رواية حته مني
الثالثه و الرابعه
بقلم سهيله سعيد
الحلقة الثالثة
الشاب ... يعنى تحب ادوسلك ع رجليها زى مهرست رجلي 😠
كريم ... لو راجل اعملها
( يشد كريم جنى يوقفها وراه )
الشاب ... طب اهو
( يقرب الشاب ع جنى .. كريم يزقه ويضربه بوكس في عينه .. الناس تدخل ويبعدوهم عن بعض .. كريم يمشي هو وجنى والبنات يرجعوا الشط .. كريم يزعق فى رودى ودلال )
كريم ... انتوا ايه الى جابكم ورانا ؟
جنى ... خلاص يا كريم 😟
كريم ... مهو لو مكنوش لبخونى مكانش حد قدر يطول لسانه عليكى
رامي ... حد شتمها ولا ايه ؟
( يحكى كريم الى حصل )
حمو ... يا عم كل دة عشان حمارة مانت ضاربه
كريم ... بردوا مختش كفايتى
غادة ... خلاص يا كيمو حصل خير
كريم ... ماشي 😑
( تانى يوم )
( رامي فى الماية .. جنى قاعدة كالعادة .. كريم واقف بعيد بيتكلم في التليفون .. يطلع رامي من الماية )
رامي ... متقومى تنزلى معايا وبلاش غلاسة
جنى ... يابنى قلتلك فكك منى 😒
رامي ... ماشي
( يقرب رامي ع جنى )
جنى ... رامي لم نفسك وامشي
( يشيل رامي جنى ويجرى بيها ع الماية .. جنى تصرخ )
دلال ... يابنى سيبها مش بتعرف تعوم
جنى ... نزلنى بقااااا .. يا كرررررريم !!!!
( يسمع كريم صوت جنى .. يلف يلاقي رامى شايلها وحدفها في الماية .. يطلع كريم يجرى )
عمر ... يخربيتك يا رامي هتغرقها 😮
( جنى ماسكة فى رقبة رامي خايفة )
جنى ... والنبي يا رامى طلعنى 😰
رامي ... متخافيش انا ماسكك
( كريم شايف جنى ماسكة في رامي يضايق ويقعد )
جنى ... كفاية كدة طلعنى بقا
( يسيب رامي جنى فى الماية .. جنى تمسك في رامى اكتر .. كريم قاعد ع اخره الموقف مستفزه مفكرهم بيهزروا مع بعض .. يقوم يمشي )
عمر ... يا رامي سيبها تطلع
( يفك رامى ايد جنى من رقبته ويغرقها .. يدخل حمو وعمر يجبوها ويطلعوها .. يطلع رامى وراهم يتاسف لجنى )
رامى ... جنى انا اسف كنت ب ..........
( تقوم جنى تضرب في رامى .. يسلكوها منوا )
جنى : انت حيوان 😠
غادة ... جنى اهدى .. اقعدى
( تقعد جنى عماله تترعش كلها .. يخدوها البنات ويطلعوها الشقة .. يرجع كريم الشط )
كريم ... اومال فين البنات ؟
حمو ... طلعوا الشقة
كريم ... ليه ؟
عمر ... انت مش شايف جنى والحمار دة بيغرقها
كريم ... اة شايفها .. مش بيهزروا ؟
حمو ... انت غريب اوى
كريم ... ليه ؟
حمو ... لا ولا حاجة
كريم ... طيب انا طالع انام شوية
( يطلع كريم الشقة يلاقي جنى قاعدة )
كريم ... انتى كويسة ؟
جنى ... ملكش دعوة بيا ✋
كريم ... في ايه ؟
جنى ... بقا انادى عليك عشان تلحقنى تطنشنى وتمشي
كريم ... مش بتهزروا مع بعض 😒
جنى ... وانا من امتى ليا هزار مع رامي .. انت كنت قاصد تطنشنى
( البنات واقفين ع جنب مستغربين انهم بيتعاركوا مع بعض اول مرة تحصل )
كريم ... انتى بتشتغلينى مانتوا الاتنين كنتوا بتستهبلوا في الماية .. لا وحضرتك عاملة حجة انك بتغرقنى وقفشالى فى رقبتوا 😡
جنى ... انا بستهبل يا كريم .. ماشي 😧
( تقوم جنى تدخل الاوضة .. كريم يقعد مضايق )
دلال ... اظنى مكنش في داعى للكلام دة يا كريم
كريم ... دلال فكك منى .. قومى عشان نجيب الاكل
( ياخد كريم دلال و ينزلوا .. يروح كريم ع الشاطئ )
دلال ... مش قلت رايحين نجيب اكل
كريم ... ايوة استنى هنا شوية
( يقرب كريم ع رامي )
رامى ... تعالى اقعد
كريم ... ع فكرة انا مرضتش اهزقك قدام البنات .. بس وربي وربك لو الى حصل ل جنى اتكرر تانى او فكرت انك تضايقها .. هاتشوف منى الى هيزعلك
رامى ... انت مكبر الموضوع ليه انا كنت بهزر معاها
كريم ... لا وفر ظرافة اهلك لحد تانى ماشي 😠
رامي ... اه معلش نسيت اصل انت بس الى مسموحلك تهزر معاها 😏
حمو ... مخلصنا بقا ارامى
كريم ... وانت مال امك اهزر ولا اولع فيها حتة ميخصكش
عمر ... خلاص يا كريم الناس بتتفرج علينا
رامى ... ماشي يا كريم مش هارد عليك
( يمشي رامى )
عمر ... مكبرها اوى انت يا كريم .. طول عمرنا بنهزر مع بعض عادى يعنى فكها
حمو ... لا الى عملوا دة هو الصح .. الولا دة لو اتسكتلوا هايسوق فيها
كريم ... عاوزين حاجة من برة ؟
عمر ... رايح فين ؟
كريم ... رايح مع دلال هانجيب اكل
حمو ... اااه يابختك ياعم روح الله يسهلك 😉
( يمشي كريم ودلال .. ييجى الليل .. الكل قاعد ع البحر الا جنى )
حمو ... اومال فين جنى ؟
غادة ... قاعدة فوق
كريم ... ليه ؟
رودى ... تعبانة شكلها بردت
( يقوم كريم يطلع لجنى .. يلاقيها نايمة بس مفتحة عينها .. ينام جنبها وياخدها في حضنه .. تبتدى عنيها تدمع )
كريم ... والنبي متعيطى .. هاعيط انا كمان كدة
( جنى تمسح فى دموعها بس عمالة تنزل )
كريم ... انا اسف والله مكنتش اقصد الكلام الى قلته
جنى ... طب ليه قلته ؟
كريم ... مقدرتش امسك نفسي صراحة من ساعت مشوفتك ماسكة فيه
جنى ... والله كان هيغرقنى .. كنت ماسكة فيه عشان كدة مش اكتر 😖
كريم ... خلاص بقا المسامح كريم
جنى ... لا وانت ابو الكرم كله
كريم ... جبتلك الشوكلانة الى بتحبيها
جنى ... بجد ؟!!!!
كريم ... لا بهزر نسيت
جنى ... طب قوم من جنبي 😠
كريم ... واطية مستحملانى عشان الشوكلاتة .. امسكي
جنى ... ميرسي
كريم ... العفو ياختى .. يلا قومى نقعد تحت
( تقوم جنى مع كريم ينزلوا تحت )
رامى ... جنى انتى لسة زعلانة منى ؟
( جنى متردش عليه )
كريم ... ملكش كلام معاها اوك
حمو ... مخلصنا بقا انتوا عيال نكدية
كريم ... قوموا قوموا !!!!!!!
عمر ... في ايه ؟؟
كريم ... الولا الى اتعاركت معاه !!!!
حمو ... ماله ؟؟
كريم ... جاى علينا ومعاه ناس !!!!
عمر ... رامي خد البنات وابعد
رامي ... واسيبكم لوحدكوا !!!
( كريم يزعق في رامي )
كريم ... انت لسة هاترغي خدهم وامشي 😡
( يقوم رامي ياخد البنات ويبعد بيهم .. يقرب الشباب ع كريم عشان يضربوه .. يمسكوا في بعض .. الناس الي ع البحر تخاف وتمشي لان معظمهم اجانب .. في وسط الخناق والضرب والزحمة يطلع الشاب الى كريم كان ضاربه ماطوة من جيبة يضرب كريم بيها يفتحله بطنه .. كريم مش حاسس بحاجة ملهى فى العاركة ينسحبوا الشباب مرة واحدة ويمشوا .. تشوف جنى من بعيد دم ع تيشرت كريم .. تجري عليه )
جنى ... يا كرررررريم !!!!
( يبص كريم لجنى يلاقيها بتجري عليه مخضوضة يروحلها )
كريم ... خلاص مافيش حاجة
جنى ... انت متعور !!!
( يرفع كريم التيشرت يلاقي بطنه مفتوحة .. يغمى عليه ......... ينقلوه المستشفى .. يخدوه الدكاترة ع الطوارئ .. جنى ماسكة في ايد كريم وكريم ماسك فيها عمال يفتح ويقفل عينه .. جنى عمالة تدمع .. الكل مخضوض .. يدخلوا كريم ع اوضة العمليات .. جنى تسيب ايده وتقف باصة ع الباب )
الحلقة الرابعة
( بعد مرور ساعة )
غادة ... جنى .. تعالى اقعدى شوية
( جنى مبتردش واقفة بتبص من الباب سرحانة .. يقوم عمر )
عمر ... جنى ؟
جنى ... نعم ؟
عمر ... بقالك ساعة واقفة متعبتيش ؟
جنى ... خايفة .. انا خايفة 😥
عمر ... والله هايبقا كويس متقلقيش انتى بس
جنى ... لو حصلوا حاجة مش هسامح نفسي ابدا .. انا السبب
( عمر يحضن جنى )
جنى ... دة حتة منى يا عمر .. حتة منى 😩
( عمر يهدى جنى ويقعدها .. بعد شوية يطلع كريم من العمليات .. جنى تمسك ايده )
جنى ... سلامتك
( كريم يبص ل جنى ويبتسم .. يخدوه ع اوضته )
دلال ... سلامتك يا حبي .. منو لله الى كان السبب 😤
( جنى واقفة بعيد مخضوضة اول مرة تشوف كريم في الحالة دى )
كريم ... فين جنى ؟؟
( تقرب جنى ع كريم )
جنى ... انا هنا
( تمسك جنى ايد كريم .. دلال عمالة تتنفخ مضايقة من جنى )
كريم ... عمر ؟
عمر ... نعم ؟
كريم ... عاوز اروح .. كلملى الدكتور .. عاوز امشي
جنى ... طب اهدى واحنا هنروحك
عمر ... هاروح اسال الدكتور
( يمشي عمر ويرجع )
رامي ... عملت ايه ؟
عمر ... قالى مينفعش يمشي قبل بكرة .. خصوصا انوا لسة هيسافر احنا مش من هنا .. كدة خطر عليه
حمو ... يعنى عقدلنا ام الحكاية
رودى ... استحمل انهاردة يا كريم والصبح تمشي واحنا هانقعد معاك
( ييجى الدكتور )
الدكتور ... يلا عن اذنكم عاوز ابص ع المريض 😤
( يخرج الكل من الاوضة )
كريم ... دكتور مينفعش امشي ؟
الدكتور ... مش قبل بكرة
كريم ... مينفعش انهاردة ؟
الدكتور ... قلت مش قبل بكرة
( كريم بصوت واطى )
كريم ... ابو شكلك 😒
( يخرج الدكتور .. يقفوا يتكلموا معاه )
غادة ... هو ينفع نبات معاه ؟
الدكتور ... نبات !! هى ملاهي يا انسة دى مستشفى مش اكتر من اتنين .. عن اذنكم
( يمشي الدكتور )
حمو ... طب مين هيبات بقا ؟
رامي ... نعمل قرعة
جنى ... ولا قرعة ولا بشعر .. الشباب كلهم هيروحوا عشان لو حصل اى حاجة ميبقاش البنات لوحدهم .. انا هاقعد معاه ورودى هاتروح معاكم تجيبلوا هدوم تيجي عشان لما نخرج بكرة
دلال ... واشمعنا رودى بقا مقعدش انا كمان ليه ؟
جنى ... حبيبتى زى مسمعتى الدكتور دى مش ملاهي مش هنلم احنا .. وانتى غلط ع صحته اصلا .. يلا بقا اتكلوا الوقت اتاخر
( يمشي الكل .. جنى تدخل لكريم )
جنى ... افرح هبات معاك انا ورودى
كريم ... لا بجد !!
جنى ... اها .. هى راحت تجيبلك هدوم وراجعة
كريم ... طب انا عاوز اقعد .. مش مرتاح كدة
جنى ... حاضر
( تقوم جنى تقعد كريم وتظبطله السرير .. بعد شوية توصل رودى )
رودى ... انا جيت
جنى ... جبتى الهدوم
جنى ... اها جبتها
كريم ... انتوا مش هتناموا الساعة بقت 3
جنى ... نام انت متشغلش دماغك بينا
رودى ... انا عن نفسي مبنمش دلوقتى نامى انتى يا جنى ع الكنبة وانا هاقعد ع الكرسي
جنى ... طب لما تعوزى تنامى صحينى نبدل
رودى ... اوك
( تقرب جنى ع كريم تحط ايدها ع دماغه )
جنى ... لو عوزت اي حاجة انده عليا اوك
كريم ... حاضر
( جنى تبوس دماغ كريم وتروح تنام وينام كريم .. رودى قاعدة ع الكرسي بتقرا كتاب .. بعد شوية .. يصحى كريم .. يبص ع جنى يلاقيها نايمة .. رودى قاعدة )
رودى ...ملاك وهي نايمة
كريم ... حتى وهي صاحية
رودى ... بتحبها يا كريم ؟
كريم ... اكتر من نفسي
رودى ... تعرف انا قربت منك ليه ؟
كريم ... ليه ؟
رودى ... مش عشان ابقى حبيبتك وكدة لا .. عشان حبيت ابقى زيها صاحبة جدعة بتحبك زي عنيها .. بتشيل همك قبلك .. خسرت ناس كتير بسببك وناس كرهتها بردوا بسببك .. بس هى مهتمتش بحد غيرك .. انا اوقات بستغرب انتوا ازاى صحاب .. ليه مش حبايب ؟!!!
كريم ... حبايب ؟!!
رودى ... ايوة ..مافيش صحاب بيعملوا مع بعض الى انتوا بتعملوه ولا بيبقوا قريبين اوى كدة .. انت فاكرنا مش ملاحظين ولا ايه ؟
كريم ... ملاحظين ايه ؟
رودى ... انت كنت هاتنفجر يا كريم لما رامي هزر مع جنى فى الماية لدرجة انك مشيت عشان ميبنش عليك بس كان باين اوى .. حتى هى ساعات بلاحظ انها مش بطيق دلال ودايما بتكلمها بتحفظ
كريم ... عادى يعنى 😒
رودى ... لا مش عادى مافيش غيرة بين الصحاب
كريم ... بس احنا صحاب يا رودى مش اكتر
رودى ...انتوا اتعودتوا ع بعض ك صحاب لدرجة انى لما الصحوبية اتحولت لحب مختوش بالكم
كريم ... رودى بالله عليكى مدخلنيش في حوارات انا مش قدها وتكبري حاجات في دماغي .. انا اتعودت عليها كدة زى مهي 😞
رودى ... ماشي يا كريم افضلوا انتوا اضحكوا ع نفسيكوا كتير .. اكسكيوزمى بقا هاروح التواليت ✋
كريم ... اكسكيوزمك معاكي 😒
( تقوم رودى .. جنى فاضلها حبة وهاتقع من ع الكنبة )
كريم ... جنى .. اتعدلى هاتقعي
( جنى رايحة في النوم خلاص هاتقع في الارض .. يقوم كريم من ع السرير بسرعة يزقها لجوة .. تصحى جنى .. كريم قاعد جنبها في الارض )
جنى ... في ايه ؟!!!
كريم ... ااااااه 😖
جنى ... مالك .. ايه الى جابك في الارض ؟!!!!
كريم ... كنتى هاتقعي لحقتك
جنى ... يا لهوى مكنت سبتنى اقع .. قمت ليه بس
( جنى تسند كريم وترجعه ع السرير )
كريم ... ااااه .. لا مش قادر ✋
جنى ... ليه تقوم بس كنت ندهت عليا طيب ولا سيبتنى مش مهم
كريم ... ندهت عليكى انتى الى نومك تقيل
جنى ... طب حاسس بايه ؟؟
كريم ... هابقا كويس .. روحى كملى نوم
جنى ... لا انا مش هنام تانى خلاص 😰
كريم ... انا كويس والله هنام انا كمان
( تدخل رودى )
رودى ... كويس انك صحينى انا هموت وانام
( تروح رودى تنام ع الكنبة .. جنى قاعدة ع الكرسي جنب كريم .. كريم يضير وشه وينام هاموت من الالم .. يطلع الصبح .. تقوم جنى و رودى .. كريم نايم )
رودى ... انا هاروح الشقة اغير هدومى وهابقا ارجع معاهم اوك
جنى ... ماشي قوليلهم ميتاخروش عشان كريم ع اخره
رودى ... حاضر ماشي
( تمشي رودى .. يمر ساعتين .. جنى تصحكى كريم )
جنى ... كريم .. اصحى عشان هانمشي
( يصحى كريم تعبان اوى )
جنى ... انت كويس
كريم ... اه كويس 😔
جنى ... طب معلش قوم معايا عشان تلبس هما جايين في الطريق
كريم ... حاضر
( يقوم كريم جنى تساعده فى لبس هدومه .. يوصل صحابهم .. الشباب شكلهم متبهدل )
كريم ... ايه مالكم ؟
جنى ... حصل ايه ؟!!!!
عمر ... كارثة !!!!
كريم ... كنتوا بتصلحوا عربيات ولا ايه ؟!!!
حمو ... العربيات كلها العجل بتاعها متقطع
عمر ... بقالنا ساعة عمالين نجيبهم يمين شمال الكوتش متهلهل مش نافع
كريم ... طب متودوهم عند اي ميكانيكى
رامي ... منعرفش حد هنا وسالنا محدش يعرف بردوا
عمر ... احنا مقصودين ع فكرة شكل العيال بتوع العاركة مش هيجبوها لبر 😠
جنى ... يعنى مش هنروح ولا ايه ؟