صلوا عليه محمد
رواية #لاجل حبك
Part 18
بقلم رحمة جمال
محمود بصدمه : نعم ، رحمه انا جوزك
رحمه : مؤقتا جوزي مؤقتا
محمود : انتي بتقولي ايه
رحمه : شكلك افتكرت أن خلاص الحياه هتبقي وردي ونسيت انا مين حبيتك اه لا عشقتك كمان بس اللي انت متعرفوش أن اللي بيوجعني حتي لو كان مين انا مش ببيعه انا برميه
محمود ومازال مصدوم : قصدك ايه
رحمه : من النهارده انت مجرد ضيف هيبقي ليك جناح تاني تروح جامعتك تشوف شغلك لحد ما اخلص مشاكلك وترجع تاني ع بلدك تمسك مزرعتك ويلا اتفضل
ظل محمود ينظر لرحمه ومن ثم انفجر ضاحكا مما ادي الي استغراب رحمه كثيرا وبعد دقائق من نوبه الضحك
محمود : عارفه يا رحمه مغفره قالتلي ادعي ربنا انك تسامحني بس عارفه انتي متقدريش تبعدي عني قولتي اروح الجامعه اشوف شغلي ارجع بلدي واشتغل ف المزرعه بس مقولتيش طلقني عشان قلبك ولسانك محدش فيهم طاوعك انك تقوليها بس انا لاول مره اشوف رحمه جمال عبد الناصر أكبر سيده اعمال بالضعف ده ودي الحقيقة اللي انتي بتداريها انك ضعيفه ومش قادره تواجهي ماضيك ولاقادره تصبحي علاقتك مع اصحابك ومش قادره تشوفي موده قدامك عارفه ليه عشان انتي ضعيفه فاهمه انتي ضعيفه
رحمه وهي ترفع يدها لتصفع محمود : محمووووود
محمود بثبات : ايه وقفتي ليه يلا اضربي مستنيه ايه
انزلت رحمه يدها واستدارت الجهه الأخري
محمود : انا همسي ومش بس همشي بس من الجناح انا ماشي من القصر كله ومتلوميش حد يارحمه عشان انتي اللي عملتي في نفسك كده وكل علاقتي بيكي دلوقتي اني مدير اعمالك وجوزك لفتره مؤقته عن اذنك
خرج محمود من القصر بأكمله صعد الي سيارته وأمسك هاتفه ليطلب كريم
أما في الكافيه
موده بضحك : بجد يا مصطفى كفايه نكت بقي
مغفره : والله مش عارفه انت عندك ٢١سنه ازاي المفروض يكون عندك ٨ سنين ولا حاجه
مصطفى : ليه بس طب هقولكم نكته كمان
كريم : استنو محمود بيتصل
محمود : الو يا كريم ايه الاخبار عندك
كريم : كله تمام ، وانت عملت ايه
محمود : بص ياكريم مش عايز اتكلم دلوقت انا قدامي ربع ساعه واكون عندكم ف البيت سلام
كريم : ماشي سلام
مصطفي : ف ايه
كريم : مش عارف كل اللي قالو انا مش قادر اتكلم وقدامه ربع ساعه ويكون عندنا ف البيت
مغفره : لا مش معقول يكون عمل اللي قال عليه
كريم : قال ايه
مغفره : قال إنه هيرجعنا تاني زي زمان حتي لو ع حساب علاقته برحمه
موده : لا مستحيل اسيبهم كده مش كل حاجه بتحصل بسببي
مصطفى : ياجماعه احنا لسه مش عارفين ايه اللي حصل بالضبط
مغفره : ايوه بس .......، أستنو رحمه بتتصل ، ايوه يا رحمه
رحمه : تعالي ع الشركه عايزين نخلص الشغل اللي ورانا
مغفره : ايوه بس .........
رحمه بعصبية : هو ايه اللي بس يلا تعالي عايزين نخلص
مغفره : حاضر جايه
موده : في ايه
مغفره : قولتلكم محمود عمل اللي قال عليه
كريم : مصطفي يلا عشان نفهم من محمود ايه اللي حصل
مغفره : وانا هروح لرحمه
ذهب كريم ومصطفي الي منزلهم راو محمود امام الباب مصطفي وهو يخرج المفاتيح وفتح الباب ودلفو ثلاثتهم الي الداخل وجلسو
كريم : محمود انت كويس
محمود بتعب : انا كويس بس مش قادر اتكلم معلش
مصطفى : ولا يهمك يا معلم انا هقوم احضر اي حاجه نأكلها
محمود : متعملوش حسابي انا عايز انام
كريم : ايوه يا محمود بس لازم تاكل
محمود : معلش يا كريم ماليش نفس
كريم : طيب خلاص تعال عشان تغير هدومك
دلف محمود لكي ينام او كما قال لهم ولكنه لم يذوق طعم النوم وكذلك كريم ومصطفي بسبب حزنهم ع صديقهم
أما في الشركه
مغفره: وبعدين يا رحمه
رحمه : وبعدين ايه
مغفره : كلمتني وقولتلي يلا عشان نلخص اللي ورانا وبعمل كل اللي انتي عايزها من وقت ما جينا الساعه داخله ع ١ ومش عايزه تقومي تروحي ولا تقوليلي ايه اللي حصل بينك وبين محمود بعد ما مشينا
رحمه : متشغليش بالك
مغفره : ايوه يا رحمه بس حالك ده ...........
رحمه : مغفره مش فايقه لتحقيق بتاعك مش عايزه اروح القصر
مغفره : خلاص تعالي معايا
رحمه : يلا
وبينما رحمه تجهز نفسها ارسلت مغفره رساله ل كريم
(لو عرفت حاجه ابقي قولي رحمه مش راضيه تتكلم وهي دلوقتي هتيجي معايا عشان مش عايزه تروح القصر)
قرأ كريم الرساله فأرسل الرد ل مغفره
( ولا حتي محمود راضي يتكلم ولا حتي راضي ياكل حاجه واهو عامل نفسه نايم عشان محدش يتكلم معاه بس لو عرفت هقولك وابقي حوالي مع رحمه تاني )
دلفت رحمه ومغفرة الي السياره ظلت مغفره تفكر ماذا حدث بينها وبين محمود ولاول مره منذ سنوات مغفره تري رحمه بهذا الوضع صامته تماما ولا تتحدث تتطلع الي النافذه وشارده فحاولت مغفره تلطيف الأجواء
مغفره : تحبي اشغلك حاجه تسمعيها
رحمه بلامبالاه : اعملي اللي انتي عايزاه
أما في مكان آخر في منطقه مهجوره كانت دريه تنتظر الشخص الذي يساعدها
دريه : كل ده عما تيجي
الطرف الآخر : اعمل اللي انا عايزاه ، المهم جاهزه
دريه : تمام ايه هي الخطه
الطرف الآخر : دلوقتي رحمه ومحمود حصل بينهم خناقه ورحمه قاعده عند صحبتها مغفره وبما أن مفيش حراسه مكثفه مع رحمه ف دي انسب فرصه
دريه بفرحه : يعني خلاص محمود طلق رحمه
الطرف الآخر : لا لسه بس هيحصل قريب
دريه : وانا عرفت منين اللي حصل بينهم
الطرف الآخر : وانتي مال امك انتي تعملي اللي بقولك عليه وخلاص سامعه
دريه : ماشي ، قولي بقي اعمل ايه بالتفصيل
قص الطرف الآخر لدريه بالخطه
دريه : تمام اوي كده
الطرف الآخر : خدي المسدس اهو
اخد منه دريه السلاح وهي ف كامل فرحتها ولكن لا تعلم ما يخبئه لها القدر
أما امام منزل مغفره
مغفره : رحماااااااااااااااه
رحمه :ايوه
مغفره : ايوه ايه بقالي ساعه بقولك وصلنا يلا انزلي
رحمه : يلا
دلفو هما الاثنين الي العماره وصعدو لشقه مغفره
مغفره : يلا غيري هدومك عما اطلب الاكل
رحمه : كلي انتي انا مش هاكل
مغفره : ايوه يا رحمه بس...........
رحمه بنفاذ صبر : مغفره تصبحي ع خير
مغفره : وانتي من اهل الخير
صعدت رحمه الي غرفه مغفره وغيرت ملابسها لكي تنام او كما قالت لمغفرة
أما مغفره كانت تتحدث مع كريم ع الهاتف
مغفره : انا عارفه انا بقولك ايه رحمه مش هتتكلم حاول كده مع محمود
كريم : مش عايز اضغط عليه وبعدين من وقت ما جه وهو ف الاوضاع مش عايز يخرج
مغفره : طب هنعمل ايه
كريم : هو الحل اللي قدامنا نستناه حد منهم يتكلم
مغفره بعصبية : لا يا كريم مش هينفع رحمه لو فضلت كده احتمال يجلها انتكاسه وترجع زي الاول وانا مش هسمح بكده
كريم بعصبية : مغفره زي مارحمه صحبتك محمود كمان صحبي ومش هخليه يعمل حاجه غصب عنه محمود ف عالم تاني مش معانا اصلا اعمل ايه يعني
مغفره : ماشي يا كريم سلام
كريم : مغفره مغفره انا اسف والله اسف مش قصدي انا اسف بس والله انتي مشوفتيش محمود عامل ازاي
مغفره : ولا انت شوفت رحمه عامله ازاي ، تصبح على خير
اغلق كريم الهاتف مع مغفره ثم دلف إليه مصطفى
مصطفى : ايه اللي مصحيك
كريم : ومين هيجله نوم
مصطفى : معاك حق والله كنت بتكلم مين
كريم : بشوف في جديد عند مغفره ولا لا ورحمه مش عايزه تتكلم
مصطفى : ده الموضوع طلع كبير اوي واللي كنا خايفين منه حصل
كريم : الواحد لو كان يعرف كل ده مكنش عمله
مصطفى : يابني ده قدر ومكتوب يعني كان لازم يحصل واهو نتعب دلوقت بس نرتاح بعدين ولا ايه
كريم : ربنا يعديها ع خير بقولك بقولك محمود اخباره ايه
مصطفى : زي ماهو دخلت اشوفه عامل نفسه نايم
كريم : بس كده مش هينفع لازم يتكلم مينفعش يفضل كاتم جواها
مصطفى : مزيكا اللي بيقول كده
كريم بتذكر : اها يا خويا شوفت ده........
مصطفى : ايه سكت ليه
نظر كريم لمصطفى
مصطفى بخوف : ايه هتاكلني ولا ايه والله شرابتك مكانها
كريم : شرابات ايه ، انت عبقري
مصطفى : انا
كريم : ايوه عرفت خلاص هخلي محمود يتكلم ازاي
مصطفى : ازاي
كريم : اعمل اللي بقولك عليه وخلاص
مصطفى : حاضر
قام كريم ومصطفي ودلفو الي غرفه محمود اشعلو الاناره
وجلسوا ع الفراش المقابل لمحمود
كريم بخبث : عارف يا مصطفى اللي حصل ده فكرني باللي حصل معايا مع شمس
مصطفى وقد فهم خطه صديقه
مصطفي : عارف بقي يا كيمو نعمل ايه
كريم : ايه يا ديشا
مصطفى : زي ما عملت مع شمس هنروح لرحمه و..............
قام محمود من مكانه مفزوعا : اقسم بالله لو عرفت أن حد فيكو اتكلم مع رحمه مش هتعرف هعمل معاكم ايه كفايه اللي عملتوا فيها
كريم : ايوووووووه ايه بقي اللي عملتو معاها
محمود وقد فهم خطتهم
محمود : ده انتو عيال اقسم بالله لازم يعني اعملو كده عشان تعرفوا
مصطفى : انا بقول نروح لرحمه
محمود : لا خلاص هقولكم ............