رواية عشقت فتاة مجهوله
الفصل الثانى عشر والثالث عشر
بقلم مريم جمال
الفصل الثاني عشر
دخل يوسف لسيف المكتب
سيف:تعالي يا يوسف
يوسف:صحيت لقيتك روحت الشركه
سيف:ااه الصفقه دي مجنناني
يوسف:مالك حاسك مبسوط كدة ورايق واكمل بخبث ايه
سيف رمي عليه القلم:بس يا كلب واقعد نشوف الصفقه دي
يوسف بضحك:يبقي حصل مبرووووك يا عريييس
سيف ضحك:ااه يا قليل الادب اقعد يلا نشتغل
يوسف:طب يلا
وقعدو يشتغلوا لحد ما سيف تليفونه رن
سيف:دة رقم ايطالي
يوسف:طب رد
رد سيف علي التليفون:الو
الشخص:سيف الحديدي معايا
سيف بإستغراب:ايوة مين
الشخص:انا رجب المحمدي
سيف بصدمه:ا... اهلا مستر رجب المحمدي
يوسف بصدمه
رجب المحمدي بخبث:معاك حاجه تخصني يا سيف وانت عارف اني هاخدها بأي طريقه بس انا هراضيك واقولك عايز فيها كام
ملاحظه"سيف كان فاتح الاسبيكر يعني يوسف سامع معاه الكلام"
يوسف بصدمه وبهمس:عايز فيها كام لكن صدم اكتر من كلام سيف
سيف ببرود:لاء مش هفرط فيها الصراحه متتقدرش بفلوس اصلها جامدة
رجب المحمدي بخبث:انت جربت كان ف غيرك هيموت عليها وانت الي اخدتها يلا هديك 2مليون عشان ف غيرك دافع فيها 4
سيف:الرقم مش وحش موافق انا خلاص اخدت الي انا عايزة منها هستفاد بيها ف ايه
رجب المحمدي بفرحه:برافو عليك دماغك كدة تعجبني هتصل عليك تاني واقولك تجيبها امتي سلام
سيف:سلام
يوسف كان قاعد مصدوم من صاحبه ومرة واحدة قام ضربه ف وشه وزعق فيه وهو ماسكه من هدومه:انت بقيت وسخ امتي هي دي قمرك الي بتحبها يا سيف انت عبيط عايز تبيعها بعد ما اتجوزتها بتعمل شهم ليه من الاول وتحميها هااا رد لو عملت كدة تبقي تنسي انك صاحبي او كنت اعرفك وهطلق قمر ورجلك فوق رقبتك وانا هاخدها واعيشها معايا واحميها لانها اختي مش زيك فاهم وقام مزعق
سيف ببرود:خلصت المسلسل بتاعك انت عبيط يا يوسف هبيع قمر بردو دة لو كنوز الدنيا قدامي ابيعها
يوسف بسخريه:امال ايه الوساخه الي سمعتها
سيف:هي دي الخطه الي مكنتش عايز انفذها بس ملقتش غيرها
يوسف بعد عنه وتنهد بضيق:وربنا كان ثانيه وهقتلك من الكلام بس هتقول لقمر
سيف:لاء مش هقول لقمر حاجه بس طلعت راجل أوي عشان لو موت وانا بعمل الموضوع دة تبقي تحميها
يوسف ضربه ف بطنه جامد:اخرس انا مش طايقك
سيف ضحك:طب تعالي نكمل الشغل
عند رحمه
رحمه:هو مجاش ليه انهاردة هو تعبان طب اتصل عليه يمكن تعبان لاء هيقول عليا مدلوقه عليه وكانت رايحه جايه ف المكتب طب اعمل ايه اتصل لاء واحشني جدا لاء انا قلقانه عليه ليكون عيان ومرة واحدة يوسف دخل وكانت رحمه لافه ظهرها ليه:مستر يوسف مش موجود بعدين واكملت اعمل ايه ياربي
يوسف قفل الباب وعايز يضحك:طب لو مستر سيف نفسه
رحمه لفت بسرعه:يوسف وحضنته
يوسف بمكر:للدرجادي واحشك أوي كدة
اومأت براسها جامد وسمع صوت عياطها رفع راسها بسرعه
يوسف:مالك يا رحمه
رحمه ببكاء:مفيش بس لما لقيتك اخرت قلقت كنت افكرك عيان تعبان ف كنت هتصل عليك وضربته ف صدره اخرت كدة ليه
يوسف بضحك وحضنها:كنت عند سيف بنخلص شغل ف مكتبه ف أخرت والله
رحمه هدت:تمام ماشي بس متأخرش تاني
يوسف:انا فرحان جدا لاني كان نفسي حد لما أخر يقلق عليا او يخاف عليا لدرجه العياط وانتي أهو قدامي رحمه انا عايز اتجوزك انا عارف انو بسرعه بس انا عايز اعيش معاكي حاجات كتير ف الحلال وعايز اخرج معاكي براحتي عشان مش عايز حد يتكلم معاكي انا هكلم عمك انهاردة وهتفق معاه موافقه
رحمه بصاله بفرحه:حقيقي يا يوسف عايز تتجوزني
يوسف:دة حلمي موافقه
رحمه:اكيد موافقه انا أخيرا لقيت سندي ارفض
يوسف حضنها:الحمدلله المهم هكلم عمك انهاردة متخافيش يلا نشتغل ماشي راح باسها من خدها وطلع فرحان ورحمه كانت فرحانه جدا
عند سيف ف المكتب
قاعد بيشتغل لقي تليفونه بيرن لقي قمر ابتسم ورد بسرعه
سيف:الو
قمر:الو
سيف:ف حاجه يا حببتي تعبانه ولا حاجه
قمر بخجل:لاء مفيش بس لما مشيت بدري قولت اشوفك يعني
سيف بابتسامه:مفيش ياستي بس ف صفقه مجنناني وفيها غلط كتير ف بحاول اشتغل عليها اكبر وقت ممكن
قمر:تمام ربنا معاك هتيجي امتي
سيف ضحك:ليه لحقت اوحشك هاجي علي العشا كدة يا ستي
قمر:انت رخم علي فكرة ماشي مستنياك باي
سيف بضحك:باي
ورجع كمل شغله تاني عشان يلحق يروح لحبيبته
ولكن قاطعه دخول حد بيخبط سوري بيطبل علي الباب
سيف عرف انه يوسف لانه الوحيد الي بيعمل كدة
دخل يوسف:قولي مبروك
سيف بضحك:مبرووك ليه
يوسف وهو بيرقص:وهتجوز ااه هتجوز
سيف وهو بيضحك:رحمه صح
يوسف:هو فيه غيرها رحمتي الي شقلبه حياتي احياة حيالك اقف معايا عمها صعب جدا وكلب فلوس والنبي عايزها
سيف قام من مكانه وحط ايده علي كتفه:متخافش لو طلب اي فلوس هنديه المهم انت متخافش انا معاك وانت عارف كده
يوسف حضن سيف:والنبي انت حبيبي يا صاحبي
سيف:يلا بقا هش
يوسف:حقك حقك والله تقول هش يلا سلاموبطيخ
سيف:مش هي سلاموز
يوسف:لاء انا مش بحب الموز بحب البطيخ
سيف:طب يلا يا اهبل
وبالفعل خرج وسيف قعد يكمل شغل:باين كده الصفقه المنيله دي مش هتخلص
سيف خلص شغل ف الشركه وكان عايز يروح لقمره عشان وحشته أوي
وبالفعل روح ودخل لقي البيت هادي
سيف:قمر حببتي
قمر جات قدامه وهي بتعيط وبسخريه:حببتك
سيف بإستغراب:مالك يا حببتي
قمر بصراخ:متقولش حببتي انت اكتر راجل كداب شوفته ف حياتي
سيف بصلها بصدمه:...
الفصل الثالث عشر
سيف بصلها بصدمه:ايه الي انتي بتقوليه دة
قمر بسخريه:اسمع
اخد سيف الهاتف ووجد ان احد بعت ليها تسجيل صوتي وصدم من التسجيل لانه كان تسجيل مكالمته هو ورجب المحمدي
قمر بسخريه:ايه مش صوتك دة انطق وزعقت
سيف مكنش عارف يرد لكن قال ف نفسه ااه يا ابن ال... انا اسف ياقمر لكن دة الحل الوحيد
سيف ببرود:حلو انك عرفتي بنفسك عشان مكنتيش تتفأجي لما اعمل كدة
قمر كان نفسها يقول ان دة كدب لكن صدمت من كلامه وبكت:ليه كدة يا سيف بعد
ما وثقت فيه وقولتلك انا مليش غيرك وحكتلك عمل فيا ايه تسلمني ليه طب اتجوزتني ليه وعملت شهم من الاول
سيف بألم من داخله لكن تحلي بالبرودة:اتجوزتك عشان اعرف اعمل الي انا عايزة لكن انا لما احب اتجوز وسكت لانه لا يريد نطق هذه الكلمات لكن اكمل
انا لما احب اتجوزك متجوزش واحدة كانت بتتباع للرجاله واتحبست 6شهور ف قضيه اداب ولا ايه يا قمر
قمر وكأن احد مزق قلبها لانها تسمع هذا الكلام من الرجل الذي عشقته ووثقت فيه ف أيام قليله:ب..بقي انا تقولي الكلام دة يا سيف دة انا قمرك
سيف بنبرة وجع لكن ببرود:الكلام دة ميدخلش عليا انا اتعرض عليا مبلغ حلو لما يكلمني تاني
هسلمك ليه عشان أخلص واياكي تفكري تهربي او تعملي حركه كدة او كدة وقرب منها ومسكها من فكها لانك متعرفيش
سيف الحديدي هيعمل فيكي ايه فاهمه يا قطه وزقها وطلع علي فوق وهو يدمع لكنه
مجبر علي فعل ذلك لانه لو استعمل العنف يبقي هيخسره بعض ورجب المحمدي مش سهل
وصعد لغرفته ودخل بها يبكي:انا اسف انا عارف اني جارحتك بكلامي بس كان لازم اعمل كده
قمر واقفه تحت لسه مصدومه من الكلام بتاعه ويوسف دخل لقاها كده قلق وراح ناحيتها
يوسف:مالك يا قمر
قمر:ضحكتوا عليا ليه انا معملتش حاجه ف دنيتي عشان يتعمل فيا كدة طلعتو كلكوا اندال ليه
يوسف فهم انها عرفت واضطر انو يتعامل ببرود:دة الي عندنا وطلع بردو وكان حزين جدا
وقمر طلعت الاوضه ونامت علي السرير واخدت وضعيه الجنين ونامت
سيف دخل براحه وشافها نايمه كده عنيه دمعت وقال بهمس:سامحيني بس لازم اعمل كدة احنا متراقبين انا أسف ومشي لاوضته
يوسف دخل عليه:اهدي يا سيف بس هي عرفت ازاي
سيف:سجل المكالمه وباعتها ليها
يوسف:ااه ابن ال.. بس انت ليه مفهمتهاش انها لعبه
سيف:عشان في جاسوس ف البيت تبعه لازم كل حاجه تمشي صح لازم ابين اني بكسرها
وبذلها عشان ينقل الكلام صح وعشان يثق فيا بس وحياة امي امسكه بس وربنا لأندمه علي اليوم الي لمسها فيه
يوسف:وانت عرفت منين ان فيه جاسوس هنا وانت تعرفه
سيف:ايوة اعرفه الخدامه سعاد بس مقدرش اكلمها لانها متعرفش حاجه كل الي
اتعرفه انها تراقبنا ويتبعتلها فلوس لكن هي متعرفش مين وانا مش هستفاد حاجه لما اعرف الكلام دة
يوسف:ان شاء الله خير بس هي شكلها صعبان عليا أوي
سيف:وانا جدا نفسي اخدها ف حضني واتأسف واقولها كل دة كدب واني بعشقها بس مينفعش ياارب
يوسف:اهدي ياسيف قوم نام وان شاء الله خير
سيف:ان شاء الله
ف الصباح
استيقظ سيف ولبس ملابسه كاي يذهب للشركه ونزل يتفقدها لكن لم يجدها ف ذهب للشركه بدون ان يراها
ويوسف ذهب للشركه قبل سيف
عند يوسف
قاعد ف مكتبه حاطط راسه بين ايده ودخلت عليه رحمه
رحمه بقلق:مالك يا يوسف
يوسف:مفيش بس مصدع روحي كملي شغلك
رحمه:انا جايه استأذن اني اروح لقمر عشان وحشاني
يوسف بتوتر:ليه هتروحي لقمر
رحمه:بقولك وحشاني
يوسف بيأس:ماشي
وخرجت رحمه وجلس يوسف ووضع يدة بين شعره:هتحكي لرحمه ورحمه هتكرهني ااااخ اعمل ايه لازم اقف جنب سيف ويبقي ربنا يحلها
عند رحمه ذهيت لقمر وسألت عليها لقتها ف اوضتها طلعت لقتها قاعدة سرحانه
رحمه بقلق:قمر مالك
قمر:رحمه وطلعت تجري حضنتها وعيطت
رحمه:مالك يا حببتي
قمر:طلع خاين طلع كداب
رحمه:ايه الي حصل
قمر:حكتلها كل حاجه وسمعتها المكالمه
رحمه بصدمه شديدة من الذي سمعته وايضا مصدومه لان يوسف ايضا مثله:يعني يوسف كمان خدعني
قمر ببكاء:هما دول الي اعتبرنا انهم اخير لقينا سندنا شوفتي عايز يبعني لما لقي المبلغ حلو
رحمه بدموع مصدومه من حبيبها يوسف وسيف:انا همشي وهاجي تاني استنيني
وذهبت رحمه سريعا للشركه ووجد يوسف ف مكتب سيف ف ذهب لمكنب سيف ودخلت مندفعه
يوسف:ف ايه يا رحمه
رحمه قربت منه وضربته بالقلم علي وشه:اياك تنطق اسمي تاني يا كداب يا زباله
عايز تتجوزني عشان تعمل فيا زي ما سيف بيه عمل ف قمر قالتها بسخريه واكملت بصراخ بس انا مش قمر فاهم مش عايزة
اشوف وشك تاني قدامي انا بقيت بكرهك وبصت لسيف وانت عرفتني اننا منثقش ف اي حد وخلاص شكرا علمتني درس
ان الراجل سامعني الراجل دة لو تعرف حاجه عن الرجوله مش بالكلام لاء بالمواقف وانا مأخدتش منك غير كلام
علي قمر لكن ف الواقع انت وهو متستحقوش كلمه راجل انا ميشرفنيش اشتغل عندكوا انا مستقيله اما قمر انا عارفه
اني مش هقدر اعملها حاجه بس عمري ما هسيبها تتأذي وبصتلهم بقرف وطلعت
كان كل من سيف ويوسف مصدومين بشدة وايضا قلوبهم قد تكسرت بسبب كلامها لكن
عندها حق لانها لا تعرف الحقيقه
يوسف بدموع وصدمه:بتكرهني ومش عايزة تشوف وشي تاني سمعت يا سيف
سيف فاق من صدمته:انا اسف يا يوسف انا الي حطيتك ف الموقف دة سامحني
يوسف:متتأسفش بس لازم الموضوع دة يخلص بسرعه انا مش هقدر علس نظرة الكره الي ف عنيها دي
سيف:لازم يخلص بسرعه لازم