رواية بائعة الورد
الفصل العاشر والحادى عشر والثانى عشر
بقلم اسماء ابراهيم
#بائعه الورد..
الفصل العاشر....
وصل سالم وياسمين الي قنا وفرح الجميع بوجودها ورحبوا بها وتبادلوا السلامات وخاصه نغم فهي تسعد جدا بتواجد ياسمين معها
نغم وهي تحتضنها : وحشتيني اوي ياسو انتي بقي تخلص الجامعه وترجعي تنوري الدنيا وتبقي معايا دايما.
ياسمين: وانتي كمان يانغم وحشاني جدا ونفسي ارغي معاكي كتير اوي.
مني: ياسو ياقلبي حمدالله علي سلامتك عارفه لو كنتي مانزلتيش اجازه كنت جيتلك.
ياسمين: حبيبتي ياماما ربنا يخليكي ليا فين جدو وعمي محمود.
الحجه حسيبه؛ علي وصول يابتي اطلعي اتسبحي وغيري خلاجتك عشان نتغدوا مع بعضنا .
ياسمين: حاضر ياجدتي معتصم يوسف ما اتصلش عليك عايزه اطمن عليه ماكلمنيش من امبارح.
معتصم: ماتقلقيش ياسو اكيد مشغول انتي عارفه يوسف في اي مأمورية بيكون مركز في شغله وبس.
صعدت ياسمين الي غرفتها هي ونغم فهما منذ الصغير وهما يجلسون بغرفه واحده.
ياسمين: يااااه وحشتني البلد والبيت واوضتنا يانغم اوي.
نغم: نورتي الدنيا حبيبتي والحمدلله انك جيتي محتاجه اتكلم معاكي كتير اوي.
ياسمين: وانا كلي اذان صاغية اخد شاور وننزل نتغدا وبعدين نقعد نرغي للصبح.
-----------------------------------------------------------
بمرسي مطروح بدأ يوسف وفريقه التحرك للوصول إلي مكان المأمورية فتحركت المجموعه الاول بقياده الملازم مصطفى عن طريق البحر والتخفي في زي الصيادين.
والمجموعه الثانية تحركت بقياده الرائد يوسف الشناوي عن طريق الجبل وبعد فتره من الوقت كانت وصلت الاولي علي الحدود الليبية البحريه وبعدها وصل يوسف ومعه باقي الفريق وبدأ كل فرد التحرك والتخفي بمكان محدد وسط الجبل مر نصف ساعه وأتت إشارة من مصطفي الي يوسف بالتحرك للهدف
يوسف عبر جهاز اللاسلكي تمام مصطفي خليك جاهز للاشارة حول.
مصطفى: الهدف في الطريق ناحيه الشمال وجاهز حول.
يوسف: يالا يارجاله انا ومعايا مسعد وخليل هندخل البيت من الباب الخلفي وعيد وأمين وراضي من الباب الرئيسي.
وخلال دقائق كان يوسف يتسلل داخل المنزل ومعه فريقه وأرسل الي مصطفي اشاره الهجوم وتم القبض علي العناصر الارهابيه وعلي رأسهم ابو براء وتم تسليمهم وبعد ذلك عادوا جميعا الي الفندق والاستعداد للعوده للقاهره وتسليم تقارير المأمورية..
__________________________________
عوده مره أخري إلي قنا في بيت ال الشناوي رجع الحج قاسم ومعه ابنه محمود وعلم الجد بعوده ياسمين حفيدته نزلت ياسمين وتقدمت أجدها واحتضنته بشده وبعدها سلمت علي عمها وجلسوا جميعا لتناول الغداء.
الحج قاسم: كيفيك يابنت الغالي اتوحشتك يابتي .
ياسمين: وانت كمان ياجدي وحشتني اوي وكلكم والله انت صحتك عامله ايه .
الحج قاسم: بخير يابتي طول ما انتي وولادك اعمامك بخير.
طاهر: حبيبتي ياسمين نورتي الدنيا امتي بقي تخلصي الجامعه وترجعي تقعدي معانا وبعدين بعد الامتحانات كتب كتابك علي يوسف.
ياسمين بكسوف: ان شاءالله ياعمي .
محمود: كيفك يابت اخوي وكيف السكن والحجه وداد .
ياسمين: بخير الحمدلله ياعمي والحجه وداد ربنا يبارك لها زي جدتنا وأم لينا كلنا.
إلهام باستغراب: واه يا ابو سالم انت بتعرف صاحبه السكن اللي قاعده فيه ياسمين.
محمود بارتباك وعصبيه ايوه اعريفها وكنت بسكن عندها زمان ايام ما جوزها الحج كان عايش وكنت بسافر مصر عندك مانع .
الحجه حسيبه: اتكلم عدل يامحمود وبكفايه عاد اللي بتعمله مع مراتك وبتك لحد امتي هتفضل قاسي عليهم وميهماكش غير المال وبس ارجع ياولدي زي زمان .
محمود: اني هاهملكم وامشي لحالي يمكن الست إلهام ترتاح ومعاوزش منيكم حاجه وإذا كان علي المال ده تعبي وشقايا ولا عاجبك اللي حصل من ابوي لما قال لطاهر يقسم حق محصول الفاكهه بين ياسمين ونغم.
تفاجأ الجميع بما تفوه به محمود فوالده الحج قاسم عمل ذلك دون أن يعلم أهل البيت وكان ينوي قول ذلك للبنات بنفسه.
طاهر: انت اتجنيت عاد ياولد ابوي بكفايه الحديت الماسخ ده وكيف تعلي حسك علي امك وابوك قاعد .
محمود: اني ماشي واشبع انت وولادك بالمال ومال بت اخوك اياك اني مش واعي ليك ولترتيب ولدك بجوازه من بت سالم الله يرحمه.
طاهر: اني .....
قاطعه صوت الحج قاسم وهو يقول: اطلع بره يامحمود دلوقك وانت ياطاهر بكفايه ياولدي اني اللي غلطان لما خليته بكيفه وقام الحج قاسم من مكانه وتحرك خطوتين ولكنه لم يتمالك نفسه ووقع مغشي عليه انتفض الجميع من أماكنهم وقام معتصم وسالم بحمل جدهم الي غرفه الضيوف وطلب طاهر الإسعاف وتم نقله إلي المستشفي.
_________&&_&_________________&&
فادي: انا مش عارف بجد ازاي بنت تسمح لنفسها أنها تدخل تكلم واحد وتعرفه بنفسها فين التربيه فين الاخلاق حاجه مأسفه فعلا.
سراج: للاسف الاخلاق انعدمت تحت مسمي الحريه الشخصيه والاوبن مايند وان البنت زي الولد ولازم يكون فيه مسواه بينهم.
فادي: انت مش متخيل شكل البنت ولا طريقه لبسها حاجه مستفزه انا نفسي يبقي في قرار بمنع ارتداء الملابس الملفته او التي لا تليق بالحرم الجامعي.
سراج: ياريت يافادي والله المهم كنت عايز أوصيك علي طالبه عندك .
فادي: مين الطالبه دي وتوصيني انا عليها ده اكيد حد مهم بالنسبه للدكتور سراج هلال.
سراج: هي فعلا حد مهم جدا وكمان بفكر ارتبط بيها هي بنت جميله ورقيقه جدا وكمان متميزه في دراستها.
فادي: ايه ده بقي انت وقعت يادكتور ولا ايه.
سراج: تصدق اه المهم البنت دي تبقي شدوي مراد.
فادي بصدمه: انت بتقول مين شدوي انت متأكد انها شدوي مراد.
سراج بشك: ايوه يافادي شدوي مراد دي كمان طلبت مني أوصيك عليها لانك دايما تحرجها قدام الدفعه لو عملت حاجه.
فادي: طيب نتكلم بعدين ياسراج انا هامشي لاني افتكرت مشوار مهم.
سراج بتفكير وشك ياتري في حاجه ليه فادي اتصدم لما سمع اسمها وهل بينهم حاجه او فادي يكون بيحبها يارب بقي اعمل ايه عشان اعرف.
وصل فادي الي الفيلا وسأل الداده علي شدوي وقالت له انها تجلس بغرفتها.
صعد فادي الدرج بسرعه ودخل غرفه أخته دون أن يطرق الباب انتفضت شدوي اثر دخول فادي المفاجأ
شدوي: في ايه يافادي داخل كده ليه مش تخبط علي الباب الاول.
فادي: انتي ازاي ياهانم تطلبي من دكتور سراج أنه يكلمني عليكي عايزه تحرجيني ولا عايزه تعرفيه انك اختي.
شدوي: انا بجد مش فاهمه ايه المشكله لما يعرفوا انك اخويا وانا اختك وبعدين انا ماطلبتش حاجه من دكتور سراج.
فادي: والله اومال ليه النهارده جاي يقولي عايز أوصيك علي طالبه عندك وانا مهتم بيها لأ وكمان الدكتور معجب بالهانم وعايز يرتبط بيها.
شدوي: عايز ايه يرتبط بيا انا انت بتتكلم جد ولا بتهزر.
فادي: اهزر في ايه لا طبعا بتكلم جد جدا ماانكرش اني فرحت من جوايا من كلامه عليكي لكن اللي عصبني أنه بيوصي عليكي.
شدوي: طيب وانت رديت عليه وقولت ايه.
فادي: ماردتش عليه غير اني قولتله نتكلم بعدين واستأذنت منه وقولت عندي مشوار مهم.
شدوي: ماشي يافادي ممكن تسيبني لوحدي ....
خرج فادي وذهب الي غرفته وترك شدوي بغرفتها وجلس يفكر فيما دار بينه وبين سراج وهل أنه علي حق أن لا يخبر أحد بالجامعه بأن شدوي أخته أم أنه تصرف خطأ.....
#بائعه الورد..
الفصل الحادي عشر.....
انتقل الحج قاسم الشناوي الي المستشفي ومعه ابنه وأحفاده دخل الطبيب وكشف عليه وأمر بدخوله الي غرفه الرعايه المركزه صدمه وقعت عليهم فهو عمود البيت ووتد لهم كيف في لحظه يقع هكذا.
طاهر: اعمل الصح يادكتور اني كل اللي يهمني ابويا يقوم بالسلامه.
الطبيب: ماتقلقش ياطاهر بيه الحج قاسم قوي وهايقوم بالف سلامه انا بس عايز اطمن اكتر.
معتصم: بابا انا هرجع البيت اطمنهم وكمان اقولهم مافيش داعي يجوا المستشفي دلوقتي وكمان اروح الشركه اشوف عمي محمود لازم يعرف اللي حصل لجدي.
طاهر: روح ياولدي واني موجود ومعايا سالم وشويه ونعاود البيت مالهاش عازه القعده هنا مادام جدك في العنايه.
سالم بحزن كان يجلس علي الارض فهو دائما يتحمل مسؤولية تصرفات والده ولكن تلك المره من أصعب المواقف التي مرت عليه فجده بالعنايه المركزه بسبب والده يالها من محنه واختبار صعب يقع فيه.
طاهر: قوم ياولدي وادعي ربنا يقوم جدك بالسلامه ويهدي ابوك وماليكش صالح باللي حصل .
سالم: ياعمي جدي لو جراله حاجه هيكون ابويا السبب انا مش فاهم بيعمل كده ليه مش كفايه اللي بيعمله مع امي واختي انا تعبت ياعمي مابقتش قادر ألملم وراه .
طاهر: انت راجل ياولدي وربنا كبير وكريم وقادر علي تغير الاحوال يالا بينا نروح وناجي بكره الصبح يكون جدك فاق.
في بيت الحج قاسم كان الجميع في حاله حزن شديد عليه كانت الحجه حسيبه تبكي بصمت مميت يمزق القلوب فهو زوجها وسندها ولا حياه واستقرار بدونه.
دخل طاهر ومعه سالم فقام الجميع ليسألون علي صحه الحج قاسم.
فقال طاهر: اطمنوا ياجماعه ابويا بخير وبكره الصبح هانروحوا كلتنا تطمنوا عليه .
لبني: طيب انت رجعت ليه ماقعدتش معاه
طاهر: الدكتور قال لازم يرتاح ومنع الزياره وقعدتنا مالهاش عازه وتحرك طاهر ناحيه والدته وقبل رأسها ويدها اطمني ياما ابوي طول عمره راجل قوي وهايرجع بالسلامه.
الحجه حسيبه هزت رأسها له وقامت لتصعد الي غرفتها دون أن تتفوه بكلمه.
مني: ياسمين خدي نغم واطلعوا اوضتكوا عشان نصحي بدري ونروح نطمن علي جدكم.
صعدت ياسمين ونغم وبعدها جلست مني ولبني مع إلهام التي كانت تبكي وتأنب نفسها علي ماحدث.
إلهام: أني السبب يا ابو يوسف في اللي حصل وتعب عمي
طاهر: انتي مالكيش صالح يا أم سالم محمود اخوي هو السبب ومش من دلويك دي من زمان قوي .
سالم: عمي انا أسف وانتي ياماما مالكيش ذنب ده قدرنا ونصيبنا من ربنا ولازم نحمد ونشكر فضله سواء في الحلو أو الوحش.
مني: ربنا يكملك بعقلك ياابني بقي يا إلهام في حد عنده ابن عاقل كده وبنت زي القمر وتزعل يالا بقي نجهز العشا للولاد وأبو يوسف ونطلع ننام.
إلهام: ربنا يخليكم لينا ويسعدكم دايما انتوا اخواتي ومهونين عليه كتير.
طاهر: لبني معتصم رجع ولا لسه .
لبني: لا معتصم اتصل وقال إنه هايروح الشركه عنده شغل هناك .
سالم: طيب ياعمي انا هاروح الشركه لمعتصم وبالمره اشوف عمل ايه مع بابا.
طاهر: ماشي ياولدي ربنا معاك ويباركلك.
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛:::::::؛؛؛؛؛؛؛::::::::::
بمديرية أمن القاهرة كان اللواء وجدي العربي يجتمع بيوسف وفريقه لمناقشه تقارير المأمورية وعرض التفاصيل التي حدثت معهم أثناء القبض علي العناصر الارهابيه وجاء اتصال تليفوني ليوسف وكان من أخيه معتصم فرفض يوسف الرد لحين انتهاء الاجتماع ولكن تكرر الاتصال عده مرات مما ادي الي قلق يوسف واستأذن من الجميع وخرج ليجيب علي الهاتف.
يوسف: ايه ياعم زفت لما كنسلت عليك مره واتنين وتلاته افهم اني مشغول مش تقعد تزن علي دماغي.
معتصم: انا اسف والله يايوسف بس في حاجه مهمه ولازم تكون موجود جدي تعب ودخل المستشفى وحاليا في العنايه المركزه.
يوسف: انت بتقول ايه وازاي حصل ده
معتصم: اللي حصل يايوسف ولما تيجي ابقي افهمك كل حاجه بس دلوقتي حاول تيجي البلد
يوسف: معتصم مين السبب في تعب جدي
معتصم: مش وقته يايوسف لما تيجي بالسلامه هافهمك كل حاجه.
يوسف: ماشي سلام دلوقتي وانا كلها ساعه وأكون عندك.
دخل يوسف الاجتماع واستأذن من اللواء وباقي زملائه بالانصراف لأمر طارئ في البلد ويجب عليه الرحيل فورا.
وخرج يوسف مره اخرى متوجها إلي سيارته وهو جالس بها امسك هاتفه وقام بالاتصال بياسمين
يوسف: ياسو ياقلبي اخبارك ايه وحشتيني اوي انا كلها ساعه وأكون عندكم في البلد.
ياسمين: جو حبيبي حمدالله علي سلامتك ياريت تيجي انا محتاجلك اوي وكمان في خبر مش حلو.
يوسف: عارف معتصم كلمني وانا طالع دلوقتي علي المطار وجاي المهم عايز اعرف حصل ايه وصل جدي لكده.
ياسمين: طيب ثواني هاخرج اكلمك بره الأوضه عشان نغم ماصدقت أنها نامت.
يوسف: خلاص ياقلبي انا كده عرفت مين السبب يالا باي دلوقتي وهكلمك اول ما اوصل.
اغلق الهاتف وقال لنفسه مسيري اعرف وراك ايه ياعمي وشكلها كده هتكون مصيبه يااارب عديها علي خير .
----------__________________________-------
بمكتب فؤاد الالفي كان يجري اتصال بشخص ويعطيه بعض الاوامر التي يقوم بها.
فؤاد: اسمع اللي بقولك عليه لازم يكون موجود ضمانات والا المشروع مش هايتنفذ اكتب كل الضمانات اللي تريحه انا ماصدقت أن مراد المرشدي بقي شريك في المشروع ده وماتنساش أنه كان خصم قوي.
الشخص: تحت امرك يافؤاد بيه .
فؤاد: يالا سلام وياريت تبعتلي ملف كامل عن عروض شركات الديكور اللي داخله تعرض شغلها .
اغلق الهاتف ورن جرس لتأتيه السكرتيرة طرقت الباب ودخلت فتاه جميله وهي سكرتيره مكتبه وقالت...تحت امرك فؤاد بيه.
فؤاد: عايز خلال نص ساعه اجتماع مع مدير الحسابات ومدير العلاقات العامة قبل ما يوصل مراد المرشدي.
السكرتيره: تمام يافندم وقبل النص ساعه هيكون الاجتماع جاهز اي أوامر تانيه.
فؤاد: اه مستنيكي النهارده في العوامه متتأخريش ووقف واقترب منها ولمس وجنتيها وقال وحشتيني.
ابتسمت له وقالت تسعه بالثانيه هكون عندك.
خرجت من مكتبه وهو وقف أمام شباك زجاجي يفكر في علاقته بها فهل يحبها حقا ام مجرد تعود عليها فمنذ وجودها بالشركه وهي تلازمه في كل شئ.
***********************************"
فادي: شدوي متزعليش مني حقك عليه انا مش قصدي أقلل منك ولا مكسوف اني اعرف الكل انك اختي ولكن انا مش عايز يتقال عشان أخته بيميزها عن الباقي.
شدوي: فادي انت اخويا الكبير وأهم حد في حياتي وانا مش زعلانه منك انا فاهمه موقفك لكن نفسي الجامعه كلها تبقي عارفه اني اختك وبعدين انا في اخر سنه يعني خلاص كلها كام شهر واخلص مافرقتش بقي يعرفوا ولا لأ
فادي: طيب بالنسبه لدكتور سراج انتي ايه رأيك فيه .
شدوي: انا مش هاتكسف منك بصراحه انا معجبه بشخصيته جدا هو حد محترم جدا ومركزه كويس ومن الاخر مز اخر حاجه .
فادي: مز اخر حاجه ده اللي عندك ماشي ياسكر يالا بقي اسيبك عشان خارج.
شدوي: خارج فين يادكتور تتحسد من أمتي ده هو في مزه ولا ايه.
فادي: مش هاتتغيري ابدا لا رايح اقابل طالب عندي مش عارف عايز ايه لاقيته بيتصل بيا وبيقولي محتاج اقابلك في حاجه مهمه ومش هاينفع في الجامعه.
شدوي: ده مين ده غريبه اوي حد يعمل كده .
فادي: والله انا قلقان بس مش عايز أرفض احسن يكون حد محتاج مساعده في مصاريف أو كتب هشوف يالا باااي.
خرج فادي وذهب الي كافيه قريب من الجامعه لمقابله ذلك الشخص وعندما وصل للمكان دخل وتفاجأ بالشخص ......
#بائعه الورد.
الفصل الثاني عشر...
دخل فادي الكافيه وتفاجأ بالشخص الذي اتصل به فكان تامر
تامر: اهلا بحضرتك يادكتور انا اسف علي الطريقه اللي خليتك تيجي بيها بس ماكنش عندي اي مبرر اني اقابلك غير كده.
فادي: انت عايز ايه ياتامر وياريت من غير لف ولا دوران .
تامر: تمام يبقي اتفضل حضرتك تقعد ونشرب القهوه وبعدين اقولك اللي عندي.
فادي: من غير شرب حاجه ادخل في الموضوع علي طول مع اني بحاول استشف انت عايز ايه مني .
تامر: من الاخر كده عايز مساعدتك ليه في نتيجه الامتحان يعني عايز انجح لاني زهقت من الاعاده كل شويه وماتقلقش يادكتور كله بحسابه.
فادي بعصبية وصوت عالي وقف وقال: يبقي انت اكيد اتجننت انا مستحيل أخالف مبادئ وبجد انا ندمان اني ضيعت وقتي مع واحد مستهتر زيك وصدقني هاتندم علي اللي قولته ده.
تامر: متأكد يادكتور اني هاندم بس لو انت عرفت اللي عندي هتوافق وبتحداك .
فادي: اللي عندك اعمله وخليك فاكر انك هاتندم علي كل كلمه بتقولها.
خرج فادي من الكافيه وركب سيارته وأمسك الهاتف وقام بالاتصال علي صديقه دكتور سراج وطلب مقابلته علي الفور وبعد دقائق وصل فادي الي فيلا دكتور سراج ورحب به ولكن استعجب من شكل فادي فهو لاول مره يري فادي بتلك الحاله .
سراج: خير يافادي فيه ايه وشكلك متعصب كده ليه طمني عليك.
فادي: انا اسف ياسراج اني جيتلك من غير ميعاد وفي وقت زي ده لكن حصل موقف ومافيش غيرك احكيله
سراج: طيب ارتاح الاول واشرب عصير ليمون يهدي اعصابك واحكيلي.
جلس فادي وأمر سراج بتحضير كوب من عصير الليمون وقص عليه فادي ما دار بينه وبين تامر
سراج: تمام وما تقلقش من اي حاجه تامر ده واد صايع معتمد علي فلوس أبوه وشهرته ومفكر أن ممكن يشتري اي حاجه بسلطه أبوه ولا فلوسه .
فادي: انا مش فاهم اي ده ويطلع مين أبوه اللي له سلطه ولا نفوذ .
سراج: تامر يبقي ابن منير فخري الاسيوطي صاحب اكبر توكيل سيارات في الشرق الأوسط ومن اغني أغنياء البلد.
فادي: اهاااا قولتلي عشان كده مفكر أنه يقدر بالفلوس والنفوذ يشتري اي حد.
سراج: لكن ايه اللي ممكن يكون عنده بيهدد بيه وبعدين ليه انت بذات اللي اختاره عشان يطلب منه الطلب ده.
فادي: مش عارف ياسراج انا اسف مره تانيه اني ازعجتك هامشي دلوقتي واشوفك بكره في الجامعه سلام.
°°°°°°°°°°°°°°°°°°°°°°°°°°°°°°°°°°°°°°°°°°°°
بشركه قاسم الشناوي كان يجلس معتصم بمكتبه يراجع بعض الملفات الخاصه بتسليم المعدات الزراعيه وتفاجأ بعقد اتفاق بين عمه محمود والحج عامر وتم دفع المبلغ كامل وتم تحويله الي حساب عمه محمود فقام معتصم بأخذ ذلك الملف لكي يحتفظ به لحين وصول يوسف ويعرض الأمر عليه وعلي والده.
وخرج معتصم من مكتبه بل من الشركه بأكملها وتوجه الي البيت.
في بيت قاسم الشناوي وخاصه بغرفه البنات كانت ياسمين تتابع مواقع التواصل الاجتماعي فأتها رساله علي الماسينجر من صديقتها شدوي.
شدوي: هاااي ياسو وحشاني جدا هاترجعي امتي.
ياسمين: مش عارفه ياشوشو الدنيا هنا ملخبطه جدو تعب ودخل المستشفى ويوسف كمان علي وصول ومش عارفه اعمل ايه.
شدوي: الف سلامه عليه ياقلبي ربنا يقومه بالسلامه
ياسمين: يااارب ياشدوي لان بجد لو جدو جراله حاجه البيت هنا هايتفرق عن بعضه.
شدوي: اديعله ياسو وربنا كريم اوي وماتقلقيش علي محل الورد انا وروضه بنروح وبنتابع الشغل وكمان روضه بتهتم بالورد.
ياسمين: ربنا يخليكوا ليا وعلي فكره البوكيه اللي انتي عايزاه جهزته قبل ما اسافر وموجود علي مكتبي .
شدوي: حبيبتي تسلميلي يالا مش هطول عليكي والصبح هكلمك عشان اطمن علي جدك بااااي.
اغلق ياسمين الشات مع شدوي ووجدت نغم ابنه عمها قامت من نومها.
ياسمين: حبيبتي يانغم انتي مالحقتيش تنامي كويس .
نغم: مش عارفه انام ياياسو كل ما اغمض عيني بحس اني حد بيخنقني وزي ما اكون في صحرا وحد بيشدني لبير وبشوف بابا واقف مكتف أيده ومش عايز ينقذني .
ياسمين وهي تأخذ نغم بأحضانها: نغم حبيبتي احنا كلنا جنبك ومعاكي وبعدين مش كفايه حبيب القلب هنا ولا ايه.
نغم: تعرفي اني لحد دلوقتي ما عرفتوش حاجه انا حاسه بحبه ليه وبشوفها في عينيه بس مش قادره اقوله .
ياسمين: معتصم بيحبك وعلي فكره هو كلم يوسف وكان مستني لما يرجع عشان يكلموا عمي طاهر وياخدوا رأي جدو.
نغم: انتي بتتكلمي بجد ياسمين يعني معتصم عايز يتجوزني.
ياسمين: اه طبعا انتي عارف ان جو مش بيخبي عليه حاجه وانتي بقي خليكي حلوه وانزلي تحت واستنيه معتصم قرب يجي حاسسيه انك مهتمه بيه وبحبك ليه.
نغم: ماشي بس هطلب منك طلب تنزلي معايا نجهزله العشا وبعدين اطلعي
ياسمين: امممم اوكي بس مش عشانك ده عشان جو كلها نص ساعه ويجي .
قامت نغم وبدلت ملابس النوم بفستان رقيق من اللون الازرق الغامق ومشطت شعرها الذهبي ونزلت مع ياسمين الي المطبخ يجهزون العشاء وبعدها جلست نغم تقرأ روايه لحين وصول معتصم أما ياسيمن خرجت الي جنينه البيت وتوجهت الي الجزء المخصص بزراعه الورد التي كانت تهتم به.
وصل معتصم البيت ركن سيارته ودخل الجنينه ورأي ياسمين جالسه أمام احدي أحواض الورد اقترب منها وألقي عليها السلام.
معتصم: السلام عليكم ياسو ايه يابنتي قاعده ليه لوحدك وفين نغم وأهل البيت.
ياسمين: وعليكم السلام ورحمه الله وبركاته ابدا ماجاليش نوم وقولت انزل الجنينه شويه وكمان مستنيه يوسف قريب يوصل .
معتصم: ياسمين نغم عامله ايه قلقان عليها اوي ونفسي اعمل اي حاجه تسعدها.
ياسمين: نغم قاعده جوه ومستنياك علي فكره وجهزتلك العشا ياريت بقي تنجز وتقولها عشان انا زهقت من الصمت اللي انتوا فيه .
معتصم: هقولها بس في الوقت المناسب.
ياسمين: صدقني يامعتصم نغم بتحبك وده اكتر وقت مناسب انك تعترفلها بحبك نغم محتاجه حضن يحسسها بالأمان والاستقرار وبعدين ياعم انت دي كل كلمه بتكتبها في مذكراتها عشانك وعلي فكره بقي تعمل حسابك أن خطوبتكم معانا.
معتصم: ربنا يسهل هدخل بقي اشوف حبيبتي وخليكي مستنيه سي السيد بتاعك.
ياسمين: ماشي ياروميو بس خلي بالك ماتعرفش نغم اني كلمتك دلوقتي.
معتصم: ولا شوفتك ولا اعرفك باااي يا بائعه الورد.
ياسمين: واطي يا ابن عمي .
~~~~~~~~~~~~~~~~~~~~~~~~
ناني: ماهو لازم يرفض في حد يروح يقول كده لا وكمان تهدده مستني يعمل ايه يقولك موافق اكيد شخصيه زي فادي هايرفض.
تامر: ماهو مافيش وقت ودي اخر فرصه كنتي عايزه اعمل ايه.
ناني: ماتعملش حاجه واختفي اليومين دول لما نشوف حل وانا بكره في الجامعه هاشوف اي حجه اكلم بيها شدوي.
تامر: ماشي ياناني بس خلي بالك هما يومين وبعدها هالعب بالكارت اللي معايا.
ناني: أوكي باااي دلوقتي عشان روضه جايه عليه.
روضه: مساء الخير ياناني مالك صوتك عالي ومتعصبه ليه كده.
ناني: لا ياقلبي مافيش حاجه بس مامي بتقولي ابن عمتي عايز يخطبني وانا مش باطيقه.
روضه: اهاااا ماشي انا داخله انام عايزه حاجه .
ناني: نوم ايه دلوقتي خليكي سهرانه معايا شويه اهوو ندردش مع بعض الا قوليلي هي شدوي تبقي صاحبتك انتي وياسمين.
روضه: اه صاحبتنا جدا ليه في حاجه .
ناني: ابدا بس انتي عارفه ماليش أصحاب كتير هنا ونفسي ابقي قريبه منكم .
روضه: ناني انتي عارفه كويس اوي اننا مالناش في موضوع الشله عايزه تبقي قريبه مننا حاولي تغيري من نفسك واحنا جنبك ومعاكي.
ناني: اوكي ياروضه اوعدك اني هاتغير بس عليكوا جنبي عايزه منكم تكونوا مرايتي اللي بتوجهني للصح وتنصحني.
روضه؛ لازم يبقي عند اقتناع من جواكي علي التغير قبل الظاهر يالا بقي تصبحي علي خير.
ناني: وانتي من أهله وبعدها ذهبت ناني الي غرفتها وعلي وجهها ابتسامه انتصار فهي ربحت اول جوله وهي التقرب من شدوي عن طريق روضه .
__________________________________
في المزرعه الخاصه بقاسم الشناوي كان محمود ابنه يقيم في الاستراحه فهو لا يعلم ما حدث لوالده فأمسك هاتفه واتصل علي أحد الأشخاص.
محمود: كيفيك وكيف الأحوال عندك اني بعتلك المصاريف اللي طلبتيها وزياده .
الشخص:..............
محمود: اني عند كلمتي وزي ما عبدالله وصاني عليكي وعلي بتك عمري ما هقصر وياكوا بس اهم حاجه مافيش مخلوق يعرف مكانك .
الشخص:...........
محمود: يعني هي هاتشتغل مع جامعتها وفين الشغل ده عاد.
الشخص:...........
محمود: شركه المرشدي زين والله ربنا يبارك ويكرمك فيها
الشخص:...........
محمود: بالسلامه وقريب هاكون عندكم اطمن عليكوا وكمان اجيبلك العقد البيت..
اغلق الهاتف وسرح في الماضي
فلاش باك......
عبدلله: محمود انت زي اخويا وانا ماليش حد بوصيك علي مراتي وولادي تخلي بالك منهم وانت عارف اختي وجوزها بعيد ومش هايهتموا بيهم.
محمود: ارتاح ياعبدلله وبإذن الله هاتقوم بالسلامه ومتخافش بيتك وولادك في رقبتي ليوم الدين.
عبدلله: ربنا يخليك يامحمود بس اهم حاجه امشي دلوقتي قبل ما المباحث تيجي عشان وضعك ووضع اخوك سالم .
محمود: ماتقلقش انا اتصلت علي سالم اخوي وفهمته كل حاجه وهايجيبلك حقك من ابن الالفي .
عبدلله: تسلملي يامحمود وربنا يبارك فيك وفي اخوك
باك....
محمود: الله يرحمك يا عبدالله ويرحم سالم اخوي يارب سامحني اني ماقدرتش اتكلم خوفت علي ولدي يتيتم وقتها.
سالم: بابا انت هنا وانا قالب عليك الدنيا .
محمود: خير ياسالم ياولدي اني هنا من الصبح وقالب الدنيا عليه ليه عاد.
سالم: جدي في المستشفي ودخل العنايه المركزه وانت السبب .
محمود: انت بتقول ايه ياولد ابوي في المستشفي كيف حصل ده ومااتصلتش عليه ليه ياولدي.
سالم: ماكنش معايا تليفون من خوفنا علي جدي نسينا كل حاجه في البيت.
محمود: هم بينا ياولدي نروحوا نطمنوا علي ابوي .
سالم: الدكتور مانع الزياره عشان جدي في العنايه وعمي طاهر روح البيت يطمن جدتي واللي في البيت وكلمت معتصم اسأله عليك قالي انك مش في الشركه.
محمود: اني هنا من وقت ما هملت البيت الصبح وماخابرش اي حاجه من اللي حصلت.
يوسف: وانا عايز اعرف منك ياعمي اللي حصل بالظبط
سالم: يوسف انت رجعت امتي حمدالله على سلامتك ياابن عمي.
يوسف: لسه واصل حالا وانا داخل بالعربيه لمحت نور الاستراحه منور وعربيتك موجوده قولت انزل اشوفك بس لاحسن حظي عمي كمان موجود.
محمود: كيفك ياولدي حمدالله علي السلامه الحمدلله رجعت في وقتك عشان جدك.
يوسف: الحمدلله ياعمي يالا بينا والصباح رباح علي رأي جدتي....