مراد من وراها : مفكراني اقدر اسيب روحي بسهوله كدا و امشي .
ملك : مرااد و اتعلقت فيه زي الطفل الصغير .
مراد : هشش اهدي انا معاكي .
ملك بعياط : انا كنت خايفه تكون مشيت زي ما كلو بيمشي .
مراد : انا متأكد ان ربنا جابني هنا عشان اقابلك ، فأسيبك ازاي بس ؟ .
ملك : بجد مش هتبعد .
مراد : مش هبعد يملك .
ملك : طب يلاا بقي كفايه محن ، عاوزين ناكل انا جعانه .
مراد بضحك : ياستي ماشي يلا ناكل .
************
وسيله روحت البيت من الشغل .
وسيله : مااالك .
مالك : نعم .
وسيله : عاوزة اعمل الاكل انهرده ، كفايه اكل من برا .
مالك : هتعرفي .
وسيله : عيب عليك انت بتكلم عيله ولا ايه .
مالك : طب لما نشوف .
وسيله دخلت المطبخ و بدات تكلم نفسها ، انتي هتعترفيلو عادي جداا ! ، يعني ايه عادي انتي اتهبلتي من امتي دا بيحصل ، اكيد لازم يحصل ، طب بصي انتي مش هتقوليها هتستني هو يتكلم ، افرضي معندهوش نفس الاحساس يبقي لازم تعرفي عشان تعرف ، اووف اسكتي اسكتي .
و بدات تعمل الاگل .
************
ورد : بقولك ايه يجاسر ، انا هكلم مالك ف موضوع ملك ، انا اتخنقت .
جاسر : هو ف ايه ياورد .
ورد : مفيش بس لازم افهم ، انا هروح النهارده الشقه بتعته اشوفو كمان مالو بقالو كام يوم .
جاسر : طيب ماشي نتعشا و خلي السواق يوصلك .
**************
ملك : احيه انا اتاخرت اوي اوي الساعه ٨ .
مراد : ولا اتأخرتي ولا حاجه .
ملك : بصراحه انا قيللهم اني بروح الشغل كل يوم عشان اجيلك .
مراد : يبقي قوللهم اتأخرتي و اعتبري دا اليوم الوحيد الهنبقي فيه سوا .
ملك : ليه بتقول كدا ؟ .
مراد : تيجي ادخلك عالمي ، ايه رءيك ؟ .
ملك : ازاي بقي .
مراد : تعالي و شوفي و مدلها ايديه .
ملك اترددت و لكن حطيت ايديها ف ايدو و راحت معاه .
************
مالك : الله ايه الجمال دا ياوسيله ، انا فكرت هيطلع وحش فالاأخر و هتريق برحتي .
وسيله : لا لا انا طباخه شاطرة .
مالك بصلها بتوهان : انا عارف انك ف كل حاجه جميله .
وسيله بكسوف : ممكن تاكل بسرعه عاوزة اكلمك ف موضوع .
مالك : باكل اهو .
وسيله بزعيق : لا بقولك ايه انت بطئ اوي ، اوعي كدا .
و مسكت الطبق و بدأت تأكله بسرعه بالمعلقه .
مالك بيكح : يبنتي براحه .
وسيله خبطت علي ضهرة و شربتو عصير : يمالك قلتلك بسرعه .
مالك قام و قعد ع الكنبه : طيب خير بقي .
وسيله بكسوف : بص انا كنت عاوزة اقولك حاجه مهمه جدا.
مالك : ها قولي .
وسيله : لا بص خلاص و جايه تقوم .
مالك مسكها من ايدها و وقعت بين ايدو ، قرب وشه من وشها .
مالك : قولي انا سامعك .
***********
سيف قاعد مخنوق لقي التليفون بيرن .
سيف : الو .
مني : اي يحبيبي .
سيف : حبيبك .
مني : هو مش انت بتحبني و هنتخطب ولا ايه
سيف : ايوا يمني بس احنا لسه متخطبناش .
مني : بردو حبيبي .
سيف : طب بصي انا ف ايدي شغل هخلص و اكلمك .
و قفل و بدأ يرن ع سيلين كالعادة من تاني و مبترودش .
و كتب مسدج " سيلين ردي عليا لو لأخر مرا ، اديني فرصه تسمعي ، انتي الخلتيني اعمل كدا " .
وصلت المسدج لتليفونها وهي قاعدة وسط ذكرياتها و صورهم و دموعها .
سيلين رميت الفون : مش هرود والله لو عملت ايه مش هرود ، انت برا حياتي خلاص ، انت سيف تاني غير الكنت اعرفو .
************
ملك : هو دا عالمك .
مراد : اي رءيك .
ملك : جميل اوي .
" كنت ف وسط مكان كله اشجار ، خالي من الناس و نار متولعه من الخشب و خيمه محطوطه و كتب كلها عن الخيال العلمي و الطبيعه" .
ملك قعدت قدام النور : تخيل كدا ان العالم دا فعلا مفهوش غيري انا وانت .
مراد : كنتي هتبقي مبسوطه .
ملك : اوووي وهبقي مطمنه ، انا ببقي مطمنه معاك.
مراد : كنتي هتنسي مالك .
ملك : و ليه بس السيرة دي .
مراد : بلاش ، كنتي عتنسي انك عمرك ما هتعرفي تخلفي .
ملك : انا لو بحب حد عستغني عن اي حاجه ف الدنيا عشانه .
مراد : بيتهيئلك .
ملك : ممكن بقي نقرا الكتاب عشان فاضل شوية و اروح .
**************
وسيله : طب هكلم ازاي كدا وانت مقرب مني .
مالك : ايه الهيحصل .
وسيله : بتوتر ، و قلبي بيدق ، بحس ان جسمي كله بيترعش .
مالك بعد عنها : عاوزة تقولي ايه .
وسيله حطيت وشها فالأرض : مالك انا بحبك ، بحبك كلمه قليله علي الحساة ناحيتك معرفش امتي و ازاي ، و معرفش اذا كنت بتحبني او لا بس انا عاوزة ارتاح .
مالك واقف مصدوم .
وسيله غمضت عنيها : بتحبني ولا لا انا مستنيه الرد .
مالك بأبتسامه رفع وشها بايديه من الارض : افتحي عنيكي .
وسيله : خايفه افتحها .
مالك : افتحيها يا وسيله .
وسيله فتحتها .
مالك : متخفيش من ردي و متخفيش مني ف يوم من الايام قولتلك انا سندك .
و بعدين سكت شوية و مسك وسيله من وسطها قربها منه .
مالك : انا كمان بحبك ، و كنت خايف تكوني انتي المش بتفكري فيا .
وسيله بفرحه : بجد يمالك .
مالك : بجد ياوسيله و عاوز اتجوزك كمان ، انتي حاجه كبيرة اوي نورتلي حياتي ، حاجه بقيت خايف علي نفسي علشانها .
و فجأه الباب بيخبط .
مالك : هروح افتح هتلاقي البواب و جاي .
راح عشان يفتح لقي ورد.
ورد : ازيك يحبيبي وحشتني .
و ملحقش يتكلم كانت دخلت .
ورد اول ما شافت وسيله : .....
"وردة قلبي" الجزء التاني .
"البارت التامن"
بقلم/صباح سامي غمري .
و فجأه الباب بيخبط .
مالك: هروح افتح هتلاقي البواب و جاي .
راح عشان يفتح لقي ورد .
ورد : ازيك يحبيبي وحشتني .
وملحقش يتكلم كانت دخلت .
ورد اول ما شافت وسيله : يانهار اسود انتي بتعملي ايه هنا مع ابني ، انطقي .
وسيله بصدمه : انا انا انا .
ورد : هتقعدي تقولي انا كتير ، بتعملي ايه مع ابني ف شقه واحدة لوحدكو .
مالك : اهدي بس يماما انتي فاهمه غلط .
ورد : فاهمه غلط و بتاع ايه ، بقالكو اد ايه مع بعض ، اتكلم .
مالك بزعيق : بس اسكتي , انتي فاهمه غلط انا بحب وسيله و عاوز اتجوزها .
**********
جاسر قاعد مع ادهم .
جاسر : اي رءيك نعزمو بكرة مازن و مها و الاولاد .
ادهم : ياريت والله نغير جو شوية .
جاسر : خلاص قوم هاتلي التلفون .
ادهم جابله التلفون .
جاسر : السلام عليكم ، ازيك يحبيبي اخبارك .
مازن : انا تمام الحمدلله .
جاسر : بقولك ايه هات الاولاد و مستنيكوا بكرة باذن الله نتغدا سوا و نقضي اليوم.
مازن : والله وحشتني الايام دي ، خلاص بأذن الله هنيجي .
ادهم : ايه هيجو .
جاسر : ايوا .
ادهم : طب هطلع انا بقي اقول لسينو.
و طلع بيخبط .
ادهم : بتتت اسينووو افتحيي .
سيلين : خيررر يا وش الفقر .
ادهم : جيبلك خبر انما ايه جامد ، هتديني بوسه بعديه .
سيلين بضحك : اي الخبر اليخليني اديك بوسه .
ادهم : سيف بكرة جاي .
سيلين ببرود : اعمل ايه يعني .
ادهم : ادة ادة ، دا انتي كنتي بتقومي ادام المرايا ، انا كدة حلوة ، طب نقيلي طقم ، طب احط مكياج ولا لا ، فين الكلام دا .
سيلين : ف ايه يا ادهم ، عادي كل الناس بتتغير ، سيف مش فارق معايا .
ادهم : عليا بردو ، ايه الحصل انتي عارفه اني بسمعك .
سيلين : سيف هيخطب مني .
ادهم بصدمه : مني السكرتيرة .
سيلين : ايوا و كسرني يا ادهم ، انا عمري ما هسامحه .
ادهم مذهول و افتكر لما سيف اعترفلو انه ميقدرش يعيش من غير سيلين و بدأ يفكر هو ليه سيف بيعمل كدا ؟ .
***************
ورد : تجوزها و ملك انت اتجننت .
و قربت منه و ضربته بالقلم : القلم دا عشان تفوق فاهم ، بنات الناس مش لعبه ، انت علقتها بيك من الاول وانا مش هسمحلك تعمل كدا ، و دي واحدة من الشارع لما توافق تقعد مع واحد غريب ف شقه و بعدين بصيت لوسيله : وانتي يابت تدخلي تاخدي حاجتك و تطلعي براا ، فاهمه مش عاوزة اشوف وشك تيجي جمب ابني تاني.
وسيله بعياط : انا والله مغلطش .
ورد : اخرسي و اطلعي برااا .
مالك بزعيق : وسيله استني ، انتي نسيتي نفسك جبتيني ازاي ؟؟ .
ورد بصدمه : انت بتقولي انا كدا ؟ .
مالك : مكنش حد يعرف و رغم كدا هو مقالش عليكي انك من الشارع و اتجوزك و بيحبك .
ورد : بس انا كنت مراته .
مالك : وسيله كمان هتبقي مراتي اتقبلتي دا متقبلتهوش مش هتفرقي معايا ، ترضيه ع نفسك و تكرهي لغيرك .
ورد بدموع : انت بتكلم امك كدا و بتقول كدا عشان دي .
مالك : متغلطيش فيها للمرا المليون و انتي متعرفيش ظروففها ولا ايه الحصل ولا كلفتي نفسك تسألي وشكيتي ف ابنك المربياة ، اتفضلي اطلعي برا شقتي .
ورد بدموع : عمري ما هسامحك ، غضبانه عليك ليوم الدين يامالك .
و طلعت برا الشقه كلها.
وسيله اترمت ع الارض بعياط : انا السبب ، انا السبب ف كل دااا ، انا اسفهه ، والله ما كنت اقصد ، والله كنت واثقه فيك اكتر من نفسي ، ليه فهمتني غلط و ليه عملت كدا ، انا لازم امشي برا حياتك يمالك .
مالك نزل ف الارض و قرب منها وحط ايدو ع بوقها : هشششش اوعي تقولي كدا تاني ، انا بحبك و احنا هنصلح كل شئ سوا ، اصبري عليا بس و اديني وقت ، خليكي جمبي .
وسيله بدات تهداا : انا السبب يمالك مينفعش .
مالك ضمها لي : صدقيني انا مش عاوز غيرك ليا ، انا الغلط مش انتي .
************
"يوم جديد علي ابطالنا" .
جاسر : ورد انتي بتعيطي لسه ؟ .
ورد : لا طبعا مش بعيط .
جاسر : هو ف ايه ، انتي من انبارح غريبه ، طب هو مالك زعلك ف حاجه ؟ .
ورد : لا لا محدش زعلني انا كويسه .
جاسر : طب مازن و مها و العيال جايين .
ورد : انهرده .
جاسر : قلتلك من انبارح ، انتي مكنتيش معانا ولا ايه .
ورد : لا لا بس نسيت .
جاسر : طب يلا قومي ، وانا هتصل بمالك .
التليفون بيرن و مالك نايم عالكنبه .
مالك بنوم : الو ، ايه يبابا .
جاسر : صباح الخير .
مالك : صباح النور .
جاسر : تعالالي النهارده ، عازم عمك مازن و كلنا لازم نبقي سوا .
مالك : بس يبابا .
جاسر : مبسش خلاص نص ساعه تبقي عندي .
مالك : طيب طيب .
وسيله دخلت ع مالك بالاسدال .
مالك بضحكه : مش معقول كل يوم الاسدال بيخليكي احلي من القبله .
وسيله بابتسامه : صباح الخير .
مالك : معلش يا وسيله انا مش هعرف انهرده ابقي معاكي ولا ف شركه ولا ف البيت ، و هاجي بليل .
وسيله بزعل : ليه ايه الحصل .
مالك : ابويا انهرده عازم عمي مازن و مراته و عياله .
وسيله بتردد : ملك تبقي بنتو .
مالك : ااه
وسيله : وهي جايه .
مالك : اة .
وسيله : طب و بعدين .
مالك : ولا قبلين مالك ف ايه .
وسيله : خايفه .
مالك : متخفيش انا بحبك و عمري ما هبص لحد تاني ، روحي بقي هاتي الاكل و بطلي تبصيلي كدا عشان والله هبوسك .
وسيله بكسوف : انا راحه اجيب الاكل .
*************
ملك صحيت من النوم و بدأت ترن علي مراد مقفول كالعادة من ساعت ما سبها من انبارح .
ملك : ياترا انت كويس ولا لا ، انا حتي معرفش مكانك ، غير انك من اسكندريه .
سيف : بتتتت لبستي ولا لسه .
ملك : يوووووة لسه ، انا اصلا مش عاوزة اروح .
سيف : الله و مالك يزعل .
ملك : بطل رخامه بقولك مش فايقه ،سبني عشان البس .
***********
اتجمعوا كلهم ف الفيلا و بدأ يهزرو الكبار و يضحكو و الباقي قاعد صامت .
سيف منزلش عينه عن سيلين .
و ملك و مالك كل واحد فيهم ف عالم تاني .
ادهم : انا اتخنقت ما تكلمو ف ايه .
ملك : هنقول ايه طب .
ادهم : اي حاجه ياستي دا انا اتخنقتلكو .
سيف : سيلين عاوزك شوية .
سيلين : عاوزني ف ايه .
سيف : عفهمك حاجات ف الشركه اكتر تعالي ع غرفه المكتب جوا.
سيلين : طيب نا قايمه يمالك .
**********
ملك : مالك انا عاوزة اتكلم معاك .
مالك : خير .
ملك : ارجوك اتكلم كويس .
مالك : عاوزة ايه يملك مني .
ملك بدموع : قلتلك بلاش الطريقه دي .
مالك: خلاص متعيطيش انا اسف ، اتكلمي.
ملك بدأت تجمع نفسها : حبيتك لسنين من وانا صغيرة ، رسمت حياتي و كل حاجه عليك ، بس كنت غلطانه ، ساعات الحب الاول مش بيكمل ، ساعات مش كل حاجه بنرسمها هي البتحصل ، ممكن تبقي من نصيب حد تاني ، كنت غلط ، اكتشفت دا ف الفترة الفاتت ، انا عاوزة نبقي اخوات .
مالك : بجد يملك اقتنعتي ؟ .
ملك : ايوا انا كنت غلط و مديت ايديها تسلم .
ملك : صافي يا لبن .
مالك : حليب يا قشطه .
ملك : يلا نرجع نقعد معاهم .
دخل ملك و مالك .
مازن : انا طبعا موافق هو انا هلاقي احسن من مالك لملك .
ملك: بصدمه موافق ع ايه يبابا .
مازن : جاسر يستي و ورد طلبوكي لمالك وانا وافقت .
جاسر : ايوا عاوزين نفرح بيكوا .
مالك بصدمه : ازاي الكلام دا .
ورد : ف ايه يمالك هو احنا غلطنا ولا ايه .
ملك لسه هتكلم لقيت مسدج من الموبايل من مرا .
و مكتوب " انا اسف يملك ، انا بعدت عن حياتك نهاءي ، ومتحاوليش توصليلي بأي طريقه لانك مش هتعرفي ، انا سافرت برا مصر ، مينفعش تبقي مع واحد مبيخلفش ، هتفهمي دا بعدين " .
ملك بصدمهه و عياط : لااااااا .
مالك : .........
لقراءة باقي الفصول الجزء الثانى من هنا