البارت ال40 ♡
بقلم سما طارق ♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
حمزه راح عند العربيه لقى حور وفرح واقفين بره العربيه وفي شابين بيعاكسوهم.
الشاب الأول: انتى اللى زيك ميمشيش على الأرض.
كان يوجه كلامه لفرح.
الشاب التاني: الحلوه مخطوبه.
كان بيوجه كلامه لحور.
✪ نعم يا*** منك ليه.
جه حمزه من ورا حور وفرح وهو باين عليه الغضب الشديد من عيونه السوده.
✪ ادخلوا العربيه... بسرعه.
قال آخر جملته بصوت عالى وعصبيه... حور وفرح كانوا هيدخلوا العربيه بس في ولد مسك ايد حور.
الشاب الأول: استني بس رايحه فين... ما كفايه عليه واحده.
حمزه مسكه من ياقه قميصه وقعد يضرب فيه لغاية ما نزف دم من بقه والشاب التاني هرب اول ما شاف حمزه بيضرب صاحبه بالوحشيه دي... حور وفرح انتهزوا الفرصه وركبوا العربيه بسرعه وهما هايفين من رد فعل حمزه.
بعد دقايق حمزه رمى الواد على الأرض (مش عارفه ليه قولت واد بس هي جت كده 😂😂)... وركب العربيه وساقها بسرعه اوى لدرجة انهم كانوا هيعملوا حادثه.
حور كانت متوتره اوى بس كان لازم تقوله اي حاجه.
❥ ح ح حمزه.
✪ مش عااايززز اسمع صووت واحدهه فيككممم.
كان بيقول جملته بصوت عالى وعصبيه كبيره.
❥ ط طب اس.......
حمزه قاطعها.
✪ قووولت مش عاايز اسمع صوووت.
حور سكتت وبصت من الشباك على الطريق وعينها بدمع... بعد دقيقتين حمزه لاحظ دموع حور اللى بتنزل من غير صوت.
وقف العربيه ونزل راح فتح الباب بتاع حور.
✪ بس اهدي.
قال جملته وهو بيمسح دموعها.
❥ انا آسفه.
حمزه حضنها بحنيه.
✪ طيب اهدي دموعك دي غاليه عليا اوى.
❥ ا احنا خرجنا من ا العربيه عل علشان كنا حرانين اوى ومش عارفين ن نتنفس.
كانت بتقول جملتها من بين شهقاتها وهى بتعيط.
✪ هششش... طيب يا حبيبتي خلاص اهدي متعيطيش علشان خاطري.
بعدت عنه ومسحت دموعها بظهر ايدها بطريقه طفوليه.
❥ يعني انت مش زعلان مني.
مسك ايدها وباسها بإبتسامة.
✪ تؤ تؤ مش زعلان... بس بعد كده ابقوا افتحوا التكيف مش تخرجوا من العربيه... تمام.
❥ حاضر.
قام وقف وباس راسها وبعدين قفل الباب ولف علشان يقعد مكانه تاني ويكمل طريقه للبيت.
✿ حمزه.
✪ نعم.
✿ متعرفش حد نفس شخصيتك كده.
✪ اشمعنى.
✿ اصل انا نفسي في حد زيك في حياتي... طول عمري بتمنى جوزي يبقى نفس شخصيتك كده.
حور بصت لحمزه وحمزه بصلها.
✿ في ايه مالكم.
✪ تتجوزي حد غريب بنفس شخصيتي وانا موجود.
قال جملته وهو بيبصلها في المرايه.
✿ مش فاهمه قصدك.
✪ قصدي تتجوزيني.
فرح بصت بصدمه.
✿ انا وانت... ده مستحيل.
✪ وايه اللى خلاه مستحيل بقى.
✿ حمزه هو انت بتحبني.
قالت جملتها وهى رافعه حاجبها.
✪ حاجه زي كده.
✿ وه.
حور بصت لحمزه بصدمه علشان هي متوقعتش خالص انه يعترفلها دلوقتي.
سكتوا شويه.
✿ طب طب انا مش فاهمه حاجه... مش انت بتعتبرني اختك.
✪ مش فاهمه ايه بالظبط.
✿ بتحبني ازاي.
✪ انتى تعرفي مين اللى مسميكي اول ما اتولدتي.
✿ لا معرفش.
✪ تعرفي مين اول واحد انتى فتحتي عينك عليه.
✿ هعرفها منين دي.
✪ تعرفي مين اول واحد لمس ش.......
حور قاطعته.
❥ بس يا حمزه... مش لازم الحته دي.
✪ ههههههه ماشي... هقولك لما نتجوز.
✿ هو احنا كمان هنتجوز 😳.
✪ اومال انتى عايزه ايه.
✿ مش عايزه حاجه بس مصدومه 😳.
حمزه رجع ركز في الطريق تاني وهو مبتسم... دقايق وكانوا قدام القصر... نزلوا هما التلاته ودخلوا مع بعض كان مفيش حد في الصالون خالص.
✪ ايه ده هما فين.
❥ اكيد في اوضهم... انا رايحه ارخم عليهم باااي.
حور جريت على فوق عند اوضتنا.
❥ افتحوااااا.
انا فتحت بخصه.
- مالك يابت في ايه.
حور جت حضنتني وهى مبسوطه.
❥ تعرفي اني بحبك اوى.
- ابه البت الهبله دي.
= قولي ايه القمر ده مش هبله.
قالها اياد اللى كان واقف ورايا.
راحت حور باست خده ولفت حولين نفسها.
❥ ايه رأيك.
= انتى خرجتي كده.
❥ ايوه.
= لو مكونتش واثق ان حمزه مش هيخلي حد يشوفك كنت قتلتك.
❥ احم الصراحه انا اتعاكست... حمزه نزل يجيب ايس كريم وانا وفرح خرجنا من العربيه نشم هوا فاتعاكسنا.
= وبعدين.
❥ وحمزه رجع مسح بالواد الشارع كله وصاحب الواد الجبان هرب.
- عاكسوكي ازاى.
❥ قالوا كلام قديم اوووي... ناس ملهومش في التريند.
- طب انتي كنتي عايزه ايه.
❥ جيت ارخم عليكوا واقولك شكراً علشان جبتيلي توأم زي حمزه... بجد بحبه اوى.
- بسبب علاقتك انتى وحمزه انتى عمرك ما هتتجوزي.
❥ هو انا مقولتلكيش... مش حمزه حالف اني متجوزش.
- فكك منه.
✪ ايه فكك منه دي يا سمسم.
كان بيتكلم من ورا حور.
- ايوه تفكها منك... ازاي يعني مش هتتجوز.
✪ لا مش هتتجوز... انا بدلعها كل السنين دي علشان في الآخر تبعد عني وترجعلي بتعيط ان ال** اللى هي متجوزاه مد ايده عليها.
= ما تحترم نفسك ياض من امتى وانت بتشتم الشتايم دي... وبعدين هو ابوها واخوها ماتوا يعني... لو كان مين اللى هيتجوزها لو لمس شعره واحده منها انا همحيه من على وش الدنيا.
❥ خلاص يا جماعه مين قالكم اصلاً اني هتجوز... انتوا قفلتوني من الخطوه دي اصلاً.
✪ طب كويس... عايز اقولكم حاجه بقى.
- قول ياخويا.
✪ انا اعترفت لفرح بحبي ليها وقولتلها اني هتجوزها بس مقولتلهاش اي حاجه تانيه علشان هي كانت مصدومه.
- صدمه كبيره 😳... قولتلها امتى.
❥ انا هحكيلك كل حاجه بس دلوقتي عايزين نعرف فرح بتفكر في ايه.
- طب ما تروحي تعرفي.
❥ لا ماهو انتي ابقي كلميها على اساس انك متعرفيش حاجه ولو هي حاكتلك انتي بقى تعرفي هي بتفكر في ايه بأسلوبك القمر ده.
✪ بالظبط كده.
- ماشي بكره هبقى ادخلها.
= دلوقتي انت روح نام علشان في بكره شغل كتير المفروض نخلصه علشان الأسبوع اللى هنقعده في الجزيره ده.
✪ احنا هنسافر امتى.
= بكره بليل.
✪ تمام انا هروح اجهز شنطتي من دلوقتي علشان بكره انا هاجي على وقت السفر.
= بس احنا مش هنقعد في الشركه لوقت السفر.
✪ انا عارف بس اصل انا عندي مشوار كده فهيخلص بليل.
= ماشي يلا روح.
✪ تصبحوا على خير.
قال جملته ومشي وبعدين حور مشيت وراه... حمزه دخل اوضته وحور دخلت وراه.
✪ في ايه يابنتي.
❥ عايزه اقولك حاجه.
✪ قولي.
❥ انا مبسوطه اوى.
✪ طب الحمد لله... يارب دايما مبسوطه ياقلبي.
❥ حاجه كمان.
✪ قولي ياستي.
❥ والله العظيم يا حمزه لو اتغيرت معايا بعد ما تتجوز فرح انا ه.........
✪ اهدي اهدي في ايه... اكيد عمري ما هتغير معاكي يا هبله.
حور قعدت على السرير.
❥ انا دلوقتي بتخيل تكون فرح هى اهم حاجه في حياتك بعد ما تتجوزها ومتهتمش بيا زي دلوقتي... بجد هبقى زعلانه اوى.
كانت بتتكلم وهى بتتخيل والدموع نزلت من عينها.
حمزه قعد جنبها.
✪ ياحبيبتي انتي مركز واحد في حياتي... يعني مستحيل اللى انتي بتقوليه ده.
قال جملته وهو بيمسح دموعها بايده.
❥ يعني مش هتتغير معايا.
✪ انتي هبله... ياعبيطه انتي حياتي كلها اصلاً.
❥ ربنا يخليك ليا يارب.
✪ حاف كده... شكلك انتي اللى هتتغيري يا ريري.
حور ضحكت وبعدين حضنته جامد وباست خده.
❥ بجد بحبك اوى يا احلى واحن اخ في الدنيا.
✪ ايوه كده... إنما ربنا يخليك ليا حاف كده محبش.
قال جملته وهو بيبادلها الحضن بحب.
(ستوب بس ثانيه... انا عايزه واحد من ده بجد 🙃 لو عندكم واحد ابعتولى بليز 🙂 انا هموت لو حمزه فضل كده كفايه عليا اياد والله 😂 انا اللى بكتبه وبقول كده 😂 نفسي اعرف انتوا بتحسوا بايه لما بتشوفوا حمزه كده وبالحنيه دي 🙂😂😂 انا نفسي جداً في واحد زي ده بس اخ مش زوج معرفش اشمعنى بس هو كده 😂😂 كفايه كده يلا باك باكوكه 😂😂)
بعد شويه بعدوا عن بعض وحور ساعدت حمزه في تحضير شنطه وبعدين راحت نامت وهو كمان نام بس بعد تفكير طويل في فرح.
صحينا الصبح فطرنا وبعدين كل واحد راح اوضته علشان يحضر الشنط والرجاله راحوا الشركه... خلصنا تحضير الشنط وعدت ساعات لغاية ما جه اياد ومحمد وبعديها بساعتين حمزه جه وسافرنا للجزيره.
لما نزلنا كان الوقت صبح اوى والجو برد فروحنا على اكواخنا.
انا واياد كوخ... ريناد ومحمد وزين كوخ... حمزه كوخ... حور كوخ... فرح كوخ.
ملحوظه: اكواخ حمزه وحور وفرح اياد لسه عاملهم جديد ليهم.
كنت قاعده على السرير بملل.
- يعني دلوقتي احنا هنعمل ايه.
= تصدقي انها مصلحه الجو سقعه ومش هنخرج دلوقتي.
قال جملته وهو بيقرب مني.
- طب ما تيجي نخرج وفكك من الجو.
= انا بقولك مصلحه وانتى تقوليلي ما تيجي نخرج.
- ايوه احنا مش جايين هنا علشان نقعد.
= قومي ياسما البسي حاجه تقيله شويه علشان نتزفت.
- والله بحبك.
انا بوسته من خده بسرعه وقومت لبست وقعدنا نتمشى شويه في الجزيره لغاية ما لقينا حمزه وفرح واقفين مع بعض فاحنا وقفنا نسمعهم من بعيد.
✪ يابنتي والله بحبك مش بلعب انا.
✿ مش معنى اني قولت الجمله اللى انا قولتها في العربيه دي يبقى انا عادي بالنسبالي... انا لسه آثار الصدمه فيا.
✪ صدمة ايه... ده انتي غبيه اى ازاى متعرفيش اني بحبك... ده كل الناس عارفه اني بحبك.
✿ اكيد بابا ميعرفش.
✪ ابوكي اول واحد يعرف اصلاً.
سكتوا شويه.
✿ طب المطلوب مني ايه دلوقتي.
✪ تقبلي حبي ليكي.
✿ وبعدين.
✪ نتجوز زي باقيت الخلق.
✿ ولو انا محبتكش.(جيبولي البت دي من شعرها 😒😒)
✪ مليش دعوه دي مشكله حليها بينك وبين مشاعرك... لكن انتي ليا... بالعافيه بالزوق ليا.
✿ ده تملك من اولها بقى.
✪ سميه زي ما تسميه.
قال جمبته وهو بيقرب.
✿ انت بنقرب ليه.
قالت جملتها وهى بترجع لورا بتوتر.
✪ مزاجي.
✿ ابعد يا حمزه بطل رخامه.
✪ انا رخم.
كان بيحاول يمسكها بس هي جريت.
✿ عااااا الحقونيي.
ابتسملها بضحك.
✪ هههههههههه مجنونه وانا بعشق الجنان.
جري وراها بسرعه وخدوا الالجزيره كلها جري.
- ما تيجي تجري معاهخ.
= انتي ليه غاويه مرمطه على الصبح.
- عيل بارد.
= عيل وبارد.
- ايوه... انا عايزه اجري.
= وو جريتي وانا مسكتك.
- ابقى اعمل فيا اللى انت عايزه.
= تماااام... يلا اجري ياختي لما نشوف اخرتها معاكي.
انا جريت وهو جري ورايا... قعدنا نجري واحنا بنضحك كتير اوى احنا الأربعه زي المجانين وشاركتنا في الجري حور (لاقيتهم بيجروا قالت تجري معاهم عادي خالص 🙂😂😂)
جرينا لغاية ما الجو اتحسن شويه روحنا غيرنا لبسنا ونزلنا نلعب في الملاهي المائيه لغاية ما جه الليل وتعبنا روحنا غيرنا وبعدين اتجمعنا كلنا في كوخ واحد علشان نكمل السهره.
- يا محااااااااامااد.
$ اييييه... بتنادي عليا من الدور العاشر... اومال لو مكنتش قاعد قدامك.
- هيء هيء بيزعقلي.
= ما ارد وانت ساكت يااض.
$ هي حاجه تعصب الصراحه.
= اتعصب بعيد عنها.
$ طب عايزه ايه.
- تظ فيك.
محمد قعد مصدوم شويه.
$ نفسي اعرف هتعقلي امتى... مخلفه اتنين شحطه وعاقلين اهم وانتي لسه هبله.
- مين قالك اني عايزه اعقل اصلاً... وبعدين مين دول اللى عاقلين دي حور لسه بعقل طفله عندها خماشر سنين.
❥ علفكره انا عاقله... ما تقول حاجه يا حمزه.
✪ مسمحلكيش... حور بعقل طفله عندها عشر سنين مش خمستاشر.
❥ والله عاقله بقى اللاه.
قالت جملتها وبعدين ربعت ايدها قدام صدرها وكان شكلها طفله بالحركه دي.
اياد قام وراح قعد جنبها وحضنها وهي حضنته.
❥ والله اني بحبك.
= محدش ليه دعوه بطفلتي يا جماعه.
❥ حتى انت.
بعدت عنه بضيق.
قعدنا شويه نضحك ونهزر وننكش بعض لغاية ما جه وقت النوم فكله راح على الكوخ بتاعه ونمنا.
عدى يومين على الاحداث دي وكل يوم بنعمل حاجات جديده.
كنا قاعدين كلنا وحور دخلت الحمام.
✪ جمااعه.
- هنعمل ايه بقى علشان نبعدها شويه عقبال ما نجهز كل حاجه.
$ انا عندي فكره.
= قول.
$ احنا ممكن نخلي الطيار يطير بيها شويه عقبال ما نجهز كل حاجه.
✪ لا طبعاً.
= انا مش هقبل طبعاً اني اسيبها مع الطيار يطير بيها في الهوا.
✿ طب انا عندي فكره تانيه.
❀ قولي.
✿ احنا نسفرها هي وحمزه لمصر شويه زيرجعوا نكون احنا خلصنا.
= فكره حلوه... و المسافه بين مصر والجزيره مش كبير اوى.
✪ بس انا مش موافق.
- ليه.
✪ انا عايز اجهز حاجه ليها هنا.
= انت ممكن تجهزها من دلوقتي في آخر الجزيره علشان هي متلاحظش.
✪ طب تمام... يارب الحق.
✿ انا هساعدك.
✪ ماشي.
جت حور وكملوا القعده عادي.
اليوم اللى بعده حمزه كان طول اليوم مختفي وكل ما حور تسأل عليه نقولها في الكوخ بتاعه نايم علشان تعبان.
جه آخر اليوم وحور راحت لكوخ حمزه علشان تطمن عليه.
❥ حمووزي.
✪ قلبه.
كان نايم على السرير بتعب.
راحت قعدت قدامه.
❥ مختفي طول اليوم ليه.
حمزه عدل قعدته وقعد قدامها.
✪ قولت اريح انهارده.
❥ انت مالك طيب... تعبان اقول لبابا اننا عايزين نروح.
✪ لا يا قلبي... انا كويس.
❥ بس شكلك تعبان.
حمزه باس جبهتها.
✪ والله كويس.
❥ طب البت فرح زعلتك في حاجه.
✪ يابنتي مفيش حاجه والله... يلا روحى نامي.
❥ لا مش هروح انام... انا مشوفتكش طول اليوم فهقعد معاك شويه.
✪ تنوري.
❥ كل سنه وانت طيب.
✪ وانتي طيبه... بس ايه المناسبه.
❥ عيد ميلادنا بكره... الزهايمر عامل شغل جامد معاك هههههههههه.
✪ تصدقي صح... كل سنه وانتى طيبه.
❥ وانت طيب... عايزه اتكلم معاك شويه بس ياريت متتعصبش.
✪ الموضوع بخصوص ايه طيب.
❥ قول ان انت مش هتتعصب الأول.
سكت شويه.
❥ خلاص انا ماشيه.
قامت بس حمزه مسكها من ايدها.
✪ افعدي ياهبله... هتروحي تحكي لمين يعني... مش هتعصب احكى.
حور نامت على السرير وحطت راسها على رجله ( زي اياد ) وحمزه فرد شعرها على رجله وقعد يسرحه بايده.
✪ احكي يلا.
❥ اولاً انا بحبك اوى والله.
✪ والله مش اكتر مني... انتي اغلى حد في حياتي.
سكتوا شويه.
❥ انا جايلي عريس.
ساب شعرها وبدأ يتعصب.
✪ نعااااام.
حور قامت بخوف.
❥ انت قولت مش هتتعصب.
✪ الموضوع ده مقفول يا حور.
❥ اسمعني طيب.
✪ هو ايه اللى اسمعني... انا قفلت الموضوع ده خلاص.
❥ يا حمزه لو سمحت.
قالت جملتها وهى بصاله بعيون فيها دموع.
✪ متبصليش كده.
❥ حمزه لو سمحت اسمعني.
✪ سامعك اتزفتي.
حط راسها على رجله بشوية عصبيه وبدأ يلعب في شعرها تاني.
❥ بتعاملني بقسوه اوى علفكره.
باس جبهتها بحنيه.
✪ اتكلمي يلا.
❥ اسمه زياد... كان معايا في الكليه بس انا مكنتش بتعامل معاه اصلاً ومكنتش بحبه خالص... من كام يوم لقيته باعتلي على الواتس بيقولي انا بحبك وعايز اتقدملك وقبل ما اتقدملك عايز اقابل اخوكي لو موافقه ابعتيلي رقم اخوكي وانا اظبط معاه... انا استغربت علشان دي كانت اول مره يدخل يكلمني ويقولي الكلام ده... قولتله هشوف اخويا الأول وقالي تمام من وقتها مسألش فيا... هاا قولت ايه.
الهدوء حل بالمكان.
❥ انت نمت ولا ايه.
✪ بفكر.
❥ يعني ممكن توافق.
قالت جملتها بحماس.
✪ مالك ياختي فرحتي اوى ليه كده... محسساني اني قولت موافق... انا لسه بفكر يعني احتمال كبير لا مفيش جواز زي ما انا مقرر.
حور قامت وقعدت قدامه.
❥ زيزو بالعقل... يعني ايه مفيش جواز... يابني انت اصلاً اول ما هتتجوز هتنسى ان ليك اخت اصلاً... وكمان انا لازم اتجوز اكيد مش هفضل طول عمري كده.
✪ بصي يا حبيبتي... انا دلوقتي لو لقيت العيل اللى هتتنيلي على عينك تتجوزيه مرجعك ليا معيطه انا هروح اقتله من غير ما افكر حتى... ف ليه من الأول وجع القلب.
❥ طب ما كل البيوت في العالم فيها خناقات.
✪ ماشي كل البيوت فيها خناقات... بس انا مش هستحمل اي حاجه تحصلك بسبب واحد انا مش هقدر اعمله حاجه باسم ان هو جوزك.
❥ معرفش الصراحه بس مش مقطنعه.
✪ طب انا هفكر شويه... لغاية ما اقول رأيي مش عايز ولا كلمه بينك وبينه.
❥ حاضر مش هتكلم معاه خالص.
سكتت شويه.
❥ طب لو بعتلي رساله.
بصلها بصه معناها ( اخرسي لأقوم اكسر دماغك ).
❥ والله آسفه... حابب اعمله بلوك كمان لغاية ما تقرر... أصل انا مليش رأي.
✪ نينينينينينينيني... اه صح هو انتي ايه اللى مخليكي تكلميني عليه وانتي اصلاً مش بتحبيه خالص.
❥ معرفش بس طريقته في الكلام في الموضوع عجبتني وحسيته محترم وقولت اجربك.
✪ امممممممم... تجربيييني.
❥ ايه مالك.
✪ غوري يا حور من هنا.
❥ ايه الأسلوب ده... طب ايه رأيك بقى اني هنام هنا انهارده.
✪ يابت ده احنا عمرنا ما نمنا في اوضه واحده من صغرنا.
❥ انت معترض يعني.
✪ انا مستغرب بس.
❥ طب انا كبنتك ه.........
حمزه قاطعها.
✪ بنتي!!.
❥ مش انت بتعتبرني بنتك.
✪ بنتي واختى الصغيره وحبيبتي وكل حياتي.
❥ طيب... نيمني في حضنك انهارده علشان عايزه حضن اوى.
✪ مفتقده الحنان هههههههه.
❥ والله كله حنين عليا وبالذان اليومين دول بس انا انهارده خايفه انام لوحدي... مش عارفه ليه حاسه ان في حاجات هتطلعلي وانا نايمه.
✪ يعني عايزه تنامي جنبي.
❥ يس.
✪ انحرفتي يا ريري.
❥ انحرفت علشان عايزه انام جنب اخويا وانا خايفه.
✪ طيب تعالى.
شاورلها انها تيجي تقعد جنبه.
حور راحت قعدت جنبه.
❥ حمزه انت طيب اوى.
حمزه باس راسها.
✪ يلا نامي.
عدلوا نومتهم وحور نامت على صدر حمزه ابتسملها ولف ايدي على ضهرها ( تحسوهم زوج و زوجه اوى والله 😂 ).
الصبح صحينا وحمزه قعد يقنع في حور انهم يسافروا مصر ساعتين ويرجعوا واخيراً لما واففت ركبوا الطياره بسرعه واتحركوا.
❥ ممكن افهم بقى هنرجع مصر ليه.
✪ نسيت الشاحن في القصر فهنروح نجيبه ( ايه الحجه الغبيه دي يا زيزو ).
❥ شاحن!!.... راجعين مصر مخصوص علشان شاحن.
✪ بطلي زن يا حور.
❥ ياعم انا انهارده عيد ميلي اعمل اللى انا عايزاه.
✪ طب ما هو عيد ميلادي اناكمان ومتكلمتش.
❥ انا البنت يعني لازم ادلع... لكن انت الراجل.
✪ ايه الغتاته دي.
قعدوا يتكلموا شويه واحنا في الجزيرة بنجهز كل حاجه.
شويه و وصلوا مصر.