رواية: هرجع... ♡
الجزء التاسع عشر ♡
الكاتبه: سما طارق ♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
- طيب قول.
= عايزك تستحمليني.
انا مفهمتش قصده اوى.
- مش فاهمه.
= قصدي تستحملي عصبيتي... برودي... شخصيتي الغريبه.
انا بعدت عنه شويه... واتكلمت معاه بجديه لأول مره.
- انت عارف يعني ايه بحبك... بحبك مش مجرد كلمه... دي وعد مني ليك اني عمري ما هسيبك وهستحملك بكل حالاتك... وكمان هو ايه اللى استحملك.. انت جلدني وانا حبيتك... وكمان اللى حببني فيك شخصيتك الغريبه دي.
حضني جامد.
= والله بعشقك.
حضني شويه وبعدين سابني... وكان بيهزر.
= بس قوليلي انتي طلعتي بتعرفي تتكلمي جد اهو.
- عيب عليك ياسطا... انا جد تلاقي... هزار تلاقي... هبل تلاقي... جنون تلاقي... بلطجه تلاقي... كله موجود.
= بحبك يا مجنونتي الصغننه.
- بحبك يا بابي.
عدى اليوم وانا كنت مبسوطه جداً... وجه الوقت اللى هنسافر فيه.
= جهزتي الشنط.
- اه جهزت الشنط بس حاسه اني ناسيه حاجه.
قرب مني ببطئ وقربني منه من وسطي.
= ايه هى الحاجه بقى.
- ا ابعد يا ابني خليني اعرف افتكر.
= انا مش ماسك دماغك... افتكري.
- لا ماسك دماغي... ابعد بقى بجد عايزه افتكر ممكن تكون حاجه مهمه.
بعد عني شويه.
= امممم خليني اساعدك.
- تمام.
حط ايده على دقنه.
= جبتي اللبس بتاعك وبتاعي.
- يس.
= اممم..........
قعد يقولي على حاجات كتيره وانا اقوله ايوه.
= خلاص مش ناسيه حاجه.
- افتكرت.
= ايه بقى.
روحت وجبت صوره لينا سوا في الفرح.
- هو ده.
= دي صوره فرحنا.
- ايوه.
= طب وانتى هتاخديها ليه.
- كده ملكش دعوه... انا بحبها تكون معايا في كل مكان.
باس جبهتي.
= ماشي يا قلبي براحتك... يلا بقى علشان نمشي.
- يلا.
شال الشنط ونزلهم العربيه... بعد دقايق وصلنا لمطار مخصص ل اياد الكيلاني... ركبنا الطياره واتحركنا... وبعد وقت وصلنا ل لندن... كنت ببص من شباك الطياره بإنبهار وفرحه... مكنتش اتخيل خالص اني ممكن في يوم من الأيام اسافر لندن... واااو انا بجد في لندن دلوقتي... مفوقتش غير على صوت اياد.
= ايه رأيك.
- جميله اوى.
= يعني مبسوطه.
بصيتله بفرحه.
- جداً.
نزلنا من الطياره روحنا على قصر كبير وكان جميل اوى.
لما دخلنا.
- القصر ده جميل اوى.
= ايوه.
دخلنا اوضتنا غيرنا هدومنا وقعدنا في الصالون.
انا كنت قاعده في حضنه.
- اياد.
= يا عيون اياد.
- انا زهقانه.
قعد يلعب في شهري.
= تحبي نعمل ايه.
- مبدئياً كده سيب شعري في حاله.
= لا.
- عيل رخم.
= اخلصي عايزه نعمل ايه.
- عايزه اخرج.
= لما ارجع من الفرح هخرجك... وكمان دلوقتي وقت نوم اصلاً... يلا قومي.
- مش عايزه.
= سمااااا.
قومت وانا ببرطم.
- كل حاجه زعيق زعيق.
تقريباً هو سمعني.
= تعالي يا بت هنا.
لفيت وشي ليه.
- عايز ايه.
= النوم مش بيكمل بواحد بس.
قال جملته وغمزلي.
- غور ياض من هنا.
= متجوز سرسجيه.
- اذ كان عاجبك.
= عاجبني ونص ياقمر.
غمزلي تاني 🙂.
- انسى.
كلمته بإستفزاز.
جري ورايا ومسكني من بطني .
= تعالي هنا.
- عااااااا سيبني.
= اياد الكيلاني يتقاله انسى.
- اياد الكيلاني ميتقالوش بس قرة عيني يتقاله عادي.
= بحبك يا بت.
- والله وانا كمان يابو العيال.
قولت جملتي بهزار وبطريقه غريبه.
= هههههههه طلعتي بيئه يا سما ههههههه يابو العيال هههه.
لفيت وشي ليه ومسكت خدوده.
- دخيلي ع هالضحكه.
ضحك كتير اوى... وانا كنت سرحانه في جمال ضحكته.
= ههههههه والله مجنونه هههههه.
- بقولك ايه يا عسليه انت.
= اشجيني.
- انا بفكر اهرب.
= تهربي من مين.
- من زوجي... بقى عصبي اوى وقفوش.
= قفووش.
- اه... عايزه اهرب منه ونتجوز يابو عيون غريبه عجيبه.
شالني على ايده.
= لا استني ده انتي تقوليلي بقى خطتك.
مسكت في رقبته جامد.
- ايه ده يالمونحرف هتوديني فين.
= الله يخربيت التليفون اللى انتي قاعده عليه ليل نهار... بوظك.
دخل اوضتنا ورماني على السرير.
= اشجيني بقى هتهربي ازاى من زوجك.
بدأ يخلع الجزء اللى فوق من لبسه.
- لا بقولك ايه مش علشان بهزر معاك... تفتكرني رخيصه... لا أبداً يابا فوق لنفسك.
قرب مني وهو عاري الصدر.
= بلطجيه اوى انتي.
- ح حصل ابعد بقى لأعضك.
قرب اكتر.
= تعضيني هاا.
- مين قال كده ياباشا هو انا اقدر.
احم احم احم حصل اللى حصل ونمنا.
تاني يوم الصبح صحيت لقيته نايم زي الملايكه... ثواني ولقيته بيصحى.
= صباحو عسل.
- صباح الخير ياخويا... مدرتش باللى حصل.
= حصل ايه.
- مش قرة عيني طلقني.
قام وسند رأسه بإيده.
= بيجاد... ليه.
عملت زيه قدامه.
- مفيش يا سيدي دخل الأوضه وشافني نايمه جنبك راح مطلقني ومشي.
= طب كويس علشان نبقى براحتنا.
- كويس.
باس منخيري بسرعة.
= بحبك يا صغنن.
- علفكره انا عندى 19 سنه يعني مش صغيره.
= بس بالنسبه ليا صغيره.
بوسته في خده.
- ماشي يا بابي يا عسل.
قومنا فطرنا وبعيدن اياد جهز علشان يروح الفرح وانا قعدت في القصر لوحدي... كنت زهقانه اوى فكنت قاعده في الشرفه الكبيره اللى في القصر.
بعد ساعات سمعت صوت باب القصر بيتفتح فعرفت ان اياد جه... نزلت جري علشان اشوفه.
جريت عليه وحضنته جامد وهو شالني.
= وحشتيني.
- وانت كمان اوووى.
= طب يلا اطلعي اجهزي علشان نخرج.
بوسته في خده.
- فُريره.
طلعت جري لبست بسرعه ونزلت كان هو كمان غير هدومه.
- ليس جو يا يودا.
كان واقف باصصلي بإنبهار.
انا كنت لابسه دريس اسود طويل و واسع شويه وكنت حاطه ميك اب خفيف اوى.
- الو يا اياد.
كنت بحرك ايدي قدام عينه.
= يلاهوي على القمر.
- بتكسف اللااه.
= بس استني ايه ده.
قال جملته وحرك ايده على شفايفي.
- ده روج.
= ده ليه بقى ان شاء الله... ونزعلي لما اتعصب.
- لا خلاص وعلى ايه... هطلع امسحه.
كنت هطلع بس هو مسك ايدي.
- والله قو......
معرفتش اكمل جملتي علشان هو خطف بوسه طويله فجأه... انا شهقت بصدمه من حركته... بعد ثواني بعد عني.
= كده حلو.
كان الروج كله اتمسح.
- والله قليل الأدب.
شدني من وسطي.
= والله زوجك.
- طب يلا.
خرجنا من القصر وركبنا العربيه وصلنا لمكات جميل جداً كله ورد وكان في نافوره كبيره وكان الجو هناك حلو اوى... وكالعاده مفيش فرد واحد في المكان.
- هو المكان حلو وكل حاجه... بس انا عايزه اسألك سؤال يا سي يودا.
= اسألي.
- انت مين علشان يبقى كل مكان تروحه مفيهوش شخص واحد.
اتكلم بغرور اوى.
= انا اياد الكيلاني يا روحى... يعني كلمتي سيف على رقبة اي حد.
- يخربيت غرورك يا اخي.
= المهم المكان عجبك.
- المكان تحفه.
كنت ببص للمكان بإنبهار.
كملنا اليوم وانا كنت مبسوطه جداً... كنت مبسوطه بحنية اياد عليا... وبالمكان الجميل اللى جابني فيه... كنت مبسوطه جداً بعيون اياد اللى مشالهاش من عليا لحظه واحده... وكانت كلها حب... عدت الأيام وجه اليوم اللى هنرجع مصر فيه.
صحيت الصبح لقيته نايم بعمق.
- يودا... حبيبي... يا دودو... يابني... يا اياااد.
حاولت اصحيه كتير بس هو مكنش بيرد خالص... نزلت اسمع دقات قلبه لقيت.........