👑عيلة العطارين👑
👑الفصل الثالث عشر👑
بقلم منه وائل
حسين :اي يابنتي بقيتي احسن؟
أسرار :ايوا ياابا انا بخير، بس قولي صحيح هو باشا مصر كان عاوزك في أي؟
حسين :كان... كان عاوز
قطعه عمار قائلا :اي كنت بطلبك من عمي، في حاجه؟
أسرار وقد اتسعت حدقت عينيها بذهوا قائله :نعمممم، تطلب مين يا عينيا؟ انت اتجننت يالا والا جري في مخك حاجه
حسين :يابنتي اهدي
أسرار :اهدي اي دا نهاره مش معدي مين دي اللي تطلب ايدها حد قالك اني كنت قاعده مستنيه جنابك لا يا عينيا دا عندها ها عارفها
حسين بعصبيه :ماقولتلك اهدي بقا انتي اي مش بتسمعي الكلام ليه؟
جليله :معلش يا حاج هدى نفسك مكنتش تقصد
أسرار بدهشه :انت بتزعقلي ياابا عشانه؟!
حسين :انا ولا بزعقلك عشانه ولا عشان اي حد انتي صوتك عالي ومينفعش كدا انتي بنت ومش معنى اني سبتك تعملي اللي انتي عاوزاه يبقا هتسوقي فيها اهدي وانا هفهمك
أسرار :اَمش عاوزه افهم حاجه ياابا انا مش عاوزه اتجوزوا هو بالعافيه
حسين :مش بالعافيه يابنتي بس انا هفهمك لما نروح يلا قومي الدكتور قال انك ممكن تكملي علاجك في البيت يلا
أسرار :ماشي يا أبا اما نشوف اخرتها
فتحيه وهي تهمس في اذن سوميه:انتي فاهمه حاجه؟
سوميه:وانا لو فاهمه حاجه هبقا فاتحه بوقي زي كلب البحر كدا ومستنيه اللي يفهمني
فتحيه :ربنا يستر على الي جاي
بقلمي منه وائل
***********************
في غرفة هدى وهبه
:انت بتعمل اي هنا يا رامي؟!
رامي بخوف :ها مين؟
هبه :اختك يا بيه
رامي وهو يزفر بارتياح : يا شيخه خضتني منك لله
هبه:رامي انا مش بهزر انت بتعمل اي هنا؟
رامي :طيب بصي يا هدي انا همشي بقا ابقى فهميها اشطا سلام
هبه :ماتفهمني يا ست هدى
هدى :ادخلي بس وانا هفهمك
هبه :اهو دخلنا ها في أي افهم بقا رامي كان بيعمل اي هنا؟
هدى :انا ورامي بنحب بعض
هبه :اي بجد، وانا معرفش طب ماقولتليش لي دا انا صحبتك حته
هدى :يابنتي اهدي في أي انا بس كنت خايفه احمد يعرف او اي حد
هبه :طب وفيها اي مش بتقولي بتحبوا بعض
هدى :ماهو مستني يخلص اخر سنه ويتقدملي بعد كدا يكون حته اتعين في أي شركه
هبه :اااه فهمتني وانتوا بقا خايفين من احمد صح؟
هدي:اه انا خايفه بس هو رامي مش خايف منه هو خايف يزعل عشان انتي عارفه بقا هما صحاب وكدا
هبه :اه لا ماتقلقيش احمد مركز مع البت اللي اسمها انجي دي يعني مش مركز معاكم خالص، بس أنا مش مصدقه نفسي اخويا انا بيحب والله دي حكايه
هدى :لي يعني؟
هبه :اصل رامي زمان كان بيقول انه مش هيكرس حياته للجواز وبس يعني دا لسه وراه احلام وكدا
هدى :لا الكلام دا وهو صغير دلوقتي لا دلوقتي رامي بيحبني ومستعد يعمل اي حاجه عشاني وانا كمان بحبه اوي ومش هتجوز غيره
هبه :يا سلام يا سلام على ست سندريلا دا الاوضه خرج منها ورد وفراشات ياختي بقا كل دا مخبينوا ماشي يا ستي وانا هساعدكم بس بشرط
هدى :اي هو اؤمري
هبه :تبقى تشغلي رامي عني شويه لحسن كل اما بقعد مع زين بيقفلي على الواحده
هدى :اي دا استنى بس كدا و اي زين دا بقا؟
هبه :ها، اي دا زميلي في الكليه مش اكتر يعني هو بس بيحب يقعد يحكيلي وانا بحب اسمعه مش اكتر
هدى :اااه قولتلي ماشي ياختي حاضر هبقا اشغله يلا بقا لحسن هموت وانام
هبه :يلا
بقلمي منه وائل
*************************
على الشاطئ
انجي وهي.تضحك مع صديقاتها :ههههههههه يابنتي هو اصلا آخره واحده من الاتوبيسات شبهوا انا كنت بتسلي مش اكتر اصلا عمار اخويا كان دايما يقولي ابعدي عنه بس انا اللي مكنتش بسمع كلامه واهو طلع عنده حق
هنا :ايوا يعني مش هترجعيلوا تاني؟
انجي :ارجع لمين يابنتي دا لعبه وانتهت خلاص
احمد :انجيييي
انجي :احمد هااي تعالي خد غطس معانا
احمد :لا معلش كنت عاوزك بس
انجي :حاضر خارجه اهو
هنا :و دا عاوز اي دا كمان؟
انجي :مش عارفه هشوف اهو
احمد وهو يخبئ وجهه:اي يا انجي اللي انتي لابساه دا؟
انجي :اي يا احمد دا مايو حلو مش كدا
احمد وهو يخبئ وجهه:اه حلو انتي ازاي بتعومي بالمايو دا جسمك كله باين شايفه كلهم بيتفرجوا عليكي ازاي
انجي :عادي يااحمد ما كلنا بنعوم كدا في أي
احمد :لا مش كلكم بصي في بنات بنعوم بمايو شرعي اهو ومش محجبين اي لازمته دا بقا، على العموم انا كنت بسألك يعني لو ينفع نتغدى سوا النهارده لو مفيش مانع
انجي :اكيد طبعا معنديش مشكله
احمد :تمم، روحي يلا البسي حاجه والا استري نفسك مش فاهمه انا اي دا
انجي بضحك :ههههههههه ماله دا؟
بقلمي منه وائل
*************************
في المساء في منزل العطارين
أسرار بصوت عالي :وانا قولت َمش هتجوزوا هو بالعافيه
حسين :يابنتي اقعدي انتي بس انا هفهمك
أسرار :تفهمني اي ياابا
حسين :هاتي ايدك يلا تعالي انا هفهمك
أسرار :حاضر ياابا
فتحيه :انا عاوزه افهم يابني اي اللي يخليك فجاءه تاخد قرار زي دا وبعدين عمك فجاءه كدا يوافق مااحنا لازم نفهم الله
عمار :سيبك من الموضوع دا دلوقتي ياأمي انتي وحشتني اوي وندى كمان وحشتني هي فين صحيح؟
جليله :اسم النبي حارصها طلعت رحله مع ولاد عمامك تبع الجامعه بتاعتهم دي
عمار :كلهم وحشوني اوي طب هيرجعوا امتا؟
سوميه :يعني كمان اسبوع كدا
عمار :تعرفي ياخالتي انا وحشني اوي المحشي اللي كنت باكوله من عندك لما باجي اذاكر مع يوسف
سوميه :ياروحي من عينيا
جليله :اي يا واد وماوحشكش الباميه بتاعة جليله والا البط والرز بتاع جليله طب بلاش المكرونه البشاميل بتاعة جليله ماوحشتكش
عمار :جليله كلها وحشتني اصلا، انا اقدر ياست الكل ما استغناش عنك كل حاجه هنا وحشتني فعلا
فتحيه :استنا دوا خرجوا
نظرت لهم أسرار ثم قالت :ابويا كلمني و.... وانا خلاص موافقه
جليله :اي بالسرعه دي، اقصد الف مبروك يا حبيبتي
فتحيه :يا حول الله يارب دا في يوم ليله ازاي
أسرار :انا هروح انام تصبحوا على خير
عمار وهو يمسك يدها :هعدي عليكي بكرا عشان هنروح مشوار سوا ماشي
تركت يده وذهبت
عمار :هي مالها يا عمي
حسين :قولتلها زي ماانت قولتلي بس مش عارف كشرت ليه فجاءه كدا
جليله :وانت قولتلها اي يا حاج؟
نظر لها حسين بغضب
جليله :ها وانا مالي يااخويا المهم يلا عشان تتعشوا يلا
بقلمي منه وائل
*************************
في غرفة ندي
يوسف :مرتاحه كدا؟
ندي:اه مرتاحه، يوسف انت مش بترد عليا ليه كل اما بكلمك
يوسف وهو يقوم بتغطئتها:المفروض اقول اي؟
ندي بدموع :انا ماليش دعوه والله هو اللي عمل كدا انا لو اعرف مكنتش شربت العصير، انا عارفه انك قرفان مني ومش طايقني بس ابوس ايدك استر عليا انا ماليش اي ذنب في كل دا، أو ذنبي اني كنت مستهتره اه والله دا هو ذنبي انا مش وسخه والله يا يوسف
يوسف :وانا ماقولتش انك كدا، بس هو انتي لي ماكنتيش راضيه تقولي عليه؟
ندي:عشان مكنش هيسبني في حالي ومكنتش عاوزاك تدخل في مشاكل هو كان قدامك طول الوقت خوفت تودي نفسك في داهيه
يوسف :وانتي فكراني هسكت انتي لسه ماشوفتيش حاجه، المهم انا بعت جبت دكتور علشان نطمن عليكي انتي والبيبي
ندي وهي تقوم بالخبط على بطنها :بيبي اي وزفت اي انا عاوزاه يموت انا بكرهوا
يوسف وهو يمسك يدها سريعا:بس بس اي اللي انتي بتعملي دا هو ذنبه اي، دي روح ربنا خلقها ملهاش اي ذنب مريم لو فكرتي تاذي انا يستحيل اسمحك الطفل دا هيعيش
ندي بدموع :ماهو لو عاش انا اللي هموت عمك مش هيسكت والا امي والا اي حد
يوسف :ومحدش هيقدر يقرب منك اهدي كدا ونامي وان شاء الله اول ما نرجع كل حاجه هتتحل اوعدك يلا نامي
ندي:حاضر
ثم خرج من الغرفه وأغلق الباب
يوسف :ماتخافيش يا ندى انتي بتاعتي انا بس
بقلمي منه وائل
*************************
على الشاطئ
هدى :أنهى واحد فيهم اللي بيلعب والا اللي قاعد بيشجع دا؟
هبه :لا اللي بيلعب
هدى :طب وانتي مالك مهتمه بيه لي يا هبهوب
هبه :قولتلك ميت مره بلاش الدلع وبعدين ولا مهتمه ولا حاجه دا يعني صديق مش اكتر
هدى :ااااه صديق مش اكتر ماشي ياختي
رامي :ههههه والله الواد دا لعيب
احمد :طب انا هقوم انا بقا
رامي :انت رايح فين؟
احمد :اي يابني انجي مستنياني
رامي :اه صح افتكرت خلاص ماشي روح، بسبس يا هدى
هدى :ايييي
رامي :اخوكي مشي تعالي يلا
هدى :ماشي، اهو اخوكي هيكون معايا اتلحلحي ها
هبه:ها طيب طيب
وجوووووووول الف مبروك لفريق الكابتن زين
هبه بفرح:كنت متأكده انك هتكسب
زين بابتسامه :مش انتي حضرتي الماتش لازم اكسب طبعا
هبه بخجل :ههههه طيب مش هتغير هدومك
زين:اه طبعا هغير استنيني هنا مش هتاخر
هبه :ماشي
وعلى الجانب الاخر رامي وهدي
رامي :وعرفتي تفهميها
هدى :ايوا وبتقول انها هتسعدنا ان احمد مش يشوفنا خالص
رامي :حلوتك
هدى :ههههههه، اي مالك يا رامي بتبصلي كدا ليه؟
رامي :ها اصلك حلوه اوي هو انا ممكن اخد بوسه؟
هدي وهي تضربه على خده بهدوء:لا ولون قت كدا تاني هرميك في المايه
رامي :ايييي، ايدك تقيله طيب خلاص ماتزعليش المهم الامتحانات قربت ادعيلي انجح عشان مستقبلنا متوقف على الامتكانات دي
هدى وهي ترفع يدها للسماء :يارب نجحوا بقا يارب
نظر لها رامي وقد قبلها من وجهها سريعا
هذي وهي تضربه بشده على وجهه :حيوان
رامي :ااااه
عند انجي واحمد
احمد :ههههههه ايوا والله بس يعني طول عمري عندنا في العيله عارفين اني اشطر من رامي بس يعني مش اوي انا شايف اننا زي بعض
انجي :انت عندك اخوات اي غير هدى؟
احمد :عندي أسرار دي أكبر واحده فينا
انجي :بس انتوا ماشاءالله عيلتكم كبيره
احمد :اه الحمدلله لولاش بس ناقصنا عمار
انجي :اي دا هو ابن عمكم اللي مشي اسمه عمار زي اخويا
احمد :انتي اخوكي اسمه عمار برضو
انجي :هههه اه شوفت الصدف
احمد :ايوا، بس يعني انتي عندك اخين كبار وكدا ليه محدش واخد باله منك ومن لبسك وتصرفاتك؟
انجي :افندم ماله لبسي وتصرفاني؟
احمد :مقصدتش بس يعني انتي دلوعه اوي و..
قطعته انجي وهي تقف وتقول :احمد هو انت جايبني هنا عشان اعدل على لبسي وتربيتي احنا مجرد أصحاب مش اكتر وياريت بلاش تدخل في اللي ملكش فيه عن اءذنك
احمد :انا اسف والله مكنتش اقصد استنى بس رايحه فين
انجي :لوسمحت يااحمد سبني عاوزه اطلع انام تصبح على خير
احمد وهو يضرب على الطاوله :غبي غبي اي اللي انت قولته دا؟
بقلمي منه وائل
*************************
في غرفة أسرار
أسرار ببكاء:ماشي يا عمار ماشي انا تتجوزني عشان كدا للدرجه دي ماليش لازمه عندك، بس عادي انا كمان مبقتش احبك وهما كلهم عارفين كدا هي فتره وكل واحد هيروح لحاله
في الخارج ******
عمار :ايوا يا حسام طب خلاص اهدي معلش كان عندي مشوار مهم، طيب خلاص انا جاي حالا سلام.
فتحيه :انت رايح فين يابني انت مش هتقعد معانا
عمار :معلش ياأمي انا لازم امشي بكره ان شاء الله هجي من بدري
حسين :خالي بالك من نفسك يا بني
عمار :حاضر ياعمي مع السلامه
صبرين :واد يا سعيد
سعيد :خير يامعلمه؟
صبرين:هي عربية مين دي ياولاا اللي تحت حسين العطار
سعيد :سمعت يا معلمه انها عربية ابنهم عمار ابن المعلم وليد الله يرحمه وهو رجع بقا بعد السنين دي كلها
صبرين :لا والله بقا الحكايه كدا، نورت يابن العطارين
بقلمي منه وائل
*************************
في منزل مريم
مريم :ماشي يا عمار ماشي بقا انا تحطني في البلاك ليست ماشي
اميره :ماانتي اللي عملتي اي نفسك كدا ما اونكل سليمان قالك وانتي برضو عنيده
مريم :ياسلام يااختي مش بالسهوله دي عمار دا اذكي مني ومن اللي خلفونا، وبعدين لما هو مش بيحبني كان راسك عليا الحب ليه ها؟
اميره:اسألي نفسك
مريم بغيظ:اه اسأل نفسي اااه، واللي اسمه عز اللي جاي بكره دا وانا اصلا معرفهوش وقال اي بابا عاوزني اقعد معاه واتعرف عليه هي ناقصه قرف
اميره :ماتقعدي معاه يابنتي مش يمكن يطلع كويس
مريم:عااااااا اسكتي اسكتي بدل مااقتلك
اميره:ياست وانا مالي الله اديني سكت
مريم :حشى ياختي حشى، اااه ماشي يا عمار ماشي
بقلمي منه وائل
*************************
على الشاطئ
زين :انتي عمرك نزلتي المايه بليل؟
هبه :لا بس كان نفسي بس بابا كان دايما يقولي لا غلط
زين :ولا غلط ولا حاجه انا عملتها قبل كدا بس انتي طبعا مش هتعرفي لأنك بنت بقا وحرام هتخافي
هبه :انا مش بخاف
زين :ههههه لا والله دا انتي الرعب هيطلع من عينك
هبه :ماتتحدانيش انا مبخافش من حاجه
زين :تؤتؤ بتخافي
هبه :يووووووو طيب انا هوريك
زين :هههههه مجنون بس تعالي هنا
هبه :اهو وهتشوف
زين :هبه تعالي هنا بطلي جنان
هبه :لا مش هاجي وهتشوف
زين :هبه المايه قربت توصل لراسك خلاص
هبه :انا مش بخاف.
زين بصوت عالي :هبااااااااه
هبه :عاااااااااااااا الحقني يا زين في حاجه بتشدني تحت عاااااااااااااا.
زين وهو يخلع ملابسه :هبهههه