رواية منقذى حياه
الفصل الثالث
انا واقفه مصدومه ومش عارفه مين دى ، وطالما هو عنده واحده بتحبه كده وهو كمان
باين انه بيحبها كان لازمته ايه م الاول.....
فضلت ساكته لانه مش وقته ، وكمان لان ده مش من حقى ، وانا مليش اى سلطه عليه ،
صحيح انا لقيت نفسى بغير عليه جدا م اول مادخلت وكمان لما مسكت ايده ، بس ان
جينا للحق انا مش م حقى اغير عليه...
"الحمد لله سليم خرج م العناية المركزه تانى يوم الصبح ودخلنا كلما اطمنا عليه
والحمد لله بقى كويس ، وبعدين عدى الدكتور طمنا عليه والممرضه ادته الدوا ونام....
- بابا : كفاية روحوا انتو...انا ويحيى قاعدين معاه...
= ماما : لأ انا مش هسيب ابنى احنا كلنا هنفضل جنبه...
- بابا : هو نام دلوقتى ومش هيصحى غير بعد كام ساعه زى ما الدكتور قال ، يالا روحوا
ارتاحوا كام ساعه وبعدين ابقو تعالو اطمنو عليه...
وبص ل منه وقال : يالا يا بنتى انتى كمان روحى معاهم ميصحش تقعدى بفستانك كده ف المستشفى...
سمعنا كلام بابا ومشينا كلنا ، وفضل قاعد بابا ويحيى والبنت الجميله دى اللى مفارقتش
يحيى طول الليل ومبطلتش كلام وطمأنه فيه....
انا ماشيه وانا هموووت م الغيره ومش قادرة اشيل عينى م على يحيى....
_____________
(ف قسم الشرطه)
- ما انت اعترفت ماعترفتش الجريمه لابساك...الامن والضيوف اعترفوا ان انت اللى ضربت النار ، المسدس كان جنبك وعليه بصماتك وده مسدسك اصلا ،
والخناقه اللى كانت قبلها بتأكد ان فيه دافع للقتل ، فوق كل ده كاميرات المراقبه اللى ف القاعه جايبه المشهد واضح قوووى...
= كدب كدب كل ده محصلش....
- انت احسنلك كده تقول ايه اللى خلاك تعمل كده يمكن دوافعك دى تخفف عنك الحكم شويه....
= انا.....انا عايز المحامى بتاعى....
- ماشى هنجيبلك المحامى بتاعك...
(المحامى وصل)
- انا هسيبكم 5 دقايق بس ياريت تعرف تقنعه يا متر انه يقول دوافعه ويعترف عمل كده ليه ، لان كده كده بكره هيتعرض ع النيابة...
= حاضر حاضر يا افندم هحاول متشكر جدا...
- تمام اتفضل....
- لؤى : قولى يا متر ها ايه موقفى ف القضيه؟!...
= المحامى : موقف ايه وزفت ايه انت ازاى تعمل كده يا زفت انت؟! هو انا كل يوم هجرى وراك ف الاقسام والنيابات اخرجك منها....
- استنى بس انا هفهمك...
= تفهمنى ايه ونيلة ايه دى جريمة قتل عارف يعنى ايه قتل؟! وادعى بقى الولد اللى انت ضربته ده ميموتش ف المستشفى والا هتلبس اكتر مانت لابس...
"متستغربوش انه بيكلمه بالاسلوب ده ، ده محامى العيله وصاحب بابا لؤى وتقريبا هو اللى مربيه ، ومستحمل كل مصايبه وبيخرجه منها"
- امال انا كلمتك ليه؟!
= هو انا هعمل ايه يعنى دى جريمة قتل او شروع ف قتل ، اخرى اجبلك فيها حكم مخفف ده ان قدرت...
تنهد لؤى بصوت عالى وحط وشه وسط ايديه وسكت...
= قولى انت ايه اللى خلاك تعمل كده؟!يمكن دوافعك تساعدنا شويه...
- ........
= اتكلم يا لؤى مفيش وقت...
- اللى اسمه يحيى ده بيحب مراتى ، وكان واقف يتكلم معاها ف القاعه ، رحت اتكلم معاهم ، مد ايده عليا وهانى وسط الناس ، خدتها وروحت ولما اتأكدت انها كمان بتحبه خدت المسدس وجريت علشان اقتله...
= وطبعا جت ف سليم...
- أممممم...
= عرفت ازاى انها بتحبه؟!...
- م كلامها....
= كنت قاعدين فين؟!
- ف اوضة النوم...
= أممممم ، للأسف طبعا مفيش كاميرا ف الاوضه...
- لأ طبعا الكاميرات ف باقى الڤيلا بس مش ف الاوض....
= عارف عارف.... كده مش هنعرف نثبت حاجه ، بص احنا عموما كده كده هنقول الكلام ده ف المحضر ، وهما هيستدعوهم لسؤالهم وطبعا هينكروا ، بس احنا هنصمم ع رأينا انه دفاعا عن الشرف....
- ماشى ماشى اللى تشوفه ، قولى انت عايزنى اقول ايه وانا هقوله...
= تمام....اسمع اللى هقوله ده كويس قوى.....
_____________
بالليل رحنا المستشفى لسليم كلنا انا وماما واخواتى ومنه وباباها ومامتها كلنا رحنا قعدنا جنب سليم اللى الحمد لله بيتحسن ف كل لحظه عن اللى قبلها...
وطبعا ملقتش البنت صاحبة يحيى كانت مشيت ، فقولت باصطناع :
- هى فين صاحبتك دى يا يحيى ، مشيت؟!
= اه مشيت م شويه....
- أمممم....باين عليها جدعه قوى...
"شكله كده فهم م كلامى ، باين اصلا عليا ، الغيره هتموتنى"
= اه جدعه جدا جدا فوق ما تتخيلى ، دى صاحبتى انا وسليم اول ما عرفت جت جرى زى ما شفتى وممشيتش غير لما اتطمنت عليه....
- أممم...فيها الخير والله...
وخرجت بره الاوضه وروحت عند شباك كبير قدام الاوضه ووقفت عنده...
خرج ورايا ووقف جنبى وقال :
- مالك؟!
= مفيش...
- بتسألى ليه ع يارا طيب؟!...
= عادى مجرد سؤال...
- بتغيرى عليا؟!...
= نعم؟! طب واغير عليك ليه ان شاء الله....فوق ومتنساش انا واحده متجوزه...
- هتتطلقى قريب...
= بس مش معناه انى هتجوزك...
- مين جاب سيرة الجوزا دلوقتى؟!...
= انت.... ، يووووووه...
"ولسه همشى مسكنى م ايدى بصتله وقولت :
- تبقى مين؟!!
= صاحبتى انا وسليم...
- لأ الحقيقى...
= ماهو ده...
- يحيى...
= قلب يحيى...
- مين دى؟!
تنهد بصوت عالى وقال :
- بتحبنى؟!
= قد ايه؟!
- تعرفى قد ايه عن الحب؟!
= كتير...
- هى اكتر منه بكتير...
= للدرجه دى...
- واكتر...
- وليه متأكد...
= مستنيانى...
- م امتى؟!...
= م قبل ما اتقدملك...
- مرحتلهاش ليه؟!...
= مش قادر انساكى...
- طب وهى؟!...
= هبقى بظلمها معايا...
- دى بتحبك...
= وانا بحبك...
"بصتله ومقدرتش اتكلم ، وفجأه جه حد م الامن وقال :
- حضرتك مدام حياااه؟!
= اه انا...
- حضرتك د/يحيى؟!
= اه...
- حضراتكم مطلوبين للادلاء بشهادتكم قدام النيابه ، ياريت تتفضلو معايا....
رحنا انا ويحيى ع النيابة وهناك اول سؤال وجهولى وكيل النيابه كان :
- زوج حضرتك يا مدام حياااه بيتهمك بعد المحافظه ع بيته واحترام زواجك منه
وانك لسه بتحبى يحيى واعترفتيله بحبك ليه بعد ما خرجتو م الزفاف
، وده الدافع اللى خلاه يحاول يقتله ، دفاعا عن شرفه ، ما قولك فيما هو منسوب اليكى؟!......