رواية: هرجع... ♡
الجزء ال 28 ♡
بقلم سما طارق( ياباشا 🙂 ) ♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
رماني على الأرض.
- ااااه... انت جايبني الأوضه دي ليه.
بصلي بعيون سوده وكلها شر.
= علشان اعرفك ازاي تكلميني بالطريقه دي يا... يا سمايا.
قال آخر جملته بنبرة سخريه.
انا رجعت لورا خايفه منه... علشان انا عارفه اياد الكيلاني لما يتحول للغول بيبقى عامل ازاي.
- ا اي اياد ف فوق.
اياد مسمعنيش... شالني وعلقني على نفس الحديد اللى علقني عليه من ست سنين.
- اياد فووق.
قعد يجلدني جامد وانا كنت بحاول اوطي صوت صويتي علشان حور وحمزه ميجوش على الصوت ويخافوا من اياد.
بعد ساعه من الضرب المتواصل... فكني... انا مقدرتش اقوم من على الأرض بسبب التعب والوجع... خرج من الأوضه ودخل بعد دقيقه... كان معاه شنطة الإسعافات.
قعد يدهنلي مرهم على الجروح بهدوء ومن غير صوت... انا كنت قاعده مصدومه ومش بتكلم ولا بتحرك.
= عيطي يا سما.
- مش عايزه اعيط.
= انتى كده هتتعبي.
بصيتله بنظره من غير مشاعر.
= اتكلميييي.
- هو انا ممكن اطلع انام... علشان تعبانه شويه.
بصلي بغيظ وبعدين شالني وطلعني اوضتنا... نيمني على السرير... بعد دقايق كان نام وانا لسه صاحيه علشان انفذ خطتي.
قومت من على السرير... روحت لأوضة حور.
- حور حبيبتي... قومي.
❥ نعم ي سمسم.
انا بوسك جبهتها.
- تعالي ورايا من غير صوت.
❥ ليه.
- تعالي وانتي ساكته بس.
اومأت حور وطلعت ورايا... انا روحت وصحيت حمزه... بعد دقايق مكناش في البيت.
انا روحت على بيتي اللى انا كنت واخداه زمااان لما كنت هربانه من اهلي ( نسيت اقولكم ان بعد ما انا هربت ب 4 سنين اشتريت البيت اللى انا كنت قاعده فيه وبقى ملك مش إيجار).
دخلنا البيت.
❥ ايه البيت ده ي سمسم.
✪ البيت ده صغيي اوى.
❥ ومس نظيف.
- احنا هنقعد هنا فتره صغيره... وبعدين هننقل لبيت تاني.
❥ طب ويودا.
- بصي ي قلبي احنا هنقعد فتره صغيره اوى لوحدنا... علشان يودا الفتره دي مدايق من مشاكل في الشغل.
❥ ماسي.
✪ انا مس عايز الوح خايص.
- ليه يا زيزو بتقول كده.
✪ علشان هيضلبني تاني.
بصيتله بزعل وبعدين حضنته وهو قعد يعيط... انا كان نفسي اعيط بس مسكت نفسي علشان اعرف اهدي حمزه.
- شششش خلاص يا حبيبي اهدى.
✪ هو وحش اوى... وانا مش بحبه.
- هو مش وحش يا حبيبي... هو بس.......
قبل ما اكمل كلامي حسيت انه نام في حضني... انا شيلته ودخلنه الأوضه وحور دخلت معانا ونمنا احنا التلاته على سرير واحد.
♕♕♕♕♕♕♕♕♕♕♕♕♕♕♕♕♕♕♕♕♕♕♕♕
الصبح عند اياد صحي من النوم وقعد يدور عليا بس ملقانيش اتعصب اوى... نزل يدور على حور وحمزه بردو ملقاهمش... اتعصب اوى مني وادايق جداً من نفسه علشان هو السبب... عين اتنين علشان يدوروا عليا انا والاطفال.
♕♕♕♕♕♕♕♕♕♕♕♕♕♕♕♕♕♕♕♕♕♕♕♕
انا صحيت الصبح ملقتش حور جنبي... قومت بسرعه روحت دورت عليها لقيتها في المطبخ.
- هوووف خوفتيني عليكي... انتي ايه اللى جابك هنا.
❥ عايزه اسلب.
- ههههه قصدك عايزه اشرب.
❥ ايوه هي الكلمه دي.
روحت جبتلها ازازة مايه.
- خدي يا قلبي اسلبي ههههههه.
خدت مني الازازه وشربت.
❥ خيصت.
خدت منها الإزازه وحطيتها مكانها.
❥ سمسم.
شيلتها على كتفي.
- عيون سمسم.
❥ يودا وحشني.
- يودا وحشك... امممممم... تعالي نكلمه.
❥ بجد.
حسيتها فرحت اوى... وانا الصراحه كنت عايزه اكلمه بس كرامتشي يا باشا... فلقيت حجه ان حور عايزه تكلمه وبالمره افهمه حاجه لازم يفهمها.
- ايوه بجد يا عمري.
حضنتني جامد.
❥ بحبك اوى يا سمسم.
- وسمسم بتعشقك والله.
اتصلت باياد وهو رد بسرعه.
= انتوا فين... وازاي تخرجوا من غير ما تقولولي... هاا... ممكن تفهميني حضرتك ازاى تمشوا من غير ما اعرف.
انا رديت عليه ببرود.
- حور عايزه تكلمك... هفتح الاسبيكر.
فتحت الاسبيكر وهو كان ساكت خالص.
❥ يودا.
= حبيب يودا... ينفع كده يا ريري تمشوا من البيت وانا معرفش.
❥ سمسم قايتيي ان عندك مساكل في السغي وانت مدايق فهنليحك سويه.( سمسم قالتلي ان عندك مشاكل في الشغل وانت مدايق فهنريحك شويه).
= سمسم قالتلك كده.
❥ اه.
= طب قوليلها انا محتاجكم.
❥ بس انت المفلوض تلتاح.
= بس انا مش هبقى مرتاح وانتوا بعيد عني يا ريري.
❥ حاضي... هقول لسمسم نلجع نقعد معاك.
انا قفلت الاسبيكر وخدت التليفون على ودني.
- الو.
= ارجعوووووا يا سما.
اتكلم معايا بعصبيه.
انا بعدت عن حور شويه ودخلت البلكونه.
- معلش يعني هو انا عديمة كرامه لدرجة انك تجلدني وانا ابقى عادي معاك.
= اتكلمي عدل يا سما.
كان بيتكلم وهو بيجز على سنانه.
- اياد انا بتكلم عدل... بس انت جلدتني امبارح ولا نسيت.
= انتي اللى عصبتيني.
- عصبتك علشان بدافع عن ابني... انت ضربت حمزه يا اياد... انت مستوعب يعني ايه اشوف ابني بيعيط علشان ابوه ضربه... انا اه لغاية دلوقتي معرفش السبب... بس مهما عمل في السن ده ميوصلش لأنك تضربه... حمزه قالي امبارح انه مش بيحبك... انت مستوعب يعني ايه... انا مش عايزه حمزه او حور يعيشوا اللى انا عيشته من صغري... انت فاهمني.
سكت شويه.
- سكتت يعني.
= ارجعوا يا سما وانا هحل كل المشاكل اللى حصلت معانا الفتره دي.
- احنا مش هنرجع غير لما تحل مشاكلك اللى في الشغل... انت مش عايز تحكيلي حاجه براحتك... بس متطلعش غضبك فينا.
= سما انا تعبان اوى.
- وانا ضهري مكسور... وتعرف ايه اللى مكسور اكتر... قلبي.
سكتنا شويه.
= يعني مش هترجعوا.
- لما مشاكلك تتحل هنرجع... انت مش عايز تحكيلي حاجه علشان احل مشاكلك معاك.
= طب ارجعوا وانا هحكيلك كل حاجه ونفكر في حل سوا.
- احنا لو رجعنا مش عايزه اشوفك بتزعق لحد او بتضرب حد من العيال... كفايه اللى عملته فيهم.
= ماشي يا سما... يلا انا هاجي اخودكم انتوا فين.
- في بيتي اللى كنت هربانه فيه زمان.
= طيب ثواني وهكون عندك.
قفلت في وشه... بعد دقايق سمعنا صوت خبط على الباب.
كنت هقوم افتح بس حمزه وقفني.
✪ مس انا اللاجي اللى في البيت... يبقى يازم انا اييى افتح.( مش انا الراجل اللى في البيت... يبقى لازم انا اللى افتح).
انا بوست خده.
- طيب روح افتح... بس قول مين الأول.
✪ حاضي.
راح للباب.
✪ ميين.
= افتح يا زيزو انا بابا.
حمزه فتح وجري استخبى ورايا.
اياد دخل وقفل الباب وراه.
= جريت ليه.
حمزه استخبى ورايا ومسك في التيشيرت بتاعي اكتر.
= ممممم... خايف صح.
✪ متضيبنيش.( متضربنيش)
كان بيقول جملته وهو بيترعش وفي عينه دموع.
حمزه صعب عليا اوى... روحت لفيت وشي ليه ونزلت لطوله... وهو حضني جامد.
✪ متسيبينيس يا سمسم.( متسيبينيش يا سمسم).
- هشششش يا حبيبي... بابي مش هيعملك حاجه متخافش.
✪ لا هيضلبني.
انا بوست خده.
- مش هيضربك والله.
اياد شده مني وشاله على كتفه.
= تعالى يا بطل.
✪ مااااميييي.
قعد يعيط.
اياد بصله بضيق من نفسه.
- خلاص يا زيزو... بابي مش هيعملك حاجه... متخافش.
✪ يعني مس هتضلبني.
مسح دموعه بقبضة ايده الصغيره.
اياد مسك ايده وباسها.
= لا يا حبيبي... مش هضربك تاني خالص.
حمزه مد صباعه الصغير لاياد.
✪ وعد.
اياد بصله بإبتسامه وبعدين ربط صباعه الصغير بصباع حمزه.
= وعد.
- أخيراً.
خرجت حور من الأوضه.
❥ سمسم انا... يوووداااا.
جريت على اياد وهو شالها على كتفه التاني.
= حبيب يودا الصغنن.
❥ عامي ايه.
= انا كويس... يلا علشان نمشي.
باسته في خده.
❥ ييا.(يلا).
انا مشيت قدامهم من غير كلام... نزلت قعدت في العربيه... وهما نزلوا ركبوا واتحركنا... وصلنا البيت انا طلعت لأوضتي البس ولما خرجت قعدت على السوفا وانا ماسكه التليفون... بعد دقايق لقيت اياد جه ونام على السوفا وحط راسه على رجلي.
- اممم.
= مش طايقاني ليه.
- لا ازاي مش طايقاك... ده انت حتى لسه جالدني امبارح.
= اسف يا قلبي... والله انتي عصبتيني وانا كنت مخنوق من مشكله في الشغل... فكله مع بعض خلاني اخرج عصبيتي فيكي.
- مش مبرر.
كنت بكلمه بهدوء وبرود... هو قام من على رجلي وقعد على السوفا.
= يعني مش هتسمعيني صح.
- اتكلم يا اياد.
انا حطيت راسه على رجلي تاني.
- اتفضل... سامعاك.