(غمرتني عشق)
الحلقة السادسة والسابعة
بقلم شيمو الخطيب
💕اللهم كما سيّرت الجبال سيّر لي رزقي
ونصيبي وأكرمني بكرمك وأعطني ما أتمنى💕
بسم الله نبدأ
عدي ٥ ايام على أبطالنا،،، ونقول نبذه مختصره عنهم
قاسم كل يوم يطلع على الشركه الصبح، ويرجع اخر النهار يقعد في اوضته او يخرج مع حسام، على حسب اذا كان حسام فاضي ولا لا
حسام مشغول طول الليل والنهار في شغله. وبيفضي نفسه عشان بس يقعد مع قاسم، وكتير بيتكلموا على عشق، وقرروا انهم يروحو ليها البيت بحجة انهم ياخدوا الجاكيت، وطبعا ده كان اقتراح قاسم
رنا طول الوقت بتفكر في حسام وكلامه، ومش عارفه تعمل معاه ايه، وبتشغل وقتها بصحابها، وجامعتها
جيجي، كل تفكيرها ازاي هتوقع قاسم فيها وتغير من طبعه، وطبعا فريده بتساعدها في التفكير ده
عشق، اتعرفت على كل الممرضات في المستشفى وعلى الدكاتره، وحالة مامتها بدأت تستقر، وكلها ساعات وتخرج من المستشفى بعد ما الدكتور يتأكد من انتظام الضغط والسكر
وطبعا كان حصل مشكله من مريض، انه عايز عشق اللي تديله الحقنه لان اديها خفيفه، وده كان سبب الصريخ والصوت العالي اللي حصل قبل كده،
------------------بقلم شيمو الخطيب
نرجع للوقت الحالي
قاسم راح القسم لحسام،
قاسم: ايه ياعم خلصت ولا لسه،،
حسام بتعب: تعالي يا قاسم، والله انا لسه مروحتش من امبارح، وبجد تعبان قوى
قاسم: خلاص ياحسام تعالي لما اوصلك البيت، ونتقابل بكره مفيش مشكله
حسام:لا،، بقه تفتكر اني ممكن اضيع فرصه اقعدها معاك، انا لما بصدق يا راجل، (وقام وقف) انا خلصت اهو هلم بس شويه الأوراق دي ونمشي على طول
قاسم قعد على كنبه وقال: تمام وانا مستنيك اهو
حسام رفع عينه لقاسم وبخبث: ها يا معلم تحب تروح فين انهارده
قاسم بسرعه: انت مش قلت انك هتروح تجيب الجاكيت بتاعك من عشق الأول، ولا رجعت في كلامك
حسام ضحك؛: هههههههه، اه بس مش انا اللي قولت، انت اللي قولت
قاسم بغيظ : بص يا حسام، انت زودتها قوي، وانا فعلا انا اللي قولت، وفعلا انا اللي عايز اشوفها، وهتسألني ليه هقولك معرفش، بس عايز اشوفها وخلاص،، ها كده ارتحت يا حضرة الظابط
حسام: هههههه، بصراحه اه، انا كده ارتحت
قاسم: الحمد لله ياريت بلاش شغل المباحث ده معايا، واعرف اني لما احب اقول حاجه بقولها بمزاجي، ولو مش عايز، انسى انك تعرفها لو حطيت السكينه على رقبتي، اظن الرساله وصلت
حسام عمل التحيه العسكريه، : وصلت يا فندم، وضحكوا الاتنين ومشيوا مع بعض
----------------- بقلم شيمو الخطيب
عشق اطمنت على والدتها وسلمت على كل الممرضات، والدكاترة اللي عرفتهم، وسلمت على المرضى، وخدت والدتها ونزلت، وكان عم جابر منتظرها لان عشق اتصلت عليه يجي ياخدهم
فاديه : ربنا يحبب فيكي خلقه يا حبيبتي، ده الناس حبتك قوي ياعشق
عشق: هههههه، دي عشرة ٥ ايام يافيفي،، الحمد لله، ربنا يكملها على خير يا امي
فاديه : ههههه، فيفي، الله يجازيكي يا عشق، ربنا يفرح قلبك يا حبيبتي يارب،
وصلوا عند عم جابر
جابر نزل من التوكتوك : حمدلله على السلامه يا ام عشق، بركه انك قومتي بالف سلامه
فاديه : الله يسلمك يا حج جابر، ربنا يباركلك يارب، ويفرحك بولادك
جابر: الله يكرمك، ده احنا كنا قلقانين عليكي والله، وكنت على طول بكلم عشق، ربنا يباركلك فيها،
فاديه بصت لعشق بحب: عشق دي اللي ليا في الدنيا كلها، ربنا يعوضها عن الشقا ده خير يارب، ويرزقها بابن حلال يسعدها يارب
عشق بدموع : باست ايد والدتها، وقعدتها، وقعدت جنبها واتحركوا على البيت
عشق وصلت ونازله من التوكتوك، لقت عربيه وقفت ونزل منها شابين زي القمر،
فاديه : بسم الله ماشاء الله، مين دول يا عشق وجايين لمين
عشق لسه معرفتهمش: والله منا عارفه ياماما، يمكن جايين لطارق، عموما ملناش دعوه بيهم، دع الخلق للخالق يا فيفي،
فاديه : هههههه على رأيك، ربنا يصلح حال الجميع
عشق بتنزل الشنط اللي كانت معاهم في المستشفى، ولسه هتفتح البيت
قاسم : ايه ياعشق، مش ناويه تقوليلنا اتفضلوا، ولا هتسيبينا واقفين كده
عشق اتسمرت مكانها وقلبها دق بسرعه، ولفت وشها ببطئ : مين!!!!!،، قاسم بيه،
(وبصت وراه) وحسام بيه كمان، ده ايه النور ده، ا، ا، انا، مش عارفه، اقول ايه،
ط، ط، طب، اتفضلوا، وفتحت الباب بسرعه وهي متوتره، و دخلتهم وقعدوا على الكنبه الوحيده اللي موجوده في الصاله
فاديه باستغراب: مين دول ياعشق يابنتي،
حسام سلم على فاديه : انا ظابط في قسم المدينه يا أمي ، وكان في امانه عند عشق، كنت حابب اخدها ده لو ميدايقهاش طبعا
فاديه مبرقه عنيها ومش فاهمه حاجه وعلامات الخوف باينه على وشها
قاسم: متقلقيش يا أمي، ده كان في مشكله بسيطه حصلت، وعشق ملهاش دعوه بيها، لكن احنا عرفناها وهي بتشتغل مع خالد بيه، يعني متخضيش قوي كده، هههههههه
فاديه: يعني بنتي مفيش عليها حاجه
حسام بضحك :لا عليها، الجاكيت بتاعي،ههههه
عشق ضحكت،: متقلقش ياحسام بيه، موجود طبعا، بس انا بصراحه ملحقتش اغسله لحضرتك، وده لاني رجعت لقيت امي تعبانه ونقلتها المستشفى ومن يومها واحنا هناك ولسه راجعين حالا، فبجد اسفه، استأذن حضرتك، لو تيجي بكره اكون غسلته ونشف كمان، مهو ميصحش اديهولك كده
حسام: الف سلامه على والدتك، والحمد لله انها بخير، وانها قامت بالسلامه، وبعدين لو على الجاكيت، ياستي كويس انك مغسلتيهوش، لأنه كان طالع عينه غسيل، يعني لو كنتي غسلتيه كان شتمك هههههههه
عشق: هههههههه، ودي تيجي يا حسام بيه هتلبسه كده على طول بعد ما انا لبسته وكنت لسه بتراب الشغل، انت اكبر من كده بكتير يا بيه
قاسم متابع كل حركات عشق وكلامها وهي لاحظت ده، وبدأت تتوتر في الكلام، وتلخبط
حسام: ده انتي يا عشق اللي كبيره،(وبص لفاديه) بجد يا حاجه ، انا بحييكي على تربيتك لبنتك، ربنا يباركلك فيها
فاديه بفخر: عشق دي بميت راجل ، وقفت وسدت بعد وفاة ابوها، واستحملت اللي محدش في الدنيا يستحمله، كفايه انها خرجت من تعليمها بعد ماكانت الأولى علي المدرسه، عشق عندي اغلى من كنوز الدنيا ياباشا،
عشق: ك، ك، كده بقه، خدوتنا في الكلام ونستوني، اسألكوا، تحبو تشربو ايه،
قاسم : انا عايز اشرب قهوه، ممكن ولا مبتعرفيش تظبطيها
فاديه : دي عشق بنتي احلى واحده تعمل قهوه، دي ست بيت شاطره قوي، حتى أكلها زي الفل، وأن شاء الله لازم تشرفونا وتتغدوا معانا في مره، وهندوقكوا احلى اكل ،
قاسم بص لعشق: انا عن نفسي موافق، المهم دلوقتي نشرب القهوه وبعدين نقرر
عشق: ت، ت، تحت امرك يا قاسم بيه، قهوة حضراتكو ايه
قاسم وهو مركز فيها قوي: مظبوط، احنا الاتنين مظبوط
عشق، حاضر، وجريت من قدامهم وبتحاول تاخد نفسها، لأنها من نظرات قاسم قلبها بيدق بسرعه ومش عارفه ايه اللي بيحصلها
حسام وقاسم اتكلموا كتير مع فاديه وحكتلهم قصة حياتهم، وشغل عشق وتعبها فيه، وطبعا قاسم مركز جدا في كلامها، ومع كل كلمه إعجابه بعشق بيزيد اكتر،
عشق جت ومعاها القهوه، وقدمتها ليهم ودخلت تجيب الجاكيت
عشق: اتفضل يا حسام بيه، وانا اسفه بجد اني...
حسام: انتي هتتأسفي كتير ليه يا عشق، يابنتي ربنا يقدرك على اللي انتي فيه، وبعدين ايه اللي حصل يعني، الموضوع مش مستاهل كل الاعتذارات دي،
قاسم شرب القهوه، واعجب بيها جدا، لكن
قاسم: اممممم، كنت مفكرها هتطلع حلوه،
عشق عينها اتعلقت عليه وقالت بتوتر: ايه مش مظبوطه، طيب ممكن حضرتك تسيبها واعملك واحده تانيه حالا ولسه هتقوم
قاسم مسك اديها،
قاسم :رايحه فين بس استنى،
عشق؛ شدت اديها بسرعه وجسمها كله ارتعش، وحست ان رجليها مش شايلاها
قاسم : انا اسف، مكنش قصدي والله، بس انا كنت عايز اكمل كلامي
عشق: و، ولا يهمك يا قاسم بيه، انا هدخل اعملك واحده تانيه
قاسم : يابنتي انتي متلخبطه كده ليه، ههههه، بقولك هكمل كلامي ، القهوه فعلا مش حلوه بس، دي احلى قهوه شربتها في حياتي، وبجد تسلم ايدك عليها
عشق حطت اديها على قلبها وقعدت على طرف الكنبه،
حرام عليك ياقاسم باشا وقعت قلبي،
قاسم قرب منها: مش غريبه ان عشق متكونش واثقه في نفسها، انا اعرف انك بتثقي في نفسك جدا
عشق بصتله وتاهت في عنيه، ومعرفتش ترد من قربه ليها
وفاقت وقامت وقفت : انا اه بثق في نفسي جدا، بس دي أراء يا قاسم بيه، والحمد لله انها عجبتك
حسام : وهي عجبته هو بس، دي ظبطت دماغي على الآخر، ده انا بفكر لما احب اشرب قهوه كويسه، اجيلك على هنا، اشربها وامشي
فاديه : هههه، يا سلاااام، ده انت تنور يا بني، تعالي في اي وقت،
حسام: ربنا يخليكي يا امي يارب، (وقام وقف)،، ها ياقاسم، مش يلا عشان نلحق نوصل
قاسم بصله بغيظ: انا لسه مكملتش القهوه، هكملها واقوم
وفعلا كمل قهوته، وقام
عشق: انا مش عارفه اشكركوا ازاي على وقفتكوا معايا، ربنا يباركلكوا يارب
حسام : بصي يا ستي، انا عايزك لو احتاجتي حاجه، تجيني على طول، وده الكارت بتاعي، فيه كل أرقامي،،، ، بس صحيح،!! هو انتي معاكي موبايل
عشق: بتدور عليه في جيبها : اه طبعا معايا، واهو كمان
حسام : ياااه، ده قديم قوي يا عشق،،، المهم لو احتاجتي حاجه كلميني، متتكسفيش تمام
عشق: تماااام ياباشا، ربنا يخليك يارب،
قاسم : مش عايزه حاجه ياعشق،
عشق بتوهان : تسلم ياقاسم بيه، عايزه سلامتك
قاسم وحسام استأذنوا ومشيوا وفاديه وعشق ودعوهم
فاديه دخلت البيت : ماشاء الله تبارك الله، شباب تفرح القلب، ربنا يستر طريقهم يارب، بس تعالي هنا يابت ياعشق، انتي عرفتيهم ازاي، وأيه حكاية الجاكيت ده
عشق، تايه وفاقت على كلام فاديه، وحكتلها على كل حاجه، وفاديه دعت على خالد ربنا ينتقم منه
ودعت ليهم كتير، ربنا يستر طريقهم ويبارك فيهم
---------------- بقلم شيمو الخطيب
قاسم ركب العربيه مع حسام وسرحان
حسام : ايه ياقاسم، انا بجد مستغرب جدا، تقريبا عشق غيرت حياتك خالص
قاسم : احم، غيرتها ازاي يعني، منا زي منا اهو
حسام : لا ياقاسم، انت مش انت،وانت مع عشق ههههههه
قاسم بحيره : مش عارف يا حسام، بس بجد شداني قوي، يمكن لاني اول مره اشوف زيها، أو كل اللي بشوفه من عينة جيجي، أو رنا اختي، يعني بنات متدلعه، مشوفتش قبل كده بنت رقيقه بس مسترجله، حتى في لبسها، مش عارف يا حسام، انا فعلا فيا حاجه غريبه انا مش فاهمها
حسام سرح في رنا وسكت ومردش على قاسم،
وصلوا لعربيه قاسم وقاسم نزل ركب عربيته، وكل واحد رجع على بيته
------------------ بقلم شيمو الخطيب
في فيلا العزيزي
رنا قاعده وسرحانه، وهدى قاعده بتقرأ في مجله تخص الموضه وحازم في المكتب
هدى قفلت المجله بزهق: اوووف، انا زهقت قوي
رنا بخضه: ايه يا مامي مالك، خضتيني
هدى بضيق: كل يوم شبه التاني مفيش تغيير، انا زهقت بجد من الروتين ده يا رنا، عايزه اغير جو،
رنا بحماس:ايه رايك تكلمي حازم حبيب قلبك وتقنعيه نطلع السخنه،
هدى بفرحه: تصدقي فكره، احنا بقالنا سنه مروحناش واخر مره بصراحه كانت تحفه، انا هقول لقاسم ونطلع كلنا مع عيلة محسن بيه
رنا: تمام حلو قوي، (وبصت لقيت قاسم داخل)، وادي ابيه قاسم جه،
قاسم : السلام عليكم، خير، كنتو جايبين سيرتي ولا ايه
رنا : بصراحه اه، عايزينك تقنع بابي نطلع رحله السخنه اصل مامي مخنوقه وعايزه تغير جو، وانا كمان عايزه اتفسح
قاسم : طب وانا مالي، ما هدى تقنعه، يعني هو هيسمع كلامي انا، وهي لا
هدي: ياواد، يعني انت لو ظبطت شغل الشركه، وطلعنا كلنا زي السنه اللي فاتت، هتبقى حلوه قوي،
قاسم وهو ماشي :تمام، لو على الشركه مالكوش دعوه بيها، انا هظبطها، اما بقه موافقة حازم بيه، فدى مسؤوليتكو انتو
وربنا معاكو
هدي: متستني هنا ياواد انت، اتكلم معانا زي مبنكلمك،
قاسم وقف بضيق: وهو انا بتكلم معاكو ازاي، هو في حاجه تانيه عايزاها، ولا كده خلاص.انا تعبان وعايز اطلع ارتاح
هدي: اعمل حسابك هتيجي معانا، عشان تبقي فاضي لجيجي وبس، تفهمها وتعرف هي ليه على طول زعلانه منك، وتحاول تغير من نفسك
قاسم ضحك: هههههههه، انا اغير من نفسي عشان جيجي، ههههه لا بجد ضحكتيني يا هدي، عليكي حاجات غريبه والله هههههه
هدي: انت هتستعبط يا قاسم، ايه اللي بيضحكك قوي كده
قاسم: اصلك بتقولي اغير من نفسي، وعشان مين؟ ، عشان جيجي!!! بذمتك دي مش نكته. (واتكلم بجديه) بقولك ايه يا ماما، انا كده، وده طبعي، عاجبها على كده اهلا وسهلا، مش عاجبها. مع الف سلامه، انا مش مجبر اتغير عشان حد،
حازم خرج من المكتب: لا مجبر يا قاسم بيه، مجبر عشان الحياه تمشي وجوازتك تنجح،
قاسم بتحدي: لا يابابا، مش تغييري هو اللي هينجح الجواز، وليه هي متتغيرش وتبطل الدلع اللي مالوش لازمه ده.، هو المطلوب مني انا بس اللي اتغير
حازم بصوت عالي: ايوه يا قاسم باشا. لأنك أنت الراجل، انت اللي المفروض تستحمل، هي ست ومن حقها تدلع على حبيبها، وتعيش سنها، وبعدين هي بتعمل ايه لكل ضيقتك دي، ده كل اللي هي طالباه انك تحبها، تسمعها كلام حلو، وبصراحه هي تستاهل
قاسم: بابا، انا مبعرفش احب، مبعرفش اقول كلام حب، وقلتلها ده الف مره، يمكن عشان مش حاسه، أو عشان مبحبهاش، معرفش بس مش عارف اتكلم معاها زي ما هيا عايزه
هدى انتهزت الفرصه: خلاص، احنا نطلع السخنه اجازه يومين واهو تقدروا تتكلموا مع بعض، وغيروا جو ، وتحاول يا قاسم انك تفهم دماغها
قاسم :انا مش....
حازم قاطعه : مفيش مش، انت هتطلع معانا، والدتك عندها حق، لازم تاخدوا على بعض شويه، وخلص الكلام لحد كده، انا هكلم محسن، ونحدد المعاد، وهنظبط الشركه وأيمن(وده موظف في الشركه) هيخلي باله من الشغل هناك،، وسابهم ودخل المكتب يكلم محسن
رنا ضحكت بصوتها كله :ههههههه والله انتي مشكله يا دودو ظبطي الموضوع و دبستي ابيه قاسم فيه كمان
هدى سقفت باديها وضحكت، :اوعي تزعل مني يا قاسم، انا عايزه مصلحتك، هههههههه
قاسم بغيظ: ماشي، انتو فاكرين انكو هتمشوا كلامكو عليا، مابقاش قاسم العزيزي لو مخلتكوش تروحو من غيري
وسابهم وطلع
هدي: قاسم،،، يا قاسم، رد عليا يا ولد،
رنا: سيبيه دلوقتي يا مامي، هيهدي وهيغير رأيه
هدى بنرفزه: وهو ده بيرجع في كلامه ابدا، ده حتى لوي الدراع مبيجيش بيه، عنده استعداد يقطع دراعه ولا انك تلويه وتجبريه على حاجه، انا بجد هتجنن منه. مشوفتش كده في حياتي
رنا : اهدي بس يا مامي وان شاء الله بابي هيقنعه
هدى بقلق : يارب يارنا، انا بس خايفه يتخانقوا مع بعض، وتبقى مشكله
رنا : لا ان شاء الله خير، تعالي نشوف بابي كلم انكل محسن ولا لسه
ودخلوا المكتب على حازم، وكان بيكلم محسن واتفق معاه على كل حاجه، وهو طبعا رحب بالفكره جدا
-------------- بقلم شيمو الخطيب
عند عشق
تاني يوم الصبح، عشق قامت من نومها اتوضت وصلت فرضها،، وجابت الجبنه وبتوزعها في أكياس، عشان توزعها على اصحابها
فاديه : صباح الخير يا حبيتي،
عشق: صباح الفل ياست الكل، عامله ايه انهارده يا أمي
فاديه : انا بخير طول مانتي بخير يا حبيبتي،
عشق؛ يارب دايما يا أمي،
فاديه : هتوزعي الجبنه انهارده،
عشق: اه ان شاء الله يا حبيبتي ، وهروح اشوف شغلي بقه، بقالي كام يوم مبلطه في الخط هههههه
فاديه؛ ربنا يعينك يا بنتي يارب،
عشق : انا همشي بقه يا ماما، محتاجه مني حاجه
فاديه: عايزه سلامتك ياحبيبتي، ربنا يسترها معاكي، ويوقفلك ولاد الحلال يارب
عشق : يارب ، يلا، سلام عليكم
فاديه :وعليكم السلام يا حبيبتي
وخرجت عشق ووزعت الجبنه، وبعدها طلعت على عم ناصر (راجل صاحب ارض)
عشق: السلام عليكم ازيك يا عم ناصر
ناصر: وعليكم السلام يا بنتي، انا بخير نحمده على كل شيئ
عشق: ايه ياعم ناصر، مش عايزني معاك في شغل انهارده
ناصر باحراج : والله يابنتي، انا مش عارف اقولك ايه، بس بصراحه كده، خالد بيه منبه علينا منشغلكيش خالص، واللي هيشغلك هيدخل معاه في مشاكل، وانتي عارفه انه املاكه كتير، ويعتبر هو كبير البلد، وبصراحه كده ياعشق يابنتي انتي ميرضكيش اننا نتأذي بسببك، ويتقطع عيشنا
عشق بدموع : لا طبعا ياعم ناصر ميرضنيش، ربنا يصلح حال الجميع
انا هشوف حد تاني يمكن يرضى يشغلني
ناصر: نصيحه ليكي يابنتي متتعبيش نفسك، محدش هيرضي يشغلك، الأحسن شوفي شغلانه بره البلد، لأن خالد بيه مش ناوي يسيبك في حالك
عشق اتنهدت: حاضر ياعم ناصر، تسلم ياغالي
ناصر: والله ياعشق يابنتي انا.....
عشق قاطعته: خلاص ياعم ناصر، ربنا يصلح حالك، عن اذنك
ومشيت عشق ودموعها على خدها
عم سيد: يا عشق، مالك يابنتي حزينه كده ليه
عشق : مفيش ياعم سيد، بس الله لا يسامحه خالد بيه..... وحكتله كل حاجه
سيد: الله يخربيته، معلش يابنتي، في ناس كده، ميقدرش عليهم الا ربنا، بصي انا في ناس أكابر مكلمني على شغاله عندهم، وانا بعتلهم البت زهره، بس مبهدله الدنيا هناك. انتي عارفاها هبله
فلو نفع انك تشتغلي هناك، يبقى حلو قوي، ومرتبك هيبقى كبير
عشق بخنقه: اشتغل خدامه ياعم سيد!!!
سيد : يابنتي مش احسن، من بهدلتك في الأراضي للي يسوي واللي ميسواش، المشكله بس، انك هتقعدي هناك، وتبقى تيجي تشوفي امك كل يوم خميس وجمعه، ولو طبعا عجبتيهم مش هيرفضوا ليكي طلب
عشق: طب وامي ياعم سيد مين هيرعاها، وياخد باله منها؟
سيد: مهو ام طارق وجيرانا حواليها، وليكي عليا هسأل عليها كل يوم،،، ها قولتي ايه
عشق: طب اخد رأي امي طيب
سيد: خلاص يلا بينا ناخد رأيها، اصل المفروض اني رايح اخد البت زهره من هناك، فلازم تيجي معايا دلوقتي
وفعلا طلعوا على فاديه واقنعوها ووافقت بالعافيه وبدموع ان بنتها تبعد عنها، لكن ده احسن ليها، بدل البهدله، وفعلا طلعت عشق وعم سيد علي فيلا العزيزي
قاسم واقف في البلكونه، لمح سيد داخل هو وبنت معاه،، عرف انها شغاله جديده
دخل لبس ونزل عشان يروح الشركه
قاسم نازل، وسيد داخل
الحلقه ٧
من (غمرتني عشق)
💕"اللهُم بشرني بفرحه تسر خاطري للأبد"💕
بسم الله نبدأ
عشق راحت مع عم سيد علي فيلا العزيزي
سيد : السلام عليكم ازيك يا عم ناجي
ناجي (حارس الفيلا) : اهلاااا ، اتفضل ياعم سيد، (وبص على عشق) ومين دي شغاله تانيه، قصدي تالته يا سيد، هههههه
سيد: اعمل ايه بس كل لما اجيب واحده متعجبش الست هانم
ناجي:هههه، اتفضلوا،، وربنا يثبت اقدامها ان شاء الله،
سيد: يارب يا راجل ياطيب، ودخلوا
عشق بتبص حواليها بانبهار وقالت:
ايه ده كله ياعم سيد، ربنا يبارك، دول ناس أكابر قوي
سيد: اومال ايه ياعشق يابنتي، انا قولتلك، واكيد مرتبك هيبقى كبير، ادعي انتي بس
عشق لقت كلب في الجنينه لكن مهتمتش
سيد: ايه ياعشق مش خايفه منه وهو بيهوهو علينا كده
عشق: وهخاف منه ليه ياعم سيد، دي الكلاب دي من اوفي الحيوانات،، بالعكس انا شايفه انه هيتعود عليا، لو ربنا كتبلي شغل هنا
سيد: يارب يابنتي، ربنا يكرمك
قاسم شافهم من البلكونه، لكن مهتمش ودخل لبس ونزل
قاسم نزل، وقعد على السفره ومكانش حد قاعد
سيد : يارب يا ساتر، يا ست هدى
هدى جت من المطبخ : تعالي ياعم سيد ادخل
سيد دخل هو وعشق وهي منزله وشها في الأرض
قاسم قاعد على السفره وبياكل اكل خفيف
سيد: السلام عليكم، ازيك ياست هدى،
هدي: الحمد لله بخير،( وكملت باستغراب) مين اللي معاك دي، انا مش قولتلك مش هقبل منك شغالات تاني يا سيد
سيد بزعل: ياست هانم انا ميرضنيش زعلك ابدا، انا جبتلك بنت وانا واثق انك هتحبيها ومش هتستغني عنها ابدا
هدى بضيق: ودي اسمها ايه، دي كمان
سيد : اسمها عشق، عشق ياست هانم
في لحظه دي قاسم وقف اكل، ورفع وشه يشوف مين دي،
واول مشافها قام وقف وقال : عشق،!!!!! مش ممكن
عشق اول ماسمعت صوته اتصدمت ورفعت وشها وبصتله وقالت بهمس : قاسم بيه،
قاسم لف وراح ناحيتها، : انتي!!! ، طب ليه؟!!!
عشق بتبصله وساكته
وهدى وسيد مستغربين رد فعله
هدى قربت من قاسم وسألته باستغراب : هو انت تعرفها يا قاسم؟
قاسم بلخبطه : اه،، لا، اه، مش عارف
هدي: هو ايه اللي اه، ولا، تعرفها ولا لا
قاسم بص لسيد: رجعها مكان مجبتها ياعم سيد، دي مش هتشتغل هنا ابدا، انت فاهم ولا لا،
عشق اتصدمت ودموعها نزلت، وبصت لسيد: يلا ياعم سيد، انا مش هستني هنا ثانيه واحده
سيد: يابنتي استهدي بالله، (وبص لقاسم)، هي مدايقاك في ايه بس ياباشا، ده حتى عشق بنت هاديه وانا واثق انها هتعجب الست هانم
قاسم بنرفزه : وانا قلت استحاله تشتغل هنا، ومن فضلك خدها وارجع بلدك
هدى بضيق: وانت مالك انت ياقاسم، انت من امتى بتدخل نفسك في حاجه زي دي، طب ايه رايك بقه انا هشغلها، انا حاسه انها تنفع، وشكلها غير التانيين خالص، واظن انا بس اللي اقرر اذا كانت تقعد او تمشي
قاسم بضيق : ماشي ياماما، انتي حره، انا همشي،، وسابهم ومشي
عشق بتعيط ومبطلتش عياط، ومصدومه من رد فعله
هدى : هو انتي تعرفي قاسم ياعشق، انا حاسه انكو تعرفوا بعض،
عشق بعياط: انا اعرف حسام باشا ياست هانم، وكنت شفت قاسم بيه معاه
هدي: بس حسام ده ظابط ايه اللي وصلك ليه
عشق بدموع: كان في مشكله مع واحد في البلد عندنا، وحسام بيه كان موجود وهو وقاسم بيه اللي حلوها
هدي: والمشكله دي تخصك انتي؟
سيد لحقها : لا، تخصها ايه ياست هانم، عشق مش بتاعت مشاكل خالص، دي تخص واحد جارها
هدي: تمام، تمام، المهم ياسيد، خد البت اللي اسمها زهره دي، وسيب عشق، بس هي هتنزل برده كل خميس وجمعه، ولا هتستقر هنا
عشق بترجي: انا طمعانه في كرمك ياست هانم، انا ممكن انزل كل يوم ساعتين اطمن على امي، وارجع على طول. وده مش هيأثر على شغلي صدقيني، لكن لو حضرتك مش موافقه، اللي تشوفيه انا هعمله
هدى باعجاب من طريقتها: لا خلاص ياعشق، اهم حاجه شغلك ميتأثرش، وحاولي تنقلي والدتك في مكان قريب من هنا
عشق: شكرا ليكي ياست هانم، ربنا يكرمك يارب
سيد : هي فين زهره ياست هانم،
هدي: يازينب،، يازينب،،
زينب: نعمين ياست هانم
هدي: هاتي زهره وخدي عشق فهميها شغلها
عشق: معلش ياست هانم في تدخلي، هو مفيش اي شغلانه تانيه لزهره، البت دي غلبانه وطيبه، وحرام ابقى انا سبب في قطع عيشها
هدى بخنقه: هي اللي مش راكزه ياعشق، ومتنفعش ابدا، وللأسف مفيش اي شغلانه ليها
زينب: والله ياست هانم هتكسبي فيها ثواب لو سيبتيها، دي قاعده جوه هتموت من العياط، وصعبانه عليا قوي،
هدي:والله منا مقتنعه بيها ابدا، دي مجنونه خالص،
عشق: انا هبقي معاها وزينب الله يباركلها هتفهمنا كل حاجه، بس بلاش قطع العيش ياست هانم، دي ربنا وحده اللي عالم بظروفها
هدي: بقلة حيله : خلاص ياسيد سيبها، ولو عملت حاجه هكلمك تيجي تاخذها
عشق وزينب: ربنا يكرمك يا ست هانم يارب
سيد:خلاص ياست هانم هستأذن انا، واي واحده تدايقك كلميني على طول، وانا تحت امرك
هدي:ماشي ياسيد، اتفضل انت
عشق بترجي: عم سيد، مش هوصيك على امي، أسأل عليها كل يوم، وأنا ان شاء الله بكره هروحلها واطمن عليها بنفسي،
سيد؛ حاضر يا عشق يابنتي، بالاذن انا بقه،،، ومشي
زينب : تعالي ياعشق معايا، ندخل نهدي البت اللي جوه دي
هدي: صحيح يا عشق انتي بتعرفي تطبخي
عشق: ايوه ياست هانم، تؤمريني بحاجه
هدي: خلاص حلو قوي ، انا هجربك انهارده في الأكل، لو عجبتيني، هتشيلي انتي المطبخ وزينب عليها التنضيف ، وزهره هتساعدكوا
عشق: تحت امرك ياست هانم، ودخلت عشق على المطبخ، وهدت زهره، اللي فرحت جدا أن عشق معاها وانها مش هتسيب الشغل
------------------ بقلم شيمو الخطيب
في الشركه
قاسم داخل ووشه بيطلع نار،
امل : قاسم بيه، انهارده في مواعيد كت....
قاسم قاطعها : الغي اي حاجه يا امل، انا مش عايز اقابل حد، مش عايز اشوف حد خالص
امل: خير يامستر قاسم، هو في حاجه ولا ايه
قاسم بنرفزه: انتي هتحققي معايا يا امل، قولتلك مش عايز اقابل حد، الغي كل المواعيد
امل : حاضر حاضر، وخرجت بسرعه
قاسم لنفسه : طب ليه، ليه تعمل كده في نفسها، انا مش هستحمل اشوف حد بيؤمرها، مش هستحمل اسمع حد بيزعقلها،،،،
-متعقل ياقاسم، ليه مش هتستحمل يعني، ما زيها زي غيرها،،،
_ لا هي مش زي غيرها،،،
-طب ليه يعني، هي مختلفه في ايه عن غيرها،،
_ مش عارف،، بس هي مختلفه
-ايه ياقاسم انت حبيتها ولا ايه
_لا طبعا حبيبتها ايه، دي صعبانه عليا،
-خلاص، يبقى لازم تفوق وتعرف انه مجرد إعجاب وهيروح، وترجع عشق زيها زي اي شغاله عندكو،
_بس لا عشق مش خدامه
-لا خدامه وفوق بقه
وخلص تفكير قاسم علي كده، قلبه مش قادر يتصور انها خدامه، وعقله متأكد انها خدامه، ولسه قاسم مش عارف هو ليه الصراع ده جواه،
قاسم قرر انه يتصل على حسام
قاسم: الو ايوه يا حسام انت فين
حسام بنوم: امممم، ايه ياقاسم، مالك كده، انا على السرير
قاسم : طب انا جايلك، دلوقتي
حسام بصوت عالي: انت ماعندكش دم يابني أدم، بقولك على السرير يعني نايم
قاسم بنرفزه: حسااام، بقولك انا جايلك حالا،، وقفل في وشه
حسام باستغراب: ايه المجنون ده،،،، استغفر الله العظيم، على اليوم اللي عرفتك فيه يا عزيزي، هه آدي قومه،
وقام حسام غسل وشه، وخرج يفطر
قاسم خرج من مكتبه،
امل انا نازل.ولو حد سأل عليا قولي انه نزل لحسام بيه، لأن في مشكله،،، ، انتي فاهمه
أمل بذهول: حاضر يامستر قاسم، طب والشغل احوله على مستر حازم
قاسم : لا حوليه على ايمن، ولو اتأزمت حوليه لحازم بيه
امل : تحت امرك يافندم
ونزل قاسم
وصل عند حسام ورن الجرس كتير
حسام فتح: ايه ياعم، انت بترن على اموات، ادخل
قاسم بخنقه: حسام، انا مش طايق نفسي، ومش عارف ايه السبب، و ليه انا عامل في نفسي كده
حسام بتريقه: والله،،، بقه انت مصحيني من النوم، وقارفني معاك على الصبح، عشان تقولي انا مش عارف مالي، المفروض ان انا اللي اعرف يعني،،؟
قاسم بخنقه: بقولك ايه، انا مش قادر أتصور انها تشتغل خدامه عندنا، لا،، عقلي مش قادر يستوعب ده، انا مش عارف هرجع البيت اشوفها كده ازاي، ومتسألنيش وتقولي اشمعني هيا، لاني معرفش، بجد انا معرفش
حسام: لا وحياتك انا مش هسألك واقولك اشمعني هيا، انا هسألك واقولك مين هيا، مين دي اللي بتتكلم عنها
قاسم بخنقه : عشق، عشق يا حسام
حسام بصدمه : عشق،!!!! طب وايه هيجيب عشق عندكو
قاسم : سيد جاب عشق الصبح بدري، عشان تشتغل عندنا، وانا بصراحه مش حابب ده، مش حابب انها تبقى كده، قولي يا حسام، اعمل ايه
حسام باستغراب: طب اشمعني يا قاسم عشق بالذات اللي عملت معاها كده، وبعدين انت ايه دخلك في الموضوع من الاول
قاسم بخنقه : انت هتعمل زي هدي، برده قالت انت ايه دخلك، وبالرغم اني رفضت، الا انها عندت معايا وصممت على عشق
حسام بزعيق: وانت ترفض ليه اصلا، عشق بنت غلبانه، وشغلها عندك في الفيلا هيساعدها كتير، خصوصا انها مش هتتبهدل في الأراضي ولا وسط الرجاله
يبقى ليه لا
قاسم بزعيق: لا،، لاني مش هتحمل ان حد يهينها بكلمه،، مش هتحمل انها تتعامل معاملة خدامين، مش هتحمل ان حد يدايقها. ومتسألش ليه، لاني معرفش بس هو ده احساسي وانت عارف اني مبخبيش عليك حاجه
حسام : قاسم، هو انت حبيت عشق!؟
----------------- بقلم شيمو الخطيب
في بيت عشق،
الباب خبط وقامت فاديه تفتح
فاديه : ثواني يا للي على الباب انا جايه اهو،، فتحت فاديه الباب
اهلا تعالي ياسحر يابنتي
سحر: ازيك ياخالتي.، الف حمدلله على سلامتك
فاديه : الله يسلمك ياحبيبتي، انتي عامله ايه واخبار شغلك ايه
سحر: الحمد لله اهي ماشيه ياخالتي، عشق عامله ايه، انا عارفه ان الراجل المفتري ده مش هيسيبها في حالها، بس يلا منه لله
فاديه: يابنتي ربنا يُمهل ولا يُهمل، وبكره حقها هيجي منه، مش هقول غير حسبي الله ونعم الوكيل فيه
سحر: ربنا قادر عليه ياخالتي، المهم، عشق عامله ايه، وناويه تشتغل فين، ده مفيش حد موافق يشغلها خالص
فاديه: لا يابنتي، عم سيد الله يصلح حاله لقى ليها شغلانه بره البلد، واهي راحت ياحبيبتي معاه عشان تشوف الشغل، وربنا معاها يارب
سحر بفرحه : والله فرحتني ياخالتي، ربنا يكتبلها الخير يارب، عشق بنت حلال وتستاهل.، اهم حاجه انك متقلقيش ياخالتي، وانا دايما هسأل عليكي، ولو احتاجتي حاجه، اعتبريني، زي عشق بالظبط
فاديه : انتي فعلا زيها يا حبيبتي وربنا يعلم، ربنا يصلح حالك يابنتي يارب،
سحر: تسلمي ياخالتي يارب، انا همشي دلوقتي ولو احتاجتي حاجه، عرفيني على طول، ابعتيلي، اي عيل من الشارع وانا هجيلك على طول
فاديه: حاضر يابنتي، تسلمي علي سؤالك ياحبيبتي
سحر قامت مشيت، وهي طالع لقت في وشها طارق
سحر قلبها دق : طارق،، ازيك يا طارق
طارق: الحمدلله على كل حال، انتي عامله ايه ياسحر، محدش بيشوفك يعني
سحر: والله اللي عايز يشوفني عارف انا ببقى فين، بس انت اللي تقلان علينا ياطارق
طارق: احم،، وانا هتقل ليه بس، ربنا يعلم انا بقدرك قد ايه،
سحر؛ وربنا يعلم انت غالي عندي قد ايه ياطارق،
طارق: احم احم،،، انتي خارجه من عند عشق ولا ايه
سحر بضيقه: اه كنت بسأل عليها، وخالتي قالتلي انها اشتغلت عند ناس في المدينه، وبعدت عن البلد خالص
طارق بصدمه : طب ليه، وايه اللي خلاها تعمل كده
سحر حكت كل حاجه لطارق، وطارق قرر يروح يتكلم مع خالد لكن سحر هدته، وقالته مهما اتكلم خالد مش هينفذ حاجه،
ومشيت سحر وقلبها بيتقطع لأنها واثقه ان طارق معجب بعشق،
اما طارق فزعل جدا على عشق وعلى اللي بيحصلها
-------------------- بقلم شيمو الخطيب
في فيلا العزيزي
جه وقت الغدا، وعشق هي اللي بتطبخ وعملت انواع كتيره من الاكل
وزينب وزهره انبهروا بطعامة وجمال أكلها
هدي: ها يا عشق خلصتي ولا لسه
عشق: ٥ دقايق بس ياست هانم وكل حاجه تبقى جاهزه
هدي: الله الله، واضح من الريحه ان الاكل زي الفل
عشق؛ الله يكرمك ياست هانم، ويجبر بخاطرك
هدي:طب يلا بقه لان البشوات زمانهم على وصول
عشق:من عنيا يا ست هانم
خرجت هدى وكانت رنا جايه من بره
رنا: هاي يا مامي( وباست راسها)،
هدي:هاي عليكي يا حبيبتي،، عامله ايه
رنا : انا تمام الحمد لله،، صحيح ايه اخبار الشغاله الجديده عجبتك ولا ايه
هدي: اسكتي يابت يارنا ، دي شكلها ممتازه، ريحة أكلها حلوه قوي، وشكلها بنت هاديه غير الباقيين
رنا : الحمد لله، وابيه وصل ولا لسه؟
هدي: لا لسه، حتى حازم لسه موصلش
رنا: اسكتي يا دودو، جيجي، طول النهار بتتصل على ابيه، ولا مره رد عليها، كانت هتموت، وبصراحه بقه ابيه قاسم مزودها قوي، دي نص شباب الكليه نفسهم بس نظره من جيجي، وهو مطنش على الآخر وده هيموتها اكتر
هدي: انتي عارفه اخوكي، عمره ماكان خفيف مع البنات، وده اللي مدوبهم فيه، ده غير انه راجل، وشخصيه، مش زي شباب اليومين دول
رنا: الصراحه يامامي، انا نفسي احب واحد في شخصية ابيه قاسم، بس مش نفس طباعه، بصراحه هو صعب قوي،
هدى بهزار: انتي تطولي يابت انتي، ده قاسم ده كل البنات تحلم بيه، وتتمناه كمان
رنا: اه صحيح، وهو مين يشهدله غيرك،، ههههههه
هدي:ههههه طب يلا يا غلابويه، اطلعي غيري هدومك وانزلي عشان نتغدى،
طلعت رنا ودخل حازم، وسأل على قاسم لكن هدى قالت إنه مجاش
حازم غير هدومه ونزل قعد على السفره هو ورنا وهدى
عشق رصت الأكل ووقفت جنبهم عشان لو حد احتاج حاجه
قاسم دخل في اللحظه دي (وبص على عشق)
حازم : حمدلله على السلامه يا قاسم بيه، ممكن اعرف كنت فين طول النهار
هدي: هيكون فين يعني، هو مش كان معاك في الشركه
حازم بضيق : لا ياست هانم، البيه، جه الشركه ربع ساعه وخرج بحجة ان حسام عنده مشكله
رنا قلبها دق، وسألت : ايه خير؟ مشكلة ايه؟
حازم: والله معرفش تقدري تسأليه
قاسم باصص على عشق وساكت
حازم بنرفزه: ايه يا باشا، هترد علينا امتى
قاسم: اتنهد: حسام كان تعبان شويه واتصل بيا، روحتله. ايه كفرت يعني اني رحت لصاحبي
حازم بصوت عالي وخبط على السفره باديه : انت ولد مش محترم، انك تكلم ابوك بالشكل ده، تبقى قلة ذوق وعدم احترام
قاسم بص لعشق وسكت ، ورجع بص لحازم، اللي فهم انه ماكنش المفروض يحرج ابنه قدام الخدامين بالشكل ده
حازم بهدوء حاول يتدارك الموقف : قاسم، انا بعتذر اني اتدايقت واتنرفزت عليك، بس طبعا مينفعش انك تتكلم معايا بالشكل ده، لكن حصل خير، اطلع غير هدومك وتعالي اتغدى،
قاسم : لا شكرا، انا مش جعان، وسابهم وطلع
هدي: عشق، معلش جهزي اكل لقاسم وطلعيه فوق
عشق بصدمه: انا اطلعه ياست هانم!!!!
هدي: ايوه ياعشق انتي ، ايه صعبه ولا ايه
عشق: لا،، لا،، تحت امرك ياست هانم
دخلت عشق وحضرت الصينيه وطلعت بيها لقاسم
هدي: ايه يا حازم، انت ليه اتنرفزت عليه بالشكل ده، انت اول مره تشتمه
حازم بخنقه: مدايقني يا هدى، ابنك مستفز، وماشي بدماغه. ومش عامل حساب لحد، انا مش عارف هو عايز ايه
هدي: انت عارف قاسم، مبيجيش بالطريقه دي، سيبهولي وكل شي هيتحل ان شاء الله، كمل اكلك انت بس، ده الاكل انهارده رائع
حازم : فعلا، هو مين اللي طابخ الاكل ده
هدي: دي عشق، الشغاله الجديده
حازم : اخيرا سيد جاب حاجه كويسه، الحمد لله،، ( وبص على رنا) ايه يابت يا رنا، انتي بتاكلي كده ليه، ههههه
رنا : بصراحه يابابي الأكل حلو قوي، تسلم اديها بجد
هدي: بالهنا والشفا يا حبايبي،
-----------------
عشق طلعت وخبطت على الباب
قاسم: ادخل
عشق دخلت وكان قاسم خارج من الحمام. ولا بس شورت ومش لابس تيشيرت، وبينشف شعره،
عشق: احم، احم،،، الاكل ياقاسم بيه
وحطت الاكل وطلعت تجري بره
قاسم وقف قصادها : رايحه فين ياعشق
عشق بتوتر: ممكن حضرتك تخرجني من هنا. أنا لازم انزل اكمل شغلي واسيب حضرتك تكمل لبسك، لأن ميصحش وقفتك كده
عشق دقات قلبها سريعه ومسموعه، ونفسها تمشي من قدامه دلوقتي
قاسم : حاضر ياستي انا هلبس، وادي التيشيرت (ولبسه فعلا) ها كده تمام ولا في حاجه تانيه
عشق: كده تمام، ممكن انزل بقه، عشان ست هانم لو احتاجت حاجه
قاسم : انتي مش هتنزلي ياعشق، انتي هتمشي من هنا وحالا كمان، انتي فاهمه ولا لأ