رواية توامي المختلف
الفصل السابع عشر
بقلم علياء حسنين
بعدما انتهت تالين من اخذ شاور ذهبت للجلوس مع ميار وتتحدث معها
ميار وهي تخرج من المطبخ:انتي خلصتي .... طب كويس تعالي اقعدي علشان ناكل مع بعض
لتذهب تالين باستغراب وتجلس علي السفره وهي كل تفكيرها منصب علي من هي هذي
ميار وهي تضع الطعام وجلس بجانبها:ناكل بقي ولا ايه
تالين بانتباه:هاا ... اه طبعا .... بس مش هتقوليلي انتي مين برضو
ميار بضحك :كلي يا تالين وانا هاقولك علي كل حاجه
ميار وهي تاخذ نفس عميق وتتحدث:
انا بنت الست الي احمد كان قاعد عندها
لما اتخطف من مامته ومش قال ان انا عايشه علشان خايف عليا من ابراهيم
تالين باستغراب: مامه مين وابراهيم مين
ميار بضحك: لا انت تقريبا مش عارفه اي حاجه فانا هعرفك كل حاجه
تالين بايماء:ياريت والله
لتسرد عليها ميار ملخص حياة احمد تحت دهشه تالين
ميار بعد ان انتهت:ها يا ستي فهمتي
تالين بحزن علي احمد وعلي ما مر بيه :ايوه ايو فهمت .... طب بعد ازنك
هادخل انام علشان تعبانه شويه
ميار :طبعا طبعا اتفضلي ياروحي نامي براحتك
لتذهب تالين لغرفه النوم وتستقل الفراش وتذهب في نوم عميق
♡♡♡♡♡♡♡♡♡♡♡♡♡♡
عند احمد
كان ينظر بدهشه وصدمه مما راى
فقد كانت نورسين تقف امام المراه تمشط شعرها الحرير الذي يصل الي اخر ظهرها بلونه الاسود الجميل وكانت تلف علي جسدها منشفه صغيره فهي كانت علي علم بان احمد لن يأتي لها بسبب وفاه جدته فكانت ترتدي ما يحلوا لها
نورسين وهي تدندن وهي تمشط شعرها:ولينااا رقصه ليينا رقصه
احمد وهو يدير بوجهه للناحيه الاخره ويتحدث:احم .. احم
لتلتفت نورسين بصدمه وخوف عندما سمعت صوته فهي لم يخطر ببالها بانه سوف يأتي لها .... لتنظر لنفسها لترفع نظرها له لتجدهينظر لها باعجاب لتسرع الي الحمام مره اخره
نورسين وهي تغلق الباب وتقف خلفه وهي تضع يديها علي قلبها :ياالهوي ايه الواد السافل ده واقف مبحلق فيا عديم الربايه
اما في الخارج عند احمد
احمد وهو ينظر في أثرها:هو انا مكتوب عليا اني اشيل ذنوب قد كده ولا ايه ... مره تالين ومره نور ... استغفر الله العظيم يارب انا مليش ذنب والله غصب عني اني بتحط في المواقف دي
نورسين من الحمام بصوت عالي:اطللع مره يا حيوان يا سافل لما اللبس
ليخرج احمد من تفكيره علي صوت مجنونته كما يلقبها :كده كده طالع مش من حلاوتك يعني علشان افضل في اوضتك
لينهي كلامه ويخرج من الغرفه وهو يتذكرها ويتذكر جمالها وجمال شعرها الاسود الجميل ليزفر بضيق من نفسه علي تفكيره هذا
بعد قليل تخرج نورسين من الغرفه وهي ترتدي عبايه بيتيه رقيقه وتضع حجابها
نورسين بضيق منه:نعم !!
احمد بغرور:بتتكلمي كده ليه ان شاء الله
نورسين :والله اتكلم براحتي
احمد بغضب:لا يا حلوه مش عليا انا
نورسين باستفزاز:لا عليك
احمد بغضب وصوت عالي:نوووور
نورسين برجفه وخوف من صوته لتتحدث وهي تحاول اخفاء خوفها:نعم!!واسمي نورسين علي فكره
احمد بغضب:انتي نسيتي نفسك ولا ايه يابت
نورسين بغضب هي الاخره:لا منستش مش لما اعرف البيه خاطفني ليه ان شاء الله
احمد بغضب وهو يذهب اليها :انتي مش ناويه تجبيها لبر
نورسين باستفزاز وهي لا تعلم ماذا تقول :لما ابقي شيفاك راجل ابقي احترمك
احمد بغضب شديد ليصفعها علي وجهها بقوه وهو ينظر لها بغضب :راجل غصب عنك يا****
نورسين بالم من شدة الصفعه لتقوم مسرعه الي غرفتها وتغلق الباب خلفها
لتذهب الي فراشها وترمي بنفسها عليه لتبكي بحرقه :ده عمر ما حد قدر يعملها عمر ما حد مد ايده عليا تعمل انت كده معايا
اما بالنسبه لاحمد
يكاد الندم يأكله كلما تذكر ضربه وإهانته لها... هي لاتستحق ذلك.. لاتستحق كل تلك القسوه منه..
شعر احمد بالندم الشديد يغزو ويتغلل قلبه عليها... أسفر عن تنهيدة حزن وندم طويله ثم أردف
احمد وهو يزفر بضيق وهو يمسح علي وجهه: اوووف استغفر الله العظيم يارب.....
ليذهب الي المطبخ ويضع الطعام الذي احضره ويرتب المطبخ ثم خرج ونظر الي غرفتها وجدها ما زالت مغلقه ليذهب اليها ويطرق الباب
احمد وهو يطرق الباب :احم ... ممكن تفتحي عاوزك
:........
احمد وهو يطرق مجددا: ممكن تفتحي لاني عاوز امشي
ليسمع صوت الباب يُفتح لتخرج نورسين وهي تنظر له بحده ووجها احمر من كثره البكاء لتنظر له بحده وتتحدث : نعم عاوز ايه تاني .... عاوز تضربني تاني!؟؟ عاوز تهيني تاني ولا ايه .... اتفضل ماهو ده الي بناخده منكم .... رجاله رجاله ايه!؟ههه رجاله قال بيمدوا اديهم علي ستات هي دي الرجوله هي...
احمد بمقاطعه: نوور ممكن تهدي انا عارف اني غلطت اني مديت ايدي عليكي بس انتي مستفزه
نورسين بحده:وده توصل بيك انك تمد ايدك عليا!؟؟
احمد وهو يمسح علي وجهه بضيق:خلااص عرفتت انني غلطااان اني مديت ايدي عليكي خلاص
نورسين :نعم كنت عاوز ايه انجز
احمد :مش فاكر نستيني كنت عاوز ايه .... اه صح .... انا جايب ليكي اكل يعني علشان الاكل الي هنا خلص ..... وفي موبايل هنا مش عليه غير رقم واحد انا معينه هنا في المبني علشان لو عوزتي حاجه ..... ليضيف بنبره محذره.... بس فكري انتي كده تستغلي الفون في حاجه وانا هاوريكي مين احمد لما بتعصب
نورسين وهي تنظر للناحيه الاخره بملل:هااا في حاجه تاني ... ولا ادخل انام
احمد وهو ينظر لها بضيق من طريقه كلامها: لا مش عاوز ادخلي اتخمدي
لتذهب نورسين الي غرفتها وتغلق الباب خلفها بقوه دون كلام
ليزفر احمد بضيق ثم يقوم ليذهب الي مرام
♡♡♡♡♡♡♡♡♡♡♡
كانت تقع تتابع الموقف بصدمه وهي تري زوجها يحتضن فتاة اخري
غرام بصدمه:نهارك اسوح جايب بنت معاك البيت
لتنزل إليه مسرعه
***
سيف : يلا تعالي معايا اعرفك عليها
لتنزل هيا من السياره و هي تنظر حولها بانبهار من شكل الفيلا لتعيد نظرها لداخل الفيلا لتجد اخر شخص تتوقع ايجاده هنا
غرام وهي تسرع اليهم بغضب:استني عليا ياسيف الكلب جايب بنات معاك
سيف بحب واشتياق لغرام ليذهب اليها مسرعا ويقوم باحتضانها وهو غير منتبه لما يفعل كل تفكيره بانه اتشاق لغرامه
غرام وهي تضربه بغيظ وهو يحتضنها:نزلني يا كلب البحر يا عديم الربايه يا سافل يا..
سيف بضحك:في ايه يا ماما ما تهدي
غرام وهي تضربه في صدره :نززززلي اشوف مين بنت ** الي جايبها معاك دييي
بينما كانت تقف هي بعيدا عنهم وهي تنظر لهم بصدمه معقول زوجه اخيها هي غرام صديقتها معقول!!
سيف وهو ينظر غرام ويمسك يديها ويذهب لهيا المصدومه
غرام :سيب أيدي يا عم انت محسسني انك رايح تعرفني علي مراتك الجديده
سيف وهي يذهب ويقف بجانب هيا وهو يضع يديه علي كتفها ويقربها منه
:دي بقي ياستي هياا .. اختي
غرام بصدمه:ايه ده هي دي اختك ... وانا الي مفكراها ضرتي
سيف وهو ينظر لهيا لتتكلم ليجدها تنظر لغرام بصدمه ليعلم علي الفور بانها صديقه هيا الي كانت تتحدث عنها
سيف بهمس لهيا:هي ؟؟
هيا وهي ما زالت تنظر بصدمه لها:ايوه
سيف :طب اتعاملي كانك متعرفهاش تمام
غرام وهي تذهب لهيا وتقف امامها:بصي انا كنت ناويه اطلع عينك وانتي جايه الصراحه مكنتش اعرف انتي مين .... بس طالما انتي اخت سيف علي عيني وعلي راسي طبعا
هيا بصدمه وهي تحدث نفسها:احييه هي والله هي غرام ومن امتي الاحترام بتاعها ده
غرام باستغراب من هيا :هو انتي مش بتردي عليا ليه
هيا بانتباه:هاا .. معلش يا قلبي ... اهلا بيكي يا غر..... ااااه خلاص .... اهلا بيكي يا نور انا هيا
غرام :تشرفت يا هيا .... تعالو ادخلوا احنا هنفضل واقفين كده في الجنينه
لتدخل غرام امامهم
هيا وهي تدخل مع سيف:هي والله هي غرام صحبتي يا سيف
سيف وهو ينظر لغرام بحب:وبعدين يعني اعمل ايه
هيا :يعني مش هترجعها لاهلها
سيف بعيون غاضبه وهو ينظر لها بحده:ابدااا غرام هتفضل ليا ومعايا ومحدش هيقدر ياخدها مني
هيا بهدوء:مش قصدي يا سيف انا قصدي اني شايفه انك حضنت غرام وهي مش مراتك
سيف بضيق: هيا ... ممكن تسكتي خالص انا مانع نفسي عنها اصلا بالعافيه تيجي انتي تقوليلي محضنهاش
هيا بضحك:ياعم اسهل حاجه علشان تبقي حلالك اعمل فرح يا سيف اعمل فرح يا خويا كده كده مش هتعرف اهلها
يعني فاسهل حاجه اعمل فرح
سيف بغموض: سبيلي انتي كل حاجه وانا عارف بعمل ايه
ليدخل سيف وهيا خلف غرام الي الفيلا
غرام بمرح وهي تجلب هيا لتجلس بجانبها:تعالي اقعدي هنا عاوزه اتعرف عليكي
هيا :طبعا طبعا يا مرات اخويا نتعرف
غرام: انا نور انتي اكيد عارفه
هيا :ايوه عارفه ... وانا هيا ياستي
غرام:سنك اد ايه يا هيا
هيا :انا في تانيه جامعه
غرام:في كليه ايه بقي
هيا :حسابات ومعلومات يا قلبي
غرام :اها ربنا يوفقك يارب
كل هذا تحت انظار سيف العاشقه وهو ينظر لغرام بعشق دفين
هيا وهي تنظر لسيف لتجده ينظر لغرام بحب لتعلم علي الفور بان غرام اوقعت اخيها في حبها وان سيف اصبح عاشقا لها لتقرر في نفسها ان تحادث سيف بخصوص زواجه منها قبل ان يفعل زي قد يندم عليه
غرام :سيف بقولك ايه
سيف: نعم يا قلبي
غرام بغباء: هيا هتنام معايا
سيف باستغراب: ايوه هي هتنام معانا هنا وهتقعد
غرام : لا هيا هتنام معايا انا في اوضتي علي سريري
سيف : نعم يختي اومال انا انام فين
غرام وهي تنظر لهيا: لا هيا هتنام معايا علشان انا بخاف
هيا بضحك وهي تنظر لسيف الذي ينزل لغرام بغضب: لا يا غر ... نور اه نور ... لا يا قلبي نامي انتي مع جوزك وانا هانام في مكان تاني
غرام وهي تنظر لسيف : عاجبك كده
سيف بضحك: حبيبتي هو انتي مجنونه ولا ايه عوزاني اسيب مراتي تنام من غيري ليه
غرام بكسوف وهي تضربه بكوعها وهي تنظر لهيا : هههه معلش اخوكي مش محترم معلش
سيف بمغازله: متخلنيش اوريكي مش محترم ازاي
غرام بكسوف: يا عم اقعد وانت ساكت عيب البت قاعده
سيف بهمس لغرام: طب ما تيجي نطلع اوضتنا
غرام بغباء: نطلع نعمل ايه
سيف بغيظ من غباء غرام: بت خلاص مش عاوز حاجه ده انتي غبيه اوي
غرام وهي تلتفت لهيا : ايه ده إنتي جايه بالبيجامه ليه هههه
هيا بضحك: اعمل ايه جوزك هو الي جابني كده ملحكتش اغير
غرام بضحك وهي تسحبها خلفها:تعالي معايا فوق اختاري الي انتي عوزاه
لتسحبها وتصعد لفوق تحت نظرات سيف العاشقه
سيف وهو ينظر لها وهي تصعد :شكلي وقعت في حبك يا غرام وربنا يصبرني لغايه ما نعمل فرح
فوق عند غرام
غرام وهي تاخد هيا وتفتح غرفه الملابس الخاصه بغرام: تعالي اختاري الي انتي عوزاه
هيا بكسوف:معلش يا ... يانور انا والله كنت هاجيب لبسي معايا بس سيف هو الي....
غرام :شششش خلاص يابنتي فيها ايه يعني انتي تنوريني طبعا وخودي الي انتي عوزاه