الحلقة السادسة عشر والسابعة عشر
بقلم شيمو الخطيب
الحلقه ١٦
💕لا إله إلا الله العظيم الحليم، لا إله إلا الله رب العرش الكريم، لا إله إلا الله رب السماوات والأرض ورب العرش العظيم.💕
بسم الله نبدأ
سحر قعدت وبتشرب العصير وخالد بيراقبها بخبث،، وبيعد الفلوس اللي معاه
سحر خلصت جزء من العصير، قام خالد وقف وقال بخبث: اتفضلي ياسحر، دي يوميتك انهارده وبكره، هاتي لوالدتك العلاج، وخليها تدعيلي
سحر الرؤية مشوشه عندها: ها،،، اه صح اليوميه، ماشي، انا هاخدها اهو، وبتمد اديها بعشوائيه ومش عارفه توصل للفلوس
خالد بيبصلها ومتابع حركتها: ايه ياسحر مالك، انتي حاسه بحاجه
سحر: لا، لا، مفيش، انا زي الفل، بس مش عارفه كده، انا دايخه ليه، هات بس انت الفلوس وانا هبقي زي الفل
وقامت وقفت، وكانت لسه هتقع خالد لحقها
خالد بيبتسم بخبث: سحر، انتي شكلك تعبانه، تعالي ريحي عندي شويه وبعدين ابقى اوصلك
سحر زقت اديه: لا، اريح ايه ياخالد بيه، انا زي الفل، بس انا.....، بص انا هاخد الفلوس وامشي، وبعدين ابقى......
تاهت سحر تماما، ونامت على الكنبه، وفي اللحظه دي خالد شالها وطلع بيها على اوضته
سعاد واقفه ومراقبه اللي بيحصل، وصعبان عليها سحر، لكن مفيش في اديها حاجه خالص، لأنها للأسف، مهدده بالفضيحه، زيها زي سحر بالظبط
خالد طلع الاوضه وحط سحر على السرير، وقلعها حجابها، وقلعها بلوزتها وكانت لابسه تحتها بدي حمالات رفيعه.
وقلع هو قميصه ونام جنبها، وصورها في أوضاع مش محترمه،
وبعدها دخل الحمام غسل وشه، ونزل، قعد في الريسيبشن
سحر صحيت من نومها، وبصت حواليها بعدم تركيز، وفجأه فتحت عنيها على الآخر بصدمه، لما لقت نفسها مش في اوضتها
سحر قامت بسرعه من على السرير، وبتلف في الاوضه يمين وشمال، وفجأه شافت نفسها في المرايه
حطت اديها تداري جسمها، ومش مصدقه نفسها من الصدمه،
سحر بعياط هستيري: يانهار اسود،، يانهار اسود، (وافتكرت خالد) الله يخربيت يا خالد الكلب.، الله يخربيتك وبعياط وهيستيريا اكتر
حسبي الله ونعم الوكيل فيك،، حسبي الله ونعم الوكيل فيك، ربنا ينتقم منك يا شيخ، ربنا ياخدك يا رب، اعمل ايه انا دلوقتي، أوري وشي لامي ازاي، هواجه اهل البلد ازاي، يانهار اسود، دي امي تروح فيها، لا حول ولا قوة الا بالله العلي العظيم، يااارب، خليك معايا، يااارب استرها معايا يارب
وقامت ولبست هدومها وحجابها ونزلت لخالد
خالد قاعد في الريسيبشن بياكل فاكهه ويتفرج على التلفزيون، وممدد رجله على الكنبه
سحر نازله ووشها بيطلع نار : جريت على خالد ومسكته من هدومه وقالت بصوت عالي،،،،،،، انت ايه انت عملته بالظبط، ايه اللي انت هببته ده،، حرام عليك يا أخي، انت معندكش قلب
خالد اتعدل ونزل ايدها واتكلم ببرود: مالك ياسحوره بس، ده انتي اللي طلعتي لئيمه،، بقه تيجي البيت وتستغلي الموقف، وتغريني، مش عيب عليكي تبقى مفهمه البلد كلها ان أخلاقك عاليه، وانتي ولا مؤاخذه،.....
سحر بصدمه ونرفزه: أخرس يا حيوان، انا أشرف منك ومن عشره زيك، وانت عارف كويس مين اللي لامؤاخذه، للأسف انت مينفعش يتقال عليك راجل
خالد وقف وضربها بالقلم وهي اتصدمت ودموعها نزلت :اخرسي يا زباله،،، انتي نسيتي نفسك ولا ايه يابت انتي، نسيتي انتي بتكلمي مين، بصي بقه يا سحر عشان نبقى على نور، انا عايز منك طلب، وانا واثق انك هتنفذيه، والا انتي عارفه انا ممكن اعمل ايه
سحر حاطه ايدها على وشها ومش مصدقه اللي بيحصل وحاسه انها بتحلم، وقعدت على الكنبه، وحطت راسها بين اديها، وبتعيط بهستيريا
خالد بنرفزه: بقولك ايه يابت انتي، انتي هتصدعيني ولا ايه، انا هطلب منك طلب، وهتنفذيه وتغوري من وشي،
سحر وقفت : اتفضل قول وخلصني، انا عايزه اخلص منك ومن قرفك
خالد: اممممممم ماشي هعديها بس عشان انا محتاجك، وانتي كمان محتجاني،، وكمل بخبث،،، بصي ياسحوره (وحط ايده على وشها وهيا زقت ايده بقوه)، انا عايز أسألك سؤال وتجاوبي عليه، واعملي حسابك، انك لو فكرتي تتكلمي، أو تحكي حاجه، أو ترفضي تجاوبي، هتلاقي الفيديو نازل على صفحة البلد، وهخلي الشباب كلها تفرح وتتبسط ببنت بلدهم، وهيبقي عليكي شغل عالي قوي، هههه
سحر وقفت وقلبها دق بخوف من المجهول اللي مستنيها وكملت بغيظ: أخرس ياحيوان . انا بجد مش طايقه ابص في وشك، انجز بقه وخلصني، خليني اغور من هنا
خالد: انا عايز اعرف منك......
-------------------- بقلم شيمو الخطيب
في فيلا العزيزي
صحيت عشق من نومها، ودخلت الحمام، واتوضت وبدأت تصلي
هدى نزلت وبتدور على عشق، ملقتهاش في المطبخ، دخلت الاوضه لقيتها بتصلي، وسجده وبتعيط، نفخت بضيق وسابتها وخرجت واتصلت على زينب عشان تبلغها انهم قطعوا الاجازه ووصلوا، وزينب قالت إنها هتيجي انهارده مسافة السكه بس
عشق خلصت وخرجت،
و حاسه بخنقه من كل حاجه : صباح الخير يا ست هدي
هدى بضيق: خير، وهيجي منين الخير طول ما انتي هنا
عشق ادايقت من كلامها، : استغفر الله العظيم، خير ياست هدى، مش كفايه حازم بيه، وَلا حضرتك هتكملي كمان
هدى قربت منها واتكلمت بنرفزه:انتي هتستهبلي يابت انتي، انتي محسساني انك بريئه، ودور البراءه ده ميمشيش معايا خالص، اوعي تكوني فاكره انك زي مضحكتي على قاسم ابني. هتضحكي عليا انا كمان، لا أنسى، انا صحيالك قوي وعارفه الاعيبك دي كويس،
عشق بكسره واحساس بالظلم: الله يسامحك ياست هانم، بس انا ملعبتش على قاسم ولا حاجه وربنا عالم بكل شيئ
هدى بنرفزه وصوت عالي: اسمه قاسم بيه، انتي فاهمه ولا لا، واوعى تنسى نفسك، انتي مجرد، خد.......
قاسم نازل من على السلم وسمع الحوار : وبصوت عالي،،، اسمي قاسم بس، ووصل (وبص لهدي وشه في وشها) قاسم بس، اظن انا قولتلك كده مليون مره ياعشق،
ولف وشه لعشق: اوعي اسمعك في يوم تقولي بيه، دي تاني، قاسم وبس،
هدى بصدمه : قااااسم، فوق بقه، حرام عليك انا تعبت، ومبقتش حمل كده
قاسم ببرود :أفوق!!!! هفوق ايه اكتر من كده، انا فايق جدا يا هدى هانم، انتو اللي مش عايزين تصدقوا بس
هدى بدموع: لا يا قاسم، انت مش في وعيك، انت لو في وعيك مكنتش عملت كده ابدا، ولا حطتنا في الموقف ده
قاسم؛: آآآآآآه، قولي كده بقه، حطتنا ، يعني كل خوفك علي شكلك انتي وحازم بيه، لكن سعادتي متفرقش،اممممم بصي بقه ياهدي هانم،، ومشي ناحيتها،،، انا عند كلامي، وعمري مهتنازل عن عشق مهما كان التمن، اظن فهماني
هدى بدموع : قاسم، انت ازاي تكلمني كده، انا امك، امك اللي بتخاف عليك وتحبك، امك اللي كل اللي يهمها سعادتك، بس مش مع عشق، لأنها مجرد نزوه، نزوه وتروح لحالها بس بعد فوات الأوان يا قاسم، فووق قبل ماتندم، فوق ياقاسم
قاسم بعدم تصديق: هههههه مصلحتي، مصلحتي ايه اللي بتخافو عليها، انتو كل اللي يهمكو هو البرستيج وبس، مركزكوا وسمعتكو ا وبس، لكن انا طز، سعادتي وحياتي طز،. وبصوت عالي،،، مش ده الي يهمك يا هدى هانم يا سيدة المجتمع
هدى بغياط: انا كده ياقاسم، هي دي فكرتك عني، هو ده اعتقادك عن امك ياقاسم، من امتى وانت شايفني كده، من امتى وانا كده في نظرك ياقاسم
قاسم بوجع: ياااااه، من زمان يا أمي بس انا اللي مكنتش بتكلم، لاني كنت شايف ان كلكو واحد، زيك زي فريده زي رنا زي جيجي، زي غيركو كتير،،، ، انا محستش بالحياه الا جنب عشق (وبص لعشق في عنيها)، محستش بالسعاده الا وانا معاها، مضحكتش من قلبي، الا في وجودها، ليه عايزه تحرميني من كل ده، عشان ايه، عشان هيا. خدا.....
حازم نازل من فوق:وبعدين معاكو بقه، انا مش نهيت الموضوع ده خلاص، ولا هنفضل نتكلم فيه كتير، الموضوع اتحسم خلاص، ولحد كده وكفايه كلام فيه،. (وبص للسفره) وبعدين فين الفطار، ولا ناوين تمشوني من غير ما افطر
هدى بدموع: زينب لسه مجتش واتصلت بيها وقالتلي هتيجي انهارده ان شاء الله
حازم بص لعشق: معلش ياعشق، ممكن تحضري الفطار انهارده على ما زينب تيجي
قاسم بغيظ وصوت عالي: عشق، ادخلي غيري هدومك حالا احنا هنفطر بره انهارده
حازم وقف بغيظ وبيصك على اسنانه: معلش ياقاسم، انهارده بس ، على ما زينب تيجي
قاسم بعند: ممكن ماما او رنا يحضروه لكن عشق لا، (وبص لعشق) اوعي اشوفك داخله المطبخ ده تاني ياعشق، واتفضلي يلا غيري هدومك وانا هستناكي في العربيه
عشق بخوف وقلق: لا بلاش العربيه خليك هنا،، وبصت على هدى وحازم
قاسم بصلهم وفهم عشق: حاضر يا عشق، انا هستناكي هنا، بس عايز اقولك حاجه،،، وقري منها.... اوعي تخافي طول ما انا معاكي، انا مش عايز ابص في عنيكي والاقي دموع، دموعك دي بتوجع قلبي ياعشق، صدقيني ياعشق، انتي أغلى عندي من نفسي
عشق بتبصله وتايهه في عنيه، وحاسه ان نفسها تترمي في حضنه ومتسيبوش لو هتموت،
قاسم كمل: عشق،
عشق بتوهان؛ هااا
قاسم : انا بحبك ياعشق، بحبك قوي،
عشق ابتسمت بدموع وقاسم قرب منها ومسح دموعها بايده، وفاقو على صوت عياط هدى
وحازم قام زعق: لااااا كده كتير بجد،، جرا ايه يا استاذ، انت مش حاسس اننا قاعدين ولا ايه، طب اعمل احترام لينا، وبعدين فطار ايه اللي بره وانت عندك شغل كتير في الشركه
قاسم ببرود:اعتبرني لسه في السخنه ياحازم بيه، ولا عشان الموضوع مش على هواك هتعقده، بص يا حازم بيه، انا مش جاي الشركه الا بعد استلام الشحنه، او بمعنى أصح، بعد جوازي من عشق، ايه عريس ومن حقي اتدلع،
حازم كتم غيظه وخبط باديه علي السفره، وهدى هتموت وحاسه ان ابنها هيموتها بعناده، ورنا مراقباهم من فوق، وحزينه على حبها، وعلى موقف حسام منها وتخليه عنها
قاسم بص لعشق: يلا ياعشق ادخلي غيري وتعالي، وفعلا دخلت غيرت هدومها، وخرجت مع قاسم وركبوا العربيه واتحركوا بيها
---------------- بقلم شيمو الخطيب
في بيت سحر
قامت والدة سحر من نومها، وبصت في الساعه ولقت ان سحر اتاخرت، وقلقت جدا عليها
قامت بتعب ودخلت الحمام اتوضت وخرجت عشان تصلي
قعدت على السرير ترتاح شويه، وبدأت تصلي وبعد ما خلصت، خرجت قدام البيت تشوف وتسأل اي حد على سحر
عزه (زميلة سحر) :صباح الخير يا خالتي،، عامله ايه،
ام سحر: صباح النور يابنتي، نحمد ربنا على كل حال الا قوليلي يابت يا عزه، مشوفتيش سحر بنتي، أصلها اتاخرت، كانت كل مره بتيجي تفطرني وتمشي
عزه: لا والله ياخالتي ، مشوفتهاش، يمكن عندها شغل كتير، ولا يمكن تكون راحت لخالتي فاديه تطمن عليها ولا حاجه
ام سحر: يمكن يابنتي يمكن، ربنا يستر طريقكو ا ويخفظكوا من كل شر يارب
عزه: يارب يا خالتي، مش محتاجه مني حاجه قبل مامشي
ام سحر: لا يابنتي، تسلمي، ربنا معاكي، وأبقى سلميلي على والدتك يابت ياعزه
عزه :الله يسلمك ياخالتي تسلمي، سلامو عليكو
دخلت ام سحر بتستغفر وتدعي ربنا يسترها مع سحر واللي زيها، ودخلت تسخن ليها رغيف عيش، تفطر بيه
فتحت البوتوجاز وحاولت تولع لكن مش لاقيه الكبريت، دورت كتير مالقتش حاجه، زهقت وخرجت، راحت اوضتها تنام،
---------
في فيلا خالد
خالد: بصي ياسحوره، انا عايز اعرف منك عشق بتشتغل فين بالظبط، العنوان بالتفصيل، وطول ما انتي صادقه معايا، طول ما انا هدلعك، لكن هتقلي بأصلك، انتي عارفه انا هعمل ايه
سحر بصدمه: عشق،، ووطت على ايد خالد تبوسها،، ابوس ايدك عشق لا، عشق لا يا خالد بيه، انت عايز منها ايه، ارحمها، كفايه اللي عملته فيا، سايق عليك النبي يابيه بلاش عشق
خالد زقها بعيد: بقولك ايه، بلاش الحركات دي عليا، اقسم بالله يا سحر لو مقولتي، لابيت البلد كلها انهارده بتتفرج عليكي، وافرح كل شبابها. وصدقيني. هتطلعي بمصلحه حلوه قوي من الموضوع وهتدعيلي، واول واحد هبعتله حبيب القلب، طارق، ولا مفكراني نايم على وداني،
سحر بكسره : طارق، حرام عليك، هتروح من ربنا فين،
خالد: بقولك ايه، بلاش دور الواعظ ده لانه مش لايق عليكي، هتقولي ولا لا
سحر بعياط وكسره: والله انا معرفش عنوان، انا كل اللي اعرفه انها عند ناس أكابر قوي، لكن مين معرفش، بس هتلاقي عم سيد هو اللي عارف، تقدر تسأله
خالد: عبيطه انتي، عايزانى اسأل سيد، لا يا حبيبتي، انا بسألك انتي، وهعمل اني مصدقك، وهديكي فرصه يومين اتنين، وتكوني جايبه العنوان، غير كده، قولي على شرفك وسمعتك يا رحمن يا رحيم
سحر بكسره ودموع: روح ياشيخ، ربنا ينتقم منك، حسبي الله ونعم الوكيل فيك، حسبي الله ونعم الوكيل فيك يا خالد يا رافعي
خالد وهي ماشيه؛؛؛ استنى خدى بقية فلوسك يمكن تدعيلي بدل ما تدعي عليا
سحر بصتله بغيظ: اتفو عليك، راجل واطي؛ وسابته ومشيت
خالد مسح وشه، وقال: معلش، بكره تجيلك هي وصاحبتها راكعين، وساعتها انت اللي هتذلهم،وعدل نفسه وقعد وكمل اكل فاكهه
--------------- بقلم شيمو الخطيب
جيجي اتصلت على رنا
رنا بخنقه: الو ايوه يا جيجي، ازيك
جيجي : الحمد لله يار نا، اخبارك ايه، واخبار قاسم ايه
رنا بنفاذ صبر وضيقه: جيجي انا معرفش حاجه عن أي حد، انا دلوقتي في الجامعه، هو انتي لسه مرجعتيش من السخنه
جيجي :لا بابي قال اننا هنقضي اجازتنا عادي، لأن نفسيتي تعبانه قوي يا رنا، بس انتي فعلا متعرفنيش حاجه عن قاسم
رنا: جيجي،، صدقيني انا مشفتوش من امبارح، وسكتت فجأه
جيجي: رنا، رنا،، الو، رنا
رنا بصدمه: ايوه ايوه معاكي،
جيجي: رحتي فين يابنتي، انتي مش معايا ولا ايه
رنا :بصي يا جيجي انا هقفل معاكي دلوقتي واكلمك بعدين، يلا سلام
وقفلت في وشها و ده دايق جيجي جدا
جيجي؛ ماشي يابنت العزيزي، لما اشوف اخرتها معاكي انتي واخوكي
رنا ماشيه وداخله الجامعه واتفاجئت بوجود حسام
حسام بضحكه صافيه سحرت قلب رنا: صباح الخير على احلي عيون في الكون كله
رنا بصتله ومثلت الخنقه، بس من جواها قلبها فرحان
حسام بيلف حوالين رنا: ليك حق ياعم تتقل علينا، مهو جمالك عدي الحدود كلها
رنا بصتله تاني ووقفت : حضرتك بتكلمني انا، ولا يمكن تكون تقصد واحده تانيه أخلاقها كويسه
حسام بخنقه من نفسه لكن كمل : لا اقصدك انتي ياقمر، هو في زيك في الدنيا،
رنا مشيت وسابته وهو. مسكها من دراعها ووقف قدامها
حسام: متقفي بقه تعبتيني، عايز اقولك كلمتين وامشي
رنا بتمثيل :اتفضل بسرعه عشان عندي محاضرات
حسام عدل جاكيته، ووطي مسح جزمته، وظبط نفسه،
رنا ضحكت غصب عنها، هو انت بتعمل ايه، انت رايح تتجوز،
حسام تاه في ضحكتها وقف وقرب من وشها،: ياااااه، وحشاني ضحكتك قوي يا رنا
رنا قلبها دق بسرعه واعصابها اتوترت على الآخر، وقالت: ها، احم، ماشي يا حسام، هما دول الكلمتين ولا ايه
حسام قرب منها وهي بعدت لورا : ايه،،، بتبعدي ليه يارنا ، انا بقرب على فكره يعني لازم انتي كمان تقربي،
رنا بتوتر ولخبطه : ح،،حسا،،، حسام انت، انت عايز ايه بالظبط، انا مبقاش فيا أعصاب
حسام قرب تاني ومسكها من دراعها وقربها منه : وحشتيني يا رنا، (وبص في عينها جامد) كل حاجه فيكي وحشتني، ملامحك، ضحكتك، كسوفك، توترك، كل حاجه يارنا
رنا اعصابها انهارت من قربه وحاسه ان رجلها مش شايلاها وبصوت مبحوح :حسام انا متأخره وعايزه ادخل
حسام : انتي فعلا هتدخلي، بس هتدخلي قلبي وبيتي وحياتي يا رنا، انا اكتشفت اني من غيرك مش عايش، رنا انا بحبك بجد
رنا كانت هتقع، وحسام مسكها
حسام بضحك: رنا،، ده انتي طلعتي هفأ قوي، اجمدي يابت ولما اقولك بحبك تردي تقولي وانا بعشقك ياسي حسام،ههههه
رنا ضحكت وقالت: حسام انا مش قادره اتلم على اعصابي بجد
حسام : ههههههه خلاص تعالي العربيه اقعدي ونتكلم شويه وبعدين انزلي جامعتك، ده انا كنت فاكر اني بحب أسد، طلعتي قطه وسيامي كمان
رنا ضحكت وهو ضحك على ضحكتها
ومد ايده ليها وهي حطت اديها في اديه وركبت معاه العربيه
حسام قعد: ها ياستي تحبي تروحي حته معينه، ولا نروح على مزاجي انا
رنا: لا يا حسام، انا عايزه افضل في العربيه، واي كلام عايز تقوله قوله هنا
حسام: حاضر ياستي انا تحت امرك، (وبص في عنيها كتير)، وسكت
رنا بكسوف: احم، هو انت مش هتتكلم ولا ايه
حسام فاق: اه، اه صح، ايه ياواد يا حسام، هتفضحنا ولا ايه، هي جميله اه بس امسك أعصابك عيب كده
رنا ضحكت بصوتها كله وبصتله لقته مركز معاها قوي، اتكسفت وسكتت
حسام: يخربيت جمالك ياشيخه، هحبك ايه اكتر من كده، رنا، انا بجد اسف، اسف على كل كلمه قولتهالك، اسف على كل جرح جرحتهولك، اسف اني معرفتش احبك صح، انا بحبك يارنا، بحبك قوي
رنا بتسمع وقلبها بيرقص من الفرحه، ومش عارفه، تصالحه على طول، ولا تعذبه زي معذبها،
رنا لا إرادي ردت وقالت؛ وانا بعشقك يا حسام،
حسام بخبث: ايه،؟ . قولتي ايه،؟ ، اصلي مسمعتش
رنا بكسوف: قلت انا عايزه انزل، وبتفتح الباب
حسام مسكها : ايه يا حلوه، هو دخول العربيه زي خروجها ولا ايه، هههههه، لا أنسى، مش هتنزلي غير لما تقولي قولتي ايه
رنا بترجي: حسام عشان خاطري، انا معرفش انا قولتها ازاي، عقلي بيقولي طلعي عينه يابت زي ما طلع عينك، وقلبي طنشه ونطق في ثانيه
حسام ضحك جامد: ايه، بقه عقلك بيقولك كده، طب لما اشوفه. وانا هطلعه من دماغك فعلا
رنا ضحكت: انا طلعته خلاص ياحسام، اي حاجه تحاول تبعدني عنك انا هخرجها بره حياتي، انا مكنتش عايشه يا حسام، انا بجد مش شايفه غيرك في الدنيا، انا بعشقك بعشقك بجد ياحسام
حسام بصلها كتير وقرب منها جامد، وكان هيتهور، لكن لحق نفسه بسرعه لما افتكر قاسم وهو بيقوله ياريت متعملش حاجه تدايقني
حسام بجديه: بصي يارنا، انا عارف اني غلطت فيكي كتير، بس لكل فعل رد فعل، وتصرفي ده كان بناءا على تصرفك انتي من الاول، فأنا عايز منك انك تبطلي السلبيه اللي كنتي فيها، وتحركاتك كلها اكون عارفها، رنا انا وعدت قاسم اني اكلمه ومعملش حاجه تدايقه، وبصراحه انا مش هعرف اكلمه دلوقتي، اظن انتي عارفه الظروف اللي بيمر بيها، فهستني شويه وافاتحه في الموضوع، بس عشان خاطري يا رنا، اي تحرك ليكي لازم اكون عارفه
رنا بفرحه: حاضر ياحسام،، بس صحيح، هو ابيه قاسم عارف حاجه
حسام : لا قاسم معرفش بالظبط، بس طبعا حاسس، قاسم ذكي جدا ، بس ثقته فيا كبيره، وانا معنديش استعداد اهزها ابدا، قاسم اخويا قبل ما يكون صاحبي يارنا،
رنا باعجاب: ليه حق ابيه قاسم يحبك قوي،
حسام عدل ياقة القميص؛ طبعا يابت هو انا اي حد ولا ايه، ده انا حسام المغازي،
وضحكوا الاتنين، ونزلت رنا من العربيه، وهما نفسهم يكملوا قعده، لكن حبهم لقاسم واحترامهم ليه منعهم من انهم يعملوا اي حاجه يدايقوه بيها، واكتفوا انهم اتصالحوا وبس
--------------------- بقلم شيمو الخطيب
عند قاسم
قاسم راكب وكل شويه يبص لعشق اللي مشالتش عنيها من عليه ونفسها تشبع عنيها منه لأنها عارفه انه خلاص مبقتش هتشوفه تاني
قاسم وقف وركن العربيه ولف لعشق : ها ياستي، مالك، من ساعة مخرجنا وانتي متكلمتيش ولا شيلتي عينك من عليا،، ايه عاجبك ولا ايه. وابتسم ليها
عشق بدموع: طبعا عاجبني من اول يوم شوفتك فيه،، وقلبها بيدق بسرعه جدا
قاسم بابتسامه سحرت قلب عشق: ياااه، ده انا مسيطر بقه، وقرب منها: وانا كمان ياعشق، من اول لحظه دخلتي عليا فيها وانتي خطفتي قلبي، شقلبتي حياتي كلها، عشق، انتي غمرتيني عشق بجد
عشق ابتسمت: غمرتك، ياااه، ده تعبير دقيق قوي يا قاسم، وليه معنى كبير قوي
قاسم ضحك: ايوه فعلا، هو انتي عارفه معناه
عشق بدلع: طبعا، انت مستقل بيا ولا ايه، غمرتني بمعني ملأتني، صح ولا غلط
قاسم :صح ياقلب قاسم ( عشق صوت نفسها على، وحطت اديها على قلبها وغمضت عنيها)
قاسم: هههههه، مالك ياعشق، عملتي كده ليه
عشق بهمس : بحبك قوي ياقاسم
قاسم بفرحه كبيره : ايه، انتي قولتي ايه
عشق بتفكر انها مش هتشوفه، وعايزه تعيش على ذكرى أجمل لحظات عاشتها معاه،، قالت: قاسم،، انا بجد بحبك، انت اللي غمرتني عشق ياقاسم،
قاسم بصلها وشاور على اديها (فيما معناه انه بيستأذنها يمسك اديها)
عشق رجعت اديها ورا، وهو ضحك : خلاص ولا تزعلي، عمري ما اقدر اعمل حاجه تدايقك، كفايه اني هعيش على ذكرى حضنك ياعشق، هصبر نفسي وكلها يومين وتبقى ملكي انا وبس، وساعتها مش هرحمك،، ههههه
عشق غمضت عنيها بوجع،، يومين، انا مش عارفه هعمل ايه بعدهم
قاسم باستغراب: هتعملي ايه بعدهم ازاي ياعشق. تقصدي ايه بكده
عشق: فاقت من تفكيرها؛،،، لا مفيش ياقاسم، انا بس قصدي، اني حاسه اني ممكن اموت من كتر الفرحه
قاسم مقدرش يمسك نفسه، ومسك اديها في اللحظه دي، وقال: بعد الشر ياعشق، بلاش السيره دي، وانا اسف اني مسكت اديكي، بس مش قادر، انا بحبك بجد، وبجد اسف للمره التانيه
عشق بلهفه : متتأسفش يا قاسم،،وشدت اديها منه واتعدلت في قعدتها وحبت تخرج من التوتر،، بص ياسيدي،، انا عايزه اتفق معاك على اتفاق عشان نبدأ حياتنا على نور (قالتها وقلبها بيتقطع لكن بتحاول تبان طبيعيه)
قاسم انتبه ليها: قولي يا حبيبتي، وانا تحت امرك يا عشقي،
عشق ابتسمت بحب : عشقك، ههههه، حلوه قوي ياقاسم
قاسم بهمس:، عشقي وقلبي، وروحي وعمري كله. (وضحك جامد قوي لدرجه ان عشق اتخضت)
عشق ب استغراب وحيره: مالك يا قاسم، بتضحك على ايه
قاسم: اصلي مستغرب نفسي قوي يا عشق، انا لأول مره في حياتي اتكلم بقلبي،،، ، فعلا.،، قلبي هو اللي بيتكلم مش انا، جيجي كانت دايما تقولي سمعني كلام حب، وانا اقولها مبعرفش، انا مبعرفش احب، هههههههه، يااااه عمري ما تخيلت نفسي اتكلم كده
عشق بضيق: وانت مدايق انك قولتلي انا وهي لأ
قاسم بضحك: والله انتي مجنونه، على فكره ياعشق مش انا اللي بتكلم، قلبي هو اللي بيتكلم، لأنه حاسس كل كلمه، وعايش فيها، عشق، انتي وصلتيني لحاله انا بجد مش فاهمها، انا في حالة ما بعد العشق، هاتي مسمى ليها وقوليهالي
عشق بتفكر وبتهرش في راسها : امممممم ممكن يكون الهيام، هههههه
قاسم بيهز راسه بالرفض : تؤ تؤ، اللي بعده
عشق ضربته في كتفه : هجيبلك ايه تاني بعد كده، وقف لحد هنا، على منجيب مُسمى لاحساسنا
قاسم قرب وشه منها : مش بأيدي يا عشق أوقف قلبي، هو ماشي في طريق حبك ومش راضي يوقف.، واتمنى انه ميوقفش العمر كله
عشق بحب واحساس عالي: بحبك. بحبك قوي ياقاسم،
قاسم بصلها وابتسم، وعنيهم اتعلقت ببعض، والصمت كان هو المسيطر على الموقف
قاسم فاق:ها يا عشق، تحبي نطلع على اسكندريه
عشق: بصدمه،،،، ايه!!!!! اسكندريه
-------------------- بقلم شيمو الخطيب
سحر رجعت بيتها وهي حزينه ومكسوره، فتحت وداخله، شمت ريحة غاز شديده، كحت كتير ومقدرتش تتنفس، ودخلت جري على والدتها، واتفاجئت ب........
التفاعل قل يا بنات،
الحلقه ١٧
من (غمرتني عشق)
💕قَال رسول اللَّه صلَّى اللَّه عليه وسلَّم: (مَا مِنْ عَبْدٍ يَقُولُ فِي صَبَاحِ كُلِّ يَوْمٍ وَمَسَاءِ كُلِّ لَيْلَةٍ بِسْمِ اللَّهِ الَّذِي لَا يَضُرُّ مَعَ اسْمِهِ شَيْءٌ فِي الْأَرْضِ وَلَا فِي السَّمَاءِ وَهُوَ السَّمِيعُ الْعَلِيمُ ثَلَاثَ مَرَّاتٍ فَيَضُرَّهُ شَيْءٌ)💕
بسم الله نبدأ
أمجد بيه اتصل على قاسم، يعزمه على افتتاح المستشفى
أمجد : السلام عليكم، ازيك ياقاسم بيه
قاسم: وعليكم السلام، اهلا أمجد بيه، اخبار حضرتك ايه
امجد: انا تمام الحمد لله ياقاسم، اخبارك واخبار حازم بيه ايه،
قاسم: كلنا بخير الحمد لله، هااا نويت تفتتح المستشفى امتى ان شاء الله
امجد: انا متصل بيك عشان كده، ان شاء بكره افتتاح المستشفي، ويسعدني ويشرفني وجودك انت وحازم بيه طبعا
قاسم: الف مبروك يا أمجد بيه، بالتوفيق يارب، وأن شاء الله هحضر، انا مقدرش أرفض لحضرتك طلب طبعا
امجد: وده العشم ياقاسم باشا، انا سامع حضرتك على طريق، انت مسافر ولا ايه
قاسم؛ ايوه انا مسافر اسكندريه تغيبر جو كده وراجع انهارده على طول، تحب اجيبلك حاجه من هناك
امجد: لا الف شكر ليك، وقت ممتع ياقاسم بيه
قاسم؛ شكرا ليك جدا يا أمجد بيه، مع الف سلامه
وقفلوا مع بعض،
قاسم بص لعشق ، : ها ياقمر، ساكته ليه كده
عشق :امممم انا مستغربه نفسي قوي،، ازاي أوافق اسافر معاك بدون رابط يربطنا،
قاسم بخبث: اممم، وياتري ليه وافقتي فعلا،
عشق بصتله بحب: مش عارفه ياقاسم، يمكن عشان وانا معاك بحس اني مغيبه، مشاعري هي اللي بتمشيني ، وقلبي هو اللي بيحركني
قاسم ابتسم ابتسامة حب : وانا نفس احساسك ياعشق، انتي بجد قلبتي حياتي، خلتيها احسن، خلتيني احس اني عايش،، بس ياترى، انتي فرحانه باحساسك ده ولا لأ،
عشق بفرحه من وجودها مع قاسم. في نفس الوقت قلقانه : مش عارفه، بس حاسه اني بحلم، حاسه اني طايره ياقاسم، وخايفه افوق من الحلم واقع تتكسر رقبتي،
قاسم بحب: لا يا عشق ان شاء الله كل حاجه هتمشي زي ما انا عايز، بس ساعديني ياعشق، اوعي تتخلى عني مهما حصل، عايزك تبقى عارفه اننا مش هنرتاح في بداية حياتنا. وهنواجه عقبات كتيره، لكن حبنا أقوى منها انا واثق من كده
عشق بزعل حقيقي: وايه اللي. يجبرك على كده ياقاسم، تقدر تشوف حياتك مع واحد......
قاسم قاطعها وبنرفزه اتكلم وقال : عشق، بقه انا بقولك ساعديني وحبنا اقوي. تقوليلي اشوف حياتي مع حد تاني غيرك، عشق انا بحبك. والحب مش بأيدي يعني مش هشترط على قلبي. واقوله دي اه ودي لا، وبعدين تأكدي ياعشق، انا لو حسيت انك سلبيه وسهل انك تتخلى عني، انا بجد مش هسامحك، وهعتبر انك عمرك محبتيني، انا بجد سعادتي معاكي انتي، وانا معنديش استعداد اتخلى عن سعادتي مهما كان التمن
عشق بتسمعه وقلبها حزين ومش عارفه تسمع كلام حازم وتتخلي عن قاسم، ولا تكمل وتواجه مصيرها وقاسم جنبها، ودعت من قلبها ان ربنا يرشدها للصح ويكتبلها الخير
قاسم استغرب سرحان عشق وحاسس ان فيه حاجه: عشق، توعديني ياعشق انك مش هتتخلي عني.
عشق عيطت وسكتت،، وبتصرف عشق شك قاسم بقه حقيقه، واتأكد ان اكيد حد هددها
قاسم: حط ايده على رأسها ومركز في الطريق وقال: عشق، بصراحه كده انا واثق ان اكيد حازم ، هددك بحاجه، بس مهما كان التهديد اوعي تنفذيه، انا بحبك ياعشق، بحبك ومش هتخلي عنك، انا واثق انه قالك ابعدي و انتي مش من مستوانا، وسيبيه يشوف حياته مع وحده من وَسَطُه،، وكلام كتير من ده، وهدى هتقولك كده برده، بس انا عارف انك أقوى من كل الكلام ده، وهتستحملي عشاني،زي ما انا عندي استعداد اتحمل اي تصرف منهم عشانك انتي وبس، وتأكدي اني لما اتجوزك هنبعد عنهم، وعمري مهسمح لحد يجرحك لو حتى بحرف، بس اوعديني متبعديش عني
عشق بصتله بدموع ومردتش
قاسم بخنقه: اتكلمي ياعشق، قولي اللي جواكي. ليه خايفه تتكلمي، انا حِماكي ياعشق، انا امانك، انا كفيل احميكي من اي حاجه، طمنيني عليكي ياعشق وقولي انك مش هتتخلي عني، قولي انك جنبي ومعايا
عشق بوجع وخنقه: انا اكيد معاك ياقاسم صدقني، كل الحكايه ان فعلا والدك قال كده، لكن في الاخر اهو وافق على جوازنا، وأن شاء الله ربنا مش هيجيب بُعد ياقاسم
قاسم مسح على حجابها: خلاص ياحبيبتي، فكيها بقه، عايزين نقضي احلى يوم مع بعض، ولو عجبتك اسكندريه، هنيجي شهر عسلنا هنا، ايه رايك؟ ، ولا تحبي تقضيه بره مصر
عشق بوجع: لا هِنا كويس، وبصت لقاسم كتير ونفسها تخبيه جواها، وبتحفظ ملامحه في مخيلتها، لأنها واثقه انها مش هتقدر تستنى معاه اكتر من كده
-------------------- بقلم شيمو الخطيب
في فيلا العزيزي
رنا داخله فرحانه؛ دودو حبيبتي، عامله ايه ياقمر
هدى بصتلها بغيظ: بذمتك انتي عندك دم، مزاجك حلو قوي وداخله فرحانه؟ فرحانه على ايه، على الخيبه اللي احنا فيها
رنا بزهق: ييييييه يا ماما، مخلاص بقه، انتو عاملينها موضوع ليه، عشق هتاخد وقتها مع ابيه قاسم، وبعدين بخ، مش هيبقي ليها أثر، صدقيني مش هيستمروا مع بعض،
هدي: وايه اللي مخليكي متأكده قوي كده، وبعدين تعالي هنا انتي كنتي خارجه الصبح بوزك شبرين، ايه اللي غير أحوالك كده، اتبدل حالك في ثانيه
رنا بلخبطه: ايه، انا، ده انا كويسه اهو،(حطت اديها على كتفها وقالت) بصي يا هدى، انا هطلع اغير هدومي وانزل، واعملي حسابك انا جعانه موووووت، يعني انزل الاقي الاكل جاهز
هدي: امممم، ماشي يا رنا، على متغيري اكون انا كلمت باباكي واستعجلته يجي، وزينب جوه بتحضر الاكل
رنا بهزار: هي زينب أكلها حلو، بس بصراحه عشق كانت استاذه، يلا يا خساره، بس مش مهم، ابقى اروح بيت ابيه قاسم واكل هناك، هههههههه، وضحكت جامد
هدى بضيق : خبطتها على دماغها:امشي من قدامي بدل مقتلك يارنا، انتي عايزه تشليني انتي كمان
رنا ضحكت وحطت اديها على راسها: ايه يا هدى، وجعتيني، بس خلاص حقك عليا انا وقربت منها وباست راسها
هدي: طب يلا اطلعي غيري، وحسك عينك تقولي كده تاني، قال بيت قاسم قال، وهي عشق تبقى في بيت قاسم ليه، امشي يابت غوري من وشي
رنا ضحكت وطلعت وسابتها وهي في قمة غيظها ومش قادره تتخيل عشق مرات ابنها
--------------------- بقلم شيمو الخطيب
عند سحر
سحر داخله بيتها بكسره وقهر وفجأه شمت ريحة غاز شديده جدا، كحت كتير ومقدرتش تتنفس
وافتكرت والدتها جريت عليها
سحر لقيت والدتها نايمه على سريرها في مكانها: قربت منها بخوف : ماما،،، ماما،،، ردي عليا يا ماما،،، وحاولت تشيلها تخرجها بره، ولأن مامتها ضعيفه فعلا، قدرت سحر تشيلها وخرجتها بره البيت، لكن والدتها مش حاسه باي حاجه
سحر بانهيار: ماما، ياماما بالله عليكي ردي عليا، وصرخت بصوت عالي: حد يساعدني ياناس، حد يتصل بالاسعاف، امي بتموت،
الناس اتلمت عليها والكل بيحاول يفوق والدتها، لكن للأسف كان امر الله نفذ
عم سعد جارهم: قرب من سحر وشد اديها : البقاء لله ياسحر يابنتي شدي حيلك
سحر بصدمه: لا،، لا ياعم سعد متقولش كده، امي عايشه، امي بس زعلانه مني اني اتأخرت عليها
سعد: يابنتي وحدي الله،، انتي شايفه ان ريحة الغاز قويه جدا، وده أثر على نفس والدتك، وبص للناس، الكل يبعد عن البيت دلوقتي، وياريت اي حد بيدخن ميحاولش يولع اي حاجه دلوقتي،
سحر بزعيق: انت بتقول ايه، امي عايشه، ونزلت جنبها على الارض،،،، امي عايشه ياعم سعد، امي لايمكن تتخلى عني، وتسيبني في الدنيا لوحدي،، قومي ياماما، قومي عشان خاطري. أنا ماليش غيرك، قومي ياماما، متسيبينيش كده، انا عايشه عشانك انتي، انا بعدك مقدرش اعيش، قومي يا أمي حرام عليكي، وصرخت بصوتها كله، ماماااااااا، ماماااااااا قومي يا أمي بلاش تسيبيني،
الناس بتحاول تهدي فيها لكن سحر انهارت تماما، وبقت تلطم وتعيط ومش في وعيها خالص
فاديه قاعده قدام البيت وشايفه ان في حركه غريبه والناس بتجري
فاديه : واد يا محمد، خد هنا،
محمد بيهنج: ايوه ياخالتي،، في ايه
فاديه : مالك ياواد،، بتجري ليه كده، فيه ايه
محمد: بيقولو ان خالتي ام سحر تعيشي انتي
فاديه شهقت وخبطت على صدرها : يانهار ابيض، ازاي،، وامتى حصل،، ومين اللي قال ياواد
محمد وهو ماشي: معرفش ياخالتي انا رايح اشوف اهو
فاديه : استنى ياواد خدني معاك،. لا حول ولا قوة الا بالله، انا لله وانا اليه راجعون
فاديه وصلت عند سحر لقيت سحر قاعده جنب والدتها
فاديه: سحر ياحبيبتي. البقاء لله يابنتي، وبصت للناس؛؛،، محد ينقل ام سحر جوه البيت انتو سايبينها كده ليه ده حتى الميت ليه حرمته
سحر قلبها واجعها وساكته خالص ومش مركزه مع حد
سعد: المشكله ان البيت كله غاز مستنين نهوي البيت شويه وبعدين ندخلها ياست فاديه
فاديه بزعل: لا حول ولا قوة الا بالله، اللهم أجرنا في مصيبتنا واخلفنا خيرا منها،. أنا لله وأنا اليه راجعون،، (وشدت سحر من اديها) قومي ياسحر يابنتي قومي،
(وبصت لسعد) البيت زمانه اتهوي ياعم سعد، حد يدخل ام سحر جوه، ونعلن في المسجد عن وفاتها،
سعد: حاضر يا ست فاديه،، ودخلوها فعلا اوضتها
فاديه: سحر يابنتي، فوقي ياحبيبتي، وادعيلها ربنا يرحمها،
سحر بصت لفاديه بدموع وتوهان، واترمت في حضنها وعيطت بصوتها كله، ووجعت قلب كل الموجودين
---------------- بقلم شيمو الخطيب
عند قاسم
قاسم وعشق وصلوا اسكندريه وبيلفوا بالعربيه
عشق بفرحه وبتبص من الشباك على كل حاجه : يااااه ياقاسم،، اسكندريه دي جميله قوي، انا مكنتش متخيلاها كده
قاسم بضحك : هههههه، هو انتي عمرك مجيتي اسكندريه يا عشق،
عشق بدموع: جيت وانا صغيره مع بابا لكن للأسف من يوم ما مات مروحتش في اي مكان، كل حياتي كانت في البلد مع والدتي،،، وشهقت،،، صحيح ياقاسم فكرتني،
قاسم بحب وابتسامه،، فكرتك بايه ياعشق،،
عشق بابتسامه ومشاكسه : هو انت بتضحك ليه،
قاسم ضحك قوي: ههههه لا ياقلب قاسم مفيش، بس انا بستمتع قوي باسمي وانتي بتقوليه، انا بعشق كل كلامك وحركاتك ياعشق.
عشق ابتسمت بكسوف وحطت وشها في الارض
قاسم؛ ههههههه، حتى كسوفك بعشقه يابنت اللذينه،
عشق ضحكت : ههههه، اممممم ماشي ياقاسم، المهم انت فكرتني اكلم امي، انا مكلمتهاش انهارده
قاسم: هي والدتك معاها تليفون ياعشق
عشق: لا،،، انا بكلمها يا علي تليفون طارق، يا علي تليفون والدته
قاسم افتكر طارق وكلمته ان عشق غاليه عنده، وكشر
عشق بضحك ودلع : ايه ياقاسم، كشرت ليه كده
قاسم بضيق: عشق هو انا لو طلبت منك متتكلميش على تليفون طارق ده، هتزعلي
عشق ابتسمت وفرحت جدا : انت لو طلبت مني اموت نفسي هعملها ياقاسم، انا مقدرش ازعلك ابدا
قاسم بصلها وتاه في عنيها: بعشقك يا عشق،
عشق فاقت: طب خلي بالك من الطريق لنلبس في العربيه اللي قدامنا
قاسم ضحك قوي :هههههههه نلبس!! ، لا ياستي متخافيش مش هنلبس، هههههه، وكمل بضحك،، نلبس!! ، والله انتي غريبه، هههههه
وقضوا مع بعض أجمل الأوقات على البحر، وعشق حست انها عايشه لأول مره في حياتها وأطلقت لمشاعرها العنان
وسابت قلبها هو اللي يتكلم واحساسها هو اللي ينطق في اليوم ده، ولأول مره قاسم يحس بمعنى الحياه، ويعرف ايه معنى الحب،
---------------------- بقلم شيمو الخطيب
ونقول بعد مرور يومين
قاسم وعشق رجعوا من اسكندريه في نفس يوم السفر وده لان عشق صممت على كده ،، ،و تاني يوم قاسم حضر افتتاح مستشفى أمجد بيه طبعا وبعد مرجع نبه على عشق متدخلش المطبخ وتحاول تتجنب حازم وهدى باي طريقه، وكانت عشق دايما بتصدر ليهم زينب، اما زهره، فهدي رفضت وجودها في البيت، وده لأنها من بلد عشق. وهي اتعقدت منها
رنا عايشه حياتها مع حسام وقربت منه جدا، وكانت في قمة سعادتها انه خلاص سامحها واعترف بحبه، ومنتظرين قاسم يفوق وهيكلموه في الموضوع
اما عن علاقة عشق برنا، فعلاقه عاديه، يمكن رنا مش عارفه تكره عشق، لأنها حاسه انها بنت طيبه وعجبها جدا تدينها وكانت كتير تنزل تقعد معاها بعد ما كله ينام، وقربت منها جدا،، وقاسم كان فرحان بكده جدا
جيجي، حست ببعد رنا عنها. ده غير انها مش عارفه تعرف اخبار قاسم من رنا، وده لان رنا مش حابه تنقل حاجه عن اخوها، وده مدايق جيجي جدا، وغيظها من رنا
حازم وهدى مستنين سفرية اسكندريه بفارغ الصبر، وده طبعا عشان يخلصوا من عشق للأبد، وواثقين وعارفين ان قاسم مش هيسكت، لكن بعد كده هيرضي بالأمر الواقع
فريده ومحسن في قمة الحزن على بنتهم، لكن حازم كان مفهم محسن علي اللي هيعمله، وده مصبرهم نوعا ما
فاديه وقفت جنب سحر وكانت ليها مكان والدتها، وسحر اتعلقت بيها جدا لأنها حست ان والدتها ممامتش، وفعلا فاديه اخدت سحر تقعد معاها مكان عشق، وده لان سحر مقطوعه من شجره ومكانش ليها غير والدتها وبس، وسحر فعلا وافقت وراحت قعدت مع فاديه،
-------------- بقلم شيمو الخطيب
نرجع للوقت الحالي
فاديه :سحر ياحبيبتي، انهارده اليوم التالت على وفاة والدتك يعني آخر يوم هنستقبل فيه الناس اللي جايين يعزوا. عايزاكي تفوقي كده يابنتي، عشان تقدري تكملي حياتك
سحر بحزن: حاضر ياخالتي، هحاول ان شاء الله، انا عارفه اني متقله عليكي ياخالتي. لكن انا مش قادره اقعد من غيرها، مش متخيله حياتي لوحدي
فاديه بحب :يابت عيب عليكي متقوليش كده، ده انتي بنتي، وبصي بقه ياسحر، (وكملت بضحك) انا مش هسيبك الا وانتي في بيت جوزك، وبدل مهفرح بعشق بس هفرح بيكي انتي كمان،، انتو الاتنين بناتي يا حبيبتي ومش عايزه اسمع منك كلمة متقله دي تاني، ربنا يرزقك بابن الحلال اللي يصونك يابنتي، ها، دعوه حلوه اهي، اظن انتي بتموتي في الدعوه دي،، ههههههه
سحر ابتسمت بوجع. وحضنت فاديه وباست راسها وقالت: ربنا ميحرمني منك ابدا ياخالتي، ويخليكي ليا،
فاديه بحنيه: ويخليكي ليا يا حبيبتي، ويطمني على عشق بنتي، بصراحه كده قلبي واكلني عليها قوي،
سحر بقلق : ليه ياخالتي، دي اخر مره كلمتني كان صوتها كويس، وحاسه انها فرحانه، غيرش بس خبر وفاة امي اللي قلب مزاجها
فاديه بقلق وحيره: والله منا عارفه يا سحر، بس انا حلمت بيها بتعيط كتير، ومش عارفه ده تفسيره ايه، هه، هقول ايه غير ربنا يفرح قلوبكو يا بناتي يارب، ويفرحني بيكو
سحر ابتسمت بحب: يارب يا أمي يارب، ده لو تسم.....
فاديه حطت اديها على بقها وقطعت كلام سحر: اسمحلك،!!!! انا فعلا امك ياسحر، وضمتها لحضنها وطبطبت عليها وسحر ضمتها اكتر وحمدت ربنا ان ربنا عوضها بأم تانيه
طارق خبط في اللحظه دي، وسحر فتحت
طارق: السلام عليكم،، ازيك ياسحر،
سحر بصت ليه ونزلت وشها في الارض: الحمد لله ياطارق ، تسلم
طارق: البقاء لله ياسحر، والله انا لسه جاي من شرم دلوقتي، انتي عارفه اني اشتغلت هناك في فندق ولسه راجع وامي بلغتني حالا والله
سحر: ولا يهمك يا طارق ربنا يعينك، ويرزقك يارب، اتفضل تعالي ادخل
طارق: هي خالتي فاديه موجوده؟
فاديه: تعالي يا طارق يابني انا هنا،
طارق دخل؛ سلامو عليكو ياخالتي عامله ايه؟ ، وعشق أخبارها ايه؟
فاديه: كلنا بخير يا حبيبي، المهم انت عامل ايه؟ و مرتاح ف الشغلانه الجديده ولا لا؟
طارق: نحمد ربنا يا خالتي، اهو احسن من مفيش، هي مشكلتها بس اني دايما بعيد عن امي واخواتي، لكن ربنا اكيد هيعدلها
فاديه : ربنا يعدلهالك ياحبيبي ويرزقك من وسع
طارق يارب ياخالتي، (وبص على سحر)
سحر بلبخه:، اه، اي، تحب تشرب ايه ياطارق
طارق ابتسم من لبختها : ولا حاجه ياسحر، انا بس جاي اشوفكوا لو محتاجين اي حاجه،، واطمن عليكو
سحر بصت في عنيه : تسلم يا طارق، ربنا يخليك يارب
طارق قرب منها : انا بتكلم بجد يا سحر، اعتبريني زي اخوكي، واي حاجه تحتاجيها انا تحت امرك
سحر زعلت ونزلت وشها في الأرض، اممم، اخويا طبعا ياطارق
طارق ابتسم لانه عرف انها ادايقت،، خلاص ياستي، اعتبريني، جارك،، حاسس كده ان كلمت اخوكي دايقتك، وبيني وبينك دايقتني انا كمان
سحر بصتله وفرحت لكن لحقت نفسها وقالت: لا طبعا انت اخويا ياطارق، هدايق ليه
طارق بضحك : هههه ماشي ياسحر، على العموم مش موضوعنا، بعدين نعرف، اذا كنت اخوكي او لا،،
فاديه ابتسمت ودعت من قلبها ان ربنا يجعلهم من نصيب بعض، ويكتبلهم الخير
------------------ بقلم شيمو الخطيب
في فيلا العزيزي،
قاسم نازل ولابس وعشق بتعيط في اوضتها ومرضيتش تطلع تسلم عليه ونبهت على زينب لو قاسم سألها تقوله نايمه
حازم بيكلم قاسم عن الشحنه وبعد مخلص كلامه : ها،، فهمت هتعمل ايه ياقاسم ولا لأ
قاسم عنيه بتدور على عشق : هز راسه،،، اه،، اه فهمت يا حازم بيه
حازم بص ليه بضيق : امممممم، انت بتدور على حاجه
قاسم: اه،، هي عشق لسه مصحيتش ولا ايه
حازم بضيق : وانا اعرف منين صحيت ولا لا، المهم خلينا في شغلنا، انا عايزك تتابعني بكل تحركاتك هناك،
قاسم بخنقه: حاضر يابابا انت قلتلي كده مليون مره، كأن انا عيل صغير، واول مره اروح استلم شحنه، انا اه مروحتش من زمان، بس مش للدرجادي يعني
حازم بنرفزه: خلاص ياقاسم انت هتديني محاضره، يلا اتكل على الله انت، وأيمن هتلاقيه مستنيك
قاسم سابه ونده على زينب : يازينب،،، يازينب
زينب جت جري: نعمين ياقاسم بيه، اؤمرني
قاسم: هي عشق لسه نايمه ولا ايه يا زينب،
زينب بزعل بس حاولت متبينش: ايوه ياقاسم بيه، أصلها نامت بعد الفجر استنت لما صلت ونامت، بصحيها الصبح كانت رايحه في النوم صعبت عليا اصحيها بصراحه
قاسم: اممممم،، ماشي يازينب، انا مش عايز عشق تعمل حاجه في المطبخ يا زينب، انا عارف انه كتير عليكي لكن انا اسف استحمليني
زينب شهقت: ودي تيجي ياقاسم بيه، ده انا اخدمكوا برموش عنيا، ربنا يستر طريقك يارب ياقاسم بيه
قاسم ابتسم: تسلمي يازينب، ابقى سلميلي على عشق، وخليها تكلمني لما تصحى
زينب بزعل: من عنيا ياقاسم بيه،
قاسم : تسلم عينك ، يلا سلام عليكم،
زينب : وعليكم السلام يا قاسم بيه
وخرج قاسم وحازم متابعه من شباك المكتب، وهدى متبعاه من شباك اوضتها وعشق جريت على الشباك تشوفه لآخر مره، ودموعها ماليه عنيها، وقلبها بيتقطع على كلامه وكان نفسها تخرج تترمي في حضنه، لكن للأسف مينفعش
هدى شافت قاسم مشي، نزلت جري ودخلت المكتب لحازم
هدي: ها ياحازم ناوي تعمل ايه؟
حازم بتفكير : هعمل ايه في ايه ياهدي، البنت دي لازم تمشي من هنا وحالا كمان،،،،،
عشق، انتي ياعشق
عشق جت بكسره ومعاها شنطة هدومها،: نعم يا حازم بيه
حازم ابتسم : ايوه كده شاطره، حضرتي هدومك ومستعده كمان،
عشق بدموع: انا وعدت حضرتك، وانا عمري ما اخلف وعدي ابدا
حازم : طب هاتي موبايلك ده
عشق ادته الموبايل، وهو فتحه وخرج منه الشريحه وكسرها ورجعه تاني
عشق بصتله بدموع ومتكلمتش
هدى؛ طب يلا، امشي ومش عايزه اشوف وشك تاني في اي مكان خالص، واوعى تحاولي تعرفي حاجه عن قاسم، أو تحاولي تشوفيه، مش هنرحمك ياعشق، انتي فاهمه
عشق بدموع : تحت امرك ياست هانم
حازم : استنى،، (وطلع فلوس)،، خدي دول عششان تعرفي تجيبيلك مكان تاني انتي ووالدتك تعيشوا فيه، لأن قاسم سهل يوصلك لو فضلتي مكانك،
عشق بتريقه :هه،، لا كتر خيرك ياحا م بيه، انا مش عايزه غير حقي بس، اكتر من كده مش هاخد، ولو على قعدتي، فأنا هتصرف فيها ان شاء الله
حازم استغرب ردها، لكن أداها حقها فعلا
وخرجت عشق بعدها، وبتبص على كل شبر في الفيلا، وراحت الجنينه وبتبص عليها بحزن، وافتكرت ريكس راحت جنبه، ونزلت طبطبت عليه،، وهو بيقرب من رجلها، وقعد جنبها وبدأت عشق تمسح عليه
عشق: هتوحشني يا ريكس، انا عارفه انك احن عليا من قلوب البشر، بس اعمل ايه كان نفسي أفضل معاك، كان نفسي ابقي مع قاسم واكمل حياتي معاه، لكن حكم القوي، بس انا أملي في ربنا كبير، أنه هيعوضه بحد احسن مني، عارف ليه يا ريكس، لأنه طيب قوي، وحنين قوي، (وعيطت جامد) وانا بحبه قوي، بحبه بجد ومش شايفه غيره، هو كل حياتي، هو عمري كله، هو الأمان بالنسبالي، لكن اعمل ايه، ما باليد حيله. ربنا يرزقه ببنت الحلال اللي تسعده،، بس امانه عليك ياريكس ، اوعي تنساني، لاني عمري مهنساكو ابدا،
زينب واقفه تسمع عشق وقلبها مفطور عليها،
وفجأه سمعت صوت وراها
....... : انتي بتعملي ايه هنا يا زينب
عشق انتبهت وسكتت بدموع