👑عيلة العطارين👑
👑 الفصل الحادي عشر👑
بقلم منة وائل
أسرار بصراخ :اوعي يا مرا انتي وهي ااااااه وحيات امي ماهسيبك انتي وهي بس حلوني وانا اوريكم
السيده :انتي بقا اللي عامله القلق دا كله خدي، يلا وليه انتي وهي بسرعه
أسرار بصراخ :اااااااه بطني اااااااه
بندق بصدمه:يانهار اسود ست أسرار، ست أسرار ردي عليا مين عمل فيكي كدا ياست اسرار
، حد يلحقنا ياناس، حد يلحقنا ياخلق ست أسرار بتموت
بقلمي منه وائل
*************************
في الفندق
ندى بخوف :انت قتلته الحقونيييي عااااا
خالد وهو يضع يده على فمها وقال :شششش مااسمعش نفسك دا لو قولتي لحد على اللي شوفتي هيكون مسيرك زيه سامعه
ندى وهي تهز براسها برعب :سامعه والله
ثم تركها وهرب
نظرت ندى الي أنور الذي يقع بجانبها لا حول له ولا قوه ثم وقعت بجانبه
***********
هبه:ماقولتليش انت باباك بيعملك كدا ليه؟
زين : عشان ياستي انا مش بحب مراته ورافض اني اتجوز بنتها
هبه بعدم فهم :اي، ازاي يعني؟
زين :هفهمك، بابا بعد وفاة ماما الله يرحمها اتجوز صاحبة ماما اللي اساسا انا مكنتش بحبها ايام ما ماما كانت عايشه...
قاطعته هبه قائله :وانت مكنتش بتحبها لي؟
زين:كنت بحسها بتبصلنا في حياتنا وكانت دايما عينيها على كل حاجه تخص ماما حتى بابا بعد اما ماما توفت الله يرحمها هي خدته لا وكمان عاوزه تلبسني بنتها العيله الصغيره دي
هبه :طب وانت طب وانت عايش معاهم
زين :نعم!، لا طبعا اعيش معاهم فين انا عايش في فيلتي لوحدي ولا حد يقولي بتعمل اي ولا بتروح فين
هبه:اه، انا بردت اوي وتعبت وعاوزه انام
زين :طب يلا نطلع ننام انا كمان بردت وعاوز انام
************
احمد :انا عاوز انام اوي يلا نطلع
رامي :كنت لسه هقولك يلا
انجي :طيب تصبحوا على خير بقا اشوفكم بكرا في ماتش التنس اللي على الشط باي
احمد :باي، بذمتك في احلي من كدا، حته قمر ماشي على الأرض.
رامي :ياعم اتلم بقا الله، وبعدين هبه فين؟
هبه :انا اهو يا رامي، يلا مش هتناموا؟
رامي وهو يسلط عينيه على زين :كنت لسه بدور عليكي كنتي فين؟
هبه :مفيش كنت هنا مع استاذ زين بنجهز لماتش بكرا مش كدا يا استاذ زين؟
ثم قامت بلكزه في يديه
زين وقد انتبه :اه اه اومال اي اصل انا االي مسؤل عن الماتش وكدا وانسه هبه ماشاء الله عليها يعني بتلعب تنس كويس
رامي:والله، ماشي اما نشوف بكره يلا
هبه :ماشي
*****************
يوسف وهو يصعد المصعد:معقوله ندى كل دا تكون نايمه!. اي دا؟!
يوسف بصدمه وقد اتسعت عينيه:ندى
بقلمي منه وائل
*************************
في الصباح في المستشفى
حسين بغضب :يعني اي ماتعرفش اومال انت كنت معاها ازاي؟
بندق بخوف:والله يا معلم هي كانت بعتاني اجيب كام حاجه كدا وقالتلي اول ماارجع هنقفل عشان هي عاوزه تنام، روحت يامعلم ومااتاخرتش والله رجعت لاقتها سايحه في دمها
جليله بانهيار :بنتي بتروح مني يا حسيييين، دول من الفجر في العمليات اييي كل دا؟
حسين وهو يحاول تهدئتها :اهدي يا جليله اومال أسرار بنتك قويه وهتقوم منها وانتي عارفه كده
سوميه :هيكون مين ولاد الحرام اللي عملوا كدا بس
فتحيه :هي في غيرها اكيد المرا مرات الشيطان. دي اللي مش مكفيها انها خدت جوزي مني كمان عاوزه تخلص على عيالنا.
هب حسين واقفا ورحل
جليله:يا.. ياحاج ياحاج رايح فين بس؟
فتحيه :سيبي خلي يقطم زمارة رقبتها ويريحنا منها
جليله :وانتي كان لازم تتكلمي وتقولي هي واحنا اش عرفنا اذا كانت هي والا لا، هتودي الراجل في داهيه، ياحاج استنا بس
سوميه :يعني كان لازم تتكلمي
فتحيه :ايوا عشان ياخد منها موقف بقا والدكتور اهو تعالي نطمن
سوميه :خير يا دكتور
الدكتور :الحمدلله لحقنا النزيف بس هو مكان الجرح عميق شويه يعني بلاش حركه كتير وتغيير عبي الجرح باستمرار احنا مش عاوزين تلوث في المنطقه دي
جليله :طب ممكن اشوفها ونبي
الدكتور :حاضر هننقلها بس أوضه عاديه، الف سلامه عليها
جليله:الله يسلمك يااخويا، كان مستخبيلك فين دا كله بس يا حبيبتي
بقلمي منه وائل
*************************
في شركه عمار
مني :انت اتجننت يعني اي تاخد كل حاجه انت ملكش اي حق هنا، كل الشركه دي ملك عمار وعمار هو اللي مسؤل عنها وانت فاكرني بكل سهوله هديك كل حاجه وكل الأوراق
حسام :انتي لو موعتيش من قدامي دلوقتي انا مش عارف تصرفي هيكون عامل ازاي فاوعي احسنلك
مني :اسفه انا هنا الشغل تحت أمري لحد اما عمار يجي ومش هتنقل من هنا لحد اما عمار يوصل ويتصرف معاك
حسام وهو يمسكها من خصلات شعرها :انا بقولك اوعي من وشي عشان مااقتلكيش
مني بصراخ :عاااااا ياامن نادوا الأمن بسرعه عاااااااا
عمار :جالك قلب تيجي لحد الشركه وتتهجم على موظفه أثناء تأدية عملها تحب اطلب البوليس والا نقعد ونتكلم وتشوف انت عاوز اي
حسام :اهلا عمار باشا انت شرفت، طب بص بقا انا مايدخلش دماغي الحبتين اللي انت عاملهم عليا دول انا اي حاجه هنا تخص ابويا فهي تخصني وسيبك بقا من جو المسلسلات دا وتقولي ابويا خلص فلوسوا وكان تاجر مخدرات
عمار:مش مشكلتي انك مش مصدق وبعدين عشان تكون فاهم الشركه دي شراكه يعني مش بتاعتي من الأساس
حسام :الله هيدخولي بقا في فيلم جديد اومال بتاعة مين ياعمار أفندي؟!
كرستين :نصها إلي يا استاذ حسام
مني في سرها بسخريه :ومين بقا البطل الجديد؟
حسام :ودي مين دي كمان؟
كرستين وهي تقبل عمار من وجنتيه :هاي عمار وحشتني كتير
عمار :هاي كرستين اتفضلي اقعدي
كرستين :اعرفك بنفسي استاذ حسام انا بكون كرستين شريكه هن بالشركه بنسبة 30 بالمئه
حسام :انا ماليش دعوه بالكلام دا كله وانا اي يضمنلي انك شريكه؟
كرستين وهي تضع أوراق على الطاوله :هاي الأوراق بيها كل شي يثبت ان ليا نسبه هن بالشركه
حسام :يا حلاوه، طب وبالنسبه لل 70% بتوع مين ان شاء الله؟
عمار :اا... بتوع.. بتوع مراتي
حسام :نعم!
مني بصدمه :اييي مراته هو انا في فيلم الزوجه التانيه والا اي؟
عمار :ايوا مراتي في أي انا كتبتلها كل حاجه بيع وشره
حسام :ومين مراتك دي ان شاء الله واتجوزتها فين وامتا؟، عمار اقسم بالله لو كلامك دا طلع صح احنا رقبتنا هتطير كلنا و دا ليه بقا، لأن انت نسيت عمامك اللي في الصعيد اللي مش هيصدقوا كلامك الفارغ دا.
عمار :عمامك انت يا حبيبي انا مش من العيله دي وانت عارف كويس مش هنصيع على بعض.
حسام وهو يقف امامه:انت مين و دخلت حياتنا ازاي ولي؟
جلس عمار الي المقعد وقال :من اكتر من عشر سنين كنت عايش في حاره مليانه ناس وعائلات، ودا يعرف دا ودا بيجامل دا، كنت عايش مع أهلي، عيلة العطارين يعني انا اكون عمار على حسن العطار، وكان ليا اخت اسمها ندى وامي الست الطيبه ست فتحيه، وكان ليا عمين عمي حسين وعمي وليد اللي عمري ماهنساهم وكان كل واحد مخلف عمي حسين عنده بنتين وولد اه فكرهم كويس أسرار وهدى واحمد
وعمي وليد عنده يوسف صديق عمري ورامي وهبه كنا عيله بجد فيها الضحك والفرح والحزن وكل حاجه بس للاسف مفيش حاجه حلوه بتكمل، ابويا اتعرف على بت كدا من الحاره اسمها صبرين اهي دي بقا تقول للشيطان قوم وانا اقعد مكانك كانت بت على قد حالها كدا ابويا كان بيعطف عليها بس هي عملت عليه فيلم وحببته فيها واخدت كل حاجه منه الدكان وفلوسه كلها مبقاش حيلته حاجه بقا على الحديده، وابويا مات بالجلطه من اللي حصل وبقت انا وامي واختي عايشين عاله على فلوس عمي وليد وعمي حسين ويمكن عمي حسين اكتر واحد كان مهتم بينا اوي، انا مقدرتش استحمل الحاره انا من يوم ما اتولدت وانا كارها بس مكنتش اعرف انها احسن من غيرها سبتهم ومشيت سبت امي وهي بتترجاني افضل جنبها واختي اللي ملهاش راجل يسندها وتعيط في حضنه ومشيت بقلب بارد ولا همني حد وعمي قالي لو خرجت ملكش رجوع هنا تاني، وصدق انا من يومها مارجعتش هناك مع اني هموت وارجع، جيت على شركة ابوك الراجل الطيب دا شافني واول ما شافني افتكرني ابنه، بيقولي انه كان له ابن ومات من قريب وفيه نسخه مني مكنتش اعرف الكلام دا حقيقي والا لا لأن كل اما كنت اسأل ماما كانت بتتهرب، بس اكتشفت انه قال كدا بس عشان أوافق اني اعمل دور ابنه الكبير اللي مات وكل دا عشان اساعده في شغله، عرفني على كل شغله اللي مداري ورا شركته وكان بيعمل صفقات لادويه مخدره من البودره اللي كان بيبعها ويسفرها برا وبابا خسر كله فلوسه بس قبلها انا كنت واخد منه فلوسه عملت بيها الشركه دي ودرست اعلام وسددتله كل مليم اخدته منه وكرستين اتعرفت عليها في لبنان وطلبت تشاركني بجزء بسيط في الشركه بس اللي مش حقيقي ان الجزء التاني بتاعي او شبه بتاعي
مني بدموع مصتنعه :ياعيني يا عمار كل دا يحصلك يابني
عمار :بطلي هبل بقا
مني :الله على طول كاسر نفسي كدا
عمار :بس بقا
حسام :ياااااا كل دا مستخبي وانا معرفش طب.. طب لي، لي بابا عمل كدا؟ ، طيب ماما سكتت لي؟، هو في حاجه تاني مستخبيه؟ طب انجي اختي فعلا والا؟
عمار :لا يا حسام انجي اختك فعلا؟
حسام :انا مبقتش فاهم اي حاجه، طب وعمامي وخلاني اللي في الصعيد الي َمش هيصدقوا الكلام دا
عمار :حط ايدك في أيدي وانا هعرف ازاي اتصرف
حسام:مش بالسهوله دي يا عمار انا استلفت منهم فلوس كتير اوي على حس اني هخد ورثي من بابا واديهم
عمار :كام الفلوس دي؟
نظر له حسام برعب وقال :عشره مليون جنيه
عمار بصدمه :كاام! يانهارك اسود في حد يستلف كل دا لييي هو انت فاكر ان ابوك نايم على خميره، وانت لو كنت ورثت كنت هتورث كام يعني؟
حسام :معرفش بقا معرفش دا اللي حصل هنعمل اي دلوقتي
عمار :سيب الموضوع دا عليا
ترن ترن
عمار :الو بتقول اي؟ مستشفى اديني العنوان بسرعه تمم يلا سلام
مني :في أي يا عمار؟
عمار وهو يجري :مش هتاخر هاجي على طول
مني :لا اله الا الله انا تعبت مع العيله دي انا بقت حاسه اني بشتغل في سيرك مش في شركه
بقلمي منه وائل
*************************
في الفندق
احمد :اي دا اي الصوت دا على الصبح؟
رامي وهو يتثائب :معرفش والله قوم نشوف في أي؟
نور بدموع :ندى اللي قتلته، لي يا ندى لي دا كان صاحبك ااااه ياقلبي هو له ذنب في أي بس خالد هو سبب مش أنور لاااا فوق يا أنور فوق
رئيس المباحث :لوسمحت يا انسه مينفعش كدا مش عارفين نشوف شغلنا، شلوها من هنا
نور بصراخ :لااااااا يا أنور ماتسبنيش لوحدي لاااااا
رئيس المباحث :هي مين ندى دي؟
مشرف الرحله :دي بنت معانا من ضمن شباب الرحله
رئيس المباحث : طب وهي فين؟
مشرف الرحله :والله يا فندم دكتور يوسف لاقاها مرميه جنب الجثه قدام باب اوضتها ومغمي عليها فاخدها للمستشفى واحنا اتصلنا بيكم اول ماعرفنا
رئيس المباحث :تمم خد يابني ارفعلي البصمات دي كلها ومحدش يقرب من الاوضه دي لحد اما نتأكد من البصمات
احمد :يانهار اسود ومنيل ندى قتلته
رامي :لا طبعا انت هتصدق المجنونه دي اكيد في حاجه غلط، اومال فين البنات؟
***********
هبه وهي تضرب الكوره بالمضرب :ياسلام دي عاشر مره اكسبك فيها وانت برضو مصدق نفسك
هدى :برافو عليكي يا هبه يلااااا
مراد :اي يا فانديزل بقا بنت اللي تكسبك
زين :خليك في حالك انت بس على الاقل حاولت مش ذيك خوفت
البنات بصياح بفرحه:هييييييييييه
المعلق :وها قد فازت للمره العاشره الكابتن هبه العطار
زين :مبروك يا كابتن
هبه بابتسامه :وانت برضو كان لعبك حلو اوي
احمد :انتوا هنا بتلعبوا ومش دارين باللي بيحصل فوق
هدى :في أي يا احمد؟
رامي :في جريمة قتل حصلت قدام أوضة ندى والناس شافو ندى مرميه جنب الجثه ويوسف اخدها على المستشفى
هبه :اييي انت بتقول اي
هدى بدموع :يا حبيبتي ياندي احنا لازم نروح المستشفى بسرعه
هبه:يلا
بقلمي منه وائل
*************************
في المستشفي عند ندى
يوسف وهو يمسك يدها :فوقي بقا انا مش بحبك ساكته كدا مااتعودتش عليكي كدا
قامت ندى بفتح عيونها ببطئ ونظرت له وقالت :انا فين؟ هو اي اللي حصل؟
يوسف وهي يترك يدها بسرعه :حمدالله على سلامتك، انتي كويسه؟
ندي وهي تحاول الاعتدال في جلستها :اه انا كويسه هو في أي؟
يوسف :انتي قتلتي أنور ليه يا ندى؟
ندي بدموع :والله ماقتلت حد انا ماقتلتش حد والله
يوسف :شششش بس اهدي انا عارف انك ماقتلتيش حد، بس أنا عاوز اعرف انتي شوفتي اي امبارح؟
ندي :والله العظيم ما عملت حاجه انا بريئه
يوسف :ياندي انا سؤالي واضح، انتي شوفتي اي امبارح بليل؟
نظرت له ندى وابتلعت ريقها بصعوبه
ندى :انا.... انا ااا
دب دب
يوسف :ادخل
رئيس المباحث :صباح الخير يا دكتور يوسف، مش دكتور يوسف برضو؟، انا رئيس المباحث المسؤل عن قضية قتل أنور واللي متهمه فيها ندى
ندى بخوف :لا يا يوسف انا مقتلتش حد
يوسف : اهدي يا ندى اهدي، اهلا وسهلا يا فندم، ايوا انا دكتور يوسف
رئيس المباحث :تمم تسمحلي اقعد مع ندى شويه اسئلها شوية اسئله؟
ندي وهي تتشبث بيد يوسف :ماتسبنيش يا يوسف ونبي
يوسف :استئذنك يا فندم يعني لو اقعد معاه
رئيس المباحث :مفيش مشكله اتفضل، قوليلي يا ندى اي اللي حصل بظبط وبشويش كدا وعلى مهلك
ندى بدموع :والله العظيم انا بريئه ماقتلتش حد انا
رئيس المباحث : يوو ياندي انا سؤالي واضح وصريح، انا عارف انك ماقتلتهوش يا ماما ها قوليلي اي اللي حصل؟
ندى برعب :معرفش
رئيس المباحث بغضب:يعني اي متعرفيش هو انا بكلم بنت اختي ماتنطقي قولي اي اللي حصل لان كدا كدا هنعرف كل حاجه
ندى بدموع :والله العظيم ماليا ذنب هو والله، يا يوسف خليهم يبعدوا عني ونبي
يوسف :بس اهدي يا ندى، يا حضرة الظابط ندى ماقتلتش حد وبعدين هو مش في كاميرات في الفندق تقدروا تفروها وتعرفوا ولو سمحت بقا عشان هي محتاجه ترتاح لان اعصابها تعبانه
رئيس المباحث:ماشي يا.. يادكتور يوسف ماشي
يوسف وهو يحتضنها :بس اهدي انا عارف انك ماقتلتيش حد اهدي
بقلمي منه وائل
************************
في دكان على
صبرين بسعاده :خد ياواد هاتلى ازوزه وهاتلك انت كمان خلينا نطري علي على قلبنا كدا
حسين:ماانتي هطري فعلا يا صبرين
صبرين وهي تصتنع الخوف وتبزق في ملابسها: طف طف، اي دا خضتني يا حاج في حد يدخل كدا من غير لا احم ولا دستور بس مش مهم دا انت نورت الدكان يا سيدي الرجاله، تعالي اقعد اقعد
حسين وهو يمسك برقبتها كادا انا يخنقها:بقولك اي يا صبرين عيالي خط أحمر عيال العطارين محدش يقدر يهوب نحيتهم سامعه يا صبرين
صبرين وهي تتحدث بصعوبه :ااااه، كح كح سبني هماااااموت الحقوني
سعيد :يا حاج مايصحش كدا هتموت في ايدك سيبها بقا
صبرين :اااااه كح كح
حسين :اديني حظرتك اهو يا صبرين المره دي قرصة ودن المره اللي جايه ورحمه اخويا اللي في تربته اللي انتي قتلتي ما هرحمك سامعه يا مرا انتي
صبرين بتعب:ااااه كح كح، كان هيموتني، كان هيموتني ابن الَ... طب وحيات امي لندمك يا حسين هندماااااك
بقلمي منه وائل
*************************
في المستشفى عند أسرار
جليله :حمدالله على سلامتك يا قلب امك
أسرار بألم :ااه الله يسلمك يااما، اي مالكم كنتوا خايفين، لي يعني دي سكينه عاديه يعني وبعدين انا قدها
سوميه:الحمدلله انك بخير ياحبيبتي دا امك كانت هتروح فيها
أسرار :بعد الشر عليكي ياست الكل لي يعني انتي مش عارفه اني قدها
جليله :ماانتي لو كنتي تسمعي كلامي وتقعدي في البيت ذيك زي كل البنات مكنش حصل اللي حصل
أسرار :يوووو بقا يااما ارحمني ابوس ايدك انا لسه خارجه من عمليه ومش ناقصه، اومال ابويا فين؟
فتحيه :راح لصبرين عشان يعرفها مقامها بوظ الاخس دي
أسرار :يااا يا جدعان انتوا عارفين ان ابويا مش بيسكت ليه بس سبتوا يروح
جليله :هو حد قدر عليه
أسرار :ربنا يستر
فتحيه :انا هروح اجيب حاجه ناكلها انا جوعت اوي
سوميه :خديني معاكي اروح الحمام
فتحيه :تعالي ياختي
جليله :حمدلله على سلامتك يا حبيبتي
أسرار :الله يسلمك يااما
في الخارج......
عمار:طب خدي دول وحاولي تخرجيها معلش
الممرضه وهي تنظر للفلوس :عينيا يابيه
جليله :هههههههههه لا و اي كان ابوكي بسم الله ماشاء الله كان شبه عبد الحليم حافظ كان قمر
أسرار :انتي متأكده يااما من اللي بتقولي دا اصل عبد الحليم الله يرحمه مكنش بكرش هههههه
جليله :بس يابت اتلمي ابوكي دا قمر
الممرضه :الدكتور عاوز سعادتك برا يا ست جليله
جليله:عاوزني انا، خير يارب. الممرضه :خير ان شاء الله اتفضلي
أسرار :اااه ادتهالي في القضيه بنت الحرام وربي ماهسيبهم
دب دب
أسرار:ادخلي يا اما
عمار بابتسامه جذابه لا تليق الا به :انا مش ماما يا أسرار انا عمار
أسرار بصدمه :عمار