اسكريبت: هرجع... ♡
الجزء الثالث ♡
الكاتبه: سما طارق ♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
رسالة اخويا «حبيبي اللى واحشنى... وحشتنى اوى... علفكره انا بشوفك كل يوم... ومبسوطه اوى علشان بقى عندك صحاب... وبقيت بتلعب
كوره كويس... متهملش بمذاكرتك يا مودي... وحشتني اوى يا حبيبي ولو عايز تقولي حاجه اكتب رساله وخبيها تحت المخده
بتاعتك وانا هاخدها... متزعلش مني يا حبيبي بس انا مش هرجع دلوقتي خالص... يلا اهتم بالمذاكره واسمع كلام ماما... استنى مخلصتش...عندكووو شامبووو... توقيع: اختك البارده»
اخويا كان واحشني اوى الصراحه.
رسالة ماما «وحشتيني اوى بس انا مش هرجع دلوقتي... انا عايشه لو مهتمه تعرفي.
.. انا بقالى شهور بشتغل ومأجره بيت وعايشه حياتي...
اه وطلعت من الأوائل اظن شوفتي على صفحة المدرسه... يعني الأسلوب اللى كنتي بتعامليني بيه في الدراسه مكنش هيفيد بحاجه... بس شكراً على المعامله دي علشان هى اللى هتوصلني.
.. عايزه اقولك متعامليش اخويا بنفس الطريقه علشان ميعملش زيي ويمشي... انا هرجع بعد سنين اوريكي انا وصلت لأيه...
هرجع وانا عارفه ان مفيش حد هيبقى طايقني... بس لازم تعرفي اني من غير معاملتك ليا انا عايشه وناجحه.. مش فاشله... توقيع: اللى كسرتيها»
رسالة بابا «ازيك... انا عارفه انك متعصب مني جامد ومش عايز تشوف خلقتي...
بس انت وحشتني... وحشني حضنك... وحشتني حنيتك عليا... وحشتني اوى بس غصب عني هربت... علشان اثبت نفسي واثبت ان مش المعامله الوحشه هي اللى هتعلمني...
انا كنت اوقات بزعل منك وبفكر في افكار وحشه.. بس بمسحها من دماغي بسرعه... بابا انا هرجع ياريت تستناني... معرفش شكلي هيتغير
ولا لا بس ياريت لما ارجع تاخدني في حضنك علشان انا تعبت في الفتره دي... وانا لسه مش هرجع دلوقتي واكيد هقابل مشاكل كتير في حياتي هبقى محتاجاك جنبي...
بس مش هينفع ارجع... وحشتني اوى يا بابا... لو عايز تقولي حاجه اكتب رساله وانا هشوفها... توقيع: بنتك المجنونه»
انا بحب بابا اوى الصراحه وهو اكتر واحد كنت زعلانه اني مش بشوفه في الفتره دي... بس لازم استحمل.
عدى يومين وانا معرفش هما قرأوا الرسايل ولا لا... روحت الصبح عند البيت ببص من بعيد لقيت العيله كلها خارجه ومعاها شنط سفر...
قولت اكيد هيسافروا... زعلت اوى علشان احنا بقالنا سنين مسافرناش في حته ويوم ما يسافروا انا مكونش موجوده... استنيت
لغايه ما مشيوا وروحت طلعت البيت... لقيت بابا سايب ورقه على المكتب قولت اكيد سايبلي رساله... خدتها... لقيت اخويا سايبلي الرساله زي ما قولتله تحت المخده... خدتها...
جيت اخرج بس ثانيه ايه ده... دي ورقه تالته كانت على رخامة المطبخ... خدتها... نزلت بسرعه وروحت على بيتي اقرأ الرسايل بس قبل ما اقرأ لقيت جنى بتتصل بيا.
- الو يا جنى.
= الو يا سومه... بقولك.
- قولي.
= روان قالتلي ان عيلتك هتسافر انهارده.
رديت عليها بنبره حزينه شويه.
- ايوه سافروا انهارده الصبح.
= انتى شوفتيهم ولا اي.
- اه روحت البيت لقيتهم نازلين ومعاهم شنط سفر.
= طب بقولك ايه.
- ابشري.
= ما تيجي نذاكر مع بعض انهارده.
- ماشي خمس دقايق وهبقى عندك.
= يس.
رديت عليها بضحك.
- سلام يا هبله.
قفلت معاها وبعدين جهزت نفسي وروحتلها ورجعت بليل نمت علشان كنت تعبانه اوى ولما
صحيت روحت الشغل ولما رجعت افتكرت الرسايل فقعدت اقرأها... فتحت الأول رسالة اخويا.
«وحشتيني يا سمسم اوى... انا عايز اشوفك اوى... عايز اقولك اسف لو في يوم زعلتك مني... انا بحبك اوى... وياريت ترجعي يا سما.. البيت
وحش اوى من غير هبلك وجنونك... البيت بقى كئيب اكتر ما هو كان كئيب...
مش بنتكلم مع بعض خالص... ولو مش عايزه ترجعي براحتك... بس ابقي ابعتيلي رسايل كتير علشان اطمن عليكي... وخلي بالك من نفسك... استني... لا معندناش... اخوكي الرخم»
ابتسمت وانا بقرأ الرساله وعيني دمعت علشان بجد هو وحشني اوى ونفسي اشوفه واحضنه اوى... دخلت علي الرساله اللى بعدها كانت من بابا.
«يا جزمه ياللى اسمك سما... لو مرجعتيش البيت دلوقتي حالاً... مش هعمل حاجه هستناكي..
. هعمل ايه يعني وانا معرفش انتي فين...
بس وحشتيني اوى... وارجعي بأسرع وقت علشان عايز اضربك... ولو مبعتيليش رساله تانيه تطمنيني بيها عليكي...
مش هدخلك البيت لما ترجعي... خلي بالك على نفسك يا روحي... وانا هبقى مبسوط بيكي اوى لو حققتي حلمك... بس كنت هبقى مبسوط اكتر لو كنتي بتحققي حلمك وانتي وسطنا...
ولو احتاجتي حاجه اكتبي في الرساله التانيه وانا هسيبهالك مع الرساله اللى هرد عليكي فيها... وخلينا بقى كده ماشيين بالرسايل لما نشوف اخرتها... وحشتيني يا مجنونه... توقيع: اللى هيضربك»
ضحكت اوى على رد فعل بابا اللى انا متوقعتهوش خالص... علشان بابا عصبي اوى بس صدمني بالرساله دي... انا قولت مش هيكتبلي رساله اصلاً.
.. بس بجد حبيت رده عليا... بصيت على آخر رساله قبل ما افتحها... قعدت افكر اقرأها ولا لا... لغايه ما قررت انى افتحها... اول ما فتحتها اتصدمت الرساله كانت........