#أحببت_ازعر
#الجزء_العاشر
#بقلم_مريم_اليوسف
عباب الجامعة
واقفة مجد بسيارتو ناطر اختو لتطلع وعم يكبس بموبايلو.. مافي شوي الا وانفتح الباب وركبت
مجد :عمهلك شي ساعتين كمان
زينة :قلتلك محاضرتي بتخلص ع ١٢
مجد : اي مشي الحال
زينة :وليش جاي بكير انت
مجد : وصلت ياسمين عالمشفى
زينة :اها قول هيك
مجد : اي لا تتفزلكي قلت دوبني هون بمر باخدك
زينة :وهالحب لياسمين من وين ظهر فجأة .. يعني عم شك انك ماكنت تحب ضحى من اساسو
مجد بعصبية:شو جاب سيرتها هلأ
زينة :اعصابك اعصابك .. مابس طلعت مابتحبا كمان بتكرها ههه .. بس شوبدنا يلي بياخد ياسمين بدو يتذكر ضحى
مجد :بتخرسي ولابقفا ايدي
زينة :من ايمت بتعاملني هيك
مجد :ومن ايمت لسانك طولان هيك
زينة : هاه وهي خرسان تفضل روحنا
دور السيارة ومشي
زينة : اي صحي .. الك معي امانة
مجد :امانة؟؟
فتحت الجزادن وطلعت الموبايل ومدتو اتجاهو
زينة :قال هاد الك
مجد : هية عطتك اياه
زينة :اي
مجد :ايمت شفتيها
زينة :صرلا يومين عم تجي ع الجامعة
مجد :وشو عم تحكو
زينة :هه 😏
مجد :شو مابدك تردي اي بالناقص
زينة :عشو بدي رد اذا اجت لعندي وقالتلي انتي من اليوم مانك رفيقتي
مجد ضل مركز قدامو وماعلق .. بس طبعا تفكيرو اشتغل
زينة :وو...
مجد :و شو ؟
زينة :لا مافي شي
مجد :احكي
زينة :لك انسى .. مافي شي
مجد :زينة احكيي
رن موبايل مجد
اخدو ورد
مجد : اي ... لا لساتني قريب يلا.. لاتطلعي قبل ما رنلك
سكر ورجع الموبايل ع التابلو .. وعند اقرب تحويلة لف ورجع
زينة :مين هي
مجد :ياسمين
زينة : ما عأساس ما من اقل من ساعة وصلتا
مجد :مابعرف .. لاتكتري اسئلة
___________________________
وصلو سيارتين لقدام باب المشفى
الاول فيها مجد والي صفت حدو فيها يحيى .. يحيى ماكان منتبهلو .. واول مانزل اجت عينو بعين مجد
اتطلعو ببعض لثواني
يحيى نظراتو ماكانت بتحمل اي عبارة .. بعكس مجد يلي نظراتو بتحمل تحدي
تركو وكمل للمشفى .. وهو عند المدخل بصادف ياسمين
تنيناتن بينصدمو ببعض .. يحيى بيرجع بيعمل نظرة على مجد وبيفهم شو سبب وجودو ... وبيتطلع بياسمين نظرة طويلة ..بعدا بركز قدامو وبيمشي
ياسمين بهل اللحظة حست الدم جمد بعروقا .. قلبا شعل بنار .. نظرة يحيى يلي ماعرفتلها معنى دبحتها .. نزل راسا وكملت ع السيارة وهية عم تحاول تكون طبيعية
مجد حاول انو يعمل حالو مانو فهمان .. زينة رجعت للمعقد الخلفي وياسمين ركبت محلها ..
ياسمين عم تتظاهر بطبيعية وابتسامة مصتنعة :مرحبا
مجد وهو شارد قدامو :اهلين
زينة :اهلين
ياسمين :كيفك زينة شو اخبارك
زينة :تمام الحمد لله مشتاقة
فتل الدركسيون ومشي .. وطول الطريق شارد ايدو ساندها ع الشباك واصبعتو طاويها بين شفافو
مجد بقلبو :هاد مانو مكاني .. انا شو عم اعمل هون .. هالوضع عم يخنقني .. بحياتو محدا لبس شي ما على مقاسو حتى لو كانت كتير حلوة.. بس بتدايق كتير اذا مابتناسبني
وياسمين ارتاحت لانو في صمت ومحدا عم يحكي وشردت بشباكها وشردت بالطريق .. مع انها مابتعرف وين صارت بس النظر للطريق مجرد حجة ..
ياسمين بقلبا:يارب سامحني .. وكمان انت يا يحيى سامحني .. بس والله ماطالع شي بأيدي وانت بتعرف منيح .. ليش مابيطلع بأيدي .. ضحى بشو احسن مني .. وقفت بوجه كل اهلا وقالت بدي اياه .. بس شو صار محدا رد عليها ... بس انا ع القليلة كنت كسبت شرف المحاولة .. ليش انا جبانة لهل الدرجة ... حبنا كان جبان لايحيى كان بأصرار مجد ولا انا كنت كنت بجرأة ضحى .. طيب نحنا الاربعة ليش هيك عم نعزب حالنا .. هه مجرد تبديل صغير بتنحل المعادلة .. كلنا بالاماكن الغلط ... بس خلص فات الاوان وانا معد فيني اعمل شي .. مجد مصمم انو معد بدو اياها .. وانا مافيني قلو مابدي اياك مشان بابا .. وهو اصلا كمان مافيه يتراجع عن قرارو بخطبتي
فاقت من شرودا عصوت مجد :تاكلو بوظا
ياسمين :اي ليش لأ .. شو رأيك زينة
زينة :بحياتو ماعزمني على شي 😞
مجد :ههههه اي مو الك عازمك بس راح تاكلي بجريرة ياسمين
ياسمين :هههه تسلم يارب
زينة :الله يخليلنا ياسمين
مجد:يعني بناكل؟
زينة وياسمين :بناكل😅😅
__________________________
المسا
ببيت اهل ضحى
قاعدين عم يتعشو .. وضحى كانت عم تاكل بشراهة وعيونا بس بصحنا
ضحى: ماما كتير طيبين يسلمو هالادين
مهما قررت تعمل حالها طبيعية .. مبالغتها بالطبيعية يلي عم تعملها عن تكشفها على حقيقتها وعم تكشف مدى جرحها
امها :صحى وهنا بس ماما شوي شوي .. ولا مرة اكلتي بهل الشراهة
تركت الملعقة من ايدا بغصة وقالت :دايمة
امها :ياروحي والله ماحكيت هيك مشان تزعلي
ضحى :لا بس الواضح عنجد تقلت .
راحت ع غرفتها وسكرت على حالها وصارت تبكي
ضحى :مفكرة بالاكل بدك تنسيه .. اي في مجال انساه لمابصير قد الدبة وبصير فكر بوصفات للتنحيف .. لهل الدرجة قلبك حجر يا مجد ... قلبي ناطب ع خبر منك وانت مسحتني من حياتك نهائيا .. معقول لهل الدرجة كنت رخيصة عندك ... ولا سحر ياسمين اثر عليك .. اي ياعمي حلوة ومتل القمر واخوها بيعشقها ... هو هالاندبوري مجد صحلو تصرلو وحدة متلها .. والله لو اني محلو لاترك الدنيا كرمالها ... بالفعل انك ازعر وفلتان متل ماكان يحكو عليك .... روح الله لاينيملك ضميرك .. وتضل تتعذب من ورا خطيتي
............................................
بالمطبح
ناصر :الحمد لله
امو :حبيبي شو هالاكل
ناصر :عندي مخطط لازم ارسمو وسلمو بكرا
امو :الله يعطيك العافية
ناصر :ويعافيكي ياست الكل
ابوه :يعني مانك رايح معي لعند المختار
ناصر :شوفي عند المختار
ابوه :بدنا نجتمع مشان نلاقي حل لقصة المي
ناصر كان عم يقوم بس ركز قعدتو وقال :ما عأساس مبارح رحتو عضيعة الحريقة
ابوه :اي صح
ندى :وشو صار معكن هنيك بابا
ابوه :قالو ولايهمكن .. وعنا ..ومن بكرا المي رح توصل ع ضيعتكن
ناصر: ايي
ابوه :ما اجت شي مي .. اكيد عم يضحكو علينا .. ضحكو علينا بكم كلمة وقلعونا
ناصر :الله لايوفقن .. يعني وشو الحل .. يعني لولامافي فيجة ممددة ع البيوت كان حتى نحنا مالقينا شي نشربو مابس الارض
ابو ناصر :والله مشكلة .. لازم يلتقالا حل
ناصر :اي والله
ابو ناصر :انا قايم غسل وروح ع المختار اكيد بكونو مجتمعين مشان نلاقي حل
ناصر :ان شاء الله .. والله لو فاضي كنت رحت معك ..بس مشغول وكمان وجودي وعدمو واحد
ابو ناصر :لا شوبدك بوجعة هالراس . التهي بشغلك .. هي مشكلة الكبارية بحلوها
ناصر : الله يكون معكن
___________________________
بمضافة المختار
الرجال قاعدين وناطرين المختار يلي صافن مشان يلاقي حل
المختار :في حل واحد
الكل :شو هو
المختار :مالنا غير الشيخ نمر .. شيخ عشيرة الورد .. الشيخ نمر معروف بالمنطقة وماحط ايدو بشغلة الا وانحلت بأذن الله .. اكيد اذا حكينا معو وحكي مع اهل ضيعة الحريقة رح يلبوه ومايردوه خايب
: بس لاتنسى انو انرد من ضيعتنا خايب يا مختار
المختار : شغلة وصارت والاستاذ بكر مابدو يجوز بنتو مافيها شي غصب هي .. ومابظن يدقق عهيك شغلة .. والشيخ مارد حدا طرق بابو .. ومتأكد رح يساعدنا
الكل :ان شاء الله
المختار :لكن بكرا بنروح انا وكم رجال لعندو وبنقصدو .. مين بحب يروح
ابو ناصر :انا اعذرني
المختار :عاذرك يا ابو ناصر
______________________________
تاني يوم
بنقابة المهندسين ..والخاصة بالمهندسين المدنيين
واقف ناصر قدام طاولة مايلة مخصصة للرسم .. ومثبت المسطرة وعم يرسم بقلم رصاص .. والغرفة يلي عندو اكترها ادوات هندسة من مثلثات ومساطر ودوائر
دخل لعند شب من نفس عمرو انيق وحليوة
: كيفك معلم
رفع راسو ناصر وقال :اهلا شريك
: شو لسه ماخلصت هالمخطط
ناصر :الله وكيلك هلكني وماعم يعرف يخلص
:طيب بدك مساعدة
ناصر :والله كفو .. هلأ هو هيك تقريبا خالص عم حط عليه اخر اللمسات .. مبارح سهرت عليه للصبح لخلصتو
قرب منو وصار يتأمل المخطط
ناصر :شو رأيك
:والله انك معلم .. حلو كتير .. اي ها هيك بدنا شوراع حلوة متل دول الغرب
ناصر :ان شاء الله بنصير احلا من دول الغرب .. بس بدك حدايشتغل بضمير
:اي والله معك حق .. ايمت التنفيذ
ناصر : هلأ لأرفعو ويشوفوه .. ومتى ما اجت الموافقة فورا نازلين ومبلشين تنفيذ
: تمام
ناصر :قعود قعود .. صرلي زمان ماقعدت معك
قعد ومبين في بتمو حكي
قرب ناصر وقعد قدامو : شو تشرب ابو صبيح
صبحي : ولاشي .. بس جاي مشان اسألك شو صار بموضوعنا
ناصر : ايو موضوع
صبحي :موضوع واحد مافي غيرو لاتغشم حالك
ناصر :بس انا ماوعدتك بشي .. او بالاحرى قلتلك لاتتأمل
صبحي :طيب انا من شو بشكي .. ليش مابدك اياني
ناصر :انا مابدي اياك؟؟
صبحي :هيك بفهم من حكيك
ناصر : والله انت مافي منك .. ولو الامر الي مابوقف بوجهك ولاثانية
صبحي :طيب وين المشكلة
ناصر :البنت عنيدة .. ومابظن رح تقبل
صبحي :انت قلتلها ؟
ناصر :بعرف بدون ماقلها
صبحي : في حدا بحياتها؟
ناصر :كان
صبحي :اي ها عم تقول كان
ناصر :بس هالقصة لساتها جديدة .. وهية هلأ عم تمر بصدمة
صبحي :مابهمني .. المهم حاليا في حدا
ناصر :لا
صبحي :خلص .. لك والله انا رايدها بالحلال وفايت من الباب ولابدي اتسلى ولا العب ... لاتواخذني على هالكلمة بس من وقت شفت المحروسة اختك وماعم تروح من بالي .. بتصدق اذا قلتلك حبيتها ... ماني مصدق ايمت تصير مرتي وببيتي
ناصر :لك بتعرف اذا بفتح هالموضوع معها شو بتعمل فيني
صبحي :مافهمت
ناصر :انا السبب الاكبر انها ما اخدت يلي بدها اياه
صبحي :الله يعطيك العافية .. اكيد مانو منيح ماهيك
ناصر :لا واحد ازعر فلتان
صبحي : وكيف حبت هيك واحد ... او كيف بتسمحولا.. ماخفتو ع سمعتكن
ناصر بقهر : الزلمة اجا من الباب .. وماكان بينو وبين اختي اي شي ... وانا عم قلك هيك لكون معك واضح .. وعسمعة اختي انا بعرف اختي كتير منيح
صبحي :ههه لك ليش عصبت يازلمة .. وصدقني انا بعرف مين بكونو اخواتك كتير منيح .. وحتى هاد الشي مابهمني لانو والله حبيتها ورايدها
ناصر :لكن بزمتك يازلمة هاد حكي .. انا عم احكيلك هيك مشان تعرف انو مابدها تتزوج .. وبعرف اختي انها مابتغلط .. ومافي حدا هالايام مابحب وبينحب .. بتجي تقلي مانك خايف عسمعتكن .. شو شايفني ماشي بالشارع ومعي لافتة مكتوب عليها اختي كانت تحب
صبحي :والله مابعرف كيف طلعت مني وعاساس من نوع المونة مو اكتر .. وانابالعكس حبيت صراحتك كتير .. واذا عنجد كانت بتحب فهاد الشي مابهمني .. كلشي ماضي مابهمني يلي بهمني من لما بتصير معي
ناصر : اي بلاه هالمزح تاني مرة
صبحي :بامرك
ناصر :اي المهم .. حاول تشيلا من بالك .. لانو مستحيل توافق اختي عنيدة وبعرفا
صبحي :طيب ليش عم تسكرها بوجهي
ناصر :يعني قلك تعال ...وتطلع بوجهك تقلك انا مابدي اياك
صبحي :بتعرف مع كل كلمة عم تقلي اياها عنها عم يزيد اعجابي فيها
ناصر بقلبو :الي بيعرف بيعرف .. والي مابيعرف بقول مف عدس 😏
صبحي :طيب ممكن حاول معها انا
ناصر :كيف
صبحي :بتعرف عليها وبخليها تتعلق فيني
ناصر :كأنووعم تحكي عن اختي
صبحي :صدقني ما عم اعمل هيك الا لاوصلها بالحلال .. وصدفدقني مارح انجاوز حدودي
ناصر : لك ليش ماعم تقتنع انت
صبحي :مابيأس .. والشي يلي بدي اياه باخدو والو كلفني حياتي
ناصر :طيب مابدي اقطع بنصيبك .. حاول
صبحي : عطيني طريقة صير قريب منها
__________________________
بالجامعة
خلصت ضحى المحاضرة وقعدت .. ع مقعد لحالها
فجاة طبو عليها البنات التلاتة
سوسو :كيفك يا حلوة
ضحى عم تلملم حالها وقالت :اهلين بالصبايا
رهف :شو ليش قاعدة لحالك
ضحى :كنت عم ريح شوي بعد المحاضرة
هنادي :اي قومي عازمينك ع نفس اركيلة
ضحى :ما بأركل
هنادي :لك قوومي ولوو
شدوها من ايدها التنتين وطلعو من الجامعة .. روكبو بسيارة سوسو .. ومشو .. وهية خافية منن وماحبت تحرجن بنفس الوقت..وهية بالسيارة شمت ريحة قريبة من ريحة العصير تبع مبارح..
ضحى بقلبا :هالريحة ريحة كحول انا متأكدة.. هالريحة ماغريبة علي
#####فلاااااش_باااااااك###
طلعت من باب الجامعة ولما شافتو انرسمت الابتسامة على وجها واجت مسرعة وركبت جنبو بالسيارة ..
مجد : طولتي
ضحى :غصب عني
مجد :فداكي يا روحي
ضحى : دخيل روحك
مجد :وين بتحب اميرتي نروح
ضحى :بس معي نص ساعة
مجد: اطمني رح رجعك ع الوقت
ضحى:عأي مكان يكون قريب
سكر الشبابيك لانو الجو كان بارد ومشي .. ومع تسكيرة الشبابيك عبقت ريحة غريبة بالسيارة
ضحى :مجد شو هالريحة
مجد :ريحة شو
ضلت صافنة وعم تشمشم ..
ضحى :ريحة حموضة مدري كيف ... ع ريحة معقم
مجد بأرتباك حك دقنو .. وبعدها فتح الشباك بسرعة
مجد :هلأ بتطلع الريحة
ضحى :شو هي الريحة
مجد.مابعرف .. لاتدققي
ضلت مشغلة انفها وتروح فيه يمين شمال .. لقربت من مجد والريحة ومعششة بمجد
ضلت عم تشمشم وصافنة بدا تتذكر شو هي الريحة
رجعت لورا بصدمة وقالت :كحووووول؟؟
مجد :......
ضحى :عم تشرب ؟؟
مجد : لا من وين عم تجيبي هالحكي
ضحى :صح مابعرف ريحتها بس اي حدا بشمها رح يعرف انها كحول .. جاوبني هي ريحة مشروب
مجد :اي اي مشروب
ضحى :نزلني .. فورا نزلني ... انا مابركب مع واحد سكرجي متلك .. لك كيف بتعمل هيك .. مانك خايف من ربك .. لك عصحتك مانك خايف .. لك انت ..لك انت موو طبيعي ... لك عشو حبيتك عشوو .. هي اخرتي حبيبي يطلع سكرجي
مجد :حبيبي روقي شوي
ضحى :ولااا كلمة ... يلاا نزلني
مارد عليها وضل عم يسوق
صارت تضرب بأديها التنتين على التابلو وتقول مجدددد نزلني
مجد بنفاذ صبر صف ع اليمين .. اجت بدا تفتح وتنزل كان الباب مقفول
ضحى :فتحوو
مجد :روقي
ضحى: لك عشو بدي روق .. ليش انا معك رح يجيني الراوق كلشي عم اتجاوزو ..بس انو بالاخير تطلع عم تسكر وتغضب رب العالمين هيك كتير
مجد:واذا قلتلك ببطلو
تنهدت وهدت شوي
مجد :والله رح بطلو مشانك
ضحى :اكييددد؟؟
مجد :والله اكيد
ضحى :حليف
مجد :وحياتك عندي .
ضحى :طيب رح مرقها ..بس ياويليك اذا بتعيدها
مجد :مابعيدها الا اذا تركتيني او تركنا بعض
ضحى :وانا مارح اتركك
مجد :ليش لانك بتحبيني
ضحى :لا مشان ماترجع تشرب هههههههههه
مجد :هههههههههههه
###باااااك
_________________________
بالكافيه
دخلو وقعدو على طاولة واجا الكرسون لعندن
سوسو غمزتو وقالت :اركيلة
الكرسون :ملغمة
رهف :اي .. جيب اربعة
ضحى :بشرفكن صبايا انا مابشرب
هناي :خلص بس جيب تلاتة
رهف :شبك ولوو ليش هيك جبانة
ضحى :لك انتو ملاحظين تصرفاتكن غريبة
رهف :هههه لا مانا ملاحظين متأكدين
ضحى : هلأ عنجد انتو بتتعاطو شي
سوسو :اي بنتعاطى
ضحى شهقت بخوف : والله ؟؟
رهف :اي شبك .. ليش في احلا من الكيف
هنادي :دخيلك هالدنيا شوفيها
ضحى :بس حرام هيك بتأذو صحتكن
هنادي : يعني وقت بدنا نموت الله لايردنا
ضحى :عم تمزحو معي ماهيك
سوسو :هههه والله ماعم نمزح
رهف :محدا الو معنا شي .. ونحنا ما عم نأذي حدا مابنأذي غيرنا ولابعمرنا فكرنا نأذي غيرنا .. عايشين اليوم ولبكرا فرج
سوسو :مابنفكر لبكرا ومابهمنا شو صار مبارح .. مانا مبسوطين ... خلص هي هية الحياة
ضحى :طيب بركي الشرطة مسكتكن
رهف :شرب الحكول مانو ممنوع
ضحى :وشوفي بالاركيلة الملغمة
هنادي :هههههه سر .. فيكي تقولي شوية حشيش
ضحى :وهي كمان مانها ممنوعة
هنادي :لا ممنوعة .. بس نحنا مابنتقل بالعيار .. ومابنخلي حدا يجتلق علينا ... وماببين علينا الا اذا حللنا
سوسو :جبناكي تشربي معنا شي نفس .. لانك قلتيلنا مبارح انك طالعة من قصة حب .. وحبينا انسيكي شوي
ضحى :لا شكرا
رهف :وشايفة نحنا ما احلانا ماجبرناكي
ضحى :بتصدقو اذا قلتلكن اني خايفة منكن
التلاتة ضحكو ضحكة قوية
سوسو بنظرو شريرة :اكيد لازم تخافي
رهف :والله لنعمل العمايل فيكي
هنادي : طلع الابرة صبايا
سوسو :طلعيها لانها كشفت كلشي
نفضت حالها ورجعت بسرعة مع الكرسي ووقفت على رجليها :لا لا شو ابرة وعن شو عم تحكي
رجعو ضحكو :هههعععع
سوسو :محنونة انتي ...رجعي قعدي محلك .. ولألشلنا فيكي .. نحنا بحالنا ضايعين ههههه
رهف :عم نمزح معك وليه جدبة .. تعي تعي
ضحى :تضربو انتو ومزحكن البايخ
قربت ورجعت قعدت مكانا
سوسو: عنجد انتي مابتدخني او بتأركلي
ضحى: لا لا
سوسو : طيب جربي .. بتعبي الطاسة ..
ضحى :لا ولا عم فكر
رهف :لك بدون شي والله .. انتي وصي عليها
ضحى :بتكونو موصينو قبل ما اجي
سوسو :حبيبتي بتعرفي شقد نفس الاركيلة من يلي بنشربو
ضحى :لا
سوسو :اي سكتي .. لانو مانا متطرين ندفع هديك الحسبة مشان حضرتك .. بتشربي او بالناقص
هنادي :هههه عنجد انتي ليش جبانة .. عيشي حياتك يابنت .. وفرجي العالم انك مانك سألي عن يلي تركك
ضحى : طيب رح اطلب .. بس مو اركيلة ..ببيعو دخان هون
رهف :قولي للكرسون بجبلك .. عطيه اسما وهو بجبلك
ضحى :بصارحة الاركيلة ماحبيتا حسيت حالي بميل للدخان اكتر
هنادي :بلشت تبين على حقيقتا ههههه .. لسه من مبارح فكرناها جاي من مكة
ضحى : ههههه .. صح انتو فيكن مية علة لتخلي الواحد مايقرب منكن بس عنجد مهضومين
رهف :اي صح .. وبنخوف كمان هههههههههه
_______________________
اح .. اح ... اح ... اح
رح ينقط نفسها كتر ما سعلت وحست انو صدرها انجرح..
قامت ع المطبخ وشربت مي .. بس ما استفادت شي .. رجع ع غرفتها وسكرت وراها وقفلت الباب ولساتها عم تسعل
راحت ع جزدانا وطلعت علبت الدخان وسحبت منها سيجارة وشعلتا
####فلاااااش_باااااك
لما كانت بالكافيه .. من اول سحبتين صارت تسعل
ضحى :اح اح اح االله لايعطيكن العافية .. اح اح كيف بدا تروح اح
سوسو :شي طبيعي .. لانو اول ماعم تتعلمي .. بكرا يومين وبتروح السعلة... بس مالازم توقفيه ... خليكي مداومة عليه بتروح السعلة
ضحى :اح اح .. رح شوف .. واذا ماراحت انا بفرجيكن
رهف :لا تخافي بتروح بتروح
####بااااك
واقفة قدام الشباك وعم تسحب من السيجارة والسعلة كل مالها عم تزيد
اندق الباب .. بسرعة رمت السيجارة من الشباك وهوت الغرفة بشالها وخربت غطا تختها وراحت فتحت الباب كانت ندى
ندى :ياقلبي عليكي لسه ماراحت هالسعلة
ضحى :اح اح اح.. لا والله .. قلت بركي بنام بتخف ..ااح اح بالعكس ذادت
ندى :شو ريحة هالدخان
ضحى :اح اح .. يمكن من برا
ندى :اي سكري الشباك ناقصو صدرك هيك رويح لأن
ضحى :اح اح .. رح موت
ندى :قالت امي انتي كل سنة بفصل الربيع بصيبك هيك .. يعني طبيعي .. واكتر الشي بتتحسسي من الورد
ضحى :اي يمكن .. وخصوصا هلا الزهر صار ع الشجر اح اح اح
ندى :ليكي انا طالعة ع الصيدلية الزراعية يلي ع الطريق العام تروحي
ضحى :اح اح .. شوبدك تشترتي اح اح
ندى :بدي جيب بدار (بذور) بقدونس ونعنع وحبق وهيك شغلات ازرعن بالحوض
ضحى :اح اح هلأ؟
ندى :اي الساعة كلا خمسة .. والجو برا بجنن .. قومي بندرج وبنغير جو
ضحى :قولتك اح اح .. يلا رح البس
ندى :انا رايحة خبر امي انو رايحين واجي البس
........................
سكرو الباب وراهن وطلعو يتمشو ..
ندى :الربيع عنا ما احلاه
ضحى :اح اح ..اي حلو .. بس لما بتكوني مكسورة بتلاقي كل الفصول خريف
ندى :يعني ما نسيتي
ضحى :ههههههه اح اح .. شو بدي انسى .. يعني اذا عم اتصرف طبيعي مو معناتا نسيت
ندى :طولي بالك .. وخلص انسي
ضحى :ماشي نسيت
ندى :يا الله ما ابيخك
ضحى :يعني انا كنت ناطرتك بس لحتى تقوليلي انسي .. عنجد شكرا كتير ع النصيحة .. هو انا كان بدي حدا يقلي انسي ههههه
ندى :خلص امشي معد انصحك بشي
ضحى:ههههه اذا متل هي النصيحة مابدي اياها ههههه
مرت مرى من جنبهن وسلمت عليهن
ندى :اهلا اهلا خالة ... لك سكتي هلأ العالم بتصير تطلع علينا
ضحى :هههه اح اح
ضلو يتمشو لوصلو ع الطريق العام .. هاد الطريق بيجمع مداخل الضيع كلها .. ونفسو هاد الطريق بوصل للمدينة .. وطبعا عليه عجقة اكتر من داخل الضيعة .. وصلو ع الصيدلية واول ماصلو طلعت ريحة اركيلة بوجهن
ندى :ييي عم يأركلو
ضحى :مافهمت
ندى :لك مشانك عم تسعلي
ضحى :انا رح اوقف هون ماني فايتة بدي اتفرج عشتل الورد هدول ..ونقي وحدة مشان حطها بشباك غرفتنا شو رأيك
ندى :اي ماشي ..
دخلت ند وضحى نزلت لمستوى الشتلات وصارت تتفرج عليهن
دخلت ندى وتفاجئت بمجد قاعد مع تحسين عم يأركلو .. طبعا هية مابتعرف تحسين
كانت بدا ترجع ادراجها وتاخد اختها وتروح .. بس انتبهلا تحسين وقال :تفضلي
رفع مجد نظرو بنظرة سريعة .. بس تفاجئ لما شافها ندى
ندى تجاهلت مجد وقالت لتحسين :بدي بدار بقدونس ونعنع وحبق
تحسين :اشقد بدك
ندى :هية مابتجي ظروفة مختومة
تحسين :صح بس فكرت بدك فلت
ندى :لا عطيني ظروفة احسن
تحسين :مين قال احسن .. الفلت افضل .. وخصوصا يلي عندي
ندى :بصراحة حيرتني .. نحنا عطول بنجيب مظرف
تحسين : خلص رح اعطيكي ظروفة متل مابدك مابدي شتتك
مجد بمكر :اي تحسين انصحها هي بنت ضعيتي
ندى زورتو ماردت عليه
تحسين :شو قررتي
ندى :ظروفة
وضحى برا اختارت وردة وحملتا ودخلت لجوى وهية عم تتفقدا .. وحكت بدون ماترفع راسا : شو ندوش خلصتي .. ليكي اخدت هي حاسبيه عليها كمان ..
كان بأيدو نبريج الاركيلة ووقع من ايدو لما دخلت .. شقد صرولو ماشافها ..اصلا ما حس انو النبريج وقع من ايدو .. عيونو اتعلقت عليها .. وهية ماكنت منتبهتلو ابدا .. كانت عم تتفقد الوردة واوراقها ... واتمنى ما اتشوفو او تنتبهلو .. حب يشبع نظرواتو منها .. ليرتوي فؤادو ..
ضحى :صح هي الوردة شو اسمها "ورفعت راسها لتتفاجئ فيه قاعد ع الكرسي وصافن فيها ... حالتها ماكانت احسن من حالتو .. بس هية الشي يلي خطر عبالها بسرعة انها تهرب ..
ضحى :ندى بسرعةة .. ناطرتك برا
ماكان بدو اياها تطلع .. لسه ماشبع منها .. وبنفس الوقت بدو اياها تطلع
""شعور انو بتحس حالك بالمكان الغلط وبنفس الوقت بتحس حالك بتنتمي لهل المكان
شعور انك بدك تمشي وبنفس الوقت مانك قادر تبعد عنو
شعور الزعل والعتب وبنفس الوقت شعور الاشتياق
مشاعر متلخبطة عاشوها تنيناتن .. بس ضحى انسحبت وطلعت فورا لتنهي هالموقف المتأجج بسرعة .. مع انو كان سريع بس بيحمل احساسيس كتيرة
وندى حاسبت وطلعت فورا ورا اختها .. لقتها ماشية مسافة منيحة .. هرولت بمشيتها لوصلت لعندها
ندى وهية عم تلقط نفس لك انطري شوي
وقفت ضحى عم تبكي والتفتت عليها وقالت :ليييش ماقلتيلي انو جواا
ندى :كيف بدي قلك ..
تركتها ومشت بنفس السرعة يلي كانت عم تمشيها وندى لحقتها
..................................
تحسين مابيعرفا لضحى .. بس لاحظ ارتباك مجد
تحسين :شبك
مجد وقف وضب موبايلو بجيبتو وقال :ولا شي
تحسين :مين هدول البنات
مجد :من الضيعة
تحسين :طيب بنات مين
مجد : كتير بهمك
تحسين :اي عجبتني البنت وبدي اخطبها
مجد بعصبية ايو بنت ؟؟
تحسين :يلي فاتت بالاول
مجد.:مابعرف
تركو وطلع
______________________
المسا
منعزل بغرفتو الاضواء خفيفة التلفزيون شاعل واصلا مانوو منتبه شو طالع عليه من الاصل .. مرتكي ع جنبو ومشغل هالسيكارة وشارد .. ونفاضة الدخان مليانة عقومة دخان وشارد بأفكارو يلي كلها فايتة ببعضها وماعم يلاقي منفذ للنجاة والحل الوحيد المنطقي يلي لازم يعملو وهو انو ينساها .. بس كيف بدو ينساها قلبو لهف على مرآها ... كيف بدو ينساها وصدرو عم يتنفس هواها... هل رح ينساها .. أنه وجع الحب يا صديقي .. يمكن هالعزلة ومع شوية الافكار يلي عم تتضارب براسو هية يلي بتريحو هالفترة
رن موبايلو .. تجلس ورد
مجد :اي تحسين
تحسين :اهل ضيعتكن كلا عنا
مجد :ليش
تحسين :يمكن مشان المي
مجد :اي اي .. اي شو اعملن
تحسين :قلت لخبرك اذا هالموضوع بهمك
محد :لا مابهمني ينمحقو كلن بقلب بعضن .. بس اي ليك
تحسين :قلي
مجد :خبرني شوبدو يصير
تحسين :طيب قوم وتعال
مجد :لا لا .. بس ابقى خبرني
تحسين :تمام
____________________
سكر تحسين الموبايل ورجع ع المجلس .. كان ابوه مترأس بالصدر وقاعد بكل شموخ وغرور
المختار :قاصدين الله وقاصدينك يا مختار شو قلت
الشيخ : انا انرديت خايب من مجلسكن يا مختار
المختار :حقك علينا .. بس صدقني الشي يلي جيت مشانو بخص زلمة واحد من هالضيعة .. يعني لو بنقدر نتدخل والله مابنقصر .. ولا بنخليك تطلع من مجلسنا الا رضيان
الشيخ :انا مابس مشكلتي هية قصة مجد .. المشكلة فيكن كلكن .. طول هالسنين عم تعاملوه وتعاملو اهلو بتنمر ...
المختار : والله شغلة قديمة .. واذا بدك والله لنحط مجد وعيلتو بعيونا
الشيخ :مابدي تحط حدا بعيونك مشاني ... وهلأ عند مصلحتكن .. وكمان عم تقلي الشغلة قديمة .. لا الشغلة صح قديمة بس عم تتجدد ... حكيكن عليه بضهرو كلو بعرفو .. عم تقلي قديمة .. فهمنا ابو ناصر مابدو يجوز بنتو .. ابو محمود ليش ما جوز بنتو لاخوه مراد ... اخت مجد ليش محدا طلبا للزواج من الضيعة مع انها صارت بسن الزواج ... وبتقلي قديمة ... انا مابعمري رديت حدا قصدني بس انتو مستفزين انتو وعمايلكن ومارح ساعدكن .. وروحو قلعو شوكن بأديكن .. يمكن الله حطكن بهل المحنة لتجربو شعور مجد واهلو .. بما كانو ينامو بلا اكل ... لما كان يبرم عليكن بدو حدا يشغلو مشان يصرف على عيلتو كنتو تقلعوه .. كنتو تقولو عنو حرامي الجاج .. حدا منكن سأل ليش مجد كان يسرق جاج .. حدا منكن سأل هدول كيف عايشين .. ولا بس شفتوه لما الله انعمها عليه وصار معو مصاري ولساتكن لليوم بتقولو هي مصاري حرام او سارقها ... وتفضلو بلا مطرود .. بالنسبة للمي رح ترجع بس تصفو نتيكتن .. وبقول المتل صفي النية ونام بالبرية ماهيك يامختار .. وكمان قوله تعالى: بسم الله الرحمن الرحيم (وما كنا مهلكي القرى إلا وأهلها ظالمون)
قامو وروسن بالارض وطلعو من المجلس مزلولين
__________________________
بغرفة ياسمين
نايمة بتختها وعم تبرم المحبس بأيدها وشاردة فيه بحزن...
قامت ووقفت ع الشباك لتدخل الهوى على صدرها المخنوق ... لايمت بدا تضل عم تمثل ..صح بتحترمو لمجد والو فضل عليها بس مابتقدر تعطيه شي مابتقدر عليه لانو بالاصل هالشي لشخص تاني
________________________
بغرفة ضحى
كمان هية كالعادة حاضنة مخدتها بقوة وعم تبكي .. كل يوم قبل ما تنام بتبللها دموع لمخدتها .. بس اليوم شكلها المخدة رح تشرب كتير دموعو... شافتو وحستو غريب
ايا القريب متى اصبحت غريب .. لو ذهبت الى اخر الدنيا تبقى انت وحدك القريب ... مهما ابعدنا التلاقِ .. حبك في قلبي باقِ...رؤياك اليوم كان من اشد انوع عذابي ... رأيت بنظراتك الاشتياق .. لكن هذا لن يظل باقِ .... فأنت اصبحت ملك لها .... وانا اصبح ملكي الفراقِ .... رأيت محبسك يلمع بيدك لكن لم استطع النظر اليه وكأن تلك الحلقة الصغيرة ملتفة حول عنقي وتخنقني ...نظرت اليه نظرة سريعة .. لكن غرزت بقلبي اسهماً فظيعة ... ايها القريب لقلبي سوف تبقى قريب وقريب .. حتى اقرب من حبل الوريد
كانت عم تبكي بشدة وهية عم تهمس بهدول الكلمات ..واستغربت انها عم تحكي هيك كلمات .. كانت عطول تسألو كيف بيطلع معك هالحكي الحلو
.. وكان يرد عليها صح ماني متقن بهل الحكي كتير .. بس هالحكي ماصار يطلع معي الا بعد ماحبيتك ..
ضحى :طيب انا بحبك ليش مابيطلع معي هيك حكي
مجد : هاد الحكي مابيطلع الا بحالتين .. الاول هية الحب
ضحى :والتاني ؟
مجد :الوجع
رجعت لواقعها وصارت تبكي وتقول موجوعة يا مجد.. موجووعة كتييرر
#أحببت_ازعر
#الجزء_الحادي_عشر
#بقلم_مريم_اليوسف
بالجامعة
كانت اول ماعم تنزل ضحى من السرفيس .. لما اجت عينا بعينو ... ياترى كيف شافتو بين الزحام وعينا فورا اجت بعينو .. معقول القلوب عم تنبهن وتدلن على مكان انتمائها .. وقفت لثواني وعيونا بعيونو .. بس فورا رجعت لواقعها وبعدت عيونا عنو لتشوف زينة نزلت من السيارة وياسمين عم تركب جنبو .. لانو زينة كانت قاعدة بالمقعد الخلفي وياسمين اجباري بدا تنزل لتقدر تنزل زينة وترجع تركب ..
تجاهلتن واسرعت بمشيتها ودخلت ع الجامعة
ضحى عم تحكي مع حالها : كل ماعم شوفك انك صرت بعيد وانك رح تصير لغيري الحرق يلي بقلبي عم يكبر .. معقول هيك كلشي انتهى .. ياربي تصبرني
فجأة انضمو لمشيتها البنات التلاتة .. زينة ماشية وراهن بدون ماينتبهو
سوسو :كيفك ضحى
ضحى :منيحة
سوسو :خبريني شو صار معك
ضحى :كبيتا .. الله يخرب بيتكن اندبحت منها
رهف :هههه لك لانك مبتدأة أجباري بدو يصير معك هيك
ضحى : يعني الليلة ماعرفت كيف قضيتا .. حسيت حالي رح موت .. بس اليوم اشوى الحمد لله
هنادي :مزال اشوى لكن كملي ولاتوقفي
ضحى: طيب رح حاول مع انو ماني مقتنعة
سوسو :ههه اي حاولي مارح تخسري شي
وقفت زينة مصدومة من الحكي يلي عم تسمعو .. بس ماعرفت عن شو عم يحكو بالظبط .. بس بتعرف هدول البنات منيح .. بركي عم يخلو ضحى تتعاطى شي شغلة ... وقفت بحيرتا وبخوفا على رفيقا
وهنن كملو عم يضحكو وبعدو عنها ومعد سمعتن
سوسو :لك ولاد صف خامس عم يدخنو .. عنجد انك خروق
_____________________________
اهل الضيعة طايجيين كتير .. مافي مي مشكلة كبيرة .. مافيهن يضلو عهي الحالة .. الارض بتجف والمحاصيل بتموت ...
نص رجال الضيعة مجتمعين بقهوة الضيعة .. قاعدين ووجهون مخنوقة .. صافنين ماعم يحكو شي .. كل واحد شارد قدامو .. معقول هي الحالة
حكي رجال :شو يا رجال هي القعدة مابتفيدنا .. والارضي كل يوم بنتأخر عليها بالمي المحاصيل بتيبس
المختار :شو طالع بالايد ها
: لازم ما نستسلم ...لك هي مي .. ومافي حياة بدون مي
:شو رايكن نسقي ع الفيجة
المختار :ع الفيجة ؟؟😒 لك الفيجة يا دوب عم تعبيلنا الخزانات
:مابعرف المهم لازم نلاقي حل نطلع ع المدينة نشكتي .. نروح لعند الشيخ ونترجاه .. لك انا مستعد روح بوس ايد مجد ومابس ايدو رجلو كمان .. يا اما يجي يحفرلنا بير .. يا اما يحكي مع عمو الشيخ
المختار :حكيك مظبوط .. مجد عندو الحل
وقف رجال وقال :شو رأيكن نروح هلأ
المختار :وانت قلتا ... مين يروح معنا يا رجال
اغلب الموجودين وقفو وقالو نحنا بنروح
________________________
بالمشفى
بالرسبشن واقفة ياسمين مع مجموعة دكاترة وممرضين وكلن لابسين ملابسن البيضة
دكتور : دكتورةياسمين انتي لازم تعملي هي العملية
ياسمين : بسس
دكتور :بس شو
دكتورة :شو ياسمين ليش خايفة بتقدري تعمليها
دكتور :انتي عملتي اصعب منها
ياسمين :والله مابعرف عنجد كتير متوترة
دخل يحيى من باب المشفى وكان هلأ واصل
دكتور :وهي الدكتور يحيى هو يلي قنعك هديك المرة وهو يلي رح يقنعك هالمرة .. دكتور دكتور
قرب يحيى منن وقال :السلام عليكم ..خير
الكل : وعليكم السلام ورحمة الله وبركاته
ياسمين نزلت راسا وخجلت تحط عينا بعينو
دكتور :في عملية ولازم الدكتورة ياسمين تعملها لانو الدكتور مانو هون ومافي غير الدكتورة ياسمين وعم نقنعا وعم تقول انها خايفة .. فياريت تقنعها لانو مصير المريض بأيدها
يحيى اتطلع عليها بنظرات عادية :وليش انا لحتى اقنعها
دكتورة :لانو انت هديك المرة يلي اقنتعا
يحيى : لا الدكتورة ياسمين قداها .. وعملت عملية صعبة من قبل .. بس اذا مابدا تعملا مارح تعملا .. ومارح يهما لا المريض ولاغيرو لانو مابهما مشاعر حدا ... او ممكن تتصلو بأبوها وتقولولو هو اكيد بيقنعها .. قصدي بيجبرها .. بالاذن
تركهن بعد مارمى كلامو يلا متل حد السيف على ياسمين .. وترك الباقي بصدمة من كلامو وهو يلي كان عطول يدعمها
_____________________________
قاعدة ضحى على مقعد بالحديقة .. ورح تجن من تصرفات البنات المولدنة الغير متزنة ...وعم تقول بقلبا انا الله شو وقعني هالوقعةاووووف .. الله يخلصني منكن
سوسو :عنجد ضحى ليش مابتشيلي الحجاب
ضحى بقهر :لاحول ولا قوة الابلله العلي العظيم
سوسو :ههه لك شبك عم نمزح
فجأة ظهر قدامن شب وهو صبحي
صحبي بتعجب :ضحى؟؟
رفعت راسا عليه ... شافتو وعرفتو بس ماعرف مين بكون او شو اسمو .. هية بتعرفو بسسس😅 مابتعرفو
وقفت وقال: اهلين يا؟؟؟
صبحي :انا صبحي رفيق اخوكي ناصر
ضحى :اي اي .. اهلين
صبحي: كيفك .. لك انا اول ماشفتك قول هية ولا ماهية
ضحى :وطلعت هية ماهيك 😅
صبحي: ههههههه
وقفت وقالت :بعرفكن صبايا هاد رفيق اخي .. كان مسافر .. وهلا بالأذن يلا سلام
مشت بدون ماتخليهن يجتلقو على شي وهو استغرب من تصرفاتا وحكيا
مشو هية اياها واتنهدت وقالت:اسفة عالشي يلي صار بس هدول البنات دبقة واستغليت وجودك لاهرب منن .. يلا بالاذن
صبحي :لحظة لحظة
ضحى :في شي
صبحي :ع وين
ضحى : ليش
صبحي :انو شفتك خلينا نحكي
ضحى :سوري بس ماعندي وقت ... باي
تركتو ومشت .. وهو لحقها بس فجأة وقفت
والتفتت عليه
ضحى :انت شو عم تعمل بالجامعة صحي
صبحي :هههههه بدي قدم ع الماجستير
ضحى :اممم اي بالتوفيق .. يلا سلام ورجعت مشت وهو رجع لحقها
صبحي :لك ضحى شبك
وقفت وقالت :شبني ؟؟
صبحي :خلينا نحكي شوي
ضحى :اسفة بس مابحكي مع حدا غريب
صبحي :بس انا ماني غريب
ضحى :مانك غريب ؟؟يعني انت قريب ؟؟؟
صبحي :قصدي انووبنعرف بعض
ضحى :كمان لأ .. مابنعرف بعض
صبحي: طيب متل مابدك .. خلينا نتعرف
ضحى : انت رفيقو المقرب لناصر صح
صبحي :صح
ضحى : وشو متخيل موقف ناصر منك اذا شافك مع اختو
صبحي :بس انا والله ماقصدي شي بس انو نحكي شوي
ضحى لاحظت حالا رح تبهدلو بعد شوي وهو ماحكي شي وخصوصا هاد اول لقاء يعني مابصير تحكيه هيك وكمان ماعملا شي
ضحى :اسفة والله بس هدول البنات دبقةةةة .. يمكن منفعلة منن شوي اعذرني
صبحي : اي هيك ها من الاول ... قوليلي شو عملولك هدول البنات لروح فرجيلكن اياهن
ضحى :ههه لا لا يستر عليك .. ماعملولي شي بس انن غليظين شوي .. شيلك منن .. انت شو اخبارك
وصارو يتمشو شوي شوي وهنن عم يحكو
صبحي :هي جيتي من السفر
ضحى :هههههههه ...
مرو من جنب زينة يلي قاعدة على مقعد وعم تراجع بعض المواد وشافتها كيف عم تضحك من كل قلبها
زينة :شو عم يصير معها هي ...يا الله والله وضعها بخوف .. انا لازم اعمل شي قبل ماتعمل بحالا شي .. اكيد لانها مجروحة وعم تحاول تنسى مجد عم تعمل هيك ... خبر مجد لا لا مجد معد دخلو فيها .. ياربي .. رح حاول لاقي شي طريقة لرجعها لطبيعتها
______________________________
بمزرعة مجد .. نص الرجال واقفين قدام الباب وصياحن طالع
مراد :يا جماعة ...يا جماعة .. والله مجد مانو هون
:لأ بنعرف انو هون .. خليه يطلع .. والله مابدنا منو شي بس بدما نحكي معو
مراد :اقسم بلله مانو هون .. حتى ليكيو سيارتو مانها هون كمان
المختار :طيب اتصل فيه
مراد :اتصلت فيه وفصلي .. يعني اكيد جاي .. تفضلو ع المضافة
المختار :لا هون رح نتستناه
فجاة ظهرت سيارة مجد داخلة ع المزرعة
مراد :وهي اجا مجد
وصل مجد وتفاجئ بالعالم الموجودة
فتح باب سياتو ونزل
مجد اتطلع بوجه اخوه نظرات استفهام ومراد رفعلو بكتافو انو مابيعرف
مجد :خير خير ياجماعة
هجمو عليه ونزلو بدن يبوسولو ايدو بس هو رجع بسرعة لورا
مجد :لك شوووفي
المختاار :ارضاينا يامجد
رجال :داخالين على الله وعليك
: يا مجد نحنا اسفين عن كل كلمة حكينها عليكن
:لك نحنا الزعران ونحنا ولاد الحرام
:ينقص لسانا اذا لسه بنحكي عليك كلمة
: انت احسن منا كلنا والله بيشهد
:قصدنا الله وقصدناك لاترنا خايب
:انا عليتي كلها فداك .. وبناتي جواري عنكن اذا بدك
مجد :اعوذ بلله شو هالحكي
المختار :بناتنا كلها مرخصة الكن .. دق اي باب ونقي البنت يلي بدك اياها
مجد :شو هالحكي هاد وبعدين انا خاطب
: الشرع حلل اربعة .. ومستعدين نعطيك بناتنا ع ضراير وكمان مابس الك .. وكمان لاخوك مراد
:والله بنتشرف بهيك نسب
ابو محمود :عمي مراد انت طلبت بنتي .. والنسوان قالو مافي .. انا عم قلك روح خدها ومابدي منك شي
مراد ومجد عم يتطلعو ببعض مستغربين وعم يقولو انو هدول شو صابن
المختار :غلطنا بحقكن كل هالسنين سامحونا
مجد :كل هاد مشان المي
المختار :لا لانو فقنا على حالنا واكتشفنا انو نحنا ظالمين .. ورب العالمين عم يعاقبنا
مجد :الله عفو
مراد :ويحب العفو
مجد :والله مابتنرد كلمتك يا مراد .. وصلتو يا اهلي قولولي بشو بقدر اخدمكن
مختار :والله انك ابن اصل
(العما هالمجد شو قلبو شرشوح .. قسي قلبك شوي بيستاهلو 😂😂)
مجد :تفضلو ع المضافة وبنحكي .. وباذن الله مابتطلعو الا رضيانين
________________________
بمكتب ناصر
قاعد عحرف المكتب وصبحي قاعد قدامو عالكرسي
صبحي : صح اللقاء كانت محتد وشوي كمان كانت رح تقتلني بس يمكن خلجت مني وسايرتني شوي .. عنجد والنعم من هيك ترباية
ناصر :عن شو حكيتو
صبحي : يادوب كم كلمة عم انو ليش عم قدم ع الماجسيتر مزال عم اشتغل من هالحكي .. وبعدها فورا اعتذرت وراحت .. وقالتلي اول ما التقيت فيها شو موقفك من رفيقك لما بشوفك مع اخوتو ههه
ناصر :هههه عنجد ماقصرت فيك
صبحي :حتى انت علي .. بس عنجد فرفح قلبي.. انا خلص اليوم مارح نام من الفرحة
ناصر :اااخ ع الجنان
صبحي :هههه .. اي جنان يلا بدك شي
ناصر :ع وين
صبحي :رايح جن لحالي
ناصر :اصبح انا رايح جيبها من الجامعة وشوف شو رح تقول عنك .. واكيد رح تسب
صبحي :اذا سبت لاتقلي بترجاك
ناصر :هههه والله لسجلن مقطع صوت ههه
صبحي :ندل مو بأيدك
___________________________
بالجامعة
طالعة زينة هية ورفيقة الها من الجامعة
: يلا بدك شي روحي
زينة :لا يا قلبي سلام
الصبية تركتها مشت وزينة وقفت بفية شجرة وطلعت موبايلها ..
زينة :لشوف بدن يجيو ياخدوني ولا روح لحالي
اول مافتحت الموبايل وصلها مسج من مجد : تعي لحالك
زينة :منيح .. بعت قبل ما ابعت 😅
رفعت راسا وشافت ناصر واقف بسيارتو .. صفنت فيه شوي وخطرتلا فكرة .. فجأة رجليها اخدوها لعندو .. دقت ع بلور السيارة ... وهو نزل البلور
زينة :مرحبا
ناصر بأستغراب :اهلين
زينة :انابكون رفيقة ضحى .. عرفتني
ناصر :بأرتباك بصراحة لأ
زينة بخجل :انا اختو لمجد
ناصر سكت شوي بعدين حكي :تفضلي بشو فيني اخدمك
زينة : بصراحة مابعرف من وين بدي بلش
ناصر :بلشي من وين مابدك .. انتي شو جاي تحكي
زينة :هو الموضوع بخص ضحى
ناصر :اخوكي ؟؟؟
زينة :لا لا .. اصلا ضحى حتى الي حاربتني
ناصر بقلبو بكون احسن
زينة :بصراحة انا خايفة على ضحى
ناصر :اطمني مزال انتو بعاد عنها .. مافي خوف عليها
زينة :بتعرف شو .. غلطت لما جيت نبهكن على اختكن.. وشو ماصار فيكن للجهنم
تركتو ومشت .. وهو حس عغلطو ويمكن عنجد تكون اختو مو منيحة
فتح باب السيارة ونزل لحقها
ناصر :يا انسة .. لحظة بس شوي
زينة : خير شوبدك .. روح ولاتلحقني مشان ما نأذيك
ناصر :لك والله ماقصدي طلعت هيك فجأة
زينة :مشي الحال ..
تركتو ومشت وهو رجع لحقها
ناصر : انا اسف .. هي اعتذرت منك شو بدك اكتر من هيك
زينة :واعتذارك مانو مقبول .. ومابدي شي وروح بطريقك
ناصر مسكلها دراعها وقال :مارح امشي لحتى تحكي يلي كنتي جاي تحكيه
اتطلعت ع ايدها يلي بأيدو وقالت :انت قدها لهي الحركة .. بتعرف لو مجد كان موجود شو عمل فيك
ناصر :بترجااكي احكي .. ضحى شبها
زينة:مابعرف روح اسألها
ناصر :لك انتي واخوكي على وعيني وراسي .. والكلام يلي حكيتو والله ماقاصدك فيه شخصيا اصلا هية صرلا عمر مرافقتك وماشفنا منك الا كل خير .. بترجاكي احكيلي
زينة :اصلا مارح تشوفو الخير من وقت حاربتني ...و لا رح تلاقو متل رفقتي
ناصر :مافهمت
زينة :تروك ايدي بالاول
ترك ايدها وهية حكت :ضحى مرافقا شلت بنات هون بالجامعة .. يمكن هية مابتعرف مين هدول البنات بس انا بعرفن وبعرف مسموعياتن.. هدول البنات بيشربو وبيتعاطو .. واليوم الصبح سمعتن عم يقولو لضحى جربيتها وقالتلن اي وتعبت منها كتير .. بس شو هي يلي جربتها مابعرف .. بس على ما اظن يمكن شي مخدر او حشيش ... انا خايفة عليها .. ومفكرة هية بهي الطريقة ممكن تنسى وتكمل حياتها .. انا بعرف كتير انو ضحى مجروحة .. بس انو تداوي جرحا بدامار حياتها انا مابرضى .. ولما شفتك قلت لازم خبرك .. وهي خبرتك .. وانتو اهلا واتصرفو .. بالاذن
تركتو بصدمتو .. وعلامات وجهو يلي مابتتفسر ومشت
واتذكر مبارح اشقد كانت تسعل .. واول مرة بتسعل بهي الطريقة .. الشك دخل لجوفو .. بل مو شك تأكد انو ضحى عم تخبص
راحت زينة وقفت ع جنب وطلعت الموبايل وصارت تكبس فيه
وناصر حمل جوالو واتصل فيها .. وردت
ضحى :قلتلك عشر دقايق شبكك .. وبعدين من ايمت دبت فيك الحنيّة حتى صرت بدك تاخدني انت ع البيت
سكر بوجها ورجع ع سيارتو .. فجأة طلعت من باب الجامعة وقربت منو ..
زينة عم تراقب بطرف عينا .. وتنقل نظرها بين الموبايل وبينن
فتحت الباب ركبت .. شافت كيف ناصر عم يصرخ على ضحى ومعصب كتير ويضرب ع التابلو
زينة :لك شوو عملت انا .. شووو عملت
......................
ضحى :لك شبك شبك
ناصر عم يخبط ع التابلو يقول :هلأ هلأ بدك تقوليلي مين هدول البنات يلي مرافقتيهن .. وشوعم تتعاطي معن .. لك انتي لسه مابتطالعينا من مصيبة بتدخلينا بمصيبة
ضحى بنفس نبرتو: لك شبككك ... ايو بنات وايو تعاطي انت شو عم تخبص
ناصر :لا تكذبي علي لانو والله هلأ بفرمك
ضحى :لك شووو عم تخبص
ناصر :ماعم تعرفي تتعلمي .. بدنا نضل ماشين وراكي متل العجان الصغار مشان ماتضيعي
ضحى :لاااتقول عجاان وفهمني عن شو عم تحكي
ناصر :عن شلة بنات الزعراان يلي مرافقتيهن .. لك انتي معد تنضبي وتزوقي ... لك انتي شووو .. انتي بدك تجيب اخرتنا ... ولا انتي اختصاصك زعران
ضحى باستغراب :وانت مين قلك عهدول البنات
ناصر :بلله شوو .. هاد يلي همك
ضحى :اي هاد يلي همني .. باعتلي جواسيس ع الجامعة استاذ ناصر .. اصلا اناشكيت فيه من اول ما اجا واصر انو نحكي .. اكيد انت باعتو
ناصر :عن مين قصدك
ضحى : رفيقك المحترم بس بسيطة انا بفرجيه .. والله لشوفو لشرشحو
ناصر بتلبك :لك شو عم تخبصي صبحي ما دخلو
ضحى : اهاااا .. هلأ بين كلشي .. انا ماحددتلك ايو رفيق شو عرفك انو صبحي .. اكيد هي مؤامرة ..
ناصر تأتأ وماعرف شو يرد بس اتذكر الموضوع الاساسي ورجع انفعل وقال :لاتغيرررييي الموضوع .. مين هدول البنات .. وشعو عم تتعاطي معن
ضحى :لك انت من كل عقلك عم تحكي .. انا بدي اتعاطى .. يعني اذا مابخاف منك مو معناتا مابخاف من الله .. بس شكلو رفيقك مبهرهة شوي
ناصر :لك مارفيقي يلي قلي
ضحى :اي صح مو رفيقك .. انا اسفة .. وغيرو
ناصر :مبارح ليش كنتي عم تسعلي
ضحى : ههههههه بشرفك هاد سؤال .. والله مابعرف ليش كنت عم اسعل .. هلا بنروح لعند اخوك الدكتور وهو يلي بيشرحلنا ليش عم اسعل
ناصر :وانتي قلتيها
ضحى عم تخبط على رجليها :نااااصر لا تجن
ناصر :لك من طيبن كانو يدفنوكن وانتو صغار .. يحرق شرشكن
ضحى :ياربي .. لك انت شو فصيلتك
ناصر :اخرسي احسن ماخرسك بكف عبي تمك دم لسه مابنقول عقلت بتجن اكتر
حرك الدركسيون ومشي
__________________________
بالمشفى
دخل يحيى على غرفتو وسكر الباب وراه بقلق واتطلع على ضحى وناصر يلي الشرار عم يتطاير من عيونن
يحيى: شبك شبك فضحتوتي ... وليش جايبها هيك شحط متل العاملة شي عملة
ناصر :لانو اختك مابيجي من وراها غير العمايل الناقصة
يحيى :شووو ما كان مابصير تفوتو بهي الطريقة .. يعني مابعرف كيف كذبت قدام زملائي مشان مايفكرو بشي
ضحى : من همجية وجحشنة اخوك
ناصر : اخرسي ولاتكبري بالحكي .. احسن ما تصيري بعد شوي بالبرادات
يحيى : لك سكتووو .. العما .. هلأ انتو اخوة .. والله يلي بشوفكن بفكركن اعداء
ضحى : والله عم شك انو اخي
اندفع ناصر وقام يهجم عليها بس يحيى وقف بوجهو ورجعو ع كرسيه
يحيى :انت واياها اذا مابتهدو وبتفهوني شو القصة لقلعكن من المشفى وبفضيحة هالمرة
ناصر :شوف الناقصة اختك .. مرافقة شلة بنات زعران وعم تتعاطى معن
ضحى :لسه بقول عم تتعاطى .. انت وعيان عحالك شو عم تحكي
يحيى التفتت ع ضحى وقال :بدي اسمع منك
ضحى :صح بنات زعران مدري زعرات .. المهم والله ماعم اتعاطى شي معن .. اصلا قعدت معن مرة ودبقوني وانا بدي اهرب منن بس عم اخجل .. وعم اتهرب منن شوي شوي .. هاد يلي صار وبعدين معقول انا اتعاطى .. شو جنيت ع الاخير انا .. بعدين اذا بدي اعمل هيك شي مارح خاف من حدا .. بس انا مابعمل ومستحيل اعمل هيك شي خوفا من الله
اتطلع يحيى بوجه اخوه بكره وقال :مافي شي حكيا انت ليش هيك
ناصر :انا ماني مصدقا وهلأ بدك تفحصا تحللا المهم بدي شي ملموس انو ماعم تتعاطي شي
يحيى :هههههه الله يعينك على عقلاتك يا اخي بدي اعرف كيف صرت مهندس
ضحى :ماشي اخي عملي تحاليل هليه يتأكد .. بس هو اجابري مايصدق لانو باعت حدى ثقة يراقبني
ناصر :صبحي ما دخلووو
ضحى: كذاابين انت واياه ..بس بسيطة والله لفرجيه لشرشحو بالجامعة
ناصر :ياويليك اذا بتحكيه يا ضحى
يحيى كتف اديه وقال : وشو قصة صبحي كمان
ضحى:هاد رفيق اخوك مشغلو علي جاسوس
_________________________
بمزرعة الشيخ
الشيخ عند حظيرة الحيوانات وبأسطبل الاحصنة تحديدا .. وبهل الاسطبل مافي غير حصان واحد .. واقف جنبو الشيخ وعم يمشطلو شعرو بفرشايتو الخاصة
حس انو حدا دخل عليه ..
مجد: السلام عليكم خال
الشيخ :خال؟
التفت عليه وقال: مالك بالعادة تقولا
مجد :ما انت طلبت مني ناديك خال
الشيخ :صح بس هي اول مرة بتقولا
مجد :اذا بدك مابرجع بقولا
الشيخ :مو هيك قصدي .. بس انت اكيد بدك شي
مجد : بصراحة اي
الشيخ :لكن لاتناديني خال وقت المصلحة .. ناديني عطول بالخال
مجد :امرك خال
الشيخ :شوفي عندك
مجد :بدي ساعد اهل ضيعتي
الشيخ :بعد كلشي ؟
مجد :اي بعد كلشي
الشيخ :قلعتن من مجلسي مشانك
مجد:وانا جاي وقلك مشاني خلينا نساعدن
الشيخ :بس مابظن بيستاهلو
مجد :يا خال هي مي .. ومابتنقطع حرام يكون بايدنا كاسة مي ونشوف شخص عطشان مانسقيه
الشيخ : انا طبعا كنت رح احكيلن مع ضعية الحريقة ..بس قلت خليني ربيهن وعلمن درس
مجد :واتربو والله
الشيخ :طيب اليوم رايح انا وكم رجال ع ضيعة الحريقة ولشوف شو اخرتن وليش هيك عم يعملو
مجد :الله يخليلنا الشيخ
الشيخ اتطلع في بطرف عينو مع ابتسامة استفهام
مجد: ههه قصدي الله يخليلنا الخاال
وقرب وباسو من راسو
___________________________
زينة رايحة جاي بغرفتها ضايعة .. وخايفة .. خايفة تكون غلطت لما حكت لاخوها لضحى ... خايفة يعملا شي .. لانو الو بالعادة يضربا
زينة :لك جحشة انا جحشة اوووف
_____________________
تاني يوم الصبح
فاقت الضيعة على فرحة كبيرة والفلاحين عم يركضو بالشارع ويندهو عم ملات صوتن .. اجت المي .. اجت المي يا اهل الضيعة ... فتحلولنا مية السرح .. فتحولنا مية السرح
المختار كان طالع من بيتو لما سمع وشاف فرحة العالم
اخد موبايلو من جيبتو واتصل بمجد
المختار :كيفك ابني مجد
مجد :اهلا اهلا مختار
المختار :خبرت انو اجت المي
مجد :عنجد اي الف مبروك .. لا والله هلأ انت عم تخبرني .. بس من مبارح بعرف انو بدن يجيبوها .. اي خبر حلو .. مبروك مبروك يا مختار
المختار :الله يبارك فيك يا ابني .. وشكرا شكرا كتير
مجد:والو يا مختار ماعملت الا واجبي .
المختار :قلي كيف اقنعتوهن
مجد :بصراحة حكيت مع الشيخ وهو يلي اتصرف
المختار :الله يخليلنا اياك انت والشيخ
مجد :تسلم تسلم يامختار
المختار :الظاهر الك معزة كبيرة عند الشيخ
مجد :هههه اي الحمد لله
______________________
ببيت ابو ناصر
طلع ناصر من غرفتو وعيونو عم تجول بالبيت .. وصل ع غرفة القعدة وسمع ابوه وامو عم يحكو
بكر :عم يقولو لولا مجد مابتجي المي
ام ناصر :يكتر خيرو ... طلع فيه خير هالشب
ناصر :صباح الخير
:صباح النور
ناصر :وينا ضحى
امو :طلعت من بكير .. في محاضرات بدا تشتريهن وقالت يمكن مارح تتأخر .. بس تشتريهن وترجع .. ليش
ناصر :لا ولاشي
بكر :خبرت انو اجت المي
ناصر :اااه عنجد .. كيف
بكر :تعال اقود لاحكليك
ناصر :يلا ثواني بس لبدل تيابي واجي مشان ما اتأخر ع شغلي
رجع عغرفتو بسرعة واخد الموبايل واتصل ع صبحي بس ما كان يرد
ناصر :لك رد يا زلمة ..
بعتلو رسالة لا تروح ع الجامعة اليوم صار سوء تفاهم وضحى حاقدة عليك
_________________________
الموبايل عم يرن بسيارة صبحي يلي واقفة قدام الجامعة وصبحي مانو موجود
داخل الجامعة
طالعة ضحى من المكتبة ومعها شوية وراق عم تتفقد محتاوهن
فجأة طلع بوجها صبحي
صبحي :صباحو
رفعت نظرها عليه بكره وحقد .. تركتو ومشت بدون ماترد عليه .. وهو لحقا
صبحي :ضحى ضحى
ضحى :خير يا حضرة الجاسوس
صبحي : جاسوس ؟؟ انتي شو عم تحكي
ضحى :اي جاسوس.. جاسوس السيد ناصر وعفكرة اناعرفت كل مخططاكن الحقيرة متلكن ..
صبحي :بليز هدي وفهميني .. مخططات شو يلي عم تحكي عنا وجاسوس شو
ضحى :اي غشم حالك .. بس مو مهم عملو يلي بدكن اياه وانقلو كل تحركاتي ... بس علي لاتقرب عم تفهم
تركتو ومشت وهو رجع لحقها
صبحي :بترجاكي اهدي شوي .. والله انا ماني فهمان شي ممكن توضحيلي
ضحى : لك خلصص عيب عليك ... قال مانو فهمان شي قال ..حاج تضحكو علي
تركتو وضلت مكملة لبرات الجامعة وهو كمان لحقها ..
برا عباب الجامعة واقف مجد عم يوصل اختو وفجأة طلعت قدامو ضحى وصبحي عم يلحقا ومسكلا ايدا ووقفا
ضحى سبحت ايدو منو بسرعة : ضحى انت مجنون .. كيف بتتجرأ
صبحي :والله ماقصدي .. بس مارح اتركك لتحكيلي كل القصة
ضحى : اذا مابتنقبر من قدامي اقسم بلله لاصرخ صوت لم عليك العالم
صبحي :صرخي وعملي يلي بدك اياه .. بدي اعررف شبك
ضحى : كلمتين مافي غيرن حلللل عنيي
صبحي : لا مارح حل ...لحتى تحكيلي
ضحى : للمرة الاخيرة عم قلك روح من وجهي
صبحي : انا بحبك
تغيرت ملامح وجها لصدمة واضحة جدا
ضحى : شوووو
صبحي: انا جيت ع الجامعة لحتى شوفك واخوكي بيعرف انو مشان اتقرب منك .. بس شغلة الجاسوس وماجاسوس ماعم افهم عليكي اكيد في سوء تفهام
هلأ طبعا العالم وطلاب الجامعة صارت تتجمع حواليهن لانو نقاشن كان عالي
قرب منها خطوتين وقال : والله بح...." ماكمل الكلمة الا وبوكس اجها ع وجهو خلاه يوقع ع الارض
مجد : وعم تتجرأ وتعيدا مرة تانية
ضحى حطت ايدا ع تما وشهقت ورجعت خطوتين لورا .. مصدومة وماعم تستوعب شو عم يصير بس ظهور مجد يلي ماكانت حاسة انو موجود خربطها وخلا قلبا يدق بسرعة كبيرة
صبحي رفع راسو وهو عم يتحسس مكان البوكس وقال :ليش مين انت
مجد : يلي بدي اطلع بروحك باذن الله
وقف صبحي وقال :برجع بقلك مين انت وشو دخلك فيها
مجد :انا الوحيد يلي بحقلي اتدخل فيها
ضحى :مجد روووح من هون
مجد :ليش خربت عليكي حوارك الرومنسي
صبحي :وبتعرفي اسمو ؟؟ مين هاد
مجد :ههههه شكلك مانك عارف شي .. مشان هيك قوم واتيسر عبيتك احسن مايجيك وجع راس مالك فيه
ضحى :بظن هالشي مادخلك وقوم روح احسن مايخلص عليك هاد واحد مجنون
اتطلع صبحي نظرات مطولة وقرب ليمشي من جنب ضحى .. بس وقف لما صار جنبها وهمس :هالشب مجنون فيكي اصحك تفرطي فيه .. وعفكرة مارح خبر ناصر بشي لاني ماني جاسوس
مجد: هييي انت شو عم تقلا
مارد عليه وكمل لعند سيارتو ... كانت شاردة بكلام صبحي لحتى حست بقبضة قوية انقضت على ذندها لتنقز وتتطلع بالايد يلي ماسكتها لتشوفها ايد مجد
مجد : تعي معي
ضحى :تركني
مجد شدها بدون ما يخليها تحكي
وركبها بالسيارة غصب عنها وركب جنبها
اجت تفتح لقت الباب مقفول
ضحى :فتلحي الباب خليني انزل
مجد :اتطلعي فيني
ضحى عم تتطلع بالباب وتتهرب من نظراتو
مجد :اتطلعي فيني
ضحى :فتاح الباب مجد احسنلك ... انت خاطب وهي الحراكات مابتلزمك
مجد : اتطلعي فيني مشتاقة لنظرة عيونك
غمضت عيونا بوجع لما قلا هالكلمة .. لانو هية كمان مشتاقتلو بس خايفة اذا تلاقو النظرات تضعف وهية مابدها تضعف
ضحى : هههههه شوبدك بنظرة عيوني اذا صار عندك نظرة حلوة وجذابة اكتر منن
مجد : ماعندي احلا من عيونك بالكون .. لو يعطوني حوريات الارض محدا بعبي عيني غيرك
ضحى : هههه هالحكي كذب لانك فضلت حورية علي
حاج تناقض
مجد :لانك مااااا جيتي
ضحى : .........
مجد : حاولت ابعد وانساكي .. لانو ما بتستاهلي حبي لالك
ضحى :طيب مابستاهل شوبدك فيني لحتى عم ترجع تتدخل فيني وبحياتي .. فتحلي الباب خليني انزل
مجد : لانو ماقدرت .. كل هالفترة عم حاول صبر حالي .. بس انا متل يلي عم يسبح بقارب صغير بمحيط كبير لابيعرف وين رايح ولاعرفان الاتجاهات .. عم يخبط بهل المي وماعم يوصل لبر.. وهو بلا مي وبلا اكل .. ماعد عندو قدرة يجدف .. انا بعترف انا انهزمت قدام حبك .. كان بدي تبادليني نفس الحب بس هلأ معد بدي بس بدي تكوني الي
ضحى :ليش محسسني انو انا ماكنت حبك مثلا .. لييشش ...
سبحت ايدو يلي فيها المحبس وشرت ع المحبس وقالت :بتعرف هاد شو عم يعمل فيني ... هاد مانو ملفوف ع اصبعك بس .. هاد ملفوف ع رقبتي عم يخنقني ... مفكر انو انت موجوع اكتر مني .. لا لا بالعكس
في فرق انو يكون حبيبك مع حدا غيرك عن انو يكون حبيبك حر ومطمن قلبك عليه لانو هاد كان الي ويرجع الي بس انت خلص رحت وصرت لغيري
مجد بصوت مخنوق :ليش ماجيتي
ضحى :لأنن منعوني ... ماخلوني اجي لعندك
مجد باستغرب وصدمة :كيييف .. مين منعك
ضحى :يحيى .. لحق ناصر لما كنت عم تتقاتلو وسمع انو انا بدي اهرب معك
مجد :ايييي
ضحى:رجع ع البيت وحاول يقنعني كتير .. بس انا كنت مصرة .. تركتو وانا طالعة ضربني على راسي خلاني افقد الوعي ونمت للصبح .. فقت الصبح ليتشيعلي خبر خطبتك
مجد :يعني كنتيي رح تجي
ضحى :والله كنت جااي .. بس ماخلوني
مجد بفرح :رجعي عيديها
ضحى :لك كنت رح اترك الدنيا كلا واجي معك ..
مجد :قولي انك بتحبيني
سكتت وماردت
مجد :قوووليها
ضحى :ما من حقي
مسك اديها التنتين وقال :من حقك وثقي فيني .. قوليها
ضحى :كيف يعني
مجد :انتي قوليها وماعليكي
ضحى :بحبك
مجد :وانا بمووووت فيكي
ضحى :وشو هلأ
مجد :رح اخطفك
ضحى :شوووووو
مجد :ماقلتلك وثقي فيني
ضحى :بس مجدد
مجد :اذا ماعملنا هيك بعمرنا مارح نكون لبعض
ضحى :طيب وياسمين
مجد.:تركيها علي
حمل موبايلو وطلب رقم
___________________
ببيت الشيخ ..
الشيخ قاعد وعم يحضر اخبار ... رن موبايلو وطا صوت التلفزيون ورد
مجد :السلام عليكم
الشيخ :اهلا ابني وعليكم السلام
مجد حكي بدون مقدمات : انا خطفت ضحى بنت ابو ناصر
الشيخ انفتض من مكانو وقال :شوووو
مجد : ماقدرت ... سامحني ... اعتبرني ابنك وغلط وعميل فيني يلي بدك اياه بس هي البنت مابقدر عيش بدونا
الشيخ :بتتذكر شو قلتلك لما جيت لعندي
مجد :والله ماني نسيان ...بس مابقدر فهمني .. انا هلأ جاي لعندك وقبلان بالعقاب يلي بدك اياه
الشيخ :ما وقت عقاب هلأ البنت وينا
مجد :معي
الشيخ :اي جيبا وتعال
مجد : شو ناوي تعمل
الشيخ: صلح غلطك يا طايش
مجد :البنت مارح رجعها
الشيخ :محدا مقشطك اياها .. جيبا وتعال لهون فورا .. لحظة لحظة حدا خبر
مجد :لا
الشيخ :منيح كتير تعالو ناطركن
سكر الخط وابتسم
######فلاااااش_بااااااااك###
كان الشيخ قاعد بمضافتو ع العادة وانفتح الباب وكان مجد وتحسين .. ومجد كان وجهو مورم اثار الضرب
مجد :السلام عليكم
الشيخ :وعليكم السلام ليش هيك شكلك
مجد : مو مهم .. انا جاي اطلب ايد بنتك بتعطيني
الشيخ مانو مستغرب وضل عطبيعتو
مجد :شو قلت .. ما انت حكيت انو بدك اياني عريس لبنتك وانا جيت وقلك بدي بنتك بتعطيني
الشيخ :وانا لساتني عند كلمتين .. بس فوت بدنا نحكي كلمتين
دخل مجد وقعد وقال :عم اسمعك
الشيخ :بنتي بنت شيخ .. ما هلأ تجي تطلبا وبعد فترة تتركها .. مابقبل هالسيط عبنتي
مجد :وبنتك على عيني وراسي ... وانا فكرت منيح قبل ما اجي .. وقراري اخدتو وحسمتو
الشيخ :اذا هيك انا عطيتك
######بااااااااااااااك#####
الشيخ :عرفت مارح تكون قد كلمتك ...لانو ماشي ورا قلبك ههههه ... الله يهنيك يا ابن اختي
____________________________
بالمكتب عند ناصر
دخل صبحي لعندو
ناصر :وينك كنت عم دقلك
صبحي :اتأخرت بالنومة شوفي
ناصر :كان بدي قلك انو لاتروح ع الجامعة صاير سوء تفاهم وضحى مفكرتك جاسوس عليها
صبحي :ااه عنجد .. اي مامشكلة
ناصر :شبك ليش هيك مو على بعضك
صبحي :اهلي خطبولي بنت عمي
ناصر : عنجد
صبحي:اي والله .. وخجلان منك ...اهلي ومافيني اكسرلن كلمتن
ناصر : بس هي حياتك
صبحي:بنت عمي منيحة ومحترمة ..واختك يمكن ماتقبل فيني من اصلو مشان هيك مابدي اتعذب خلص رح ارضى بنصيبي
ناصر: والله مابعرف شو قلك بس الله يهنيك
صبحي :تسلم
__________________________
عباب مزرعة الشيخ
وقف مجد بسيارتو قبل مايدخل .. واتطلع بضحى
مجد :شبك
ضحى :خايفة
مجد :لاتخافي انا معك
ضحى :واهلي ؟
هالكلمة بتدايقو بس ماحكي وقال :مارح يصير شي الا متل مابدك هيك منيح
ابتسمت ابتسامت رضا ودخلو ..
لقى الشيخ ومرتو واقفين ع الباب وكأنو ناطرينن
نزلو من السيارة ..ومشو اتجاهن بس ضحى مترددة وحاطة راسها بالارض
الشيخ :رفعي راسك يابنتي انتي ماعملتي شي
مارفعتو وضلت منزلتو وهية خجلانة
ام خالد :تعي معي يا بنتي
رفعت راسا واتطلعت بمجد وهزلا براسو انو تروح .. الشيخ : وانت شرف معي
_________________________
عباب المدرسة
طالع بكر منها ومتجه لعند سيارتو وقفو تحسين
تحسين :استاذ لو سمحت
وقف والتفت عليه
تحسين :كيفك استاذ
بكر :اهلا .. تفضل
تحسين :انا بكون ابن الشيخ نمر
بكر صفن شوي بأستغراب وبعدين حكي :اي تفضل
تحسين :الوالد طالب يشوفك
بكر :وين؟
تحسين :عنا بالبيت .. ياريت تتفضل معي
بكر :لا معي سيارة هلأ بلحقك
تحسين : خلينا نروح بسيارتي ما بنتأخر .. وبرجعك لهون
بكر :طيب بس لحط غراضي بالسيارة وجاي معك
حط حقيبتو والمسطرة يلي كان حاملن بالسيارة وراح مع تحسين
______________________
قاعدة ضحى ومتوترة وراسها بالارض عم تفرك بأيدها
دخلت عليها مرت الشيخ ومعها عصير
ام خالد :شبك يابنتي ... اهدي ولاتخافي
ضحى :خايفة كتير ياخالتي
ام خالد : لاتخافي كلو رح ينحل
فجأة سمعت صوت الشيخ برا عم يرحب بأبوناصر
الشيخ :اهلا اهلا ابو ناصر تفضل تفضل ع المضافة
ابو ناصر :الله يزيد فضلك ياشيخ
انتفضت ضحى من مكانها وقالت هاد ابي .. اكيد جاي يقتلني
ام خالد: مسكتها من ايدها وهدتها:لك اهدي يابنتي والله مارح يصير غير كل منيح .. انتي بس فكري بحبيبك هلأ وانو رح تكونو مع بعض
ضحى صارت تبكي وتقول :بس والله مو بهي الطريقة .. مو هيك
__________________________
ابو ناصر قاعد ومستغرب
وعم يتطلع بالشيخ وبمجد يلي قاعد قريب من الشيخ .. عم يحاول يوصل لاستفسار
الشيخ : قوم مجد صب قهوة وبعدها تركنا لحالنا
مجد : امرك خال
قام مجد واخد مصب القهوة النحاس من المنقل يلي موجود بنص المضافة وصب فيه شوي شربن وبعدا قرب وصب لبكر ومدلو الفنجان
رفع نظرو بكر وصفن بمجد للحظات وبعدها اخد الفنجان شربو ورجعلو اياه
كمان قرب من الشيخ ضيفو قهوة وطلع
الشيخ : اكيد مستغرب ليش بعتت وراك ... وعم تسأل ليش الشيخ باعت ورايي ...مع انو انا لو الامر الي مابتمنى شوفك بعد الشي يلي عملتو معي
بكر :بتصدق يا شيخ انو ندامان .. ومابعرف اذا رح تقبل اعتذاري .. انت يا شيخ مابتنرد وغلطت وقت رديتك ..
وكمان بوقتها كنت عم عاني من شوية ضغوطات بالبيت .. والتوقيت ماكان مناسب
الشيخ :يعني عم تعترف بغلطك
بكر :اي بعترف .. وانا كتير ندمان بخصوصك وبخصوص الولاد ... ومتل مابقولو الاعتراف بالغلط فضيلة
الشيخ : جلَّ من لا يخطأ .. المهم مامشكلة وانا قلبي صافي تجاهك ... ومازعلت منك لانو بالنهاية هي بنتك وانت حر فيها
بكر :طول عمرك كبير يا شيخ .. وشو ما انحكى عنك وعن كرم اخلاقك قليل
الشيخ :تسلم تسلم .. المهم بنرجع لموضعنا الاساسي يلي انا طالبك فيه .. بس هو الحقيقة انا يلي لازم روح لعندك بس هالمرى يمكن يكون الوضع مختلف
بكر : والله ماعم افهم عليك
الشيخ : موضوع مجد نفسو
بكر :عحد علمي خطب كريمتكن
الشيخ : صح .. بس اليوم اجا لعندي وقلي انو صعب يتزوج بنت مابحبها .. ومابدو يظلمها ويظلم حالو ... قلبو عنكن يا ابو ناصر .. وقلت مزال لسانا عبر .. ببعت ورا ابو ناصر وبنقعد وبنتفاهم قد ماكان هدول ولادنا وبدنا مصلحتن ... يا ابو ناصر برجع مرة تانية وبقلك بتقبل تعطينا هالبنت لهل الشب
سكت ومارد
الشيخ:شو يا ابو ناصر شايفك سكتت ..ما عأساس كنت ندامان
بكر :لا لا مو هيك .. بس انوو كريمتكن ش...
قاطعو الشيخ وقال :مافي نصيب ... مع انو كان موناي انو مجد يكون صهري بس رفض هههه .. شفت انت مجد رفض بنتي بنت الشيخ هههه
بكر :هههههه
الشيخ :شو قلت
بكر لمعت براسو فكرة وقال :بس بشرط واحد
الشيخ : بس مايكون متلو شروط المرة الماضية
بكر :هههه لا لا .. انا خلص عطيتكن ومابدي منكن اي شي .. والبنت صارت من اليوم بنتكن وخدوها ايمت مابدكن
الشيخ :الله محيي اصلك يا ابو ناصر هلأ بين معدنك الاصلي ... قلي شو هو شرطك وان شاء الله مجاب
بكر :وانا كمان بدي اطلب القرب منكن .. وبنتشرف يا شيخ انو اطلب ايد كريمتكن لابني الدكتور يحيى
ابتسم الشيخ ومارد
بكر :شو قلت يا شيخ
الشيخ : وبنعمل العرس جماعي ههههه
بكر بفرح :يعني وافقت
الشيخ :طبعا يا ابو بكر .. ابنك مافي منو ولا من اخلاقو .. وانا بعرفو كتير منيح
بكر :من وين بتعرفو
الشيخ :ههههه ماهو انا من زمان كنت ناوي ساويه صهري بس قلبت الموازين
بكر :ههههههه
الشيخ :اذا ع خيرة الله
بكر :اي والله ع خيرة الله
الشيخ :بس هلأ مارح نعمل اي شي ... بالاول بس رح نعلن انفصالن عن بعض وبعد اسبوع بنعمل خطبة وكتب الكتاب
بكر :ان شاء الله
الشيخ :بتعرف يا ابو ناصر اذا ماكنت ناوي توافق شو كنا رح نعمل ههههه
بكر كمان ضحك وقال :شوو
الشيخ :رح نخطفا هههه
بكر : ههههههه والله بتعملولها .. بس الحمد لله فقنا قبل فوات الاوان
................................
برا
مجد رايح جاي قدام باب المضافة ومتوتر
مجد :ما عم اسمع عياط .. معقول انصدم من الخبر ومات
تحسين :لك شببكككك
انفتح الباب وطلع بكر ومعو الشيخ
مجد رجع لورا لانو حاسب انو يتبهدل ينضرب ..بس اتفاجئ بأبو ناصر طالع ومبتسم والشيخ كمان ع وجهو نفس الابتسامة
قرب ابو ناصر من مجد وقال مع ابتسامة:وبالاخير صارت الك
ابتسم وهو مانو فهمان شي
الشيخ :قرب بوس راس عمك
قرب مجد ليبوس بكر .. بس بكر ضمو وبوسو من خدودو
الشيخ :تحسين وصل عمك
تحسين بأمرك ابي
راح بكر وتحسين وضل مجد واقف مصدوم
مجد :ليش مانو معصب
الشيخ :الشيخ نمر حط ايدو بالموضوع .. وبعدين شو مفكر كل العالم بتعرف تحكي متلي
مجد :ههههه بشرفك شو حكيتو
الشيخ :ما قلتلو انك خطفت بنت نهائيا
مجد :شو يعني
الشيخ :يعني معك خمس دقايق البنت بدا تكون ببيت اهلا بدون محدا ينتبه
مجد :بس يا خال
الشيخ :البنت صارت الك ..شبكك
مجد :يعني
الشيخ :رح نروح ونخطبا نظامي
مجد :طيب انا رح وصلا وارجع ..
مشي خطوتين ورجع لعند الشيخ ومسك ايدو وباسها بخجل
مجد :سامحني .. ماكنت قد الامانة
الشيخ :هههههه اذا مشان ياسمين لاتخاف ياسمين انخطبت
مجد :كييف
الشيخ :هههههه لابن عمك
مجد:ابن عميي!!؟؟؟
الشيخ :وصل البنت ورجاع بفهمك كلشي
مجد :حاضر
قرب من الباب الرئيسي للبيت ودقو
طلعت ام خالد
الشيخ :اندهي للبنت تطلع وتروح مع مجد
كانت ضحى وراها تقدمت وقالت بتوتر :شو صار
الشيخ :لاتخافي بنتي .. روحي مع مجد عبيت اهلك .. وهو بخبرك ع الطريق شو صار
ضحى :ماشي
مشت وركبت مع مجد بسيارتو .. وكانت قالبة خلقتا
دور السيارةوطلعو من بوابة المزرعة
ضحى :معد بدك اياني ماهيك .. بدك ترجعني لبيت اهلي وترجع لعند خطيبتك ... بس بعد شو بعد ماجبتو ابي وخبرتو .. وهلأ رح يكون ناطرني وهو عم يسن السكين
شحط فرام ووقف
مجد : انتي من كل عقلك عم تحكي ... انا بدي اتخلى عنك؟؟ ... بتخلى عن الدنيا كلا وعنك ما بتخلا
ضحى :شو صار
رفع ايدو وحطها على خدها وقال راح الكتير وبقي القليل ياعمري