رواية: هرجع... ♡
الجزء الرابع♡
الكاتبه: سما طارق♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
اول ما فتحت الرساله اتصدمت الورقه كانت فاضيه ومفيش غير جمله واحده مكتوبه بخط صغير في نص الورقه.
الجمله... «كان كله لمصلحتك»... انا قعدت باصه للجمله كتير اوى... فكرت كتير ارجع ولا لا... بس قولت لا انا مش هرجع في كلمتي وهكمل طريقي حتى لو ايه اللى حصل... حطيت الرسايل في صندوق صغير للذكرى... روحت بعد كده نمت وعدت شهور على الحال ده لغايه ما في يوم.....
- ازاي هيعزلوا... وانا هوصلهم ازاى.
كنت بكلم روان بنت خالتي.
= والله يابنتي امك قالتلي انهم هيعزلوا بعد اسبوع.
رديت عليها وانا بعيط.
- ازاي يعني يعملوا كده... انا هوصلهم ازاي دلوقتي... وهبعتلهم الرسايل ازاي.
= معرفش بس اهدي متعيطيش.
رديت عليها بصراخ ودموع.
- عااايزه حل.
= طب طب بصي اهدي وتعالي قابليني في ***.
- ماشي يلا باي.
قفلت معاها وروحت المكان اللى قالتلي عليه لقيتها قاعده هى وخطيبها مستنيني... اه نسيت اقولكم انها اتخطبت في الشهور اللى فاتت وانا كنت موجوده بس كنت حاطه حاجه على وشي علشان محدش يعرفني... روحت وقعدت معاهم.
- اهلاً.
= وسهلاً ي ختي... كنتي بتعيطي ليه في التليفون قلقتيني عليكي.
رديت عليها وانا بحاول امنع دموعي.
- يعني انا دلوقتي ازاى هوصلهم... ازاي هبعتلهم رسايل.
= يابنتي طب ما ترجعي كفايه كده.
رديت عليها بسرعه.
- لا مستحيل... انا قولت مش هرجع دلوقتي خالص.
~ طب ما تكتبلهم رساله قبل ما يعزلوا تسأليهم هتوصليلهم ازاي كده.
- هى فكره حلوه... بس كده هيقولوا ان اكيد في حد بينقل اخبارهم ليا.
~ طب وايه المشكله.
= يابني محدش يعرف اني بكلم سما وبقابلها... علشان لو عرفوا اكيد هيعملوا اي حاجه علشان يوصلولها.
- خلاص انا بكره هكتبلهم رسايل وهبعتها وهتكون آخر رسايل.
~ ايه اليأس ده.
- طب انت شايف ايه الحل.
~ انا شايف ان روان لما تعرف منهم هيعزلوا فين... تاخدي منها العنوان وتروحي تشوفي هتبعتي الرسايل بتاعتك ازاى.
= انا شايفه انها فكره حلوه.
رميت نفسي في حضن روان وقعدت اعيط.
- وحشوني اوى.
ردت عليا وهى بتطبطب عليا.
= قولتلك كتير هتتعبي من غيرهم.
رديت عليها وانا بعيط اكتر وبحضنها اكتر.
- ياريتني سمعت كلامك... بس انا دلوقتي مش هينفع ارجع خلاص الفرصه خلصت وانا هحقق حلمي ان شاء الله.
~ طب بصي يا سما.
رديت عليه وانا بمسح دموعي.
- قول.
~ انتي دلوقتي تركزي على حلمك وانا وروان لما نلاقي حل هنكلمك علطول.
= وانا لقيتلك شغل حلو في شركه.
بعدت عنها وقولتلها.
- ازاي وانا في السن ده.
= بصي يا ستي... صاحب الشركه يبقى واحد كان زميلي في الكليه... فانا كلمته و......
قاطعتها بهزار.
= انت راضي على الكلام ده.
~ قعدت تقولي علشانك ومش عارف ايه فقولتلها ماشي.
رديت بضحك.
- ماشي كملي.
= المهم يا ستي... وافق انه يشغلك مساعده ليه... يعني تشيلي الملفات... تنظفي المكتب... تعمليله قهوه... كده.
- سكرتيره يعني.
= لا مش سكرتيره... مساعده قولت... علشان هو شخص مهمل وعلطول السكرتيره بتاعته مشغوله فبيقولي المكتب بيبقى شكله وحش اوى... علشان كده وافق انه يشغلك عنده.
- طب ودراستي.
= قولتله على دراستك قالى هيخليكي تروحي بدري وهيديكي اسبوعين قبل الإمتحانات اجازه تذاكري فيهم كويس.
- طيب تمام انا موافقه.
= اشطا.
قعدت معاهم شويه وبعدين روحت كتبت الرسايل ونمت... تاني يوم الصبح روحت بعد ما مشيوا حطيت الرسايل وبعدين مروحتش هناك تاني... عدت الشهور والسنين وانا معرفش حاجه عنهم غير من روان واشتغلت في الشركه اللى روان قالتلي عليها والصراحه صاحب الشركه كان زوق جداً معايا وبيعاملني كويس اكني اخته الصغيره.
جه وقت نتيجة الثانويه العامه... كنت قاعده مع روان وزوجها وبنتهم الصغيره وكان معايا صاحبتي جنى... كنت انا وجنى قلقانين جداً.
- هاا ايه الأخبار.
~ استني يا بنتي بيفتح... الضغط عليه جامد اوى.
× انا لو جبت اقل من تسعين هعيط والله.
- انا هموت مش هعيط.
= ما تهدوا بقى... المهم انكم عملتوا اللى عليكوا وذاكرتوا.
- × ايوه ذاكرنا.
~ يبقى اهدوا وان شاء الله هتطلع النتيجه حلوه... اهو فتح.
= ايه الأخبار.
~ اخس يا سمسم مظنتش خالص انك تجيبي المجموع ده.
- ايه... اخلص متقلقنيش.
~ جبتي... جبتي.....
= قول بقى.
قال بصوت عالى.
~ جبتي 99 ونص... مبرووووك.
انا وقفت بصدمه واغمى عليا... بعد دقايق لقيتهم بيفوقوني.
- ا ا انا جبت 99 ونص... عااااااا مش مصدقه بجد عااااااااا.
= اخرصي البت هتعيط من صوتك.
حضنتها وانا مبسوطه اوى.
- انا مبسوطه اوى.
= والله وانا كمان اوى... مبروك يا قلبي.
كنت هرد عليها بس قاطعتني جنى.
× طب ياعم شوف نتيجتي طيب.
~ اخس ي جوجو اخس ج......
× اخلص انا خلقي ضيق علفكره.
~ جبتي 99... مبروك.
× عااااا لولولولولولولولولولولي.
حضنتها وانا فرحانلها اوى.
- مبروك يا قلبي... بجد مبروك.
قعدنا مبسوطين شويه لغايه ما هدينا من الجنون ده.
- هووف أخيراً مسيرة التعليم الزفت دي خلصت.
= احم لسه في جامعه علفكره.
- يا ستي على الأقل خلصت من المدرسه وزفت... اروح بقى للكليه واشوف الدكاتره القمر اللى فيها.
= ياستي اتوكسي كان غيرك فلح.
~ طب انا موجود طيب.
= وانت ايه اللى مقعدك... يلا خد بنتك وروح عند امك.
× انتي بتعامليه كده ليه يا بنتي.
- بصي يا ستي هفهمك انا... دلوقتي روان قالتله روح عند امك... معايا.
× معايا.
- وهيقعدوا يعاندوا في بعض لغايه ما البت بنتهم تنام... معايا.
× معايا.
- بس يا ستي... من الآخر دي لعبه بينهم علشان ينيموا البت الزقرده اللى عندها تلت سنين دي.
× ااااه فهمت.
جت مكالمه لروان.
= سما.
- في ايه.
= ابوكي بيتصل.
- طب ردي بسرعه وافتحي الإسبيكر.
= تمام.
ردت عليه وفتحت الإسبيكر زي ما قولتلها.
= باشا مصر.
& مش تقوليلي مبروك.
روان ردت عليه بإستغراب.
= على ايه.
& دخلت على نتيجة الثانويه العامه... وسما جابت 99 ونص.
سمعنا اصوات كتيره جداً بتزغرط.
روان ردت عليه بإستغراب.
= مين اللى بيزغرط يا عمو.
& امك وخالتك واختي والعيله كلها هنا.
= كلهم هنا علشان نتيجة سما... اللى هي اصلاً مش موجوده.
& بصي هى اه مش موجوده بس انا فخور بيها اوى... اولاً فخور بيها علشان هي قدرت تقاوم الحياه طول السنين دي... وثانياً علشان هي جابت المجموع ده.
= انا مبسوطه اوى الصراحه... وان شاء الله ترجع بقى.
& اول ما ترجع هقتلها علشان بطلت تبعتلي رسايل تطمني بيها على نفسها.
= ان شاء الله هترجع قريب.
انا كنت بسمع المكالمه وانا مدايقه اوى... نفسي اوى اروح احضنه جامد واقوله انه وحشني اوى... خلاص هانت... هانت واوعدك يا بابا اني هرجع.
خلصت روان المكالمه وكان باين عليها انها متعصبه مني.
- في ايه... بصالي كده ليه.
= هتتزفتي تروحيلهم امتى.
- خلاص هانت.
= ياريت فعلاً تكون هانت.
- فاضل حاجات بسيطه وهرجعلهم تاني.
× انا همشي اروح افرح اهلي بالدرجه.
- روحي ي ختى فرحي اهلك... وسلميلي عليهم.
× حاضر... يلا باي.
الكل: باي.
مشيت جنى وانا بعدها بساعه تقريباً انا نزلت من عندهم وفجأة........