#أحببت_ازعر
#الجزء_التاسع
#بقلم_مريم_اليوسف
ناصر عم يخبط ع الباب بقوة ووراه مجموعة كبيرة من العالم .. هلأ الكل لاحقينو بدن يعرفو شبو .. مفكيرن انو جاي يرتاح بالبيت
ناصر:ضحىىى.... ياااا ضحىىى
انفتح الباب وطلع بوجهو يحيى .. لما شافو انصدم وقال :ليش هيك حالتك
ناصر :ضحى وينا
يحيى :نايمة جوا ونوس صوتك لاتفضحنا
ناصر :متأكد انها نايمة
يحيى :والله .. مجد يلي عمل معك هيك
ناصر :شو عرفك
يحيى :فوت .. فوت لشفلك جروحك
اجت امو وابوه واختو عم يركضو ومرقو بين زحام العالم
امو :يا ويل قلبي عليك مين عامل فيك هيك
بكر :شو صاير
ناصر :تخانقت مع مجد .. خلوني فوت لانو تعبان
يحيى :فوت فوت .. بابا حكي العالم انو مافي شي ويكملو العرس انا بشوف ناصر
دخلو وتركو بكر برا عم يشرح للعالم انو خناقة بسيطة ويرجعو ع العرس وهو رجع معن ورجعت علت صوت الموسيقا
يحيى ساند ناصر لياخدو ع الحمام
يحيى :تعا معي ع الحمام لأعملك دوش فاتر
ناصر :بالاول بدي شوفا وينا
يحيى :بغرفتا .. تعال شوفا
سندو لعند غرفة ضحى فتحو الباب وكانت نايمة على تختها
يحيى:اتأكدت
ناصر :اااااه ...كانت رح تهرب معو
يحيى :بعرف
ناصر :انت الي نيمتا
يحيى :اي
ناصر :اااااخ ... يكسر اديه لهل الواطي .. حكيلي شو عرفك
يحيى :تعال ع الحمام معي هلأ
#####فلاااااااااش_بااااااااااك##
قاعد يحيى جنب اخوه وولاد عمو وعم يحضر العرس .. وشاف الولد يلي اجا وشوش ناصر بادنو وناصر تغيرت ملامحو وقام .. فقام فورا وراه .. وضل يلحقو .. لسمعو عم يحكي مع مجد وقلو شو جاي تسرق ولما رد عليه مجد : جاي اسرق اختك
فورا رجع ليشوف ضحى ويمنعا .. قبل ماتصير الخناقة بين ناصر ومجد
رجع ع الشادر وسأل ندى عن ضحى وخبرتو انها بالبيت
راح فورا ع البيت فتح الباب لينصدم بضحى معها شنتة تياب صغيرة وبدا تطلع من البيت .. ولما شافت يحيى نقزت والشنتة وقفت من ايدها
يحيى :ع وين رايحة
ركضت عليه وضمتو وصارت تبكي
صار يلمسلا على راسا ويقلا اهدي .. اهدي
ضحى (تبكي )
يحيى :بدك تروحي وتذيلنا ...بدك توطي راس ابوكي بالارض .. ونحنا اخواتك بدك تخلينا نمشي ومانسترجي نرفع راسنا بين الناس
بعدت عنو وحكت
ضحى :بحبو .. مابقدر عيش بدونو
يحيى :واهلك .. واهلك ياضحى .. امك يلي محدا بهل الدنيا الو فضل عليكي قداها هيك بدك تجازيها .. واختك مافكرتي فيها .. اخواتك ابوكي .. كلن مافكرتي فيهن
ضحى :انتو ضليتو تسكروها بوجهو
يحيى :وهلأ فتحناها
ضحى :بس هو مابدو اياني غير هيك .. وانا مابقدر بلااه .. مشان الله فهمني .. اذا مارحت هلأ رح يخطب ياسمين .. ياسمين حبيبتك يا يحيى
يحيى :ويخطبها ... معد تفرق عندي ..اصلا لو بحبك مابروح بيخطب غيرك
ياسمين :هو كتير بحبني .. ومن كتر ماحبني مل .. مل من صدكن .. انتو يلي وصلتوه لهي المرحلة
يحيى :معك حق بكلشي قلتيه.. واهلك غلطو كتير بحقك وبحقو .. بس الشي يلي بفهمو انك تطلعي من بيت ابوكي بهي الطريقة مافي
ضحى :بس انا رح روح .. لاتمنعني .. اهلي رح يتفهمو والضيعة كلا رح تتفهم ... هنن يلي وصلوني لهي المرحلة ... هنن يلي غلطو مو نحنا ... وبعدين انا رح اتزوجو عسنة الله ورسولو
يحيى :والزواج بدون موافقة الاهل يعتبر باطل
ضحى :انا بالغة راشدة
يحيى :بالإسلام مابصير هالحكي .. مشان هيك فوتي عغرفتك واذا بدو يتزوج يروح الله معو ..يمكن الله مو كاتبلكن تكونو مع بعض .. لا تغضبي اهلك وربك مشان واحد ماصرلك سنة بتعرفيه
ضحى :هي السنة عن كل عمري .. مشان الله يا اخي بموت ..والله بموت بلااه انا
بعدلا عن طريقا وقال بدك تروحي .. يلا روحي
مستغربة من ردة فعلو ..بس بسرعة اتجهت لعند الباب
لتروح
يحيى : بدك تروحي .. روحي .. بس انا مارح خليكي
حست بضربة خفيفة على اسفل راسها .. وقبل ماتوقع ع مسكها وحملها واخدها عغرفتها ونيمها بتختها .. وشنتها رجعا ع الخزانة .. فجأة الباب صار يندق بقوة راح فتح ليلاقي ناصر
#####بااااااااااك###
_________________________
وصلو ع مزرعتن .. وقفو السيارة وضلو بقلبها مانزلو ..
ومجد كان سارح مانو عرفان ذا وصلو او لأ
مراد :مابدك تنزل
انتبه مجد انن وصلو .. بس ما ابدى اية ردة فعل
مراد :زعلان
زورو مارد
مراد :صحي شو هالسؤال انا .. بنعتذر ..بس يعني ما اجت شو وقفت الدنيا هون .. وكمان منيح ما اجت ..يعني حط اختك محلا .. بترضى زينة تروح خطيفة مع شي حدا .. وبصراحة انت حطيتا بين خيارين اصعب من بعض .. يا انت يا اهلا .. والخيار صعب جدا
مجد :كاان لازم تختارني الي ..الي.. لو بتحبني عنجد كانت اجت
مراد :واهلا .. لك شبك ولوو الشغلة بدها شوية منطقية
مجد :انا رح كون اهلا
مراد :لا ولابتقدر تاخد مكانة واحد من اهلا .. انت شي واهلا شي
مجد :ومع هيك كان لازم تختارني ... انا ماكنت بدي اخطفا .. بس بدي شوف شقد انا غالي عليها ..شقد بتحبني .. بس ماطلعت بتحبني
مراد :ماكنت بدك تخطفها ؟؟😕😕
مجد.:طبعا لأ .. بس كان بدي اياها تجي .. بدي اتأكد انها بتحبني .. بدي اعرف مين ربح بهل الاختبار انا ولا اهلا ... بس طلعت بتحب اهلا اكتر مني وفضلتن علي .. انا بس كان بدي اياها تجي وتأثبتلي هالشي ... والله ماكنت رح اخطفا .. كنت رح رجعا وارجع اطلبها مزال قالتلي انو ابوها موافق
مراد شارد بكلامو .. وعم يحكي بقلبو :يا مجد انت مريض .. انت واحدا اناني .. عرفان شعورك كتير منيح ... لانك ربيت بلا اهل بدك يلي بتحبها تكون بلا اهل او بتكون تحبك اكتر من اهلا .. انت ماكان عندك حدا تحبو بحياتك لا اب ولا ام .. وطلعت هية بوجهك وعطيتها كل الحب يلي كنت حاملو بقلبك وما كنت بتعرف لمين بدك تعطيه .. حبيتها متل مابتحب حبيبتك اختك بنتك امك ابوك .. كلون حبيتها فيهن .. انا فهمانك كتير منيح لاني عايش نفس تجبرتك يا اخي .. بس الفرق بيني وبينك .. انا فهمان شو مرضي .. وانت مانك فهمانو او مابدك تعرفو .. صح اهلها كانو قاسيين عليها بس هدول اهلها يلي قضت كل حياتا بيناتهن .. بس نحنا يا اخي ماكان النا لايقسى ولا يحبب علينا .. عشنا حياتنا ندور عحدا نعطيه ويعطينا الحب .. بس يا اخي لاتبالغ بشعورك اتجاه حدا ..لانو محدا بياخد مكان الاهل ومحدا بيعطيك محبتن
مجد :ليك مارح ادخل ع البيت .. نزيل جبلي تياب رح فوت ع الخيمة غسل وغير
مراد : يعني بالاخير رح يعرفو خالتك واختك
مجد :يعرفو بس ما هلأ .. ماحلو خبر الليل
مراد :طيب رح جبلك بجامة وراجع
مجد :لا لا .. جبلي تياب عادية
مراد :وين بدك تروح بهل الليل
مجد :لعند الشيخ
مراد :لاتجن
مجد :هلأ بلشت اعقل
مراد :انت البنت مابتحبا فالاتظلما
مجد :ومين قلك .. متل ماحبيت الاولة بحب التانية
مراد : لك انت راسك من شو معجون
مجد :من الجحشنة .. يلا نزيل ولاتطول
مراد : عفكرة لو تعيش كل عمرك عأساس واحد وهو انك تنسى او تكره ضحى مارح تنساها .. ولو تعيش عمرك عمرين
مجد : بحبها ومعد بدي اياها خلصنا سكر على هالسيرة
مراد : استسلامك سريع
مجد :هههههه سريع ؟؟؟!! لك ماخليت وسيلة
مراد :ولسه في قدامك فرصة
مجد :بعد ماشوهت اخوها ؟؟
مراد :وهو كمان ليك شو عمل فيك
مجد : المهم يلي اكتشفتو انو مابتحبني قد ربع حبي الها .. واذا اذا مابدالتني كل الحب يلي بتحملو بقلبها مابدي اياها
مراد :توقعت
مجد :شو توقعت ؟
مراد :مو مهم .. طيب ليش بدك تخطب وحدة مابتحبها
مجد :لانو هية كمان مابتحبني وهيك ع القليلة باخد يلي بتبادلني نفس المشاعر حتى واكتر
مراد: هلأ الحب والكره صارو بكفة وحدة عندك
مجد : اي .. وضحى رح حبا لموت بس مانها الي .. ومتل ماقال المتنبي :ما كل ما يتمناهُ المرء يدركهُ،،،،،،،،،،،،،، تجري الرياح بما لا تشتهي السفن
مراد : تجري الرياح كما تجري سفين،،،،،،،،،،،، نحنُ الرياحُ ونحنُ البحرُ والسفنُ
إن الذي يرتجي شيئاً بهمتهِ،،،،،،،،،،،،،يلقاهُ لو حاربتهُ الإنسُ والجنُ
فاقصد إلى قمم الأشياءِ تدركها،،،،،،،،، تجري الرياح كما رادت لها سفن ُ
مجد :هههههههه انا استلمت ومعد بدي الرياح ولابدي البحر ولا السفنُ .. ونزيل خلصنا قبل مايتأخر الوقت
________________________
ببيت الشيخ
قاعد الشيخ بالمضافة الخاص فيه وعم يحضر على محطات الاخبار .. سمع صوت سيارة وقفت قدام الباب
وسمع صوت تحسين طلع ليشوف مين .. وطى الصوت ليعرف مين صاحب هالسيارة
..................
طلع تحسين ع صوت السيارة وعرف انها لمجد .. نزل مجد من السيارة وووجهو مبين عليه بعض الكدمات .. وتحسين تفاجئ فيه
تحسين :مجدد .. مين يلي عامل فيك هيك
مجد :خناقة صغيرة لاتهتم
تحسين :شو حناقة صغير ليك كيف وجهك بالالوان
مجد :ههههه ما احسن ما نضل ع الابيض والاسود
تحسين :يعني مافي مجال .. هضامتك مالها حدود
مجد : مسالخير
تحسين :مسالنور 😒
مجد :نايمين ؟؟
تحسين : لا بس اذا بدك بنام
مجد: هههههه .. وين الوالد
تحسين :بالمضافة.. تفضل
__________________________
الصبح
فتحت عيونا لما ضربت الشمس على وجها .. تجلست ومدت ايدها على راسها مكان الضرب .. وصارت تفرك بوجع .. اتطلعت عحالا وعم تحاول تتذكر شو صار .. بس سرعان ما انتفضت .. وقامت اتطلعت ع الشباك كانت الشمس طالعة .. اتطلعت ع تخت اختها لقتو فاضي .. بسرعة اتجهت لعند موبايلا وفتحتو .. لقت اشعار لرسالة وحدة .. فتحتا وقلبا عم يدق بسرعة عرفت انو هالرسالة فيها شي بوجع
((نطرتك كتير .. بس وقتك خلص .. انا كنت اناني بحبك ..بدي اياكي تحبيني بس الي او انا كون بالمرتبة الاولة بحياتك ... بس انتي فضلتي اهلك علي .. وانا مابلومك بالنهاية هدول اهلك .. انا كل امنيتي بهل الحياة حدا يحبني بصدق .. يحبني بس الي ... متل ما انا ماحبيت بهل الدنيا غيرك .. اخواتي وخالتي صح اهلي بس شعور عادي تجاهن .. او فيكي تقولي ملزوم حبن .. بس انتي حبيتك بكل ارادتي بكل حواسي .. والامنية الوحيدة يلي كنت بتمناها هية نفس درجة الحب .. وانا كنت متأكد انك بتحبيني بهي الدرجة ..بس ظني طلع مانو بمحلو .. وكنت عايش بالاوهام ... ياريت جيتي وماخيبتي ظنوني ... ومن كل عقلك انا كان بدي اخطفك ... من كل علقك خلي حدا يجيب سيرتك ... شكلك ماكنتي بتعرفي مين هو مجد ... انا بس كان بدي اياكي تجي لاثبت لحالي انو هي البنت يلي بتحبني تخلت عن الكل واجتني ... بس خلص الظاهر انها النهاية .. وقبل ما انهي الرسالة في خبر بدي قلك اياها وهو انو انا هلأ طلعت من بيت الشيخ وخطبت ياسمين .. لاتحاولي تتصلي او تتواصلي معي لانو مارح تلاقي رد .. بدي أخلص لخطيبتي .
.يلي كان يحبك بجنون مجد .
مع اخر كملة قرتها وقع الموبايل ع الارض.. الدموع تجمعو بعيونا .. حست حياتها وقفت هون.. معد الها معنى الحياة من بعد اليوم .. خسرت اغلا شخص على قلبها ... انهارت ع الاخير ... قلبها عد يدق بقوة ..ديق بصدرو موجع .. لرجليها خانوها .. استندت ع الخزنانة ونزلت شوي شوي ع الارض وصارت تبكي وتتشلهف لتقدر تعدل تنفسها .. كانت عم تبكي متل الولد الصغير ... متل شي طفل يتيم لما بيبكي بيبكي بحرقة .. وهية قلبها تيتم ... عطول بيظلموها وبيظلمو حبها ... بداخلها في غير كلمة عم تترد :الله يسامحك يا يحيى .. الله يسامحك يا يحيى ... حتى انت صرت متلن ... انت الي كنت متخيلتك سندي بهل البيت
صوت بكاها صار مسموعة بكل البيت .. بس هية حاسة حالها لحالها بهل الدنيا ... انفتح الباب وفاتو كل عيلتا
امها :ع شو عم تبكي ياحقيرة ... كنتي بدك تهربي معوو .. بدك تهربي مع ابن هالحرام .. ليكي شو عمل بأخوكي
رفعت راسها عليهن وشافت كيف اخوها ناصر مصبغ ومجروح.. بس ما اهتمت
ناصر : هاد يلي بدك تهربي معو ... هاد يلي اجرم بأخوكي
ندى :ليش هيك يا اختي .. بدك العالم تحكي علينا
يحيى :اسف اختي بس كان لازم امنعك
بكر: هنت عليكي يا ابي .. هنت عليكي تعملي فيني هيك ..
ضحى: والله ماكنت رح اهرب معوو والله ... اقسم بلله ماكنت رح اهرب معو ...
ناصر :يا كلبة عم تحلفي بالله كمان .. يحيى ما انت مسكتها قبل ماتهرب وكان معها شنتة فيها غراضها
يحيى :......
ضحى :اي وين الشنتة ؟؟
امها :هلأ وقت الشنتة ؟
وقفت وقالت طول عمركن عم تحكو وانا عم اسمعكن هالمرة انتو يلي رح تسمعوني ... وين الشنتة .. وين حطيتها يحيى
يحيى :بالخزانة وراكي
فتحت الخزانة وطلعتها ورمتها قدامن
ضحى :ندى فتحيها
نزلت ندى وفتحتها وكانت فاضية
ضحى :في حدا بيهرب بدون غراضو .. اضلا هويتي مع ناصر .. انا كنت اقنعو انو هالشي مابصير وبنفس الوقت كان لازم روح .. لازم اثبتلو انو بحبو ... انا متأكدة انو رح اقنعو .. بس يحيى منعني .. واصلا انا كنت متأكدة انو هاد مجرد اختبار ليشوف انا شقد بحبو .. هو ماكان بدو يخطفني ...
قربت من الموبايل واخدتو وعطتو لناصر وقالت تفضلو اقرو هي اخر رسالة بعتلي اياها
مررو الموبايل للكل وقرو الرسالة
ضحى :واخيرا صار يلي بدكن اياه .. مجد بح .. مجد خطب احسن بنت بهل المنطقة ... يلي ولاد المشايخ ماقدرو يوصلولا .. اجا مجد يلي مانو معبي عينكن وخطبها ... بس ماني زعلانة منو انا وكمان مجد بيستاهل حتى اكتر من بنت شيخ ... طول عمركن مستقلين فيه .. شو عملكن مجد شوو .. لانو مانو متعلم .. لانو ابوه كان واحد مابيسوى .. لانو امو تركتو وهو رضيع طفشت ... هو شو ذنبو من كل هدول ... انا كنت متأكدة انو مارح يخطفني ... لانو يلي ساعدني وعمل المستحيل لحتى يحميني من الفضيحة .. مارح يجي هو ويجلبي الفضيحة مرة تانية ..
بكر :ايو فضيحة ؟؟
ضحى :انا لولا مجد كنتو قتلتوني من زمان
الكل علامات الصدمة والخوف بلشت تظهر على وجوهن شو قصدا بالفضيحة والقتل .. اكيد الشغلة فيها عار
ناصر :ايو فضيحة احكي
حكت كلشي صار معها لما انسرق موبايلها وكيف صار يجيها تهديدات وكيف طبقو عليها صور .. وكيف مجد وقف معا وحل هالشغلة
بكر :ايمت صار هالشي
ضحى :من سنة .
ناضر :وليش ما احكيتيلنا .. ليش خبيتي عنا
ضحى :لو قلتلكن شو كنتو عملتو .. اااه قوليلي .. قتلتوني وغسلتو عاركن .. ولنفترض ماقتلتوني.. كيف كنت بدك تمنع الصور ماينتشرو
ضلو ساكتين ومارد
ضحى :المهم خلص لعد تفكرو بشي ... محد خطب والله يهنيه ... وانا ابدا معد سببلكن ازعاج ..بس تروكني بحالي .. مشان الله تركوني بحالي ولعد تدخلو فيني ابدا
امها :كيف هي ما نتدخل فيكي
ضحى :متل ماسمعتو ... ما تتدخلو فيني .. وانا بالمقابل مارح اعمل شي يغضبكن ... مشان الله رحموني .. شي مرة نفذولي طلب ... طلعو تركوني بحالي
انسحبو وتركوها لحالها ... وهية نزلت ع الارض وطبت على التخت ودخلت بنوبة بكاء
______________________
مر كم يوم .. وابطالنا بحالة من الضياع .. بحالة من التشتت .. صراع داخلي حاد .. وماعم يعرفو يطلعو منو بنتيجة .. وبنفس الوقت لاحظو انو الحق معن وعليهن .. وانو يثبتو ع رأي ماثبتو
اسئلة كتير عم تدور داخلن وماعم يلاقولا جواب
ضحى : لو كان بحبني ماكان خطب غيري
مجد :لو بتحبني كانت تركت الدنيا واجت لعندي
ضحى : بس معو حق ... شو بدو يضل ينطرني طول العمر
مجد :معقول انا تسرعت بقراراتي
ضحى : معقول عمل هيك مشان يتركني ويروح يخطبا
مجد :ياريت ماخطبتك يا ياسمين
ضحى :طيب اذا مجروح وقلبو مكسور ضروري يروح يخطب ... لو كان الي مكان بقلبو كان خلا هالمكان فاضي .. مافورا رح وجاب وحدة بدالي
مجد : شو بدي ضل طول عمري عايش ع الاطلال .. اذا ماخطبت ياسمين اليوم بتروح من ايدي .. وهي بنت مابتتفوت
ضحى: معقول حبها
مجد :معقول اقدر كمل حياتي بلاها
ضحى : انا بعرف يلي بحب بحارب الدنيا كلا كرمال يلي بحبها .. وهو بعد كل مرة يستسلم ويقرر يتركني ولولا انا ما اقنعو كان من زمان تركنا
مجد :انا تعبت كتير بهل الحب .. وكرامتي صعبت علي كتير .. انا ماني بلا كرامة لضل اتمرمط طول العمر وراها
ضحى : ما عم اقدر اكرهك واحقد عليك .. مع انو بقرارك دبحتني ..بس ماعم اقدر ازعل منك .. ولا عم اقدر ادعي عليك .. يمكن عنجد انا مابستاهلك
مجد : مارح اقدر حب غيرك .. مع انك ماكنت قد هالحب ... بس قلبي ماعم اقدر سيطر عليه وقلو انو لاتحبها ماحبتك متل ماحبيتها
ضحى :حبك جبان يا مجد
مجد :حبك مو كافي يا ضحى
ضحى :رح حافظ على حبك لاخر يوم بعمري .. بدك تتزوج اتزوج .. بس انا مارح اعمل متلك .. بدي عيش على ذكرى حلوة تركتها بداخلي ... بدي خلي حبنا طاهر ونقي .. مابدي اتزوج واعمل متلك مشان ما اوقع بدرب الخيانة .. لانو لو بعد مية سنة محدا رح يسكن قلبي غيرك
مجد : انا مشيت بقرار ومارح اتراجع عنو .. ياسمين بنت كتير منيحة .. وافضل ام ممكن تكون لولادي وكمان هي بنت شيخ عشيرة مافيني يوم اطلبها ويوم اتركها
ضحى :حبك بقلبي مالو نهاية
مجد :ياترى رح اقدر خلي لهل الحب نهاية
ضحى :الى الا نهاية
مجد.:الى بداية جديدة
________________________
الصبح بكير
دخلت ضحى ع المطبخ وكانت بكامل اناقتها وعيلتها كلن مجتمعين وعن يحضرو الفطور
ضحى :صباح الخير
الكل التفت عليها وانصدم .. لانو صرلا كم يوم منعزلة وردو بصدمة :صباح النور
ضحى : انا نازلة ع الجامعة
ساكتين وعم يتطلعو ببعض
بكر :اي ماشي بابا روحي الله معك
امها : مابدك تفطري
ضحى :لا .... ناصر بدي هويتي والموبايل
ندى :موبايلك معك
ضحى :مو موبايلي ناصر بيعرف عن شو عم احكي
ناصر :بغرفتي .. دوري عليهن بالدروج بتلاقيه
ضحى :طيب ماشي .. بدكن شي
يحيى :نطري اختي انا بوصلك
ضحى :لا لاتعذب حالك لسه هلأ جيت من مناوبتك وبتكون تعبان ... وكمان بعرف روح لحالي ... سلام
لفت ضهرا ومشت
ناصر :قوم الحقها
بكر :لا..تركها عراحتها
...............................
طلعت من البيت وكانت عم تضب الموبايل والهوية بالجزادن .. لتتفاجئ برجال منيح بالعمر ومبين عليه معتر وفقير
: صباح الخير بنتي
ضحى :اهلا .. صباح النور عمو
: وين الوالد .. هون ولا راح ع المدرسة
ضحى:لا هون .. تفضل
: الله يزيك فضلك يارب
ضحى :بالاذن
تركتو ومشت .. ولبست نضاراتها على الطريق .. بدها تمشي لتوصل للطريق العام ..لانو مافي سرافيس بتدخل لقلب الضيعة والمسافة من داخل الضيعة للطريق مانها بعيدة .. ومن طريقها بتمر من ساحة الضيعة ... والناس كان يتطلعو عليها ويتهامسو .. طبعا هي الفترة مافي ع لسانن غير مجد وخطبة مجد .. وطبعا لما بشوفها بصيرو يقولو هي هية يلي كان بدو اياها مجد .. واهلا ماعطوها وراح خطب بنت شيخ العشيرة .. وعالم كتير واكترهن من الشباب حسدوه على هالخطبة ... وعالم تقارن بين ضحى وياسمين ويقولو شو جاب لجاب .. انو ياسمين احسن من ضحى من حيث الجمال والتعليم والعيلة
ضلت ماشية وعيونا مثبتة قدامها لاتلتفت لاهيك ولا هيك .. ماناقصها تسمع شي يزيد وجعها وجع
وصلت للطريق وكان كم في شب وبنت ناطرين السرفيس ليجي من ضيعتها والضيع المجاورة .. . لانو الضيع قريبة من بعضا .. سلمت ووقفت عجنب
قربت منها بنت وبتكون من نفس ضيعتها
:صباحو ضحى
ضحى وهية مركزة قداما ومن غير اهتمام :اهلين
:صرلك فترة معد جيتي .. كنو اخواتك عم يوصلوكي
ضحى : لا كنت ماخدة اجازة
:يعني الحكي يلي كان ينحكي صح
ضحى :ايو حكي
: انو اهلك كانو حابسينك مشان ماتهربي مع مجد الازعر
ضحى :وشو بهمك انتي اذا كان هالحكي صح او غلط
: لا بس انو هيك عم يحكو
ضحى : اي يحكو ليشبعو متل رجلي هالحكي
:وشبك عشو شايفة حالك .... بدي اعرف عشو كان متعربط فيكي ...تضربي انتي وهيك نفسية .. منيح يلي تركك وراح حطب غيرك ...بدي اعرف كيف كان متحملك بس بالاخير عرف ينقي والله يلي صرلو ماصار لغيرو
ضحى :خلصتي ؟؟
تركتها وراحت وقفت عجنب
ضحى : اي انا شايفة حالي ...ومارح انزل لمستواكي ورد عليكي ... لانو مانك محرزة ينهز بدني مشانك.. وبالنسبة لمجد الله يهنيه ...انا ماني زعلانة ابدا بالعكس مجد بيستاهل كل خير ... ولا هلأصرتو تحبوه لمجد بعد ماصاهر الشيخ .. صرتو تريدولو الخير
هديك ما نطقت بحرف
اجا السرفيس .. والبنت ركبت بسرعة وراحت ع اخر مقعد .. وضحى ركبت اخر الشي واجت قعدتها ورا الشوفير
_____________________________
بغرفة القعدة قاعد الرجل يلي سأل ضحى عن ابوها .. وناطر بكر .... دخل بكر عليه وقعد جنبو
بكر :اهلا وسهلا ابو متعب .. لاتواخذني مبارح كنت ناوي اجي وجبلك اجار تعبك.. بس انشغلت
طلع من جيبتو مصاري وعطاه
ابو متعب : لك يا ابو ناصر انت فهمتني غلط .. انا مامشان هيك جاي
ابو ناصر :طيب تفضل هدول .. وحكيلي شوفي
ابو متعب :يا ابو ناصر انا بدي اسقي الارض ومي مافي
ابو ناصر :كيف مافي مي
ابو متعب :ما معك خبر بالي صار
ابو ناصر :لك خبرت بس عاساس فتحوها
ابو متعب :فتحوها نهار مدري نص نهار ومعد فتحوها .. وهي السنة زارعين بطيخ وبتعرف البطيخ بدو مي كافية ... الله لايوفقن قطعو عنا المي .. الله يقطعها عليهن بالآخرة .. هالمي كانت تسقي منها كل اهل الضيعة وتفيض
ابو ناصر :العما كنو هالحكي صحيح ... طيب ابو متعب شو بتشور علينا
ابو متعب :والله ما بعرف يا استاذ ... لازم تعملو اجتماع وتتشاورو ... وتوصلو لحل هيك مابيمشي الحال الارض بلا مي بموت رزقها
ابو ناصر :طيب انا رح شوف المختار ونلاقي شي حل
ابو متعب :ان شاء الله .. يلا انا بدي استأذن
ابو ناصر :اقعد يا رجل
ابو متعب :بيتك عامر يا ابو ناصر وبعرف عندك دوام مابدي عطلك
قام ابو متعب وراح .. وبكر دخل ع البيت وهو شارد وعم يفكر
ام ناصر :مين كان عندك
ابو ناصر : لك هاد ابو متعب يلي عم يهتملنا بالارض
ام ناصر : جاي ياخد اجارو
ابو ناصر : لا .. بس في مشكلة بمي السقي
ام ناصر : مشكلة شو اذا كل اهل الضيعة عم يسقو من السرح ومتفضين ع المي
ابو ناصر : ليضل مي سرح بالاول
ام ناصر : شو يعني
ابو ناصر :ضيعة الحريقة قاطعينها عنا
ام ناصر : وليش ولدنة هالحرام ... شو الشغلة سايبة .. روحو واشتكو عليهن
ابو ناصر : رايح هلأ ع المدرسة .. ولما خلص دوام رايح لعند المختار اكيد بكونو عم يفكرو بشي حل لانو هي مشكلة عكل الضيعة
ام ناصر : الله يقويكن يارب ..
لبس برجلو وطلع ..وام ناصر طلعت وراه كم خطوة.. وقالت : الله يقطع رقابن في حدا بيقطع المي .. المي مابتنرد
________________________
عباب المشفى
وقف مجد بسيارتو وجنبو ياسمين
مجد :انتبهي عحالك كتير منيح .. ولاتطلعي لحتى اجي انا وبتصل فيكي تطلعي
ياسمين :مابظن لسه عندو الجرأة يخطفني وانا مخطوبة
مجد : ولاد حرام وبيعملوها المهم انتي خليكي منتبهة
ياسمين :ان شاء الله ... وشكرا
مجد :ع شو
ياسمين : لانك سمحتلي ارجع اشغتل
مجد :ههههه .. يعني متخيلة انو احبسك بالبيت وامنعك تمارسي مهتنك
ياسمين :مجرد تفكير 😅
مجد :صح ماني مكمل تعليمي ..بس ماني جاهل
ياسمين : يلا بشوفك
مجد :سلام
نزلت ودخلت ع المشفى .. وانمحت الابتسامة عن وجهة ... كان قلبها عم يدق بسرعة .. خايفة تشوفو.. خايفة تحط عينها بعينو .. وكانت عم تقول بينا وبين حالها :اكيد رح يتفهم وضعي
واول مادخلت شافتها دكتورة زميلتها :قربت منها وضمتها
:يااسمين 😍 مين عاش وشافك
ياسمين :يعيشو حبابك
:لك وين هالغيبة
ياسمين: مشاغل
انتبهت انو في بأيدها محبس
:خطبتي ؟؟؟؟؟
ابتسمت وهزت براسا
:اي لااا.. واضح انها مشاغل كتيرة .. تعي معي بدك تحكيلي كلشي
ياسمين :ههه طيب بس لمر لعند المدير
:وانا ناطرتك بمكتبي
ياسمين :جهزي القهوة
:رح خبر كل الزملاء يجو
ياسمين بسرعة :لا لا .. خليها لبعدين
:ماشي متل مابدك .. يلا لاتطولي
ياسمين :لاحقتك
هديك الدكتورة مشت وراحت .. وياسمين قربت من الرسبشن
ياسمين :كيفك
:اهلا دكتورة نورت
ياسمين :تسلميلي .. بدي اسألك الدكتور يحيى وينو
: من ساعة خلص مناوبتو وراح على بيتو
انتهت بأرتياح وقالت :ماشي شكرا
____________________________
بالجامعة ..
دخلت ضحى وعم تدور بعيونا على زينة .. شافتها قاعدة هية وبنت على مقعد
مشت وراحت لعندن
ضحى ببرود :مرحبا
زينة :ضحى 😍😍.. حبيبتي .. كيفك
وقفت لتضمها .. بس ضحى رجعت لورا فورا .. وهالشي خلا زينة تدايق
البنت يلي كانت قاعدة مع زينة استأذنت ومشت لانو حست انو الوضع مو ظابط
زينة :ضحى .. ليش هيك عم تعامليني انا شو دخلني
ضحى :انتي مادخلك نهائيا .. بس انا اخدت قراري مابدي اي شي يخليني قريبة من عيلتكن ..
زينة :يعني ؟؟
ضحى :انا اسفة زينة .. بس انا معد بدي صداقتك
زينة دمعو عيونا :هيك بهل البساطة بدك تتركي صدقتنا .. صداقتنا يلي عمرها اكتر من ١٥ سنة
ضحى:اسفة .. بس انا هيك بكون مرتاحة ... عنجد سامحيني
زينة :مارح اجبرك على شي .. وبعرف انك مجروحة ومابدي ذيدها عليكي ورح اتفهم وضعك .. وانا وقت يلي بتحبي انا رفيقتك ومارح اتخلى عنك
ضحى :شكرا كتير ...والله وانتي اعز صديقة على قلبي .. ومارح لاقي رفيقة متلك .. وانا هي الصداقة ماتخليت عنها .. بس الافضل نكون بعاد شوي
وينة :طيب مارح تخليني ضمك
ابتسمت وهية يلي قربت وضمتها .. ونزلت دمعا من عيونا .. وبسرعة مسحتا ورجعت لورا
طلعت من جزدانا موبايل يلي كان معها من مجد وعطتو لزينة
ضحى :هاد الموبايل "وسكتت .. غصتها البكوي .. حتى اسمو عم يوجعها " هاد الموبايل الو عطيه اياه
زينة هزت راسا بحزن واخدتو
ضحى :باي
تركتها ومشت
____________________________
بالمشفى
بغرفة الدكتورة يلي عزمتها ... قاعدة ياسمين والدكتورة جنب بعض وعم يقلبو بالموبايل ..
الدكتورة :واو بجتنني .. اكيد العريس جن عليكي
ياسمين :هيك شي
الدكتورة :والله حفلة هالخطبة بتجنن .. ليش مانكن عازمين حدا
ياسمين :ع الديق افضل .. هيك بدو بابا
الدكتورة :طيب ياخاينة اعزمينا نحنا رفقاتك
ياسمين :والله كلشي صار فجأة
الدكتورة :بس اكيد ع العرس رح تعزيمنا
ياسمين :اكيد
الدكتورة :والله وعريسك حليوة .. من وين لاقطيه
ياسمين :ههههه
الدكتورة : شو دارس
ياسمين :مانو دراس
الدكتورة :شو بيشتغل .. تاجر يعني
ياسمين :لا .. فلاح
الدكتورة :فلااح؟؟
ياسمين :اي ليش مستغربة
الدكتورة :يعني ع القليلة خدي دكتور متلك ...فلاااح !!
ياسمين : ليش شبو الفلاح .. ما ابي وبيت جدي كلن فلاحين
الدكتورة: سووري ماقصدي ... كل الناس خير وبركة ... حبيتيه ؟؟
ياسمين سكتت وماردت
الدكتورة :مجبورة ؟
ياسمين :لا .. مجد شخص بينحب .. شخص شهم وطيب ... وانا متأكدة لو بلف الدنيا مارح لاقي متلو ..بس انو الشغلة صارت فجأة بدي وقت لاتعود وحبو
الدكتورة :الله يهنيكي يارب
ياسمين :تسلميلي يارب
الدكتورة :لنكمل تفرج عالصور 😅😅
ياسمين :هههههه
الدكتورة :ايمت كانت خطبتك
ياسمين :اولت مبارح
_____________________________
المسا
كل اهل الضيعة مجتمعين عند المختار .. وصوت ضجة ونقاشات مالها نهاية .. كل تنين عم يحكو مع بعض ..
: هالحكي مابصير
مابصير يقطعو عنا المي
:لازم نشتكي عليهن
:اذا سكتنا رح يتاكل حقنا عطول
:شور علينا يا مختار
المختار :لو سمحتو يا رجال .. انصتو عملو معروف
سكتو واتطلعو عليه
المختار :انا رحت ع المخفر مشان اشتكي .. وهالمخفر يلي عنا متل قلتو .. ومين ماكان بيشتريه بكم ليرة .. واكبر دليل يوم اشتكينا عمجد ... راحو وعطو العريضة لمجد
: طيب شو الحل يامختار ..
:انا برأيي نشتكي لحدى اعلى من المخفر
المختار :المشكلة اذا اشتكينا لحدا من فوق رح يحولو القضية للمخفر .. كمان مارح نستفيد شي .. وخبرت كمان انو اخوهن لهدول الشباب يلي عم يقطعو عنا المي شرطي بالمخفر نفسو
:اي وبدنا نضل هيك ..مافي طرق تانية
المختار :مبلى ...انو نروح ونحكي مع كبارية ضيعتن
ابو ناصر :فكرة جيدة
المختار :بركي بيقدرو يمونو عشبابن .. لانو هي مو حالة .. هلأ يمكن اذا حدا وضعو منيح يحفر بير بس يلي مامعو شو يعمل بحالو
:اي لنلاقي حدا يحفرلنا آبار كمان
المختار :ليش مافي حدا بيحفر بمنطقتنا
:مبلى في مجد عندو دقاقة.. بس ماعم يرضى يحفر لحدا
ناصر :وضروري مجد .. جيبو واحد من برا
:يلي من برا عم يطلب عشر اضعاف ع الاجار الاصلي لحفر البير
:الحق علينا ... بتتذكرو لما مجد كان يبرم علينا ويقلنا بحفرلكن بير وبتقسيط وبنص القيمة ونحنا نقلعو .. ونقول في عنا مي .. ويرجع يقنعنا انو هي المي مو دايمة وحفرو البير بتعتازوه مع الايام ... ونحنا كنا نقلعو ونقول لسه شقفة ازعر بدو يشور علينا .. لحتى هالازعر طلع معو حق وهي نحنا اذا ضل وضعنا هيك اراضينا بتصبر بعل
الكل : اي والله معك حق
:لا تتشائمو .. الا ماتنحل .. واذا مارضي مجد يحفرلنا .. بنجيب واحد من برا وبنحفر بير للضيعة كلا
المختار :وبأرض مين بدو ينحفر البير 🙄🙄
:بأي ارض مابتفرق
المختار :لا بتفرق .. والبني ادم بصير طماع .. ويلي بدو ينحفر عندو البير بصير بدو يستملك
ابو ناصر :معك حق يامختار .. وكمان بصير يخاف لاتجف المي بأرضو مع الايام
المختار :المهم انا عم فكر نقوم كلنا او بعضنا هلأ عضيعة الحريقة شو رأيكن
ابو منهل :اي ليش لأ
المختار :مين بحب يروح معي يتفضل ..
__________________________
المسا
قاعد مجد عند بيت الشيخ .. بيت عمو قاعد مع العيلة كلها .. كان قاعد جنب تحسين وعم يحكو
مجد :يعني عم تروح ع الصيدلية هالايام
تحسين :اي عم جرب شوي اختبارات ع النبات
مجد :اختبارات شو ..تطعيم يعني ؟
تحسين : هيك شي ..في نبتة .... مابتنمو غير بالجبال الباردة .. رفيقي جايب منها بذور .. وعطاني عينة جربا
مجد :مارح تعيش
تحسين :وليش ماثق
مجد :عم تقول جبلية وباردة .. والتنين مو متوفر
تحسين :هلأ ممكن اذا طلعت عنا تتأقلم ع الجو
مجد : بس يمكن ما متل يلي بتطلع بالجبل
تحسين :اكيد .. مو متلا بس انا عم حاول وجبتلا تربة مناسبة وعم حطها بمكان بارد
مجد :طيب شو عم تستفاد
تحسين : شكلها بجنن .. وغير هيك طعمتها طيبة مثلا تحطا ببريق المتة .. بتطلع طعمة المتة طيبة .. وكمان فيها فيتامينات ... لتنمو بنكتشف شو بتحمل من فيتامينات
مجد :حلو .. وشو اسما
تحسين :قلي اسمها رفيقي بس نسيت ..بس اذا ظبطت رح حطلا اسم من عندي
مجد :هههههه
دخلت ياسمين ومعها القهوة .. ضيفت الكل وقعدت جنب امها
تحسين :انو ليش قهوة
ياسمين :من شوي شربتو متة شو سيرة .. بعدين القهوة طيبة وبتعدل المزاج .. ماهيك مجد
مجد :هههه اي هيك .. خلص المهم انها بتعجبك فأكيد رح تعجبني
ياسمين :شايف العالم المزوقة
تحسين :اي شي طبيعي بدو يسايرك لانو خطيبك
مجد : هههه اذا الها ماسايرت مين بدي ساير
ياسمين :اها يعني عم تضحك علي استاذ مجد
مجد : مو ضحك .. بس يعني قول انا مابحب القهوة وخجلك ولا اخدها وما خجلك
ياسمين :هههه طيب مرقتا هالمرة
الكل :هههههه
الشيخ :اي بنتي كيف كان دوامك اليوم بالمشفى
ياسمين : تمام الحمد لله
امها :وماحكوكي شي بخصوص الفترة يلي كنتي معطلتيها
ياسمين :ههه ليش بيسترجو يحكو وانا بنت الشيخ
الكل :هههههههه
_______________________
تاني يوم بالجامعة
زينة قاعدة مع زميلة الها وعيونها على ضحى يلي طالعة من باب المبنى .. ومتوقعة انها تجي وتقعد معها ..بس خيبت ظنونها لما تجاهلتا وكملت لعند مجموعة بنات وقعدت معن
زينة بقلبها : تضربي منك لألو انا شو دخلني
بس سرعان مارجعت بنظرا ع البنات بصدمة
زينة :مالقت غير هدول تقعد معن
.........................
ضحى :كيفكن صبايا
:اهلا ضحى
:شو من ايمت بتقعدي معنا
ضحى :اذا زعجتكن بقوم
:لا لا خليكي ... سوسو بتحكي كتير
سوسو :ماقصدي انو مدايقين بس مالك بالعادة
ضحى : اي مافي حدا رافقو قلت انتو بعرفكن وزميلاتي بالقاعة
رهف :وين انتيمتك
ضحى :قصدك زينة
سوسو :اي شو متقاتلين
ضحى :هيك شي
(سوسو ورهف وهنادي بنات شكلن عادي مو متحجبين .. بس محدا برافقن الاغلب بقول بيتعاطو والاغلب انو بيشربو حشيش .. وطبعا مافي شي ملموس كلا مجرد احتمالات بس بسبب تصرفاتن العالم بتبعد عنن وطبعا ضحى مابتعرف عنن شي ولا سمعانة .. يمكن لانواغلب وقتها مع زينة فقط ..يمكن زينة حكتلها شي مرة عليهن ..بس عقلا ماكان معا)
هنادي :يعني صرتي وحدة من شلتنا
ضحى :ههه هيك شي
سوسو : تشربو عصير
ضحى :اوكي بنشرب .. بس عحسابي
سوسو :ههه مافي داعي انا معي
ضحى :معك عصير ؟؟
سوسو :اي مابقدر اقعد بدونو مدمنة عليه 😋
ضحى :اي بنشرب ليش لأ
طلعت من شنتتها ٤ عبوات عصير تنك .. بس حجمن صغير يعني اصغر من تنكة الببسي العادية ولون العبوة على اخضر وكتابات بالاجنبي
ضحى :شو هالعصير هاد
سوسو :اناناس .. طيب كتير هاد مستورد بابا عطول بوصي عليه من برات البلد
اخدت ضحى نتكة وفتحتها قربتها من انفها .. ريحة قوية ضربت بأنفها
ضحى :شو هي الريحة ..فيه كحول ؟
سوسو :لا مو كحول فيه نسبة من مشروب الطاقة يعني حلال اطمني
ضحى : لا شكرا مابدي .. يسلمو
رهف :وليه مجنونة والله مافيه شي .. نحنا عطول بنشرب منو
ضحى : مامشان هيك بس ماني متعودة اشرب شي مابعرفو
هنادي :بتتعرفي
ضحى :ههه غير مرة .. يلا بالاذن انا صار لازم امشي
سوسو :هلا جيتي
ضحى :بدي ارجع ع البيت مالي نفس لشي
رهف :شكلك مجروحة من الحب يا بنت
ضحى :هه كيف عرفتي
رهف :يعني شكي بمحلو
ضحى :اي بمحلو ..
سوسو :طيب قعدي حكيلنا
ضحى :الايام جاي .. يلا باي
قامت ومشت وعم تتنهد بقلبها .. وعم تلوم حالها ليش لتقعد معن .. لانو مابيشبهوها نهائيا