الجزء السادس عشر♡
الكاتبه: سما طارق♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
- ايااااااااد.
اياد بص قدامه... كان هيخبط في عربيه حود بسرعه و.......
صحيت لقيت اجهزه حوليا وحسيت انه في تقل على دماغي... جه راجل غريب قعد يحضن فيا وهو بيعط... انا كنت خايفه بس مقولتش حاجه علشان هو كان بيعيط وشكله تعبان.
= الف سلامه عليكي يا حبيبتي قلقتيني عليكي اوى.
- م مين حضرتك.
= انا اياد يا سما... مالك يا حبيبتي.
- انا اسمي سما.
= يا دكتوره.
كان بينادي على الدكتوره بصوت عالى... جت الدكتوره وقالتله ان عندي فقدان ذاكره وعقلي عقل طفله... بس قالتله ان ده مؤقت... قعد يعيط وهو دافن راسه بين ايده.
= انا السبب... انا السبب.
طبطبت عليه براحه.
- اهدى متعيطش... انا كويسه... هو انت بابايا.
بصلي وهو زعلان وحضني جامد.
= انا السبب في حالتك يا حبيبتي.
انا مسحتله دموعه.
- متعيطش انا كويسه اهو.
ابتسملي إبتسامه خفيفه وكان باين انه زعلان.
= بصي يا قلبي... انا زوجك.
- زوجي... يعني ايه.
= يعني انا وانتى واحد.
- يعني انا لو كنت موت... انت كنت هتبقى نص واحد.
حضني جامد اوى.
= انا مكنتش هبقى موجود اصلاً.
كنت حاساه انه هيعيط.
- لا خلاص متعيطش تاني لو سمحت... انا آسفه.
شالني على ايده ونزل بيا وطلب عربيه... ركبنا العربيه و وصلنا لمكان كبير اوى.
انا وقفته قبل ما ندخل وهو شايلني.
- هو ايه المكان ده.
بصلي وابتسم.
= ده اسمه قصر... المكان اللى هنعيش فيه انا وانتى.
بصيت للقصر.
- الله... ده حلو اوى.
باسني في خدي ودخل القصر... دخلنا اوضه كبيره اوى.
- الأوضه دي جميله وكبيره اوى.
= دي اوضتنا.
- ممكن تنزلني.
= ليه.
- عايزه انزل.
نزلني على السرير.
- ااااااه.
راسي كانت يتوجعني اوى... هو خاف اوى.
= مالك... ايه اللى بيوجعك... رجلك وجعاكي... ف.........
حطيت ايدي على خدوده الأتنين براحه.
- هششششش دماغى واجعاني شويه بس... متخافش عليا انا كويسه يا بابا.
قعد جنبي على السرير.
= انا السبب.
- انت ليه علطول بتقول ان انت السبب.
= انا اللى كنت بسوق العربيه لما عملنا الحادثه.
حسيت ان في حاجه غريبه في شعره فحطيت ايدي على شعره.
= اااه.
- انت متعور.
= مش مهم.
- لا مهم... دي كبيره.
مسك ايدي وباسها.
= المهم ان حبيبي الصغنن كويس.
- مش انت قول احنا الإتنين واحد.
= طبعاً.
- طب شوف حل للجرح ده علشان ميوجعكش اكتر... ولما هيوجعك هيوجعني انا كمان.
بصلي بصه انا مفهمتهاش وبعدين حضني.
= طريقتك البريئه دي حلوه اوى.
- يعني ايه.
= بحبك يا بنوتي العسل.
- طب يلا خلي الجرح ده يخف... علشان مزعلش منك... جاتلي فكره.
= فكرة ايه.
بدأت اشيل اللى كان على دماغي... قطعته لغايه النص تقريباً ولفيته على راسه.
- اهو كده يبقى حلو.
بصلي وضحك ضحكه خفيفه.
- وانت بتضحك شكلك بيبقى احلى من وانت بتعيط... لو سمحت متعيطش تاني.
= حاضر يا قلبي... يلا نوم.
انا نمت على المخده عادي... لقيته شال راسي براحه وحطها على صدره.
- كده انت ممكن متعرفش تنام.
= انا مش هعرف انام غير كده.
بصيتله بإستغراب ونمت وهو كمان نام... صحيت الصبح لقيته لسه نايم.
- بابي... يا بابي... يا بابي.
فتح عينه ببطئ.
- ايه ده استنى.
= في ايه.
- عينك خضره... لا لا استنى... دي زرقه... ايه ده دي خضره ولا زرقه.
= هههه عيني خضره وزرقه واوقات سوده.
- مشوفتش انا الأسود.
= وياريت ما تشوفيه.
- طب بابي.
= يا عيون بابي.
- عايزه اكل.
= بس كده... حاضر يا قلبي.
- انت طيب طيوبه.
قعد يضحك.
= هههههههههه لسه سما زي ما انتي هههههه.
- مش فاهمه.
= ولا حاجه يا قلبي... روحي غيري هدومك اكون حضرت الأكل.
- اووكاااي.
كنت هقوم بس هو مسك ايدي.
بصيتله بإستغراب.
- نعم.
حضني جامد ودفن وشه في رقبتي وشعري.
- انت بتعمل ايه في رقبتي.
= اسكتي يا سما.
- حاضر.
بعد دقايق بعد عني ودخلت لبست وهو نزل يحضر الفطار... خلصت ونزلت على السلم وانا حاسه اني دايخه... كنت هقع بس اياد مسكني.
= ايه اللى نزلك من فوق.
قال جملته بعصبيه.
انا بدأت اعيط.
- متزعقليش... انت وحش.
= اووف انزلى يا سما يلا براحه.
نزلت معاه وانا زعلانه وبعيط.
قعدني على الكرسي وهو قعد على الكرسي اللى قدامي.
= كُلي يلا.
- مش عايزه اكل حاجه.
= سماااااا متعصبنيش كُلي يلا.
كان بيتكلم بعصبيه.
انا خوفت منه فكلت بسرعه ولما خلصت حطيت راسي على السفره وقعدت اعيط... حسيت انه جه قعد جنبي.
- مش عايزه اكلمك... انت وحش امشي من جنبي.
= انا كنت خايف عليكي بس.
- انت اتعصبت عليا جامد.
قعد يطبطب عليا وانا حاطه راسي على السفره.
= والله كنت خايف عليكي... يعني انا لو ملحقتكيش كان ايه اللى ممكن يحصل.
- ا انا م مش بح بحب حد يزعقلي.
قولت جملتي وانا بعيط جامد.
شالني وطلعني الأوضه... لما دخلنا الأوضه نزلني اقف على الأرض.
- جبتني الأوضه ليه.
= هنعمل حاجه.
- مش عايزه اعمل حاجه.
= انتي لسه زعلانه.
- ايوه.
= طب اصالحك ازاى.
- متزعقليش تاني.
= ولو غلطتي.
- كلمني براحه... قولي انتي غلط.
اتنهد.
= ماشي... مش هزعقلك تاني... وانتي اوعديني انك هتسمعي كلامي.
مسحت دموعي بضهر ايدي.
- ماشي.
مسك ايدي وسحبني وراه.
= طب يلا هنعمل حاجه حلوه.
- ايه هي.
= هنصلي.
- يعني ايه.
علمني ازاى اتوضئ وازاى اصلي وفهمني بنصلي ليه وبعد ما علمني كل حاجه بدأنا نصلي سوا... كان صوته حلو اوى واحنا بنصلي.
بعد ما خلصنا قعدنا على السرير.
- صوتك حلو اوى يا بابا وانت بتصلي.
= انتي ليه مصممه اني بابا.
- معرفش... بس انا بحبك.
باس راسي.
= وانا بحبك ومش هزعلك خالص.
بصيتله ببراءه.
- هو انت ممكن يجي يوم وتسيبني.
= في حد يسيب بنته بردو.
حضنته جامد.
- بحبك يا بابي.
= والله وانا كمان بحبك يا روح بابي.
قعدنا اليوم سوا وانا كنت مبسوطه اوى وهو كان بيلعب معايا وبيضحكني وانا حبيته اوى.
صحيت تاني يوم الصبح ملقتهوش جنبي.
- ب بابي بابي... يا اياد... بابي اياد.
مكنش بيرد عليا وانا قعدت اعيط لغايه ما حسيت ان في حد جه قعد جنبي بصيت عليه لقيته اياد.
بصيتله بدموع.
- كنت فيين.
حضني بحنان.
= كنت في الصالون يا قلبي.
- متسيبنيش لوحدى تاني.
باس راسي.
= حاضر.
سكتنا شويه.
= سمسم.
- نعم.
= في ناس انهارده جايين يشوفوكي.
- مين.