رواية عيلة العطارين الفصل الاول1والثاني2بقلم منه وائل
يبداء المشهد بدخول شارع كبير أو ماتدعي حاره كبيره اسمها حارة العطارين، انها حاره على أصول قديمه، يعيش فيها اغلب الأشخاص الذين يعملون في مهنة العطاره
الحاج حسين :يا فتاح يا عليم يا رزاق يا كريم، واد يا بندق، ياض يا بندق
بندق :صباحك فل يا سيد المعلمين
الحاج حسين:ياض هو مش انا قايلك ترش مايه قدام الدكانه ما رشتش لي؟
بندق وهو يضرب بكفه على جبهته :ااااه معلش يا معلم نسيت والله
الحاج حسين : طب ماتنساش تاني بقا يلا اتفضل رش
بندق: حاضر يا معلمي
وأثناء ما كان يرش امام المحل رش الماء على إحدى بنات الحاره
صبرين وهي تمضغ العلقه بشكل مقزز:أحيه انت اتجننت ياولاا، انت بترش عليا مايه
بندق :يا فتاح ياعليم يا رزاق يا كريم معلش ياست صبرين ماشوفتكيش
صبرين بزعيق:الله ماشوفتنيش دا اي هو انا نمله معديه مش شايفني دا اي
بندق :يا حول الله يارب انتي بتجري شكل للبيع ياست صبرين والا اي ماتتكلي على الله بقا
صبرين :الله شوف الولاا بيكلمني ازاي، اصلك قليل الربايه ماهو لو معلمك كان علمك الادب مكنتش كلمتني كدا
بندق : لا اله الا الله لي الغلط بس يا ست
الحاج حسين :في أي يا واد يا بندق علي الصبح؟
بندق:يا معلم شوف الست صابرين جايه تجر شكل على الصبح
صبرين :انا برضو
الحاج حسين :خير يا صابرين عنوان الخناقه بتاع النهارده والا اي؟
صبرين وهي تتحدث بدلع :الله يعني يا حاج يرش عليا مايه وانا معديه كدا رايحه اشوف رزق وقال اي يقولي ماشوفتكيش لي وانانمله يا حاج
حسين بسخريه :لا العوف، انتي عاوزه اي يا صابرين؟ مش كفايا اللي اخدتي عاوزه اي تاني؟
صبرين وهي تقترب منه:الله انا عملت حاجه يا حاج دا انا حتى سكره الحاره عمرك شوفت حد في جمالي والا في حلاوتي، وبعدين اخدت اي ورثي واخدته من جوزي الله يرحمه اي اجرمت انا
حسين:ايوا بس الشرع قالك تاخدي حقك اه مش تاخدي حق ولاده
صبرين: والله بقا كل واحد وشطرته، وبعدين اي، مانفسكش تجدد يا حاج والا اي دا حتى ام احمد راحت عليها يعني وكبرت في السن
حسين وهو ممسك يدها بعنف ويقول :بقولك اي يابت انتي ماتجبيش سيرة ام احمد علي لسانك الظفر دا سامعه والا لا وحسك عينك تقربي من حد من العيله هكون جايب خبرك يلا من هنا
صبرين:ااااااه بقا كدا ماشي يا حاج بيني وبينك الزمن يا حاج سلام
بندق:يا بااي دي مرا بارده هو في كدا
حسين :انا رايح اتوضي تاني يا بندق خالي بالك من الدكان، وبالمره اشقر على البت هبه واقفه من صباحية ربنا في دكان ابوها مش عارف انا البت دي غاويه مرمطه
بندق : يا معلم واقفه مكان المعلم على الله يرحمه مش بدل ما المعلمين ولادوا محدش فيهم بينزل ولا بيقف كله مشغول في اشغاله التانيه وفي جامعاته
حسين:معاك حق محدش فيهم وقف واقفه راجل كدا زيها الله يقويها يلا سلام
بندق :سلام يا معلمي
بقلمي منه وائل
♥️♥️♥️♥️♥️♥️♥️♥️♥️ في منزل العطارين في شقه الحاج حسين
جليله :يالهوي يااما نفوخي مش قادره
هدى :في أي بس يا ماما مالك؟
جليله :نفوخي يا بنتي مش قادره
هدى :طب خدي برشامة الصداع وانتي هتبقى كويسه
جليله :لا ابوكي محرج عليا مااخدتش اي ادويه من دي
هدى :ياسلام اومال هتخفي ازاي بس؟
جليله :قومي اعمليلي حبه من الخلطه اللي ابوكي عملهالي دي انا بروق عليها
هدى :يا ماما الحاجات دي مسكنه بس، وقولتلك ميت مره لازم نروح لدكتور الأعشاب دي مش بتعمل حاجه دي تخلف
جليله بغضب :اي تخلف، انتي اتجننتي يا هدى بقا الأعشاب بتاعة ابوكي تخلف غوري من وشي يلا غوري
هدى :يا ماما والله ما اقصد انا بس خايفه عليكي والله
جليله :ملكيش دعوه، ملكيش دعوه ياختي ويلا اتفضلي قومي هاتي الخلطه بتاعة ابوكي واتفضلي على اوضتك عشان تذاكري مش كل سنه تطلعي بتقدير زي الزفت كدا
هدى :يووو بقا يا ماما كل شويه تزلني بالكلمتين دول في أي، وبعدين النهارده الجمعه يعني اجازه مفيش مذاكره
جليله :دا اللي انتي فالحه فيه يلا قومي
هدى :حاضر، حاضر اديني قومت اهو
جليله :اي ياربي البت دي
بقلمي منه وائل
♥️♥️♥️♥️♥️♥️♥️♥️♥️
في شقة الحاج علي
الحاجه سوميه :بت يا عيشه، يا عيشه
عيشه :ايوا يا ستي
سوميه :فين بقت الفطار يا بت
عيشه :بجهزوا والله اهو ياستي
سوميه:انتي لسه بتجهزي يابت ماتخلصي زمانهم صحيوا هيفطروا اي دلوقتي
عيشه :حاضر ياستي حاضر
رامي :صباح الخير يا ست الكل
سوميه :يسعد صباحك يا اخويا، اي صاحي بدري النهارده يعني مااختك كل يوم تصحى فيك وانت ولا هنا اشمعنا يعني
رامي :بصي اصل النهارده هنبداء في مشروع التخرج اللي الدكتور قايلنا عليه فلازم بقا اصحى بدري وكدا
سوميه وهي تلوي شفتاها:مشروع برضو؟!
رامي :اه والله العظيم مشروع حتى ابقى اسألي احمد ماهو معايا في نفس المشروع برضو
سوميه :اه ا حمد، اهو انا بقا نفسي تطلع زي أحمد دا كدا، عارف اهو انا دلوقتي فهمت انت موكوس لي عشان مش طالع لأحمد اترزع كول يلا
رامي :يووو بقا كل يوم نفس الكلام انا ماشي
سوميه:خد ياض هنا انا مش قولت اترزع كول
رامي :ماهو لازمته اي الفطار ماانتي بتقولي كلام يسم البدن على الصبح
سوميه :انا بقول كلام يسم البدن ياض انت، الله يرحمك يا حاج لو كنت موجود مكنش يستجراء حد من عيالك يقل أدبه كدا
رامي وهو يقبل راسها :ياست الكل والله مااقصد حقك عليا
سوميه :مش كفايا اختكم اللي واقفه مكان ابوكم من يوم ما مات وطالع عينيها وشقيانه
رامي :ما هي اللي ما بتسمعش الكلام قولتلها هنوقف اي حد وهي تقعد رفضت
سوميه :عشان اصيله لي نوقف حد واحنا موجودين اذا كنت انت او اخوك لي البنت هي اللي تقف وانتوا لا؟
رامي :بصي يا ماما انا ماليش دعوه بالكلام دا انا ماليش اصلا في شغل العطاره ده هى بتفهم فيه اكتر
سوميه :طب حش يا اخويا حش
يوسف :صباح الخير
سوميه :صباح النور يااخويا
يوسف وهو يقبل راسها :مالك ياست الكل بس اي اللي مضايقك
سوميه :مفيش حاجه
يوسف :الله ازاي بس دا القمر زعلان اهو في أي؟
سوميه :يرضيكوا دكانة ابوكوا البنت هي اللي تقف وانتوا لا، دا يعتبر بنات العيله هما اللي واقفين وانتوا مش بتعملوا حاجه، دي أسرار بنت عمك حسين بقا ليها صيت ومسمع في كل الحواري اللي جنبنا، وبتساعد ابوها في كل حاجه، اينعم مسترجله حبتين بس نافعه ابوها، والا هبه اختك اللي واقفه زي الراجل في الدكان
يوسف :احنا اللي هنعيده هنزيده في الكلام دا ياأمي، انا معيد في الجامعه مينفعش اني اسيب شغلي الاساسي واقف في دكان عطاره خلاص بقا وكفايا كلام في الموضوع دا عن اءذنكم
سوميه :يوووه وانا كنت قولتله ينزل بيزعق ليه دا، انتوا حرين
في شقه الحاج وليد
فتحيه :ماتقومي يا زفته ياللي اسمك ندى انتي واخوكي اللي موطين راسنا في العيله والله مش كفايا اللي ابوكي عامله راح اتجوز رقاصه واخدت كل اللي حيلته الا ماسبلنا حاجه بقنا عاله على عمامك ياختي قومي
ندى :يووو بقا ياماما ارحمني مش كل يوم الاسطوانه دي، بابا وغلط انا ذنبي اي؟
فتحيه :والا اخوكي، اخوكي اللي هج وسابنا طالع زي ابوه بظبط ياربي انا دايما كدا حظي مهبب راجل دنى وضيع حقنا وعيال فاشله، عمركم ماتطلعوا زي ولاد جليله ابدا
ندى :بس خلاص انا قومت مفيهاش نومه خلاص هو يوم باين من أوله
فتحيه :يارب صبرني علي مابلتني
بقلمي منه وائل
♥️♥️♥️♥️♥️♥️♥️♥️♥️
في دكان الحاج علي
زبونه:دا انا شعري بقا كل يوم يقع يا هبه جبتله زيوت وشامبوهات وكريمات بالكوم وبرضو بيقع
هبه:لا بصي كل الكلام دا مش هيعمل حاجه، بصي
زبونه :خير يابنتي
هبه:دي خلطه انا اللي عملتها بأيدي ومش انتي أول واحده تستخدميها، معظم ستات الحاره استخدموها وماشاء الله شعرهم اي بقا طول كدا
الزبونه:ايوا بس دي معموله من اي؟
هبه:بصي دي معموله من فصين توم مع حبة البركه وشويه عسل نحل وعلبة زبادي بس تكون بلدي مع شويه جنزبيل شعرك هيطول وهيبقا ناعم وبيلمع كدا
الزبونه :يسمع من بوقك ربنا
هبه:ان شاء الله
الزبونه :كام ياهبه يابنتي؟
هبه:لا انتي تستخدمي الأول وبعدين تيجي تقوليلي النتيجه لو مجبش نتيجه يبقا مش هخد فلوس وهديكي خلطه غيرها
الزبونه:ربنا يخليكي يابنتي يارب ويصلحلك حالك، فوتك بعافيه بقا
هبه:الله يعافيكي ياختي
حسين :صباح الخير يابنتي
هبه :صباح الخير ياعمي والله نورت الدكان اتفضل اقعد اتفضل
حسين : اخبارك يابنتي واخبار الشغل معاكي
هبه :الحمدلله ياعمي الشغل زي الفل
حسين:عارفه بتفكرني بابوكي اوي وبنفس قعدته وكان دايما يعمل خلطاته دي
هبه :ربنا يرحمه
حسين : ربنا يرحمه، بقا بدل ماتقعدي في البيت وتتهني زي كل البنات بتتعبي روحك كدا، منا قولتلك هقف مكانك انا أو هوقف حد لي البهدله دي، وبعدين مش كفايا عليكي الجامعه
هبه :لا ياعمي كدا احسن مينفعش حد تاني يقف مكان بابا لازم حد من وَلاده بس تقول اي بقا اخواتي ايدك منهم والقبر
حسين :معلش يابنتي هما كدا هنعمل اي يعني، المهم انتي مش محتاجه حاجه انا هروح اصلي الجمعه
هبه :لا ياعمي عاوزه سلامتك
بندق :الحق يامعلمي
حسين بفزع :في أي يا واد؟
بندق:الست أسرار بتتخانق
حسين :اييييييي
الفصل الثاني
حسين :معلش يا بنتي هما كدا هنعمل اي يعني، المهم انتي مش محتاجه حاجه انا هروح اصلي الجمعه
هبه :لا ياعمي عاوزه سلامتك
بندق الحق يامعلمي
حسين بفزع : في أي يا واد؟
بندق :الست أسرار بتتخانق
حسين :ايييييييييييي، بتتخانق فين ومع مين ياض
بندق :بتتخانق مع الحاج عطوان وماسكه في رقبته والحته كلها مش عارفه تتصرف
حسين :يا حول الله يارب هو كل يوم مشاكل على صباح ربنا، اما اروح اشوف البت دي يا بنتي
هبه :ماشي يا عمي ، ربنا يستر يارب
بقلمي منه وائل
♥️♥️♥️♥️♥️♥️♥️♥️♥️
في الحاره
أسرار :وكتاب الله ما هخلي في وشك حته سليمه عشان انت راجل ماشوفتش ريحة التربيه، راجل دا اي، دا انت ماتسواش حاجه في سوق الرجاله
عطوان :انا مش عاوز امد ايدي عليكي عشان عامل احترام بس للحاج حسين، وعشان مش بمد ايدي علي نسوان
أسرار :ههه، نسوان دا اي يا راجل يا عره
حاج حسين :بااس، في أي يا أسرار اي اللي بيحصل دا؟
أسرار :واحد وعاوز يتربى ياابا فبربي
حاج الحسين :يابنتي عيب كدا نزلي ايدك دا الحاج عطوان
اسرار :عطوان، عطوان على نفسه ياابا، دا واحد لسه مااتعلمش عليه في السوق انا بقا اللي هعلم عليه
حاج حسين :يابنتي كفايا كدا حرام عليكي الراجل هيموت في ايدك
أسرار :عشان خاطرك انت بس ياابا اهو سبته
عطوان :يرضيك اللي حصل دا يا حاج حسين
حاج حسين :هو اي بس الللي حصل، عشان يحصل كل دا؟
عطوان :انا كنت جايب بضاعه للدكاكين بتاعتكم وخلاص جاي عشان اتفق معاك، لاقتها في وشي قولت هي فاهمه الشغل بتاعكم وعارفه الحسابات، تمم
الحاج حسين:تمم اوي كمل
عطوان :المهم بنتحاسب زي ما كل مره بنتحاسب، بس المره دي الفلوس زادت 100 جنيه فبقولها، لسه بفهمها ليه زادوا قمت هبت فيا، اقولها يابنتي اهدي هفهما شتيمه وتهزيق وضرب فيا يا حاج واهو دم زي ماانت شايف
حاج حسين :معلش يا حاج عطوان حقك علي داماغي وادي حقك اهو وزياده 200جنيه، وروح ما الواد بندق يشوف جرحك دا
حاج عطوان :لا يا حاج لا رايح ولا جاي في حته اما هخد حقي واتكل على الله وكفايا تعامل بينا اوي لحد كدا
حاج حسين :قول كلام غير دا يا حاج معلش حقك عليا بقا
حاج عطوان :لا كدا كفايا اوي سلام
أسرار :المركب اللي تودي يا اخويا مش ناقصه قرف
حسين:ينفع اللي عملتي دا يابنتي عماله تخسرينا في الناس وبعدين دا مش اول تاجر تتخانقي معاه لي كدا يابنتي
أسرار :ما هما اللي عالم زباله يا أبا
حسين :يعني الناس دي كلها غلط وانتي اللي صح
أسرار:ايوا
حسين :يا بنتي ارحمني بقا وسيبك من اللي انتي عملاه في نفسك دا بقا في بنت تكون بالشكل دا
أسرار:ماله شكلي ياابا ماانا زي القمر اهو
حسين :ماقولتش حاجه بس برضو لازم تهتمي بنفسك كدا انتي بنت يا أسرار مش راجل وبعدين تعالي يلا على الدكان عشان انا رايح اصلي عشان بعد الصلي عاوزك في كلمتين
أسرار :حاضر يا ابا
بقلمي منه وائل
♥️♥️♥️♥️♥️♥️♥️♥️♥️
في شركه عمار
مني:والله يافندم انا كلمته بس برضو هو مسر على الإعلان دا. وبالشكل دا، طب يافندم وانا اعمل اي؟، طيب طيب سلام أصله وصل
عمار :صباح الخير يا مني
مني:صباح الخير يا عمار، على فكره عمو عادل اتصل بيا من شويه
عمار وهو يجلس :خير كان عاوز اي؟
مني :هيكون عاوز اي يعني نفس الموضوع
عمار وهو يضع بعض القهوه في الكوب :والله هو عارف كويس ردي لي بيعيد ويزيد
مني باءنفعال :يعيد ويزيد اي بس يا عمار ماهو معاه حق صفقه زي دي مينفعش تفوتها وبعدين الإعلان لو اتعمل بالشكل دا كل حاجه هتبوظ والمودلز اللي انت جايبها دي شكلها وحش اوي وبيئه
عمار :مني، هو اللي موديلز شكلها وحش وبيئه هو انا هتجوزها وبعدين من امتى حد بيختار الموديلز غيري، مني لوسمحت روحي على مكتبك عشان انا دماغي هتنفجر اتفضلي
مني :بقا كدا ماشي يا عمار
عمار :استنى عندك، انتي كنتي هنا بتعملي اي صحيح؟
مني بتوتر :ها لا دا انا كنت بدور على ورق الإعلان بس ملاقتهوش هروح اشوفوا في أي حته كدا والا كدا
يمكن في مكتب روقيه والا حاجه
عمار :طيب
بقلمي منه وائل
♥️♥️♥️♥️♥️♥️♥️♥️♥️
في شقه حسين
جليله :يا هدى انتي يابت ياهدي
هدى :نعم ياماما
جليله :خدي ونبي يابنتي ادي الورقه بتاعة الحاجات دي للولا بندق عشان يجبهالي وانتي راجعه ابقى نادي على خالتك كوثر عشان عاوزاها
هدي:يا ماما انا اعمل لي كل دا مافي حاجه اسمها تليفون اتصلي عليه وخلي يعمل هو كل دا
جليله:مبحبش اشيل المدعوء دا وانتي عارفه كدا يلا ربع ساعه لا أقل من ربع ساعه لو مجتيسَش هخلي ابوكي يسود عشتك يلا
هدي:يوووو بقا حاضر حاضر
...................
هدى وهي تهبط الدرج :كل يوم بحاجه جديده انا تعبت والله العظيم
رامي وهو يقف أمامها :تعبتي من اي ياروحي
هدى بفزع:عااا، يالهوي حرام عليك يا رامي خضتني
رامي :اسم الله عليكي من الهضه يابنت عمي، اي رايحه على فين كدا؟
هدى :اي وانت مالك الله
رامي :لا والله وانا مالي برضو، دا مالي و َكل حاجه، رايحه فين يا بت؟
هدى :رايحه ادي الورقه دي للواد بندق وانده على خالتي كوثر ماما عاوزاها
رامي وهو ينظر لها : ونازله كدا؟
هدى :كدا اللي هو ازاي؟
رامي بغضب :كدا اللي هو كدا، اي اللي انتي لابساه دا انتي رايحه تسهري
هدى :في أي يا رامي منا لبسي كله كدا هو جديد يعني
رامي :ايوا بس انتي نازله الحاره يعني مش رايحه حفله يعني
هدى :خلاص بقا يارامي وبعدين انت زعلان لي وانت يعني خطيبي
رامي:هيحصل وحياتك بس اخلص من السنه دي واتعين وهتبقا فل
هدى:ان شاء الله
جليله :يا هدى
هدى :يالهوي ماما
رامي بفزع :اذيك يا خالتي والله حسك في البيت مالي علينا
جليله :اذيك يارامي واذى امك
رامي :بخير ياست الكل
جليله :مالك واقف كدا ليه وموقف البت
رامي :ها... اصل... اصل كنت بسأل على عمي فكنت يسالها يعني
جليله :اه، عمك في المسجد يا رامي او زمانه خلص روحله الدكان، وانتي اخلصي يلا
هدي :حاضو يا ماما
بقلمي منه وائل
♥️♥️♥️♥️♥️♥️♥️♥️♥️
في دكان الحاج وليد
صبرين :انا مش قولتلك ياض انت تتعامل مع نفس التجار اللي هما بيتعملوا معاهم
سعيد :والله يامعلمه هما نفس التجار اللي بيتعملوا معاهم انا كمان بتعامل معاهم
صبرين :الله، اومال في أي، الناس يااخويا بتشتري منهم هما واحنا لا كأن في عفريت في الحاجه هنا
سعيد : مش عارف والله يا معلمه
صبرين :استنا يا واد في زبونه اهي هاتها على هنا بسرعه
سعيد :حاضر يا معلمه
صبرين :منوره منوره ياختي اتفضلي
الزبونه:بقولك اي انا عاوزه خلطه للحبوب اللي في وشي دي
صبرين :غالي والطلب رخيص، دا هتحطي منه على وشك بليل والصبح وادعيلي
الزبونه: بكلم دا؟
صبرين :بخمسين بس
الزبونه:نعم ليه أن شاء الله هيقلبني ياسمين صبري، وبعدين دا ريحته معفنه اوي، لا خلاص مش عاوزه
صبرين :استنى بس يا وليه انتي استنى، وبعدين انتوا اللي هضيعوني يا عطارين
بقلمي منه وائل
♥️♥️♥️♥️♥️♥️♥️♥️♥️
في دكان الحاج حسين
أسرار وهي تضرب بندق :يااخي، يااخي انا قولتلك بيتحط دا برضو هتبوظ الخلطه الله يخربيتك
بندق:الله في أي ياست أسرار معلش اتلغبطت هو لازم ضرب يعني
أسرار :اه لازم ضرب لان الضرب هيفكرك كل اما تغلط تفتكر ايدي
هدى :خد يابندق ست جليله بتقولك عاوزه الحاجات دي
بندق :من عينيا
أسرار:بندق انا تخلص تروح لهبه الدكان تقف مكانها على ماتيجي من الجامعه ماشي
بندق :ماشي يا ست أسرار
أسرار :خدي هنا يابت
هدي: نعم
أسرار :هو انتي رايحه فين كدا؟
هدى :رايحه لخالتي كوثر امي عاوزاها
أسرار :طب انتي هتروحي الجامعه النهارده
هدي:لا بس اشمعنا؟
أسرار :اصل كنت عاوزه اروح معاكي
هدي :تاني يا أسرار، وتعملي مشاكل تاني
اسرار:لا والله مش هعمل مشاكل، وبعدين انتي بتزلي اختك الكبيره، وانا يعني عشان مادخلتش جامعه ذيك
هدي:مش قصدي والله، خلاص هخدك معايا بكره
أسرار :ماشي يلا روحي، الطموح حلو
بقلمي منه وائل
♥️♥️♥️♥️♥️♥️♥️♥️♥️
في منزل الحاج وليد
ندى :ايوا يابنتي، لا خلاص بجهز الحاجه اهو وهابس الجزمه وجايه، طب انا بصراحه اول مره اطلع معاكم وكدا وخايفه، خلاص خلاص، طيب لو ماما سألتك، خلاص ماشي
فتحيه:رايحه فين يا بت
ندى :ها يا ماما ماانتي عارفه رايحه الجامعه وهتأخر اصل عندي محاضرات كتير اوي
فتحيه :اه، طب استني انده رامي ابن عمك يوصلك
ندى :لا لا يا ماما انا هروح لوحدي يلا
سلام سلام
فتحيه :عوض عليا عوض الصابرين يارب
بقلمي منه وائل
♥️♥️♥️♥️♥️♥️♥️♥️♥️
في الجامعه
طالبه :اهي وصلت ست العطاره اهي
طالبه٢:انا مش فاهمه انا ازاي أشكال زي دي تدخل الجامعه
امنيه:صباح الخير يا هيه عامله اي
هبه:صباح النور ياامنيه
امنيه :اي يابنتي مش بتيجي
هبه :ماانتي عارفه بقا الشغل
امنيه:منا قولتلك قبل كدا يا هبه الشغل دا مش بتاعك دا كفايا في الجامعه مسمينك هنا الشيخه هبه للعلاج العطاري بسبب خلطاتك دي
هبه :بصي يا امنيه يقولوا اللي هما عاوزين يقولوا انا مقتنعه باللي انا بعمله ويلا عشان المحاضره
.....................
المعيد :وبكدا نكون خلصنا محاضره النهارده
هبه :الدكتور ذا شرحه جميل اوي
مراد :صباح الخير يا شيخه امنيه بقولك اي مش معاكي خلطه كدا للقولون اصل مش قادرهههههههههه
زين:او خلطه للجواز اصل هموت واتجوز هههههههه
هبه:اه طبعا فيه بالنسبه للقولون هجبها معايا المره الجايه، اما الجواز بقا فللاسف المخنثين مابيتجوزوش
الطلاب :هههههههههههه
زين :انتي بتستهبلي يابت والا اي، اي اللي انتي قولتي دا
هبه :بت اما تبتك ولتاني مره بقولك لو اتعرضتلي تاني كرمتك دي هتكون في الأرض تحت رجلي
زين:تحت رجل مين يابت انا......
وأثناء شجارهم سمعوا أصوات صراخ
عاااااااااااااا
هبه بفزع:اي في أي....