الحلقة العشرون والحادية والعشرون
بقلم شيمو الخطيب
الحلقه ٢٠
من (غمرتني عشق)
❤️اللهم أشفِ كل من أتعبه المرض، ربي أرح كل نفس لا يعلم بوجعها إلا أنت سبحانك.❤️
بسم الله نبدأ
في فيلا العزيزي
هدى واقفه بتعيط ومصدومه من كلام ابنها، وحازم مش عارف قاسم هيوصل لايه، وناوي على ايه بالظبط
هدي بعياط شديد: ها، هت، هتعمل ايه يا، ياحازم
حازم قرب منها واخدها في حضنه: اطمني ياهدي، ان شاء الله خير،، قاسم هيرجع متقلقيش
هدي بتعيط ومش قادره تجمع الكلام : تف،، تفتكر فعلا، هي، هيرجع ياحازم
حازم خرجها من حضنه وبصلها: ان شاء الله ياحبيبتي هيرجع،، ادعي ربنا يهديه، ويبعده عن البنت دي لانه لو وصلها، عمره مهيرجع تاني يا هدى، هنبقى فعلا خسرنا ابننا
هدي مسحت دموعها: حازم،، انا حاسه اننا جينا عليه قوي، عمري ما شفت قاسم بيحب حد كده، اه هي متنفعناش، بس هو حبها، كان المفروض نحل الموقف بطريقه احسن من كده عشان منخسرش ابننا
حازم بصلها بغيظ: انتي اتجننتي ياهدي، ابنك اختار غلط،، اختار واحده متنفعش تبقى زوجه ليه، وتقوليلي نحل الموضوع بطريقه احسن،، انتي جرا لعقلك حاجه ياهدي،،، انتي تقبلي ان عشق تبقى مرات ابنك؟
هدي سكت ونزلت وشها في الارض:
حازم بغيظ: متردي ياهدي، تقبلي ولا لا؟ ، صدقيني ياهدي، لو قبلتي، انا من بكره،،، لا
ومن بكره ليه،،، من دلوقتي هدور على عشق وارجعها لابنك واجوزهالو كمان، بس انتي قولي اه، (حازم بيبصلها بقلق)
هدي: اتنهدت بوجع وقالت: للأسف يا حازم، عشق متنفعش تبقى مرات ابني.
حازم اتنهد بارتياح، : يبقى خلاص ياهدي،، سيبيني اتصرف بطريقتي، واستحملي معايا الفتره دي وجمدي قلبك شويه على قاسم، عشان يرجع لعقله في أقرب وقت
هدي بزعل: حاضر ياحازم، حاضر، وسيباه وطالعه
حازم بزعل علي حالتها: رايحه فين ياهدي، استنى كلي اي حاجه انتي مكلتيش خالص
هدي بتعب: هطلع اطمن علي رنا وانزل على طول، ولفت وشها وطلعت
وصلت هدي عند أوضة رنا وخبطت، لكن رنا مردتش
فتحت هدى الباب واتفاجئت ان رنا مش موجوده، جريت في كل ركن في الاوضه وفتحت الحمام،، وبصت من البلكونه، لكن ملقتش رنا، قلبها دق بسرعه، ونفسها بدأ يتخنق وبقت حاسه ان الدنيا بضيق بيها
خرجت من الاوضه ونزلت جري على السلم وهي بتنادي
هدي: ياحازم،،، يا حازم،،، الحقني يا حازم
حازم بيجري من المكتب : مالك ياهدي فيه ايه
هدي بعياط: رنا يا حازم،،، رنا مش في اوضتها،، بنتي مش في البيت
حازم بصدمه : انتي بتقولي ايه،،ونده بسرعه على زينب،،، يازيييينب
زينب بتجري: خير يا حازم بيه تحت امرك
حازم : رنا فين يا زينب، مشوفتيهاش
زينب بقلق: لا والله ياحازم بيه، بس انا كنت في المطبخ وسمعتها بتنادي على ريكس، يمكن قاعده معاه
هدي سمعت كده وطلعت تجري على مكان ريكس.وبعدها حازم وزينب لكن للأسف ملقوهاش،
هدي مسكت في ايد حازم : ابوس ايدك ياحازم، رجعلي بنتي، بنتي فين يا حااااازم، بنتي فيييييين
حازم واقف متكتف وهدى موتراه،، لمح ريكس داخل من البوابه، ومعاه ناجي،
جري حازم ناحيتهم
حازم : ناجي،، رنا فين، طمني،
ناجي: والله ياباشا انا كنت في الحمام، وسمعت الست رنا بتنادي على ريكس، خرجت بسرعه لقيت ريكس بيجري ورا عربيه، وبعدين رجع، والست رنا مشوفتهاش، لكن ايه اللي حصل معرفش
حازم بصدمه اكبر : عربيه،،، وتفتكر العربيه دي ليه ريكس جري وراها،
ناجي: والله يا باشا معرفش، انا فكرت ان انسه رنا ممكن تكون في اوضتها ولا حاجه
حازم بنرفزه: أوضة ايه ياناجي، بنتي مش لاقينها وانت السبب، اكيد ريكس لقى البوابه مفتوحه، خرج ورنا خرجت وراه، وانت نايم على ودانك، تقدر تقولي سيبت البوابه مفتوحه ليه،،
ناجي: نزل وشه في الأرض،. أنا آسف ياحازم بيه، غصب عني والله
حازم بصوت عالي ونرفزه: وانا هعمل ايه باسف، بنتي فين ياناجي، هجيب بنتي منين دلوقتي، غلطك ده مين يتحمله،،
فجأه زينب صرخت وكانت هدى اغمي عليها
جري حازم عليها، وشالها ودخلها الانتريه،
حازم: زينب؛،،، بسرعه حاجه نفوق هدى بيها،،، وخبط على وش هدى،،، هدى حبيبتي، طمنيني عليكي، فوقي ياهدي،،
زينب جابت برفان ورشوا عليها وفعلا فاقت
هدي بتعيط: بنتي وابني ياحازم.،، انا عايزه ولادي، رجعلي ولااااااادي
حازم بخوف وقلق : حاضر ياهدي، بس انتي لازم تبقى أقوى، قومي ياهدي وصدقيني ان شاء الله هيرجعوا
-------------------" بقلم شيمو الخطيب
في فيلا خالد
خالد بيفكر يخلص من رنا عشان يداري جريمته ورنا قاعده حاضنه نفسها ومرعوبه من اللي حواليها
فجأه سمع خالد صوت بينادي
قاسم وقف العربيه قدام الفيلا،ونزل بسرعه وداخل زي القطر وفي قمة غضبه
قاسم: ياخاااالد، ياخاااالد يارافعي ، اطلعلي هنا
خالد اترعب ورجالته واقفين واترعبوا من الصوت بس،
قاسم وحسام ضربوا الرجاله اللي بره اللي حاولت تمنعهم ودخلوا الاتنين، وكان باب الفيلا مفتوح
دخل قاسم وخالد واقف مشلول الحركه
قاسم: مسك خالد من هدومه : فين عشق ياخالد،، انطق، فين عشق
حسام داخل ورا قاسم، وبص لقى فيه رجاله وحركتها غريبه، وقاسم كل تركيزه مع خالد اللي واقف قدامه مصدوم ومش قادر ينطق
حسام سمع صوت همس من ورا الرجاله بيقول: ابيه قاسم الحقني
حسام اتجنن لما شك في الصوت، ومسك الراجلين وزقهم، وهنا خالد انهار تماما وقعد على الكرسي، لأنه عرف ان نهايته قربت
وقاسم مستغرب من رد فعله لكن فاق على صوت حسااام بيقول، رناااا
حسام اتفاجئ لما شاف رنا، وهي مقدرتش تقوم، وبدون وعي جري حسام على رنا وقال : رنا حبيبتي، انتي ايه اللي جابك هنا، وشالها من على الأرض وقعدها على الكنبه، وبص للراجلين اللي حاولو يجروا ويخرجوا، لكن لقوا حسام مسكهم ومبقاش عارف هو بيضرب فيهم ازاي، وضربهم الاتنين بغل، لحد موقعوا في الأرض ومش قادرين يتحركوا، واتصل بالقسم وطلب قوه تيجي تساعده في نقلهم
اما قاسم واقف مذهول وجرى على رنا، اللي بتعيط واترمت في حضنه وبتعيط عياط هستيري
قاسم اخدها كلها في حضنه، لحد مهديت شويه، وبعدين خرجها ومسك وشها بين اديه وقال :، اهدي يا رنا انا جنبك ياحبيبتي متقلقيش، بس فهميني، ايه اللي جابك هنا،
رنا بعياط : والله يا، ابيه انا معرفش، انا كنت بجري ورا ريكس لانه خرج من الفيلا، وخوفت ميرجعش وانت مش ناقص حزن، فجأه لقيت نفسي هنا وبيفوقوني لكن مين دول، معرفش،
حسام بيسمع بغيظ وبيبص على خالد اللي حاطط راسه بين اديه وساكت
حسام جري على خالد: ومسكه من هدومه ووقفه: انا عايز افهم، انت جايبها هنا ليه، انت عايز ايه بالظبط،
خرجت سعاد في اللحظه دي. واتشجعت لأنها لقت ان دي فرصتها وانها لازم تنتقم لكن البنات اللي ظلمهم وأولهم هي وعشق وسحر
سعاد: ياباشا،، انا عارفه حضرتك وشوفتك قبل كده، وعارفه انكو ظباط، وانا هحكي على كل حاجه
خالد بص لسعاد بغيظ لكن مفيش في ايده حاجه،، اما سعاد فبصتله بتحدي وشماته
قاسم: قولي بسرعه، ايه اللي حصل
سعاد : الست هانم دي (وشاورت على رنا)، جت بالغلط هنا ياحضرة الظابط، اللي المفروض كانت تيجي كانت عشق، اللي انتو جيتو معاها هنا قبل كده،
قاسم بصدمه :يعني ايه، يعني عشق مش هنا
سعاد: لا ياباشا، عشق مجتش، شويه الاغبيه دول، جابو الست هانم دي بدل عشق، لكن عشق مش موجوده هنا،
حسام بص لخالد بغل، وجرى عليه وبيضرب فيه بكل قوته وهو بيقول: رنا دي لا، انت ازاي تتجرأ على حاجه تخص حسام المغازي، انت اتجننت، وبيضرب فيه اكتر، ومسكه من هدومه،، واقسم بالله انا مهرحمك، انا هخليك تتمنى الموت ومش هطوله، بس اخر سؤال هسألهولك، عشق فييين، اكيد انت عارف هي فين
قاسم جري عليه ومسكه، : انطق، عشق فيييين،
خالدبينهج والدم نازل من كل حته في وشه : والله، يا، يا، يا باشا، انا،، انا معرفش، حاجه عنها، كل، اللي اعرفه، انها شغاله، في فيلا عند ناس أكابر، غير، كده لا، وفعلا رحت عشان اصفي حسابي معاها، بس الاغبيه جابو الست هانم دي بالغلط،، لكن عشق، والله ما اعرف عنها حاجه
قاسم بدون وعي وبغيظ شديد: تصفي حسابك معاها ياكلب،، ده انا اللي هصفيك دلوقتي، ونزل فيه ضرب بكل قوته، لحد حسام مهداه وبعده عنه، لأن خالد مبقاش قادر يوقف، ووقف قاسم ينهج، وبيفكر ياترى عشق فين، وبص على رنا لقى حسام واقف جنبها وبيسندها تقوم، جري قاسم عليها واخدها في حضنه وهي عيطت بصوتها كله وهو دموعه نزلت على حاله وحال اخته والرعب اللي عاشت فيه، وعلى عشق اللي مش قادر يعرف هي فين،
حسام اتنهد بوجع، وقاسم شال رنا ودخلها العربيه، والقوه جت وقبضت على خالد ورجالته، وطلعوا على القسم ومعاهم حسام في البوكس
اما قاسم وسعاد ورنا، ركبوا عربيه قاسم وطلعوا على القسم
---------------- بقلم شيمو الخطيب
في المستشفى،
بسمه قاعده بتابع الاجهزه في اوضة عشق، وفجأه حست انها بتتحرك، فرحت جدا وجريت على مكتب أمجد بيه وكان د محمد قاعد معاه
بسمه بفرحه: د محمد،، تقريبا المريضه فاقت، دي بتتحرك، بس حركه ضعيفه
محمد قام يجري وبسمه وراه : مش مهم الحركه ضعيفه او لا، المهم انها فاقت،
وصل محمد الاوضه، ودخل، وكشف على عشق، وفتح عنيها وشغل الكشاف، وتابع حركة الاجهزه وكان كله تمام
عشق بدأت تفوق وبتتكلم بهمس : قااسم،، امي،،
محمد مش قادر يحدد هي بتقول ايه:،قرب منها وقال،، انسه، انتي سمعاني
عشق بتحاول تفتح عنيها وبتتكلم بهمس؛ اااه، انا تعبانه قوي
بسمه فرحت، ومحمد ابتسم بفرحه : انتي حاسه بايه يا، انسه، كلميني
عشق بهمس: دمااااغي ، جسمي كله بيوجعني
أمجد داخل الاوضه بينهج: ايه يامحمد طمني، ايه الاخبار
عشق: ااااه، مش قادره، عايزه اقوم
محمد بص لامجد وابتسم بفرحه: بكده الحمد لله يا امجد بيه، نقدر نطمن على حالة المخ، وانه متأثرش، وأن شاء الله هتبقى احسن
أمجد فرح جدا ودموعه نزلت بفرحه، ومش عارف ليه هو مهتم بالحاله دي،
عشق بتوهان: قاااسم،، قاااسم فين، امي فين، عايزه امي،
أمجد مذهول لانه سمعها بتقول قاسم، واستبعد من دماغه فكره انها تكون على علاقه بقاسم العزيزي،،
محمد بتفاؤل : اطمن يا أمجد بيه،، صدقني الأمور كلها ماشيه كويس، وبإذن الله هتفوق، وهتبقى احسن
امجد: يارب، يارب يا دكتور محمد،
---------------- بقلم شيمو الخطيب
في القسم
دخل حسام مكتبه، ودخل خالد ورجالته وهما متبهدلين على الآخر، وفتح حسام المحضر،
قاسم وسعاد ورنا دخلو، وحسام اخد أقوال رنا وسعاد، اللي اعترفت على خالد بكل حاجه، واعترفت انه خدر سحر وابتذها وهددها انه هيفضحها، وحسام بعت عسكري واستدعي سحر واكدت على كلام سعاد،
حسام بص لخالد: انا بقه عايزك تقولي فين صور البنات دي، واقسم بالله لو مانطقت معايا لاكون دفنك مكانك، انطق يالا فين الصور،
خالد قال علي مكان السي دي وحسام بعت قوه بتفتيش الفيلا. وجابو كل السي دي الموجوده في الفيلا، واتكسرت كلها قدام سعاد وسحر
والاتنين فرحوا وحمدوا ربنا انهم خلصوا من الكابوس ده
رنا قاعده ومذهوله من اللي بيحصل، وحست انها فعلا ولا حاجه قدام تدين واحترام البنات دي وخوفهم على نفسهم ده حتى شعرهم متغطي، جسمهم متغطي، لبسهم بسيط لكن جمالهم طاغي، واحترامهم لنفسهم اكبر من اي حاجه، صعبوا عليها جدا بعد تعرضهم للتهديد، لكن لما شافت فرحتهم ابتسمت تلقائيا وفرحت لفرحهم. وحست انهم فعلا طيبين ونضاف. وميستاهلوش كده،
وبصت لقاسم اللي تايه وكل تفكيره في عشقه،، رنا قربت منه
رنا بحب: هتلاقيها يا ابيه ان شاء الله، متقلقش
قاسم بص لرنا وشدها في حضنه وابتسم بوجع وسكت، ورنا زادت في حضنه
حسام امر بحبس المتهمين، وطارق جه، ودخل وفهم كل حاجه من حسام. وطبعا حسام محكاش اي حاجه تخص سحر، وطارق قرب من قاسم وسلم عليه
طارق: ان شاء الله عشق بخير ياقاسم بيه، متقلقش
قاسم بصله وسكت ومردش، واكتفي بهز راسه وبس،
طارق: انا عارف ان امر عشق يهمك، واتمنى انك تلاقيها في أقرب وقت وكلنا هنساعدك وانا اول واحد، بجد عشق محظوظه انها لقت حد يحبها كده
قاسم: شكرا ليك ياطارق ،
حسام: يلا ياقاسم، نوصل رنا للبيت، ونرتاح ونرجع نشوف هنعمل ايه،، وانت ياطارق خد البنات وروحهم وخلي بالك منهم
طارق: تحت امرك يا حسام بيه،
قاسم اخد رنا وطلع ركبها وركب عربيته
وطارق وسحر وسعاد روحوا، وحسام ركب العربيه وساق وعنيه على رنا في المرايه وقلبه جواه غل كبير من ناحية خالد
وصل حسام وقاسم ورنا الفيلا، ونزلت رنا وحسام لكن قاسم رفض
رنا بزعل: ايه يا ابيه انت مش هتنزل معايا ولا ايه
قاسم بجمود: انا مليش حد هنا عشان انزله، ادخلي يارنا وخلي بالك من نفسك، ولو احتاجتي حاجه انا موجود واكيد عارفه مكاني،
حسام: طب انزل حتى طمنهم على اختك
قاسم بخنقه: ادخل يا حسام طمنهم انت، انا خلاص، ميهمنيش اذا كانو قلقانين او لا، دول ماتو بالنسبالي
رنا بصتله وعيطت في صمت، وحسام بص لقاسم باسف. وشد رنا ودخلوا
رنا بتبص على حسام لكن حسام ملامحه جامده وهي مش قادره تفهم هو ماله.
دخل حسام ولقى حازم اللي اول ماشاف رنا جري عليها واخدها كلها في حضنه، وكان محسن وفريده وجيجي موجودين، وكلهم فرحوا جدا اول لما شافوا رنا موجوده، وهدى سمعت وزينب بلغتها الخبر، والقوه اتجمعت فيها وتحاملت على نفسها ونزلت وهي بتجر رجليها،
نزلت على السلم وبتنادي على رنا
هدي: رنا،،، بنتي حبيبتي،،، رناااا
رنا جريت على مامتها: مامي حبيبتي، انا كويسه ياحبيبتي متقلقيش،
جري حازم عليها وسندها وقعده على الكرسي، وهي عنيها متعلقه برنا
هدي بعياط وقلق : رنا،، طمنيني عليكي، كنتي فين وايه اللي حصل
رنا بصت على حسام بدموع، وحسام اتكلم
حسام:،، للأسف يا جماعه، رنا كانت مخطوفه
هدي شهقت وكلهم اتصدموا
جيجي بقلق: اتخطفت!! ، طب ازاي، ومين اللي خطفها
حسام بص لحازم بلوم : رنا مش هي اللي كانت مقصوده ياحازم ليه بالخطف، لكن اللي مقصوده كانت عشق، وبطرد حضرتك ليها، رنا اللي وقعت في الفخ ده، وكان ممكن يقتلها، لولا دخولي انا وقاسم المفاجئ،
حازم مصدوم؛ عشق،،، طب ليه، ومين دول
حسام بزهق: اظن دي حاجه خاصه بينا احنا كمباحث، اما انتو فبنتكوا موجوده معاكو اهي، واتمنى، انكو تعيدوا حسابتكو قبل ماتخسروا كل حاجه، بعد اذنكوا
هدي ندهت بسرعه: حساااام، استنى يابني، وطمني، قاسم فين، وازاي قدرتوا توصلوا لرنا، فهمني الله يخليك
حسام بزعل على حالتها : قاسم قاعد في العربيه بره، اما وصلنا لرنا ازاي، دي بقه تدابير ربنا، وهي هتحكيلك كل حاجه، لكن انا مضطر امشي دلوقتي
رنا جريت ورا حسام وبعدت عنهم : حسام، استني، انت عارف اني...
حسام حط اديه على بقها : متكمليش يارنا، انا عارف انتي ايه بالظبط، انا بس مدايق من اللي حصل، ومدايق عشان قاسم، انا لما شوفتك في الوقف ده عذرت قاسم يارنا، انا وشايفك قدامي ومقدرتش اتحمل بعدك او انك تكوني في خطر، طيب هو يعمل ايه، احساسه ايه دلوقتي وهو عارف ان حبيبته في خطر ومش قادر يعملها حاجه،،، قاسم صعبان عليا قوي يارنا، ومش عارف اعمله حاجه،
رنا دموعها نزلت لان قاسم صعبان عليها فعلا
حسام بحب: خلي بالك من نفسك يارنا، واوعى تبقى زي والدك ووالدتك ، انا لأول مره. اكون مع قاسم في كل كلامه، ولأول مره، مزعلش اني والدي ووالدتي توفوا، يكفي انهم توفوا وانا بحترمهم وبحبهم،وبدعيلهم،، اهون عليا من انهم يعيشوا وانا كاره اسمع سيرتهم،
واستأذن من رنا ومشي، وهي عنيها متعلقه بيه،. وعارفه ان كل كلامه صح
جيجي اول ما سمعت ان قاسم بره خرجت بسرعه، وبصت عليه، لقته قاعد ومرجع راسه ورا على الكرسي ومغمض عنيه
فتحت باب العربيه وقعدت مكان حسام، وقاسم مفكرها حسام، ومفتحش عنيه
جيجي قربت من قاسم وباسته في خده ولسه هتتكلم، كان قاسم فاق، وقام بخضه
قاسم: ايه ده،،، (وبصوت عالي)، انتي ايه اللي جابك هنا، اتفضلي انزلي من هنا، ومش عايز اشوف وشك تاني
جيجي بدموع: قاسم انت وحشتني، انت ازاي قاسي بالشكل ده
قاسم نزل من العربيه ولف ناحيتها وفتح الباب. وشدها رماها بره العربيه، وحسام شاف الموقف وجرى عليهم،
قاسم بنرفزه؛ يلا يا حسام، امشي من هنا بسرعه، انا مش طايق اشوف حد
حسام حاول يقوم جيجي،
قاسم : سيبها يا حسام ويلا بدل ما امشي واسيبك
حسام قومها وسابها وركب واتحرك بالعربيه فعلا
حسام : هو ايه اللي حصل يا قاسم،
قاسم اتكلم بقرف : قرفان من نفسي يا حسام، بقه الرخيصه دي تدخل العربيه وتحاول ت...، فرق كبير قوي يا حسام، مينفعش يبقى في مقارنه بينها وبين عشق، انا بجد كاره نفسي في اللحظه دي، حاسس اني عايز اخد شاور يغسلني من القرف اللي حصل
حسام فهم قاسم: فعلا ياقاسم، في فرق بين عشق وبين جيجي، لكن للأسف انت بس اللي شايف الفرق ده، وحسه، انما والدك ووالدتك عمرهم مهيحسوه،
قاسم بزعيق : وانا ميهمنيش انهم يحسوه او لا، انا كل اللي يهمني الاقيها يا حسام، انا لازم الاقي عشق، وعارف اني هلاقيها ان شاء الله
حسام: ان شاء الله ياقاسم، سيبها لله وربنا هيسهلها
قاسم غمض عنيه ودعا ربنا انه يلاقيها
------------------ بقلم شيمو الخطيب
عند فاديه
دخلت سحر وطارق لفاديه
فاديه بلهفه: ها ياولاد طمنوني وصلتو لحاجه، بنتي لقتوها
طارق بزعل: لا يا خالتي للأسف، بس ان شاء الله قربنا وحسام بيه طمنا، متقلقيش ياخالتي، ان شاء الله خير
فاديه بتعيط: ياترى، هي فين وأيه اللي حصلها، يارب احفظها من كل شر يارب. وبصت لسحر،،، ساعديني يابنتي اقوم اصلي وادعي، يمكن ربنا يستجاب ويرجعلي بنتي ونور عيني
سحر قومتها ودخلتها تتوضي، وخرجت فاديه وقعدت تصلي وتدعي وطارق وسحر بيسمعوا عياطها ودعائها وقلوبهم بتتقطع عشانها،
طارق: خلاص بقه ياسحر بطلي عياط، احنا من ساعة مخرجنا من القسم وانتي بتعيطي،
سحر: قلبي وجعني قوي يا طارق، كان نفسي نلاقي عشق، كان عندي امل كبير قوي، ان عشق تكون عند خالد، لكن للأسف، محصلش وده زود قلقي اكتر، (وعيطت أكتر) انا صعبان عليا خالتي قوي يا طارق، وخايفه يجرالها حاجه، انا مش حمل فراق، دي هي اللي صبرتني على فراق امي
طارق: ربنا ميجبش فراق يا سحر، ان شاء الله هنلاقي عشق وترجع، بس انا مش عايز اشوف دموعك دي، وبعدين لازم تبقى أقوى من كده عشان خاطر خالتي فاديه، وصدقيني عشق هترجع يا سحر، ان شاء الله هترجع
سحر : يارب يا طارق يااااارب
؛------------- بقلم شيمو الخطيب
عدي اليوم على أبطالنا،
قاسم رجع هو وحسام، واخد شاور لانه قرفان من كل حاجه حصلت، وهو تحت الدش والميه نازله عليه، سرح في عشق وياتري هي فين، وعامله ايه، واتنهد بوجع، وخلص حمامه وخرج
حسام قاعد ومتغاظ من اللي حصل، وناوي انه يذل خالد ويوريه العذاب الوان، وعذر قاسم جدا وزعل عشانه لكن مفيش في ايده حاجه،
طارق رجع بيته وفاديه وسحر دخلوا ينامو ، والكل نام وبيدعي ربنا انه يصحى ويسمع خبر كويس عن عشق وأنهم لقوها، وطبعا فاديه اكتر واحده بتدعي، لحد مالنوم غلب الكل
تاني يوم الصبح
صحيت فاديه على خبط على الباب
فاديه قامت بخوف ولهفه وفتحت
.... : السلام عليكم، ده منزل عشق الالفي،
فاديه قلبها بيدق بسرعه وبتبصله بس،، وساكته:.. ..........
الحلقه ٢١
من (غمرتني عشق)
♥️.. اللهم انا نعوذ بك من فواجع الاقدار وسوء المنقلب فى المال والاهل والولد♥️
بسم الله نبدأ
في المستشفى، عشق بدأت تفوق تماما، وندهت على الممرضه
بسمه بتظبط الاجهزه، وبتابع الحاله سمعت صوت عشق
عشق بصوت مبحوح :و بتكح بتعب،،، لو سمحتي،،، ممكن تقوميني
بسمه قربت منها بفرحه : الف حمدلله على سلامتك، ايه ياشيخه تعبتي قلبنا معاكي،
عشق بتعب: تسلمي يارب، بس انا عايزه اقوم ومش قادره ممكن تساعديني
بسمه: من عنيا حاضر تحت امرك، وفعلا رفعتلها السرير، وعشق قالتلها كفايه كده،، كده تمام قوي،
بسمه؛ انتي تؤمري ياعسل
عشق ابتسمت لطريقتها،، شكرا لذوقك،
،، معلش هي شنطتي وحاجتي فين،، وهو ايه اللي حصل
بسمه:اممممم، بصي، بصراحه كده، انتي عملتي حادثه كبيره شويه، وكنتي جايه فاقده الوعي، وللأسف مش لاقيين ليكي اي إثبات شخصيه، لأن أمجد بيه نقلك بسرعه على المستشفى ومفكرش اذا كان في شنطه ولا غيره
عشق بتعب: وهو مين أمجد بيه ده
بسمه : أمجد بيه ده ياستي صاحب المستشفى دي كلها. بس راجل سكره، وطيب قوي ومتواضع جدا، وكان هيموت عشانك، واللي يشوفه يقول والدك والله
عشق ابتسمت بوجع : ربنا يباركله،، انا اخر حاجه فاكراها اني كنت ماشيه سرحانه وبعدي الطريق وسمعت صوت فرملة عربيه غير كده معرفش ايه اللي حصل
بسمه بضحك: يووووووه،، ده انتي قديمه قوي، دي حصلت بلاوي بعد كده،
عشق ضحكت بألم : هههه، تعرفي، انتي طريقتك زي طريقة ممرضه اعرفها، ولولا ان عيني وارمه ومش شايفه كويس، كنت قولت انك هي
بسمه باستغراب: تعرفي برده انا حاسه اني اعرفك، حتى دكتور محمد حاسس برده انه يعرفك،، هو انتي اسمك ايه ياقمر
عشق: اسمي عشق،،
بسمه اتصدمت : لا، مش ممكن،،، عشق، انتي والدتك اسمها فاديه
عشق بخوف : ايوه، انتي عرفتي منين
بسمه حضنتها جامد ودموعها نزلت وعشق مستغربه،
بسمه: انا بسمه ياعشق، اكيد انتي فاكراني
عشق بدموع حضنتها : ايوه انا فاكراكي، ولسه كنت بقولك، لكن للأسف مش قادره اتحقق منك،، وحشتيني يابسمه والله
بسمه مسحت دموعها وقالت: ايه ياعشق، ايه اللي وصلك لكده، ليه كمية الحزن اللي شفناها في عنيكي لما جيتي، دكتور محمد نفسه قال انك رافضه الحياه
عشق عيطت بصوتها كله: انا تعبانه،،. تعبانه قوي يابسمه، مش قادره اتكلم دلوقتي،، اكيد هحكيلك بعدين،، وافتكرت صورة قاسم، وسألت بسمه بسرعه،،،، بسمه انا كان في أيدي صوره، اوعي تقولي انها ضاعت،
بسمه حبت تخرجها من المود: ااااه، بتاعت الواد المز ده، لا انتي كنتي متبته فيها كانك خايفه تضيع منك، وانا بصراحه خدتها وشلتها في اوضتي، اهو احب فيه شويه على متقومي، .ههههه
عشق ابتسمت : الا ده يا بسمه، انا اتنازل عن عمري كله، لكن قاسم لا،
بسمه: امممممم قاسم، هو ده اللي كنتي بتقولي اسمه وانتي تعبانه، مكنتيش بتنادي غير عليه وعلى والدتك
عشق بدموع: لأنهم كل حياتي،، بسمه، ممكن اطلب منك طلب
بسمه: انتي تؤمري ياعشق،
عشق: عايزه اطمن امي، اني بخير، بس مش عايزه حد يعرف اني هنا غيرها هي وبس، امي زمانها تعبانه جدا
بسمه : عنيا ياعشق، شوفي عايزاني اروح امتى وانا هروح
عشق اتنهدت بتعب، وسكتت، وفي اللحظه دي دخل د محمد وامجد بيه
محمد فرح لما شافها قاعده: بسم الله ماشاء الله، ده احنا بقينا زي الفل، وقاعدين وبنتكلم كمان
عشق عرفت محمد من صوته وتحققت من ملامحه بصعوبه: تسلم يادكتور محمد، انا دايما كده تعباك معايا
محمد وقف ساكت وبيتأكد من الصوت والكلام،، وبسمه ضحكت وقالت : ايه يادكتور، مستغرب من حاجه ولا ايه
عشق: ايوه يا دكتور، حضرتك تعرفني، انا عشق، عشق الالفي اللي انتحلت شخصية بسمه واشتغلت ممرضه، هههه
محمد بصدمه: ايوه، عشق، انا كنت شاكك والله، حمدلله على سلامتك ياعشق، ايه يابنتي. انتي نشفتي دمنا والله
عشق بابتسامه ووجع: الحمد لله يا دكتور، نحمد ربنا على كل شيء
أمجد سمع اسمها واتعلق بيها اكتر وقرب منها بحب : حمدلله على سلامتك يابنتي، الف حمدلله على السلامه
عشق بصتله وحست براحه كبيره خصوصا لما قال بنتي، : الله يسلمك يا أمجد بيه، واسفه اني قلقتك وسببتلك ازعاج
أمجد قرب منها وحط اديه على رأسها : انا اهم حاجه عندي انك بخير، غير كده كله يهون، ربنا يقومك بالسلامة ويسعدك يارب يابنتي
عشق اتكسفت من لمسته وبعدت شويه : شكرا يا أمجد بيه
وهو ابتسم لكسوفها وشال اديه وقال : ها يا محمد هتفضل في العنايه ولا ننقلها اوضه تانيه عاديه
محمد: لا يا أمجد بيه، دي تتنقل أوضة الممرضين وتداوي نفسها،، دي احسن ممرضه شوفتها، مع انها مش خريجة تمريض ولا كملت تعليمها، بس بجد معجزه
أمجد قعد على حرف السرير: لا، ده انت تحكيلي بقه، وضحك
بسمه حكت كل حاجه لامجد بيه، وهو أعجب بعشق جدا، وكان فخور بيها كأنها بنته
محمد بص لعشق : عشق، الحمد لله انتي بقيتي احسن، وهننقلك اوضه عاديه ان شاء الله، وتكملي علاجك عادي،
عشق: ان شاء الله يا دكتور محمد، بس انا عايزه اروح لأمي
أمجد بلهفه: وهي فين يابنتي وانا انزل بنفسي اجيبهالك
عشق بصتله بامتنان: شكرا يا أمجد بيه، كفايه تعبك معايا، بسمه هتقوم بالمهمة دي،
أمجد بتفهم: تمام براحتك يا بنتي، اهم حاجه عندي راحتك،، وبعدين بعد متتنقلي لاوضه تانيه، لو تسمحيلي عايز ادردش معاكي شويه
عشق بفرحه: من عنيا انا تحت امرك يا أمجد بيه،
بسمه كانت راحت اوضتها وجابت صورة قاسم وجت، ولسه بتحطها تحت مخدة عشق، الصوره وقعت قدام رجل أمجد
أمجد وطي وجاب الصوره واستغرب جدا،، : ايه ده،، قاسم العزيزي
عشق قلبها دق بسرعه وبصت لبسمه بلوم ودموع، وبسمه اتحرجت وسكتت
أمجد بص لعشق: هو انتي تقربي لقاسم العزيزي ياعشق،،
عشق دموعها نزلت وسكت
امجد بزعل: يابنتي انا مش بسألك عشان تعيطي،، على العموم اهدي يا حبيبتي وانا مش هسألك تاني، ومش هدخل نفسي في خصوصياتك، اهدي وبطلي عياط
عشق بصتله وحاولت تسكت، ومحمد امر بسمه تنقلها اوضه تانيه، وفعلا خرجت ونزلت لاوضه تانيه في الدور اللي تحت، وامجد قعد مع محمد ومحمد حكي كل اللي يعرفه عن عشق وخرج من مكتبه وسابه محتار، وبيفكر ايه علاقة بنت زي دي بقاسم العزيزي، وقرر في الاخر انه ينزلها ويحاول يفهم منها
ونزل أمجد ودخل اوضه عشق
عشق بصتله بكسوف ونزلت وشها في الأرض
أمجد بحب: ايه ياعشق، ليه منزله وشك كده، انا جاي اطمن عليكي، انتي كويسه دلوقتي؟
عشق بدموع: انا بخير الحمد لله ياامجد بيه، وبصراحه مش عايزه اتقل على حضرتك اكتر من كده، لاني مش هقدر ادفع تمن المستشفى
امجد ابتسم بحب: وهو انا قولتلك ادفعي، انا اللي غلطت وخبطك، وانا اللي هعالجك، وعلى فكره ده واجب عليا، مش عطف مني،، عشان بس تفكيرك ميروحش لبعيد
عشق ابتسمت: والله انا مش عارفه اقول ايه لحضرتك، ربنا يباركلك يارب
امجد: يارب، انا هستأذنك وهبقى اجي اطمن عليكي بكره ان شاء الله
عشق فكرت انه ممكن يقول لقاسم وندهت عليه يستني: أمجد بيه، ممكن ثواني
امجد بأمل: خير ياعشق، في حاجه ولا ايه
عشق بكسوف: كنت عايزه اتكلم مع حضرتك بخصوص قاسم العزيزي
أمجد بفرحه انها وافقت تكلمه : شد كرسي، وقعد قدامها اتفضلي يابنتي انا سامعك
عشق ارتاحت جدا ليه وفتحتله قلبها وحكتله على كل حاجه من يوم وفاة والدها لحد اللحظه اللي هما فيها حاليا، وكانت تحكي وتعيط وساعات تحكي وتفرح زي الأطفال، واتأثر أمجد بكلامها وحكايتها
امجد: ياااه يابنتي،، ده انتي عانيتي كتير جدا، وأن شاء الله ربنا هيعوضك،، اما عن قاسم، فالولد ده من اكتر. الناس المحترمه اللي اتعاملت معاهم، وبصراحه من ساعة مشوفت صورته معاكي وانا استغربت، ومقدرتش احدد نوع العلاقه بينكو، ومعلش متزعليش، استبعدت انه ممكن يكون بيحبك، لأن قاسم اللي اعرفه انه هيخطب بنت محسن القناوي،
وانه خطوبته قريب ان شاء الله
عشق بزعل: فعلا، بس رأيه اتغير بعد كده، ورفض الموضوع، وانا بصراحه خوفت اكون سبب للعداوه بينهم، فضّلت امشي وابعد،
امجد: وتفتكري ياعشق ان قاسم غبي ومش هيشك في والده انه هو السبب في بعدك
عشق: قاسم عمره ما كان غبي، بس هو والده، ومع الوقت هيرجعوا ويتصالحوا، وانا معنديش استعداد اني ااذي امي ولو بكلمه، ففضّلت اشيل وجعي لوحدي، وابعد، بس انا دلوقتي عايزه امي، عايزه اطمن عليها، ومن غير ما حد يعرف، ولا يحس،
امجد ابتسم: متقلقيش، انا الصبح بدري، هروح ليها، واجيبهالك، انتي تؤمري ياقمر
عشق اتكسفت؛ تسلم يا أمجد بيه، ربنا ما يحرمني من حضرتك ابدا (وادتله العنوان)
وفعلا أمجد سابها ومشي، وهو بيفكر ازاي في بنت كده، وعانت بالشكل ده،
---------------- بقلم شيمو الخطيب
عند فاديه
فاديه صحيت من نومها على خبط على الباب، وقامت فتحت بخوف وقلق، وأمل في نفس الوقت
امجد:، مش ده بيت عشق الالفي
فاديه بخوف: اا، ايوه هو يا بيه، هي بنتي جرالها حاجه
امجد: لا لا، متقلقيش، بنتك زي الفل، وعايزه تشوفك كمان
فاديه بفرحه : ايه،، انت بتقول بنتي بخير، يعني عشق بنتي كويسه، قول وطمني الله يباركلك
أمجد بيبص حواليه بقلق ومش عارف يسكت فرحتها، زقها جوه البيت، وقفل الباب : ممكن تهدي بس، انا مش عايز حد يعرف اني جيتلك
فاديه بتبص باستغراب وقالت: انت مين، وبنتي فين
امجد: متقلقيش والله، بنتك زي الفل، وهي موجوده عندي، وانا هاخدك دلوقتي ونروح ليها، وهتتطمني بنفسك، بس ياريت محدش يحس، بينا، دي رغبة عشق على فكره
فاديه دخلت بسرعه ولبست عبايتها ولبست طرحتها، وخرجت وكانت سحر لسه نايمه، لأنها لأول مره تنام بارتياح بعد ما حست بالأمان بالقبض على خالد،
خرجت فاديه وامجد ووصلوا المستشفى،، ونزلوا من العربيه، وفاديه قلبها اتقبض
فاديه مسكت ايد امجد واتكلمت برعشه: هو،، هو احنا جينا هنا ليه، هي بنتي جرالها حاجه، سايق عليك النبي تطمن قلبي
أمجد طبطب على اديها :متقلقيش يا حاجه فاديه، بنتك زي الفل، وتعالي شوفي بنفسك
وفعلا طلعت معاه ودخلت وكانت عشق نايمه
امجد دخل وصحاها بحنيه: عشق، ياعشق
عشق فاقت وقامت قعدت : أمجد بيه، صباح الخير
وبصت وراه وكانت فاديه اللي اول ماشافتها جريت عليها وخدتها في حضنها: عشق، بنتي حبيبتي، الحمد لله انك بخير ياقلب امك، الحمد لله يابنتي اني شوفتك قبل ما يجرالي حاجه، وطلعتها من حضنها ومسكت وشها بين اديها،،، طمنيني عليكي ياعشق، انتي كويسه، ايه اللي عمل فيكي كده يابنتي، وليه كل الكدمات اللي في وشك دي،، طمنيني يابنتي ده حتى قاسم بيه وحسام بيه قالبين الدنيا عليكي
عشق بعياط: هو قاسم جالك ياماما
فاديه : اه ياحبيبتي جه وسأل عليكي، ودور عليكي في كل مكان، وراح لخالد وبهدله لانه شك انك عنده، وقالب عليكي الدنيا يابنتي، ربنا يحميه هو وحسام بيه، انا لازم اتصل بيه اطمنه
عشق بسرعه : لا،،، لا يا ماما بلاش،
فاديه بصتلها باستغراب،، ليه لا يا عشق، ده الراجل هيموت عليكي،
عشق بصت لامجد وعيطت،
وامجد رد: بصي ياحاجه فاديه،، انا هحكيلك على كل حاجه بس المهم دلوقتي، نجيب فطار ونفطر عشان عشق تاخد دواها،، وبعدين، نبقى نحكيلك اللي حصل،
فاديه هزت راسها بالموافقه، ونزل أمجد يجيب فطار، وقعدت فاديه وعشق في حضن بعض، وعشق حكتلها على الحادثه واللي حصل، لكن بدون تفاصيل، وفاديه حكت انها سايبه سحر في البيت، وهتموت وتتطمن على عشق،
وطلع أمجد بالفطار والكل فطر وفهموا فاديه على اللي حصل كله، وصعب عليها بنتها، وقاسم، اللي شكله كان غني عن التعريف، ويدل على أنه بيعشق بنتها مش بيحبها بس
فاديه بزعل : طب وقاسم، هنسيبه كده قلقان، انتو مشوفتوش شكله عامل ازاي
عشق: مع الوقت هينسي يا أمي،، وبعدين انتي يرضيكي اروح واتذل هناك، كفايه اللي انا شوفته
فاديه حضنتها: لا ياحبيبتي، لا عاش ولا كان اللي يذلك، ربنا يراضيكي يابنتي ويعوضك خير
أمجد قاعد متابعهم، ومستغرب عزة نفسهم، وكرامتهم اللي فوق كل اعتبار، واتمنى من قلبه ان ربنا يسعد قلب عشق، ويجبر بخاطرها
------------------- بقلم شيمو الخطيب
عند حسام
قاسم صحي من نومه وقام بسرعه بص في ساعته، ودخل الحمام، وبص في المرايه لنفسه وافتكر كلام عشق عن القرأن والصلاه وحلاوة القرب من ربنا، وبدأ يتوضي وخرج فرش السجاده وقال الله اكبر ومقدرش يكمل من كتر الدموع اللي نازله، بقه يقرا الفاتحه وقلبه بيوجعه، لكن كمل صلاه، وفجأه دخل حسام عليه، ولقاه بينهنه في السجود وخرج ونفخ بضيق ومش عارف يريح صاحبه ورجع دخل عليه تاني، وكان قاسم بيدعي بعد التشهد وسلم وقام
حسام: حرما ياقاسم
قاسم وشه في الأرض وبيحاول يداري دموعه : جمعا ياحسام ان شاء الله
ولم السجاده وحطها على السرير ورمى نفسه عليه بتعب ووجع
حسام: ايه ياقاسم ، الحمد لله انك رجعت تصلي
قاسم؛ انا كان نادرا لما اصلي يا حسام، ومكنتش بحس بحلاوة الصلاه زي ما حسيتها دلوقتي، مش عشان عشق بعيد عني، أو هي اللي شجعتني ، لا،، ده عشان انا لأول مره بصلي وانا عارف اني هرتاح لو صليت، هرتاح لو ربنا رضا عني، زي مربنا قال بسم الله الرحمن الرحيم.. ومن أعرض عن ذكري فإن له معيشة ضنكا.. وانا اعرضت عن كل حاجه تقربني من ربنا ياحسام، والنتيجه ايه، النتيجه اني عايش اسوء ايام في حياتي، النتيجه اني مش حاسس بطعم السعاده في اي حاجه، يمكن قربي من قربنا يحسسني اني عايش
حسام بيسمع قاسم ومتأثر بكلامه، وقرر انه يدخل يتوضي ويصلي هو كمان
وبعد ماخلصوا لبسوا الاتنين، ونزلوا على بيت فاديه يشوفوا الجديد، وحسام يطلع على شغله
وصل قاسم البيت وكانت سحر قامت وبتدور على فاديه، لكن مش عارفه هي راحت فين، والباب خبط وسحر فتحت
سحر: قاسم بيه،، اتفضل
قاسم: ايه اخباركو ا يا سحر
سحر: بخير ياقاسم بيه، لكن خالتي صحيت ملقتهاش، وخايفه يكون جرالها حاجه، ولا خرجت تدور على عشق
قاسم بقلق: والكلام ده من امتى، ومسألتيش حد عليها
سحر بخوف: لا والله، ده انا صحيت من نص ساعه، ومش لقياها خالص
قاسم اتصل على حسام في القسم وقاله، وحسام قاله استنى يمكن تكون هنا ولا هنا
قاسم ساب سحر وطلع على القسم لحسام وقعد معاه لحد مخلص،
قاسم بخنقه ونرفزه: حسام انا مبقتش قادر استحمل، هتكون راحت فين، وازاي خالتي اختفت بالطريقه دي، انا لازم افهم وانت لازم تساعدني، انا مش عارف ليه حاسس انك سلبي ياحسام
حسام بزعل:انا ياقاسم سلبي، انا نفسي اساعدك، وأن شاء الله هلاقيها، بس وجودك معايا موترني، قاسم انا من رأيي ترجع لحياتك قبل وجود عشق، وتحاول تقف على رجليك من تانى ، انت مينفعش تفضل كده، قاسم،، اوعي تفكر اني بقول كده عشان مدايق من قعدتك معايا بالعكس، والله، انا اتمنى وجودك، بس انا عايز مصلحتك، عايزك تفوق لنفسك ولشغلك، وترجع قاسم العزيزي، وانا صدقني هعمل أقصى جهدي وهرجعلك عشق تاني، بس ساعد نفسك ياقاسم
قاسم بيسمع حسام بجمود ومش باين عليه أي ملامح،،
حسام نفخ وكمل : قاسم،، عشان خاطري افهمني صح، انا كل اللي يهمني مصلحتك، وبتكلم عشانك انت، مينفعش تسيب حازم بيه لوحده، دي شركتك وفلوسك انت في الاخر
قاسم بيفكر في كلامه، وفي الاخر سابه ومشي، وحسام قعد على مكتبه ومسك راسه بين اديه وحزين على صاحب عمره
-------------- بقلم شيمو الخطيب
قاسم رجع فيلا العزيزي، وداخل زي القطر واول ما دخل كانت هدى ورنا قاعدين، وحازم بيستأذن وهنزل ميتينج
قاسم دخل وبص عليهم وهما فرحوا جدا بوجوده
حازم؛؛؛ حمدلله على السلامه يا حبيبي، انت كويس ياقاسم
قاسم بجمود: انت نازل الشركه
حازم بفرحه: ايوه طبعا تحب تيجي معايا، ده الشغل محتاجك جدا ياقاسم
هدي قربت منه : حبيبي يا قاسم،، حمدلله على سلامتك،، دي الفيلا نورت وحياتي كلها نورت بوجودك ياحبيبي،
وحضنته لكن هو مرفعش اديه حتى وضمها وواقف ثابت
هدي خرجت من حضنه وعنيها كلها دموع،
قاسم بعد عنهم،شويه وكمل: عشان ارجع عندي شروط
حازم بضيق : نعم، شروط ايه دي ان شاء الله
هدي بصت لحازم يسكت وقالت : قول ياحبيبي، واحنا موافقين على اي حاجه
قاسم ببرود : هنقل اوضتي تحت مكان اوضة عشق، دي اول حاجه
حازم : لااااا، ده جنان رسمي، عايز تقعد مكان الخدامين
قاسم بزعيق: قولتلك ده شرطي ومش هتنازل عنه،
هدي حبت تنقذ الموقف : حاضر، حاضر ياقاسم بس اهدي،
قاسم : وعندي شرط تانى ، لو وافقتوا عليه، اعتبروني معاكو من دلوقتي
حازم : ايه هو الشرط ده كمان.
قاسم :.......
------------- بقلم شيمو الخطيب
في المستشفى،، وكان في آخر اليوم
فاديه قاعده مع عشق، وكل شويه بسمه تدخل تطمن عليها، وبعدها د محمد، وفاديه ارتاحت ليهم كلهم، وامجد بيه موصي عليهم والكل بيعملهم الف حساب
فاديه: انا هقوم اتوضي واصلي العشا ياحبيبتي، هتقدرى تقومي تتوضي
عشق : اه طبعا يا أمي هحاول، انا بقالي كام يوم مصلتش، وبصراحه حاسه اني مخنوقه
فاديه : قومي يا حبيبتي وانا هساعدك
وعشق بتحاول تقوم، واحد دخل عليهم
.... : السلام عليكم
عشق وفاديه بصو لبعض وتنحوا
الحلقة الثانية والعشرون من هنا