رواية فرحة عمري
الفصل الاول والثاني
بقلم كوكي سامح
ـــــــــــــــــــــــــــــــــــــــــــ
الساعه 7 الصبح
سميه جايه من المطبخ و عماله تنادى على آدم
سميه : يبنى قوم الساعه بقت 9
آدم قام بص على الموبايل و لقى لسه الساعه 7
و قال : قومت يا امى و فى سرة مافيش مرة تصحينى على الساعه مظبوط
آدم .... 25 سنه خريج صيدله و بيشتغل فى شركه ادويه اتولى مسؤليه امه و الـ 4 بنات و اخ ولد بعد وفاه ابوة من سنتين
طويل .. شعرة قصير و مرجعه لورا وسيم جدا وعنيه بنيه فاتح و بيشتغل فى شركه ادويه و معاش باباه بيساعد مع شغله
سميه راحت قعدت على طرف السرير و هى بتبوس ادم من جبينه
سميه : يا حبيبى يبنى انتا سخن ؟
آدم بأبتسامه : سخن ايه بس يا حبيبتى دا من الطبيعى ان خدى دافى عشان لسه قايم من النوم "
و يشيل من عليه البطانيه و ييروح يطلع فوطه من الدولاب
سميه : ربنا ما يضرنى فيكو ابدا يا حبيببى يارب
سميه ققامت تطبق البطانيه و قالت : شوفلك حل بقى يا ادم مع اختك انا تعبت يبنى و مبقتش حمل مناهدة
آدم : مالها ؟ و تقصدى انهى واحدة يا امى ؟
سميه : سلمى يا ادم بتنام على الموبايل تصحى على الموبايل اجى اشيله منها فى وسط الليل عشان الاشعاع بتاعه تقوم قايمه جايباه و حطاه تحت المخدة تانى
ادم : اممممممممـ حاضر يا امى اول ما اجى هتكلم معاها و تكونن صحيت
سميه : روح يبنى ربنا يريح قلبك زى ما انتا بتريح قلبى كدا
غزل جت من برا و هى حاطه ايديها فى وسطها
غزل : الله الله و انا بقى ماليش دعوة حلوة زى دوما كدا يا ماما
سميه : انتى اه منك يا سوسه على قد ما انتى شقيه بس عارفه مصلحتك و بتسمعى كلامى ربنا يسعدكو يا ولادى يارب
ادم : ايوة يا عم شهادة فخر اهى
غزل ...... 22 سنه خامسه طب قصيرة و محجبه ملامحها لايقه على بعضها و بشرتها بيضا وعنيها عسليه و عندها نمش خفيف محليها اكتر و صاحبه ادم اوووى
و لسه ادم هيسأل على يوسف لقى باب الشقه بيتفتح براحه و داخل يوسف بيتسحب
همس ادم لسميه و غزل انهم يسكتو و اول ما دخل يوسف
ادم : اهلا اهلا الباشا كان فين لحد دلوقتى و يبص فى ساعته و يقول : الساعه 7.15 !!
يوسف عوج بقه و تعابير وشه اتغيرت و قال : كنت بذاكر عند واحد صاحبى
ادم بجديه : انا كام مرة اقولك اخرك برة البيت 12 !!!
يوسف و هو داخل جوة الاوضه : 12 ايه يا عم هو انا طفل مترودى يا حاجه
سميه لسه هتتكلم وقفها ادم و قال بصوت ابتدى يعلى و عصبيه : اقف كلمنى هنا زى ما بكلمك و امك تكلمها عدل يا يوسف
يوسف بعصبيه : قولتلك كنت بذاكر عند صاحبى انا مش بكدب و انتا حتى مانع ان حد من صحابى يدخل البيت عشان اخواتى البنات اعمل ايه يعنى !
ادم امتص عصبيته جواة و قال انه لازم يكلمه بهدوء : ماشى يا يوسف انا مش هطلعك صغير و اكلم صاحبك و اراجع ورا كلامك بس شكرا على اسلوبك المحترم دا مع اخوك الكبير ... و سابه ادم و دخل ياخد شاور
يوسف راح قعد على السرير و فتح اللاب و غزل طلعت من الاوضه و هى بتبص على يوسف بعوجه بق
و راحت سميه قعدت جنب يوسف كدا يا يوسف تكلم اخوك كدا ؟
يوسف بعصبيه مكتومه عشان ادم ميسمعش : بقولك ايه انا مش هخلص منه و تجى انتى
سميه كالعادة سكتت و خرجت برة الاوضه و هى بتدعى ربنا يهديه و مش عاوزة تكبر الموضوع اكتر من كدا
يوسف .... 3 ثانوى علمى رياضه جاب فى 2 ثانوى 98 % طوله مناسب جدا لسنه شعرة طويل و اسود و عنيه سودا اوى
و بشرته قمحاويه
يوسف سرح و هو بيكلم واحد صاحبه على الفيس : ايه الى انا عملته دا مكنش لازم ازعق كدا انا المفروض
اخليه يثق فيا ... بس كدا انا هحلها الله عليك يا جو
طلع آدم من الحمام و هو بينشف شعرة و تجاهل يوسف بنظراته تماما و راح ناحيه الدولاب و طلعع طقم ليه عشان يلبسه
يوسف قام وقف قدام ادم و هو بيلبس و قاله : حقك عليا انا اسف متزعلش كدا بقى
ادم بص ليوسف و رجع كمل لبس تانى و كمل يوسف : يا سيدى لو اتأخرت تانى يبقى ليك الكلام
انا مش بحبك تزعل كدا بقى
ادم وقف بعد ما خلص لبس و قاله : يا عبيط انا اخوك ومحدش هيخاف عليك ولا هيحبك قدى
يوسف : و انا كمان بحبك متزعلش بقى منى
ادم : و بالنسبه للست الغلبانه الى برة دى مش حرام تعاملها كدا ؟
يوسف : هصالحها و مش هعاملها كدا تانى
ادم اتنهد و ابتسم و قاله : ماشى يا يوسف ... عامل ايه فى دراستك ؟
يوسف : اهو الحمد لله تمام
ادم : شد حيلك انا مش هتنازل عن هندسه يا بشمهندس
يوسف سرح فى كلمه مش هتنازل عن هندسه و فاق على كلمه بشمهندس و قاله : ان شاء الله طبعا يا ادم
ادم طلع من جيبه 50 جنيه و اداها ليوسف و قاله : خلى دى معاك و متنساش تكتب لى مصاريف دروسك
فى ورقه و تسيبهالى على المكتب عشان اشوفها
يوسف نط فى حضن ادم و قاله : ربنا يخليك ليا يا احسن اخ فى الدنيا
ادم ابستم و حط ايد على دماغ يوسف و ايد حضنه بيها و قاله : و يخليك ليا
خرج ادم من الاوضه و رجع يوسف على اللاب و لقى صاحبه بيكلمه
KAREEM KEMO : eh ya prince ?
yossef maro : elsahra 3la 7esabi ya brnge
kareem kemo : eshtaaaaaaaa
===================
آدم من على باب الشقه ... : ماما انا نازل مش عاوزة حاجه
سميه جت من المطبخ و هى بتمسح ايديها فى الفوطه و حطت ايدها على دماغ ادم بتقرأله الدعاء
طلعت غزل و هى بتلبس جزمتها بسرعه : خدنى معاك يا دومه ساره عربيتها بايظه و باباها هيوصلها
آدم : تمامو انا هنزل اسخن العربيه لحد ما تيجى
نزل ادم و باست غزل سميه و نزلت جرى
وقفت سميه على الباب و قالت : ربنا يحفظكو يا ولادى يارب و قفلت الباب و دخلت جرى بعد ما ريحه البطاطس طلعت
=======================
آدم وصل غزل جامعتها و طلع على بيت صاحب عمرة " انس "
آدم خبط على الباب فتحتله اخت انس الصغيرة
ادم وطى عليها و شالها و باسها و اداها الشوكولاته و هو بيقولها : كنت متأكد انك انتى الى هتفتحى
طلعت حبيبه من اوضتها و هى بتقول مين يا ماما لقيته ادم دخلت جرى تانى لانها كانت طالعه بشعرها و البيجامه و لف ادم وشه بسرعه و طلع برة البيت
حبيبه من جوة اوضتها : انس فوق السطح بيطير الـحـَـمـام
ادم ضحك ضحكه منغير صوت و نزل اخت انس الصغيرة و قفل الباب وراة و طلع لانس على السطح
_____
انس شافو شاورله يطلع فوق عِشه الحمام بتاعته و ادلو العلم ... بقى انس يصفر و ادم يشاور بالعلم
دَخل انس الحمام كله تانى فى عشته و قفل عليهم و نزل مع ادم
انس : حبيبى ازيك يا دوما
ادم : تمااام يا صاحبى انتا ازيك ؟
انس : قرفان بجد انهاردة اول الاسبوع و حاجه تخنق
ادم : هههههههههه بكرة نبقى صحاب الشركه و محدش يقدر يصحينا بدرى
انس & ادم : هههههههههههههههههههههه
و فى الطريق ...
آدم : مقولتليش صحيح عملت ايه فى العريس الى متقدم لـ حبيبه ؟
انس : كالعادة اترفض يا سيدى مع انه يا ادم و الله مافيهوش غلطه مهندس و امور و سنه مناسب و شقته موجودة !
آدم : يمكن مش نصيبها و بعدين دى مسأله راحه نفسه يا انس
انس : طبعا يا ادم
ادم : اوعى تجبرها على حد يا انس فى المواضيع دى
انس : انتا بتهرج يا ادم انا اجبر حبيبه ازاى يعنى ؟ مينفعش طبعا
ادم ابتسم و قاله : طبعا يا دكتور ربنا يكملك بعقلك
========================
غزل اول ما نزلت را حت على كافيتريا الجامعه .. دورت بعينها على ترابيزة معينه و لقيتها و راحت ناحيتها و هى مبتسمه
غزل : السلام عليكم
الموجودين : و عليكم السلام
سارة : طيب كويس انك جيتى يلا بقى عاشن نلحق مكان فى السيكشن
محمود : ايه يا بنتى على طول كدا استنى اما تهدى و تشم نفسها حتى
غزل : دنا ملحقتش اقعد حتى
سارة : طيب شمى ياختى شمى
محمود : ازيك يا غزل ؟
غزل : الحمد لله اذيك انتا يا محمود ؟
محمود : الحمد لله تمام
احمد : طب مش يلا نلحق محاضرتنا احنا كمان بقى ولا ايه يا كابتن ؟
محمود : اها يلا .. عن اذنكو يا بنات مش عاوزين حاجه ؟
غزل & ساره : ربنا يخليك شكرا
احمد : سلام يا غزل يلا يا حودا
مشيو احمد و محمود ....
ساره : شفتى يا غزل شفتى حرقه دمى سلام يا غزل ولا كأن فى واحدة قاعده اصلا
غزل بتوهان : معلش يا سارة تلاقيه بس قال كدا عشان خد باله انه مسلمش عليا ولا حاجه اما جيت
ساره بمحاوله تصديق لكلامها : طب يلا نمشى احنا ورانا سكشن مهم كمان ربع ساعه
غزل : يلا
محمود : انتا مش هتبطل حرقه دم ليها كدا يا احمد و الله حرام عليك
احمد : بص يا محمود انتا عراف انى مش بطيقها و انا بقعد معاها بس عشان غزل
محمود : و ايه الى دخل غزل
احمد : قصدى عشان هى صاحبتها و مبتجيش منغيرها و عشانك انتا كمان و اديلك فرصه انك تعرف تتكلم معاها
محمود" اهااا ... مالك يا احمد ؟؟
احمد : مافيش
محمود : عليا انا !!
احمد : قولتلك مافيش يا محمود .. معاك سيجارة
محمود : ما انتا عراف انى بطلت
احمد : من امتا دا ؟
محمود : من ساعه ما ارتبط بغزل
احمد : اااااااه قولتلى طيب و طلع من جيبه اخر سجارة معاة وولعها
محمود : احمد مالك ؟
احمد حس انه فعلا متغير و فيه حاجه غير الموضوع و قال : مافيش يا حودا صدقنى يلا نلحق المحاضرة طيب
محمود بتنهيد : طيب هندخل كدا ؟؟
احمد : كدا ازاى يعنى ... بصله محمود على السيجارة طفاها احمد و دخلو المحاضرة
=========================
سلمى قاعده فى اوضتها بتكمل لبس موبايلها رن فى نفس اللحظه الى يوسف كان معدى فيها من قدام اوضتها
سلمى : الو .. خلاص انا نازله اهو .. عشر دقايق و اكون هناك ..سلام
خرجت سلمى من اوضتها و كان يوسف برا يشرب
سلمى : ماما انا ناازله مش عاوزة حاجه ؟
الام : لا يا حبيبتى هتيجى امتا
سلمى : يعنى ساعتين بالظبط
الام : عند مين الدرس ؟
سلمى : عند ندى
الام : تمام ربنا يعينك يا بنتى و متتأخريش يا سلمى
سلمى : حاضر يا ماما سلام
نزلت سلمى و بعدها بثوانى
يوسف : ماما انا نازل اجيب حجات و طالع و قبل ما سميه ترد كان يوسف نزل و رزع الباب وراه
===========================
سلمى نزلت و مشى وراها يوسف منغير متاخد بالها
سلمى وقفت مرة واحدة و طلعت موبايلها و اتكلمت فيه
يوسف استغربت انها وقفت و لقاها بتسلم على بنت نازله من العمارة و كملو مشى سوا
اطمن يوسف و فجأة لقى ولدين بيغلسو عليهم
الدم فار فى عروقه و راح يتخافنق معاهم
===========================
آدم و انس وصلو الشركه و كانو مع بعض فى نفس المكتب
جالهم مكالمه رد ادم على تلبفون الشركه
آدم: ايوة .. حاضر جاى حالا سلام
انس : عملت ايه و هترود ايه فى موضوع السفر ؟
آدم : مش هقدر اسافر يا انس انا هقوله يطلعك مكانى
انس اتضايق لانها فرصه كويسه اوى لآدم و عارف انه عمل كدا عشان عارف ان انس محتاج الفلوس الى هيطلعو من السفريه دى
انس معرفش يرود عليه بـ ايه اكتفى بأنه هز دماغه و رجع بص فى الورق الى قدامه تانى
عرف ادم انه وافق بس متضايق و مشى
_____
غزل و ساره راحو المحاضرة
محمود و احمد راحو كمان على السكشن
سلمى نزلت الدرس و يوسف نزل وراها
================================
طلعت غزل من المحاضرة و راحت للمعيد هى و ساره ..
غزل : دكتور هو حضرتك قولت السكشن الى جاى امتا ؟
الدكتور : ان شاء الله يوم التلات
غزل : متشكرة جدا يا دكتور
ساره : هنعمل ايه ؟
غزل : فى ايه ؟
ساره : السكشن التلات انتى نسيتى عيد ميلاد محمود يا غزل ؟
غزل : لا منستش بس العيد ميلاد مش قبل 5 و السكشن عندنا 9 الصبح !
ساره : بس انتى عارفه انى هروح للكوافير و حجزت خلاص و بين النادى و بيتى اصلا لوحدة سفر !!
غزل : اممممممم طب تعالى هحلها
ساره : هتعملى ايه ؟؟
غزل : هروح للدكتور هقوله اننا اسفين مش هنحضر سكشن بكرة و نروح سكشن يوم الحد مع السكشن التانى
ساره : بسهوله كدا ؟؟ و بعدين دا مصدق عمل فريقين هيقول مقولتوش ليه
غزل : و انتى مقولتيش ليه
ساره : كنت سرحانه يا غزل
غزل : خلاص تعالى بس قبل ما يمشى نلحقه
ساره بخيبه امل : طيب يلا
===========================
يوسف راح يتخانق مع الولد الى كان بيعاكس غزل
راح يوسف بعصبيه ناحيه الولد و شده من التى شيرت بتاعه و لفه ليه و هو بيزعق
لا ارادى سلمى و صاحبتها بصو عليه
سلمى : يوسف !!!
يوسف : كريم ؟!!
كريم : يوسف ؟!!
المنظر كالتالى .. سلمى واقفه مستغربه ايه الى جاب يوسف و يوسف استغرب ان الى بيعاكس اخته كريم صاحبه و كريم استغرب وجود يوسف و هو بيشدة كدا
يوسف : انتا مالك بأختى يا كريم ؟
كريم بص على سلمى و رجع بص على يوسف و هو بيشيل ايد يوسف من عليه براحه و قاله : اختك ؟؟ و الله ما اعرف يا يوسف انها اختك
يوسف مشى ناحيه سلمى و قالها : الدرس فين
سلمى بلجلجه : العمارة دى الدور التالت
يوسف : اتفضلى اطلعى
بص يوسف على سلمى لحد ما طلعت هى و صاحبتها و اطمن و رجع تانى لكريم و عداه و مشى
كريم مد ليوسف و قاله : و الله ما كنت اعرف يا برنجى حقك على دماغى من فوق
يوسف بتحذير : اختى لا يا كريم
كريم : عيب عليك يا يوسف انتا صاحبى يلا و اختك ..... تبقى اختى
==============================
آدم خبط على مكتب رئيس الشركه و دخل
عماد : تعالى اقعد يا آدم
آدم : شكرا يا دكتور
عماد و هو بيبص على الورق الى قدامه : جبت الاوراق المطلوبه للسفر ؟
آدم : احم فى الحقيقه يا دكتور انا عندى ظروف فى البيت جامدة اووى بعتذر مش هقدر اسافر .. بصله عماد بتساؤل كمل ادم و قاله
بس انا صاحبى الى معايا ممكن يطلع بدالى و انا و هو واخدين نفس القرصات و متدربين كويس و يمكن هو اكفأ منى كمان
عماد رجع بص للورق و قاله : مفيش مشكله خليه يجهز ورقه و يجيبهولى و يحضر نفسه
آدم بفرحه : متشكر متشكر اوووى يا فندم
=====================================
نزل ادم لانس الى قاعد مهموم على المكتب نط على مكتب انس و قعد و قاله
آدم : نسنوس حبيب قلبى .. ابسط يا عم الدكتور وافق و طلبك بالاسم
انس رفع وشه لادم و قاله : ليه يا ادم ؟
ادم : هو ايه الى ليه ؟؟
انس : ادم انا و انتا عارفين كويس اوى انتا مطلعتش ليه و خلتنى انا الي مكانك
ادم فهم و نزل من على المكتب و قال : آه احنا جينا للكلام الى بيزعل !!
اولا انا فعلا مسافرتش عشان عندى ظروف
يوسف مش هينفع اسيبه يا انس كل الفترة دى امى و اخواتى مالهمش غيرى يا انس
انتا اكتر واحد عارف انى مينفعش اغيب عن يوسف وا نى اما اغيب يومين بيحصل ايه
انا تعبان يا انس نفسى اطمن و خايف و مش هطمن الا اما يوسف يهدى و يدخل كليه هندسه
انس مشى ناحيه ادم و حط ايدو على كتفه و قاله : حقك عليا يا صاحبى متقلقش يا حبيبى و الله انتا بس الى قلقان بزيادة اوووى
يوسف ميقدرش يعمل حاجه غلط
آدم : ياريت ياريت يا انس اطلع فعلا قلقان بزيادة
انس : ان شاء الله يا حبيبى ان شاء الله
ادم : الله بقى انتا عايز تاخدنى فى دوكه ولا ايه ... بقولك ايييه انا مش هتنازل عن عزومه اه انتا عايز تاكلها عليه ولا ايه
انس بـ تسبيل : تحبى تروحى فين يا حياتى
ادم : اول مكان جمعنا يا حبيبى
و فجأة الباب خبط و دخل الساعى الى بيجبلهم الشاى
ادم و انش جريو كل واحد على مكتبهم و بقهم من هنا لهنا من كتر الضحك
================================
غزل وقفت على باب المكتب خبطت
ساره بهمس : انا مش هدخل
غزل : ساره متستهبليش
ساره بعدت فى ثانيه و لقت غزل المكتب اتفتح و اتخضت
غزل : احم احم ازى حضرتك يا دكتور اسامه
اسامه بتساؤل : اهلا بيكى .. اتفضلى خير ؟
غزل : دخلت ورا اسامه و سابت الباب مفتوح وقالت : انا مش عارفه اقول لحضرتك ايه بس ممكن يا دكتور نبدل موعد السيكشن اللاسبوع دا بس انا و ساره صاحبتى لان عندنا ظروف جامدو اووى
اسامه : اهاا ظروف .. طيب مقولتوش ليه وا حنا بننظم الفريق
غزل فى سرها منك لله يا سارة : احم معلش يا دكتور احنا لسه عارفين من شويه
اسامه : و مش المفروض ان لو صاحبتك عايزة حاجه تيجى هى و تطلبها معاكى
غزل حسبى الله و نعم الوكيل فيكى يا ساره : معلش يا دكتور اصل اصل اصلها و سكتت غزل
اسامه : انا موافق بس عشان دا اول اسبوع فى السنه و عشان الظروف الجامدة الى عرفتوها من شويه بس
غزل رفعت عنيها لأسامه ثوانى و قالت : شكرا يا دكتور و فى سرها " دا انتا غلس "
غزل : عن اذن حضرتك
خرجت غزل و لقت ساره واقفه بتضحك راحت ناحيتها : تعرفى انتى جزمه و انا و الله مش مدخلالك فى حاجه تانيه دا دكتور غلس
ساره : حصل ايه بس
غزل و هى بتقلد صوته : انا هوافق بس عشان اول اسبوع و رجعت لصوتها الطبيعى : مش عارفه انا ايه الناس دى
ساره : هههههههههههههه معلش
غزل : بطلى استفزاز
ساره : ههههههههه مش قادرة
رن موبايل غزل : و الله دا الى انقذك منى
غزل .. الو .. حاضر تمام ... ان شاء الله ... اها خلصنا نازلين اهوو .. فى مكاننا .. سلام
ساره : محمود ؟
غزل : اها يلا مستنينا
ساره : احمد مش معاه ؟
غزل بتتويه : يلا يا ساره عشان منتأخرش
فهمت ساره و مشيت مع غزل
=====================
سميه اتصلت بـ يوسف عشان اتأخر اووى من اول ما نزل ورا سلمى و هو مطلعش قالها انه فى درس .. دعيتله و قفلت
=====================
يوسف : هنعمل ايه ؟
كريم : هوديك مكان هتحس فيه انك طااااااير بس انتا سيبلى نفسك و متسألش
يوسف : اشطه معاك يا برنس
فجأة شاف يوسف حاجه خليته واقف فى مكانه مبيتحركش
كريم : يوسف ؟!!!!
الفصل الثاني
بقلم كوكي سامح
فجأة شاف يوسف حاجه خليته واقف فى مكانه مبيتحركش
كريم : يوسف ؟!!!!!!!!!!
يوسف فاق من سرحانه على صوت كريم بيناديه
يوسف : ها ؟
كريم : ايه يابنى روحت فين
يوسف : مين دى ؟
كريم يبص على الاتجاة الى باصص عليه يوسف و يقوله : قصدك اروة ؟
يوسف : اسمها اروة ؟
كريم : اهااا .. عجباك ؟؟
يوسف بنرفزة : عجبانى ايه و ايه الطريقه دى قوليتلك الف مرة متكلمنيش بالطريقه دى يا كريم
يوسف : خلاص يا صاحبى اهدى انا هصالحك دلوقتى
و يروح كريم يسلم على اروة و يقف معاها و يضحكو هما الاتنين و فجأة يشاور على يوسف
و يروحو هما الاتنين ناحيه يوسف
كريم : اعرفكو ... اروة يوسف .. يوسف اروة
اروة ابتدت بالسلام و مدت ايديها ليوسف
اروة : هاى !
يوسف استغرب رد اروة و مد ايديها على طول كدا فـ مد ايدة و سلم عليها
اروة ... قصيرة شعرها بنى فاتح و عاملاه كيرلى و عنيها خضرا و بشرتها خمريه و جمالها جذاب جدااا فى 1 ثانوى
اروة : انتا لسه جديد فى الشله
يوسف : اه
اروة : انتا فى مدرسه ولا كليه
كريم : فى علمى رياضه يا رورو دحيح يعنى
كريم & اروة : ههههههههههههههههههههههههه
يوسف اتنرفز و زعل و مشى بعصبيه
جريت عليه اروة و شدته من اديه براحه و قالتله : سورى جوو am just joke with you
يوسف بصلها بعصبيع مداريه و قالها : مافيش حاجه
مشى كريم ناحيته و قاله : خلاص يا عم انتا طلعت بنزعل بسرعه اووى بجووووك معاك
اروة لسه ماسكه ايديه شافت صحابهم بينادو عليهم عشان يركبو العربيات و يمشو
مشى كريم ناحيتهم وشدت اروة يوسف وراها و هى ماشيه
اروة : يلالالالا يا جوو
=====================
و فى الكافيتريا
ساره قاعده حاطه ايد على خدها و سانداها على الترابيزة و الايد التانيه بتلعب فى الموبايل
و محمود بيشرح حاجات لغزل فى قرص الكمبيوتر الى مقدمه فيه
ساره : طيب انا هقوم اجيب حاجه نشربها ... تشربو ايه ؟
محمود : بتهزرى يا سارة لا طبعا اقعدى انتى انا هقوم عايزين تشربو ايه ؟
ساره : لا و الله يا محمود مش عشان حاجه و بعدين انتا دايما بتعزمنا سيبنى ارودهالك مرة
محمود بص لساره اوى بصدمه و غزل نفس النظام ... ساره حست انها غلطت فى الكلام
ساره : محمود و الله مقصدش بجد اسفه انا اقصد يعنى ..
قاطعها محمود بابتسامه و قالها : مش محتاجه تبررى على فكرة انا عارفك كويس
ساره اتكسفت من نفسها
رد محمود عشان ميكسفهاش اكتر و يعدى الموضوع : اذا كان كدا فـ انا اشرب بيبسى
غزل : لا يا استاذ مافيش بيبسى انتا مش ناقص ... 2 كوكاكولا يا ساره
ساره & محمود & غزل : هههههههههههههههههههه
غزل : لا بجد 3 ميراندا عشان سيادتك كمان مش هتشربى اى صودا سودا
ساره ضحكت و مشيت
مشيت خطوتين و لفت بضهرها عشان نسيت موبايلها لقت محمود بيحرك شفايفه لغزل بـ كلمه بحبك و غزل بتضحك بخجل و باصه فى الارض ... بصت عليهم و عنيها دمعت و راحت تجيب المشروبات
=====================
آدم و انس خرجو برة الشركه بعد انتهاء معاد الشغل بتاعهم
آدم راح يفتح العربيه عشان يسوق اعترض انس و قاله
انس : لالالالا هات المفاتيح كدا انا الى هسوق
آدم : اشمعزة دا يعنى
انس : خروف كيفى كدا
آدم : اذا كان كدا است عجل يا برنس (( استعجل ))
انس : احبك بولوبيف
آدم : بولوبيف !
انس : يعنى خروف كيفى كدا الى عجبتك
آدم بصله بقرف و حدفله المفاتيح : سوق سوق اهو تريح
انس : هات يخويا ادخل اترزع
و لان صوتهم كان عالى جدا عشان يسمعو بعض فـ ناس حواليهم كانو واقفين هيموتو من الضحك
انس شاف بنتين قمامير اوى واقفين بيضحكو بص لادم و قاله : الله يكسفك كسفتنا قدام الاجانب
آدم و انس دخلو قعدو فى العربيه و اول ما دخلو بصو لبعض بقرف وقعدو يضحكو
آدم : بقى دى شكل ناس عندها 25 سنه ؟؟
انس : هههههههههههههههههه بجد يا آدم و الله ما بضحك من قلبى الا و انا معاك بجد
ادم سند دماغه على الكرسى و ريح ضهرو و قال : فاكر يا انس .. حسام و مراد وحشتنى لمتنا اوووى و قعدتنا سوا
وحشنى مكاننا على البحر وحشنى ضحكنا و هزارنا وحشتنى كل حاجه و بص لانس و قاله
و انتا موحشتكش ايامنا ؟
انس : اة اة طبعا
ادم : هو ايه الى اة اة طبعا تك نيله قفلتنى
انس : يا عم هنعمل حادثه سيبنى اركز
ادم : ركز يا خويا ركز و ريح ادم دماغه على الكرسى و غمض عنيه و هو بيفتكر ايامهم
=========================
...... : و هو ايه الى هيخليه يمشى وراكى يا سلمى ؟
سلمى : معرفش بقى يا جودى اديه كان ماشى ورايا و خلاص و لو كان شاف بلال بتاعك دا كان زمانه دلوقتى جابنى من شعرى
جودى : جابك من شعرك ؟؟ ليه يا بنتى هو باباكى مات ولا ايه عشان اخوكى يتحكم فيكى
الكلمه نزلت على سلمى زى الصاعقه خليتها تفتكر باباها و لما مات و هو حاضنها و انفجرت فى العياط فى الشارع
جودى شافتها كدا معرفتش تعملها ايه
جودى : مالك يا سلمى فيكى ايه سلمى يبنت اهدى انا قولت ايه بس فيه ايه يا سلمى مالك ؟
سلمى بصت لجودى و عنيها مليانه دموع ووشها احمر اووى من كتمه العياط و دموعها نزله : بابا مات
وقفت سلمى تاكسى بسرعه و ركبت و مشيت و سابت جودى فى الشارع
****************************
وصلت سلمى البيت قعدت تخبط .... امها جايه تفتح الباب من المطبخ و هى بتنشف ايديا فى الفوطه و بتقول
سميه "الام " : ايوة ايوة حاضر و تفتح سميه الباب و تترمى سلمى فى حضنها
سميه بخضه : سلمى مالك فيكى ايه مين الى عامل فيكى كدا ايه الى حصل اتكلمى
سلمى بشحتفه : ماما هو ليه بابا مات سابنى هو انا الى موت بابا يا ماما هو انا غلطت اما قولتله نيمنى جنبك انهاردة هو انا زنبى انه كان وحشنى اوى و كان نفسى انام فى حضنه انا الى موته يا ماما
سميه حضنت سلمى و هى بتعيط على حال بنتها و اما افتكرت جوزها و قعدت تطبطب عليها و دموعها نازله
سميه " الام " : يا حبيبتى انتى معدتيش صغيرة و عارفه ان دا قدر و مكتوب و محدش فى الدنيا مُخلد و كلنا مسيرنا هنمشى و نسيب الدنيا دى .. و مين قالك ان بابا سابك ؟ بابا حواليكى فى كل مكان
حاسس بيكى و شايفك و مبسوط بيكى اوى ...
سلمى شدت اكتر فى العياط و سميه حضنتها و قعدت تطبطب عليها فى حضنها و شمت ريحه الاكل بيتحرق
سميه " الام " : شفتى بقى ادى الاكل اتحرق و بابا زمانه زعلان قومى تعالى اعملك الكنافه الى انتى بتحبيها
سلمى مسحت دموعها و ابتسمت و مسكت ايد سميه ودخلو المطبخ
=========================================================
ساره جابت لمحمود وغزل اللمشروبات و شربو و قام محمود يوصلهم
و ع اول شارع غزل
محمود : مش عاوزة حاجه ؟
غزل : ربنا يخليك يارب
محمود : ابقى رنى عليا اما تطلعى البيت ها
غزل : حاضر و بصت لساره .. تعالى بقى اقعدى مكانى
نزلت غزل و نزلت ساره سلمت عليها و فتحت ساره الباب الى جنب محمود و ركبت
==========================
كريم : امسك دى
يوسف : ايه دى ؟؟
كريم : سجارة هتكون ايه يعنى
مد يوسف ايدو و هو متلجلج
شرب يوسف السجارة و موبايله رن ...
يوسف : كريم انا مروح و هبقى اجيلكو بليل
كريم : ليه كدا دى لسه هتحلو
يوسف : فى مشكله فى البيت و لازم انا الى اجيب اختى من الدرس و كدا
هشوفك بليل يلا سلام
مشى يوسف و روح البيت فتحتله غزل و دخل على اوضته غير هدومه و قلع الجاكت علقه على درفه الدولاب
و ناام لانه مطبق بقاله يومين
*************************************
الباب خبط تانى ...
غزل : يووووة تلاقيه ادم حاضر جايه اهووو
غزل فتحت الباب اتصدمت اما شافت محمود
غزل : محمووووود ؟؟؟؟؟؟
محمود : ادخلى البسى الطرحه يا دزمه انتى متعودة تفتحى بشعرك كدا لاى حد !!
غزل بصت على دماغها و دخلت تجرى جابت طرحه و هى طالعه اتخبطت فى رجلها مشيت و هى بتنطط لقت محمود دخل
سميه " الام " : مين تانى يا غزل ؟؟
==========================
...... : ادم قوووم يا ادم
آدم و هو بيفوق بيفتح عينه لقى مراد قدامه افتكر نفسه بيحلم و فال و ه بيدعك فى عينه : احنا فين يا انس
انس : احنا وصلنا مش انا عازمك يلا انزل
ادم : تصدق انا شفت مراد هو الى بيصحينى
مراد : يا راجل ؟؟
ادم : اها و الله و ركز ادم فى الصوت و بص حواليه فى العربيه و قال لانس : هو انتا الى اتكلمت ؟
انس : بسم الله الرحمن الرحيم انتا الحلم اثر عليك ولا ايه يا ادم
ادم : جايز و يبص حواليه و انس بينزل من العربيه
ادم : مش دا مكاننا الى احنا كنا بنقعد فيه زمان
حسام : بالظبط كدا
ادم :لا بقى دا صوت حسام اه انا مش عبيط
مراد & حسام طلعو من تحت الكنبه الى فى العربيه و قالو
مراد : انتا سيد العاقليييين
ادم بصدمه نزل جرى من باب العربيه و فتح بيبانهم و قال : يا ولاد اللعيبه وحشتوووووونى اووووووووووى
و نزلو و خدهم ادم بالحضن و الـ 4 فرحانين فرحه متتوصفش
و فى وسط فرحتهم صرخ انس : آآآآآآآآآآآآآآآآآة
جريو عليه مراد و حسام و ادم و هما مخضوضين
كلهم بصوت واحد : انننننننننننننس
انس : اااااه يا ايدى
ادم : مالك يبنى انتا كويس ؟
حسام : انتا لسه برضو غبى كدا ... حد يقفل الباب على ايدو
مراد : نسيت ايدك جوة الباب يا اهبل
انس : مش ناقصه بجد ااااااااة
ادم : طب نروح مستشفى
مراد : يااااااااااااه يا ادم انتا لسه حنين اوووى كدا زى مانتا !!
انس : مش مستاهله يا دوما خلاص تماام
حسام : وحشتونى اوووووى يا عيااااال بجد
مراد : طب تعالو بقى ندخل مكاننا وحشنى اوووووى بجد
دخلو الـ 4 صحاب مكانهم الى كانو بيقعدو فيه زمان و هو مكان كدا ورا صخرة كبيره على شط البحر محدش بيروحو غيرهم و قليل اوووى اما يبقى فيه ناس
قعدو كلهم قدام البحر حوالين بعض
ادم : بس انتو جيتو امتا يا مراد ؟
مراد : انهاردة الصبح
ادم : و انا اخر من يعلم !!
مراد : و الله يا ادم اتصلنا بـ انس عشان نتقابل قالى تعالى نعملها مفجأة لادم
بص ادم لانس رد انس : حبيب قلبى يا دوما حبيت اضاعفلك الفرحه و بص لمراد و قاله : انتى خلبوصه شكلك هتودينا فى داهيه
مراد & ادم & انس & حسام : ههههههههههههههههههههههههههههههه
ادم : عامل ايه يا حسام و ازى ملك
حسام : تماام يا دوما الحمد لله .. انتا ايه يبنى انتا و هو مش هفرح بيكو بقى
مراد : لا يا عم انا ماليش فى الخطوبه انا مقضيها سنكحه
انس : انا عن نفسى مش هخطب الا اما ادم يعملها انا نادرها يومنا يبقى مع بعض
ادم : يومنا يبقى مع بعض .. انا هموت ولا ايه يا عماد
كلهم : هههههههههههههههههههههههه
حسام : و انتا يا زفت مش ناوى تبطل سنكحه بقى يبنى حرام عليك البنات دى كلها
مراد : زفت يبقى اكيد تقصدنى ... يا عم انا مالى بقى هما الى بيجرو ورايا و بيتلككو اعملهم ايه
حسام : ما انتا لو تسمع الكلام و تخطب مريم صاحبه ملك
مراد : دى بت خنيقه يا عم هى اه امورة اوووى بس خنيقه و دبش فى كلامها
حسام : هى عشان محترمه تبقى خنيقه ؟؟
ادم : اه و الله يا مراد كلنا عارفين و انتا عارف انها معجبه بيك و انتا الى دايما تصدها !
انس : يبنى انتا مش وش نعمه و الله
مراد : ايووون انا مش وش نعمه بقولكو ايه بقى مش عايز انكد على حد فيكو احنا جايين نهزر و نضحك ولا نتكلم
على بنات الناس
انس : يا واد انتا يا مؤمن ههههههههههههههههه
مراد : فاكرين اما كنا بننزل البحر فى الوقت دا يا جدعان و نقعد لحد العشا !!
ادم : كانت احلى ايام
مراد قام من ع الرمله : و كانت ليه انا نازل حد قال جاى ؟
انس : و انا معاك
حسام & ادم : يا مجانين انتو الجوز هننزل بهدومنا
مراد : لا يا خفه اقلعو الجواكت دى بس و يلا
ادم بص لحسام و قام من ع الرمله و هو بينفض هدومه : مجانين وربنا
و قلعو كلهم الجواكت و الجزم و حطوها قدامهم ع الرمله و نزلو البحر و قعدو يرخمو ع بعض زى الاطفال
============================
سميه " الام " نادت من المطبخ : مين تانى يا غزل
محمود : دا انا يا خاالتو
سميه جت من المطبخ هى و سلمى و سلمو على محمود
الام : كدا يا ندل متسألش على خالتك ؟!!
محمود : معلش يا خالتى حقك عليا و الله
غزل : انا مش لسه سايباك يبنى !! جاى ليه ؟
محمود : شفتى شفتى يا خالتى بنتك بتطردنى ازاى ؟!!!!
سميه : هههههههههه بتضحك معاك يا محمود
محمود : و الله انتى ما تستاهلى امسكى ياختى نسيتى ورق القرص معايا
سلمى : بجد انتا جدع
محمود : حبيبتى يا سلومه انتى و الله
سميه : طب ادخل يلا تتغدى معانا
محمود : لا يا خالتى مش هينفع خالص ساره تحت فى العربيه لوحدها
سميه : ساره ؟؟ و مطلعتش ليه
غزل : اه صحيح
محمود : جالها تليفون مهم و كدا قولتلها خليكى فى العربيه هطلع بسرعه ... سلام بقى خلى بالكو على نفسكو هجيلك تانى يا خالتى
سميه : فى حفظ الله يا حبيبى قفلت سميه الباب و بصت لغزل
سمسه " الام " : اومال مين الى خبط اول مرة ؟
غزل : يوسف يا ماما
سميه : اومال هو فين ؟
غزل : تقريبا غير و نام
سميه : ربنا يهديه و يوفقه يارب
غزل : يااارب
========================
رن موبايل سلمى و هى واقفه مع مامتها و غزل فى المطبخ اتلجلجت و كنسلت و قالت :
ماما انا هدخل اغير لحسن اتخنقت .. طلعت سلمى من المطبخ و دخلت اوضتها و قفلت الباب و ردت
سلمى : الوو ... ممكن متتصلش هنا تانى ... دى اخر مرة تكلمنى على الرقم دا بعد كدا اخواتى الولاد هما الى هيرودو عليك
و قفلت السكه فى وش الى اتصل و بعدها اتصلت بـ جودى
سلمى : جودى بصى بقى احنا صحاب اه انما بلال بتاعك دا يتصل او يتعرضلى تانى فى الطريق انا هقول لادم و انتو الاتنين حرين
=========================
نزل محمود لـ ساره فى العربيه
محمود : اتأخرت عليكى ؟
ساره : لا ابدا و بعد سكووت
ساره : محمود هو انتا بتحب غزل ؟
محمود بص لساره بـ مفجأة من سؤالها و رد بكل تلقائيه : غزل دى حب 20 سنه يا ساره من اول ما فتحت عنيا لقيتها قدامى
انا الى ربيتها على ايدى و علمتها حجات كتير هى بالنسبالى كل حاجه حلوة فى حياتى ربنا يخليهاالى
ساره بصت لمحمود بـ حسرة و كانت دموعها قربت تنزل مسكتها و ردت : ربنا يخليكو لبعض
محمود : امين يارب و يبعتلك ابن الحلال الى زيى كدا هههههههههههه
ساره ضحكت ضحكه مصطنعه تدارى بيها النار الى جواها
============================
طلعو ادم و انس و مراد و حسام من البحر و هما بيضحكو و سقعانين جدا
و طلعو يجرو على العريبه عشان يتدفو
و الناس كلها الى شافتهم قالت عليهم مجانين !!
ركبو العربيه و ادم لسه هيسوق رن موبايل حسام و ملحقش يرود عقبال ما اجب الموبايل كان فصل
شاف ان فيه 120 مسد كول و رسايل بس ملحقش يشوف من مين كان موبايله رن تانى قلق جدا و رن
حسام : الوو يا ملك ... مريم ؟؟ فى ايه ملك ايه الى حصل انا جاااى حالا متخليهاش تتحرك اطلبى الاسعاف بسررررررررررعه
انس و مراد بصولو بقلق
و رد ادم : فى ايه يا حسام
حسام : اطلع بسرعه يا ادم على بيت ملك القديم الحاله جتلها و مش عارفه تاخد نفسها و الاسعاف لسه مجتش
*******************************
فى اقل من ربع ساعه كان ادم عند ملك بس عقبال ما وصل كانت الاسعاف جت و خدتها
ركبت معاها مريم فى عربيه الاسعاف و طلعو الاربع صحاب وراهم بعربيه ادم
****************************
الدكتور طالع من اوضه ملك فى المستشفى كلهم وقفو و مريم بتعيط
اتقدم حسام للدكتور
حسام : طمنى يا دكتوور
الدكتور : ليه القلق دا كله .. الحاله مستقرة و كله تماام اووى و مالهاش اى علاقه بتعبها كل الحكايه انها جالها هبوط مفاجىء نتيجه لاجهاد شديد اوووى منغير اكل و شكلها بقالها كزا يوم مخدتش الدوا
الى مكتوبلها
حسام : يعنى بجد هى كويسه يا دكتور
الدكتور : كويسه جدا و تقدر تخرج كمان اول ما المحاليل الى فى ايدها تخلص
حسام : شكرا شكرا اوى يا دكتور
مريم : الحمد لله يارب الحمد لله
حسام : ايه الى حصل يا مريم
مريم : ولا اى حاجه احنا كنا قاعدين بنزاكر فجأه لقيتها بتتنفس بصعوبه و وقعت على الارض و كلمتك كتير اوى و مردتش
حسام : لو كان حصلها حاجه كنت هموت وراها و مكنتش هسامح نفسى
ادم : الحمد لله يا حبيبى انها كويسه الحمد لله
استأذنت مريم تدخلها و دخلت جت الممرضه و هم واقفين .. لو سمحتو حد يجى يدفع جزء تحت الحساب
حسام : ادفع فين و كام ؟
الممرضه : مش اقل من 500 جنيه تحت الحساب و الدفع فى الحسابات الدور الى تحت
حسام دخل ايدو فى جيبه وهو عارف انه مش معاه المبلغ دا دلوقتى اتكسف اووى
فهم ادم و انس و مراد طلع ادم 300 جنيه الى معاه و قسم الباق مع انس و مراد
و نزل دفع الحساب
انس رن موبايله و رد .. الو يا حبيبه .. حاضر متخافيش .. انا جاى اهوو .. مش هتأخر خلى بالك ع نفسك .. سلام
مراد : خير كمان ؟
انس : خير ان شاء الله .. دى حبيبه جت من الكليه ملقتنيش و ماما بايته مع خالتو و خايفه تقعد لوحدها
حسام : روحو انتو و انا هبقى اطمنكو .. انا مش عارف من غيركو كنت عملت ايه بجد
انس : انتا عبيط ياض
مراد : شكله كدا
ادم : متقولش كدا يا حسام احنا اخوات يلا قبل ما نكون صحاب
=======================
وصل ادم انس و مراد و طلع على بيته ...
فتح الباب لقى سميه " الام " قاعده مستنياه
ادم : انتى لسه صاحيه يا امى
الام : قلقت عليك يا حبيبى و انا من امتا بنام الا و انتو كلكو مرتاحين
ادم دخل باس ايد سميه
الام : احضرلك العشا ؟
ادم : شكرا يا حبيبتى انا اكلت برا تصبحى على خير
الام : و انتا من اهله يارب و قامت دخلت اوضتها تنام
و دخل ادم اوضته يغير
فتح ادم النور لقى يوسف نايم و الغطا متشال من عليه راح غطاة و وقف قدام الدولاب و هو بيطلع فوطه و هدوم عشان يدخل ياخد شاور
شال الجاكل بتاع يوسف و لسه بيحطه على الكرسى عشان يقفل الدولاب
شم ريحه غريبه فيه
مسكه و شمه كويس عرف انها ريحه سجاير ...........
وقف آدم مصدووم لدقايق مش بينطق راح قعد على اقرب كرسى ليه و قعد يبص ليوسف و هو نايم و سند بأيدو دماغه و هو باصص عليه
فكر آدم بينه و بين نفسه .. " اقوم اضربه !! .. بالعكس هيعند اكتر و احتمال يعمل الى اكتر من كدا
اصاحبه و احاوطه منا طول عمرى مصاحبه ... لا يا ادم انتا عمرك ما صاحبت يوسف انتا يدوبك بس بتعامله كويس
فلوس و بتديله هزار و بتهزر انما عمره جه حكالك حاجه ؟؟ عمرة جه حكالك مشاكله ؟؟
عمرك كنت قريب منه ؟؟ طول عمرك مَلهى فى دراستك و شغلك و حياتك .. و سايبه
اهتميت بالبنات اكتر ما اهتميت بيه ... بس دول بنات .. انتا غلط يا آدم تربيه الولد اصعب من البنت .. البنت بتخاف و تكش بكلمتين
انما الولد لو عياره فلت انسى انه يتربط !!
و قعد ادم محتار يتعامل ازاى مع يوسف
و وطى و حط وشه بين كفوفه و افتكر يوم وفاه باباه
والد آدم : ادم تعالى عاوزك
ادم ك نعم يا بابا
الاب : خلى بالك على اخواتك يا آدم اوعى فى يوم تفكر تمد ايدك عليهم
آدم بأستغراب : امد ايدى ؟ ازاى بس يا بابا و حضرتك موجود و حتى فى غيابك انا مقدرش امد ايدى على حد من اخواتى
الاب : ربنا يكرمك يا ابنى يارب ... خد بالك عليهم يا آدم فى غيابى قبل حضورى .. و من يوسف تربيه الولد صعبه يا ابنى
آدم قام باس ايد عز الدين " والدة " و قاله : متخافش يا حبيبى ابنك راجل انا عندى 22 سنه
والد ادم : 21 و نص ياض
آدم : هههههههههههه ربنا يخليك ليا يارب يا حبيبى
و دخلت سلمى تجرى فى حضن باباها
سلمى : بابا بابا وحشتنى اوووى بقى انتا هتنام
الاب : اه يا حبيبتى انا جاى من الشغل تعبان هستريح شويه و اقوم اشرحلك الدروس
سلمى : انا اخدت الاجازة يا بابتى و هنام فى حضنك انهاردة
آدم : انا كمان هدخل انام الساعه بقت 12.5 الصبح
خد عز الدين سلمى فى حضنه و نام و دخل آدم و هو بيفكر فى كلام باباه بس النوم غلبه و نام بسرعه
و صحى على صوت صرخه من سميه " الام " هزت اركان البيت كله
****************
و جت سميه من بره و آدم بيفتكر و دموعه نازله على خدة و اتخض من صوتها
آدم بخضه و هو بيمسح عينيه : ايوة يا امى
سميه " الام " : آدم ؟؟ ايه الى مصحيك يا ابنى لسه منمتش ليه
آدم قام وقف قدام الدولاب عشان متشوفش دموعه و حط الفوطه على كتفه و عداها و هو طالع من الباب
آدم : ابدا يا حبيبتى هاخد شاور سريع كدا و انام
سميه : ماشى يا حبيبى افتح المحبس عشان قافلاه لتفتكر الميه مقطوعه
===========================
مريم جالها اتصال من مامتها انها اتأخرت و كان لازم تروح
لان مامتها وراها شغل الصبح و مافيش حد يقعد بأخواتها
استأذنت حسام و نزل وصلها و ركبها تاكس و خد رقمها عشان يطمن عليها و طلع لـ ملك
خبط حسام ع الباب و ردت ملك : ادخل
حسام جاب كرسى جنب ملك و قعد عليه
حسام : كدا يا ملك تخضينى عليكى
ملك : يااااااااه دنا اتعوودت ع كداا متقلقش يا كابتن عمر الشقى بقى
حسام بضيقه : اوعى اسمعك تقولى الكلمه دى تانى ... بعد الشر عليكى يارب ربنا يجعل يومى قبل يومك
ملك بزعل : كدا يا حسام طب يارب امـ..
حط حسام ايدو على بقها و قام قعد على طرف السرير بتاعها و ملك قعدت نص قاعده
حسام : اوعى تنطقيها انا حياتى منغيرك مالهاش لازمه يا عبيطه .. متعرفيش انا مُت ازاى اما عرفت انك تعبانه
لو بتحبينى يا ملك اوعى تدعى ع نفسك و تحافظى عليها عشانى
ملك معرفتش ترود و عينها فى عين حسام و لسه ايدة على بقها
فاق حسام و شال ايدة من على بقها و قالها : يلا بقى عشان ناكل انا جبت عشا و انا طالع
ملك : ماليش نفس يا حوسو بقى
حسام بدلع : وحيات حوسو لتاكلى
ملك قلبت بوقها و بطرقه اطفال : يوووة بقى
حسام : اموووت انا و انتى طفله بريئه كدا احبك ابت
ملك بكسوف : هى ماما هتيجى امتاا
حسام : اهااا دا هرووب ... ماما زمنها جايه .. يلا هممم يا جمل
====================
روح انس قبل ما يطلع البيت راح جاب عشا و طلع الاول على عِشه الحمـَـام و اطمن انهم تمام
و نزل تانى خبط على الباب
حبيبه : ميين ؟
انس : افتحى يا بيبه دا انا
حبيبه فتحت الباب : كل دا تأخير انا جعانه اوووى و مافيش اى حاجه فى البيت دا تتاكل
انس دخل حط الشنط على الترابيزة و قال : معملتيش اى سندوتشات جبنه ليه طيب
حبيبه : ماهى ايه كانت جعانه عملتلها منها لحد ما شِبعت و نامت
انس بضيقه حاول يداريها : فكرتى فى موضوع العريس الى متقدملك دا يا حبيبه
حبيبه بضيقه اكتر نزلت دموعها و هى بتقعد على الكنبه : انا عارفه انى حِملى كبير عليك يا انس انا بجد اسفه انا هوافق عليه
انس راح قعد جنب حبيبه وقالها بعصبيه : انتى عبيطه يا بت انتى ازاى تقولى كدا لا بجد
انا زعلت اوووى انتى حِمل عليا يا حبيبه انتى ؟
و خد راسها فى حضنه و قالها : دموعك دى مش عايز اشوفها يا عبيطه انتى دنا اموت اى حد يفكر بس يزعلك
و العريس مرفوض مرفوض هو اصلا واد رخم
ضحكت حبيبه و هى بتمسح دموعها
انس : ايوووة بقى فار ابيض يا ناس ... يلا بقى لحسن انا جحان اووى تعالى نقوم نعمل الاكل سوا و نصحى بابا و ماما ياكلو معانا
و مسك ايديها و دخلو المطبخ
===========================
غزل قاعده فى اوضتها على الكمبيوتر و بتكلم ساره على الفيس و مش بترود
غزل : ساره ؟ ساره ؟؟ انتى يا بت
ساره بعد حوالى خمس دقايق من مسج غزل ردت : هااى ازيك يا زوزو
غزل : ايه يا بنتى كنتى فين كل دا
ساره : مافيش يا بنتى اصلى من ساعه ما جيت محمود قالى ارنله عشان اطمنه انى وصلت و لحد دلوقتى مرنتلوش فـ قلق و اتصل بيا
غزل : اهااا المهم انتى هتعملى ايه بكرة ؟
ساره : هنزل من البيت الساعه 12 كدا
غزل : تمام عدى عليا بقى
ساره : ما انتى عارفه عربيتى بتتصلح يا غزل انا اتفقت مع محمود هيعدى عليا يوصلنى
غزل بأستغراب : امتا دا ؟
ساره : و هو بيوصلنى
غزل : غريبه يعنى مقاليش ؟
ساره : تلاقيه نسى .. ثوانى يا غزل و جايه
غزل : اوك ... قامت غزل و رنت على محمود لقيته وايتنج حطت الموبايل تانى قدامها جنب الشاشه
====================
محمود : طبعا يا ابنى هيبقى احلى عيد ميلاد ... طب استنى بقى عشان غزل معايا ع الوايت
ايه دا دى قفلت خلاص هبقى اكلمها اما اقفل المهم و يرن الموبايل تانى و تطلع ساره .. طيب يا احمد عشان بترن تانى هكلمك تانى .. ماشى يا حبيبى سلام
يقفل محمود و يكلم غزل : الوو
غزل : الوو يا محمود كنت وايت مع مين
محمود : مع احمد كنت بقوله كل سنه و هو طيب الساعه عدت 12
غزل : اهااا .. هشوفك بكرة طبعا
محمود : اكيييييييييد اها صحيح انا اتفقت مع سارة هوصلها الكوافير بكرة
غزل : تمام ابقى عدى عليا بقى انا كمان عشان هروح معاها
محمود : تمام ماشى
غزل : يلا سلام
محمود : بقولك ايه
غزل : ايه ؟
محمود : كلمه اولها بـ و اخرها كـ
غزل : بضربك
محمود : هو دا القرار الى انا مستنيه
ضحكو هما الاتنين و قفلت غزل و قامت تشرب
و لقى محمود ساره مكلماه فـ يكلمها
محمود : الوو يا ساره
ساره : طبعا وايت مع غزل
محمود : ههههههه قريااانى .. يعنى انتى متصله عشان تقولى طبعا وايت مع غزل
ساره : لا و الله ابدا دنا كنت بقولك تعدى عليا بدرى عن 11 عشان الكوافيرة معادها 12
محمود : ماشى يا ستى حاجه تانى
ساره : شكرا .. سلام
محمود : سلام يا سارة
و ترجع سارة لغزل و هى بتقلب فى الفيس
ساره : زوزوو
غزل : خضتينى كنتى فين كل دا يا بت
ساره : كنت بكلم محمود
غزل : امتا ؟؟!!
ساره : من شويه كداا
غزل افتكرت اما سألت محمود كنت وايت مع مين و قالها مع احمد
ساره : رووحتى فين
غزل : معاكى يا سارة
ادم صحى الصبح من بدرى كلم انس و قاله انه مش هيقدر يعدى عليه و يروح يكتبله اجازة انهاردة
كلم ادم حسام و اطمن ع ملك و عرف انها روحت البيت الحمد لله
و استنى يوسف يصحى من النوم
ادم قاعد فاتح اللاب توب و بيحاول يفتح ايميل يوسف بس يوسف مش عامله ريميمبر على الجهاز طبعا
و لسه بيفتح اميله هو لقى يوسف صحى
يوسف بكسل : صبح الخير
ادم بابتسامه : صباااح النوووور .. وراك دروس انهاردة
يوسف : انهاردة ايه ؟
ادم : بيتهيألى لا انهاردة التلات
يوسف بـ شك : اهاا لا معنديش
ادم : اشطات عاوزك تنزل بقى تنقى معايا كام طقم كدا حلويين
يوسف بفرحه : ربنا يخليك يا دووما
ادم : متفرحش كدا طبعا لييا
يوسف : ماشى
ادم : هههههههه راحت فين ربنا يخليك ليا .. متقلقش يا عم ليا و ليك
يوسف : ايوووووة بقى .. بس قولى اشطات و عم و برنس مش انتا مش بتحب الكلام دا ؟
ادم : اساديكى ماله الكلام دا دا لذيذ حتى
يوسف : هى وصلت لاساديقى لا انتا كدا عديت
ادم & يوسف : ههههههههههههههههههههههه