف وشه وقال بكل برود.
= طيب يلا.
ركبنا كلنا العربيه وطول الطريق كان الصمت اللى مسيتر على الوضع.
لما وصلنا كلهم ركبوا بس صوت اياد وقفني.
= استني يا سما.
انا وقفت بإستغراب وانا ببصله ونفسي احضنه.
- ن نعم.
= خلي بالك من حور وحمزه.
- حاضر.
= وخلي بالك من نفسك.
- نفسي اعرف مالك يا اياد... ايه اللى معصبك اوى كده لدرجة انك......
قاطعني.
= مش عايز احكي... خليني كده احسن علشان ممكن وانا بحكي افقد اعصابي... ومش عارف ممكن اعمل ايه.
بصيتله بدموع وبعدين لفيت وشي وكنت همشي بس.....
= استني.
لفيتله بدموع... لقيته حضني جامد وهو ساكت... بعد عني بعد ثواني ومسح دموعي... وابتسملي ابتسامه صغيره.
= متعيطيش... يومين وهاجي اخدكم من الجزيره.
- ماشي ي اياد... خلي بالك من نفسك.
باس جبهتي.
= باي باي.
ابتسمتله وركبت الطياره... بعد ساعات كنا فوق الجزيره... حور وحمزه كانوا بيبصوا من الشباك وهما منبهرين بالمنظر علشان دي اول مره يجوا هنا.
❥ اللاااااه... المكان ده حيو اوى.
✪ ايوه فعلاً المكان ده حيو اوى يا سمسم.
❀ المكان ده احلى مكان ممكن تشوفوه في حياتكم.
حور باصتلي لقيتني سرحانه جت قعدت تهز فيا.
❥ سمسم... سمسم.
- هاا.
❥ لوحتي فين.
- ملوحتس في حته يا قمري... انا هنا اهو.
نزلنا من الطياره وروحنا غيرنا هدومنا وروحنا لعبنا في الملاهي المائيه كتير لغايه ما الليل جه وروحنا للكوخ بتاعنا... وريناد راحت للكوخ بتاعها.
❥ مامي.
- عيون مامي.
❥ انا بحبك اوى.
✪ انا بحبها اكتر.
حور ربعت ايدها قدام صدرها بطريقه طفوليه وعسل اوى.
❥ لا انا اكتر مليش دعوه.
✪ انا اكتتتر.
كنت هتكلم بس قاطعني صوت جه من ورانا.
= مفيش حد هنا بيحب سمايا اكتر مني.
انا بصيت لمصدر الصوت لقيته اياد بصيتله بإبتسامة وفرحه.
- ايااد.
جريت عليه وحضنته وهو شالني.
= انا آسف يا قلبي... عارف ان طريقتي كانت رخمه اوى.
بعدت عنه.
- رخمه جداً جداً.
= عارف بس انا عندي مشاكل في الشغل كتير اوى.
- ماشي ي حبيبي... المهم دلوقتي حور.
كنت بقول آخر جملتي بهمس.
اومأ ليا وراح لحور اللى كانت واقفه بعيد وباصه للحيطه... شالها على كتفه.
= حبيبة يودا.
❥ زحلانه منك.
= سوري ي حبيبي... كان عندي مشاكل في الشغل.
❥ انت زعقتلي جامد.
= خلاص بقى يا ريري... آسف والله يا حياتي.
❥ ماسي يا بابي.
= مين بابي ده... هو في حد هنا اسمه بابي.
- انا مش شايفه اي حد اسمه بابي هنا.
حور حضنت اياد جامد.
❥ ماسي يا يودا.
= والله انتى حبيبتي وقلبي وروحي وكل حاجه في الدنيا.
- يلاهوي عليك... بعتني في ثانيه واحده بس... ده انا مراتك بردو.
❥ وانا بنته.
حمزه ربع ايده قدام صدره بتزمير.
✪ وانا ولا ليا الف لازمه.
- تعالى يا حبيب امك في حضني... الناس دي وحسه.
روحت وشيلت حمزه... اياد كان نفسه يقتل حمزه علشان انا شايلاه بس مسك نفسه.
جه وقت النوم... احنا نيمنا حور وحمزه وبعدين روحنا اوضتنا.
انا ربعت على السرير.
- والله لو ما حكيتلي كل حاجه دلوقتي لأكون... معرفش هعمل ايه بس لازم تقولي.
نام على السرير وحط رايه على رجلي.
- لولولولولولولي... يلا احكي.
= هههههه مجنونه.
- يلا انا سامعاك.
= انا عايز انام وبس.
- بس.....
قاطعني.
= ينفع.
بصلي بإبتسامة باهته.
- انت مالك بجد.
مسك ايدي وباسها.
= انا كويس طول ما انتي وحور وحمزه كويسين.
- لا انت مش كويس... انت تعبان.. وفي حاجه مدايقاك... ممكن تريحني وتحكيلي.
= انا عايز ارتاح وانام.
- اياد.
= لو سمحتي يا سما.
- بس اوعدني انك هتحكيلي.
= اوعدك لما ابقى مستعد انى احكيلك هحكيلك... بس استحنليني الفتره دي... ولو قولتلك اي حاجه متزعليش مني.
انا بوست جبهته.
- ماشي يا حبيبي.
عدلنا نومتنا ونمنا... صحيت الصبح ملقتش اياد في الأوضه... دورت عليه وعلى حور وحمزه ملقتش حد منهم في الكوخ كله... طلعت اوضتي.
- ولاد الكلب بعوني ونزلوا.
بعد دقايق لقيت روان بتتصل بيا.
- الو يا روني.
= الو ي سمسم... عامله ايه.
- الحمد لله.
= انتى فينك كده.
- انا في الجزيره... ليه في حاجه ولا ايه.
= لا مفيش... فاتحتي اياد في حاجه.
- الصراحه... لا.
= ليه يا موكوسه.
- هيعمل مني بطاطس محمره لو قولتله حاجه دلوقتي.
= اشمعنى.
- بقاله يومين في حاجه مدايقاه في الشغل وانا معرفش ايه هي.
= اممممم... طيب لما تكلميه في الموضوع انا بيتي مفتوحلك.
- انتي بتخوفيني ليه يا دزمه.
= هههههههه ان شاء الله يوافق متخافيش ههههه.
- سلام يا زفته.
قفلت في وشها قبل ما ترد عليا... كلمت نفسي.
- انا اصلاً مرعوبه من رد فعله... وهى رعبتني اكتر... الله يسامحك يا روان الكلب.
سكت شويه.
- انا هقوم البس واشوفهم فين.
قومت لبست ونزلت اشوفهم في الجزيره... اتصلت ب اياد وروحت لمكانهم لقيت اياد متعصب على حمزه.
- لا صلوا ع النبي كده... في ايه... مالكوا.
حمزه حضني جامد وهو بيعيط.
- في ايه.. والله اعيط معاك... متعيطش يا حبيبي... ايه اللى حصل.
اياد بصلي بضيق وعصبيه وبعدين مشي.
حمزه قعد يعيط كتير اوى في حضني وانا بحاول اهديه... بعد ثواني جت حور وريناد.
❥ حمزه بيعيط ليه.
- والله مأعرف.
❀ هو اياد عمله حاجه.
حمزه شد على حضني وعيط جامد.
- تقريباً كده.
انا نزلت لمستوى حمزه وشيلته وهو بردو حضني وعيط.
- ششششش يا حبيبي... اهدى انا معاك اهو... حبيب سمسم مينفعش يعيط أبداً.
✪ ضلبني.
قال كلمته وقعد يعيط.
انا بصيت لريناد بصدمه وهى كمان باصتلي بصدمه كبيره... ازاي اياد يضرب حمزه... ايه المصيبه اللى حمزه عملها لدرجة انها تخلي اياد يضربه... انا حضنت حمزه جامد وبحاول اهديه... بعد دقايق بصيت لحور لقيتها بتعيط بردو.
- مالك يا ريري.
❥ حمزه بيعيط.
قالت جملتها وقعدت تعيط.
ريناد حضنت حور وحاولت تهديها.
- خلاص بقى انتوا الاتنين... يلا نكمل لعب احسن.
هديت حمزه وحور بصعوبه... وبعدين روحنا كملنا لعب علشان ننسيهم اللى عمله اياد... اللى احنا لغاية دلوقتي منعرفش سبب ضربه لحمزه.
لما رجعنا الكوخ انا كنت محضره خناقه كبيره... نيمت حور وحمزه وبعدين روحت لأوضتنا ملقتش اياد... عرفت انه كده سافر مصر تاني... روحت نمت وانا متغاظه منه اوى وحالفه اني اندمه على ايده اللى اتمدت على حمزه.
عدت الايام ورجعنا مصر... اول ما دخلنا طبعاً كانوا الأطفال نامت... دخلناهم اوضهم وبعدين ريناد راحت اوضتها وانا روحت اوضتي... دخلت لقيت اياد نايم على السرير... بصيتله بغيظ وبعدين دخلت غيرت هدومي وطلعت نمت على السرير بهدوء ومن غير ولا كلمه.
= مش هتتكلمي يعني.
غمضت عيني.
- عايزه انام.
= حمزه هو ال.......
- قولت عايزه انام.
هو اتعصب وشدني من شعري.
= لااا بقولك ايييه... ردييي عليااا عددل احسنلك.
- اااااااااه اياد شعري.
اياد شد شعري اكتر.
= تكلميني عدل... وبعدين انتي مدايقه علشانه ليييه.
- اااااااااه... انت مجنون... حمزه ده ابني... يعني جزء مني... لو انت قلبك متحرقش على كل دمعه نزلت منه... فانا قلبي كان بيتقطع وهو بيعيط وبيقولي ضربني.. سيبنييي.
اياد رماني على الأرض... بعد ثواني شالني بعصبيه ونزل بيا لأوضة التعذيب اللى في القصر (اللى عذبني فيها اول مره ).
رماني على الأرض.
- ااااه... انت جايبني الأوضه دي ليييه.
بصلي بعيون سوده وكلها شر.
= علشان اعرفك ازاي تكلميني بالطريقه دي يا... يا سمايا.
قال آخر جملته بنبرة سخريه.